ممكن آخد رأيكم أنا محتارة و محبطة

أنا مش عارفة أعمل ايه لما أخيرا لقيت واحد مناسب طلع مسيحى ساعتها تعبت أوى وخدت وقت كتير عشان أنساه...ده أنا حتى سبت مكان الشغل ...المهم...قابلت واحد كويس أوى وأنا عارفة انه خاطب محطتوش فدماغى طبعا واتعاملت معاه عادى..كان هو الوحيد فالشغل اللى بيشجعنى ويقف معايا ويساعدنى لأنى كنت منعزلة و تقريبل مقاطعة النلس كلها وبعدت عن أصحابى لأن أنا أصلآ متضايقة من حاجات كتير وحكاية الدكتور المسيحى زادت وغطت..فكنت مدبرسة عاللآخر المهم..حسيت انى بدأت اتحسن وبقيت أهتم بنفسى وأشتغل أحسن..وبقيت أحس ان أنا عاوزة أشوفة كتير لأنى بقيت أحضر معاه على طول..ولما مشفهوش أتضايق ..و بقيت مش عاوزة أشتغل مع حد غيره ولما أى حد يحاول يقرب منى و يكلمنى ..أصده بحدة فورا..قعدت أسأل نفسى..لقيت نفسى بحبه!!قلت لنفسى لأ!!اازاى؟؟؟انتى بتستهبلى؟؟؟مش معقول؟؟!!لأن أنا عارفة من الأول انه مينفعش!!و كنت بتعامل عادى جدا وهو كمان!!يبقى ايه؟؟ألاقى نفسى تلقائى بفكر فيه وبدور عليه!!!أنا متضايقة من نفسى انى بقيت ضعيفة لدرجة انى مبقتش عارفة أسيطر على مشاعرى!!أنا مكنتش كدة أبدا وأنا فى سن أصغر من كده بكتيير!!انا بقيت خايفة من نفسى انى أعمل حاجة غبية أو اقله حاجة..أنا خلاص..مش عايزة أتعامل مع ناس تانى...مفيش أصحاب مخلصين ولا عمرى حلاقى اللى فخيالى لأنه ببساطة مش موجود فى الواقع مفيش مدينة فاضلة..طول عمرى خيالية...يا خسارة!!

الموضوع الاصلي  من روعة الكون