~¤ô§ô¤~ -قصة صراع الحب..قصة سعودية حقيقية..لاتفوتكم~¤ô§ô¤~

مشكور أخوي على هالموضوع الجميل والشيق

ونترقب الجزء الثاني قريبا منك

وأتمنى المزيد من تألقك في قسم الحكم والقصص

وتقـــبل مروووووري يالغااااااااااالي


\\\\\\\\\صاحبة السموF

°ˆ~*¤®§(*§*)§®¤*~ˆ°][®][^][®][,,. ولا يهمش أختي صاحبة السمو بس ما في مشاركة ,.. و مشكور على مشاركتيش و مرورك و تسلم يديش يا الغالية ,..][®][^][®][°ˆ~*¤®§(*§*)§®¤*~ˆ°

احم احم وينكم يا خواتي واخواني يالله ما لكم داعي تسفطون موضوعي ’,

هذا الجزء الثاني واتمنى يكون في ردود ,.

لوتسكتين..
لو تسكتين دقيقة..
لوتسكتين..
هذا الشريط سمعته وحفضته..
فتوقفي عن عزفه..
بحق رب العالمين..
لو تسكتين..
لو تسكتين دقيقة..
لوتسكتين..
كل اللغات سوى الانوثة كذبة..
كل البلاغة كذبة..
كل الخطابة في...الحب
وقت ضائع..
ومهانة للعاشقين..
خلي فصاحتك القديمة جانباً..
كل الكلام الفلسفي..
نسيته..
لا كلام الياسمين..
..نزار قباني..
................
الجزء الثاني:
على الساعه 12:15 كان فيصل وحنين طالعين من الفلم والابتسامه على شفاتهم وحنين تكلمه على الفلم والمقاطع الي عجبتها وفيصل كان يقراء ورقه الاعلان عن الافلام الجديده وموعدها رفع راس وتجمدت نظراته
حنين: فيصل انا جوعانه واصله حدي
فيصل:........
حنين: وش فيك؟
فيصل: ......
حنين وهي طاله الج الي يطالع لها فيصل:فيصـ ـ ـ ـ ـ
وضاع صوتها حست بخوف فضيع"ياترى وش يبي منا وليه واقف بجنب السيارة"
فيصل: حنين خلك هنا وبروح اشوف وش يبي ؟
حنين وهي تمسكه من يده: لاتروح شكله مايطمن اخاف يسوي لك شي؟
فيصل: وش بيسوي يعني؟
حنين بحيره: مدري
فيصل: مالحقنا من الكافتريا لهنا وجلس يستنان ساعتين الا يبي شي وانا بروح اشوف وش يبي
حنين:الله يستر
ماكملت كلمتها الا هالشخص يقترب منهم وبانجليزية مكسره:
I beg your pardon"استميحك عذراً"
can we speak lightly mister faisal at office tomorrow
"هل يمكن ان نتكلم قليلا سيد فيصل في المكتب غداً"
قال ذلك وهو يقدم كرت صغير مكتوب عليه بخط اليد اخذه فيصل والقى عليه نظره:
I'm sorry
I don't know you
can you tell me
"انا اسف لا اعرفك يمكن ان تخبرني"
الرجل:pardon, my name is Michae
"العفو, اسمي مايكل"
فيصل:? you are know me "هل تعرفني؟"
مايكل:yes,I'm
I think you know me "نعم اعرفك واعتقد انك تعرفني"
فيصل:I don't think that " لا اعتقد ذلك"
مايكل بابتسامه:"تشيفيديامو دوماني"" اراك غداً" بالايطالي
فيصل:what did you say? "ماذا قلت؟"
مايكل:
I tell you tomorrow in office "ساخبر غدا بالمكتب"
داكويردو تشيفيديامو دوماني دي كوا.. " سانتظرك غداً"قالها بخبث
التفت مايكل الى حنين : I'm sorry for annoyance your
بون ويbonne nuit
" اسف لازعاجك واتمنى لك ليلة سعيد"
حنين: بون وي
مايكل وهو يغادر المكان:تشاو
حنين: فيصل من هذا؟ شكله يعرفك!!
فيصل بقلق وهو يدخل الكرت بجيبه ويتوحه للسياره:لا تاخذين في بالك، وين تبين نروح نتعشى؟
حنين وهي تتخصر وتوقف في وجه فيصل: فيصل لا تغير الموضوع انا احس انك انصدمه لما شفته حتى انه لما كلمك بالايطالي حاولت تسوي نفسك مو فاهم، يمكن تفهمني وش الموضوع ؟
فيصل وهو يركب السياره: قال اشوفك بكره
حنين وهي تمسك باب السياره قبل لايسكره: انا ما سألتك وش قال؟ انا سالتك من هذا؟ وش علاقتك فيه؟ وليش خايف منه؟
فيصل بعصبيه:ماعرفه يمكن من زباين الشركة ومو خايف منه انا مستغرب بس
حنين: بس انت لما شفته في الكفتيريا قلت احس اني اعرفه
فيصل: وي قلت احس ماقلت اعرفه ..
فيصل وهو يطالع حنين برجاء: يمكن تركبين السيارة؟
فيصل ماحب يعلق ولا يسترسل في النقاش لانه عارف ان حنين ماقتنعت بكلامه وتوتره يثبت لها صحت شكوكها
فيصل بابتسامه: وين تبين نتعشى؟
حنين: احس نفسي مسدودة
فيصل وهو يحط يده على يدها: ماله داعي القلق لم اشوفه بكره اقولك وبعدين وش رايك بالمطعم التركي الي قريب من هنا؟
حنين بابتسامه:وي
المطعم جميل وهادى والموسيقى التركيه تصدح في المكان قادهم القارسون لاحد الطاولات
القرسون:اسف لمضايقتك لكن المكان سيغلق الساعه 1:30 اي بعد ساعه
فيصل: نقدر نتناول طعامنا هنا او...
القرسون وهو يمد المنيوم لفيصل: بالطبع تفضل القائمه الموجوده حالياً
فيصل وهو يطالع القائمه: معكرونه بالبيض واللحم والصلصله الفرنسيه
حنين:عجه فرنسيه مع قطع الدجاج
القرسون: شي آخر
فيصل: لا شكراً
حنين: وانت ليش ماطلبة شي خفيف
فيصل: جوعان
حنين بابتسامه: الله يعني عليك وعلى المشي الي راح نمشيه اليوم
فيصل: ياحبيبتي لازم الواحد يحافظ عل جسمه وانه يكون رياضي وبعدين هذي كلها دهون ونشويات لازم نحرقها بالمشي
حنين: طيب ليش ماننام اليوم بعد هالتعب ونحرقها بكره على مهلنا
فيصل: لا تحاولين
وبعد العشاء طلعوا على طول للبيت،
فيصل وهو يلبس ملابسه الرياضيه: بتجين معي ولا لا
حنين وهي تتمد على الفراش: لا بصراحه تبعانه مافيني حيل للمشي
فيصل:انا ماراح اتاخر نص ساعه وراجع لاتنتضريني نامي
فيصل وهو يمشي في طريق المشاه اللي في الحي ماكان شاغل باله غير شي واحد مايكل كانت صدمته قويه ما كان متخيل انه راح يشوفه فيوم من الايام وحتى لو شافه ماكان متوقع ان مايكل راح يكلمه بكل هالبساطه وهو بنفسه الي فرض كل الحواجز بينهم وقطع كل صله له بفيصل ورفض اي وساطه يمكن ترجعهم اصدقاء كل هذا حصل من13 سنه.
ابتدت علاقه مايكل بفيصل من اول يوم وطت فيه رجوله فرنسا كان اهو السمسار التابع للشركة الي مسؤله عن تيسر الامور لطلاب الراغبين في الدراسه في فرنسا وتيسير اوراق المتعلقه بالجامعه ومن تلك اللحظه وهم اصدقاء ساعد مايكل فيصل للحصول على شقه مناسبه لتكون عش الزوجيه وكانت الصعوبه الوحيده الي واجهتهم ان فيصل ماكان يجيد الا اللغه الانجليزيه مع القليل من الفرنسيه بينما مايكل ماكان يجيد سوء اللغه الفرنسيه والايطاليه وتجاوزوا هالعائق حيث تعلم فيصل الفرنسيه والايطاليه وحاول يقنع مايكل انه يتعلم الانجليزيه لكنه رفض وعلل سبب رفضه انه يكره هاللغه وعلى مدار ثلاث سنوات كامله كانت علاقه فيصل تقوى اكثر واكثر بمايكل واخته ستيلا وامه الي من اصل ايطالي وكانت علاقة الاعجاب متبادله مايكل كان يستغرب هالشاب العربي الي ماتجاوز عمره 18 سنه ويتحمل مسؤليه زوجه وبيت وجامعه ويشتغل ويفكر يفتح مشروع بدون مساعده احد وفيصل كان اكبر عجب منه كان يستغرب كيف يقدر مايكل يجمع بين اربع مسؤليات في نفس الوقت وكيف يقدر يوفر وقت ينام فيه كان الصباح يدرس في الجامعه قسم موسيقى وفنون والعصر يشتغل في الشركه سمسار ويعمل في نادي سباق الدرجات وفي المساء يمارس هوايته في احد الحانات حيث يعمل عازف غيتار شاب 22 من العمر يفعل كل هذا .
والشي الوحيد الي كان يقلق فيصل بعلاقته بمايكل هي اخته ستيلا لاحظ فيصل اعجابها فيه خاصةً انها معه في الجامعه حاول يبعد عنها لكن مافيه فائده كلما يبعد اهي تقرب منه اكثر حاول يبن حبه لزوجته امامها حاول بشتى الطرق بس ماقدر وفي النهايه استسلم زادت علاقته باستيلا عمق وبادلها فيصل الاعجاب كان معجب بروحها المرحه وشخصيتها القياديه المكافحه وكان يتوقع ان هالعلاقه ماراح تتعد الصداقه خاصة انه زاد حبه لزوجته ويمكن بعد كم شهر يكون ابو للمره الثانيه، وماراح ينسى اليوم الي سأله فيه مايكل:تحب زوجتك ؟
فيصل: كثيرا
مايكل وبصراحته المعتاده: احس ان ستيلا تحبك واضن انك معجب فيها لذلك مابيك تزيد علاقتك بها عن الصداقه مهما حاولت لاني ماابي اشوف اختي مكسورة القلب وانا ماعندي شك في مدى صدقك لكن لالفت نظرك لشي يمكن تكون ما انبهت له
يذكر فيصل جيداً ماقاله: اضنك تبالغ في الكلام اللي تقول وما اضن استيلا ترى صداقتنا من جانب الحب
مايكل: ارجو ذلك، لكن تاكد اني ماابي اشوفه حزينه فقد عانت الكثير
فيصل: عارف هالشي
لكنه عرف كبر غلطه لما صاراحته ستيلا بحبها واخبرته انها لا تنتظر منه شياً لانها تعرف انه متزوج ويحب زوجته كل ماتطلبه بعض الاهتمام قالها فيصل انه مايقدر ن يكون سوء زميل لها ولايمكن ان يكون غير كذا لانه سيخون زوجته باي تصرف تجاا وماكان يتخيل انه بهالكلام راح يسبب لها صدمه مرضت بعد ها مرض شديد وما كانت تنطق في تلك اللحظات بغير اسمه ما عرف مايكل سبب مرضها والالم والحزن والكآبه الي مو من طبيعتها المرحه وما كان يعرف سبب تغيب صديقه عن زيارته مع كل الحجج التي يختلقها فيصل الا انها لم يقنع مايكل وجلست ستيلا على تلك الحال شهور ماتروح الا للجامعه وتعود وتسكرعليها الباب ولاتطلع الا في اليوم التالي سمعها مايكل مصادفه وهي تتكلم مع صديقتها عن معامله فيصل لها وانه يؤلمها رغم انه يعلم بحبها وكان يعاملها بحب حتى تغير فجأه وانه هو سبب ماهي فيه من الم وحزن وهو سبب مرضها الي الزمها الفراش اسابيع حتى انه ما زارها مره واحد في مرضها، كان هذا الكلام صدمه لمايكل وخلاه يواجه فيصل رغم انه يحبه وماوده ان يخسر صداقته
مايكل بحزن: ليش سويت كذا يافيصل ليش كسرت قلب ستيلا؟!!!!
فيصل وهو يحاول يظهر حيرته: ما ادري عن ايش تتكلم
مايكل: مابي اشوفك بعد اليوم وعتبر صداقتنا انتهت وعدتني واخلفة وعدك
فيصل: ماتبي تسمع مني زي ماسمعة من ستيلا؟
مايكل وهو يغادر المقهى : ما ابي اسمع شي منك كفايه اللي سمعته
فيصل كان يشعر بالذنب لحال ستيلا ويعرف انه الملام الوحيد وشكر مايكل في سره لانه رفض انه يسمع شيئاً لانه يعرف ان ما عنده شي يقوله ومع انه كان يشعر بالحزن للنهايه صداقته بمايكل
وفشل كل محاولاته لستعاده هذه الصداقه الا انه لا يلوم مايكل لانه حذره من التمادي معها ويرى في وج نظره بانهاء الصداقه من اجل ستيلا حل بالنسبه له
-------------
وفي الشرقيه كان سليمان يحاول يتأقلم مع شغله الجديد الي يجد صعوبه في تقبله لكنه كان يبي يبين للجميع انه قوي والظروف الي مر فيها سحابه صيف وعدت وما كان عارف انه بهالطريقه يحمل نفسه حمل كبير اكبر من ماكان يتخيل اهو يعرف ان حياته هي التجاره ومايعرف الا هالشغله لكن الفشل صعب والاصعب منه ان اقرب الناس لك صديق عمرك وكاتم سرك يخونك ويخليك فرجه للناس الكل يشفق عليك ويتشمت فيك من المصايب الي صارت لك وبسسببه
هيله: سليمان صارلي ساعه اكلمك وانت مو معي
سليمان: هاه معك انا معك
هيله: طيب وش كنت اقول؟
سليمان: تبين تروحين لمره الجيران بكره
هيله بابتسامه: شفت انك مو معاي من جاب طاري مره الجيران
سليمان: اجل وش كنتي تقولين؟
هيله بحزن: انت تتعب بشغلك الجديد ومو مرتاح فيه صح؟
سليمان بقلق: لا انا مرتاح ومن قالك هالكلام؟
هيله: محد قال بس انا لاحضت وحسيت
سليمان بارتياح: اسمحي لي اقولك احساسك خطاء
هيله: انشاء الله، بس....
سليمان: بس ايش؟
هيله بتردد: ليش ماتاخذ مبلغ من سعود وسيف وتبدء من جديد او من ابوي أو حتى فيصل او ذهبي..
سليمان بعصبيه: انا مليون مره قلت لك لا تقولين لي خذ من فلان او علان اذا ما عجبتك هالعيشه او انك تحسين انها مو من مستواك بامكانك تروحين لابوك ومارح يقصر معك على الاقل راح تعيشين بقصر وحولك خدم وحشم وانا ماراح امنعك
هيله والدموع بعينها: مقبوله منك بس احب اقولك لو القصر والخدم والحشم مهمه عندي ماكان قعدت معك ولا يوم ولا نتظرتك تقولي هالكلام
طالعته هيله بنظرات العتب والالم وقامت ودخلة الغرفه حس انه جرحها وماله حق بالكلام الي قاله وقفت معه بشدته ولا عمرها اشتكت تحملت خسارته وماتذمرت خسر كل مايملك وافتقر بعد غنى وباع كل مايملك على شان يغطي الديون ويسدد حقوق الناس واضطر يترك ديرته واهله عشان مايعطي احد فرصه اي كان انه يتشمت فيه او يشفق عليه حتى لو كانوا هله اضطر يترك قصر ابوه والعز الي كان عايش فيه ويجي يسكن في بيت اقل من العادي كان البيت متواضع عباره عن ثلاث غرف ومطبخ وغرفه خارجيه وساحه صغيره بوسط البيت ومجلس حتى راتبه الحين مايكفي حتى انه يجيب خادمه تساعد زوجته بالعافيه يكفي راتب الصبي ابراهيم واغراض البيت ونهايه الشهر مامعه ولا ريال وكل هذا وهي مستحمله حتى انها لم شافت البيت وشافته متضايق حاولت تفرج عليه وقالت له وببتسامتها: تصدق هالبيت يشرح الخاطر احسه نفه وانشاء الله فال خير علينا
