الشعر أله ناس تلعبه وتختصه

الشعر اله نـاس تلعبـه وتختصـه
~~~~~~~~ شعـار ورثـوه ماجابـوه عاريـه
عندك محمد يحبك البيـت ويقصـه
~~~~~~~~ بدراني الطيـب والقيفـان ناريـه
الشعر عنده كما خاتم علـى فصـه
~~~~~~~~ يفرق بقاافه ولـه بالشعـر ماريـه
وناصر يبني وبنيه مختلف رصـه
~~~~~~~~~لوطال بنيه تجي غـادة وحوريـة
فارس على المفردة والشعر في نصه
~~~~~~~~ لامن كتبها تجـي مليـون فالميـه
والنابغه سعود شاعر والبحر نصـه
~~~~~~~~ يصبها بالذهب قطعـه كمـا هيـه
ماحتار فيها وقافه ماوقـف غصـه
~~~~~~~ تنزل كم الشهب لاجاتـك سماويـه
ومريت كاتم وشفت ابداع مختصـه
~~~~~~~ شعره كما السيل للارض السناويـه
يكتب ملاحم ويرسم مختصر قصـه
~~~~~~~~ ويطب بحر الهوى ذنـب الهواويـه
واليوم شعر النبط من جاه ماخصـه
~~~~~~~~~ الكل يشعب وكبـد الشعـر مفريـه
يامدرس الشعر بالله مـدد الحصـه
~~~~~~~~~ المشكله حاصلـه ماهيـب وهميـه
يقول انا شاعرٍ كل البحـر مصـه
~~~~~~~~مايدري انه شرب من حاض محميه
ودك ببعض العرب مشعاب وترصه
~~~~~~~~~~~~ حتـى يحـرم يغنـي يـوم قافيـه

الموضوع الاصلي  من روعة الكون