بسم الله الرحمن الرحيم
يا خوي دنياك مـا تتـرك مشاكلهـا
في كل ساعه تزيـد ولا لهـا داعـي
إن جيـت أعلـل بلاويـهـا وأحللها
تشتت والهمـوم اشكـال وانواعـي
إليا تفكرت فيها قلـت مـا اهبلهـا
وإليا تفكـرت فينـا زادت اوجاعـي
لو جيت احاول مع الميـلات اعدلهـا
تصير مثل الهبوب وتخلف اشراعـي
ما اخبلك يا اللي مع دنياك تجهلهـا
الصبح غير المساء والوقت مرياعي
لو استقرت ثـلاث ايـام بـا كملهـا
تقلب كما الذيب في ليله ليا جاعـي
تعـال خـل المشاكـل لا تخايلـهـا
وتصير مثل الجبل خطرٍ على الراعي
إن كان لي زلةٍ فـا القلـب شايلهـا
عز الله إن الفراق اقرب من اذراعـي
لا لا تشيـل المشاكـل واتحايلـهـا
أحيان تجلب من الأغـراب فزاعـي
النفس للشر تمشـي فـي حبايلهـا
لا قادهـا ابليـس نزعهـا تنزاعـي
العين بعض العرب لا جـاء يكحلهـا
سبب لها بالعمـى وابليـس بتاعـي
أبواب كـل المشاكـل قـوم قفلهـا
خل الزعل ما يفيد الراشـد الواعـي
ادمح لي الزلة اللـي كنـت فاعلهـا
وانا بعد بأدفـن الـزلات بالقاعـي
تعـال صـف القلـوب ولا تزعلهـا
عطني يمينك وعهد الحب ما ضاعـي
النفس تحتاج عزم وبـأس يصقلهـا
يا خوك لا ترتخي وتصيـر سماعـي
لا ترخي اذنك عن الـزلات عطلهـا
اعرض عن النمه اللي سوقها ذاعـي
واحذر من الوسوسه نفسك تشكلهـا
والظن سوءٍ على من كـان تباعـي
هاذي رساله وفكـر فـي معاقلهـا
واحذر من اللي مع الشيطان منصاعي
الناس يا خوك يـا مكثـر مشاكلهـا
بعض المشاكل فراق ولا لها داعـي
منقوولـ,. لعيونكمـ,.
!! روعتي بكلمتي!!
الموضوع الاصلي
من روعة الكون
آخر 10 مشاركات
17-12-2007, 06:12
]
العرض العادي