جلس سليمان بالساحه الخارجيه وهو يلوم نفسه عن الكلام الي قاله لها
هند جت بعفويتها وبرائتها وجلست بحضن ابوها: بابا وش فيك زعلان
سليمان بابتسامه وهو يحتضنها ويبوسها على جبينها: مو زعلان
هند: طيب باب عطيني فلوس عشان اشتري حلاو
سليمان: لما يجي عبدالله يروح يشتريك
هند بفرحه: انا اعرف اشتري
سليمان: يالله نروح انا وياك وروحي اسئلي ماما في الغرفه قولي وش تبين نجيب معانا من البقاله
راحت هند ورجعت: باب تقول ماما بس خبز
سليمان:يالله تعالي
هند: بابا ليش ماما زعلانه
سليمان: مو زعلانه بس تعبانه شوي يالله نروح البقاله قبل لايذن المغرب
-----------
في الرياض
كان الكل مجتمعين بالجلسه الخارجيه ابوسعود وسعود وفوزيه وسيف والعيال يلعبون بالملحق الخارجي
سعود وهو يرشف من بيالة الشاهي : الا قولي شلون الجامعه وياك
سيف: والله تمام ماشين بس الله يستر من الجاي
ابو سعود: انت بس شد حيلك والله يوفقك
سعود: وش فيك وين وصلتي؟
فوزيه بحزن: والله قلبي مع هيله وسليمان
ابوسعود بغضب: اخوك هذا راسه يابس مايسمع الا صوته
سعود: يبه الي صار صار وماينفع الوم
أبو سعود: ياما نصحته وقلت له صالح هذا طمعان فيك لا تمسكه خيط وهو يقول صديق وواثق فيه هذي اخر الثقه في الي مايستاهلون
فوزية وهي تحاول تخفي عصبيتها: عن اذنكم بروح انوم العيال
أبو سعود: قولي ماتبن تسمعين فضايح اخوك
فوزيه : عمي اخوي لا اول واحد يخسر بتجارته ولا اخر واحد
قالتها وهي تطلع للملاحق الخلفيه
ابو سعود وهو يتسند على عصاه: الجلسه معكم مالها فايده وتقصر العمر
سيف: ه الله يسامحك ياعمي فوزيه ماتقصد
سعود: وانا كل ما جبنا طاري سليمان تتناجرون
ابو سعود وهو يتو جه لغرفته: علم زوجتك
سعود : المشكله انها عارفه
بعد لحظة صمت
سيف وهو بطالع سعود: ياترى سليمان معه حق بالي قاعد يسويه
سعود بحيره: معه ومامعه
سيف: ماني فاهم وش تقصد
سعود: الي صار لسليمان ماتتمنه لعدوك انت عارف ان عمره 40سنه قضاها كلها مع ابوك في التجاره يعني خبره ويوم ما يساعد صديقه ويمد له يده ويخليه ذراعه اليمين يخونه انا لو بمكانه انهبلت وهو مع هذا صبر وحاول يحتوي الموقف ويرجع فلوس الناس ويكفي انه صفاء على الحديده بس الي يضايقني من سليمان انه يشوفنا اغراب عنه وش فيها لو اخذ مني اومنك او من ابوي او فيصل اوحتى من عمي ابو ريم وبدء من جديد صدقني بينجح وبيرجع اسمه من جديد بالسوق
يعني هذا حل انه يبعد عنا ويشتغل شغله ماتناسبه انا مادري وين راح يجيب فلوس للي يشتغلون عنده
سيف: انت تخوفني ياسعود
سعود: ان كان على سليمان لا تخاف عليه هو قدها بيستحمل بس عياله ولا راتبه راح يكفي ماضن
سيف: فلوسي فلوسه والي معي له بس وشلون راح اقدر اساعده وهو مايسمع من احد
سعود: تصدق انا افكر بهالموضوع من فتره بس ماوصلت لشي
سيف: وش رايك نروح له
سعود: هذا حل فاشل وبعدين لو رحنا راح نحرجه مع الحال الي هو فيه
سيف: طيب وش الحل؟!!!
سعود: انا بروح الهند السبوع الجاي عندي بضاعه وبحاول اكلم فيصل وشرح له الموضوع وصدقني بيجيبها
سيف: بس اخاف نسبب له قلق
سعود: اذا ماقلق على خوه الكبير من يقلق عليه وعلى الاقل خله يشاركنا بدال ماهو لاهي بعمره وملتجئ بصومعته
سيف بستسلام: والله مدري وعلى كل حال تصبح على خير والي كاتبه ربك بيصير
سعود: وانت من اهله لا تشغل بالك انشاء الله محلوله
قام سعود ودخل على ابوه الغرفه يعتذر له عن تصرفات فوزيه لقاه نايم حب راسه وطلع ولم دخل الغرفه لقى فوزيه متمدده على السرير وماحب يناقشها لانه مل من كثر مايعيد الاسطوانه
فوزية: وش فيك مكشر
سعود وهو يبدل ملابسه: مافيني شي
فوزيه: انا عارفه ليش
سعود: خلاص ليش تسألين ؟
فوزيه وهي تجلس وبمحمق : ابوك هو الي يحاول يقلل من قيمه سليمان كل ما تكلمنا عنه وما كافي انه فشله عند الناس في جلسة الجمعه وخل كل الناس تتشمت فيه وانت عارف ان ...
سعود بنفاذ صبر: ان سليمان ماقال شي وسكت وخذ على خاطره من ابوي وبوي ماكلف حاله يواسيه او يخفف عنه وسليمان ما كان يبي الناس تدري بالي صار له ..حافظه والله واذا تبين اكملها ماعندي مانع.
جاء سعود ونسدح وتغطى والتفت عليها: بتنامين ولا بتجلسين فوق راسي تحرسيني
فوزية: ماتكلمنا
سعود: نتكلم في ايش؟
فوزيه: كلم ابوك ماعاد..
سعود قام يجلس وبعصبيه: ابوي الي تتكلمين عنه عمك ومن الادب تقولين عمي، واذا ذابحتك سالفة يوم الجمعه ترى ابوي قال لهم حب فيه ورحمه بحاله والا عاجبك وهو يدور مثل المجنون مايدري وش يسوي على الاقل لم قالهم ماعاد احد طالبه بفلوسه وابوي معه حق في الي قاله ولا يحق لخوك يزعل وياخذ بخاطره وكافي انه مايبي احد يساعده ومودي عياله لمكان حتى ماتدرين وشلون عايشين
فوزيه بخوف: وش قصدك؟
سعود: اخوك مفلس ولا يملك ولا ريال؟
فوزيه والعبره خانقتها: تتشمت فيه؟!!!
سعود: لا بس راف بحاله وبحال اختي واذا كان همك اخوك ودفاعك عنه شوفي حال عياله وزوجته وشلون صاير ولو ساعدنه احنا موبغرب
اجهشت فوزية بالبكاء:ياربي وش اسوي
سعود بندم:انا موقصدي اضايقك هذا هو الي صاير وصدقين ابوي مايبي الا مصلحته واذا عاد الكلام وزاد هذا من حرقة قلبه عليه وانتي عارفه انه بحسبه ابوه
فوزيه: ياليته شارك عمي
سعود: مجال عمل سليمان غير مجالنا وش جاب الاقمشه للاراضي والبيوت والعقارات والحديد والخشب
فوزيه: زعلان مني
سعود: انا مو زعلان منك بس عمك زعلان اذا جاء بكره الصباح اعتذري منه مو حلوه بحسبة ابوك وانت الله يهداك اعصابك سابقتك كل كلمه والثانيه نجره
فوزيه: انشاء الله
-------------
باريس الساعه 12 ليلاً
رجع سامي لشقته وهو حاط في باله شي واحد لازم يحققه، يوصل له، لازم يسوي صلح مع نادية او هدنه لوقف الحرب اللي بينهم لعل وعسى الايام الجايه تمر بهدوء حتى يلقى الحل المناسب الي يساعده انه ينفصل عنها وبدون مشاكل مع ابوه وعمه فيصل معه حق عمر الهروب ماكان حل وهو لما يوصل لحل معها راح يرتاح كل الطرفين كان شارد لدرجه أنه ماشاف ناديه اللي كانت تنتظره في الصاله
ناديه: سامي وش فيك؟
سامي يطالع فيها بفزع:روعتيني ماشفتك
ناديه: وانت متى تشوفني اصلاً
جاء سامي وجلس بجنبها بهدوء وهو يفك القرافه:وين العيال؟
ناديه: نايمين
سامي:في موضوع ودي اكلمك فيه
ناديه بخوف: خير انشاء الله ابوي فيه شي
سامي:لاتخافين مافيه شي بس ..ودي نتكلم عنا.. انا وانت؟
ناديه: أنا وانت!! وش فينا؟؟
سامي:عاجبتك الحاله اللي احنا فيها والحروب اللي بينا، كل يوم طالعه لي بغزوة جديدة و..
ناديه وهي تقرب من سامي اكثر وتشمه:أنت شارب شي؟
سامي بحمق: وتقولين ليه مانتفاهم انا اتكلم جد وانت تتمسخرين
ناديه وهي تكتم ضحكتها:حروب وغزوات وغنايم، لا اكيد رايح السينما وجاي تطبق علي
سامي بجديه اكثر: خلينا نتكلم بصراحه احنا لازم نلاقي حل للمشاكل الي بينا
ناديه بابتسامه صادقه: سامي اقولك شي ومايكبر راسك؟؟
سامي باستغراب: اول مره اشوفك تبتسمين لي وبصدق تكلميني بهدوء ورقه، يالله قولي اسمع
ناديه: طريقتك في الكلام تعجبني وترى مو بس الحين من يوم كنا صغار وعلى فكره انا قاعده استناك الحين عشان افاتحك بنفس الموضوع، حسيت انك تقرئ افكاري!!
سامي يفرح: وش رايك نبتدي؟
ناديه: الحين؟
سامي: ايه الحين..ولا اقولك نخليها بكره تكون جلسة مصارحه، نتكلم فيها عن حياتنا وندور حل للي احنا فيه، وش رايك؟
ناديه: حلوو بس تكون برى البيت عشان ناخذ راحتنا في الكلام ويكون فيه نوع من الحريه ومساحه للتعبير عن الرأي بعيد عن ضغط البيت والاولاد
سامي وهو يقوم: وهو كذلك تصبحين على خير
ناديه:لحظه طيب متى بنروح وين؟
سامي وهو يتوج للغرفه من غير مايلتفت: بكره انا عندي اجازه، يعني متى ماتبين وين ماتبين
ناديه وهي تمسح الدموع اللي تجمعت في عيونها: الحمد لك يارب، استجبة دعائي، قربنا من بعض وبعد عنا الوحشه يارب
ظلت ناديه طول الليل تخطط للرحله ش راح تكون، كيف راح تصارحه بحبها له، وأنها ندمانه على كل اللي صار وانها تبي تعيش معه حياتها الباقيه اللي حلمت فيها وتمنتها ومع كل الافكار الحلوه في راسها وكل اللي تخيلته انه يكون بينهم راح تنوم والفرحه مو سايعتها.
دخلت ناديه الغرفه بهدوء كان سامي مستلقي على السرير على ظهره ماد ايدينه بجنبه ومو متغطي، جلسة نادية بجنبه على السرير وهي تتطلع فيه بكل حب" اخيراً ياسامي بقدر انام بحضنك يالله وش كثر انا غبيه حرمه نفسي منك عشان كرامتي وكبريائي وفي اليوم الي قلت فيه بتنازل واصارحك جيت انت، ادري اني ظلمتك معي، وانت ظلمتني معك بس اوعدك ان بكره انشاء الله راح يكون فاتحة خير علي وعليك، صدقني مستعده انتازل عن اي شي وضحي بااي شي عشان نكون سعيدين مع بعض، حتى لو كانت ذكرى صديقتي.."
قربة ناديه منه طبعة قبله على جبينه وتمددت بجنبه وحطت راسها على صدره وضمته بكل قوتها، حس فيها سامي وفتح عيونه كانت تبكي ودموعها مغطيه ووجا، ضمها سامي وهو يحس بالذنب"معقوله كنت ظالمها معي، معقوله كانت تتعذب، لدرجه لم اقولها نسوي صلح تبكي، آسف ياناديه ووعد مني اريحك مني، حتى لو اسكن بشقه بروحي وانتي تجلسين هنا مع العيال صدقين مستعد انفذ طلباتك مهما كانت قاسيه علي وانشاء الله نوصل لحل.."
ناديه بقلق: سامي
كانت ناديه خايفه يحس فيها وحمدت الله بسرها انه ماشافها كذا
وعلى الساعه 2:00 الظهر كانت ناديه بكامل اناقتها كانت لابسه بنطلون ابيض مقلم بسماوي وبدي ابيض وجاكيت سماوي قصير مع ازارير مع الامام ورافعه شعرها الاسود الخفيف بشكل جميل مع بعض الخصل على الوج الي خلى شكلها روعه مع مكياج خفيف وناعم، دخلت ناديه على الاولاد بالغرفه كانوا يبدلون ملابهم لسى جاين من المدرسه
عصام: الله يمه وش ذا الحركات وين بتروحين
ناديه ببتسامه: بروح مشوار مع بابا ويمكن نتاخر، خلك عاقل ياهشام
هشام: وش معنى انا اللي اعقل!!
ناديه: وين دنيا؟
هشام: بالحمام
ناديه: يالله مع السلامه انتبه للبيت ياعصام وخلوا ماري تحط لكم الغداء
الكل: مع السلامه
هشام وهو يطالع امه وهي تطلع: امنيه اعرف ليش امي تحبك اكثر مني انت ودنيا؟
عصام: لانك مشاغب مزعج ولسانك طويل
هشام: لا مو عشان كذا هي اصلا دايم تقولي انت غلطه في حياتي
عصام: اقوول يالله بلا كلام فاضي انا ميت جوع ناد دنيا وتعالوا انا بقول لماري تجهز الغداء
وفي السياره كان سامي ينتظر ناديه كان لابس بدله رسميه سوداء مع قميص ابيض وكان شكله مره حلو مع انه يبين بالسبورت احلى ركبه ناديه السياره وهي تتمنى تسمع من سامي كلمة اطراء على شكلها
سامي هو يطالع ناديه: مالبستي حجاب
ناديه: وانا من متى البس؟
مااحب سامي يعلق خل اليوم يمر على خير ومشى كانت ناديه بتموت من الغيض " يعني ولا كلمه شكلك حلو اي شي مادري احس نظراته اعجاب حتى قالي ليش مالبستي حجاب واول مره يقولي كذا .."
سامي : اكلمك وين سرحانه؟
ناديه: ولا مكان
سامي: وين تبين نتغداء
ناديه: براحتك
سامي: وش رايك بالمطعم الايطالي
ناديه: وي
وفي المطعم طلبوا اسبغتي بصلصله الطماطم الحاره كانت ناديه تاكل بكل صمت وسامي نفس الشي، ناديه وهي تحاول تفتح اي موضوع يتكلمون فيه
ناديه: طعم الاكل لذيذ
سامي:اممممم
ناديه: شنو اممممممم
سامي بابتسامه: يعني ايه
ناديه: اهااا
وهم ياكلون الحلو
ناديه: ماودك نتكلم بالموضوع
سامي: خلي الشهيه مفتوحه
ناديه: الحين صرنا نسد النفس
سامي: مو القصد بس الحين نطلع باي مكان هادي ونتكلم
