من وين جيت وين صرت وكيف قلبي فيك ذاب
فجأه لقيتك داخلي بالله قل من وين جيت
معروف قلبي عادته يلعب ولكن معك تاب
مافيه داعي للعب ما دام للقمه رقيت
يالي مرشح يالغلاء في داخلي دون انتخاب
الصيت صيتك ياغلاي وما بعد هصيت صيت
الظاهر أنك لو طرحت أسهم لحبك بكتتاب
تداولو هناس عشقك ثم بنو بالبنك بيت
وانتظرو الفايض يجيهم لكتمل حد النصاب
تقول كنه بيتكم صاير علىاول ستريت
تذكر سعد علوش يومنه قصد بالانسكاب
كل ما ذكرتك قمت أردد هلقصيده بيت بيت
مقارنة غير معك تعرف لظلم المهاب
الظلم اني ألتفت للغير ما دامك لفيت
تتوقع أن المرسدس ممكن نقارنها بساب
بعني على ذا الحال ممكن نقلب الكزز ونايت
أدوخ لا شفتك وكني في المشي لاعب مصاب
تتلخبط الخطوه معي احس كني ما مشيت
ون شفت زولك فرحتي توصل الا حد السحاب
كنك هدف من راس ماجد وداخل بمرمى الكويت
ما اعرف أنا تموز أو تشرين ومدري ويش أب
أعرف أني سادس العيد التقيتك ثم بديت
بديت مشوار المحبه والسعاده والعذاب
تخالطة عندي المشاعر في غرامك وأهتنيت
حسستني طعم انتصاري بالذهاب وبالأياب
علمتني أجمع نقاط الفوز وأوصل استريت
ياتوبت(ن) بكل محطه من محطات الشباب
ياذوق يارقه يراقي يامعاني الاتكيت
أصيل والجسمي ورابح ودندنة وشعري مجاب
أحلى أغاني غنية لجلك وأنا لجلك هويت
اسست في بالي دفاتر شعر وبقلبي كتاب
لولاك بعد الله نساني الشعر والا أنا نسيت
كلمات الشاعر المتااالق
(((( فيصل الياامي ))))
الموضوع الاصلي
من روعة الكون
آخر 10 مشاركات
18-12-2007, 03:18
::::::::: من وين جيت ::::::::::::
العرض العادي
