+.أحـَلى مأخَـلقًّ رْبَـي ((قصـة سعـوديـه)) تستـحق ألقـرأءهـ .+

نزلوا من الدبابات نوف وندى عند تركي الي كان واقف يتفرج
تركي: الحمد لله ع السلامة
ندى ونوف:الله يسلمك..
تركي:تعالي ندى شلون الهنوف اللحين؟
ندى:والله ماشفتها هي اللحين نايمة
تركي:طيب صحوها..المزرعة في ذا الوقت ماتتفوت
نوف:اللحين بروح اصحيها
ندى:يالحبيب وش عندك على بنت الناس؟
تركي ارتبك:وش دخلك انتي؟ مسكينة امس تعورت وخفت عليها
ندى:ياسلام خفت عليها
تركي:اكيد خفت لاتنسين ياندى اني دكتور وهذي مهنتي يالله عن اذنك
ندى:تركي وقف والله ما أقصد انا آسفة
تركي:معليش مو أول مرة انتي لسانك متبري منك..


الهنوف كانت جالسة برى تتنظرهم وشافت نوف جت لها سلمت عليها..وقالت لها عن الكلام الي قاله تركي..الهنوف انبسطت بس مابينت لها أي شيء؟؟

..جت ريما وندى وجلسوا مع البنات برى يلعبون في العاب الاطفال (المراجيح والرمل والحوسة هذي حقت البزارين)<يتذكرون ايام الطفولة

نواف يكلم ريما
ندى:لاحول ولا قوة الا بالله..هذا نواف ترى نشب في حلقي
الهنوف:أي والله نبي ننبسط وانتي 24 ساعة معلقة اذنك في الجوال
ريما:ه كيفي..نواف وش الصوت الي عندك؟
نواف:هذا محمد..يغني
ريما:يغني
ندى والهنوف اول ماسمعوا كلمة يغني ضربوا ريما:حطي سبكير
نوف تضحك على ندى والهنوف.. ماتدري ان محمد هو الي يغني
ريما:بالله حط سبيكر نبي نسمع صوتة
نواف:ابشري


نواف:محمد البنات يبون يسمعون صوتك..بالله غني اغنية
محمد:بدون احراج..
ريما:نواف قله ريما تقولك تكفى
نواف:ريما تقولك تكفى
محمد:طيب يامرت اخوي علشانك ماراح انسى لك التشيز كيك..بس صوتي ترى مو ذاك الزود..صوتي متواضع
عبد الرحمن:ابوك يالمتواضع
فيصل:ياشين الغرور ه
محمد يغنـــــــــي وكان عارف ان نوف تسمع له...ريما حطت سبيكر والبنات يسمعون ومنسجمات كان صوتة كلمة روعة قليلة بحقة....



أهمة لو كذب الي ماهمة غلاي يجول في قلبه ودمــــــة..
يبان الحب في نظرة عيونه يقول الصدق ولا ولد عمة..


يغار وغيرتة تفضح غرامة وتكشف غيرتة حتى كلامة..
يغار ويقلب الدنياء عليا يبيني دوم في قربة ويمـــــــة..


يبيني دايم بجنبه يبيني ولو انه يتظاهر مايبيني انا ادري فيه
وادري عن طباعة يخفـــي الشـــوق في قلبــــــة ويظـــمة..


يكابر وادري انه هو يكابر..وانا ادري بس لكن قلبي صابر
ابيه يبوح عن حبه وشوقة وانا الي بين خلق الله اهمـــــــــه

: : :

نوف حست انها هي الي مقصودة من كلامة بس سكتت وريما فهمت من الاغنية انه يتكلم عن نوف..
ريما:والله صوتك حلو يامحمد
الهنوف:ماشاء الله
محمد:من ذوقكم والله..
ندى تأشر للبنات يعني نبي اغنية ثانية..انسجموا مع صوتة كان عذاب
ريما:نواف قول لمحمد البنات يبون يسمعون اغنية ثانية
نواف:طيب انتي تآمرين يالغلا

ندى والهنوف يتهامسون
ندى:ياعيني والله خطير هالنواف هو كلامة
الهنوف:ايه شوفي ريما ذايبة مع صوت نواف
ندى:لايكون تحسب نواف الي يغني
الهنوف:ه
نوف كانت في عالم ثاني

محمد:قل لهم اوكي راح اغني لهم بس هم الي يختارون الاغنية
نواف قال لريما وريما قالت للبنات..
ندى:نبي الشاكي
الهنوف:لا نبي زد عليه
نوف:لا صوت محمد هادئ والا غاني الي طلبوتها ماتناسب طبقة صوته..نبي اغنية الحل الصعب كانت متعمدة وهي تختار الاغنية هذي بالتحديد...
ريما على طول وبدون أي تردد سمعت من نوف وطلبت منه يغني اغنية الحل الصعب
محمد حس ان نوف هي الي اختارتها
محمد:مين الي اختارها؟
ريما:انت غني بالأول وبعدين نقولك
محمد:طيب..

اسقيني حب..اسقيني فرقـــــا
ان صبرت اشقى..وان هجرت اشقى..
العمر يمضي..والجروح تبقى..

اختــــــــر الحــــــل الصعــــــب..
ياتفارق ياتحب..ياتفارق ياتفارق.. ياتحب؟

لاتحدد لي مراحل..لا لا لا..
ياتجيني حب..ياتودعني راحــــل...

هذي وردة للهوى..هذي جروحك..عطني روحي
سيدي..او خذها روحك..

وش بقى ضاعت سنيني..يابعد قلبي وعيني..
يابعد قلبي وعيني..

اختر الحل الصعب ياتفارق ياتحـــــــــب..

: : :
محمد وقف الاغنية:مين الي اختاراها؟
ريما:نوف..
محمد بعصبية واضحة:اهااا نوف...والله لو انا عارف ان نوف هي اختاراتها كان ماغنيتها
عبد الرحمن يتريق:وش معنى اختي؟
محمد:كيفي ..يالله عن اذنكم انا استئذن
نواف:ريما سكري الخط محمد عصب وقام اكلمك بعدين
ريما:طمني عليه..باي


الهنوف:وش فيه محمد عصب يوم عرف ان نوف هي الي اختارتها
نوف:انا بروح عن اذنكم..
ندى:وش سالفتكم انتي ومحمد
ريما:مافيه سالفة ولا شيء..بس اكيد تضايقت من سمعت كلام محمد
ندى:غريبة..


نوف راحت من عند البنات وهي تبكي..محمد كان واقف عن باب الفيلا يحسبها جوى..ينتظرها تطلع عند الباب..

نوف شافت محمد مسحت دموعها وتغطت كان باب الفيلا جنب محمد يعني لازم تدخل من عنده وتمر من قدامه..نوف مرت من قدامة ولا لقت له بال

محمد:نوف وقفي
نوف مشت وتركته محمد راح وراها ومسك يدها بقوة.كان معصب على الآخر
محمد:اذا قلت لك وقفي يعني توقفين مو كذا تسوين فيني تفهمين؟
نوف وقفت ونزلت دموعها بس ماتكلمت ولاكلمة
محمد:يعني لاني احبك تسوين فيني كذا..وش جاك مني علشان تعامليني بكل ذا البرود.؟
نوف تبكي..محمد سمع صوت بكائها.
محمد:نوف لاتبكين..اسمعي انتي اللحين معصبة وانا بعد معصب..الساعة 11 بالليل انا ابي اتكلم معاك تلاقيني واقف عند المشتل الي فيه الورد بآخر المزرعة مابي احد يلاحظ وجودنا ابي اشوف حل معاك..
نوف:مقدر اروح لحالي..انت صاحي محمد؟
محمد:جيبي معاك عبودي ومها..وبعدين انتي بنت عمي وش هالخوف...ما علي منك دبري نفسك انا ابي اتكلم معاك..اذا لي خاطر عندك لازم تجين..
نوف:محمد والله ماقدر لو يشوفني احد صعبة والله صعبة
محمد:طيب شوفي راح اتصل عليك..
نوف:ماقد كلمت احد غريب
محمد:لاحول ولاقوة الا بالله..نوف بس شوي وربي حتى علشان تتطمنين خلي ريما معاك انا راح اتصل على جوالك اوكي الساعة 11 يالله باي
محمد راح وترك نوف بحيرتها..
ندى:بنات اسمعوا ترى الليلة راح نسوي الحفلة التنكرية
الهنوف:شوفوا الساعة 12 كلنا نتجمع تحت
ريما:ايه محد يشوف زي الثاني..يعني كل وحدة تنزل بالتنكر حقها بالمجلس الكبير حق الحريم
نوف:اوكي كل وحدة تلبس وتتعدل في غرفة لحالها علشان الوحدة ماتشوف الثانية
الهنوف:غرفة ريما محجوزة لي
ريما:ياسلام اقلبي وجهك بس
الهنوف:ماينقلب الوج وش اسوي ه
ندى:تركي ارسل لي مسج يقول شلون رجل الهنوف؟
الهنوف:لا قولي له بخير بس اذا ضغطت عليها وبعدين الكريم الي اعطاني اياه بالليل احطة ولا لا؟
ندى:طيب راح اتصل عليه
ندى اتصلت عليه..وقالت له بس ماكانت فاهمة وش تقول
ندى:وش تقولين الهنوف من شوي؟
الهنوف:الكريم متى احطة
ندى قالت لتركي..
تركي:أي كريم
ندى:اووف طيب خذ كلمها
تركي:ندى وجع وش هالكلام
الهنوف ضربت ندى مع ظهرها
ندى:طيب لاتعصب..آآآآي هنوفة
تركي:زين ماسوت
ندى ابي احط سبيكر
الهنوف:مساء الخير دكتور
تركي:مساء النور
الهنوف:مدري اعطيتني الكريم البرتقالي متى احطة؟
تركي:شوفي حطية قبل لاتنامين وبعدين اذا حسيتي بعوار حطية لا تستخدمينه غير مرتين في اليوم هذا اقصى حد..
الهنوف:مشكور
تركي:الا انتي الي شكراً على الي سويتيه
الهنوف:وش سويت؟
تركي:يوم تضربين ندى ه
الهنوف:ايه خلاص مع السلامة
تركي:مع السلامة

ريما:ه كنك تكلمين دكتور في عيادته
نوف: ايه والله
الهنوف:اجل وش تبوني اكلمة اسولف معاه خوش والله
ندى:كان ينبسط تركي ه
الهنوف:ه


ريما عرفت بالموضوع حق نوف ومحمد..صارت الساعة 11 واتصل على جوال نوف..

نوف كانت جالسة بغرفة ريما ...ريما كانت عندها...ندى والهنوف يرتبون للحفلة تحت بالمجلس الكبير..

نوف:الو؟
محمد:هلا نوف..شخبارك؟
نوف:تمام..!!
محمد:عسى اللحين صرتي رايقة؟
نوف:وش قالوا لك من شوي وش كنت؟
محمد:طيب طيب لاتعصبين..نوف انا ملاحظ عليك انك مو طايقتني مدري وش سويت فيك..أنا واثق من نفسي وماقد غلطت عليك..مادري وش جاك مني..ابي افهم
نوف:ماجايني منك ولا شيء...وبعدين مدري كيف تبيبني اعاملك؟
ريما كانت تأشر لنوف يعني(شوي شوي على الولد)
محمد:نوف انا خلاص كلها اسبوع وراح اسافر مابي اروح وانتي زعلانه علي او في خاطرك شيء علي..نوف انتي غالية علي وربي يشهد على كل كلمة اقولها..
نوف بكت ودموعها نزلت..
نوف:محمد راح تسافر وتتركني بعد ما حبيتك وصرت بدنيتي كل شيء..راح تروح وتبتعد عني..
محمد:من يقول كذا؟انا لو تدرين كيف انا اللحين فرحان بعد ماعرفت انك تبادليني نفس الشعور..نوف انا مستحيل اتخلى عنك..انا حبيتك بكل مافيني..وبعدين انا راح اطلب يدك من عمي..واذا خلصتي من الثانوية العامة راح اتزوجك وتسافرين معاي ندرس برى..انا محتاج لك..وماقدر استغنى عنك..وانا بفاتح ابوي بالموضوع هاليومين..
نوف مسحت دموعها وكانت مصدومة من الكلام الي سمعتة..ماعرفت كيف ترد انعقد لسانها..سكتت..كانت فرحانة طايرة من الفرح..
محمد:الو؟
نوف:هلا
محمد:وش قلتي..؟
نوف:محمد يصير خير ان شاء الله..انا كنت فاهمة الموضوع غلط..خلاص لا تكدر خاطرك..وانا سفة اذا سببت لك أي مضايقة او شيء مثل كذا
محمد:تمونين يابنت عمي..خلاص يعني طاح الحطب؟ماعاد تزعلين مني؟
نوف:ايه طاح..خلاص انا مو زعلانة ولا شيء..
محمد:الحمد لله..يالله ياسعود مع السلامة
نوف:وش تخربط وش سعود؟
محمد:ايه الشباب جوا هنا...اشوفك بعدين مع السلامة
نوف:ه مع السلامة..

: : :

نوف قالت لريما كل شيء..كانت فرحانة خلاص هم وانزاح من على صدرها..ودها تطير من الفرحة..ريما كانت فرحانة علشان نوف...نوف بنت طيبة وتستاهل كل خير..!!

نزلوا البنات الساعة 12 بالمجلس الكبير..عند الحريم وهم لابسين ملابس التنكر..

ريما لبست ملابس هندية..الساري الهندي..وحطت على شعرها الاكسسوارات الهندية وعلى يدينها وظفرت شعرها مثل الهنديات..كانت تحفة بالملابس الهندية

نوف لبست قناع على شكل شبح ابيض وفيه دم نازل من عنده ولبست فوقه عباية راس طويلة علشان ماتبين شيء من ملابسها صايره تخوف كلها اسود والوجة ابيض وفيه دم<رعب

ندى لبست قميص الجدة هياء (ملابس العجايز) ولفت الشيلة حقت الحريم الكبار على شعرها وحطت بالكحل كنه وشم حق البدويات ..واخذت معاها عصى الجدة هياء..شكلها يضحك بشكل..محد عرفها

ام نواف:وش مسوية بعمرك نوف وربي تخوفين
عبودي اول ماشاف الهنوف جلس يبكي هو ومها
ام عبد الرحمن:ياربي يانوف خوفتي البزارين
نوف:ه احسن علشان ينامون بدري ه
ريما: حلوة هذي
الجدة هياء:وانتي ياريما جاية من نيو دلهي؟
العمة نورة:والله كنك هندية ماشاء الله تصلحين تمثلين معاهم
ريما:ه خلاص اجل بسافر للهند
ام نواف:ايه انتي البطلة ونواف البطل
ريما:اجل خوش فيلم
ام ريما: وانتي ياندى روعة منظرك
ام عبد الرحمن: والوشم والفستان ه روعة ياندى
العمة نورة:أي والله اول مادخلتي قلت وش هالعجوز الي جت..
ندى: اصلح ممثلة اجل
ام نواف:بس انتي مسلسل بدوي
ريما:ه ايه صادقة خالتي
نوف:وانا طيب يام نواف؟
ام نواف:انتي فيلم اكشن وخوف ورعب وكل شيء ه
نوف:ه
ام عبد الرحمن:وين الهنوف؟
ريما:مادري عنها كل شوي نتصل عليها تقول لنا شوي وانزل
ندى:الله يستر من الهنوف..عاد هي راعيه الحركات
نوف:شوفي ايش بتسوي في عمرها..
العمة نورة:ايه الهنوف من زمان وهي ترتب للحفلة التنكرية..!!

