يابنت نظرت عيونك تكسر الصمت..!!!

قصيدهـ اعجبتنى وجبتها لعيونكم
وان شاء الله تعجبكم ....

يابنت نظرت عيونك تكسر الصمت
اخاف كــــثر الحــــزن يابنــت يعميها

يازين نظـــرت عيونك يوم سلهمت
اشــــوف فيها الحزن واسرار تخفيها

لوكان ســـــاكت تــــرا كنك تكلمت
يكفينـــي انـــي احسبـــــــها واعانيها

وانا درست الهواء منــــك وتعلمت
وحفظــــت منك الدروس وناجح فيها

اشوف في خاطرك شـــي وتكتمت
.تعال قــــــول الصــراحه ليش تلغيها

يازين قول الصـــراحه لو تكرمت
علومـك اللـــــــي بقلــــــبك لاتخبيها

يازين قاطعتنـــــي ماعــاد سلمت
يانـــور دنيـــــاي والديـــــره واهاليها

يازيـــن لــك مــــدة ماعـاد كلمت
وظــــروفي القاســــيه لازم تراعيها

انا اشهد اني جـــريح ولا تظلمت
جــــروحي الخافـــــيه لازم تـداويها

ياكم تمنيت فيــــــــك وكم تعشمت
وياكم نراعـــي خواطركم ونرضيها

وياكم مع ظـــرفك اعيش وتفهمت
وماكـــان طبـــعي اســـويها واخليها

انا معك بالـــــوفا والعهد صممت
انــــي ما خــون العهود ولا معانيها

لاغبت لحظه تذكـــــرت وتلهمت
والعـــين مايــــوم تنسى زول غاليها

والله مايـــــوم فـــــي حبك تندمت
الروح ســـــلمتها والنفــــــس مهديها

يابنت قولـــــي عساني ماتوهمت
واســـــرارك الخافــــيه لازم تقوليها

يابنت والله مـــــــن الامك تألمت
والناقصـــه لو تجــــي منـــي اوفيها

يابنت من ناقـــــل النمه تسممت
يجيب لك علم واخبــــــــارك يوديها

ناس علينا تحب القول والشمت
ياليت ماقـــد مضـــــى يابنت يكفيها

يازين لاتبتعد يــازين بك همت
والله قلبــــي يخـــــــاف انك تسويها

وسلامتكم



وفالي ردودكم

الموضوع الاصلي  من روعة الكون