ماعاد نبغـى فـي الرواتـب زيـاده ......!!!

بسم الله الرحمن الرحيم


قصيده للشاعر / فهد الاشجعي


الراس صاير فيـه ورشـة حـداده
قام يتحلل فيـه مسمـار ...مســـمـــار

قلت الركـاده ميـر ويـن الركـاده
كنّي مع الحجاج في رمـي الاجمــــار

من عقـب ماجانـا قـرار الزيـاده
من مجلس اهل الجود وافين الاشبار

كـلٍ مـن الفرحـة بيقـدح زنـاده
جبنا القروض نضارب السوق وانهـار

وجينا نبي بـس الرجـا والهـواده
والله وكيلك شبّت اسعارنا .. نـاااااار

والراتـب الماخـوذ جتـه القـراده
ماينزل الا..صافقه مثـل الاعــــصـار

فاتـورة الهاتـف وعاجـل سـداده
والقرض والكهرب وتسديد الايـجـار

والتاجـر المليـان جـاب الوسـاده
يبــــي يوصّـل راس مالـــه لمـلـيـار

والا المواطن صارسهل اصطياده
جته الهوامير بوسَط غـب الابحار

واصبح نهار وليـل وسـط العيـاده
مابين طب الراس والقلـب وشهـار

يامـن يوصّـل كــلمتـي للقـيـاده
لـلحاكـم المحبــوب والوالـــد البـــــار

ماعاد نبغـى فـي الرواتـب زيـاده
الـلي نـبـيـه اليوم تخفيـض الاسعـار

وسلامتكم

الموضوع الاصلي  من روعة الكون