دخل على الحريم ذاك الولد الي متلطم بالشماغ والثوب
الحريم طمروا (قمزوا) من اماكنهم والي تدور الجلال والي تغطى بالطرحة ..
الولد مات من الضحك عليهم
الجدة هياء:ندى اعطيني العصاء اضربة قليل الادب الي دخل
ريما:اتصلوا على الرجال..

فتح اللطمة والشنبات والحركات..
الولد:السلام عليكم..؟
ندى:الهنوف..وجع
الولـــــــــــــد طلع الهــــــــــنوف
الحريم جلسوا يضحكون على فكرة الهنوف..

ام نواف:انا مدري مين الي جاء بس فتحت فمي...
ام ريما:توقعته احد العيال..بس قلت يدخل كذا لااحم ولا دستور
العمة نورة: من وين لك الشماغ؟
الهنوف:ه اخذتهم من فيصل
الجدة هياء: تصدقين عاد انك ولد مزيون
الهنوف باست راس الجدة هياء:تسلمين شوفوا شلون الناس تمدح مو تتريقون علي!!
ندى:تعالي خلينا نسوي زفة عرايس ان العروس وانتي المعرس

وقفت الهنوف وندى وجلسوا يغنون لهم ..
ندى:انا راح اقلد لكم ريما يوم زواجها
وجلست تقلدها عيونها في الارض وبس تبكي
ريما ماتت من الضحك على حركاتهم..والهنوف تقلد نواف اول مادخل باسها وجلس يطالعها..ويبتسم لها...وهي مستحية كانت الهنوف وندى يتريقون على نواف وريما..

: : :

فيصل:ياناس ياحبي للهلال وربي احس اذا مرت 12 ساعة ولاقلت هلال استخف
تركي: انت هلالي صميم
فيصل:يس افكورس
عبد الرحمن:نواف وش رايك بسامي؟
نواف:سؤال أهبل..احد يسئل في عز القيظ هو الماء زين يالظامي..صنع وابدع..ضرب و أوجع..ومخلابه دايماً ظامي..ولايغرس هزيل الصيد..ولايهرول عبث سامي..
تركي:صح لسانك ياشاعر
نواف:هذي موب شعر بس نابعة من قلبي انتم ماتعرفون سامي ايش بالنسبة لي...!!
محمد:انا مايقهرني غير الي يتكلمون بالهلال ليش خسر وليش طلع..الهلال مظلوم تحكيمياً مافيه حكم يحكم صح للهلال!!!ولاعيبينا دايماً مع المنتخب مانلعب مباراة خارجية الا واللاعيبين الكبار ماهم موجودين..والهلال صاحب اكبر جمهور باسياء..وكل الجماهير تتضايق من المتخلفين الي يتكلمون عن الهلال...!!
عبد الرحمن:الزعيم مازال للمجد بقية..انا مايقهرني الا الي يقلدون الزعيم ويحطون راسهم برآسة صاحب اكثر بطولات على مستوى السعودية والخليج والوطن العربي وآسياء بكبرها تشهد لزعامة الزعيـــــــم..!!
فيصل:هذولا متبعين طريقة خالف تعرف..بيصعدون على حساب الهلال يذمونه ويتكلمون عليه علشان يشتهرون..!!
نواف:ماظنك ناسيا الزعيــــــــم ياآسياء..هذولا الازوري الشرقي..!!غلطان يا معاند بحر..!!


: : :

ريما: بنات بكرى ذكرى ميلاد نواف..!!
ندى:احلفي..وش بتسوين؟
ريما:والله مدري..
الهنوف:هو طيب ييعرف ان بكرى ذكرى ميلادة ؟
ريما:ماعتقد..
نوف:وش راح تسوين تحتفلون لحالكم؟
ريما:لا انا بكرى ان شاء الله راح اسوي حفلة كبيرة بس لحد يعرف بالسالفة بنات تكفون
البنات:ابشري..
ريما:ابي اقوم الصبح واروح للرياض واشتري اغراض ضرورية للحفلة.
الهنوف:ياسلام بكرى حفلة والله انك خطيرة..
ريما:شفتي شلون

رن جوال ريما وكان نواف
ندى:الطيب عند ذكره

ريما:هلا وغلا
نواف:هلا فيك ..ريومة حبيبتي انزلي مشتاق لك
ريما:طيب
نواف:استناك تحت..

البنات كانوا في غرفة ريما والنافذة تطل على المزرعة..
ريما راحت ولبست تنورة قصيرة شوي طبقات لونها اسود ومشجرة بالاخضر..وبلوزة لونها اسود شيفون..البنات يضحكون عليها وعلى خبتها وحوستها..

نزلت ريما وقف عند نواف..كانوا واقفين قبال نافذة غرفة ريما..
ندى والهنوف..شغلوا المسجل وطولوه لين ماسمعوا نواف وريما...!!

اجيك يسلم راسك وشلون ماجيك وياك انا بالذات صعب اتغلى..والله مادري من الغلا وين اوديك تسوى عيوني ولا بعد يمكن اغلى..

نواف: يقصدونك
ريما:اكيد ه
نواف:تعالي خلينا نبعد عنهم..

مسكها وجلسوا يتمشون ويسولفون..ريما ماجابت خبر لنواف ان بكرى راح تسوي له حفلة كان ناسي ان بكرى ذكرى ميلادة..!!

ماطولت مع نواف لان البنات ازعجوها بالأتصالات..رجعت لعندهم..ونواف راح للشباب..

ريما:هاه وش تبون ازعجتوني؟
ندى:مشتاقين
الهنوف:لك
نوف:حيل
ريما:ه..
نوف جابت تشيبسات وشاكلت وجلسوا ياكلونها وهم يضحكون..ندى تقلد لهم الحريم وتصرفاتهم..وهم ميتات من الضحك..
الهنوف:بنات سمعت لكم ان الشباب بكرى الصبح راح يلعبون كورة..وراح تصير منافسة لان الي يخسر من احد الفريقين يقول راح يكون لهم عقاب..!!
نوف:وشو العقاب؟
الهنوف:يتمشون ويلعبون مع مها وعبودي طول اليوم
ندى:ه
ريما:لقيتها وش رايكم مادام الدعوى فيها تمشي ندخل اروحنا معاهم..نقول موب بس عبودي ومهاحتى احنا يتمشون فينا
الهنوف:والله انك جبتيها

نوف:بنات وش رآيكم ننام اللحين..علشان نقوم الصبح وعلى طول للمسبح فلــــّة نبي نجلس طوويل في المسبح..وبعدين نحضر مباراة الشباب ونضحك عليهم
الهنوف:والله انك روعة يابنت خالي..
ندى:خلاص اجل اول وحدة تقوم تقومنا
ريما:لا بنات تونى على النوم نبي نسولف وننبسط
ندى:تبي تمطر !!غريبة؟ريما تقول تونى؟
الهنوف:لا اكيد البنت مصخنة؟
ريما:ه بسم الله علي..لا بس لاحقين على المسابح نبي نسولف
نوف:من الصبح واحنا نسولف..مشتاقين حق السباحة الجماعية من تزوجتي ما سبحنا مع بعض..
ندى:أي والله..يالله انا بنوم..قود نايت
الهنوف:وانت من اهله ه
نوف:ه

ناموا البنـــــــات..با استثناء ريما الي طفشت وهي تتقلب بالسرير ماجاها نوم..نزلت تحت مافيه احد بالبيت الكل نايم جلست عند التلفزيون زهقت مافيه شيء..راحت وقفت عند القزاز الي يطل على المزرعة شافت المسبح كان منظرة رايق اغراها..

راحت للمسبح كان الجو برى روعة والمسبح الانارة حقته هادية..!!جابت معاها شموع وحطتهم على جال المسبح وجلست وحطت رجولها بالمسبح..ومشغلة اغنية نوال "انت طيب"

خلنا مني..طمني عليك..
ما أنام اليل من خوفي عليك..انت طيب هذا هو الي يهم..

انت طيب..وغير هذا مايهم..انت طيـــــــــب

وش في صوتي؟مافي صوتي أي شيء..كنت ساكت ونامت عيوني شوي..

كنت احلم بي معاك..كنت تحكي واسمعك..

: : :

نواف جاء من وراها..وحط يديه على عيونها..ريما كانت مرعوبة..لانها عايشة جو مع الاغنية..ريما لمست اليدين..عرفت انه نواف
ريما:حبيبي..ما نمت..؟
نواف:كيف انام وانا حتى ماسمعت صوتك
جلس معاها...ريما حطت راسها على كتفة وهو ماسك يدها..<معاريس!!

: : :

الساعة 11 الصبح ..

البنات صحوا وراحوا يسبحون ماعدا رياما الي راحت مع السواق للرياض واتفقت مع شركة بالوني..يجون للمزرعة (هذي شركة خاصة تسوي بالونات اشكال والوان للحفلات..) واشترت التورت والعصيرات والشاكلت والجاتوهات..واكيد مانست الهدية..كانت ساعة رولكس داخل علبة من الخشب السويدي الراقي..غلفتهم بالأبيض والأحمر..وفيها وردة احمر..

رجعت للمزرعة ولاقالت لأحد عن موضوع الحفلة غير البنات وأمها.. دخلت للفيلا بدون محد يدري ودخلت الاغراض ..

الحفلة بستويها برى في بيت شعر كله قزاز ويطل على المسبح..جوا العمال حقين البالونات وجلسوا يصلحون البالونات اشكالها روعة للحفلة..راحت ريما بعد ماطلعوا العمال ويا البنات لبيت الشعر

الهنوف:واااااااو روعة
نوف:ايه تهبل الصراحة صدق حفلة
ندى:ريما جنان ياليت لو كل الحفلات كذا..
ريما:صدق؟ ايه الحمد لله انا اخترت البلونات الونها ازرق وابيض علشان الهلال
ندى:ياربي حتى هنا هلال
نوف:والله انك جبتيها فكرتي صح!!
ريما:على طاري الهلال مين فاز اليوم في مباراة الشباب؟
الهنوف:صارت سالفة تخيلي رحنا هناك ويجي فيصل ويهاوشني وش تبين هنا جايه عيب كلهم شباب..تفشلنا وطلعنا!!رجعنا للحريم...صارت الطقة براسي
ندى: والله لو تسمعين هواش فيصل
نوف:مسح في كرامتها الارض
ريما:ياحبي لك يالهنوف ه
الهنوف:ابشرك كلهم تعادل 2/2
ريما:زين التعادل حل سلمي..

جلسوا البنات يرتبون الطاولة.. جابت ريما مفرش ابيض كان تل وفيه لمعة ونازل من عندها دناديش..وفوقها مفرش دانتيل لونه ازرق..وجابت شمعدانات وشموع كلها ازرق وابيض..

بخرت بيت الشعر ورتبته..ريما راحت تلبس ..لبست تنورة برمودا لونها اسود وفضي ..وبلوزة شيفون لونها اسود وفوقها بدي لونه فضي (هاي نك) مشجر..رفعت شعرها بمشبك فضي..!!


راحت ريما عند قسم الرجال..وقفت عند باب المجلس..نواف يوم شافها قمز من مكانه خاف مو من عوايدها تجي..راح عندها..
نواف:خير وش فيك؟
ريما:مافيني شيء..بس جاية اعزمك حبيبي انت وعمامي
نواف:تعزميني؟انا وعمامك؟على ايش؟
ريما:كل عام وانت الحب!!ذكرى ميلادك اليوم ..عقبال 100 سنة
نواف ابتسم:اهاااااااا..وانت بخير..ياحياتي ياريومة والله ماتذكرت..
ريما:كنت حابة نحتفل في ذكرى ميلادك سوى..بالله قول لعمامي..
نواف:طيب
دخل نواف وقال لعمامه وابوهـ والشباب ..
ابو نواف:والله ان مرتك ذوق الي فكرت فيك
نواف:ايه يالبى قلبها
العم طلال:احم احم
نواف: العذر والسموحة
فيصل:نسى نفسة العم!!
تركي:ولايهمكم راح نجي للحفلة
نواف:يالله قوموا
ابو ريما:والله ان رجولي تعورني والمسافة بعيدة روحوا انتم.
نواف:لا عمي تكفى
ابو نواف:انا بجلس مع اخوي احنا كبرنا على الحفلات تاركينها لكم يالشباب
العم طلال:انا تراني بعدني شاب بس ابي اجلس مع اخواني
نواف: والله انك اشب منا ياعمي..
عبد الرحمن:ياعيني ياعيني على ريما والله انها شيء!!
نواف:توك تدري!!


ريما راحت وقالت للحريم..الكل جلس يبارك لريما بذكرى ميلاد نواف وطبعاً ماسلمت من تعليقاتهم..الحريم رفضوا يروحون يقولون الحفلة شبابية..!!

ريما وندى والهنوف ونوف كانوا ينتظرونهم داخل بيت الشعر طفوا الانوار...

الشباب راحوا يمشون لبيت الشعر..
محمد:يوه نواف طالع بيت الشعر ظلام..
تركي:هماهم قالوا لك الحفلة فيها.
نواف:ايه الريم قالت لي انه في بيت الشعر الي عند المسبح
فيصل:يمكن بيت الشعر الكبير..؟
عبد الرحمن:ياذكي يقولك الي عند المسبح..وش فيك
فيصل:اقول انطم بس
نواف:تعالوا نفتح الباب..

اول مافتح الباب نواف شغلوا الانوار والأضواء الملونه الي تدور فوق ..وطاحت البلونات من فوق على نواف..والورق الملون نزل عليهم..
انبسطوا الشباب...على الحركة..كانت الحفلة رايقة..الوان والبلونات كانت فيه تورتة كبيرة فيها صورة نواف جنان شكلها...والتورتة الثانية مكتوب عليها كل عام وانت بخير عقبال 100 سنة..

البنات:كل سنة وانت طيب نواف
نواف:تسلمون..وين ريما
ريما:هذا انا
نواف:تعالي عندي
وقفت ريما جنب نواف وهم يقطعون التورتة محمد مانزل عينه على نوف يراقب تحركاتها..راحت تشيل صينية كبيرة كلها عصيرات ماقدرت لها ثقيلة بشكل..

محمد جاء وشالها من عندها
محمد:ثقيلة اعطيني اياها!!
نوف:لا معليش انا اشيلها
محمد:لا انا قلت انا الي اشيلها مارضى على بنت عمي تتعب وانا موجود..
ابتسم لها..نوف ذابت معاه..

ريما راحت وشغلت اغنية غنوا لحبيبي..

غنوا لحبيبي وقدموا له التهاني..
في ذكرى ميلادة عساها مية عام..

افرح حبيبي واطلب اغلى الأماني..
الليلة ياعمري تناديك الأحلام..

الهنوف كانت تأكل عبودي ..تركي جاء وسحب الصحن من يد الهنوف
تركي:ممكن انا أوكل عبودي؟
الهنوف:براحتك
عبودي:ايه ايه انا احب تلكي (انا احب تركي)
تركي:الهنوف شلون رجلك اللحين؟
الهنوف:لا الحمد لله..ماشاء الله عليك شكلك بتصير دكتور شاطر
تركي:ه يسلموو شهادة اعتز بها..

