الجزء الأول من ( عشقته و ذبحته)

في يوم الخميس الساعة 7 المغرب في مركز من مراكز دولتنا مركز صحارى
في شلة بنات وهم ميثه و مها و سارة و انجود بطلة قصتنا وكان شعار الشلة إللي ما يطلع يوم الخميس يخيس المهم انجود بنية حلوه بيضة.....
انجود:- يلا بنات بسرعة انزلوا من السيارة مستعيلين على الملابس والميكب..
ميثه:- ولا أخاف مستعيلة على شباصات " شباب "
سارة ومها:- هاهاهاهاهاهاهاها ولا أقولج على التوك.
انجود:- والله سخيفات بس والله عقب الساعة 10 أنا طالعة.....عندكم 4 ساعات بس ok صبايا..
ميثه:- ok أم شباصات..
ويدخلن المول وهم مستانسات ماعادا انجود لأن انقهرت من كلامهم..
ميثه:- انجود شفتي الشباصة الوافقة عند كليرز..
سارة:- ليش تاخذ لها اكسسوارات ..
( وكلهم يضحكون إلا انجود أمفوله )
انجود:- أنا ألحين بخليكم أتشرو على كيفكم مع شباصاتكم وأنا بروح أتشرالي ملابس ولا أجابلكم ok يا سخيفات..
وروحت انجود وهي منقهرة منهم بس قدرت تمسك أعصابها..
ميثه:- والله سخيفة تستهبل أنا ما قلت شيء عشان تزعل..
مها:- كل هذا وما قلت شيء ولو قلتي شيء شو بسوي انجود..
سارة:- خلاص مدام وروحت يلا بروح ناخذ بدل ok بنات..
وروحوا البنات ودخلوا محل بدون أسم....انجود كانت تتمشى وهي منقهرة منهم عشان تصرفهم الخايس وهي كانت تمشي يولها شلت شباب تتكون من 5 شباب وانجود زاغت منهم بس هذا شيء طبيعي أنها تخاف كونها تتمشى بروحها..
عادل:- الله الله الله على الجسم..
محمد:- منو أليسا في الشارجة..
صالح:- ياويل حالي كم بعيش..
سلطان:- بطيح وأنا واقف..
محمد:- يوم بطيح سولي رنة..
وكل الشبـــــــــــــــــــــــــــــــاب يضحكون هاهاهاهاهاهاهاهاها
عايش:- والله عيب عليكم بنت ناس لازم تحشمونها..
صالح:- اسمعوه يقول بنت ناس إذا كانت بنت ناس ما كانت بتي المول بروحها صح كلامي ولا خطأ يا ولد الناس..
عادل:- أشوف نسيت عمرك..
محمد:- أقول أنا بروح أرقمها وبشوف ردة فعلها..
وروح محمد صوب انجود وقام وبكل جرأة يتفداها وهي أرتفع عندها الضغط مليـــــــــــــــــــــــــــــــــــــــــــــــ ـــون درجة..
محمد:- فديت إللي تمشى ومحرجه..
بلحظة هدوء وعقب ثانية من الصمت..
محمد:- كلمة ولاجبر خاطر..
انجود:- لو سمحت ألزم أحدودك..
محمد:- صدقيني ماخذ تصريح هاهاهاهاهاها..
وعقب مل من كثرمايحن على راسها ورغم المحاولات الفاشلة روح صوب ربعه
صالح:-هابشركم رقمها
عادل:- قول متى بتتصل
محمد وهو راسم في وجه احباط شديد:- اصلاً شفت عيونها عشان تعطيني رقم .
سلطان:- اصلاً أنت ما تعرف تفرمخ البنات أنت بس حق الصغارية.
ومحمد انقهر من رمست سلطان وبكل تحدي:- شوف إذا الحين روحت وما عطتني الرقم بكون مب ريال اوكي يا أخ سلطان.
عايش:- والله انكم فاضين.
ويروح محمد ولا يرد على رمست عايش وهو متجه بكل قوته – صوب انجود وبكل تحدي
انجود:- والحين بعد شو بتقول.
محمد:- بس حبيت اقولج اخذي الرقم.
انجود:- ضحكتني و أنا مافي ضحكه .
محمد:- اسمعي لأخر مره أقولج اخذي رقم .
انجود:- أقول عق نعالك واضربني أحسن .