في السيارة كان الصمت سيد الموقف كانت الافكار تاخذهم يمين ويسار سامي كان يفكر بالكلام اللي ممكن يقوله لناديه وهي تفكر وشلون تصارحه بحبها وهل بيتقبل ولا لا وش شعوره تجاا كانت الافكار تاخذهم و توديهم وكلا يغني على ليلاه وبالاصح كان فيه شي مثل الحاجز بينهم اللي مايخليهم يخاذون راحتهم بالكلام مع بعض ولا كيف يفتوحون حوار يشتركون فيه مع بعض.
وفي بارك دوبسان دولارسنال كانت ناديه جالسه بجنب سامي على احد المصطحات العشبيه بقرب مناره خشبيه تطل على نهر السين والمكان يكاد يكون خالي خلع سامي جاكيته وحطه بجنبه
ناديه وهي تقلب عيونها بالمكان: البارك روعه
سامي: اكيد حلو وزاده حلاوه انه تقريبا الحوض اللي يربط نهر السين بقناة سان مارتن
ناديه: ومساحته كبيره، جديد هو ماجينه قبل كذا؟
سامي: لا قديم يرجع لقرن الثامن عشر الميلادي حسب معلوماتي
ناديه وهي تطالع في عيونه بعد لحظه صمت: ماودك نتكلم
سامي: امبلى من وين ودك نبدأ
ناديه: ليش تزوجتني؟!!
سامي: سالتيني هالسؤال للمره المليون وواحد
ناديه: ولا مره من هالمليون جاوبتني بصراحه
سامي: وش رايك نخلي شعارنا الصراحه مطلوبه والزعل مرفوض، ووعدك اجاوبك بصراحه
ناديه: اوكي أنا موافقه
سامي: وعد
ناديه: وعد
سامي: تزوجتك........
لحظة صمت
سامي بتردد: انا كنت محتاج مبلغ لان كان عندي ازمه ماليه وماكان قدامي الا هالحل عشان ارضي ابوك وبوي
ناديه بالم: وش الازمه الماليه اللي تخليك تتاجر ببنت عمك وتبيع حبك
سامي: ازمه ماحب اذكرها لانها تضايقني
ناديه: قلت تبي تقول الصراحه
سامي: هالموضوع ماراح يفيدك كثر ماراح يضايقني
ناديه: تحب هناء للحين؟
سامي: اذكرها بكل خير
ناديه: ليش انت غامض في اجاباتك؟
سامي وهو يطالع ناديه برجاء: ناديه احنا جاين هنا نحل مشاكلنا مو نتكلم عن اشياء فاتت وانتهت لا تقدم ولا تاخر
ناديه: مو هاذي جذور المشكله
سامي بستسلام: ايه احبها
ناديه بحزن حاولت تخفيه: وانا؟؟؟
سامي وهو متفاجئ من السؤال الي ماتوقعه نهائياً ويحاول يغير الموضوع: ناديه انا عارف اني لما تزوجتك كنت اناني وكان همي الوحيد مصلحتي بس صدقيني كانت هالانانيه غصب عني لا انا اخترتها ولا لي يد فيها كان الحل الوحيد قدامي ابوي وعمي وانت عارفه المساومه اللي حطوني فيها عشان يذلون طليقك وماكنت اقدر ارفض
ناديه: انت للحين ماقلت لي سبب واحد مقنع، وعمر الماده ماكانت سبب،وهذا كله الحين مايعنيني لاني زوجتك وانا الحين ابي اعرف شي واحد بس وش شعورك تجاهي؟؟!!!!!!!!
كانت ناديه حاطه ايدها على قلبها وتدعي الله ان الاجابه تكون الي تتمنى
سامي بحيره" لانه متوقع ناديه تساله اي سوال الا هالسؤال": من اي ناحيه؟
ناديه: كزوجه؟
سامي" وش قولها هذي اقولها ما حبك ولا عمري حبيتك":......
ناديه: سامي صدقني انا مااطالبك بشي ولا انتظر منك انك تقولي احبك لاني عارفه نوع العلاقه اللي بينا بس اتمنى انها ماتكون اكرهك
سامي: صدقيني ياناديه عمر مااكرهتك، بس انتي قلتيها العلاقه اللي مبينا كانت مكهربه ماكانا نقعد ساعتين على بعضهم الا وتطلع مشكله، انا مااقول انا بريء انا مشارك معك في كل اللي صار بس اتمنى نفتح صفحه جديده
ناديه: بس أنت للحين ما جوبتني؟
سامي:ماادري!!
ناديه وهي تطالعه بحزن وبتفهم:..........
سامي بتردد: ناديه طبعاً انت فاهمه قصدي انا مااحبك ولا اكرهك بس صدقيني اعزك وغليك والله غلاتك بغلات نجلاء عندي
ناديه باستغراب: من نجلاء؟
سامي: اختي نجلاء وش فيك؟
كانت الصدمه على ناديه قويه بس حاولت ماتبين له نزلت عيونه الي خنقتها العبره في العشب وصارت تلعب بالعشب بيدها" انا اخته انا زي اخته والكبيره بعد وليش يقولي الكلام هذا الحين وبعد ماجبنا طفل اطلع زي اخته وناويه بعد اقوله احبك اشوى اني ماتكلمت"
سامي حس انه خبص في الكلام يبي عدلها عماها: مو زي اختي بالضبط بس فغلاتها يعني...
ناديه: مو لازم توضح فاهمه قصدك، بس صدقني انشاء الله من اليوم راح نفتح صفحه جديده ووعدك ان ناديه الاوليه تتغير وماتشوف الا الي يرضيك
سامي: وانا اوعدك ياناديه اني انفذ كل طلباتك كل اللي تبين
ناديه: ايش ابيه تنفذه
سامي" الله يستر": اكيد
ناديه:يمكن تنسى كل كلمه جرحتك فيها او ضايقتك يمكن؟
سامي وه متفاجاء" وش فيها قلبت رقه ورمنسيه مره وحده اكيد عجبتها سالفه اختي انا عارف تبيها من الله"
ناديه: وش فيك؟
سامي باابتسامه: احاول
ناديه وهي تطالع الساعه
سامي: وش فيك عندك شغل؟
ناديه: لا بس تاخرنا الحين بيذن المغرب
سامي بخبث: خلينا نتفرج عالغروب
ناديه باابتسامه: فاهمك قصدك اوكي لا تخرب الا تفاق
سامي: ، يالله نطلع.. وش رايك بايسكريم
ناديه وهي تحاول تخفي ضيقها بابتسامه: مو مشتهيه
طلعوا من البارك وسامي طاير من الفرح ويشكر فيصل بسره لانه هو الي اقترح عليه هالجلسه فرحان لانه لقى الحل اخيراً الي بيريحه من نكديه ناديه ويبعدها عنه لفتره على الاقل فهالفتره يكون لقى حل نهائي مع انه ماكان متاكد انه بيوصل لهالنتيجه معها بس كان عنده امل ول1% اما ناديه كانت تحس بالصدمه بس ماحاولت تحسس سامي بأي شي وحاولت تخفي المها وحزنها وحاولت تغير من نفسها وبالفعل تغيرت او حاولت تبين انها تغيرت والمعارك في البيت انقلبة الى هدوء حاولت تبعد عن سامي شوي لعله يحس فيها ويقرب منها ما صارت تسال وين رايح وين جاي ولا تحاول تتدخل في شؤنه وسامي احترم قرارها وماحب يقرب منها يمكن لانه كان مرتاح كذا وطبعاً ناديه كانت تنقهر من تطنيش سامي لها وتحط حرتها بهشام الضحيه الي يتعاقب بتصرفات ابوه.
-----------
وعلى المغرب كان فيصل متوج لمايكل وهو حاس بحيره فضيعه ياترى وش يبي وش الي ذكره فيني بعد هالسنين لايكون صار لستيلا شي ويبي ينتقم مني او يمكن يبي شي ثاني او... كانت الافكار تاخذ فيصل وتوديه وهو مع كذا يحاول يطلع متماسك ولا يبين خوفه وقلقه وفي مكتب صغير في الحي الاتيني كان القاء، دخل فيصل بتردد وهو يحاول يجمع قواه كانت موضوعه لوحه صغيره على الباب"مايكل بلاتينو سمسار عام وعازف في الحفلات" كان المكتب عباره عن غرفتين يفصل بينهم باب صغير وفي الغرفه الاولى مكتب صغير جالسه عليه بنت حلووه حس فيصل انه شافها قبل كذا وتذكر انه شافه امس في الكافتيريا مع مايكل
فيصل: بون سوير انا فيصل
ماريتا وهي تمد يدها تصافحه: ماريتا
فيصل: يمكن تبلغين مايكل بوجودي
ماريتا: اهو ينتظرك تفضل
دخل فيصل المكتب وتفاجئ بوجود مايكل ومعاه وحده في الثلاثين جاء في باله ستيلا لكنه استبعد الفكره لان الملامح مختلفه نهائيا صح صار له 13 سنه من اخر مره شافها بس مافيه احد يتغبر بهالشكل
مايكل باابتسامه: توقعت انك تجي
فيصل: كيف الحال مايكل؟
مايكل بخبث: اشوفك عرفتني
فيصل: وهل يخفى القمر
مايكل:ليش واقف تفضل
فيصل وهو يدخل:شكراً
مايكل:اعرفك هذي خطيبتي جانيت
فيصل وهو يهز راسه بتحيه: اهلا
جانيت بقرف: مايكل انا طالعه لاتنسى مو عدنا
مايكل: اوكي
فيصل" وش فيها ذي الله يستر"
مايكل: انا ما جبتك هنا عشان اتكلم عن خيانتك اختي ...
فيصل وبدء يتنرفز: خيانتي ؟؟؟!!!
مايكل: ستيلا رفضت اني اناقشك بالموضوع وانا احترمة قرارها بس انا لما شفتك قلت لازم تعرف مهما صار هذي بنتك
فيصل بحيره اكبر: بنتي.. انت عن ايش تتكلم؟
مايكل بعد فتره صمت: انت لما هجرت ستيلا كانت حامل
فيصل: وانا وش دخلني؟
مايكل بعصبيه: ستيلا كانت حامل منك يافيصل؟
فيصل بصدمه: نعم؟!!!
مايكل: البنت تشب لك يافيصل
فيصل وهو يضحك" هذا مجنون ولا يستعبط"
مايكل: انا مو قاعد اقولك نكت علشان تضحك
فيصل بجديه: ماكان بيني وبين ستيلا علاقه من هالنوع
مايكل: انا خاب ضني فيك مره واتمنى مايخيب للمره الثانيه
فيصل: ااكد لك ماكان بيني وبين ستيلا علاقه من هالنوع كل الموضوع زماله
مايكل: فيصل!!
فيصل: ستيلا قالت لك انها بنتي؟
مايكل: وي
فيصل " لا حول ولا قوة الا بالله.. وش هالمصيبه"
مايكل: انا عارف ان الموضوع مفاجاه بالنسبه لك وانا بعطيك فرصه سبوع كامل يعني من الاحد هذا للاحد الجاي وانت تقرر والا باضطر اتصرف بطريقتي
وعلى فكره الاسبوع الجاي راح يكون اول يوم تقدم فيه كاثرين القربان بامكانك تجي راح يكون في كنيسة المادلين وصدقني راح تفرح فيك لان هاليوم مهم بالنسبه لها
فيصل: من كاثرين بعد؟
مايكل: اسم بنتك كاثرين
فيصل:............
مايكل وهو يضغط جهاز صغبر بجنبه: ماريتا تعالي وصلي فيصل للباب
طلع فيصل ورجوله يالله تشيله، ماهو مصدق الكلام الي قاله له مايكل
فيصل: ياربي..ياربي ليه يتبلون علي وش مصلحتهم؟؟
فكر فيصل ان يشارك سامي فهالمصيبه لعلهم يفكرون مع بعض ويلقون حل وتوجه لبيته، وبعد بضع طرقات على الباب فتحة الباب بنت صغيره
فيصل وهو يبوسها على خدها: كيفك حبيبتي دنيا؟
دنيا: حمد الله، وانت كيفك عمو؟
فيصل: تمام، بابا موجود ؟
دنيا: تفضل عمو الحين اناديه
فيصل: لا انا مستعجل قولي له بسرعه
غابت دنيا لحظات وجاء بعدها سامي
سامي: وش فيك واقف عند الباب ادخل ولا مسويلي برستيج وماتدخل شقق
فيصل بقلق: غير ملابسك وشوفني تحت في السياره انتظرك؟
سامي: وش فيك عسى ماشر؟
فيصل: سالفه طويله لا تخليني انتظرك كثير
سامي: خوفتني، دقايق وكون معك
وعلى ضفاف نهر السين بالقرب من ميدان الكونكرد وعلى احدى المقاعد الصغيره والمتناثره
سامي: يالله تكلم تراني جالس على اعصابي
وقال فيصل لسامي القصه كامله من اول ماتعرف على مايكل لحد القنبله الي القاه اليوم عليه
سامي: يؤ يؤ يؤ وش بتسوي؟
فيصل: وانا وشوله جايبك؟!!
سامي: طيب بصراحه البنت تحس انها بنتك، يعني كان بينك وبين ستيلا علاقه غير شرعيه، بالعربي اخر مره نمت معها
فيصل: وش تخرف انت وش تقول؟
سامي: فيصل ماله داعي تتهرب الموضوع صار وخلاص
فيصل: آاااااه
سامي: كلمت حنين تطمنها عليك؟
فيصل هو يقوم مثل الملدوغ: تصدق نسيت، راح اروح اشوف محل اكلم منه خلك هنا لما ارجع.
راح فيصل يدور محل يكلم منه حنين وتفاجئ فيصل بالمطر يتساقط، ماكان قدامه غير محل لبيع التحف والانتيكات ملحق بمنزل صغير
فيصل يوجه كلامه للبائع العجوز الي كان يرتب بعض زوايا المحل: عندك هنا تلفون
البائع: وي
فيصل: يمكن استخدمه
البائع: لا انا في العاده ماخلي الغرباء يكلمون منه
فيصل" ليش باكله ولا شغله الشياب":عشر فرنكات كفايه
البائع وهو يبي فيصل يزود شوي لانه حس انه محتاج مره للتلفون:لا..لا
فيصل وهو يطلع مبلغ من محفضته: 15 فرنك وهذا اخر شي عندي
البائع: وي
تقدم البائع لعند الكاشير وطلع من تحته تلفون، ضرب فيصل الرقم مره ماكان فيه احد يرد، عاد الرقم
فيصل: حنين
حنين: هلا فيصل..وينك؟..قلقة عليك..كنت بتصل بالشرطه
فيصل: لا انا بخير لا تخافين
حنين: وش كان يبي فيك هذا الي اسمه مايكل؟
فيصل:سالفه طويله وتاف بقولها لك لما ارجع
حنين: ومتى بترحع
فيصل: ماادري يمكن اتاخر عندي شغل مع سامي
حنين: انتبه لنفسك
فيصل : انشاء الله
كان سامي ينتظره مع كوبين قهوه وكاروسان بالزبده واكياس الفستق تحت الجلسات المضلله المطله على النهر
سامي: تاخرت
فيصل وهو يجلس: تعبت وانا الف على المحلات ادور تليفون يالله لقيت، فستق وحركات شكلك مطول
سامي: وش مستعجلين عليه على مانشرب الكوفي يكون المطر وقف
فيصل:على قولتك
سامي: وش وصلت له
فيصل: مدري
سامي: لازم تتاكد اذا كانت البنت بنتك ولا لا
فيصل: مو بنتي وانت تعرفني في الجامعه كنت راعي خربيط؟؟ سبع سنوات وحنا مع بعض من البكلوريوس الين الدكتوراه شفت علي شي
سامي: انا ماتعرفت عليك الا في السنه الثالثه وماكانت صداقتنا ذاك الزود بس اذكر انك دايم تجلس معها ولم قوت صداقتنا في السنه الرابعه كنت تركتها
فيصل: كانت زماله وصدقني مابيني وبينه علاقه لاهي ولاغيرها
وبعد لحظه صمت...
فيصل: تذكر حفلة ليلي
سامي: ليلي .. من ليلي؟
فيصل: الي كانت معنا بالجامعه
سامي بعد لحظه تفكير: اهاااا عرفتها السمراء ام شعر احمر.. وش فيها؟
فيصل: تذكر حفلة الكرسمس الي حضرناها انا وياك في بيتها وتعرفنا على بعض فيها
