فضيحتــي باستــديو الاوتــــار الذهبيـــــه...

الســــلام عليكم ..


وصبح صبح يا عــم الحــج


قبل كل شي كل عام وانتم بخير ’’ وعيدكم مباركــ بعــد الزحمــه


والله يتقبل منا ومنك صالح الاعمــال ’’

وش اخبــار العيــد معــكم ’’ اكيــد بســط وونــاســه ’’

يا حووبي للخرفــان هالعيــد قصمن انواع الفــله اللي شرينــاهم تشوف بعيونهم نظــرات البــرائــه

عاد انا تعرفوني ما عندي يمه ارحميني يد ماسك السكيــن ويــد راس الخروف وشيل وحط بالحوش ’’

والله اني ما اذبــح دجــاجــه

المعهم ندخــل بصــلب الموضوع

بذكر لكم موقــف صار علي برمضان اللي راح ’’



عاد انا بقولكم قصتي وش صار من طق طق الى السلام عليــكم ..>> انواع الاكـــشن ...

طبعا هي فضيحـــه تسجل بالتـــاريــخ ^_^

والان كل واحد يركــز معي ويقول بسم الله ..

قصتي هي ..



هي فضيحتي باستديو الاوتار الذهبيــه لشقق المفروشه

طبعا انا معي ولد خالي واخوي واثنين من العيال نعرفهم ..

دق علينا الشاعر تركي المشيقــح اذا كان فيه احد يعرفــه ..

المهم فيه مهرجان بالقصيم بالعيد وراح يحضرهــ امير القصيم ..

وراح يكون هناك قصايد وشيلات ترحيبيه بالاميــر ..

عاد لابد هالقصايد والشيلات تكون بالاساس مسجله وجاهزهــ من قبل ..

واختارونا حنا الخمسه اللي ذكرتهم نروح ونسجل هالقصايد .. طبعا القصايد جاهزهــ وكل معه ورقــه وحافظ دورهــ وحفظ كل شي ..

اول شي دخلنا هالاستديو تقريبا على الساعه 10 ونص .. عاد انا اول مره بحياتي ادخل استديو كبير ..

متعود على تسجيلات تبيع اشرطه وتخب علي ..

هالاستديو خالد عبدالرحمن يسجــل اغانيه فيــه .. يعني متطور لاخر درجــه ..

دخلنا وجلس المصري يشرح علينا وفجر روسنا وانا كل ما قالي مفهوم يا سيد مشاري قلت مفهوم ..

المهم قال لازم بروفــه .. دخلنا وكل واحد حاط هالسماعات وجلسنا نردد القصايد بعد الشاعر ,, طبعا كمجموعه وحدهــ .. وبالبدايه فضايح واحد متقدم بالصوت وواحد يضحك وواحد بطي ..

انا جلست اضحك على شكل ولد خالي بالسماعات ..هالسماعات وش كبرها وراسه تقول علبة ببسي ^_^ ..

تخيلوا جلسنا من الساعه 11 ونص الى الساعه 3 الفجر وحنا نسجل ..

عاد انا ما رقدت زين .. وتعبان من قبــل .. وزاد علي هالمصري وفلسفتــه الزايدهــ ..

وصلنا عند اخر تسجيل لنا الليلهــ .. انا خلاص رحت فيهــا ..

اردد الابيات بصوت منخفض وانا نايم بس احس باللي حولي ..

شوي وانا اردد مع الشباب .. وطبعا كلنا حول بعض وكل واحد على كرســي ..

وصلنا عند اخر بيــت نرددهــ .. وانا اردد معهــم ..

وعند اخر بيــت .. انا خلاص ودعت رقــدت قسم بالله .. ما عاد احس باللي حولي ..


وجات الفضيــحه ..





















ما دريت والا وانا طايح وصار الكرســي فوق وانا تحـــت ..

والسماعات طاحت من علي .. وجلس الكل يضحــك ..

والمصري اللي كان منتج للتصوير .. جلس يضحك حسبي الله عليه الين ما طلعنا من عندهــ ..

ومن بعدها حلفت اني ما عاد اروح لاستديو مرهــ ثانيــه ..

وجلست اردد .. يانا يانا ياحبيبي .. يانا يانا ياحبيبي ..اموت انا فحبيبي >> مقطع يغنيه مناحي دائما ...

ورجعت البيت وراح نكمل باقي القصايد الليــله .. بس انا حلفت ما اروح ..

لكن الظاهر .. انني اولهم الشكوى للــه ..

وخصلت سالفتي الطويله العريضــه ..

والان جاني النووم ايه القووم ..

وخلوا الكلام بينا تكفون ..

يعني بلاش فضايح .. وبكره القاء الخبر منتشــر

بس مليت وانا اكتب .. مشاري

الموضوع الاصلي  من روعة الكون