فيصل وعبد الرحمن كانوا ياكلون ويعلقون على نواف الي اخذ ريما وطلعوا برى..
ريما اعطت نواف الهدية
نواف:وبعد هدية؟
ريما:تستاهل اكثر يابعد عمري...
نواف:عساني مانحرم منك..هديتي انك معاي..هذي اكبر هدية لي يالغلا
ريما:ولا منك..يالله افتحها..
نواف فتحها وشاف الساعة..اعجبتة
نواف:ياسلام والله ان ذوقك راقي..ممكن طلب؟
ريما:انت تآمر
نواف:تسلمين ممكن تلبسيني اياها..؟
ريما:من عيوني..
ريما لبست نواف الي ماشال عيونه من عليها..يوم خلصت باسها من على خدها....
ريما انحرجت ودها لو الارض تنشق وتبلعها..مها شافتهم

مها:عيب عليك يانواف انت ماتثتحي تبوثها(عيب عليك يانواف انت ماتستحي تبوسها)
نواف:كيفي؟وانت ماتجين الا بالأوقات الزينه!!
ريما:ه
نواف:ايه اكيد اعجبك كلامها..!!ااكيد راح توقفين معها
ريما:لا وش دعوى..قوم خيلنا ندخل لهم..
نواف:تونى
ريما:لا فشلة احنا العازمين ونطلع ونتركهم؟
نواف:يالله علشانك..

دخلوا عندهم الكل كان مبسوط ويضحك والي يسولف والي ياكل والي يلعب في البالونات..يعني انواع الوناسة....

آخر لليلة لهم في المزرعة..لان بكرى السبت وراح يرجعون للرياض..!!

البنات سهروا للفجر..ويوم صارت الساعة 4 العصر الكل مشى لبيته!!

: : :

الجزء الخامس والعشرون

الفصل الثاني

(الأخيـر)

: : :

محمد راح لأبوة في الشركة ودخل عليه..!!
ابو نواف:ياحي الله محمد تو ما نورت الشركة
محمد:منورة فيك يابو نواف..يبه انا جاي وحبيت اقولك ان خلاص موعد سفرتي نهاية الأسبوع هذا..
ابو نواف:طيب انا رتبت لك كل شيء من سكن وغيرة وصيت عليك واحد من اصدقائي عايش في كندا وانت كل يومين اتصل وطمنا عليك.. وكل شهر راح ارسل لك مبلغ تدبر فيه نفسك..وركز على دراستك وانا ابوك..!!
محمد:الله يكثر خيرك يبه..وآسف اذا سببت لك تعب
ابو نواف:لاتقول هالكلام يامحمد كل الشركات والمشاريع والمباني الي انت تشوفها راح تكون لك ولأخوك..
محمد:بعد عمر طويل..يبه الصراحة انا جاي وابي اكلمك في موضوع..
ابو نواف:تفضل تكلم انا اسمعك..
محمد:يبه انا راح اسافر وراح اطول بسفرتي يعني مو سنة ولا سنتين راح اتغرب عنكم مدة طويلة..وراح احتاج لأحد يراعيني يحرص علي يونسني بغربتي..وانا اللحين رجال وقادر على كل شيء بعون الله..
ابو نواف:وضح اكثر مافهمت المقصود..
محمد:بختصار ابي اتزوج
ابو نواف:تتزوج؟
محمد:ايه اتزوج وش فيها؟

ابو نواف:بس انت بعدك صغير..!!والبنت بتسافر معك 8 سنين صعبة انها بتوافق؟
محمد:يبه انا صغير في نظرك انت تشوفني انا ونواف مهما كبرنا صغار..انا كبرت وفهمت وصرت عارف كل شيءوعارف مصلحتي وراح اسافر 8 سنين برى يعني راح تعلمني الغربة الكثير والكثير تكفى لاتحطم آمالي..
ابو نواف:لا ماراح احطم آمالك..انت في بالك وحدة معينة؟
محمد:بنت عمي طلال.."نوف"...اتمنى من كل قلبي تكون زوجة لي...وانت يايبة كنت تتمنى ان عيالك لبناتك..هذا نواف اخذ بنت عمي وانا اللحين حاب اخذ بنت عمي..ونوف اللحين في الثانوية العامة يعني بعمر ريما يوم تزوجت نواف مافيه خوف عليها وتربية عمي طلال..والبنت حابة تكمل تعليمها وتسافر برى دايماً عمي طلال يقول ان نوف تتمنى تسافر برى علشان تدرس..يعني انا لما اتزوجها راح اراعيها وتراعيني وراح نكمل تعليمنا برى..ومافيه خوف علي ان شاء الله ولا خوف عليها.. وش قلت يبه؟
ابو نواف:والله يامحمد انت فاجئتني بالموضوع ومدري كيف راح ارد عليك ..طيب قلت لأمي؟
محمد:لا انا حبيت افاتحك قبل..وامي اتركها علي..
ابو نواف:شوف ياولدي انا راح افكر بكلامك وارد لك بعدين..
محمد:خلاص..بس قبل لا أسافر ابي الرد..توصي شيء انا بروح
ابو نواف:لا سلامتك..

ابو نواف كان يفكر بعمق(يالله كبر محمد وصار يفكر صح !!يبي يتزوج يارب تطول بعمري واشوف عياله..انا فرحت ان عيالي راح ياخذون بنات عمامهم..محمد ولدي من كان صغير وهو عقله سابق عمره كبير في عقلة واخلاقة..هذا نواف وفرحنا فيه وتحقق حلمي اني اشوفه هو وريما في بيت واحد..واللحين دور محمد..وماراح نلاقي مثل بنت طلال ويكفي ان الولد يبيها..!!لازم افاتح نواف بالموضوع واشوف وش رآيه...!!)

اتصل ابو نواف على نواف الي كان في شغلة..وطلب منه يجي لشركتة اللحين..نواف على طول جاء لأبوة ودخل عليه..وقاله ابوهـ عن موضوع محمد..!!نواف كان متفاجئ في محمد وقرارة ماكان يتوقع بالسرعة هذي راح يتزوج..

ابو نواف:انا مادعيتك ياولدي وخليتك تترك شغلك الا ان الموضوع محيرني انا موافق على الفكرة بس لسى محمد ونوف صغار..وش رآيك انت؟
نواف:والله يايبه مادام محمد يبي الزواج ويبي نوف بالتحديد لاتحرمونه منها..لانه راح يتعذب كذا وترى هو صادق في كل كلمة قالها الغربة صعبة وتتعب الواحد انا يوم كنت في امريكا حسيت بلوعة فراقكم ماكان احد عندي يبسطني يهتم فيني اذا مرضت يحرص علي اذا ذاكرت بالامتحانات يراعيني..
ابو نواف:ايه انا معاك في كل كلمة قلتها..بس هم صغار وراح يتحملون مسؤولية كبيرة الزواج مو لعبة..وانا خايف طيشهم وصغر سنهم يضيعهم يعني مايقدرون يتحملون السؤون الزوجية هذي!!
نواف:يبة محمد ماشاء الله عليه رجال بمعنى الكلمة كلنا عارفين ان محمد عند كلمتة يعني عارف تصرفاته ويعرف وش يبي ويفكر زين قبل لايقدم على خطوة ويدرسها بتمعن..والغربة يايبة راح تخليهم يتفاهمون مع بعض اكثر وراح يحسون ان كل واحد ماله غنى عن الثاني راح تقربهم من بعض وراح تفهمهم وتوعيهم..
ابو نواف:كلامك منطقي بس وش رآيك في بنت عمك؟
نواف:شوف انا ماعرف عنها اي شيء بس راح اسئل ريما عنها
ابو نواف:انت قول لريما عن الموضوع وش رآيها في نوف وانا ابي اقول لأمك..!!
نواف:خلاص اجل..يالله ان اسئذن تأخرت على الشغل
ابو نواف:حياك الله...

: : :

نواف قال لريما عن الموضوع...!!
نواف:هاه وش رايك بنوف؟
ريما:والله نوف اختي الصغيرة..ماشاء الله بنت عاقلة وثقيلة ورزينة وربي انها بعض الاحيان تعقلنا انا والهنوف وندى احنا الي اكبر منها..ويكفي بس انه يحبها وهي تحبة واذا سافروا راح يتعلقون بعض اكثر
نواف:والله هذا كلامي..بس ماكأنهم صغار.؟
ريما:لا والله مهم بصغار محمد رجال ماشاء الله عليه يعني من يوم كنا صغار واحنا نعتبرة العاقل هو صحيح خفيف دم بس يعني مو رجة يكفي انهم راح يرحون للدراسة..بس وش توقع خالتي راح توافق.؟
نواف:هذا الي خايف منه..هي تحب محمد وآخر العنقود يعني ماتوقع تزوجة وهو صغير!!
ريما:الله يستر والله ان نوف بنت ماتتفوت
نواف:والله انتي الي ماتتوفتين!!والحمد لله والشكر انك من نصيبي!!

: : :
ابو نواف:وش قلتي يام نواف؟
ام نواف: محمد يبي يتزوج؟
ابو نواف:لي ساعة اتكلم معاك وبالاخير تسئلين؟
ام نواف:مادري احس انه شايل فكرة الزواج من راسة..والله وطلع ولدي عاشق ومغرم
ابو نواف:أي شكلة يحب بنت عمة
ام نواف:خووش وطيب ليش ماقالي؟
ابو نواف:هو كان يبي يقولك بس انا فاتحتك بالموضوع قبلة
ام نواف:انا ابيه هو خلاص راح أتكلم معاه..

اتصلت على محمد وقالت له يجي في للبيت جلسوا بالصالة..محمد على اعصابة خايف من ردة فعل أمة
ام نواف:ماشاء الله ولدي يبي يتزوج
محمد:هاه!!
ام نواف:وش فيك مرتبك؟
محمد:لامانيب مرتبك..يمة وش رايك؟
ام نواف:اصلاً انا يوم السعد لما اشوفك انت واخوك كل واحد مع مرته وعيالة
محمد:يعني موافقة؟
ام نواف:ايه ماعندي مانع..وبعدين انا فرحانة علشان ماتجلس بروحك يعني تلاقي الي يراعيك ويداريك
محمد راح وباس راسه امه:ياحبي لك يايمة..عسى الله مايحرمني منكم
محمد:متى نخطب؟
ابو نواف: وش فيك مستعجل؟
محمد:ابي اسافر وانا مرتاح ابي ارتب كل شيء!!
ابو نواف:خلاص اجل بكرى ان شاء الله..
محمد:تسلم يابو نواف

نواف وريما جوا للصالة..
ام نواف:باركتوا لمحمد يبي يخطب..
نواف:لا لا الف مبروك يابو سعود
محمد:الله يبارك فيك
ريما:مبروك محمد
محمد:الله يبارك فيك..
نواف:ومتى ناوين تروحون؟
ابو نواف:اخوك مستعجل يبي بكرى علشان نهاية الاسبوع راح يسافر كندا
ام نواف:ياربي لاتجيبون طاري السفر!!
ريما:ياخالتي هذا حال الدنيا تودعين من تحبين وتلتقين فيهم ان شاء الله ونفرح فيه وفي شهادته
محمد:بس انتم ادعوا لي..
الجميع:الله يوفقك...!!

: : :

راح ابو نواف ونواف ومحمد وابو ريما لبيت العم طلال يخطبون نوف لمحمد..!!
العم طلال كان مصدوم وحس انهم صغار على الزواج بس ابو نواف وابو ريما وقفوا مع محمد..!!
العم طلال:الرآي رآي نوف..!!والله انا سعيد ان بنتي راح تروح لولدي
ابو نواف:ايه حقك وخل البنت تفكر عدل..
ابو ريما:ومحمد رجل بمعنى الكلمة.!!
نواف:الله يكتب الي فيه الخير..
عبد الرحمن:والله انا المصدوم مو قادر استوعب محمد يبي يتزوج ومين اختي؟
نواف:ه ليش وش فيك علشان ماتستوعب
عبد الرحمن:والله مدري مو قادرة الفكرة تدخل براسي
محمد:لازم تدخل ياولد عمي
العم طلال:خلاص بعد بكرى راح نرد لكم..
ابو نواف:على خير يالله احنا نستئذن
العم طلال:وين تونى ماتعشيتوا؟
ابو ريما:والله انا معزوم عند الجيران
ابو نواف:المرة الجاية ان شاء الله الجايات اكثر
العم طلال:وانت نواف؟
نواف:لا انا مرتي بالبيت تنطرني
العم طلال:ه والله ان ريما لعبة فيك لعب
نواف:يحق لها بنت عمي
ابو ريما:الله يوفقكم..!!
نواف:آمين ياعمي..

ام نواف كانت بالحديقة تنطرهم هي وريما..!!
ام نواف:توقعين وش صار؟
ريما:ماصاير الا كل خير..نوف ماراح تلاقي مثل محمد ولد عمها راح يحفظها ويصونها
ام نواف:الله يسمع منك يابنتي
ريما:هذولا هم جو..
ابو نواف ومحمد ونواف لكهم جلسوا بالحديقة ويتكلمون عن الي صار في بيت ابو عبد الرحمن..وجلسوا تقريباً ساعتين

نواف:يالله انا وريما نستئذن نبي نطلع شوي
ابو نواف:براحتكم..

راحت ريما لبست عبايتها ونزلت تحت لعند نواف الي راكب في السيارة ينتظرها..!!

ريما:حبيبي وين بنروح؟
نواف:ما عليك راح اوديك لمكان اتمنى يعجبك!!
ريما:يعني ماراح تقول؟
نواف:ايه ماراح اقول
ريما:طيب زعلت عليك
نواف:مايهون علي زعل الغالية..
ريما:ايه واضح
نواف: حبيبتي سربرايز والله
ريما:نصبر ونشوف


وصلوا لعند بيت يبنى يعني لحد اللحين مو مكتمل كان كبير ورايقة الوانه وشكلة وتصميمة
نواف:انزلي
ريما:وين؟
نواف:للبيت..
ريما: اكيد احد البيوت الي صممتها صح!!
نواف:ياعيني عليك ذكية مرتي..بس انزلي
ريما:شلون انزل شوف البيت الإضاءة شغالة اكيد اهله فيه
نواف:اهله جالسين بالسيارة مايبون ينزلون
ريما:ليش مايبون......وش تقول؟
نواف:ياطويلة العمر هذا بيتنا..
ريما:لا اكيد تمزح..من متى؟وكيف؟
نواف:من اول ماخطبتك هذي ارض حقتي وابوي ساعدني في البناء وانا صممت الديزاين حقه..بس بقى الاثاث واكيد كل وحدة تحب تختار اثاث مملكتها لحالها..!!
ريما:يابعد قلبي يانواف..كل هذا مسوية وانا مدري..عساني مانحرم منك ولامن حنانك علي..!!
نواف:شكلنا مطولين بالسيارة
ريما: يالله ورينا جوا البيت

نواف راح وفتح باب السيارة لريما
نواف:تفضلي يالغلا..

نواف:ادخلي برجلك اليمين..
ريما:تآمر آمر
نواف:تسلمين...
البيت كان حلو بشكــــــل...كبير وفيه حديقة حلوة شكلها مرتبة والوان البيت كانت جنان والرخام مغطي على معظم التصميم ..والون الذهبي على البرونزي معطي للبيت منظر الفخامة كان التصميم يرجع للعصر الروماني ..!!

ريما:يااااي نواف ماتوقعته كذا..عندك ذوق مسكت!!
نواف:اكيد عندي ذوق دامك جنبي..ومعاي..
ريما:فديتك دايماً تاكلني بكلامك..
نواف:..تعالي شوفي المطبخ..
ريما:ياسلام عليك والله انك احلى وارقى مهندس بالدنيا كلها
نواف:اثمن شهادة حصلت عليها من اثمن جوهرة امتلكها
ريما استحت..!!
نواف:حبيبتي تعالي شوفي الغرفة هذي اعطيني رآيك فيها..
ريما:تهبل بس حقت ايش؟
نواف:حق النونو الي راح يجي ان شاء الله
ريما ارتبكت:ايه ان شاء الله
نواف:يالله انا ولهان على البزارين
ريما:لا تستعجل تونى بأول الطريق
نواف:انا الي يقولي أنك حامل له البشارة!!
ريما:اجل محد راح يبشرك غيري ه
نواف:
ريما:بالله ابي اشوف غرفة النوم
نواف:يالله يالغلا

ريما اعجبها التصميم كان غريب وناعم وفخم بنفس الوقت...تخبلت على الوان غرفة النوم كانت لونها عنابي ونحاسي..!!