سامي: والله تراه من ثلاث طعش سنه وشلون تبيني اذكر!!!
فيصل: لما سولنا المقلب
سامي وهو يضحك: ذكرت.. لما خلطوا عصير الاناناس مع الجوز وخلطوا معه الفوديكا، وانت ماقصرت
فيصل بحزن: لما رحنا الجامعه بعد يومين قالت لي ستيلا اني .... بس كنت احس انها تستفزني
سامي بحيره: متى كان هالكلام؟ يعني قبل ماتقطع علاقتك فيها بكم شهر؟
فيصل: ماذكر بالضبط يمكن ثلاث شهور اربعه شهور
سامي: على كل حال لازم تتاكد ان كانت بنتك ولا لا
فيصل: وشلون؟
سامي: خذ البنت المستشفى وسوو فحوصات ولا شف اليوم الي ولدت فيه وحسب
فيصل بخوف: واذا طلعت بنتي؟
سامي بقلق: ماتوقع انت حتى ماتاكدت من كلامها بس من باب الاحتياط
فيصل ودموعه تنزل غصب عنه: وش اقول لحنين لوصارت بنتي؟
سامي:...
فيصل وهو يجهش يالبكاء: احبها وماابي اخسرها ولابيها تكرهني..
سامي: من قال ان الموضوع بيكبر احنا ماراح نقوم من هنا الا لقين حل
فيصل وهو يمسح دموعه: عطاني مهله سبوع
سامي: يعني وش بيسوي بيرفع عليك قضيه؟ مامعه دليل
فيصل: ممكن من باب التشهير ولا تنسى اني عربي يعني رحت فيها.. ولاتنسى الاضافات الجمليه الي يمكن يقولونها
سامي: صدقني مايقدر
فيصل: مع اني اتوقع يسوي اكبر من كذا
سامي: ش قصدك؟
فيصل: لاتنسى انه ايطالي
سامي: وش يعني ايطالي؟
فيصل وهو ياشر على رقبته: قتل
سامي: لا وين ماتوصل "سامي تذكر سالفه تشارلي "لا يكون بس في المافيا ترى يسونها
فيصل: طريقته وهو يكلمني واثق من نفسه ومو بعيده يكون مع المافيا
سامي: بلغ الشرطه طيب
فيصل: راح تكبر السالفه وانا بصراحه ماابي فضايح، العرب هنا كثير وماسرع مابتنتقل الاخبار لهلي في السعوديه
سامي: وحنين؟
فيصل بالم: هذي نقطه ضعفي؟
سامي: اخاف يستغلونها
فيصل بخوف: وش قصدك يخطفونها مثلاً؟
سامي: لا وش يخطفونها في سينما احنا لا يعني قصدي يقولون لها قبلك
فيصل بقلق: لا تخوفني
سامي: احسب حساب كل شي
فيصل: وش اسوي طيب؟
سامي: قل لها السالفه كامله
فيصل: مجنون انت حنين اعرفها مارح تقبل بتعتبرها خيانه وتخيل لو تقول لعمي ولا تطلب الطلاق صدقني عمي بيقوم الدنيا لين انفذ الي تبيه
سامي:وانت بتقولها كل شي قل لها القصه وحذف بعض الاشياء
فيصل: واذا كلموها وقالوا لها؟
سامي: بسيطه..ماراح تصدقهم لانك زوجها وحبيبها وبعدين قلها اي شي قلها ابتزاز وخاصه من كلامك انها مارتاحت لشكله
فيصل بخوف اكثر: واذا كانت بنتي؟
سامي: في ذاك الوقت نلاقي حل ثاني ولكل حادثاً حديث
فيصل: يعني اروح له بكره وقوله نحلل ابي اتاكد؟
سامي: وي.. ولاتبين انك خايف او مرتبك، بعدين يتمادا معك، خل الموضوع عادي، جاي اتاكد، ياخي كل بنات فرنسا يحملون وهم أنفسهم مايعرفون ابو الجنين ومافيه مشاكل
فيصل: الله يستر بس ويمر هالموضوع على خير
سامي وهو ياكل من كيس الفستق: ولا تجيب طاريي عند مرتك مالي شغل الحين تقول سامي القال وسامي الي سوى ترى السمعه خربانه
فيصل وهو يضحك: هذا انت قلتها السمعه خربانه، الا صدق وش صار بجلست المصارحه
سامي بفرح: اسكت يافيصل الموضوع انتهى خلاص
فيصل: طلقتها؟
سامي: لا وش طلقتها، بس سوينا صلح هدنه
فيصل: ماعترضت
سامي: تخيل لا.. رحبت فيها وفرحة
فيصل: ياشيخ ارتحت خل عيالك يعيشون عيشه هاديه
سامي: الحمد لله يارب
فيصل: تصدق اليوم سيلين رئيسة قسم المبيعات جايه تسالني اساله غريبه
سامي وهو يكتم ضحكته ويظهر حماس مصطنع: زي ايش؟
فيصل: وش رايك في الزواج المبكر؟ وكيف علاقتك مع زوجتك؟ وكم عمرك لماتزوجت؟ وهل كل العرب يتزوجون مبكر؟وهل تفكر تزوج اولادك مبكر؟ وحاولت اتهرب واغالط ولما ماشفت ان مافيه امل قالت لي اهي كل شي
سامي: وش قالت؟
فيصل: قالت لي عمرك لما تزوجت 17 وعمر زوجتك 16 اكبر اولادك عمره 16 عمرك الان 34 كل شي حتى عن استثماراتي اقولك جابه العيد وطلعت مسجله الكلام كله تقول قبلوها صحفيه في مجله الدمينك حوار كل اسبوع وهذا اول حوار لها الله يستر بس ماتنشره
سامي: ماقالت لك بعد انك دكتاتوري وغير متفهم ومتسلط على الموضفين
فيصل: قالت ماخلت شي والله لوني مو محتاجها كان من زمان طيرتها بس شغلها حلوو تخيل تقول اني...
فيصل وهو يسترجع كلام سامي: وش دراك انها قايله عني دكتاتوري ومتسلط..لا يكون بس لك يد في الموضوع
سامي: ه
فيصل وهو يقوم ويمسك سامي من قميصه: قولي لك يد في الموضوع ولا لا؟
سامي: ه لحظه خلني اقولك.ه هذا جزاي ابيلك الخير الناس يطالعون يامتوحش
-----------
وفي الشرقيه
كانت هيله وسليمان يتناقشون بغرفه النوم بعيد عن العيال
سليمان بترجي: هيله لا ترفعين صوتك يسمعونك العيال
هيله وهي تبكي: انا ما قولك دبر فلوس بالغصب، صدقني انا ماعندي مشكله اعيش معك وين ماتبي واموت من الجوع مومشكله عندي، بس عيالي ماابي اشوفهم بهالحاله
سليمان: خلاص.. خلاص الي فيني يكفيني بحاول اتصرف
هيله: دامك عارف اننا نعيش على راتبك وشهوله تستقيل؟
سليمان وهو جالس عالسرير ومنزل راسه: مابي العيال يسمعون كلامنا انشاء الله بتدبر
هيله: ماتبيهم يسمعون.. اهم شايفين وخالصين..انت عارف ان البيت فاضي من ثلاث ايام.. وعارف ان عيالك غايبين من ثلاث ايام عن مدارسهم لاننا مانقدر نعطيهم فسحه
سليمان وهو يطالع هيله برجاء والدموع متجمعه بعينه: عارف
هيله حست انها جرحته بكلامها قربة منه وضمته لصدرها: اسفه سليمان موقصدي
سليمان:.......
هيله: استقالتك جت في غير وقتها، باقي عالراتب يومين مانتظرت
سليمان: انشاء الله بروح لهم بكره وبطلب منهم مستحقاتي
هيله: طيب ليش ماتاخذ من ذهبي هذا هو مكدس في الخزنه انا ما استفيد منه الحين واذا جاء معك اشتري لي غيره .. الله يخليك خذه اجيبه لك
سليمان وهو يقوم: بروح للبقاله خل يعطينا شي عالحساب
طلع سليمان ونخرطت هيله في بكاء مرير " الله يهديك ياسليمان ليش شايف اقرب الناس لك اغراب، بعد العز يصير فينا كذا، الفلوس الي ماقد حسبنالها حساب ولا فكرنا فيها الحين نتظرها لاخر الشهر ونتحسر عليها بعد، سبحان الله الايام دول"
قامت هيله وفتحت الخزنه الي في زاويه الغرفه وطلعت منها عقد من الذهب وطلعت من الغرفه وهي تمسح دموعها، كان عبدالله وهند يلعبون في الحوش الخارجي
هيله: عبدالله تعال
عبدالله: سمي يمه
هيله: روح برى شوف ابوك اذا ابعد ناد الصبي براهيم قول عمتك تبيك
عبدالله: وش فيك يمه تصيحين؟
هيله: مافيني شي بس عيوني تعبانه، بسرعه قبل لايجي ابوك
عبدالله: ليش قبل لا يجي ابوي؟
هيله: مالك شغل بسرعه فز
غاب عبدالله شوي وجاء وكانت هيله تنظره ورى الباب دخل عبدالله مسرع بدون مايشوف امه وهو يتزحلق على البلاط
هيله: تعال هنا يالمطفوق
عبدالله وهو مرتاع وماسك قلبه: يمه
هيله: وين براهيم
عبدالله: ورى الباب
هيله: رح انت هناك مع اختك؟
هيله وهي تغطي وجا: براهيم ادخل
براهيم: سمي عمتي
هيله: ابيك تاخذ العقد وتبيعه اليوم قبل صلاة العشاء ابي الفلوس عندي
براهيم: بس لو يدري عمي..
هيله: ماراح يدري من الي بيقوله
براهيم: اسف عمتي مااقدر
هيله: عمك بضيقه واذا ما سعدناه انا من بيساعده، عاجبتك حالته
براهيم: اخ لومعي شي اقدر اساعد به عمي
هيله وهي تمد له العقد: تقدر خذ العقد
ابراهيم وهو ياخذ العقد بتردد:بس
هيله: لا تبسبس علي بسرعه اطلع قبل لايجي عمك
طلع ابراهيم وهيله حست برتياح لانها قدرت تسوي شي لسليمان وتريحه من بعض الحمل
-----------
في الهند وبالتحديد بومباي
كان سعود يحاول يكلم فيصل في موضوع سليمان لعلهم يلقون حل ويحاولون يساعدونه ولو بطريقه غير مباشره وبدون ما يحرجونه او يطعنون كبريائه لان مهما سوى ومهما قال ومهما رفض من المساعدات الي حاولوا يقدمونها له يبقى منهم وفيهم ومن العايله الي عاشت طول عمره بعز والي ماعمر واحد فيهم مر بضروف مثل مامر سليمان، سليمان الي عاش سنوات عمره 40 في التجاره قضاءها في مساعده والده وبناء اسم قوي في عالم المقاولات والعقارات والاستثمارت القويه والناجحه في الوطن وخارجه، وبسبب ثقه زاده عن حدها يخسر كل شي وبسبب صديق عمره والمساعد الفعال في نجاحات الشركه في الخمس سنوات الاخيره قبل وفات والده.
25مليون قيمة المشاريع الي تعطلت وتوقفت والي حاول فيصل يحتويها بس رحمه ربي كانت معه وقدر يجمع المبلغ بعد ماخسر كل شي.. الشركه.. املاكه وكل مايملك من عقارات واسهم، كانت خساره كبيره وقاتله وصدمه سيلمان كانت اكبر من اي شخص ثاني وهذا الي خلاه يعاقب نفسه هالعقاب ويحرم نفسه من مساعدتهم الي كان محتاجها ويمكن بسبب الكرامه الي اكتسبوها من ابوهم والي تخليهم مايقبلون اي شي ينتظر من وراءه شي ويمكن لانه من الصعب عليه يبدا من جديد ويستعيد ثقه الناس الي خذلهم
حاول سعود يتصل كذا مره وفي الاخير مسك الخط
سعود: الوووو
حنين: من يتكلم؟
سعود: هلا عمري حنين انا سعود
حنين وهي تصرخ وبدون تصديق ودموعها تسبقها: هلا حبيبي شلونك؟
سعود: انا بخير انت شلونك؟
حنين وهي تجهش بالبكاء ومو قادره ترد
سعود: علامك حنون فيه شي تراك خوفتيني؟
حنين وهي تحاول تتمالك نفسها : ابوي وشلونه؟ وللحين رجوله تعوره؟
سعود: لا الحمد لله ابوي بالف خير واحس عن اول بكثير
حنين: وهيله وفوزيه وسيف وسيلمان والعيال وعمي ابو ريم وكلكم وخالتي نوال
سعود: شوي شوي علي كلهم بخير لاتحاتين ويسلمون عليك بعد ويقولون مشكوره على الهدايا الحلوه الي ارسلتيها
حنين: وانت وشلونك ياسعود؟ وشلون شغلك؟
سعود: انا الحمد لله زين وشغلي تمام انت وش اخبارك وخبار العيال؟
حنين: ماشين بهالدنيا، الاسعود سليمان وش فيه خذ عياله الشرقيه عسى مافيه شي ؟
سعود: لا بس وده يغير تعرفين الحاله النفسبه لعيال عمك تحب التغير
حنين وهي تضحك: ايه صدق من وين تكلم لارعود ولا اهتزازات ارضيه، غيرتوا التلفون الهوائي اخيراً؟
سعود: ه يقالك تنكتين؟ لا ماغيرناه انا في الهند عندي كم شغله، اقمشه ومن هالكلام.. ولا بعد ادور شغاله هنديه لهلي
حنين: من جدك تدور شغله؟ اجل وين عتبه وزينب ورقيه؟
سعود: عتبه كبرت يالله تشيل عمرها وزينب عارفتها ماعندها ما عند جدتي
حنين وهي تضحك: لاتنقي حلوه بعدين تروح فيها مع فوزيه
سعود: ه شكلك حاضره الاجتماع قبل لاسافر.. الا يشوفني يقالي مو رايح اجيب لها شغاله رايح اخطب
حنين:ه
سعود: الا وين فيصل؟
حنين: رايح مشوار
سعود: اوكي بعطيك رقمي وخليه يتصل علي اول مايرجع، ابيه ضروري
حنين: خير انشاء الله فيه شي؟
سعود: لا مافيه شي بس مشتاق له انت قولي له ضروري علشان يتصل بسرعه، خذي الرقم ********* كتبتيه ؟
حنين: ايه كتبته
سعود: خليه يكلمني اليوم لان بكره عالساعه4 بسافر لدلهي
حنين: انشاء الله
سعود: يالله حنون تامرين على شي؟
حنين: سعود لحظه الله يخليك توني ماشبعه منك
سعود: انشاء الله بكلمك مره ثانيه وقولك مفاجاه
حنين: قولها الحين الله يخليك
سعود: اذا قلتها الحين ماتصير مفاجاة
حنين: والي يسلمك ودي اسمع شي حلو ماودي اصيح بعد ما سكر منك
سعود: اوكي مادام الموضوع كذا على عيني، انشاء الله على بدايه السنه الجديده بنكون عندك انا وبوي
حنين وهي مو مصدقه: بالميلادي ولا الهجري
سعود: بالهجري
حنين بفرح: ماابي مزح ترى بتصيرلي انتكاسه عاطفيه
سعود: لا والله اتكلم صدق
حنين وهي تكتم دموعها: ماتتخيل وشلون فرحتني
سعود: والحين اقدر اقولك مع السلامه
حنين: اوكي حبيبي انتبه لنفسك ولا تنسى وعدتني تكلمني مره ثانيه
سعود: انشاء الله، يالله مع السلامه
حنين: فحفظ الله
سكرت حنين السماعه والفرحه مو سايعتها ودموعها تنزل مثل رذاذ المطر
___________
كيف سيخبر فيصل حنين بالموضوع وماردت فعلها؟ وهل كان على علاقه عاطفيه بستيلا؟ واذا كانت البنت بنته كيف سيواج الوضع؟
ماذا سيحدث مع سامي وناديه وهل بعد الهدوء عاصفه؟
وهل سيصل سعود الى حل مع فيصل بشان سليمان؟
وهل فيصل على حق لما دخل عياله مدرسه داخليه وهل بتاثر عليهم بالسلب او الاجاب؟







