المكيف الصحراوي

ميشووو · #1 (**permalink**) 09-06-2007, 12:37

اولا بسم الله الرحمن الرحيم

ثانيا السلام عليكم ورحمه الله وبركاته

ثالثا كيف الحال؟

رابعا نرجع للموضوع

هذي القصه واقعيه وليست من نسج الخيال ولا حلوم ليل

ابطالها احياء هم ابوي وامي وانا واخوي واختي والشغاله

رقيه نور العيون طمطم ((اسم الشغاله))

المهم انو كنا كلنا جالسين في الصاله

اللي يشرب شاهي واللي يأكل فصفص

واللي يلعب كوره((ملعب ماهيب صاله)) وكل لمباتنا مكسره

من تشويت اخواني الصغار :hit2:

واللي جالس يتفرج على التلفزيون واللي منبطح على الارض

وامي جالسه تسولف مع الشغاله سوالف خاثره.....تعرفون وش تسولف فيه

عن زواج بنت خالتي ((ودي اعرف وش دخل رقيه نور العيون طمطم بالسالفه ))

وجالسه امي تسولف عن العرس فلانه جت وفلانه راحت وفلانه لابسه ذهب

وياشين لبس فلانه والشغاله تهز راسها كنها فاهمه شي :ngab:

المهم وانا جالسه اتفرج على التلفزيون الا اسمع صراخ ابوي

واجي اركض من الخوف

لقيت اخوي شايت الكوره على ابوي وهو ماسك بياله الشاهي

وكان الشاهي حار

وانكب الشاهي على خشت ابوي وجالس يطامر من الحراره:eh_s(14):

قامت امي وتركض وتجيب صلصه((الاولين يحطون الصلصه على الحروق))

المهم جلست تحط على خشت ابوي الصلصه وصار وج احمر

اول ما شفته احسبه صحن مكرونه :sm179:

المهم ركد الوضع وهدأالجو من الصيحه وما هي اللي دقايق

الا هبت علينا ذيك الريحه اللي سدحتنا من قويها كن راشينا بكيماوي

جلسنا ندور عن مصدر الريحه يمكن من اباط واحد من العايله

بس لقيناها ريحه المكيف الصحراوي وانتم عارفين المكيف الصحراوي

يسحب الريحه الخارجيه ويدخلها للبيت يعني كل يوم لبيتنا ريحه

يوم ريحه مشوي ويوم ملوخيه وجيرانا دوافير جميع انواع الريحه اللي تلوع الكبد

ويوم ريحه زباله ويوم ريحه قار ومن كبر بيتنا مكون من دورين

الدور الاول صاله ومطبخ وحمام واللي فوق سطح وغرفه شغاله

وحبل غسيل ولمبه وحده وانا ننوم في الحوش ((غنم))

من كثر الريحه صار صدر ابوي يوجعه واخوي دخل المستشفى عنده حساسيه من ريحه السمك

اللي طلعت من المكيف

المهم جلس ابوي وامي يفكرون وش يسوون قالت امي وش رايك نكب في الصحراوي

((كومفروت))مطهر ملابس ...جازت الفكره لبوي

المهم راح للبقاله وجاب عشر قوارير كومفروت راح للمكيف وكبها في المكيف

جلسنا ربع ساعه وطلعت علينا ريحه الكومفروت والله حسيت اني جالسه

في مغسله ملابس

وعقبها ريحه بيتنا تفتح النفس وكل ما قضى الكومفروت راح ابوي يجيب

وبعدها عشنا في سعاده غامره

واخواني صارو مؤدبين صارو يلعبون كوره في المطبخ من الادب

وامي تغيرت الشغاله صارت ثقيله

وابوي غير الشاهي صار يشرب ميرندا مع بسكوت مالح

الموضوع الاصلي من روعة الكون

الجليد · 09-06-2007, 03:27

تيتوو · 09-06-2007, 04:20

احســ عابث ـــاس · 09-06-2007, 10:38

ميشووو · 10-06-2007, 04:55

ميشووو · 10-06-2007, 04:59

ميشووو · 10-06-2007, 05:02

الملاك الحزين · 10-06-2007, 08:41

المكيف الصحراوي

مــنــتــدى الــفــرفــشــة والــدجــة