: : :

بعد مرور أسبوع...
نوف وافقت على محمدلكن ابوها اشترط انه مايصير أي شيء رسمي مجرد خطبة والملكة والزواج بعد الثانوية العامة..محمد انبسط كثير ودهـ لو يطير من الفرحة..!! وافق على الشرط بدون أي تردد..!!

: : :

ريما:نواف وش رآيك بكرى نعزم اهلنا عمامي في بيت ابوك..وتكون العزيمة منا احنا..يعني وداعية لمحمد مو بكرى راح يسافر؟
نواف:والله فكرة..ماخطرت في بالي..!!
ريما:بس اسمع مابي خالتي ولا عمي يتعبون انفسهم معانا يعني العزيمة احنا الي راح نقوم فيها!!
نواف:فديت قلبك ماتبين تعبين امي وابوي معاك..بس الشغل كله يصير عليك وانا ماستحمل اشوفك تتعبين..؟
ريما:لا ياقلبي الخدامات راح يساعدوني..!!وش قلت..؟
نواف:اوكي على بركة الله..بكرى بكرى..!!

: : :
تركي:ياحليلة عبودي الصغير شيطاني
ندى: ايه وش حليله
تركي:وش اسم امه..
ندى:نورة
تركي:تصير عمت ريما؟
ندى:وش رآيك..!!
تركي:ايه بس زيادة تأكيد
ندى: عساك انبسطت؟
تركي:أي والله الشباب فلــــــّه
ندى:ومين اكثر واحد ارتحت له؟
تركي:الكل والله طيبين ومحترمين..بس اكثر شيء فيصل
ندى: فيصل ولد نورة؟
تركي:ايه
ندى:ه هذا الي مخوف الهنوف..خارشها (مخوفها)
تركي:ندى..الهنوف وش دخلت قسم في الجامعة؟
ندى:اها سئلتني عن الهنوف انا اقول وش فيه الولد يلف ويدور كان جايبها من الآخر
تركي:سخيفة..انا قايم
ندى:لحظة لحظة يالحبيب استنى وش فيك زعلت امززززح ياولد هياء
تركي:ياكره مزحك ثقيل ماينبلع
ندى:مقبولة منك يادكتور
تركي:الا على طاري الدكتور ..ماجد اليوم لصق فيني ياكر ثقيل مثل بعض الناس..يعني الطيور على اشكالها تقع <يحب يرفع ضغطها
ندى قمزت من مكانها وجت عندة:احلف..وش قالك؟وش تكلمتوا فيه؟قال شيء عني؟
تركي:ه
ندى:يالله تكلم
تركي:انا كل يوم اجلس معاه..
ندى:طيب ايش تكلمتوا فيه؟!!
تركي:بكل شيء
ندى:تكفى لاتقهرني حدد أي موضوع
تركي:وحدة×وحدة
ندى:يالله عاد والله لو اترجاك الجنة
تركي:يسلم عليك!!
ندى:الله يسلمك ويسلمة...
الجدة هياء جت عندهم..
الجدة هياء:وش في صوتك واصل لآخر الدنياء
تركي:
ندى:لا ابد سلامتك..يمة وش رآيك بشيخة
الجدة هياء:أي شيخة؟ اخت ماجد؟
ندى:عليك نور!!ماتصلح حق تركي؟
تركي عصب من كلامها
الجدة هياء:والله مافكرت فيها..وش حليلها..!!
تركي:سخافة..!!انا ماقلت ابي أتزوج ولاشيء..وبعدين مهوب انتي الي تختارين لي امي الي تختار لي ..يالله انا طالع
الجدة هياء:وقف تركي..وش فيك عصبت..توك وش حليلك تضحك وتسولف..!!
ندى:خليه يروح!!
ندى(وآخيراً عرفت ياتركي انك حاط الهنوف في بالك..بس طيب ان ماخليتك تجي لعندي وتقولي ياندى احبها واخطبوها لي ماكون انا ندى الــ0000..!!)

: : :

الهنوف:هلا ريمو
ريما:هلا بك
الهنوف:شخبارك؟
ريما:تمام انتم شخباركم..عمتي وعبودي شلونهم؟
الهنوف:كلهم بخير..لحظة آآآآآي وجع يادب
ريما: شوي شوي اذني راح تنفجر من صراخك
الهنوف:وش اسوي هالحمار عبودي يجر شعري!!
ريما:ه يالبى قلبه..
الهنوف:محد خربه علينا غيرك انتي وزوجك الي مدلعينهم
ريما:يستاهل
الهنوف:مدري اذا جبتوا بزارين وش راح يصيرون شكلهم دلوعين
ريما:ه اكيد عيالي وعيال نواف وبعدين كلنا نحب الاطفال
الهنوف:المفروض تكتبون عليهم "ممنوع اللمس والاقتراب"
ريما: لا عاد وش دعوى؟؟
الهنوف:اقول ياحليلها نوف مانيب مصدقة انها بتتزوج والله خطيرة العيال كبرت!!
ريما:ه انتي منجنه شكلك
الهنوف:بعذري لو انجن اجل وحدة كبري تتزوج والي اصغر مني مخطوبة..وانا جالسة لاشغل ولا مشغلة
ريما:اهاااااا قولي كذا من أول..لا تخافين ولد الحلال راح يجيك
الهنوف:متى ياحسرة..ابيه يجي بسيكلة ابو كفرتين ويخطفني من باب اهلي
ريما:ه يالمرجوجة اخبر فارس الاحلام يخطف البنات على فرس مو سيكل.؟
الهنوف:كيفي والله فارس احلامي مو احلامك..
ريما:اساساً فيه ناس حاطين عينهم عليك<تقصد خالها تركي
الهنوف:منهم؟
ريما: "آي كانوت" مقدر اقولك
الهنوف:تكفين ريموش
ريما:ريموش بعد هذي احلمي ماراح اقولك..اسمعي تعالي بكرى بدري نبي ننبسط
الهنوف:اوكي باي
ريما:باي

: : :
نوف كانت جالسة على الكنبة في غرفتها...!!تفكر في بكرى..
نوف(يالله يعني هذي وداعية لمحمد..وش اسوي انا بكرى اكيد الانظار راح توجه لي!! ..ماراح اروح للعزيمة بكرى..والي يصير يصير..!!)

وداعيه يا آخر ليلة تجمعنا وداعيـــــــة
وداعيه اعز الناس يودعنا
ليلة ويا عساك تعود..ليلة..
عسى الله يصبر الموعود..
أنا بعدك عمر مفقود
دنيا بلا معنى..بلا معنى..

لحظة يا بقايا الليل..لحظة
لحظة ما بقى بالحيل لحظة!!
بالهدا يا ليل ..ما بقى بالحيل لحظة..
حسيت اني بنحرم شوفي..
ما أقدر أوادع قطعة من جوفي..

قال الوداع قال..
لحظة وداع قال
وهلت الدمعة
وسال الكحل فوق السواطر
كل دمعة من عيونك اشتريها بألف خاطر
انت غربة..وانا بدروبك محطة..
آهـ ياحظي ما وصل يمي وخطى
قـــــــــال الوداع قـــــــــــال

: : :
نوف قررت تلعب دور المريضة..علشان يعذرونها من الروحة لبيت عمها سعود..!!مالقت حل غير هذا يفكها ..!!
ام نوف:يالله نوف قومي انزلي ابوك واخوك ينتظرونا برى..
نوف:يمة ما أقدر اروح معاكم..
ام نوف:ليش وش فيك؟
نوف:مادري احس بعوار في بطني..
ام نوف:من متى العوار؟
نوف:امس بالليل شكل الي فيني برد لاني اخذت شاور امس وعلى طول نمت!!
ام نوف:دايماُ اقولك اقصري التكييف..طيب فشلة وش نقول لعمامك..؟وبعدين ريما هي الي عازمة!!
نوف:وش فشلتة البنت مريضة خلاص وخلصنا!!
ام نوف:بس الليلة ولد عمك محمد راح يسافر يعني لازم كلنا نودعة!! وخصوصاً انتي!!
نوف (آهـ يمة لو تدرين ان هذا السبب الي ماخلاني اروح..!!
ام نوف:خلاص اجل اللحين بروح اجيب لك حبوب يخفف العوار..اشربي شاي او أي شيء دافئ ونامي وانت متغطية زين.. واقصري التكييف للمرة المليون اقولك!!
نوف:ابشري يمة..يالله روحي تأخرتي..
ام نوف:يالله خلي بالك على نفسك..مع السلامة
نوف:الله يسلمك..

: : :

في العزيمة الكل كان موجود ماعدا نوف...وجت اخت ام نواف..خالت نواف ومحمد فوزية (ام سعد) الكل صدق ان نوف مريضة ماعدا ريما حست ان فيه شيء!!
العمة نورة:ياربي شفتوا الاسهم كيف انهارات هذا الاسبوع..؟
ام سعد:انهيار يخوف..ماشفت ولا شركة ربحانة..
ام نواف:أي والله ..مع ان الكل متوقع ان المؤشر يرتفع بنهاية الأسبوع..
ام عبد الرحمن: الحمد لله الي مادخلت فيها..مع ان كل زميلاتي داخلين
العمة نورة:ماشاء الله عليــــــك اجل انا كل فلوسي في السوق!!
ام ريما:اريح لك..احنا الي ابتلشنا فيها بس عيوننا على المؤشر متى يرتفع علشان نبيع!!
ام سعد:ماوراها غير الهم والغم..ارتفع خسر طاح السوق..
ريما:جتني توصية في الأيميل على شركة يقولون انها راح ترتفع وتعوض الخسارة
الهنوف:لا حبيبتي غلطانة التوصية في الشركة الي راح تنزل هي الي يقولون انها راح تضرب نسبة في ارتفاعتها..
ريما:ماعلينا من الأسهم الله يرفعها وتضرب نسب وتعوض خسارتنا..يالله تفضلوا على العشـــــاء..
ام نواف:يامال العافية ياريومة حلفت علي مادخل المطبخ اليوم وكل الي تشوفونه تصليحها..ياما كنت اتمنى بنت والله عوضني فيها
ام ريما:تسلمين والله يا أم نواف..وريما بنتك..وانا بعد والله ماعتبر نواف غير ولد لي..!!الله يخليهم..

: : :
عبد الرحمن:متى طيارتك محمد؟
محمد:الساعة 2 بالليل
عبد الرحمن:تروح وترجع بالسلامة
محمد:الله يسلمك..بس وش فيك متضايق..
عبد الرحمن:راح افقدك يامحمد بالحيل
محمد:ماتفقد غالي..كل ماتبيني افتح جوالك ولا اللاب توب وتقدر تكلمني في أي لحظة..
عبد الرحمن:راح ازعجك..؟
محمد:تمون ياولد عمي..
فيصل:وش ذا الطبخ على مرتك روعة..اكلات شرقية وغربية كله تعرف لها
نواف:ايه ماشفت شيء..هذا مرتي اكيد بتطلع فنانة
فيصل:يالقهر ياليت لو خالي فهد عندهـ بنت ثانية كان اخطبها
نواف:الحمد لله الي ماله غير ريما..خوش كان تصير عديلي بعد..
فيصل:ياسلام احمد ربك اني راح اصير عديلك..
محمد: ياهو انت وياه اصحوا خالي فهد ماله غير ريما..جالسين تتهاوشون على الفاضي..!!
عبد الرحمن:ه الطول طول نخلة والعقل عقل...
فيصل:اقول اسكت لا اقوم وادوس في بطنك
نواف:حيلك به يافيصل برد قلبي
محمد:والله انك قاهرهم ياعبيد
عبد الرحمن:ايه انا عبد الرحمن الطلال مو أي شخص ثاني..
نواف:تكفى يا بيت هوفن
فيصل:ولا نيوتن الأخ واحنا ماندري
محمد:ه
عبد الرحمن:والله حالة انا اعطي هالأشكال وج
فيصل:نشوف اذا سافر محمد وش بتسوي؟ومع مين راح تروح؟
عبد الرحمن:آهـ مسكتوني مع الأيد الي توجعني!!
محمد:آمانة عليكم ماتضايقون عبد الرحمن..
فيصل: عبد الرحمن اخو نوف صح!!
محمد:ياحبك للفلسفة
عبد الرحمن:ياحبي لك ياحمّود انت الوحيد الي تقدرني..
فيصل: امحق تقدير..
نواف:يالله محمد قوم علشان تسلم على عمامي مابقى شيء على موعد الاقلاع..
محمد:الله يصبرني ..يالله يبة اشوفك على خير
ابو نواف:ياولدي انتبه لنفسك وشد حيلك بدراستك..انت مو رايح علشان تنبسط انت رايح علشان دارستك..واتصل علينا كل شوي طمنا عنك..واحنا بنتظارك كل عطلة..وتروح وترجع بالسلامة
محمد باس راسه:الله يسلمك يالغالي
ابو ريما:ماوصيك وانا عمك اذا احتجت أي شيء لايردك الا لسانك كم محمد عندنا؟
محمد:مشكور وماتقصر ياعمي
العم طلال:شد حيلك في المذاكرة..وكلنا بنتظارك علشان نفرح فيك وانا عمك
محمد:تسلم يالغالي..يالله انا بروح اسلم على أمي..اشوفكم على خير مع السلامة
عبد الرحمن ضم محمد بقوة..:ماراح تغيب عن بالنا ولا لحظة..انتبه لنفسك
محمد حضن عبد الرحمن:ولا انا ابشر ياولد عمي..انتبه لنفسك ..(همس في أذنة)دير بالك على نوف!!
عبد الرحمن ابتسم له..وفي عيونة دموع
فيصل:مع السلامة يابو سعود..اذا رحت مع مين راح اتهاوش؟
محمد: هذا الي هامك..تسلم يافيصل..اشوفك على خير..مع السلامة
الجميع:مع السلامة

: : :

نواف اتصل على ريما علشان تقول للحريم ان محمد راح يسلم عليهم وراح يطلع للمطار لأن الساعة صارت وحدة ولازم يكون في المطار..
دخل محمد وسلم على عمتة نورة ..وعلى أم ريما..وعلى أم عبد الرحمن..وعلى خالته أم سعد

ام نواف جلست تبكي: تروح وترجع لنا بالسلامة
محمد:تكفين يام نواف لاتبكين..مابي اشوف دموعك والله غالية
العمة نورة:لاتصايقن الولد يا أم نواف
أم نواف:والله غصبن علي..اسمع كل شوي اتصل فينا ولاتقفل جوالك..وارسل لنواف ارقام اصدقائك علشان نتطمن عليك..ودير بالك على روحك..
محمد:الي تآمرين فيه يالغالية..
ام نواف:واذا احتجت أي شيء اتصل علينا لاتسحتي اعرفك انت ماتقول شيء.!!
محمد يأشر على عيونه: من عيوني..
ام نواف:كل يوم اتصل علينا تكفى ترى بجلس انتظرك كل يوم على هالكنبة جنب التليفون
محمد:ان شاء الله
العمة نور:خلي الولد يروح
محمد:يالله اشوف وجهك بخير..باس راس امه..ام نواف ضمتة لصدرها وهي تبكي..كان منظرها حزين للغاية وهي تودع ولدها الغالي..
ام نواف:حافظك ربي..ودعتك الله الذي لاتضيع ودائعة!!