,,, تحياتي ,, العايش ,,

مشكووووووووووووووووووووووووووووووووووووووووووو ور ...



كملهاااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااا

اتمنى ان ينال الجزء الثالث رضاكم يا الغالين ,,. وهذا الجزء الثالث ,..

الجزء الثالث:
فرنسا الساعه 12 ليلاً
كان فيصل راجع البيت وهو يتمنى تكون حنين نايمه لانه مايدري بالضبط وشلون يصيغ لها القصه بدون مايجرحها لان مجرد فكره انه كان له صديقه بنت في الجامعه مصيبه بالنسبه لها، كان يتمنى مع انه عارف ان حنين ماقد سوتها ونامت قبل لا يجي مهما تاخر، بس كانت امنيه، ومع انه اول مره من يوم تزوجها يتمنى هالامنيه، لانه كان يفرح لما يلقها تنتظره، لكن ماتحققة لانه شافها جالسه على الارجوحها في آخر الحديقه الاماميه للبيت
فيصل وهو يجلس بجنبها ويطبع على جبينها قبله: بون وي
حنين باابتسامه: بون وي
فيصل بعتاب: ليش جالسة هنا؟ ماقلت لك لا تجلسين في الحديقة بالليل بروحك وخاصة اذا ماكان في البيت احد؟
حنين: ودي اشم هوء وبصراحه اكثر مبسوطه
فيصل باابتسامه: خير انشاء الله
حنين: اول قولي وش صار معك بعدين اقولك سالفتي
فيصل: خلي الاخبار الحلوه اول
حنين وهي تمط شفيفها: وي، اليوم كلمني تركي من بومباي وقالي انشاء الله على بدايه السنه الجديده الهجريه بيكون هو وأبوي عندنا
فيصل بفرح: حلوو، وليت سليمان وعياله يجون بس مدارس
حنين: لا تطمع، وعلى فكره عطاني رقمه هناك وقال خلي فيصل يكلمني ضروري
فيصل وهو يقوم: وين الرقم؟
حنين وهي تمسك يده: الرقم جنب التلفون، بس اجلس اول قولي السالفه وش صار معك؟
فيصل وهو يجلس: وش رايك نروح انكلم اخوك ثم نام والصباح رباح
حنين: لا انا ابي اسمع الحين مافيني صبر لبكره
فيصل: متاكده، لان الموضوع بصراحه مو زين وماودي اخرب فرحتك
حنين: يالله قول اسمع وماروح اقوم من هنا الا لما اعرف الموضوع كامل اي كان نوعه
استسلم فيصل لاصرارها وقالها السالفه بعد التنقيح قالها انها زميله ومابينها وبينه اي شي وانها لما قالت له احبك هزئها ومسح فيها الارض وهذا الي خلى اخوها بزعل ومن ذاك اليوم قطع علاقته معهم يعني حرف الاحداث
حنين بصدمه: متاكد ان هذا الي صار بس الموضوع من 13 سنه يمكن نسيت شي، وانا مستعده اتقبل اي شي بس ابي الحقيقه، لانك لوكذبت علي اليوم مراح اسامحك لانك بتكون بنظري خاين واناني خاين بالنسبه لي واناني مع البنت
فيصل بخوف" ودي اقولك بس ماقدر":..هذا كل شيء
حنين:احس انك متوتر.. اذا كان الموضوع زي ماتقول ماله داعي القلق
فيصل: يمكن يسون اي شيء..مثلاً فضيحه وعارفه صورتي كيف راح تكون؟
حنين: اهو يا ابتزاز ياانتقام وفي الحالتين يبون فلوس
فيصل: ماكانت طريقته توحي بكذا.. كان زي الي يقول لازم تعترف فيها وتقول انها بنتك
حنين: هذ الي ناقص
فيصل: وعلى شان كذا انا قلت لك تكونين في الصوره لانهم يمكن اذا يأسوا مني يكلمونك انتي ينتقمون ويقولون لك علاقة حب ومن هالكلام، وانتي لا تعترضين وسوي نفسك ما همك
حنين بتشكك: ليش؟
فيصل: لانهم لم يقولون لك و تدافعين راح يدرون انك مهتمه في الموضوع ويمكن يتمادون واذا سويت نفسك ماهمك راح يعرفون ان ما فيه امل
حنين بقلق: انشاء الله
حست حنين وبغريزة الانثى ان الموضوع فيه شي ولا ما كان فيصل متوتر وخايف لهالدرجه، حتى طريقته ونظراته ماتطمن فيه شي، في حياتها ما شافات فيصل بهالوضع كان دايماً قوي ومتماسك عمرها ماشفته بهالضعف بس ما حاولات تبين له انها متشككه ومو مقتنعه حاولت تخلي يحس ان الموضوع مشى عليها، كان كل شي في فيصل يدل انه مذنب بالنسبه لحنين نظراته اعتذارته الي كررها اكثر من مره بدون مبرر وهو يحكي لها حتى لم قالها: بين انك ماهتميتي لما يكلمونك حست ان الموضوع اكبر وعمر احساسها ماخاب لكنها تمنت لو لحظه ان هالاحساس يخذلها
فيصل وهو يطالع حنين الي كانت سرحانه برتياح لان الموضوع مر بسهاله اكثر من ماكان يتوقع: يالله ندخل..
دخل فيصل البيت وهو فرحان: وين الرقم قلتي؟
حنين: بجنب التلفون؟
فيصل وهو ياخذ الورقه الصغيره ويتصل..
فيصل: هلا سعود
سعود: هلا فيك، هلا بولد العم
فيصل: بشرني عنك وعن عمي وفوزيه والعيال، انشاء الله بخير
سعود: تمام الله يسلمك، وانت وش اخبارك بهالدنيا؟
فيصل: الحمد لله، ماشين
سعود: حنين بجنبك؟
فيصل وهو يطالعها: ايه
سعود: صرفها ابي اقولك سالفه
فيصل وهو يضحك: طيب تامر امر
فيصل يوج كلامه لحنين ابي شاهي وخليه ثقيل شوي، قامت حنين بدون نقاش لانها عارفه انها تصريفه
فيصل: اوكي راحت
سعود: خلنا ندخل في الموضوع على طول اخوك سليمان!!
فيصل: وش فيه بعد؟ خلوه في حاله اهو حر بحياتي يااخي
سعود: الموضوع اكبر من كذا، اخوك باع الي وراها والي دونه مايملك ولا ريال، صفى على الحديده
فيصل: مو معقول، اكيد باقي معه شي
سعود: الي معه كلها 200 الف وشرابها بيته الي في الشرقيه وباقي عليه 50الف اقساط كل شهر 3 الاف وين بيدفع منه
فيصل: وظيفته بارمكوا على حسب كلامه لي انها حلوه؟
سعود: اي حلوه، اعرف واحد بارامكوا يقول انه مو مرتاح ويمكن يستقيل وعلى حد ماوصلي راتبه 5 الاف 3اقساط البيت والفين مصروفه اهو والعيال شوف المبلغ يمكن يكون زين بس بالنسبه له مايكفيه سبوع
فيصل: اف.. لاحول ولا قوه الا بالله، رحتوا له؟
سعود: لا .. بصراحه ماحبينا نحرجه
فيصل: لو كان جلس بالرياض في بيت الولد واستغل 200الف في شي
سعود: هو من يوم صارت له السالفه وهو ماله وج يقابل احد، وش تشور علي اسوي؟
فيصل: ادري انكم ماقصرتوا لا انت ولاعمي ولا سيف بس انت خل الموضوع علي وانا بحاول اتصرف
سعود: وشلون بتحله وانا لي اربع اشهور احل فيه مانحل
فيصل وهو يضحك وبكبرياء: خلها علي انا قد مسكت شي وماحليته
سعود: وهذا الي مخوفتني، خاف تصير اول اخفاقاتك فينا
فيصل: مقبوله منك، الا صدق وش اخبار فوزيه والحمال؟
سعود: بخير الحمد الله، انشاء الله البيبي الثالث بيجي في الطريق بعد 3 شهور
فيصل: والله ما خذها الا انت
سعود: بتقر علي، قر خلها تتعدل
فيصل: .. لا قصدي في العيال من يصدق ان انا وياك كبر بعض انت اكبر عيالك عمره ست وانا 16.. ياخي عالم.. الي يشوفني يقول اكبر عنك بـ20 سنه
سعود: ياشيخ هذا من حسنات الزواج المبكر عيالك يكونون قريبين منك وتقدر تصادقهم.. لاتكون بس ندمان علشانك تزوجة اختي؟
فيصل: لا مو ندمان الا اشكر ربي على هالنعمه
سعود: بس الصدق يافيصل الي يشوفك يحسك كبير مو الشكل بس ما يقول اقل من 40
فيصل بحسره: العيال مكبريني...
سعود: لا تحطه على العيال لان احياناً تشوف واحد عمره اربعين تتوقعه في الثلاثين ويمكن اقل، بس انت يمكن على شان طريقه حياتك والدليل انك ماتقعد الا مع شياب
فيصل: يمكن
سعود: والشيب الي فراسك بعد لا تنساه
فيصل: تتهزء انت ووجهك، والله ماشيبني الا نواف وليد وتقول الزواج المبكر وعلى فكره الشيب الي يطلع في العشرينات دليل العبقريه
سعود: وانت ماتقبل واقعك ابداً
فيصل: وانت ماتصدق تلقى شي علي
سعود: الا صدق ما فيه صوت وين عيالك؟
فيصل: العيال.. ايه ..نايمن
سعود: يالله مع السلامه وسلمني عليهم واحد واحد
فيصل: يبلغ يالله مع السلامه
سكر فيصل السماعه ويلتفت الا حنين جالسه بجنبه
فيصل باستغراب: من متى وانتي هنا؟
حنين: من سالفه العمر
فيصل: تصدقين ما حسيت فيك
حنين: انت وشلون تحس وانت شوي وتاكل السماعه، الا صدق ليش قلت العيال نايمين
فيصل: وش تبيني اقول عشان يوصل الكلام لابوك وتصير قضية الامم المتحده
حنين: خايف من ابوي
فيصل: مو خايف، الاصدق وين الشاهي؟
حنين: داريه انها تصريفه، وبعدين من متى وانت تحب الشاهي؟
فيصل وهو يهز راسه بتعجب: اهااا..اوكي اجل خلينا نقوم نام لاني هلكان تعب.
--------------
وفي مطعم زهور باريس الي مكون من طابقين ومبني على طريقه الاكواخ الدور الثاني منزل ستيلا وابنتها كاثرين، والاول عباره عن مطعم انيق وبسيط وفي غرفه ادارة المطعم في الدور الاول
ستيلا: مايكل تصرفك غير مقبول، انا ما طلبت منك تقوله، انا تدبرت امري وامر بنتي لــ12 سنه ومستعدت اكمل المشوار لنهايه
مايكل: ستيلا خليك عقلانيه، انتي تحملتي هالسنوات الطويله وتعبتي، تخليتي عن دراستك ومستقبلك عشان بنتك، جاء الحين دوره يشاركك في المسوليه وانت تشوفين نفسك، لمتى وانتي بتضلين زي المرأه المجروحه الكسيره لازم تستقلين بذاتك وتشوفين حياتك
ستيلا: ارجوك مايكل انا اخترت حياتي ولا اسمح لاحد التدخل فيها حتى لو كان فيصل
مايكل: من حقه ومن حق بنتك انهم يعرفون بعض
ستيلا بستسلام وهي تخفي دموعه عن مايكل: وش كان رده
مايكل: تفاجئ ومن حقه انه يتفاجئ وعطيته مهله سبوع يقرر والا بضطر اتصرف بطرقتي
ستيلا بخوف: راح تاذيه يامايكل؟
مايكل: راح اتصرف معه بطريقه سلميه وراح اقول لزوجته اذا كان متعاون.. اما اذا عاند اكيد راح يتعاقب
ستيلا: قلت لك ان الذنب مو ذنبه؟
مايكل: لكن بنتك من حقها تتعرف على عائله ابوها
ستيلا بعصبيه: اذا هو اراد لكن اذا رفض الخيار له
مايكل: مو على كيفه ستيلا انا المساؤل عن العايله وانا الي بامكاني اقرر
ستيلا بعصبيه اكبر: مايكل لا تكون ايطالي متزمت
مايكل وهو يحاول يهدي اعصابه: يبي يتاكد اذا كاثرين بنته ولا لا
ستيلا بغضب: نعم
مايكل: راح اخذ كاثرين بكره الثلاثاء ونشوف
ستيلا: ماراح تاخذها مايكل
مايكل: لاتكونين عنيده
