حبيت انزلكم مرثية اب كتبها ابنه ابراهيم الحربي>>>ابوي

اول شي احب اقول لكل من دخل انه يدعي لجدي عيد الحربي بالرحمه والمغففره


وهاذي مرثيه كتبها ابوي لموت اطيب قلب بالعالم علما بأن ابياتها واقعيه وانشاألله تعجبكم بس ابي ردكم عليها

مع العلم اني ترددت كثير قبل لنزل هذه المرثيه؟؟

قالوا الناس ترى الجمعه يوم عيد.........جمعة اخر شهرسفر جانا خبر جد

حق على الناس وكثر البكاء مايفيد........مات ابوي يوم طبيبه عنه صد

صحت الطبيبه وقلت له خذ ماتريد........ابوي وشبه علينا اليوم مايرد

اكيد ماتعرفه شوف اوراقه مكتوب عيد.....ابو محمد راعي الكرم وارثه اب عن جد

شوف اعياله وبناته وعد كم له حفيد.......وانشد الباقين هو صحيح العزوته شد

كانت الدنيا بحياته كلها ايام عيد...........عيد على اسمه في صيفها والبرد

وبعد موته صار بيته تسمع له ربيد.......شوف اعياله هذا مريض وهذا مايرد

هذا يودونه والثاني ياخذله ابره بالوريد......كل يصيح ويقول عسى الخبر ماهو بجد

تكفى يادكتور يالي ينادونك خورشيد......تكفى يعرفها ابوي لاصارت العلوم جد

لانصيته وقلت تكفى ابشر باليوم السعيد......وانت ياخورشيد بومه اب عن جد

ترى تكفى مالها ثمن لأهل الراي السديد.....وانت رايك بكرشك ياعل اكلك مايرد

تفكيرك الدنيا وتراها ياخميسه ماتفيد......نستك الأبره يوم دمه بالوريد رد

نستك الدواء لين دمه لانقص مايزيد.......ياخايب لعنه تلعنك انت وسابع جد

عسى يصيبك جميع ماصاب عيد.......وينسون عنك الدواء وروحك ماترد

يدعون عليك جميع اهله وكل حفيد.....لعلك اتوجع واتثاغى يالهيس الأربد

شوف جسمه برد واصبح مثل الجليد........برد وجهك ولعلك للعنايه اتردد

صارت اعظامك شتات ويركبلك حديد......واتجمعوا عليك الأطباء والوجيه المقرد

ابدعي عليك كل يوم ادعي وازيد........صحيح القدر مكتوب بس الأهمال له حد

شوف ادموع عيني بعد موته تزيد.........حسبي الله عليك كل يوم اتجدد

ربعنا جونا وكلن عزانا بالفقيد.....يوم خبر موته بالمدينه صار ايتردد

شالوه ربعه والنشاما الصناديد......روحوا مسرعين به البقيع الغرقد

وحطوه في قبره لعله ايتوسع ويزيد.......واهتز عقلي يوم اخوي ابو خالد تمدد

في حفرة عن ابوي ترى ماهي بعيد........ياليتني جنب ابوي دايم الدوم ويرد

لا يابو خالد تراك عندنا مثل الفقيد.........امسك محله وترى العلوم اتجدد

كلنا وقت الخبر مالنا عقل سديد..........ياريحة الغالي ياعزوتي يالصقر لنهد

تراك غالي انت واخوانك يانسل عيد.......هذي حقيقه والي يحفظ لي محمد

وكل واحد مكتوب رزقه ولو فكر بالبعيد.....ماراح راح والناس كل يوم اتجدد

يارب تغفر له وترحمه يارجاء كل العبيد.......وختامها صلوا على نبينا محمد

الموضوع الاصلي  من روعة الكون