الحلوه النعومه

السلام عليكم ورحمة الله وبركاته

هاذي قصيده كاتبها من زمان لاكنها من احب قصايدي على قلبي

واتمنى تعجبكم




عيني اللي من وصال أحبابها محرومـه .. .. .. مالقت عقب الحبايـب واحـدٍ يرحمهـا

حزنها بـادي وفيهـا دمعـةٍ مكتومـه .. .. .. دمعـةٍ لازاد همـي لينـي مولّمـهـا

ضاق بالي والسعاده داخلـي معدومـه .. .. .. والتعاسه بيّـنٍ فـي ناظـري مقدمهـا

منطوي والهم يأخذ فوق راسي حومـه .. .. .. كنه الغيمـه وبـرّاق الوجـع قاسمهـا

صابر ومن جاه ماجاني تضيع علومـه .. .. .. والله انّ تمّـره الأنسـام ماينسمـهـا

وحدي ومن كان وحده بيغدي بهمومـه .. .. .. يبني صروح الهواجس جوفه ويهدمهـا

فاقدٍ بنت الكـرام الغضّـه المحشومـه .. .. .. وخايفٍ لا الشوق يأخذني وأصيح أزهمها

خبري ابها مثل حلـمٍ قاطعتـه القومـه .. .. .. ذكرياتٍ ودي أرجـع واغفـي وأحلمهـا

لابدت قلـت أقبلـي يالحلـوه النّعومـه .. .. .. حي والله شوفتك ياجعلني مـا أعدمهـا

تنظر لعيني بعيـنٍ كـن فيهـا نومـه .. .. .. وتبتسم مدري تبسـم عينهـا أو فمهـا

عطفها في داخل فوادي تفيض غيومـه .. .. .. أكرمتني بالحنـان ولاقـدرت أحرمهـا

من غرامٍ في ضلوعي جذوته مضرومه .. .. .. اخبت نـاره شـوي يولعـه مبسمهـا

بعد ذا غابت وبعثـر فقدهـا المنظومـه .. .. .. وقمت ببيوت القصيد أعيدهـا وأنظمهـا


وسلامتكم
عبوودي

الموضوع الاصلي  من روعة الكون