كل شىء راح فى لحظه

طارق شرقاوى · #1 (**permalink**) 10-06-2007, 03:18

ماتت جوايا كلمه
كان فيها حكمه
ضاعت فى ملامحى البسمه
كانت بدايه لضحكه
قتلو فيا الفرحه
كنت بعيشها لحظه
جوايا حاجات مكتومه
حواليا ايادى مشلوله
نفسى اقول واقول كمان
نفسى أرجع اللى كان
نفسى ترجع ليالى زمان
قربت أتوه وانسى المكان
فرقونا اصبحت وحيد بيضعفونا
بعدونا بقيت غريب بيدمرونا
جوه بلدى غربونا
فى وطننا من ترابنا هجرونا
حتى اثارنا حتى تاريخنا
ناويين يخدوه منينا
زرعو ا الشوك من حوالينا
خطفو ولادنا من بين ايدينا
ضربوا الوحده حلم حياتنا
قتلوا رموز بتقوينا
حتى ضميرنا مبقاش جوانا
ولا مصيرنا تاه حوالينا
ااه ياعزابنا ااه ياجراحنا
معدش باقى حاجه لينا
حتى قمرنا اللى منورنا
غاب وسطينا
اخدو كتير صغير كبير
فين كبيرنا فين أهالينا
باقى ايه تانى لينا
نفوس ضعيفه
حاجات مخيفه
حتى اهاتنا ساكته
كتموها فى قلوبنا
مستنى ليل طويل يعدى
ساعات حزينه عدى مدى
مستنى يظهر من تانى نجمى
مستنى خايف يتغير جلدى
مستنى اسمع أذان فى ودنى
مستنى يطلع من تانى فجرى
مستنى أعيش بجد عمرى
مستنى يضحك من تانى قدرى
أغتالو البسمه
كتمو الضحكه
قتلو الكلمه
مسحو الحكمه
سرقو الفرحه
كل شىء راح فى لحظه
مستنى يطلع من تانى فجر
مستنى اه لو باقى عمر

الموضوع الاصلي من روعة الكون

عاشق الماضي · 10-06-2007, 03:25

طارق شرقاوى · 10-06-2007, 03:51

الملاك الحزين · 10-06-2007, 10:17

طارق شرقاوى · 11-06-2007, 02:44

roba · 11-06-2007, 05:24

طارق شرقاوى · 13-06-2007, 02:41

كل شىء راح فى لحظه

مــنــتــدى الــخــواطــر و الــنــثــر