وان كان لك غيري من الناس معشوق ...!!

بيحت سـدي وانفتـح كـل صنـدوق
ياجعـل مـا كـل العواقـب وخيمـه

ارقى من الضيقه على كـل شاهـوق
واهيـم لا هـب النسيـم بنسيـمـه

البارحه يـوم السمـا غيـم وبـروق
شديت فـي قلـب الحزيـن العزيمـه

لاثـارت احزانـي وجريـت طـاروق
ياتيك من وسـط الضمايـر هشيمـه

ببيات شعرن ترجمـة كـل معلـوق
رشـة علـى ظلـم المحبيـن ديمـه

اتعبتني يـا مدعـي الحـب والـذوق
وانتا حبيـب القلـب منتـا خصيمـه

برفوق لا تطغي على القلـب برفـوق
مافاختـت طعنـات صـدك صميمـه

يوم الغلا مـن بيننـا عهـد ووثـوق
حطيتلـك بيـن المعالـيـق قيـمـه

يا كيف انا بسـلا مـن الهـم واروق
دامـك تجـدد بـي جروحـن قديمـه

لا تعتـذر ماللعـذر منـك منطـوق
وصدن بدون اسباب ظلـم وجريمـه

لوك تحس اللي انـا احـس وتـذوق
مر الزمـان وراس رمـح الظليمـه

ابصم بفعلك بالعشر منـت مسبـوق
وينك مـن بنـود الغـرام العظيمـه

اسج رجلي ضايق الصـدر مخنـوق
اضحك واجامـل والهواجـس مقيمـه

سخرت لك مشاعـرن كلهـا شـوق
وتمطر عليك مـن المعاليـق غيمـه

ناظر مكانك بيـن الاظـلاع مفتـوق
باسبـاب هجـران النديـم لنديـمـه

حتى غدى قلبي من البعـد محـروق
ما اشفاه عقبك فـي الغناديـر ريمـه

ابعترف لك والحكي صـدق موثـوق
ماعـاد بالدنيـا قلـوبـن رحيـمـه

دام المحبـه كلهـا حـق وحـقـوق
حقـي تعالجنـي جروحـن سقيمـه

وان جيتني ندمان دمعك مـلا المـوق
مافيـه داعـي تعتبرهـاا هزيـمـه

يا مرحبا فالحب يـا اعـز مخلـوق
تشفعلـك ايـام الـغـرام اليتيـمـه

وان كان لك غيري من الناس معشوق
عفتك ولـو ان الخسايـر جسيمـه !

الموضوع الاصلي  من روعة الكون