يافرحه ماتمت ..........!

& غير البشر & · #1 (**permalink**) 26-06-2007, 01:31


	انا شاب وعمري عشرين سنه ولي قصه حب استمرت لمده اربع سنوات وهذي البنت اللي كنت احبها هي بنت خالي واسمها ساره وبدايه حبنا كان بسبب موقف غريب جدا والموقف هذا حصل لما كنت في يوم من الايام سهران مع خالتي وحنا نسولف جابت طاري ساره قلت انا:مين ساره ياخالتي؟ قالت:هذي ساره بنت خالك عبدالله قلت انا:بس خالي عبد الله ماعنده الا ريم ومها,لكن ساره هذي اول مره اسمع فيها,شكلك غلطانه قالت:كيف اغلط وانا ساكنه معها في نفس البيت قلت:معقول بنت خالي وما اعرفها؟ قالت:لإنك قطوووووووع ومن زمان ما زرتنا قلت: شوفي يا خاله والله ما اطلع الا وانا شايف هالبنت اللي اسمها ساره, يالله روحي ناديها (كنت احسبها صغيره) قالت:عيب يا ولد تبغاني اقول لها ولد عمتك يبغى يشوفك قلت انا:ليه هي كبيره؟ قالت:ايه اصغر منك بسنه طلع على وجهي علامات تعجب!!!!!!!!!! وقلت من تكون هذي البنت اللي في عمري و تقربلي ولا اعرفها ؟ المهم لما خلصنا السوالف قلت لخالتي انا عاد بمشي توصين بشئ؟ قالت:سلامتك ,الله معك لما طلعت من شقه خالتي بالصدفه قابلت بنت امووووره في الدرج ومن الربشه محد قدر يتحرك, لاهي اللي رجعت ولا انا رجعت,طاحت عيني في عينها وارسمت الابتسامه على شفتها,بعد كذا نزلت عيونها مستحيه وراحت وانا واقف ماني مصدق اللي شافته عيني قالت خالتي:ايوووووووووووه هذي ساره سكت وما رديت قالت :ايش فيك ساكت؟ قلت انا:هـــــــــــــــــــــــــــاه!!!!!!!!لالا ولاشئ يالله سلام تفاجئت لما شفتها وحبيتها من اول نظره وانا بصراحه ما شفت ولا راح اشوف انسانه تحمل نصف جمالها وما راح اوصفها لكم لاني مهما كتبت و مهما وصفت اكون ظلمتها في جمالها.............فسبحان اللي خلقها ومن يوم ما شفتها بديت اعاني وحسيت بالحب اللي اول مره احس فيه وصرت كل يوم وانا رايح اسلم على خالي عبد الله,بصراحه موحب فيه ولكن يمكن اشوفها والمشكله اننا عائله محافظه,يعني مستحيل اكلمها او تكلمني وهذيك الايام كان الجوال شي نادر بالنسبه للمراهق والا كان اعطيتها الرقم وارتحنا يوم ورى يوم وحبي يزيد لها وصرت احاول ابين لها بأي طريقه إلين فهمت وصارت حتى هي تحبني وصارت تجي كل فتره تسلم على الوالده الله يحفظها وعلي بس من بعيد لبعيد.وكثير مواقف حصلت بيننا ,لكن الموقف اللي إذا تذكرته احقد على نفسي لكن اقول الحمد لله على سلامتي اللي هو في يوم من الايام قالت لي الوالده ترى خالك عندنا اليوم هو واهله عاد انا طرت من الفرحه وقلت لازم اسوي شئ يلفت انتباه حبيبه قلبي ويحسسها إن حبيبها بطل(من جد مراهق) فلما طلعت تتمشى في حوشنا هي وخواتها وبنات الجيران,طلعت انا فوق بيتنا واللي يتكون من ثلاث طوابق وصرت امشي فوق سور السطح والبنات يصارخون وانا اقول في نفسي((لعيونها)),والله غطيت على سوبرمان. المهم في السالفه إن وحده من البنات البايخات صكتني بعين حسبي الله عليها فلما انتهيت من الاستعراض وقفزت الى السطح كانت القفزه غلط فطحت على كعبي وهو مايل فإنكسر,الله يستر لا تكون الحبيبه حسوده بس مستحيييييييييييل يكون القمر يحسد, لكن اكيد وحده من القردات الحاضرات بس والله زيييييين عدت على كسر قصتي هذي كلها كانت في إجازه صيفيه ,فلما انتهت الإجازه الصيفيه وجاء وقت السفر من المدينه اللي تسكن فيها حبيبتي . حسيت اني راح افارق اول انسانه احبها في حياتي,وكنت اشعر بضيق وزهق لما يمر يوم وما اشوفها فكيف الحين راح افارقها ومابشوفها الا الصيف الجاي لما رجعت الى مدينتي بدأت الحاله النفسيه والعذاب اللي والله ما مر علي مثله فوصلت الى اني ما اكل وتدهور مستواي الدراسي وكنت احيانا ابكي بكى شديد إلين ينقطع نفسي وجسمي صار نحيف لدرجه انه في يوم من الايام قالت لي الوالده ابغاك في موضوع ضروري قلت:امري يالغاليه قالت:اسئلك بالله انت تستخدم مخدرات؟؟؟؟؟؟؟؟ قلت وانا منصدم:اعوذ بالله والله اني ما اعرف الاشياء هذي ,الله يهديك يمه وش هالسالفه قالت:والله يا وليدي منت اللي اخبره يأكل معنا ويضحكنا ومونس البيت ,الحين بس قاعد في غرفتك ولا تطلع منها حتى الاكل ما تاكل قلت:يمه هذي صعوبه الدراسه وانتي تتوهمين والا انا طبيعي مافيني شئ قالت:الله يحفظك يا وليدي ويبعدك عن الحرام استمريت على نفس الوضع المحزن لمده اربع سنوات ,هم وحزن ايام الدراسه وفرحه مامثلها فرحه ايام العطل الصيفيه اللي تجمعنا مع الحبايب(قصدي الحبيبه) وكانت امنيتي الوحيده انه يجي اليوم اللي اخذ فيه حبيبتي على سنه الله و رسوله,لكن القدر كان واقف بيننا ومانعنا من بعض واليقنت انه مالي نصيب مع هذي الانسانه ولازم انساها للابد فيوم من الايام دخلت على اهلي وهم يسلفون فقال اخوي محمد:مادريت قلت:اش فيه؟ قال:شفت ساره بنت خالي؟ قلت بصوت عالي:اش فيها؟ قال:تدري انها تصير خالتنا قلت بإستغراب:ليش وكيف؟؟؟؟؟؟؟ قال:فاطمه حرمة جدي الثانيه قالت لنا امس انها رضعت ساره وهي صغيره قلت بصوت مقهور:ترى الدنيا ماهي فوضى,بدري توها تتكلم؟ قال: ايش تفرق معك؟ قلت بزعل:مالك خص ورحت مسرع لجدتي والدمعه في عيني وقلت:صدق السالفه اللي سمعتها يا جده؟ قالت: أي سالفه يا وليدي قلت:صدق ان ساره تصير خالتي؟ قالت:ايه والله رضعتها اكثر من خمس رضعات فطلعت من عندها مقهور حتى سلام ما سلمت وانا ابكي في الشارع مثل الطفل واستمريت حزين و مقهور لمده تتجاوز الشهرين وخالي الله يهديه زاد الطين بله وقال لخالتي الجديده اسمعي يابنت يا ويلك لو تطلعين عند عيال اعمامك وعماتك . يعني الزبده ما استفدت شئ لا زواج ولا حتى راح تكشف علي وكنت اتمنى لو اقدر اجلس معها واسولف واعاملها كخاله عشان اقدر انسى حبها لكن مع الوقت ايقنت ان الله ما يكتب للإنسان إلا كل خير وتذكرت قوله تعالى: (عسى ان تكرهوا شئ ويجعل الله فيه خيرا كثيرا) في يوم من الايام كنت اسولف مع اخواني محمد وخالد فقال محمد: تصدقون ياشباب والله مقهور على سالفه ساره قلت انا بإستغراب:ليششش؟ قال:بصراحه كنت ناوي عليها!!!!!!!!!!! انصدمت من كلامه والتفت على اخوي خالد وهو مبتسم فقال:تبغون الصراحه حتى انا كان ودي فيها!!! قلت بصوت عالي:الللللللللللللللللللللللله ثلاث اخوان عيونهم على نفس البنت!!!!!!!!! قالوا:حتى انت يالبزر(ياهل) محاشرنا في كل شئ ومن بعد هالسالفه اقتنعت ان هذا الامر كان خير من الله لإن انا واخواني متقاربين في العمر لكن انا اصغرهم يعني مستحيل اتزوجها وهذا والله مو حسد لاخواني اللي احبهم من كل قلبي ولكن تصوروا كيف بتكون حياتي وانا اشوف حبيبتي وهي ساكنه معنا في نفس البيت وحتى لو انا اللي بتزوجها كيف بيكون موقف اخواني بعد ما رفضتهم, فهذا الشئ بسبب جرح اثنين من الاخوان والثالث راح يكون مبسوط طبعا ولكم تتصورون جمال هالانسانه والا ثلاث اخوان مغرزين عندها ليش؟الله يستر لا يكون حتى الوالد مغرز عندها! عاد الحين والله ودي اشوفها لإن لي ثلاث سنوات ما شفتها بس الله يستر اخاف اشوفها وتبدأ قصه حب جديده,تعرفون اكيد الحين الاوصاف بينت اكثر واكيد فيه تطور في المكياج وتسريحه الشعر,لكن مااقول الا الله يوفق هالانسانه اللي حبيتها من كل قلبي وانا سمعت ان اكثر من رجال تقدم لها لكن الله يكتبلها الزوج اللي فيه الخير والصلاح _________

الموضوع الاصلي من روعة الكون

الملاك الحزين · 26-06-2007, 10:53

7oob · 25-11-2007, 11:51

ملكة الكبرياء20 · 26-11-2007, 06:27

الهبــــايـب · 26-11-2007, 07:08

موني نايس · 26-11-2007, 10:06

صاحبة السموF · 26-11-2007, 03:51

يافرحه ماتمت ..........!

مــنــتــدى الــحــكــم والــقــصــص