يوم قال إن الأمـل كلـه سـراب

وش بدينا لابكينا لانثرنـا للدمـوع
وش نغيّر في حياةٍ قدّره رب العباد
مالنا إلا الصبر وإظهار الخضوع
ونتفاءل خير ونضـيء الشمـوع
أدري إن الوقـت كلـه ضـدنـا
وإن هالدنيـا غرابـيـل وشـقـا
كـل واحـد شـاف للهم ووبكـا
ومن عناهـا الفانيـة كـل شكـى
لكن الإنسـان ذو العقـل الحكيـم
ايتفكّـر زيـن فـي درب الحيـاة
ويدري إنـه راضـي وإلا زعـل
غصب عنه يقبـل اللـي حصـل
ويدري إن الكـل فيهـا مشتقـي
وماصفـت لاحـدٍ بطياتـه قبـل
ويبـدأ بدنيـاه بالعمـر الجـديـد
ومن دروسه كـل يـومٍ يستفيـد
ويترك الماضي من أحزان وهموم
ويبدأ بصحـة جديـدة كـل يـوم
لايعيش العمر في حزن وعـذاب
كالسجين اللي قضى وقت الشباب
وسط سجنه ينتظر وقـت الفـرج
وبالنهايـة بعـد ماشيّـب خـرج
ومن يعيش بعالم الحـزن العميـق
ينتهي عمره وهو بـأول طريـق
وبالنهاية يخسـر الشـيء الكثيـر
وكل حلمٍ كان ينظـر لـه يطيـر
وساعتـه ينـدم ولا يفيـد النـدم
وكل شيءٍ صـار بالدنيـا عـدم
ذا مصير اللي رضا درب العذاب
يوم قال إن الأمـل كلـه سـراب

الموضوع الاصلي  من روعة الكون