محمد:- أنزين سمعيني وأخذي الورقة وعقيها ولاتتصلين فهمتي .
انجود:- ولاما عندك شغله يالياهل وأنا وايد فاضيه عشان أسمعك ياسخيف .
وهني عاد محمد حرج ومسك أيد انجود بكل قوته ومن بعيد شاف عايش انه محمد ماسك أيد انجود وبأقل من دقيقة اتجه صوبهم .
محمد:- نعم شو تبا ياي هني.
عايش:- استح على ويهك لأنها بنت ناس .
محمد:- والله يا عايش مايليق عليك التمثيل .
وهني عايش حرج بدرجة فضيعة انجود بينهم وهي تصيح على حالها وندمت انها هدت ربعها وروحت بروحها .
عايش:- خاف ربك
محمد:- أقول أنت مايخصك بيني وبين حبيبتي .
وعقب أخر كلمة نطقها محمد وانجود ما ستحملت الوضع أكثر .
انجود:- لو سمحت والله لو ما ودرتني لاصرخ وأيمع الناس كلهم عليكم .
محمد:- عادي بقول هاي ربيعتي وأنا أمس طلعت معاها والحين تنكر .
انجود زادت صياحها وعايش سحب أيد محمد بكل قوة وتم عايش ماسك أيدها وسحبها.
عايش:- يلا بسرعة تعالي وياي .
انجود حست براحة عايش وتحركت معاه بدون تفكير .
محمد:- اصدقين ماأدري أنه عيبج عايش وكل هالحركات عشان يكون عندج يا بنت الناس ( وهو يقولها بكل استهزاء )
وانجود بدون ماترد عليه ويلست وعايش ما يعرف شو يسوي وكان مرتبك.
عايش:- شو تبغين تشربين أختي.
وبدون ماترد عليه وعايش طلب لها عصير برتقال فرش100%..
عايش:- اتفضلي أختي شربي وهدي من أعصابج..
انجود ما تقدر تهدي عمرها من كثر ما هي تصيح ودمعة ورى دمعة وعايش المسكين ما يقدر يهديها أكثر عن جي وهو طول الوقت واقف وعقب ساعة ونص انجود بكل جرأة وبكل عفوية..
انجود:- أتفضل أخوي-------؟!!
عايش:- أسمي عايش..
انجود:- أتفضل أخوي عايش..
وعايش بكل تردد يلس عقبها بعد 5 كراسي..
عايش:- اسمحيلي أختي على كل إللي صار والله..
وانجود وهي تقاطع:- أخوي عايش أنت مالك خص واشكرك على كل إللي سويته..
عايش:- والله سمحيلي الصراحة مستحي منج عقب كل إللي صاروأأأأأ
ويرن موبايل انجود وهي ترد عليه
انجود:- اسمحلي عايش..
وتشل الموبايل
سارة:- هلا والله بالغلا كله..
انجود:- أهلين (بدون نفس)
سارة:- أقول أنت وين نحن واقفين عند المحل وشفت وحدة مثلج يالسه عند واحد ولابسه مثل عباتج وقلنا لا يكون هاي انجود..
انجود:- هي هذي أنا وإللي معاي أخوي عايش..
وهني عايش حس بأن قلبه طلع من جسمه وهي كانت تتكلم وهو يشوفها بكل عفويه..
انجود:- خلاص إلحين أنا يايه أنت وين..
سارة:- نحن عند لايف ستايل..
انجود:- أنا يايه إلحين..
وسكر التيلفون عن سارة وتلتفت على عايش.
انجود:- أخوي عايش أنا إلحين بروح عند ربعي لأنهم كانوا معاي بس أنا سخيفة هديتهم ....... وهي صح مشكور على العصير إللي ماشربته..
( تبتسم وهو بعد أبتسم لها )
عايش:- أول شيء العفو وأنا ما سويت شيء إلا الواجب وثاني شيء يعني أنت مب يايه بروحج..
انجود:- لا أنا يايه مع ربعي يلا عايش مع السلامة وفرصة سعيدة أني تلاقيت معاك..
عايش:- الله يسلمج أختي..
انجود:- يلا فمان الله..
عايش:- فمان الله..
وبعد ماتركت انجود عايش صر أنه شيء طلع من روحه ولازم يبحث عنه وانجود روحت وهي حاسة بكل فخر أنة شافت واحد من شباب له شخصية عظيمة وانجود كانت متجة عند محل لايف ستايل عسب تروح صوب ربعها.
