كونو سفراء للدين والوطن

بسم الله الرحمن الرحيم
السلام عليكم



الكل يعرف حنا على ابواب الاجازه الصيفبه
والكل يجهز نفسه ويسوي له برنامج لسفر وسياحه


احبيت اتكلم عن موضوع السفر وبذات (السفر للخارج)


خطابي هنا موجه للشباب

ياريت تكونو سفراء لبلدكم ودينكم


الكل يعرف الشخصيه السعوديه
لها تركيبه خاصه وعتقادات ايضا خاصه

الكل يعرف ان الغالب على الشخصيه السعوديه انها شخصيه تحب المظاهر وللأسف خليني اقول المظاهر الكذابه

بما ان خطابي موج للشباب
اغلبية الشباب السعودي يحب المظاهر
سوى بالخارج او الداخل

حبيت اناقش معكم( الشاب السعودي في الخارج)
حبايبي انا ما اتكلم عن وجهة نظر خاصه او اعتقاد خاص فيني
انا راح اتكلم عن تجارب عشتها بنفسي
للآسف الشاب السعودي اذا سافر للخارج يكون سفير سيء سيء سيء جدا جدا
احترامي لكم



من منكم زار فرنساء؟
راح اتشوفو شارع الشانزلزيه طبعن هاشارع من اشهر شوارع اوروبا وليس باريس فقط
راح اتشوف لللآسف الشاب الخليجي وخاصه السعودي
مسوين سرك هنا
وياليته سرك يعكس ثقافه او ابداع
تدرون وش السرك هذا
سرك غباء(مظاهر وفخفخه) يبي يبينون للعالم الغربي ان عندهم فلوس وانهم قادرين على كل شي
لللآسف تعالو وشوفو الشخص الي يتظاهر بشانزليزيه او الهايد بارك

تعالو شوفو عيشته بسعوديه صدقوني اذا شفتو ما تصدقو
تلقونه مستلف علشان يفخفخ هناك
الشباب اذا شفتهم هناك يوحي لك انه عايش بسعوديه بقصر وخدم وحشم
اذا شفت الواقع تلقاه ماعنده بيت او عايش بجار او بيت مستور
وسياره الي يطامر فيها بشانزليزيه او بضواحي سويسرا تلقاه مستعيره
او تلقا بايع ما وراه ودونه علشان يشحن السياره
والله اني اعرف واحد راح لبريطانياء علشان الدراسه جلس فيها كم شهر
تدرون وش سوى
باع كل الي عنده
علشان يشتري سياره يتظاهر فيها هناك
وتدرون يوم رجع كان يروح ويجي على سيارة واحد من العمال يعني قرقعانه الشرطه كل يوم ما سكينه علشان ما فيه لوحه خلفيه
لان السياره منتهيه ولا فيه مكان يحط الوحه الخلفيه فيه
قلتلكم خلاص منتهيه
بذمتكم هذا تصرف طبيعي
لا ولا انتهت على كذا
اتصور يباشر على الي تعرف عليهم هناك من الغربيين بلخمر كل واحد يشتري له قارورة خمر من ارقى انواع الخمر هناك
يعني ماتذكر حديث الرسول الي يقول فيما معناه(ان الله لعن شارب الخمر وعاصره وبايعه وشاريه)
بس المظاهر خلته ينسى دينه
راح هناك على اساس انه يدرس الغه
لاكن والله يوم رجع ما عنده ماعند جدتي يعني(تيتي تيتي مثل مارحتي جيتي)
اكيد هور رايح للدراسه هو رايح للفخفخه الله يرحم حاله
الهم اني ذاكره مو شامته
وهذا حال كثير من الشباب الي راح لدراسه
على فكره ترا الحكومه عارفه الشي هذا
تدري ان الشاب السعودي بعضهم مو كفو حق البعثات
انا اقول البعض مو الكل
تدرون وش تسوي؟
تراقب درجات المبتعثين هناك
الي يجيب اقل ترجعه
تدري انه جالس يلعب ومقضي وقته بنوادي اليليه

للاسف شوهو صورت الاسلام والوطن

انتم عارفين ليش الحكومة التيلنديه مانعه السائح السعودي؟
ماله داعي اذكر السبب
لانه بصراحه مايذكر عيب عييييييييييييب اذكره


يوووووووووووووووووووو بنسبه للمغازل والتحرش هناك يووووووووووو حدث ولا حرج
مع احترامي للكل
الغزل صار ملازم الرجل السعودي مثل ماهي ملازمته الغتره والعقال
اقصد كا زي رسمي
اقول الو يلبس الزي الرسمي في سفاراته كان يعقل
تدرون ليش
لان العقال حاطه فوق راسه..يعقله



في الاخير اتمنى للجميع الهدايه
وسفر سعيد وممتع
وملي بما هو نافع
تحياتي

الموضوع الاصلي  من روعة الكون