ماترك لها مايكل فرصه لحوار اكثر وطلع وسكر الباب وجلست ستيلا على اقرب كرسي ونخرطت في بكاء عميق
---------
في المكتب فيصل كان جالس يخلص بعض الاوراق المهمه للاجتماع الطارئ بعد المغرب كان ذهنه مشتت بين الشغل ومشكله سليمان ومشكلته مع مايكل الي اثارت خوفه وخاصه لما كلمه اليوم عن "التأكد" وكان واثق من نفسه، حط راسه فيصل على المكتب بيأس وهو يحس بألم فضيع
فيصل وهو يسمع صوت طرقات على الباب: مين؟
كوسيه: انا كوسيه؟
فيصل: ادخل ..
دخل كوسيه وقدم ملف لفيصل: هذي ميزانية المشروع وبالتفيصل ماتري
فيصل وهو ياخذها منه: مادلين مو برى؟
كوسيه: لا ماتري؟
فيصل وهو يفتح الملف: اوكي انا بشوفها الحين واقولك التعديلات المطلوبه
كوسيه: شكلك تعبان ماتري
فيصل: لامو تعب بس ارهاق، شوف لي سام اذا كان موجد في مكتبه خليه يجي
كوسيه: اوكي
ودقايق الا سامي داخل عليه
سامي: امر ماتري
فيصل: تعال ابيك
سامي: وشفيك تعبان؟
فيصل: والله مو نايم امس
سامي: مو تقول مر الموضوع على حنين
فيصل: خايف تطلع بنتي التحليل بكره
سامي: لاتفكر لما تتاكد بنتك ولا لا وبعدين اقلق على راحتك
فيصل: وسليمان؟؟؟
سامي: اخوك ذا سالفته عجيبه وشفيها اذا ساعدوه اخوانه؟
فيصل: لازم اسوي له شي مايصير اخليه كذا
سامي: مو بزر هو عشان تشيل همه 40 سنه هو مو صغير
فيصل: المشكله اني اعرفه هو الحين مفلس ماراح يتسلف ولا راح ياخذ من احد شي حتى لو يموتون عياله وحتى لو من زوجته الا اذا كان شي جاي من تعبه هو وبس
سامي: لاتزعل.. بس اخوك ذا معقد
فيصل: ادري.. بس معقد في مثل حالاته وش نسوي له؟
سامي: هذي يبلها تفكير
فيصل: انا جت في بالي امس فكره بس احسها صعبه شوي
سامي: وشي؟
فيصل: نفتح فرع لشركتنا في الشرقيه ونخليه يديره وش رايك؟
سامي: فكره مو بطاله بس يبلها
فيصل: المشكله الحين انا ماعندي سيوله تكفي لهالمشروع، والموضوع يبله حل سريع ما يطول عن شهر
سامي: كم معك؟
فيصل وهو يفكر: تقريباً اقدر ادرب خلال هالسبوع 4 مليون
سامي: وانا معي تقريباً نص مليون بس مايكفي
فيصل وهو يطالعه بعتب: عارف اني ماراح اخذ منك ولا ريال
سامي: وانا بعطيك ايهم مجاناً ابي اسهم في الشركه
فيصل وهو يضحك: ادري ان مامعك الا هم وبتحتاجهم
سامي: انت عارف انك اذا ماخذتهم بتروح في سياره ولا في السياحه في العطله
ولا قرابيع ناديه الي ماتخلص
فيصل: اوكي بس متاكد انك ماراح تحتاجهم على الاقل خلال هالخمس شهور
سامي: لا ماراح احتاجهم وبعدين لو احتجت منت مقصر
فيصل: تسلم
سامي: بس يبيلها دراسه علشان مايروح التعب على الفاضي
فيصل: بصراحه انا كنت مفكر في الموضوع وفرع جديد بس مو في السعوديه في المانيا لانك عارف ان اغلب تعاوناتنا مع المانيا، ولو نفذنا فرع الشرقيه يبلنا خمس سنوات علشان نفكر بالموضوع مره ثانيه
سامي بعد تفكير: وش رايك ندرس الموضوع من جهتين
فيصل: وش قصدك
سامي: انت وش هدفك من انشاء شركة المانيا؟
فيصل: كثير.. اولها التكاليف يعني القطع الكهربائيه الي ننتجها راح تاخذ نص القيمه، بالاضافه الشحن والى اخره
سامي:والشرقيه؟
فيصل: اساعد اخوي ويمكن يكون فال خير لنا للاستثمار في بلدنا
سامي: ندمج الثنين مع بعض ونضيف الثالث وتكمل الطبخه
فيصل: مافهمت!!
سامي: احنا لما نستلم الشحنه من المانيا، يكون علينا التوزيع، وحنى من زمان كان ودنا بوكيل في الخليج وراح يكون مقر التوزيع في الشرقيه اوالرياض والشركه الجديده فألمانيا
فيصل: تهقى راح يرضون وخاصه ان الشركه راح تكون مبتدئه
سامي: مو عندك اجتماع اتحاد الشركات في المانيا بعد سبوعين اعرض الموضوع عليهم وشف ارائهم
فيصل: بس راح ناخذ شهرين وبنطول ويمكن اكثر على مايتم الموافقه على القرار ولاتنسى اننا اتحاد ثلاث شركات
سامي: في هالوقت نضيف الثالث ونشتغل عليه ونتظر القرار تمت الموافقه راح تكون المصاريف عليهم ماتمت راح انقوم احنا بالمشروع بشكل شخصي وراح يكون غير تابع للاتحاد، يعني يبون شغل يدفعون وهم الخسرانين
فيصل: ه واثق قال ايش هم الخسرانين، وشدراك ان المشروع بينجح..ولو نجح يبيله وقت وهذا الي مو معنا..
سامي: احنا ماقلنا بنضيف الثالث الي هو الشركه الرئيسه الي راح يكون مقر التوزيع تابع لها، يعني احنا راح ننشى الشركه في هالشهرين وماضن اننا بنتعب في الاجرات لان شركه ابوك موجوده يعني الاسم راح نفتحها واذا اخوك مايبي الرياض ناخذه على قد عقله ونقلها في الجبيل او في الشرقيه وين مايبي
فيصل وهو يضحك على طريقه سامي في الشرح: وبعدين
وراح نستاجر مبنى و مستودع لمقر الشركه راح ياخذ منا مع التجهيزات تقريباً 200-250 الف والموضفين بالكثير 12 يقدر اخوك يختار الاكفاء من خبرته وراس مال الشركه 4000.000 او اكثر حسب الدراسه الي بنسويها ونشاطها راح يكون نفس نشاط الشركه سابقاً ولما تقوم شركته على رجليها نبدأ بالتدريج ندمج اعمال شركتنا معها
فيصل: الكلام حلوو بس التطبيق
سامي: انا بسوي الدراسه مع اميليان وادغار وكوسيه راح يدرس الميزانيه والتكاليف خلال هالسبوعين قبل لا تسافر لالمانيا طبعاً راح تتصل على سليمان وتقوله تم توضيفك بمبلغ وقدره والمطلوب منك تدور مقر شركه مناسب وتجهز الموضفين لمده واقصاها شهر
فيصل: انا ما قدر اتصل عليه اقوله كلمه انت لانه بيعتبرها من باب الشفقه وماراح يرضى
سامي: اوكي وش صار على اجازتي ابي اسافر وانت تماطل فيني وتراها حقي يعني مو صدقه خمس سنوات مو ما أخذ أجازه ولا تقول مافيه احد يمسك مكانك دانيال بتخلص اجازته السبوع الجاي
فيصل باابتسامه حزينه: ادري وهي حقك متى ماتبي بس انت عارف الحين انا محتاجك على المستوى الشخصي اكثر
سامي: انا ماراح اخذ الاجازه الا بعد سبوعين قبل ماتسافر انا اطيرلسعوديه وانت لالمانيا وسليمان وانحلت مشكلته والبنت المجهوله بتعرف بكره وقدامنا يجي 14 يوم، ماتسافر الا كل شي محلول وبعدين فرصه اكلم سليمان ونتناقش بالموضوع بشكل جدي
فيصل وهو يطالع الساعه:نشوف، يالله ماباقي شي عالجتماع يالله يمدينا نصلي المغرب
سامي وهو يقوم وكانه يذكر شي: الا صدق ماكذبت فيك سيلين يوم قالت اناني ودكتاتوري
فيصل باستغراب: بسم الله الرحمن الرحيم وش فيك قبلت؟
سامي: انت موضوعاتك الشخصيه عادي تناقشها في المكتب ولو أنا او واحد من الموضفين جاء يكلمك في موضوع شخصي نقوله- وهو يقلد صوت فيصل-رجاءً احنا في مقر عمل والمشاكل الشخصيه بر المكتب او في نهايه الدوام
فيصل وهو يحاول يكون جدي: يكفي انا المدير والكل في الكل و احترم نفسك لا اشوتك برى الشركه
سامي: ه مصدق عمره ذا الانسان
فيصل:
----------------
وفي الرياض - منزل ابو ريم الي تربطه علاقه صداقه عميقه مع عايلة ابو سعود وبو سليمان الله يرحمه من 30 سنه كان الجميع مجتمعين عنده ابوسعود وسيف وعبد العزيز ولد اخت ابوريم وخوه محمد الي بمثابة عياله لانه تكفل بتربيتهم من وفاة امهم وزواج ابوهم من وحده ثانيه الي رفضتهم وماقبلة فيهم فما كان قدام ابوه الا انه يرميهم عند خالهم وهم اطفال اعمارهم 5 و9 سنوات وبعد خمس سنوات توفة زوجته وماكان عنده منها الا ريم الي كان عمرها سنه، جلس ابوريم مع زوجته 20 سنه بدون ماتجيب عيال ورفض كل محاولاتها في انه يتزوج عليها او يجيب لها ضره لانه كان يحبها يعتبر العيال رزقه من الله ان انعم عليه فله الشكره وان منعه فهذه حكمته وقضاءه وبعد الصبر جابة له بنت ومافرحت بهالبنت لان الموت ماامهلها ومارضى يتزوج خوفاً عليهم من مرت الابو وقسوتها الا من رحم ربي رباهم واحسن تربيتهم عبد العزيز تخرج من الجامعه وشتغل مع خاله وعمه ابوسعود في الشركه، وتزوج وسكنوا هو وزوجته عند خاله لانه بحاجتهم ومايبهم يطلعون عنه ووافق عبدالعزيز لعله يرد جزء من معروفه، وريم عمرها 14 سنه تحتاج عنايه اكثر بحكم سن المراهقه واحد يتابعها واميره مرة سعود ماقصرت لانه حست بمعانه ريم لانها مرت بالي هي مره فيه وفي المجلس ماكان ناقصهم الا سعود وسليمان
ابو ريم: الا شخبار سليمان؟
ابو سعود: والله خبرنا خبرك
ابو ريم: ماتصل عليكم؟
سيف: الا اتصل ياعمي بس انت عارف سليمان ماتعرف الي بخاطره
عبد العزيز: ورى مانروح نزوره ونتطمن عليه
ابو ريم: والله نعم الراي نطلع له اربعاء، وش رايك يابو سعود
ابو سعود: وناخذ العيال ونخليها جمعه عائليه وشمة هواء
ابو ريم: خلاص اجل على بركه الله يوم الاربعاء
ابوسعود: خلنا نشوف سعود متى يجي يمكن الثلاثاء ويمكن الاربعاء ونقرر
ابوريم: انشاء الله
الكل فرح والوحيد الي تضايق بها الزياره سيف لانه عارف بالضبط وش وضع اخوه وانه يمكن مايقدر يتحمل مادياً تكاليف العزيمه الي بيسويها لهم
عبد العزيز: الا وشلون فيصل؟
ابو سعود: امس سعود مكلمنا ويقول انه اتصل عليه وانه بخير
ابو ريم : الحمد لله، وماقال متى بيجي له ثلاث سنين من اخر مره شفناه
ابو سعود: والله هالغربه ماهي نافعته بتاخذ منه اكثر من مابتعطيه وبتظره وبتظر عياله
سيف: بس فيصل يعجبك ياعمي كون نفسه وهذا هو الحين مدير شركه كبيره ولها سمعتها
ابو سعود: ماينفع الواحد الا ارضه مهما بنا في ديره مي ديرته بيجي يوم وينهد
جلس سيف معهم الكل يسولف وهو في وادي ثاني كان يفكر بكلام سعود ان فيصل راح يتصرف ودعاء من قلبه ان فيصل يلقى الحل وقرر انه اول مايرجع يتصل على سليمان الشغل ويقوله انهم بيجونه يوم الاربعاء اي بعد يومين علشان يحسب حسابه ومايتفاجئ.
----------