الهنوف:تروح وترجع بالسلامة محمد..
محمد:الله يسلمك يالهنوف..
عبودي:ذيب لنا هدية (جيب لنا هدية)
مها:انا ابي علوسة(انا ابي عروسة)
محمد: ابشروا..يالله خلوني ابوسكم علشان ابي اسافر..

طلع محمد في الصالة وريما الي نزلت دموعها تأثرت بموقف خالتها لما سلمت على محمد..وطلعت برى المجلس

محمد:ريما يعني شلون ما راح تسلمين علي؟
ريما:لا وش دعوى..تروح وترجع بالسلامة وراح نفقدك والله..
محمد:ماتفقدين غالي..ما أوصيك ياريما على أمي وأبوي ونواف
ريما:لا تخاف يامحمد بعيوني والله..روح وانت مرتاح
محمد:والله وكفو واثق فيك انا..ريما ماشفت نوف وينها؟
ريما:تعبانة ماجت..
محمد:ليش وش فيها؟
ريما:لاتخترع عليها مافيها الا العافية بس هي مو تعبانة...
محمد فهم:آهاااااا..ممكن تتصلين عليها اللحين
ريما:طيب..

ريما:الوو شخبارك نوف؟
نوف:هلا تمام..
ريما:شلونك اللحين؟
نوف:لا احسن من أول
ريما:انا عارفة كل شيء يانوف ..وعارفة ان مافيك شيء
نوف:لا حرام عليك
ريما:انتي الي حرام عليك..
نوف:ايه مافيني شيء بس صعبة علي ياريما اجي الليلة ومحمد راح يسافر خليك بموقفي..لاتلوميني!
ريما:ماراح الومك والله يلوم الي يلومك..نوفه ابي احط سبيكر فيه ناس يبون يسلمون عليك
نوف: عاد الهنوف ليش ماتتصل هي؟
ريما حطت السبيكر..
محمد:انا عتبان عليك يانوف
نوف:محـــــــــمد؟
محمد:ايه محمد الكل ودعني وانتي أهم وحدة ماودعتيني ولاسلمتي علي
نوف ساكتة..مصدومة ماتدري وش ترد عليه..
محمد:كنت اتمنى لو اشوفك قبل ما آسافر..لو دقايق..
نوف:خلاص لاتعور قلبي الي فيني مكفيني..يكفي انك راح تروح وتتركنا وتبيني اجي واودعك انا اكرة لحظات عمري الوداع وخصوصاً وداع الغالين..محمد تكفى ريحني لاتزعل مني..انا والله يصعب علي وداعك..
محمد:لامسموحة يابنت عمي..وعاذرك بس كان ودي اشوفك..
نوف:تروح وترجع بالسلامة..وطمنا عليك..
محمد:الله يسلمك يالغلا كلة..وما أوصيك شدي حيلك بدراستك علشان تلحقيني بسرعة!!
نوف خجلت من كلامة!!
ريما:احم احم
محمد:يوووة آسفين يامرت نواف..
ريما: لا معليش..
محمد:يالله انا اترخص مع السلامة..
نوف:مع السلامة..
ريما:يالله نوفة انا مضطرة اسكر..فمان الله
نوف:الله معاك..
: : :
نواف راح مع محمد يوصله للمطار..ونادوا على رحلة محمد..
محمد:يالله يا أبو سعود مع السلامة
نواف حضن محمد:تروح وترجع بالسلامة..
محمد:تكفى يا نواف ما أوصيك في أمي و أبوي
نواف:افا يامحمد أنا موجود..وبخدمتهم..وانت ابيك تشد حيلك وترفع روسنا..واتصل علينا دايماً طمنا عليك..
محمد:هذا العشم فيك يانواف..والله راح افقدك..
نواف:كلنا راح نفقدك وراح نشتاق لبسمة البيت..ولعبك ومقالبك..
محمد نزلت دموع من عينه وهو يضم نواف
نواف:اووف انت بتقلبها مناحة..يالله يامحمد روح والله يحفظك..وبعدين ترى متى ماطفشنا واشتقنا لك راح نجيك لكندا وننشب في حلقك
محمد: حياكم ربي
نواف:اذا وصلت اتصل علي ترى ماراح انوم الا اذا اتصلت
محمد:ابشر يالغالي..باس راس نواف
محمد:يالله اشوفك على خير..سلم على الأهل
نواف:ان شاء الله يوصل..

: : :

بــــــعد مرور ثلاث شهور...!!
ام سعد:الووو
ام نواف:هلا والله
ام سعد:شخبارك؟ و شلون ابو نواف
ام نواف:والله بخير..
ام سعد:وشلون نواف وزوجتة؟ومحمد بالعلوم؟
ام نواف:الكل بصحة الله يخليك..ومحمد ياحياتي هو مشغول بدراستة قبل شوي كلمني.!!
ام سعد:زين الله يوفقة..اقول ام نواف..بنات خالتي سلوى و تهاني راح يجون عندنا
ام نواف:صدق..متى؟وش عرفك؟
ام سعد:اتصلت علي سلوى وقالت اننا مشتاقين لكم وطفشنا من الكويت نبي نغير جو عندكم..!!
ام نواف:حتى بناتهم وعيالهم راح يجون؟
ام سعد:ايه كلهم..
ام نواف:حياهم الله وهذي الساعة المباركة والله..
ام سعد:ايه بس حبيت اعطيك خبر..وترى بكرى يجون ..
ام نواف:اجل بكرى ان شاء الله عندي الاستقبال
ام سعد:خلاص اقولهم ان شاء الله..تبين شيء مساعدة؟
ام نواف:لا مشكورة عندي بنتي ريما اللحين هي الي تساعدني
ام سعد:ماشاء الله عليها..يالله مع السلامة
ام نواف:الله يسلمك

اخذت تجهز وترتب للعزيمة هي وريمــــــــا111..الضيوف هم بنات خالت ام نواف..سلوى لها بنت بعمر نواف اسمها "اسيل" كانت تدرس مع نواف في أمريكا وهي تحب نواف بشكل لايوصف..وبنت اصغر منها بالمرحلة المتوسطة اسمها" سجى"..اما اختها تهاني عندها ولد وبنت الولد بالثانوية العامة اسمه "فارس" وبنت بعمر ريما اسمها "سما" وتوم اثنين صغار اعمارهم خمس سنين اسمائهم "حلا" و "يزن".....

ريما جايبة معاها كيك و عصير تصليح يدها تبي تذوقهم نواف..
نواف اول ما رن جواله..طلع..ريما اسغربت من حركة نواف أول مرة يطلع علشان يكلم اكيد السالفة فيها أن..مو من عوايدة وبعدين نواف ما يخبي عني شيء!!بعد نص ساعة رجع نواف وجلس عند ريما...!!
ريما:وش هالمكالمة الغريبة..مين تكلم؟
نواف:واحد من الشباب!!
ريما:وش فيك نواف؟
نواف:هاه مافيني شيء!!
ريما:الا فيك..
نواف عصب منها:انتي الي وش فيك؟ اليوم فاتحة معاي تحقيق؟يالله انا رايح انوم
ريما:نواف وقف..انا ماقلت شيء انت معصب من البداية..!!
نواف:لا انتي تعصبين الواحد وش فيك ؟من تكلم؟ وش هالأسئلة؟ يالله تصبحين على خير..

ريما حطت يدها على راسها تفكر في نواف الي من تزوجته ماقد كدر خاطرها ولا لحظة ولا عصب منها!!{نواف موب طبيعي ..السالفة فيها أن لأن نواف مايعصب الا اذا كانت السالفة تخصة..ليش كذا يعاملني بهذا الاسلوب البايخ...ماسويت فيه شيء..بس ماعلية انا مقدرة ظروفة الي ماعرفها..!!}

قامت ريما الصبح ..وكشخت بالجلابية الفخمة كان لونها تركواز كأنها جاكيت وفيه سلاسل وأشياء نازلة منها ورفعت شعرها بربطة حرير لونها تركواز ..!!راحت تصحي نواف بس بكل برود وجفاف..نواف فهم من اسلوب ريما انها زعلانه عليه أول ما صحى بدل ملابسة وراح عندها الي كانت واقفة عند المرآية تتضبط..

نواف:ريما انا آسف على الموقف البايخ الي صار امس
ريما:الصراحة يانواف تفاجأت فيك
نواف:والله ياريما لو تعرفين وش فيني تعذريني..
ريما:وش فيك ياقلبي؟تكلم ريحني وريحك؟
نواف:راح اقولك بس موب اللحين..كل شيء بوقتة حلو
ريما:كيفك..ابتسمت له علشان تبين انها راضية..
إبتسامتها ريحة نواف كثير..!!
ريما:طيب خلينا ننزل نفطر تحت مع عمي!!
نواف:من عيوني ..
ريما:تسلم عيونك..

: : :

ابو نواف: وش صار على بيتكم متى يخلص؟
نواف بكل ارتباك:قريب ان شاء الله
ريما:والله ياعمي نواف ذوق بشكل..الفيلا الصراحة تأخذ العقل
ام نواف:زين والله..اجل لازم نشوفها
ريما:اكيد ياخالتي ماتنور الا بجيتكم..
ام نواف:تسلمين يالغالية
نواف:يالله انا ماشي تبون شيء؟
ريما:سلامتك..
ام نواف:لازم تجي بدري علشان تنوم وتريح وبعدين تجهز نفسك للعزيمة الليلة
نواف:ابشري..
ام نواف:ريما ترى الليلة ان شاء الله عزيمة كبيرة دعيت امك وعمتك ومرت عمك طلال وبناتهم..وأهلي..
ريما:ايه ان شاء الله..

: : :

في الليل..ريما نزلت بدري مع خالتها علشان تستقبل الضيوف

ريما لابسة تنورة لونها أبيض طبقات وفيها تشجير وردي خفيف...و بلوزة على جسمها لونها أبيض وفيها كلفة طويلة من الستان على حدود البلوزة وفيه تطريز بالوردي على الاكمام وكأنها مفتوحة من قدام ولابسه معاه بــــدي صاير لف على الرقبة وهو حرير..ولابست وانتوا بكرامة صندل لف على الساق لونه وردي وفلت شعرها الحريري وحطت وردهـ جوري ياعيني على الجوري..وحطت ميك آب وردي خفيف ولبست ساعة لونها أبيض ماركة شانيل فخمة

وصلوا الحريم كلهم..
سلموا على ام نواف قبل وبعدين ريما
سلوى:هذي زوجة نواف؟
ام نواف:ايه هذي ريما بنت فهد
سلوى:ما شاء الله ما شاء الله ..شخبارك وشخبار نواف؟
ريما:بخير الله يسلمك..الحمد لله على السلامة
سلوى: الله يسلمك
تهاني:يامرحبا بمرت نواف ..تراني اعتبر نواف ولدي الثاني يعني انتي اللحين غلاتك من غلات نواف..وش هالزين الله يحفظك
ريما:تسلمين والله..منورينا
تهاني:النور نورك..ما شاء الله عرفتوا تختارون لنواف
ريما كانت مستحية من كلامهم
ام سعد:ايه نواف حلو وريما احلى..الله يوفقهم
اسيل:انتي ريما الي صجونا فيك؟
ريما بكل اندهاش:نعم؟
اسيل:الله ينعم بحالك..شخبار نواف؟
ريما استسخفتها:طيب
اسيل جلست تطالع بريما من فوق لتحت..مما قهر ريما

سما:ماعليك منها..شخبارك ريما؟
ريما:هلا فيك..تمام
سما:انا بنت خالت أسيل وهذي سجى اختها
سجى:اهلين ريما كيف الحال؟ومبروك الزواج لأني ماكنت حاضرة
ريما:هلا فيك ..الله يبارك فيك يالغالية..تفضلوا على المجلس
أسيل:نعرف بيت خالتي مافيه داعي تعلمينا
ريما كانت مصدومة منها
سجى ضربت رجل أسيل
سما:يالله من زمان عن بيتكم ريما..وين المجلس بأي مكان
ريما:تفضلي من هنا
سما:زاد فضلك

جلســـــــوا الحريم مع بعض والبنات في الصالة مع بعض..الهنوف ونوف وأسيل وسما وسجى..وريما كانت مشغولة مرة تجي عندهم ومرة عند الحريم

الهنوف:ريما ورى ماتجلسين عندنا
نوف: لاتنسين انها متزوجة يعني لازم توجب الناس..
أسيل:بس دوختني كل شوي قايمة وراجعة
سما:وش عليك منها بعدين هي تشتغل مو مثل حضرتك جالسة تسولفين
ريما:أسيل انتي تدرسين با أي جامعة؟
أسيل:انا مع نواف بنفس الجامعة
ريما انقهرت من كلامها الي يرفع الضغط.
سما:وانا اللحين رايحة لأول سنة جامعة تخصص حاسب آلي
ريما:يعني كبري انا توني مخلصة ثانوية عامة
أسيل:انتي صغيرة بالمرةيالله كيف تنسجمين مع نواف ..كأن نواف اكبر منك بكثير؟
نوف:مو بالعمر الانسجام ياما ناس تزوجوا ومابينهم فرق بالعمر وماهم حاسين بالسعادة الزوجية
الهنوف:والكبر موب عيب..اهم شيء انها خذت واحد يموت فيها ويحبها
ريما:فديت قلبة نواف انا وياه متفاهمين ولله الحمد..والوحدة مايهم عمرها يعني عائشة أم المؤمنين رضي الله عنها تزوجت وعمرها 9 سنوات
سجى:صادقة ريما
أسيل:انا بروح للحريم..عن اذنكم

بعد ما تعشوا دخل نواف يسلم على سلوى تهاني بعد الحاح من أمه..هو ولد خالته سعد..ولد تهاني فارس كان يبي يسلم على ام نواف وام سعد دخلوا

سلم نواف على سلوى وتهاني وباركوا له في زواجة وبعدين جاء الدور على أسيل..
أسيل بكل دلع :هلا نواف كيفك؟
نواف:اهلين اسيل..انا تمام انتي كيفك؟
أسيل:انا بخير..
نواف:خلصتي دراسة؟
اسيل:بقى لي سنتين..فقدناك نواف
نواف:تسلمين..
أسيل:ماراح ترجع لأمريكا تكمل دراسات عليا؟
نواف:والله مدري افكر
أسيل:الا بليز تعال لك وحشة
نواف:يالله انا استئذن
أسيل:وين تونى
نواف:والله مشغول..فمان الله

ريما عصبت من أسيل ودها تذبحها ليش تتكلم مع نواف كذا بكل ميوعة..
الهنوف تهمس لأذن ريما:خلي بالك على زوجك
نوف:باين ان هالأسيل موب هينه
ريما ساكتة وهي مقهورة وقلبها يحترق من جوى..

