القلب يحزن 000

!! روعتي بكلمتي!! · #1 (**permalink**) 18-07-2007, 05:08

القلب يحزن والمدامـع غزيـرة
وفي جوفي نارٍ من لهبها تباكيـت

والدار ظلمة كانـت أمـي تنيـره
يايمه وينك من دونك خلى البيـت

قلبي تفطّر على الفرقـا المريـرة
آمنـت بالله وبأقـداره تراضـيـت

الموت حقٍ وكلـن لـه مصيـره
وبموت النبي قبلك يايمـه تعزيـت

هذا جِلالك وريحـك فـي عبيـره
كل يوم اشمه وليـا شفتـه تهنيـت

صوتـك يايمـه يامحلـى أثيـره
وحنانـك يمـه يخلنـي تفديـت

من يوم رحتي والمشاعـر أسيـرة
محدٍ أفضفض له وبصَمتي تسجّـيت

يايمـه من هو أجـي واستشـيـره
يعدّلني لي شفت الصواب وتنحيـت

يايمـه كلـن يناظـرني فـي حيـرة
من يوم رحتي وأنا الّي ما تواسيت

أجي دويـخ فـي وقـت الظهيـرة
محدٍ سأل عنـي يقـولي تغديـت

وأبيـت ليلـي وعيونـي سهيـرة
وكـم الليالـي نايـم ماتعشـيـت

ظروفٍ يمـه تواجهنـي عسيـرة
الشكـوى لله بظروفـي تعنـيـت

يوم كنتي عندي وكني أمير ديـرة
كلن يناديني ويقولي تعال هيـت

ويوم رحتي يمه وكني في جزيـرة
وحيدٍ فيها عن النـاس تواريـت

ياكم تعلمت مـن معانـي غزيـرة
يامَنهـل التعليـم منـّك تربـيـت

كم قصة قلـت وللماضيـن سيـرة
ولي جيت عندك بسواليف تسلّيـت

آآه يايمـه لنظـراتـي الأخـيـرة
مليـت كفـي ترابٍ ثـم حثيـت

ابشـري يمـه بدعـواتٍ كثيـرة
كلما ذكرتـك وللرحمـن صليـت

وشــــــــــكـــــــرا ...

الموضوع الاصلي من روعة الكون

الواله · 18-07-2007, 05:14

[[~مشعل~]] · 18-07-2007, 05:45

!! روعتي بكلمتي!! · 18-07-2007, 06:48

!! روعتي بكلمتي!! · 18-07-2007, 06:50

السهم · 18-07-2007, 08:12

أطياف أنثى · 18-07-2007, 09:14

قيثار الحب · 19-07-2007, 12:08

..الـوافـي.. · 19-07-2007, 12:32

مـهـمـومـ · 19-07-2007, 03:27

القلب يحزن 000

مــنــتــدى هــمــس الــقــوافــي