وعلى الساعه 9 الصبح كان سليمان يدخل البيت وهو متضايق، لقى هيله تكنس الحوش سندت هيله المكنسه عالجدار وقربة منه
هيله: وش فيك عسى ماشر؟
سليمان وهو يسند ايده على الجدار: ماشر بس مافيه مستحقات الا يوم السبت مع الرواتب
هيله بكدر: لا حول ولا قوة الا بالله
سليمان : واسمعي الخبر الثاني
هيله: وشو؟
سليمان: بكره بيجينا عمي وسعود وعياله وسيف وبيت ابو ريم ومادري يمكن يجي معهم احد
هيله بقلق: بكره؟؟؟ من قالك
سليمان: اي بكره الاربعاء؟؟ قالي صديق سعود ان واحد داق على الشغل وقاله يبلغني، الاصدق وين العيال ماشوفهم؟؟
هيله: راحوا المدرسه
سليمان باستغراب: وشلون راحو
هيله: وداهم ابراهيم زي العاده
سليمان: من وين عطيتهم فسحه؟
هيله بخوف: هااه..ايه سويت لهم سندوشتات
سليمان بتنهد: مادري وش اسوي ياهيله؟؟ الدنيا مسكره في وجهي
هيله: انشاء الله بتفرج
سليمان: بس بكره وش اسوي؟؟، حتى البيت يبله اثاث وتعديل مابيهم يشوفونا وحنا بهالحاله
هيله"ياربي اقوله ولا لا ولو ماقلت له وش بيسوي مافيه الا اني اقوله وامري لله "
سليمان: وش فيك؟ هيله مختبصة..
هيله وهي تقوم من جنب سليمان وتجلس قباله: انا بقولك شيء بس لاتعصب
سليمان: قولي
هيله: توعدني وعد انك ماتتناجر معي وتتقبل الموضوع بروح رياضيه
سليمان: هيله قولي الي عندك تراني مو ناقصك
هيله: انا قبل امس ... عطيت ابراهيم....
سليمان: وش عطيتي ابراهيم؟؟ تكلمي اخلصي
هيله بكل خوف وهي تفرك ايدنها ببعض مثل الطفل الي بيعاقبه استاذه: عقد الذهب الكبير..هدية زواجي..
سليمان وهو يقرب اكثر منها: وليش عطيتيه اياه؟
هيله:........
سليمان بغضب: لا يكون باعه؟؟
هيله وهي تهز راسها بالايجاب
سليمان وهو يمسكها مع ايدها وبكل قوته: ليش ماقلتي لي؟
هيله ودموعها تنزل منها غصب عنها: قلت لك بس انت مارضيت
سليمان وهو يشد اكثر على ايدها: دامني مارضيت ليش تكسرين كلامي ؟؟
هيله:آسفه موقصدي بس انت عارف ان الضروف ...
سليمان: انا رجال البيت وانا الي اصرف على البيت واذا مامعي تستحملين ومن قالك اني ارضى ان زوجتي تصرف علي
هيله وهي تحاول تفك ايدها: اتركني سليمان ايدي تعورني
سليمان وهو يدفها بعيد عنه: هالمره مشيت كلامك المره الثانيه بيت اهلك فاهمه؟
هيله بغضب: انت متى بتفهم؟ وشلون عقيلتك؟؟ امانه وشلون تفكر؟؟
انا زوجتك افهم يعني انا و انت واحد الي لي لك والي لك لي مافيه فرق .. رفضت مساعده اقرب الناس لك قلنا ماعليش كرامتك ماتسمح لك اما تعتبرني غريبه عنك هذا الي ما قدر استحمله انا عايش معك في بيت واحد امر بالي تمر فيه وشوف الي انت تشوفه ليش تحاول تكون وحيد وتتحمل كل شي بروحك احنا شراكه بكل شي واذا كان عالذهب كله انت الي شاريه يعني وش فيها لوبعت قطعه او قطعتين وسعنا على روحنا وانا متاكده اذا فرجها ربي علينا منت مقصر
كان سليمان مندهش من طريقه هيله لانها اول مره تكلمه بهالطريفه لدرجه انه ماكان يدري وش يقول لها، حس ان معها بعض الحق اذا هو استحمل عياله مابيستحملون
هيله وهي تحاول تقنعه: سليمان خلني اقولها لك بصراحه بكره بيجون العايله كلهم واكيد بنادي الجيران وشلون تبينا نستقبلهم وش نحط لهم اذا انت ترضاها على نفسك انا مرضاها عليك، وبعدين انت ترضى انهم يشفقون علينا او يتشمتون فينا
سليمان وهو يجلس على الدرجات الصغيره الي تدخل للمجلس
هيله حست انه تاثر فحاولت تزود الجرعه شوي: شوف اذا تعتبرني غريبه عنك ومو كفو اني اشاركك همك...
سليمان بحزن واضح: هيله وش هالكلام
هيله وهي تجلس بجنبه: طيب يمكن تبرر لي تصرفك؟
سليمان: انا ماراح اقولك اسف لاني بجد زعلان منك.. اناطلبت منك طلب بغض النظر عن الظروف الي احنا فيها.. وانت كسرتي كلامي.. ومساله الذهب انسيها.. لاني مستحيل اخذ منك شي
هيله: يمكن اعرف ليش؟
سليمان: اضن اننا تناقشنا في هالموضوع اكثر من مره وقلت لك وجهة نظري
هيله: بس الضروف اليوم استثنائيه
سليمان: يمكن
هيله: ليش ماتبي تاخذ مني شي؟
سليمان: لان الي احنا فيه مو ذنبك ...وانا الي لازم اتحمل ....بروحي
هيله: لكن احنا اعايشين معك بنفس النار ترضى علينا العذاب
سليمان:........
هيله: سليمان ..
سليمان: نعم
هيله: انت عارف انت وش بالنسبه لي ومايحتاج اقولك..وبكره بيجي ابوي وانت عارف موقفه وطريقته..راح يعتبرك مقصر معي ومع عيالك.. وانا مارضى احد يقول عليك كلمه..
هيله وهي تجهش بالبكاء: ارجوك.. اذا كان لي عندك خاطر
سليمان وهي يمسك ايدها و يمسح دموعها بايده الثانيه: حبيبتي.. لاتبكين..
هيله وهي تطالع في عيون سليمان: وش قلت؟
سليمان: مادري؟
ماردت هيله على سيلمان دخله وجابه علبه كبيره من الذهب والفلوس الي باعت ابها العقد وحطتها قدامه، كان سليمان يطالعها بصمت
هيله: بتجلس تطالع فيني لين متى مافيه وقت؟
سليمان بعجز: ماقدر ياهيله
هيله: فيه حل ثاني؟
سليمان: للحين..لا
هيله: طيب؟؟؟
سليمان: ........بكم بعتي العقد؟
هيله بفرح: 6 الاف، وخذت منها 500 للعيال فسحه
سليمان باستسلام: هاتيها
هيله وهي مو مصدقه تشلي الفلوس من فوق العلبه وتعطيع ايها: تفضل
سليمان: وذهبك هذا رجعيه الغرفه
هيله وهي تشيل العلبه تدخلها: انشاء لله
سليمان: وكتبي الاغراض الي ناقصه البيت
هيله: من عيوني يا عيوني
غابت هيله وجابت قائمه طويله من الاغراض والاشياء المهمه
هيله وهي تمد لله الورقه : هاك
سليمان بابتسامه حزينه: كل هاذي ناقصه لهالدرجه وصل تقصيري
هيله: لاتقول هالكلام مره ثانيه، لانك تعرف زين انك مو مقصر ولا عمرك قصرت.
سليمان: بس هذا الي تبينه؟
هيله بحذر وهي تحاول ماتضايقه: واذا كان باقي معك وقت جيب مكملات للبيت تحف.. اي شيء
سليمان وهو يطلع: انشاء لله
---------------
وفي مستشفى لافييير كان فيصل ومايكل وكاثرين ينتظرون نتيجه الفحص في غرفة الانتظار، كان فيصل يتامل كاثرين بالفعل حس ان فيها شبه منه الشعر الاسود الغزير العيون الواسعه الانف الدقيق حس بخوف " ياترى يمكن تكون بنتي، وش هالشبه الغريب الي يربطني فيها، لا..يمكن لاني خايف قمت اتوهم "
وطول ماهم في غرفه الانتظار مادار بينه وبين مايكل اي كلام الكل على اعصابه والكل يترقب والنصيب الاكبر من كل هذا كان لفيصل كان يحس بانه جالس على نار ومو قادر يصبر قام فيصل يقطع الغرفه بالطول والعرض مو مهتم بنظرات الرجال والحريم الي معه بنفس الغرفه ومايكل ماحب يعلق لانه قدر شعور فيصل وفجأه دخلت النيرس الغرفه
النيرس: مسيو فيصل النتيجه وصلت يمكن تتفضل تاخذها
قام مايكل وكاثرين يطلعون من الغرفه يشوفون نتيجه التحليل، لكن فيصل تجمد في مكانه وحس رجوله ماتقدر تشيله وتمنى انه انتظر اكثر ، رجع مايكل لما حس ان فيصل ماجاء وراه
مايكل: بتجلس واقف كثير
مشى فيصل وكانه كان محتاج احد ينب للحاله الي هو فيها
دخل فيصل ومايكل وكاثرين وقفت عند الباب
الطبيب: اي واحد منكم اسمه فيصل انت-وهو ياشر على فيصل-
فيصل وهو مو قادر يسيطر على دقات قلبه الي حس ان الكل يسمعها:وي
ومع كل كلمه كان يقولها الطبيب كانت الدقات تقوى اكثر
الطبيب بابتسامه: التحاليل تبين ان البنت بنتك، مع انه مايحتاج الشبه واضح
الابتسامه الي كان يتوقعها الطبيب على وجه فيصل اختفت وظهرت على وجه مايكل، كانت الصدمه على فيصل قويه خلته متخشب دقايق يستوعب الي قاله الطبيب، ابتسم بعدها بغباء وشكر الطبيب وطلع ماكلم مايكل و لا شاف بوجه بنته الي حس انه يكرا قبل لا يعرفها ركب سيارته وراح على شاطئ نهر السين لعل الثقل الي بقلبه يروح ويتنفس من جديد، وقف يتفرج على الناس الي عالشاطئ ودموعه تتناثر على عينه مثل المطر وفجاه انفجر يبكي بدون شعور نسى الناس ونسى نفسه ومافيه قدام عيونه غير حنين وش راح يقولها وشلون بيبرر لها الخطاء وهو امس قالها قصه ثانيه وشلون بيناقض كلامه وش ردت فعلها افكار دارت في راسه وما كان لها اي جواب مرت الساعه وهو بحيره وعذاب ماكان حاس بالوقت ولا مهتم له غابت الشمس وقام فيصل لاقرب مسجد وغتسل وصلى المغرب وجلس حتى صلاه العشاء وبعد الصلاه ماكان عارف وين يروح، يروح البيت وكيف بيطالع بوجه حنين؟ وكيف يصارحها؟ حتى سامي كان رايح في مهمه مستعجله عمل لمرسيليا ولا كان شاركه بهالهم الكبير، لكنه حس انه اهدئاعصاب بعد ماصلى ولتجى لربه انه يفرج عليه.. وقرر انه يروح ويأجل مصارحه حنين بالموضوع لان عياله يمكن يجون بكره او بعده من المدرسه الداخليه ومايبيهم يحسون باي شيء ولا يبي شيء يقتل فرحه حنين بعيالها بعد غياب شهرين
------------
وفي المدرسه الداخليه كان النظام دقيق جدا واي شخص يخالف يتعرض لعقاب شديد وبما ان الموضوع مساله حبس وكان نواف متعود على الموضع في البيت الحبس في السرداب لايام ومو لساعات كما هو النظام في المدرسه، كان اكثر واحد يخالف التعليمات وبسرعه كسب حب فصله واصبح له شركاء خاصه الطلاب الي كانوا ودهم يسون شيء ومايجرؤن ولقو من يجرئهم، وطبعاً وليد ماكان يقصر بعد اما تركي فكان مختلف عن اخوانه نهائياً من حيث السلوك اما منصور وممدوح فكانوا بقسم الاطفال وكان التعامل معهم مختلف، كانت المدرسه تحوي جنسيات كثيره ومتعدده، ومن أقوى المدارس الداخلية بفرنسا وفي الاداره المدرسيه كانت المديره مدام ايزابيل
تناقش اميليان الي ارسله فيصل يجيب العيال من المدرسه
اميليان وهو يحس بالاحراج: بالطبع مدام ايزابيل