أم سعد:بكرى ان شاء الله عندي لازم كلكم تجون
ام ريما:اعذرينا يا أم سعد بكرى مرتبطة بمناسبة ثانية
أم عبد الرحمن: حتى انا والله بكرى عند اهلي عزيمة
ام سعد:والله تمنيناكم تجون بس يالله الجايات اكثر


بعد ما انتهت العزيمة ريما حست بتعب وراحت ترتاح بغرفتها
نواف كان جالس على مكتبة وهو في عالم ثاني من التفكير..ريما بدت الشكوك عندها تتولد (اكيد يفكر با أسيل ودلعها قدامة وميوعتها..انا لازم احط حد للموضوع زوجي بيطير مني والسبب المغرورة اسيل

ريما:حبيبي الي ما خذ عقلك يتهنى
نواف:محد ما خذ عقلي غيرك
ريما (واضح)
ريما:نواف انت مو عاجبني اليومين هذي احس انك تعبان وش فيك مهموم وعلى طول تفكر..
نواف:آهـ ياريما انا والله نفسي اقولك بس ماجاء الوقت المناسب..وخلي في بالك اني راح اجي في أي يوم وراح افاتحك بالموضوع
ريما:ان شاء الله..مافيك نوم؟
نواف:الا فيني نوم..يالله خلينا نروح ننوم


ندى كانت تكلم ريما الصبح..وتحكي لها عن الي صار لها مع اسيل ندى تضايقت علشان ريما
كان جالس عندها تركي وأمها

ندى:صدق متى؟وهي وافقت..
ريما:لا لسى بس تفكر..والله قهر تمنيتها تكون من نصيبنا
ندى:ايه خلاص اكلمك بعدين..
ريما:ندى وش فيك؟
ندى:باي

ندى راحت وجلست عند امها..وتركي كان جالس يقرأ جريدة..!!
ندى:يمة تعرفين الهنوف بنت نورة
الجدة هياء:ايه ..وش فيها؟
تركي تحمس ونزل الجريدة وجلس يسمع لندى..
ندى:انخطبت
تركي رمى الجريدة بالارض و قام من ماكنه
تركي بعصبيـــــة حادة:وش تقولين..لمن انخطبت؟
ندى:صديق اخوها خطبها
تركي:شلون متى؟
الجدة هياء:بسم الله عليك تركي وش فيك؟
تركي:ردي ندى
ندى:ما دري والله ياتركي بس اللحين هي ماردت تفكــــر بالموضوع ماصار أي شيء رسمي
تركي:يمة ندى اسمعوا انا ماراح اتزوج غيرها..اخطبوا لي اللحين
الجدة هياء: البنت اللحين يمكن توافق
تركي:قلت لكم والله شوفوني حلفت ماراح اتزوج غيرها والي يصير يصير
ندى:تركي هدي بالك
تركي:اذا ماخطبتوها لي ماراح تشوفون وجهي بالبيت ابد
الجدة هياء:تركي وقف شوي
تركي مشى وطلع برى البيت وكان متضايق
ندى:الله يستر..
الجدة هياء:اللحين يسرع بالسواقة ياربي تستر

تركي أتصل على خالد ولد هند ..حس خالد من نبرة صوته ان تركي مو طبيعي..تركي مامسك اعصابة جلس يقول لخالد كل شيء

خالد:اكيد راح يخطبونها لك
تركي:ماجد ماتخيلها زوجة لغيري..
خالد:هونه وتهون تشوف اذا ماراح يخطبونها لك..بس انت لاتستعجل
تركي:الله كريم..والله غثيتك معاي
خالد:وش تقول افا ياتركي
تركي:خلاص اجل انا بروح شوي للشباب احس اني طفشان
خالد:وامي هياء لاتغثها اتصل عليها طمنها تراها على اعصابها جدتي واعرفها
تركي:اللحين بتصل اطمنها علي..يالله تبي شي
خالد:سلامتك
تركي:مع السلامة

أسيل:يمة انا بروح ويا رفيجتي اللحين بتمرني وبروح لبيتهم عازمتني
سلوى:هيه ع بالك احنا بالكويت؟
أسيل:لا هي بتاخذني ويا السايق شوي ماراح اتأخر وعد!!
سلوى:أي رفيجة؟
أسيل:شروق الي أول معاي في الثانوية بس رجعت للسعودية
سلوى:ايه عرفتها..بس انا مو مرتاحة لها
أسيل:يمة انا مرتاحة لها وهذا يكفي..ماراح اطول
سلوى:اكيد
أسيل:اكيد
سلوى:الليلة العزيمة في بيت بنت خالتي فوزية لاتنسين
أسل:وانا أقدر انسى يالله البنت واقفة تنطرني برى..مع السلامة
سلوى:مع السلامة

أسيل راحت مع شروق لبيتهم واخذت معاها صورة لنواف ولها هي اسيل وسوت فبركة بالصورة لان شروق كانت فنانة بالكومبيوتر وتعرف تسوي هذي الشغلات كانت أسيل تخطط على انها تخلي ريما تشوف الصور
: : :
ريما لبست تنورة لونها بني وفيا نقشات مع تحت بالبرتقالي..كأنها قصيرة مع قدام وطويلة مع وراء وبدي لونه برتقالي موديلة الي صاير متجعد وفيه ترتر بالبني وبلوزة فوق البدي قصيرة لونها بني شعرها صاير روعة ملفوف ورفعت غرتها بمشبك برتقالي
حطت ميكياج خفيف شدو ناعم وبلاشر وطبعاً روج هادئ..

راحت مع خالتها أم نواف لبيت ام سعد..ريما كانت ماخذة هم من العزيمة ومقابلة أسيل الدلوعة اللحين تتكلم عن نواف ياربي تساعدني

سلوى:ما شاء الله ياريما الصراحة انيقة بشكل
ام سعد:ريما كل شيء انيقة فيه
ام نواف:اكيد كنتي ..والله انك صادقة ياختي
أسيل:أكيد بتصير انيقة وريلها نواف يحب الكشخة دايماً
ام نواف:لا يا أسيل ريما من قبل ما تتزوج وهي معروف عنها شياكتها
سجى تهمس:الله يعينيج يا ريما على أسيل..
سماء بصوت واطئ:هي مقهورة ان نواف ما تقدم لها وهي ميتة علية
سجى:ايه صج هي تحبة من زمان بس خلاص الولد تزوج المفروض تترك البنت في حالها
سماء:ايه تتركها بس مو عند أسيل الغثيثة لازم اروح ايلس عند ريما..ريما انسانة طيبة وعسل
سجى:حتى انا احب سواليفها
ريما:شخباركم سما وسجى
سما:بخير الله يسلمج
سجى:تمام
ريما:وين رحتوا من جيتكم للرياض
سما:ابد مارحنا غير الفيصلية
ريما:مارحتوا للمملكة؟
سجى:تخيلي ماعمري دخلتها وكل العالم تحجى فيها
ريما:غالي والطلب رخيص يوم من الأيام راح امركم مع السواق ونروح كلنا
سما:صج؟
ريما:اكيد صدق بس انتم تبون
سجى:أي والله فلــــّه
سما:ياليت ياريما والله انج شي
ريما: تسلمين حبيبتي
تهاني:والله الكويت حر مانقدر نطلع الا والمكيفات شغالة
ام نواف:عندنا وعندكم خير..كلنا نموت حراساساً الخليج كلها حارة
ام سعد:اكيد ترى احنا بوسط الصحارى وش قالوا لكم في ربوع فينا
ريما:أي والله اكيد بتصير حر..لاخلا ولاعدم من المكيفات
سلوى:الله يعين ويسلم المكيفات

ريما راحت عند المرآيا تعدل الميك آب..وتجي وراها أسيل..!!
أسيل:ريما
ريما:هلا؟
أسيل:ابي اراويج صورة في موبايلي
ريما:اوكي
أسيل:امسكي اعصابج

كانت صورتها هي ونواف في أمريكا في مطعم راقي ونواف جالس جنبها..
ريما شوي وتبكي..بس مسكت اعصابها
أسيل:وش رايج؟
ريما:رايي في أي شي؟
أسيل:اكيد في الصورة
ريما:عادي مافيها شي
أسيل انقهرت:طيب شوفي الصورة الثانية
كانت صورة لنواف هي وياه ..عند البحر ونواف حاط يده ورى ظهرها وماسكها بقوة...
ريما:لا هذي الصورة مو معقول
أسيل: ليش مو معقول..ترى نواف كان واعدني انه يخطبني..بس انتي يتي وخربتي علي..
ريما:كذابة
أسيل:لا تقولين جذابة انا ما أجذب..
راحت اسيل ووقفت ورى الجدار علشان تسمع وش ردة فعل ريما!!سجى اخت أسيل كانت تراقب الموضوع من بعيد وفهمت كل السالفة..طبعاً انقهرت من حركة اختها السخيفة..وماتدري وش تسوي راحت لعند سمـــــا وخبرتها بالموضوع

ريما عصبت من كلامها واتصلت على نواف..
نواف:هلا قلبي
ريما:ممكن تجيني اللحين.
نواف:اللحين؟
ريما:ايه اللحين
نواف:طيب لا تعصبين..وش فيك صاير شي؟
ريما:ممكن تجي ولا لا؟
نواف:طيب دقايق ان شاء الله واكون عندك
ريما:سلام..سكرت الخط

نواف حس ان ريما فيها شيء..ماقد كلمته وهي معصبة..وسكرت السماعة في وج..اكيد الموضوع كايد!

نواف طق الباب أسيل عرفت ان الي يطق الباب اكيد نواف راحت وفتحت الباب..ريما لبست عبايتها وتعذرت للحريم بحجة انها تعبانة وبتروح ترتاح في البيت


نواف:أسيل ممكن تنادين ريما
أسيل:طيب احنا ما لنا سلام؟
نواف:هلا هلا..نادي ريما
أسيل:طيب راح اناديها
ريما طلعت وشافت أسيل تكلم نواف ونواف يبتسم لها..
ريما جت لعندة :يالله حبيبي هذا انا جيت
أسيل كانت مقهورة
نواف:يالله اسيل مع السلامة
اسيل:مع السلامة



رجعت اسيل للعند البنات في الصالة لبنات الي فاهمات السالفة
سما:أسيل وش فيها ريما؟
أسيل:ليش وش قالوا لج أمها؟
سما:لا انا احس انج مسوية شي
أسيل:لا ماسويت شي ابد..انا بروح اشرب ماي احد يبي؟
شجى:انا اذا ماعليك امر
راحت اسيل وتركت شنطتها عند البنات..سما راحت وفتحت الشنطة وسجى كانت واقفة عند الباب تراقب اذا فيه احد..
سما شافت في الشنطة ظرف طلعتة وفتحتة وشافت الصورالمفبركة
سما:اافاسجى تعالي شوي المصيبة
سجى:معقولة أسيل تفكر بهذا التفكير الهمجي
سما:ما اتوقع نواف يسوي كذا نواف ولد عاقل ومحترم
سجى:ايه عرفت اكيد هذي شروق صديقتها مفبركة الصورة لانها تعرف تشتغل بالكمبيوتر
سما:المسكينة ريما
سجى:لو صار شي بين ريما ونواف والله ما تلوم الا نفسها..يا ما حذرتها
دخلت سما الظرف وسكرت الشنطة وجلست عادي كن شي ما صار ودخل أسيل
أسيل:خذي الماء
سجى:شكراً
أسيل:وش فيكم ماتسولفون
سما:مالي خلق اسولف
سجى:انا طفشانة وايد
أسيل:والله انكم انتم الي طفشون انا رايحة للحريم تشااو
سجى بصوت قصير:تشاو

في السيارة ريما ساكتة ماقالت ولا كلمة...
نواف:فيك شي؟
ريما:لا
نواف:الا فيك شي
ريما:مافيني أي شي ارتحت
نواف:انتي صاير مو طبيعية
ريما:انت الي مو طبيعي حياتك صايرة كلها اسرار بأسرار كل يوم انصدم فيك
نواف:ليش
ريما:خلاص ودني للبيت لو سمحت
نواف:براحتك
وصلوا للبيت وصعدوا لقسمهم..نواف جلس في الصالة وكان باله مشغول وش فيها ريما..وش تقصد بالاسرار؟ انا غلطان المفروض قايلها من أول علشان ترتاح وارتاح كل ماشافتني الا سرحان ..ابي اروح ادخل عليها واقول لها الموضوع..

دخل عليها وشاف ريما تبكي وهي ترتب شنطتها وتدخل ملابسها فيها1نواف انصدم وقف مكانه..
نواف:ريما وش فيك وش تسوين؟
ريما:لا تحاكيني لو سمحت..انت انسان خسارة حبي فيك
نواف:وش سويت؟فهميني ..مسك يدها بقوة
ريما:اترك يدي عورتني..يعني انت من جت السخيفة عندنا وانت سرحان وانا في وادي وانت في وادي؟تحسبني مو ملاحظة..واليوم خلاص اكتشفتك على حقيقتك اكتشفت انك انسان سخييف تعرف وش معنى سخيف انت سخيف..
نواف:ما أسمح لك..عن الغلط..فهميني..كلامك كله اللغاز وضحي اكثر
ريما:أسيــــــل ليش ماقلتي لي من البداية انك تحبها وانك كنت تبي ترتبط فيها..خلاص يانواف انا مستعدة انسحب من حياتك..وروح انت في طريق وانا في طريق..
نواف عصب بالحيل وما مسك اعصابةاعطي ريما كـــــــــــــــف قوي من شدتة طاحت على الارض اغمي عليها...نواف على طول اخذها للمستشفى..واتصل على امها وابوها وجو لعنده بالمستشفى


الدكتور طول عندهـ الكل كان خايف ابوها وأمها يسئلون نواف ويقول طاحت علي..!!متفشل وش يقول اعطيتها كف!!

طلع الدكتور نواف راح يركض عنده
نواف:هاه بشر يادكتور؟
الدكتور:وين زوجها؟
ابو ريما:هذا زوجها وأنا أبوها
الدكتور:حرام عليكم يعني انسانة حامل كذا تهملونها فيها فقر دم وارهاق
نواف:ريما حاااااااامل؟
الدكتور:ايه واللحين هي بتدخل الشهر الثاني
ابو ريما:الف مبروك يانواف
ام نواف:مبروك يانواف
نواف:الله يبارك فيكم..وينها اللحين يادكتور؟
الدكتور:بس هي بحاجة انها تنام عندنا لان عندها فقر دم شديد وبنتركها تحت الملاحظة!!
ابو ريما:عسى مافيها شي خطير
الدكتور:لا تطمن..بس ترى مدام ريما بحاجة لرعاية خاصة يعني الجنين في أي لحظة ممكن يحصل أي شي له ومايكتمل الحمل..لذا اتمنى انكم تدارونها وتبعدون عن العصبية .يالله عن اذنكم
ابو ريما:اكيد يادكتور محد راح يقرب لريما..
نواف كان ضميرة يأنبة على الي سوى في ريما11111 ماستاهل لوطاح الي بطنها كان اصير انا السبب..
ابو ريما:يالله خلينا نروح
ام ريما:لا مااراح اروح ابي اجلس جنب بنتي
ابو ريما:وش تسوين البنت تحت الملاحظة ماتقدرين تدخلين عليها الصباح رباح..قومي خلينا نروح للبيت جلستك هنا مالها داعي
ام ريما:بس قلبي مايطاوعني اتركها
ابو ريما:هي اللحين تحت الملاحظة ماتستفيدين شي من جلستك..
ام ريما:طيب بس الصبح اول ماتقوم توديني لها
ابو ريما:أكيد حتى انا بروح الصبح لها..وانت يانواف روح
نواف:لا معليش ياعمي انا بجلس هنا
ابو ريما:لا حول ولاقوة الا بالله قوم ياولدي وارتاح انت شكلك تعبان والصبح كلنا بنروح لها
نواف:والي يسلمك ياعمي خلني على راحتي..ما قدر اتركها..ماتخيل ادخل البيت ولا القاها فيه
ابو ريما:براحتك بس ترى ماراح تستفيد أي شي
نواف:معليش انتم روحوا..
ابو ريما وام ريما:احنا بعون الله الصبح راح نجي....