(وكلهم وبصوب واحد)
ميثه +سارة +مها:- انجود وين اجياسج..
انجود:- أصلاَََ منو قال لكم أني خذت شيء..
مها:- ليش أن شاء الله الأخت مواعده..
ميثه:- لايمكن شافت الشباصات وايد وماقدرت تتشرا شيء..
سارة:- أقول انجود ما أحيد عندج أخو أسمه عايش..
مها + ميثه:- عــــــــــــــــــــــــــــــــــــــــــايش..
انجود أول شيء كانت تضحك وأول مايابوا طاري عايش شكلها اتغير وما عرفت شو تقولهم..
انجود (برتباك):- عقب بقولكم السالفة عايش صبايا يلا بروح نشرى ملابس(تبي تغير الموضوع)..
البنات كلهم استغربوا من أسلوبها وماعرفوا اشو يقولون وعقب استوت ساعة عشر ونص وانجود قالت لهم أنهم تأخروا واااااااايد وعقب طلعوا من صحاري..
(وفي السيارة)
ميثة:- يلا انجود قولي السالفة عايش..
مها:- الصراحة أنا مستعدة أسمع..
سارة:- وحتى أنا فيي فضول..
انجود:- أنزين أنا ممستعدة أقولكم السالفة..
مها:- أنا ما حيدج أنج مو عند كلمتج..
انجود وهي تبى تقهرهم أكثر:- خلاص أسبوع الياي أن شاء الله بخبركم..
ميثه وهي منقهرة من انجود:- لا تسخفين علينا أوكي نجدوه..
انجود:- أخـــــــــــــــــــــــــــــــي شو بعد نجدو لو سمحتي عمتج انجود..
سارة:- حرام قولي الله يخليج......بس الصراحة كان شكلة روعة..
ميثه:- منو حبيب القلب..
انجود:- اسكتوا بقولكم السالفة كلها..
وكلهم سكتوا عشان يسمعون السالفة وكانت انجود تقول السالفة والبنات كلهم مستغربين من السالفة..
ميثه:- الصراحة فلم هندي..
سارة:- والله أنه عجيب..
مها:- لحظة لحظة خلوني أستوعب مب جنه في شيء غلط في السالفة..
انجود:- شو الغلط يا شيخة..
مها:- كل هذا وتقولين شو الغلط يالسة مع واحد وشربج عصير وثنين مسكوا ايدج وتقولين شو الغلط وإذا حد شافج..
انجود:- ممكن اتصكرون السالفة يلا سارة انزلي وصلنا بيتكم..
سارة:- وأنا أقول ليش انجود تسرع عشان توصلني البيت بسرعة..
انجود:- يلا والله مب متفيجة بسرعة انزلي..
سارة:- أوكي يالدريولية..
انجود عندها ليسن وموترها لكزس 2006 وما تشتغل لأنها ما تحب صدعة الراس ومن سنتين مخلصة دراستها في كلية التقنية في الشارجة تخصصها
GRAPHIC..
وتحركت انجود من احذال بيت سارة وتجهت بيت مها لأنة حذال بيت سارة وعقب ربع ساعة
[ في السيارة ]
ميثه:- بسألج سؤال ممكن أتجاوبيني بصراحة...
انجود:- أسألي حياتي....أنا كم أربيعة عندي....
ميثه:- أعرف أنهم عشر...
أنجود:- ها هاها والله حرام عليج...
ميثه:- المهم شو رايج في الموقف اللي استوى اليوم....
انجود:- والله ما اشوف شي أستوى خطير... واحد كان حقير والثاني مؤدب وبس..
ميثه:- وبس...
انجود:- هي بس!!!!!!!
وعقبها نزلت ميثه البيت وراحت بيتهم...

:: نهاية الجزء الاول::
:icon71:
1. تتوقعون بيستوي شي بين محمد وانجود وإلا عايش وانجود...!!؟؟؟؟؟؟؟؟
2. تتوقعون انجود بيستوي فيها شي من عقب السالفة.....!!!؟؟؟؟؟؟
3. تتوقعون ربع انجود بيساندونها عقب السالفة...!!!؟؟؟؟؟

كوووووويتي تكااااااااااااااااااانه

الموضوع الاصلي  من روعة الكون