جالس والفكر مشغوول

جالس مع ( الطلاب ) والفكر مشغول
( والدرس ) راحت حصته ما شرحته
سارح خيال وداخلن جو مجهول
شارد فكر والوقت عندي هدرته
وجاني حدى ( الطلاب ) بيديه ( كشكول )
يقول والله ( واجبي ) ما عرفته
أعطيت له ( بسمه ) على غير مدلول
وأخذت ( أحل الواجب ) اللي ذكرته
رسمت له ( ورده ) على شكل معقول
بيد ( الفتاه ) اللي عشقني وعشقته
رسمتها ( شمسٍ ) بها الدفء محمول
تقطف من البستان وردٍ زرعته
من غيرها بالكون يا ناس باقول
يا عشقي اللي بين هالناس نلته
( وصحاني الطالب ) من الفكر ويقول
( أستاذ ) ما هو درسي اللي درسته
درسٍ درسته به ( تضاريس وسهول)
ماهي ( بحورية ) بدفتر رسمته
وصحيت من حلماً بها خير مجمول
من ( طالب )هز الفؤاد وضربته
ما كنت أحسبي بين ( طلاب وفصول )
كنت أحسبني معه أنا يوم شفته


8_8

بنت العلي

الموضوع الاصلي  من روعة الكون