نواف اتصل على امه وابوه وعمتة نورة وعمة طلال وخالته ام سعد الكل بشرهم بخبر حمل ريما..وحتى محمد الي في كندا وصله الخبر والكل كان فرحان لفرحة نواف وباركوا له....! أبو نواف وام نواف ..ماعرفوا بسالفة ريما انها بالمستشفى طايحة بسبب ضربة نواف لها..كان يعتقدون من تعب الحمل وبما ان جسمها نحيل ومعاها فقر دم اكيد بتتعب..ونواف ماقال لاي احد ان فيه مشكلة بينه وبين ريما..

الساعة 7 الصبح ريما صحت وأمها وأبوها ونواف وام نواف وابو نواف واكيد نواف عندها الكل متجمع يبي يتطمن عليها...
ابو ريما:الف مبروك يابنتي
ريما:على ايش؟
ام ريما:بتصيرين ام يالغالية
ريما:صدق؟ الله يبارك فيكم
ابو نواف:واخيراً بصير جد..
ام نواف:كبرتينا ياريمـــــــا
نواف جاء لعندها:مبروك حبيبتي
ريما:اطلع برى تكفون ابعدوة عني
ام نواف:وش فيك ريما؟
ام ريما:هذا زوجك!!
ريما:ما أبيــــــة خلوه يروح عني..جلست تبكي ..نواف تضايق وعلى طول طلع من الغرفة..
ابو نواف:وش فيكم وش صاير؟
ريماتبكي...
ابو ريما:فيكم شي؟نواف سوى فيك شي؟
ريما:يبة انا مابي نواف تكفون ابعدوا عني ابي ارتااااااح
ام ريما:طيب خلونا نتركها ترتاح اللحين
جت النيرس واعطت ريما إبرة مهدئة..وبعدها نامت..!!
ابو ريما وابو نواف..راحوا لعند نواف في البيت..جلسوا معاه يبون يفهمون السالفة..
نواف:مافية سالفة..
ابو ريما:بنتي ماتسوي كذا الا اذا كان الموضوع كبير..
ابو نواف:تكلم نواف..
نواف:سوء تفاهم عادي بين أي رجال ومرتة..بس لاتكبرون السالفة انا راح اراضيها..
ابو ريما:اكيد شيء عادي.؟
نواف:ايه
ابو نواف:طيب وش الشيء الي خلاكم متهاوشين..وانتم سمن على عسل؟
نواف:يبة اعذرني انت وعمي هذي خصوصيات وماقدر اقولكم عنها وجيتكم على العين والراس بس لاتحرجوني انا ما راح اقول شيء..اذا ريما بتقول لكم كيفها11111 هذا شيء راجع لها..
ابو ريما:انا لله وانا اليه راجعون..

ريمـــــــــا طلعت من المستشفى..وراحت لعند بيت اهلها..الكل يطالع لخاطرها علشان ماتزعل..وأمها مافارقتها ولا لحظة..تأكلها وتشربها وتهتم فيها..كانت فرحانة ..حاولت تفهم السالفة من ريما بس ريما ماقالت ولا لشخص عن الموضوع..جت ندى والجدة هيا لبيت ام ريما علشان يتطمنون على سلامة ريما ويباركون لها.. ام ريما مسكت ندى وقالت لها عن الي صار بالمستشفى بين ريما ونواف.وطلبت منها تفهم السالفة من ريما..!!

ندى سكرت باب غرفة ريما..
ريما:الله يستر شكل تسكيرة الباب وراها سالفة كبيرة
ندى:عليك نور..ريما وش فيك على نواف؟
ريما:اكيد امي قالت لك
ندى:ماعليك مين الي قالي..المهم انتي ماتعودتي تخيبن عني شيء...فضفضي لي ريحي نفسك..
ريما:آآآآآآهـ ياندى ياليت..بس والله ما اقدر هذي خصوصيات وماقلت حتى لأمي وأبوي عنها
ندى:حتى انا؟
ريما:ندى انا ماأخبي عليك شيء..بس والله ما فيه شيء..يعني مشاكل تافهة تحصل بين أي زوجين
ندى:أكيد؟
ريما:أكيد...!!
ندى:نبي نخطب الهنوف لتركي
ريما:احلفي..
ندى:والله..اليوم امي كلمت عمتك نورة ..وقالت لها عن الموضوع..بعد ماتركي عصب يوم عرف ان الهنوف مخطوبة وحلف مايتزوج غيرها
ريما:والله وطلعت ياخالي العاشق الولهان
ندى:ه شفتي كيف..!!ياما تحت السواهي دواهي
ريما:انا اقول وش فيها الهنوف ماكلمت تطمن علي..اكيد مستحية مني
ندى:اكيد ه
ريما قامت من سريرها
ندى:وين وين؟
ريما:بسم الله بروح اجيب مويا
ندى:لا حبيبتي انا اجيب لك انتي وحدة حامل ولازم تدلعين هاليومين..
ريما:ه ياحظي
ندى:شفتي كيف ندلع بس مو علشانك علشان النونو الي في بطنك..
ريما:ه

رن جوال ريما وكان نواف الي اتصل..على طول سكرت الجوال
ندى:نواف؟
ريما:ايه
ندى:انا قلبي يقول لي ان الموضوع كبير؟
ريما:لا كبير ولا شيء بس اكيد انا زعلانه علية تبيني اكلمة بالجوال
ندى:الله يعينه عليك..ما قلتي لي وش صار على بيتكم
ريما:الصراحة البيت جنان متكتك وروعة يعني التصميم والالوان والرخام كل متناسق
ندى:الله يعطيكم خيرة ويكفيكم شرة..
ريما:آمين..
ندى:تحبين نواف؟
ريما:مادري
ندى:معقولة
ريما:ايه معقولة ندى..نواف طعني والله طعني
ندى:ياقوي راسك..طيب تكلمي قولي شي
ريما:ما أقدر آهـ ياندى..

ريما:ياليت ان الزمان يرجع ورى والليالي تدور..
ويرجع وقتنا الأول ننعم في بساطتنا..

زمان اول احس انه زمان صادق فيه شعور..
نحب ونخلص النية وتجمعنا محبتنا..

زمان مافيه لاغيبة ولاحتى خيانة ونفاق وزور
ياليته بس يرجع ونسترتجع طفولتـــــنا

صغار وقلوبنا بيضاء..ونعيش بعالم محضور

ولانعرف ابد اغراب ما غير عيال حارتنا
صحيح صغار بالتفكير ولكن ما علينا قصور

نخطط نكسر اللعبة وتسعدنا شقاوتنا..
نروح للمدرسة بدري ونضحك داخل الطابور

نحاول نزعج العالم بروحتنا وجيتنا..
وعشان نأخر الحصة نخبي علبة الطبشور..

نشاغب بس بالأخر تميزنا براءتنا
نحب الضحك والهيصة
نحب انط فوق السور..

نفرفش ليه ما نفرفش ما دام الضحك عادتنا
ولكن دارت الأيام وبان الخافي المستور

وصار الهم متعلي على قمة سعادتنا
كبرنا وصارت الدنيا تصف احزاننا بالدور..

وتهدينا الالم والهم غصب عن عين رغبتنا
تعبنا من بلاوينا احد ضايق واحد مقهور..

وكلن غارق بهمه وفي الآخر تشتتنا
وانا ماقول غير الاياليت ان الزمان يدور..

ويرجع للورى فترة نعدل وضع عيشتنا..


: : :
نواف يفكر كيف يرضي ريما..يسترجع شريط ذكرياتة أول ماكلمة ابوهـ فيها يوم رفضة..ويوم راح يخطبها من عمة ويوم ملكتهم وأيام المكالمات بينهم ويوم زواجهم ويتذكر سفرتهم لإيطاليا...ريما ماقالت الكلام الكبير الا اكيد فيه شيء كيف تتهمني اني ما أحبها وأسيل وش دخلها بالموضوع!!انا ما عمري فكرت في أسيل..كل الي يربطني في أسيل انها بنت خالت أمي ودرست معاي ترم في أمريكا حتى في امريكا ماقد شفتها غير مرتين..ومع اصدقائي!!اكيد الموضوع فيه شيء..انا لازم افهم وش دخل ريما في أسيل!!

نواف كان يسمع اغنيــــة "فقدتك"

فقدتك..يا اعز الناس..
فقدت الحب والطيبــــة

وانا من لي في هالدنيا سواك ان طالت الغيبة

رحلت ومن بقى وياي يحس بضحكتي وبكاي وحتى الجرح
في بعدك يهلي بي واهلي بــــــــــــهـ

وانا من لي في هالدنيا سواك وان طالت الغيبــــــــة..

: : :

من بكــــــرى الكل كان مجتمع في إستراحة ام نواف اختها أم سعد وسلوى وتهاني وبناتهم..!!

ام نواف:ابشركم ريما حامل
ام سعد:ماشاء الله الف مبروك
تهاني:ما شاء الله واضح عليها امس التعب..تبركون
سلوى:الف مبروك والله يتمه ان شاء الله
ام نواف:الله يبارك فيكم
سجى:مبروك خالتي
سما:الف مبروك يالله احس ريما شكلها صغير
ام نواف:الله يبارك فيكم..ايه ريومة شكلها صغير وبتصير ام ان شاء الله
أسيل من غير نفس:مبروك
ام نواف:الله يبارك بعمرك عقبال مانفرح فيك
أسيل(وين تفرحون فيني وهذي خطفت فرحت عمري "نواف")
سما:خالتي وينها ريما ليش ماجت وياكم؟
ام نواف:تعبانة في بيت اهلها
سجى:عسى ما شر..
ام نواف:اكيد من الحمل
سجى:الله يعينها
سما:سجى تعالي شوي ابيك برى..
سجى:طيب..

طلعوا برى مجلس الحريم..
سما:اتوقع صارت مشكلة بين ريما ونواف امس وتشوفين
سجى:لا اكيد اللحين هم فرحانين بحمل ريما
سما:طيب ليش عند اهلها؟
سجى:أيه صح!!
سما:اكيد المشكلة كلها من أسيل
سجى:ياربي البنت هذي كأنها هي المراهقة مو أنا
سما:اسمعي انا بروح اسحب جوال أسيل وبحاول اخذ رقم نواف منها اكيد مخزنتة..وابي اسحب الصور منها بدون ماتحس..ونتصل على نواف انا وانتي ونفهمة قبل لا توقع الفاس في الراس..
سجى:زين سويتي...

: : :

نواف ما غمضت عينة حس بفراغ كبير بعد ريما..ليش سويتي كذا ياريما !!والله احبك ولا لي غنى عن حبك..انا لازم اروح لها وتفهمني السالفة ..راح وبدل ملابسة وركب سيارتة..وأول ماشغل سيارتة..رن جوالة كان رقم غريب..(رقم سما) رد نواف..
نواف:نعم؟
سما:كيفك نواف؟معاك سما بنت تهاني
نواف:ايه هلا بك سما
سما:مبروك الي سمعناهـ
نواف:الله يبارك في عمرك...
سما:نواف ممكن اتكلم معاك بموضوع انت اللحين مشغول
نواف:لا تفضلي انا أسمعك
سما:ريما زعلانة منك؟
نواف:نعم؟وش عرفك انتي؟
سما:انا اعرف السالفة كلها
نواف:الحقيني بها..ريحني الله يريحك
سما:ريما انسانة طيبة بعكس أسيل مع ان أسيل بنت خالتي بس الحق ما ينزعل منه وحتى سجى اخت أسيل تشهد على كذا..أسيل تحاول تغلط على ريما اوهمتها انك تحبها وكنت ناوي ترتبط فيها من قبل وفبركت صور لك ولها الي يشوف الصور يعتقد ان كانت تربطكم علاقة مع بعض..ريما انصدمت اول ماشافت الصور وراحت تبكي واتصلت عليك..وبعدين يوم جيت بتاخذها أسيل كانت واقفة معاك تضحك معاك علشان تغيظ ريما ريما طلعت وشافتكم تضحكون ويا بعض وصدقت الي سمعتة...
نواف:طيب انتم ليش ماسوتي شيء انت وسجى؟
سما:يانواف احنا ماعرفنا الا متأخرين بالسالفة..تكفى حل الموضوع لا تخسر ريما ترى ريما ماتعوض انسانة راقية وحساسة..انتبة لها..
نواف:وش تستفيد أسيل من الي سوتة؟
سما:ولا شيء غير انها تخرب بينكم..
نواف:سما ممكن طلب؟
سما:اذا قدرت راح انفذة لك اكيد
نواف:انتي اذا نفذتي الطلب الي ابية انتي وسجى راح تحلون المشكلة الي بيني وبين ريما
سما:اوكي وش الطلب؟
نواف:انا بتصل على امك وابي اطلبها تجين انتي وسجى معاي لعند ريما كنك تبغين تزورينها انتي وسجى و أسيل
سما:بس أسيل ماراح تروح
نواف:احسن هذا المطلوب بس نقول قدامهم..وبكذا راح تقولون لريما عن السالفة لاني لو راح اقولها السالفة لحالي ماراح تصدق اعرفها زوجتي..
سما:اوكي انت اتصل عليهم على بال ما نجهز انا وسجى
نواف:الله يوفقكم انتي وسجى والله مو عارف كيف ارد الجميل
سما:مافية جميل بين عيال الخالة..يالله انت بسرعة لانتأخر على ريومة
نواف:طيب سلام
وهو في سيارتة جلس يطالع العقد الي ركبتة ريما في المرآية يوم يروحون للمزرعة
كانت تقول.. شوف حبيبي انا ابيك تتذكرني دايماً مابي اغيب عن بالك ولا ثانية..
هذا العقد ابي احطه لك في السيارة..
نواف:بس انتي معاي مو بس في كل لحظة الا في كل ثانية..انتي ما فارقتي ولا راح تفارقين خيالي..انتي معاي في كل مكان في عقلي وقلبي وروحي
ريما:فديت قلبك يالغالي..
نواف:والقسم الثاني من القلب وينه؟
ريما: انا راح البسة..هذا قلبي مقسوم قسمين قلب معاك وقلب معاي..والله لايجيب الفراق بيني وبينك
نواف:آمين

نواف..وينك ياريما وين كلامك..!!



: : :

نواف ماحس بنفسة الا ويرسل مسج لريما..يقول فيه.

عيبــــــــك الطيبة إليا قالوا لك تصدق
ماتــــفكر في الكـلام ومن يقولة
وصلوا لــــك حكي يبغــــونة يفــــرق
وانت طبعك تأخذ الأمر بسهولة

ريما ما فهمت وش يقصد نواف..!!

جاء نواف واخذ سما وسجى وطبعاً اسيل رفضت تروح واحتجت انها مالبست زين..حتى الحلوين الصغيرين حلا ويزن راحوا معاهم يحبون ريما بالحيل..لان ريما تبادلهم نفس الشعور وتحب الاطفال بوجهة عام..