مدام ايزابيل: انت عارف مدرستنا سمعتها طيبه ومستحيل نسمح بالفوضى في صفوف الطلاب..
اميليان: نعم، لكن هل بامكانك مدام تعطينا بعض الوقت لحل المشكله
مدام ايزابيل: بالطبع..يكون لطالب فرصه ثلاث شهور قبل فصله.. وتبقى شهر"قالتها باآسف"
مدام ايزابيل وهي تفتح الدرج وتعطيه تقرير مفصل عن سلوك الخمسه: هل تتخيل ماذا فعل نواف بالامس؟
اميليان: ماعندي اي فكره..
مدام ايزابيل: وضع سله المهملات وفيها صحن البيض المخفوق فوق مدخل باب غرفه الاساتذه التعليميه وبمجرد دخول اي استاذ تسقط السله والبيض فوق راسه، وكان الي دخل من سوء الحظ المسؤل عن مراقبه سلوك المدارس الداخليه وكيفيه ادارتها، وبعد التحقيق وتوريط بعض الطلاب، اعترف وكان مبرره للي سواه الملل..تصدق.. انا استغرب كيف يكون بالفعل اخو تري>>تركي
اميليان وهو يقوم ويمد ايده يصافحها: اوعدك ان جميع الشكاوى تصل لوالديهم
مدام ايزابيل: ساكون شاكره لك مع اني كنت اتمنى اكلمه بنفسي
وفي البيت كانت حنين تاركته بحاله استنفار قصوى لستقبالهم، كانت واقفه عند البوابه الداخليه للفيلا تنتظرهم وهي تحس بطئ الوقت
فيصل وهو يمسكها مع جنبها بخفه: تعالي نجلس داخل الجو بارد، بعدين الحين بيجونك يعني وين بيرحون-بنبره سخريه- ولا خايفه يضيعون البيت؟
حنين: بلا بياخه والله مشتاقه لهم موت
ويقطع حديثهم صوت محرك سياره تدخل للفناء الداخلي للفيلا
فيصل بفرح: هذولي هم جولك
حنين ماكانت حاسه بشي حولها ولا باي كلمه قالها فيصل بعد كذا، كل الي كانت شايفته السيارة وعيالها، راحت تركض لسياره لدرجه انها ماكانت حاسه انها وقفت قدام السياره بشكل مفاجئ اربك اميليان اللي حاول يسيطر على السياره
فيصل بخوف: حنين.. انتبهي للسياره
وفلحظات كانت حنين وعيالها في حالة عناق جماعي، حنين كانت تبوس هذا وتضم هذا، والكل دموعهم على خدهم
حنين: وحشتوني
وليد وهو يبكي: ماما تكفين مابي ارجع ثانيه
نواف: مدري وشلون تحملنا نكون بعدين عنك يمه
تركي كان واقف بعيد وكانه مو مستوعب
حنين: تركي ليش واقف كذا تعال لماما
تركي وهو يقرب ويضم امه، وصوت تشنجاته الي حست حنين انها سكاكين تقطع في قلبها، وطبعاً كان فيصل يشوف من بعيد وهو يتالم ويمسح دموعه وهو يحمد الله ان مافيه احد منتبه له عشان يضغطون عليه
فيصل بصدمه: هذا وش قاعد يتفرج عليه؟؟
فيصل وهو يطالع اميليان الي كان مندمج مع الموقف وكانه يطالع فيلم : اميليان اضن انك انتهيت ؟
اميليان بحرج: سوغي
اعطاء اميليان الملف لفيصل وقاله بعض التفاصيل الصغيره الي ناقشتها معاه المديره، دخل فيصل وهو يحاول يخفي عصبيته وغضبه، وكان الكل جالس بالصاله، وحنين وممدوح على رجلها ومنصور ونواف محايطينها: تاكلون زين؟ وتنامون زين؟ يدرسونكم زين؟
فيصل وهو يجلس وببتسامه غامضه: شوي شوي على نفسك لك اربع ايام معاهم، وبيمديك على انجازتهم، وش رايك يانواف؟
نواف حس بكلام ابوه " امداهم يقولون له" وهو يبوس ايد امه: يبه الله يخليك من زمان وانا احس اني محتاج لها الحنيه
فيصل: لاتخاف لك ثلاث ايام تشحن حنيه، وحسب حسابك ان الاجازه الجايه بتطول لان يمكن يدخل فيه سرداب..ويمكن شيء اكبر
وماغاب عن فيصل الكابه الي اجتاحت الجميع، وخاصة نواف الي حس بخوف وان ابوه يدري بكل شيء ومحد فهم هالتلميح الا هو وحنين كانت مستغربه من طريقه زوجها في الكلام وماخذه بخاطرها وشلون يستقبلهم بهالطريقه
وليد وهو يجلس بحضن ابوه: يهون عليك حبيبك الصغير يتبهذل
فيصل وهو يبوسه مع خده: االاعتماد على النفس مو بهذله..
نواف:تخيل يبه، لم تقوم لازم ترتب فراشك، بعدين انزل افطر وغسل صحني ومسح مكاني الي افطر فيه والغداء والعشاء نفس المشكله و فوق هذا يوم السبت والاحد نضف معهم المدرسه، تقول شغالات بدون راتب.. واذا عترضت على شي يعاقبونك.. تخيل؟؟
فيصل: يا بابا مافيها شيء اذا اعتمدت على نفسك ورتبت سريرك او غسلت صحنك وما ضن هذا بيتعبك
نواف: مو على كذا، احس اننا في اصلاحيه مو مدرسه، لدرجه اني توقعتك يبه مسوي فينا مقلب ومدخلنا في مدرسه عسكريه
منصور: بابا انا ودي ارجع ماابي
وليد: وانا بابا توني صغير اذا جيت كبر نواف وتركي عادي دخلوني
نواف: وانا كبير السنه الجايه وراي جامعه يعني ماله داعي بهذله سنه
فيصل وهو يطالع تركي: وانت وش رايك بعد ماتبي تتفلسف؟
تركي وهو يطالعهم بمرح مصطنع: لا، عادي انا مو متضايق من المدرسه
حنين: فيك شيء حبيبي؟ يوجعك شيء؟ شكلك تعبان ياماما تعال عندي اشوف
تركي وهو يقوم يبي يطلع: يمه لا تحاتين مافين شيء..انا بروح اشوف اصيله مشتاق لها
نواف وهو ينتظر خروج تركي: يبه ترى تركي محزن كذا على طول
فيصل: ليش محزن عشان منتظم ومؤدب في المدرسه ولا لازم شكاوي عشان يبن عليه انه مبسوط
فيصل وهو يطالع وليد بعتب: وانت ليش المدرسه تشكي منك
نواف وهو يطالع وليد: قايل له بس مايسمع الكلام
فيصل بغضب: لا يشيخ قايله بعد.. تستعبط انت ولا غباءك هذا خلقه، انت الكبير المفروض تكون قدوه لاخوانك مو قائدهم
فيصل وهو يقوم يطلع وياشر بالملف لنواف: هذا مقرر السلوك لمدرستك.. انا بروح اشوفه الحين.. وصدقني اي هفوه منك.. واي غلطه .. واي تصرف غير مسؤل منك..راح تشوف وش يصير فيك
وفيصل وهو يوجه كلامه لحنين: انا في المكتب وماابي احد يزعجني
حنين: وش مسوي يا نواف ليش ابوك معصب؟
نواف بخوف: ولا شيء.. بس اهم يكبرون الموضوع
حنين وهي تمسك ايد منصور: ماتكلون احس انكم ضاعفين؟
ممدوح: ماما اكلهم مو حلو؟
حنين وهي تبوسه: ياعمري انتوا، الحين ابيكم تحكون لي كل شيء بالتفصيل
وليد وهو يطالع نواف: كل شيء يمه؟!!
وبالفعل بدو يحكون لحنين كل شيء، حنين كانت علاقتها قويه مع عيالها ويقولون لها كل شيء حتى لو كان غلط لانها من النوع المتفهم الي ماتحسس الواحد بالذنب كثر ماتحسسه انه غلط ولازم يصحح غلطه، وفيصل كان من النوع المرح والجدي بنفس الوقت يعني وقت الجد جد وقت المرح يكون كانه واحد منهم يلعب معهم ويشاركهم امالهم وامانيهم، بس مو اي غلطه يتقبلها لانه يحب النظام والترتيب واالانضباط بكل شي والي غلط يتعاقب بدون اي شفقه لانه مايستحقها ويكون عقابه شديد حتى يضمن ان الغلطه ماتتكرر وهذا سبب من الاسباب الي تخليهم يخفون مشاكلهم عنه.
وفي اسطبل الخيول كان تركي راكب الفرسه الي يحبه اصيله، وكان فيصل يطالع تركي من شباك المكتب بعد ماخلص من قراءة الملف، الي سواه عياله ماكان يخطر على باله، نواف يتوقع منه اي شيء لانه يحس فيه طاقه زايده ويحب يطلعها باي طريقه، بس وليد ابو 8 سنين يطلع منه كل هذا، اليوم اول يوم لهم ماراح يفاتحهم بالموضوع وراح يأجله لبكره لحد مايلقى الطريقه المناسبه الي يتفاهم معهم فيها. كان الجو بارد، والمطر يتساقط رذاذ، بس ماحب يقطع على تركي، وخلاه براحته، يمكن لانه حس بالذنب للحاله الي هو فيها، ويمكن لانه مايبي يكلمه وهو يشوف الحزن بعيونه وهو يدري هو السبب في حزنه.
وتذكر سالفة البنت وجاءه مغص وستغرب كيف نسى هالسالفه وهي مطيره النوم من عيونه ومخليته في قلق دائم ، وهو غرقان بفكاره سمع ضجه بالاسطبل لف يشوف مين، ولقى عيالهم كلهم مجتمعين والفرحه مو سايعتهم لعب وضحك وفجأة انفتح الباب ..
حنين: بتكتفي بالتفرج ولا بتشاركنا
ومانتظرت تسمع منه اجابه جرته مع ايده لو ين ماكانوا، وابتدت سباقات الخيل الي انقطعوا عنها لمدة شهرين، وبسرعه اندمج فيصل مع الوضع وكان كانه ولد يلعب مع ربعه، كانت حنين تراقبه وهي تضحك" هذا اكثر صفه تعجبني فيك عفويتك" وفي هاللحظه بس حس فيصل انه محروم.
----------------
وعالساعه 3 الفجر كان سامي داخل بيته بعد مهمه صعبه ومرهقه في مرسيليا وماكان متوقع انه بيلق ناديه تنتضره
سامي ببتسامه برئيه: بون وي
ناديه وهي طالع فيه بحمق بدون ماترد
سامي حس بقلق: العيال فيهم شيء؟
ناديه: يهمونك العيال؟
سامي وهو يحط اغراضه على ارض: والله كنت متوقع؟
ناديه: وش الي متوقعه سيادتك؟
سامي: ابو طبيع ما يجوز عن طبعه
ناديه بعصبيه: يعني ماتحس انك غلطان؟
سامي: وليش غلطان؟، اصلاً مامداني اغلط توني جاي
ناديه: وشلون تسافر بدون ماتقولي؟ .. او حتى ماتمر البيت تشوف وش نبي قبل تسافر؟.. وانت عارف انك بطول..
سامي: اولاً انا سافرت فجأه لان الموضوع كان مستعجل..ثانياً فيصل مو مقصر وكيد مركم يطمن عليكم كذا مره..ثالثاً ماكنت عارف ان الموضوع بيطول اربع ايام.. رابعاً كلمتك وانا في الطريق وقلت لك..
سامي وهو يقوم: خامساً تصبحين على خير لاني تعبان من الطريق والسواقه..
ناديه والعبره خانقتها: مشكور عالتوضيح..وتصبح على خير
سامي وهو يطالعه وهو حاس انه مزودها: ليش دايم تحسسيني اني مقصر معك .. وغلطان؟
نادية: مو انا الي محسستك.. تصرفاتك..
سامي بدون مايرد قام يبدل ملابسه وينام وهو حاس بالذنب لتصرفاته " اكيد غلطان ولا كيف اسافر بدون مامرهم وحتى لو كان فيصل مو مقصر مايخلني اسوي كذا.. اذا قمت تفاهمنا.. انا ماصدقت ان الامور هدت.. ترجع تعتفس مرة ثانيه"
------------
كيف راح يتعامل فيصل مع الاولاد؟ وكيف بيحل المشكله؟
كيف بيصارح فيصل حنين بالوضع؟ وش بتكون ردة فعلها؟ هل راح يكون خيارها الانفصال؟
وكيف بيتعامل فيصل مع البنت؟ هل بيتقبلها ؟
هل بيقدرسليمان يخفي حالته عن اهله؟..وش بتكون ردة فعل الجميع لما يشفون وضع سليمان؟وهل بيتقبل سليمان المساعده من فيصل؟

كل هذ بالجزء الرابع...
وأبي ردودكم