وجـــــدان & فـــتـــون (صداق غير طبيعيه)

فتون كانت تكلم خالد
فتون:وحشتني حبيبي
خالد:والله انتي يادلوعه وحشتيني..بس قوليلي كيف الدراسه معك؟
فتون:من جنبها.
خالد:لا ياحبيتي ابيك تشدين حيلك وتتخرجين عشان تدخلين الجامعه ونتزوج.
فتون:نتزوج؟
خالد:ايه ليش مستغربه؟
فتون:لا بس تتوقع أهلنا بيوافقون؟
خالد:وليش مايوافقون..المهم لاتشغلين بالك بهالافكار انتي انجحي ويصير خير..
فتون(إن شاء الله))

**********************************
وجدان:لالالا..انا ماأقدر الويك اند هذا مجتمعين ببيت عمي..
رائد:طيب متى أشوفك؟؟
مو معقوله يا (سارا) لي 3شهور معك ولو لقيتك بالشارع ماعرفتك
وجدان:خلاص قريب إن شاء الله
رائد:نشوف..

**********************************
يوم الخميس الساعه 8مساء
فتون في بيت وجدان..
فتون بالمجلس ومعها أم وجدان..خالد يناظر في فتون من الباب (السحاب) اللي بين المجلس والمقلط (بدون ماتدري)
فتون وقتها كان شعرها لتحت كتفها بشوي..وصابغته بني ومخصله بثلجي..وكانت مطيحته على كتفها..
ولابسه تنور قصيرة (اسود) وبدي ستان (بينك)..وحاطه ميك آب ناعم
خالد طاح ورى الباباووووووووووف) والله قمر بس عالارض..اش الجمال والنعومه هذي؟
دخلت وجدان وسلمت على فتون..
وبعد ساعه مابقى أحد بالبيت..
أبو وجدان (بالإستراحه)
أم وجدان (عند الجيران)
خالد (مع الشباب..بس باله مع فتون)
فتون:جوجو إش رايك نروح (ندج)
وجدان:والله وين؟وكيف؟
فتون:أي مكان..أقرب شيء (الفيصليه)
وجدان:يالله بس في أقل من ساعه عشان مايرجعون أهلي ومايلاقوني.
دخلوا الغرفه وسووا ميك آب شوي ثقيل للعين..وطقوا (البراقع)
ركبو أول ليموزين
دخلوا الفيصليه وأخذوا لفه بكل دور
بعدين عطشت وجدان..أخذوا بيبسي ومن اهتمامهم بالوقت شربوا البيبسي وهم يمشون..
كانوا بقمة سعادتهم بالرغم من خوفهم من أهلهم
فتون:أقول ماكأنك أخذتي وجه؟يالله مشينا
وجدان:فوفو شوفي هذاك الحلو
فتون:أي حلو.لايكون قصدك هذا اللي فيه علاقات بأسنانه.
وجدان:ايه ايه أبو علاقات
فتون:إش فيه؟
وجدان:أبي رقمه
فتون:الله ياخذ هـ (السحنه)..أقو أمشي لانقابل خالد وقتها بتعرفين طعم العلاقات على ظهرك من جد..
رجعوا للبيت..وقابلتهم أم وجدان..
بس صرفوا الموضوع بإنهم راحو يجيبون ملازم الفيزياء لوجدان من عند هدى..
(أبو البكش أصلاً هدى باقي بأولى ثانوي..مانجحت معهم)
عدت السالفه..بس للبنات ماعدت قعدوا أسبوع كل مايتذكرون يموتون ضحك

**********************************
خلصت السنه وجات (ثالث ثانوي)
أفترقوا فيها البنات..لأن وجدان طلعت وراحت لمدرسه ثانيه..
بيوم من الأيام جاء إزعاج على بيت (فتون)
شخص يدق ويطلب فتون بالأسم..
تكرر الإزعاج من نفس الشخص..والمشكله يدق من (كابينة إتصالات) يعني مافي أمل تعرف مين..
فتون طفشت وماصارت متحمله الوضع..وخافت يرد على هالشخص أبوها ولاأخوها (كان يدفنوها حيه)
سألت خالد مع إنها واثقه إنه موب هو..
سألت صحباتها الجدد (هيفاء-مها-غدير) كلهم قالوا موب هم..
فتون شكت أكثر شيء بـ مها..لأنها دايم تغار من فتون على قولتهم:تدس لها السم بكاسها..
الكل أكتفى بقولة:لا مو أنا والله
بس مها ماأكتفت وزعلت وقالت لـ هيفاء:إذا أنتوا رضيتوا بشك فتون فيكم أنا ماأرضى..أصلاً من تكون هي؟آخر همي عشان أرسل عيال عشان يدقون عليها..
هيفاء:ردة فعل فتون طبيعيه يا مها..البنت شكت حتى بنفسها
فتون شكت بالكل..بس ماشكت بوجدان أبد..بس هذا مايمنع إنها تسألها (مجرد سؤال)
فتون:وجدان قاعد يجينا إزعاج عالبيت..واحد يدق ويقول فتون موجوده..
وجدان:ايش..يقول إسمك بعد؟
فتون:اي والله
وجدان:الله لايوفقهم (عيال.....)
فتون:وجدان يعني أنتي ماأرسلتي عيال علي؟
وجدان بصدمه قوية:أنا؟ أنتي من جدك أنا أرسل عيال عليك..أنا أعتبرك أختي في وحده تضر أختها
أنا ماأدري كيف فكرتي فيني كذا..أنا لي معك عشرة 3 سنوات ترا موب هينه..روحي شكي في صديقاتك اللي مالهم معك شهرين..
وجدان مصدومه من شك فتون فيها..
وفتون مصدومه من نفسها كيف تشك بـ وجدان..

********************************************



إنـــــــــــتــــــــــــــــظروا الـــــــــــــجـــــــــزء الآخــــــــــــــيــــــــــــر

الموضوع الاصلي  من روعة الكون