--}{ تعال الا تعال الا تعال }{--

تــــــــعال





تعال نصحح اخطاء الزمن قبل الزمـان يـدور
علينا اخطائنا اللي قد مضت ماهيب محسوبـه
تعال نوثق عهود الغـلا لـو الزمـان يجـور
نبا نقهر ظروف الوقت قبل نضيـع بدروبـه
تعال وخلنا ننسى بعضنا مع بعـض مسـرور
تعال وخلنا نفقـد عـذاب البعـد وذنوبـه
تعال الله يلعن ظلمنـا اللـي بينّـا مستـور
انا اشوف ان الضماير ياحبيبي شبـه مسلوبـه
تعال وخلنا نعاتب بعضنا لـو بـدون شعـور
تعال وكل واحد يعترف وش كـان عذروبـه
تعال الا تعال الا تعال انـت القمـر والنـور
تعـال انـا بدونـك دنيتـي علـي مقلوبـه
تعال نذكّر الليل ونجومـه والقمـر مشكـور
بأحلى ايام مرّت في سطـور العمـر مكتوبـه
على وضح النقى كنّا على متن السحاب طيور
ثنين وكل محبـوب مـلا بالشـوف محبوبـه
سقاك السيل ياهاك الليالـي ياشبيـه الحـور
تذكّر يوم كلٍ يمسـح دمـوع الغـلا بثوبـه
تعال الا تعـال الا تعـال وضمّنـي مخطـور
على قلب العنى تـزداد نـار فيـه مشبوبـه
تعال ومابقى للدمع الازرق في المحاجـر كـور
تعال الدمع يفضح هامتـي نوبـه ورى نوبـه
تعال وكل ماملك لك ولاباقي لغيـرك سـور
انا كلّي فدى قلبـك ودوك اليـوم مطلوبـه
تعال وشف بعين القلب وانت اللي عليك الدور
على حروفي تحطين النقط باسلوبـك اعذوبـه
تعال الا تعال الا تعال ومـا مضـى معـذور
تعـال انـا بدونـك دنيتـي علـيّ مقلوبـه





وسلامت قلوبكم
.
.
((دلووووعه))

الموضوع الاصلي  من روعة الكون