ترا اللي يكذب يدخل النار

ترى الكذاب يروح النار

على ذاك الرصيف اسهر وأنادي بكل الجنون القار

اكلم شارع خالي سواد من سواد الليل

ترى ماهو فلسفه ولا بقلبي قلت الأشعار

ولكن واقعي يفرض علي اكتب بلا تعديل

انا راح العقل مني وعندي للجنون اعذار

معاناتي اذا بوصف يفوق الو صف والتعليل

من اللي قد وقف مثلي يواجه الاقدار

رضى يبقى ويتحمل عشر اظعاف همه يشيل

من اللي ثبت اقدامه يقاوم شده التيار

ويعرف ان النخل وهو النخل راح وجرفه السيل

من اللي حب له طفل وحلم من يوم كانو صغار


يتوج حبه بفرحه وامه تحضنه بتهليل

يمر الوقت وسنينه تمر ويستوون كبار

ويتغرب لجل حلمه يسابق كل شباب الجيل

ويرجع رافع راسه بعد ماصار هو الطيار

ويبقى حلمه الوردي زفاف يرفض التأجيل

يحبها يقول حان الوقت تعالي نكشف الأسرار

طفح كيل الصبر ماعاد في صبري وصبرك كيل

ويذكرها بوقت صار مع مرا لزمن تذكار

بأيام الطفوله يوم يغرقها غلا وتدليل

يمازحها وتردد له (((ترى الكذاب يروح النار))

وتدمع عينهم الاثنين ويهلوون الدمع مدرار

ترى الذكرى ولوحلوه طواريها تهد الحيل

وتسرح في وسط عينه ... تفكر ..ترتجف ..تحتاار.. يسألها عسى ماشر..

يطيح من ايدها المنديل

وتنزل عالركب وتقول تسامحني على اللي صار حشى والله ماخنتك ولكنه حصل تبديل


تراها غيبتك طالت وتدري وقتنا غدار

كبرت وخفت تتأخر وخير البر بالتعجيل

ويشهق يلمح الخاتم يحس القاع تحته دار

ولا يستوعب الموقف بليا شرح او تحليل
يسود الصمت ولاكلمه ونظره كلها استنكار

شلل صاب اللسان وصاب كفين العتب تكبيل

دقيقه تمر.. طعمها مر...نهاية عمر ..موت ازهار

خسارة حب ضياع بدرب نار تشب عذاب وويل

ويسرح بفكره ويقول لو بعيده يهون لكن كيف بنت الجار

ويكسر صمته بصرخه تعدت في مداها سهيل

ويفقد وعيه وينزل على قاع الثرى منهار

مصيبه كيف يتحمل ترى مابالأمر تسهيل

مابينه وبين غرفتها سوى ممر ونخله وجدار

وهذا اللي يعذبه ويزود طينه بتبليل

يشوف اللي سرق عمره سكن وياها الدار

غدى جار وله حق نزل في محكم التنزيل

ويتخيله يغازلها ويقول انه عليها يغار

يناظر دارها وفكره ورى ذيك الستاير حار

وشباك الهوى عتمه بعد مازادوا التظليل

يقرر زوجها يبني ويرفع مستوى الاسوار

ويتصرف على كيفه عنده منهم التوكيل

ومكسور الجناح اللي بلا ذنب يذوق امرار

يصارع حسرته ويبحر بعد ذيك الهزيمه ذيل

يفكر كيف طاوعها الضمير تكون شي ضار

بعد ماكانت لعمره عمر يحسب مداه طويل

خذت مابقى منه ومن عقله خذت الافكار

عطت بروازه لغيره وخلت في الحشا مسمار

واخر كلمه قالتها::

ما ابيك تعيل

ورد بكل غضب يسأل؟؟

تحسبيني من أهل الثار ؟؟؟!!

أنا وقتي غدى ملكي ولا يتحمل التعطيل

وداع الله وإذا بعدك مرض إيماني العطار

أنا لي رب مايهمل بقراء كتابه بترتيل

وإذا كانت مسافات المنازل بيننا أشبار

لخليها سفر أيام وأساوي كل شبر ميل

وإذا قالوا علي مجنون أو ملبوس أو صابه زار

لناجي شارع خالي لوحده في توالي الليل

بقول أنا المجنون ارحم كتبت من الجنون أشعار

وصدق شعري يتحدى الذي قال الشعر تمثيل

وأعيش العمر ارددها \ترى الكذاب يرو النار \

براءة كانت الجملة ولكنه حصل تبديل

حكاية عمري من يوم الطفولة لين صرنا أكبار

في هذي الصفحة شفتوها وعايشتوها بالتفصيل

أبي شخص ينورني ومن أبياتي بس يختار
اخوكم( لاواحسايف)

الموضوع الاصلي  من روعة الكون