اتصل نواف على ريما ماردت عليه..طلب جوال سما علشان يتصل عليها..طلع عندها رقم غريب..ردت على طول
نواف:هلا ريموتي
ريما جت بتكسر الخط
نواف:استنتى دقيقة بس..انا اللحين جاي لكم ومعاي ضيوف لازم تستقبلينا اوكي!!يالله سلام

ريما{ياربي منهم الضيوف..وكيف استقبلهم وانا زعلانة عليه..!!}
جت الخدمة لريما وقالت لها ان نواف جاء ومعاهـ بنات وبزارين..ريما ما استوعبت الموضوع
ريما لبست جلابية لونها أسود ناعمة بالحيل ولفت شعرها ونزلت تحت بالصالة

نواف راح عندها:الحمد لله على السلامة..
ريما بكل برود:الله يسلمك!!
ريما:هلا ومرحبا بسما وسجى منورات والله
سجى:هلا بك اكثر مبروك ريما
ريما:الله يبارك فيك
سما:مبروم ريما انتي ونواف
ريما:الله يبارك بعمرك..هلا بالحلوة حلا تعالي اعطيني بوسة..وانت حبيبي يزن كيفك قلبووو!!
نواف كان تشب نار في قلبة من القهر..من تطنيشها له..
نواف:انا بروح وأرجع اذا خلصتوا كلامكم اتصلوا علي
نواف طلع من بيتهم وكان معصب من حركات ريما له..مو متعود عليها كذا متعود على حنانها وطيب قلبها..
سما:ريما انا وسجى جينا عندك علشان نوضح لك الحقيقة انتي ظلمتي نواف..ترى اسيل ميتة على نواف تموت علية..بس هو ما يعطيها وجهة وكانت مقهورة يوم زواجكم لدرجة انها ماحضرت للعرس..والصورة الي شفتيها ترى كلها كذب×كذب
ريما ساكتة وكانت تسمع لكلام سما
سجى:ايه ياريما مع ان أسيل اختي بس الله يهداها فشلتنا ..ترى الصورة الي شفتيها مفبركة عندها صديقة تعرف بالكمبيوتر والحركات هذي وفبركة الصور..لاتصدقين انتي اللحين خلاص صرتي مرتبطة بنواف اكثر من قبل حرام تضيعين نواف من يديك ترى نواف يحبك وكان مقهور علشانك لاتصدقين أي كلام ينقال لكم يبي يفرق..تدرين ان أسيل ونواف مادرسوا مع بعض غير ترم واحد وتردين انه ماقبالها غير مرة او مرتين بالكثير
سما:واذا قابلها قابلها ومعه اصدقائة يعني مو لحالهم مثل ماكنتِ تعتقدين..ابعدي الأوهام عن راسك واطرديها..
ريما:مشكورات حبيباتي والله ريحتوني الله يريحكم كشفتوا لي أشياء ماكنت اعرفها فهمتوني اشياء كنت بموت على ما أفهمها ..طيب ممكن سؤال
البنات:تفضلي..
ريما:انتم ليش تقولون الكلام هذا مع انكم من المفترض توقفون مع أسيل
سما:صحيح أسيل مثل اختي..بس من يوم رجعت من أمريكا تغيرت صارت انسانة ثانية..ماتحبنا مثل أول ودايماً سيئة الظن فينا..
سجى:واحنا مانسكت عن الغلط..لازم نوضح الحقيقة اذا كان بمقدورنا..
ريما:مشكورات والله يجزاكم كل خير على وقفتكم معاي..وماراح انسى لكم الجميل..
سجى:ماسوينا الا الواجب...
سما:لا تشكرينا ولا شيء..تستاهلين اكثر انتي ونواف...
سما:انا بتصل على نواف علشان يجي يرجعنا لأهلنا وابي اقولة ان ريما تبيك ترجع لها وتتفاهمون على كل شيء..
ريما:ايه اذا ما عليك أمر..

نواف جاء ورجع البنات للاستراحة وبعدين رجع وهو طاير باقصى سرعة لبيت عمة فهد علشان يقابل ريمــــــا..!!

نواف:ريما انا صحيح كنت بعيد عنك الفترة هذي وكنت دايماً مشغول البال..واللحين جاء الوقت الي لازم اقولك عن المضوع الي مشغلني ..
ريما:تفضل تكلم..
نواف:بعد ما راح محمد بيت ابوي صار فاضي واللحين بيتزوج وما راح يرجع الا بعد 8 سنين ..والفترة هذي مين راج يجلس عند أمي وابوي يراعي لهم مافية غيري انا لاني ولدهم الوحيد وما ارضها اطلع برى البيت واهلي محتاجين لي..لو يمرض ابوي فجأة لا سمح ال وانتي تعرفين ان فيه مرض القلب وانا بعيد عنه
ريما:بسم الله عليه..نواف وضح اكثر
نواف:انا كنت افكر نبيع البيت الي لنا ونعيش مع أمي وأبوي لانهم با أمس الحاجة لنا و ما أقدر اتخلى عنهم حتى محمد قبل لا يسافر وصاني فيهم..بس قلت احرمك فرحتك كنتي فرحانة باليت حيل وماحبيت اخربها عليك والصراحة انا بين نارين نار امي وابوي ونار ريما..يعيني كل واحد ودة يستقل في بيت لحالة واكيد انتي تتمنين يكون لك مملكة خاصة فيك..بس الظروف..وكل يوم كنت متردد كيف افاتحك بالموضوع..!!
ريما:خلصت كلامك؟
نواف:ايه
ريما:اللحين هذا الي شاغل بالك عني طول الاسابيع الي مضت..نواف انا كنت راح اقولك هذا الاقتراح اننا نبيع البيت لان صعبة نترك عمي وخالتي لحالهم بعد ماتعودوا علينا واحنا تعودنا عليهم..يعني ماتخيلي نفسي اذا رحت للدوام بجلس لحالي الضحى تعودت على الجلسة مع خالتي..وبعدين عمي مايصبر عنك ومستحيل يانواف افكر بالتفكير هذا مو انا الي افرق بين الولد و أهله واهلك هم أهلي صعبة اتخلى عن أمي و أبوي..
نواف:أصيلة ياريمـــــا والله ان عمي عرف يربي..وسعتي صدري يالغالية ودايماً تفاجئيني بكلامك الموزون وعقلك الكبير عساني مانحرم منك..!!يالله عاد شلون ولدي
ريما:طيب لو كانت بنت؟
نواف:بنت ولد الي من الله حياهـ الله..
ريما:اشوى احسبك من المعقدين الي لازم ولد
نواف:اتمنى انا لو تجيني بنوتة تصير ربع جمال امها
ريما:ياحياتي والله..
نواف:يالله روحي قولي للخدامات ينزلون شنطتك لان البيت مايحلى بدونك..
ريما:يالله دقايق ارتبها واجيب عباتي واجيك..
نواف:اوكي انتظرك

رجعت ريما لبيتها..والكل فرحان ومبسوط علشان رجعتها ..
: : :
رجعوا تهاني وسلوى وعيالهم للكويت بعد ماجلسوا اسبوعين..!!

بعد أسبوع وافقت الهنوف على تركي..وصارت خطبه رسمية وملكة..وبعد مايخلصون دراستهم يتزوجون..!!

: : :
مرت الشهور بســــــرعة ودخلت ريما بالشهر الثامن..!!
ريما:حبيبي نواف تكفى لاتتركني اذ ولدت ابي اشوفك جنبي..
نواف:لا تخافين يالغالية اذا الله مد لي بعمر ماراح افارقك ولا لحظة وخصوصاً وقت ولادتك..لانك بتكونين بأمس الحاجة لي..
ريما:عساني مانحرم من عطفك وحنانك يالغالي..اذا ولد وش بتسمية؟
نواف:مدري في بالي أسماء كثيرة بس يمكن سعود على أبوي
ريما:واذا هي بنت
نواف:انتي تسمينها..وش يعجبك اسم؟
ريما:شمــــوخ..أو يارا
نواف:الي يعجبك يالغالية...يالله انا بروح اجيب لك صحن فواكة لازم تغذين النونو ابية يطلع شبعان
ريما: الله يقطع ابلسيك..
نواف:حبيبتي محمد اليوم اتصل علي ولزم علي اني ازورة
ريما:بتروح لكندا؟
نواف:ايه انا وانتي..والله مشتاق لأخوي بالحيل..وابي ارفع معنوياته قبل الاختبارات..
ريما:اكيد اخوك محتاج لك وانت مشتاقة له بس انا وش دخلني بينكم؟لا ياقلبي انت روح وانبسط مع أخوك..وانا تعرف الحمل تعبني وما أقدر اروح واجي مثل أول
نواف:بس ما اقدر اصبر عنك..ولا تدرين خلاص راح اكنسل الرحلة
ريما:لا يالغالي ترى بزعل منك لازم تروح وانا راح اجلس عند أمي و أبوي..مافية خوف علي ان شاء الله
نواف:اكيد
ريما:اكيدين
نواف:تسلمين لي يالغالية لازم تحلين لي مشاكلي..
ريما:ان ماحليتها لك مين يحلها يابعد قلبي؟

: : :

سافر نواف لعند محمد..واستقبلة محمد وكان مبسوط فيه..وماترك مكان في كندا ماخلاه يشوفه وريما راحت لبيت امها وابوها وجلست عندهم...طبعاً نواف كل شوي يتصل ويتطمن عليها...


ريما في الليل صحت من النوم الساعة 3 الفجر حست بعوار خافت راحت تنادي امها..
ريما:يمة ما اقدر استحمل بطني يعورني آي آي
ام ريما:يمكن قربت ولادتك
ريما:لا يمة ما بعد دخلت الشهر التاسع
ام ريما:عادي اذا دخل الشهر السابع توقعي ولادتك بأي لحظة
ريما:اااااااااي يمة خلاص بموت
ام ريما:بسم الله عليك..يالله خلينا نروح للمستشفى..
ريما:ما اقدر اقوم احس بناااار في بطني ااااااي
ام ريما:عادي يايمة كل وحدة بتولد لازم تتعب تحملي شوي
ريما:اتصلي على نواف آآآآآه
ام ريما:وش دخل نواف..اللحين هو مسافر
ريما:مانيب رايحة الا لمن تتصلين علية
ام ريما:حرام عليك نخوف الولد وهو موب موجود عندنا
ريما:اتصلي علية تكفين علشاني
ام ريما:طيب

ام ريما اتصلت على نواف وقالت له السالفة نواف ارتبك وحس بخوف اول مرة يخاف بالشكل هذا ام نواف ما خوفتة كثير بس قالت يمكن تولد ريما..محمد يهدية ونواف مشغول بالة بريما..قرر انة يرجع للسعودية على اقرب طيارة طبعاً مافية حجز دايرتك راح من دولة لدولة ومن مطار لمطار علشانة وعد ريما يكون جنبها اذا جت تولد..

ريما قبل ما تدخل غرفة العمليات جلست 6ساعات...الكل ينتظر برى امها وأبوها وندى وام نواف ونواف كل شوي يتصل عليهم ويتطمن عليهااااا

ريما قبل ماتدخل لغرفة العمليات
ريما:ماجاء نواف؟
ام نواف:هو اللحين بالطيارة يبي يجي
ريما:ابي اشوفة اخاف اموت
ابو ريما:لاتقول هالكلام وانا أبوك بسم الله عليك
ام ريما:لا تخافين كلنا مرينا بالي انتي مريتي فية..توكلي على ربك
ندى:نواف ياريوم راح يجي تشوفين..


اول مادخلت غرفة العمليات نواف جـــــــاء بسرعة وهو يركض من ممر لممر في المستشفى على طول من المطار الى المستشفى..دخلت ريما الغرفة ونواف على طول صل

نواف:وينها11111؟
ابو ريما:نواف ريما دخلت قبل شوي لغرفة العمليات
نواف:ابي اشوفها
ام نواف:ماتقدر ياولدي
نواف:اقولكم بدخل مرتي ماشفتها
ام ريما:هدي بالك ياولدي اللحين ان شاء الله راح يطلعون ويبشروننا
ندى:نواف انت توك جاي من السفر ارتاح
نواف:وين الراحة وريما في غرفة العمليات
ابو ريما:لاتكبر الموضوع وانا عمك..
نواف ما قدر يجلس يروح ورجع عند باب العمليات..طلعت النيرس
النيرس:المريضة بحاجة الى دم!!
نواف:وش فيها
النيرس:تعبانة اللحين بس لازم تبرع بالدم
ابوريما:كلنا راحة نتبرع

ابو ريما ونواف تبرعوا لهالان فصيلتهم وحدة...!!وساعدوا ريما
نواف:طولت صح؟
ام ريما:الله يقومها بالسلامة..يمة بنتي تاخرت
ندى:اكيد ياسلمى تبي تاخر هي تولد
الكل مرتبك طولت بالحيل وهي في غرفة العمليات..!!

طلع الدكتور عليهم
الدكتور:مبروك إيجا لكم صبي!!
نواف:واللحين ريما شلونها؟
الدكتور:لا الحمد لله انقذنها بالدم ولله الحمد هي بخير بس بحاجة الى راحة
نواف:الحمد لله والشكر
ابو ريما:مبروك
ام ريما تبكي
ام نواف:هذ وقت دموع؟ الف مبروك يايمة
ندى:الف الف مبروك يتربى بعزكم
نواف:الله يبارك فيكم..!!
نواف:دكتور ممكن ادخل لها
الدكتور:لا هي تحت تأثير البنج وبكرى يالليل تعالوا لها
ام ريما:بس بالليل ما كأننا متأخرين ليش مو العصر البنت فيها شيْ؟
الدكتور:لا تطمني مافيها شيء بس المدام ماراح تصحى الا ع الساعة 6 المغرب والله اعلم..!!
ابو ريما:ان شاء الله
الكل راح نواف ماسكت جوالة من الناس الكل يبارك له..

نواف ملئ الجناح حق غرفتها ورد جوري علشان ترتاح وهي تحب الجوري..نواف جاء الساعة 4 وجلس ساعتين وبعدين صحت من البنج واول ماصحت
نواف:الحمد لله على السلامة..
ريما ابتسمت له:الله يسلمك
ريما بكل تعب:متى جيت؟وانا في غرفة العمليات ادعي انك ترجع لي
نواف:وهذا انا جيت...شفتي الصغير
ريما:لا مين يشبة؟
نواف:يشبة لك
ريما:لا انا ابية يشبة لك
نواف:خلاص بيني وبينك يعني ولدي وولدك
ريما:وش تبي تسمية؟
نواف:والله محتار بس بكرى راح اقولك وش جاء في بالي
نواف:يالله ارتاحي ولا كلمة
ريما:ه

الكل جاء يبارك لريما ونواف امها وابوها وجدتها وندى وتركي وعمتها نورة وام نواف وابو نواف وعمها طلال وزوجتة وخالة نواف فوزية


نواف سوى عشاء كبير لزملائة واصدقائة وجمع الشباب كلهم بمناسبة المولود واكيد علشان الهلال فاز...
وفي نفس اليوم الي ولدت فية ريما فاز الهــــــلال والي سجل الهدف الذيب ســــــامي الجابر..

نواف قرر يسمي الولد سامــــــــــــــــي!!الكل اعبجة الاسم

سامي بن نواف بن سعود<كشخة!!"

: : :
ندى بعد ماتخرج ماجد تزوجها وسافروا برى علشان يكمل دراستة...!!وكانوا سعيدين ومرتاحين في حياتهم..ومتفاهمين

: : :
تركي ملك على الهنوف..واتفقوا على الزواج بعد مايخلصون دراستهم..

: : :
نوف نجحت في الثانوية العامة وجابت 95% ..وكذلك محمد نجح وبعدين رجع للرياض وسووا حفلة زواج كبيــــــرة وسافروا شهر عسل للأسبانيا وبعدين رجعوا لكندا علشان نوف تسجل في الجامعة حقت محمد لأنهم راح يدرسون سوى..

: : :
فيصل دخل عالم التجارة وحب يكون له ثروة قبل مايتزوج..ويصير بزنس مان..

: : :
عبد الرحمن واصل وكمل دراستة .....!!

: : :

النهـــــــــــــــــــــاية

The End


واتمنى انكم ماتزعلون مني لاني ماكتبتها بسرعه

واسفه لانها ملخبطه شويه

بس الحمدلله قدرت اكملها كلها

واتمنى القى الردود