اعداد الشباب للحياة الزوجية.........ده

اعداد الشباب للحياة الزوجية.........ده مش للمرتبطين بس
السلام على من اتبع الهدى
اخواني واخواتي الموضوع ده عايزين اننا نقراه بتمعن عشان هو بوابتنا للنجاح باذنه تعالى
انا هحاول اقول المفيد ليا وليكم وعايزاكم تشاركوني بارائكم كلكم بنات وصبيان جاهزين

مرحلة الخطوبة:
هتكلم دلوقت مع البنات وبعدين مع الشباب
اسمعيني هقولك ايه:
اولا:الشخص اللي هيصير خطيبك ده لسى غريب عشان لساكم في بيتين مش في بيت واحد عشان كده اوعي تدلدقي عليه ولا تحاربيه بس حسسيه بحنية مع شوية قوة شخصية.
ثانيا:ماتخبيش عنه حاجة تتعلق بيك بس مش ضروري يعرف كل حاجة تخص اهلك عشان لو لاسمح الله اختلفتم مايبقاش بيعرف حاجات مالهاش لزوم.
ثالثا:حبيبيه بنفسك وحسسيه انك راضية فيه مش تكلميه بفوقية وتحسسيه انك احسن منه عشان مايطفشش.
رابعا:عامليه برسمية وبلاش تدخليه معاكي على المطبخ واوعي ان حصلت حاجة في العيلة تقومي راكضة وقايلالوافتكري ده لسى خطيب مش زوج.
خامسا:مش كل عزومة وفرح وعزا تقومي حاشراه معاكي عشان لو حصل حاجة وحشة لاسمح الله مايبقاش وشك وحش قدامه يعني لو خارجة انت واهلك بس معلش لا وده بيفيد انكم تقربو من بعض اكتر وتكتشفو بعض في الهواء الطلق.
سادسا:عامليه على انه قريب وحبيب مش على انه زوج يعني مش تتكلمي تلات اربع ساعات على التيلفون معاه وتقولي معلش بالحلال ولا تلبسي قدامه حاجات مش ولا بد وتقولي احنا كاتبين الكتاب خليه يبقى مش شايف منك غير الحاجة العادية عشان لو ربنا رزقكم وعشتم تحت سقف واحد يشوف منك حاجات مش شايفها قبل كده.
هنكمل مع البنات
اسمعيني مش هتندمي:
سابعا:اكيد انت بتحبي تتفسحي معاه بس ارجوك ماتنسيش الضوابط وان اهلك هيعاملوه على انه خطيب ولسى راجل غريب يعني مش كل يوم خروج وارجوك لما تخرجو ماتنسيش نفسك وتروح الحكاية تلات اربع ساعات اصبري وقت ماربنا يجمعكم مع بعض هتملي منه وبعدين عشان مايحسكش سهلة اوي اتقلي شوية معلش.
ثامنا:لو عندك اخوات بنات اكبر او اصغر منك بلاش يعقدو معاه كتير يعني بالمعقول عشان مايحصلش حاجة نندم عليها بعدين وخصوصا اذا كانت اختك ديه روشة خالص وبتحب الكلام
انا مش بشكك ولا حاجة بس بحذر من حاجات احنا في غنى عنها .
تاسعا:عايزاك في المرحلة ديه تحاولي تدرسيه تشوفيه اهل انه يعيش معاكي افكاره وتصرفاته عاجباك هو بيحبك بتحسيه بيرتاح في الكلام معاكي يعني يمكن يكون مدايق منك من حاجة بس مكسوف يقولك حسسيه انك الحنونة اللي بيطيب خاطرها بكلمة حلوة مش القوية اللي مايقدرش يفتح بقه قدامها عشان لوكان مدايق من حاجة يجي على طول ويكب كل اللي في صدره قدامك ومايخافش من حاجة.
عاشرا:لو غاب عنك يوم ومااتكلمش معاكي كلميه انت وحسسيه انك دايما جنبه مش تعملي تقل على هبل وتروحي قايلة لا لازم هو اللي يتكلم بس طبعا مش توجعي دماغه يعني مرة وبس جايز يكون مشغول ولا حاجة.
ثامنا:لو عندك اخوات بنات اكبر او اصغر منك بلاش يعقدو معاه كتير يعني بالمعقول عشان مايحصلش حاجة نندم عليها بعدين وخصوصا اذا كانت اختك ديه روشة خالص وبتحب الكلام
انا مش بشكك ولا حاجة بس بحذر من حاجات احنا في غنى عنها .
جزاك الله الخير أختي العزيزة رهام كلامك صحيح
وعلى هي النقطة كلامك صحيح لازم الأخت ما تعقد ادام خطيب إختى وحدة من قريبتي لما انخطبت كانت إختها تعقد إدامه على طول ويحكي معها أكتر ما يحكي مع خطيبته وهو من النوع اللي بحب يحكي مع البنات
وللأسف ما كانت تتركهم لوحدا وما في شهر والخطبة ما تمت
عشان كده لازم الإخت تتجنب العقدة مع خطيب إختها.
يارب كون افدتكم وللحديث بقية

الموضوع الاصلي  من روعة الكون