في بدايات النهايه ينتحر بوح الكلام

وش تبينا ياهجوس الشعر بالله نبتديبه
ـــــــــــــــــــــــــ في بدايات النهايه ينتحر بوح الكلام
.

يصبح المنفا بعيد وتصبح السكه كئيبه
ـــــــــــــــــــــــــ ولا لي الا نار شوقي في دهاليز الظلام
.

اوقد من الشوق ضوي لين يحرقني لهيبه
ـــــــــــــــــــــــــ شمعة ٍ لك تحترق من شوقها حب وغرام
.
ماحسبت الا الفراق الله عسى ربي حسيبه
ـــــــــــــــــــــــــ وماشكيت الا الوجود اللي بدا يصبح عدام
.
استلذي ياجروحي دام قلبي ذا نصيبه
ـــــــــــــــــــــــــ ايه سوي ماتبينه .. خلي اضلوعي حطام
.
واستفيضي يادموع العين من هول المصيبه
ـــــــــــــــــــــــــ واستهلي فوق خدي.. مثل همال الغمام
.
والله اني لو بكيت فراقها ماهي غريبه
ـــــــــــــــــــــــــ دام دمع العين فيها.. من يقول انه حرام ؟
.
الحرام افراق بعد الحب محبوب لحبيبه
ـــــــــــــــــــــــــ لاتذكر ماضي الايام.. مع ذكراه هام
.
والله ان الشوق فيني شيب رموشي نحيبه
ـــــــــــــــــــــــــ وش دوا العين الحزينه دام عنها النوم صاام
.
وين انا والنوم وينه.. ياعسى ربي يجيبه
ـــــــــــــــــــــــــ كل ماغمضت عيني صاح جفني لاتنام
.
الحزن سلطان في عمري وله قدرٍ وهيبه
ـــــــــــــــــــــــــ والسعاده في حياتي مالها قدر ومقام
بقللم رحاال

الموضوع الاصلي  من روعة الكون