مـــرثـــية لـصـدام حســين

أوقفتني هذه الأبيات عبره على رحيل صدام حسين
وحبــيت اني انقــلها لكم:


ماهزني عبـره ولاقلبـي انضـام وصف المشاعرفي المشاهَد قليلـه

الكون كله ضاق يوم اسر صـدام والنفس مغتاضـه قهرهـا تشيلـه

عزيزقـومٍ ذل صنديـد وهـمـام إهانتـه واللَّـه عليـنـا ثقيـلـه

من عقب سلطانه وتصديرالاحكـام بابوغريب السجن أصبـح نزيلـه

محكوم بالتأبيد أوحكم الاعدام والمحكمه بتكون طبعاً هزيله

بغدرالعميل وغش واشـي ونمـام وحيلـة يهـودي عابـدٍ للرذيلـه

عِـزاه ياسبـعٍ تحـادوه الاقـزام والكثريَغلِـبْ والخيانـه وسيـلـه

لاطاح فحلٍ تكثر رمـاح وسهـام حتى الجبان يشيل بايـده صميلـه

وهذي الدمى سووعليها له ارقـام كُلٍ يبي ذا اليـوم يشفـي غليلـه

من كان يتجرأ على الطيرلاحـام لاصف جنحانه وعينـه خزيلـه!؟

من كان يقعد بحضرة الشيخ لاقـام ومن كان ياقف لامشى في سبيله!؟

اللهُ أكبركـيـف دورات الايــام ماعاد له بالأمـر حيـلٍ وحيلـه!

ابن العروبه بيـن بايـع وسـوام والبيع بالجمله قفـى مـن يشيلـه

زعيم يُوخذ من قراشيـع وركـام واين الزعامه ياعرب تنتخـي لـه

مااحدٍ من الحكام لحظه معه قـام ماكَنّهُـم كانـوا خليـل وخليـلـه

صاحبهم ينادي عليهم مـن العـام وماكَنّهم شافوا وسمعـوا عويلـه

باذانهـم وقروعلـى قلوبهـم رام وهم في الحقيقه ضايعيـن الدليلـه

ليه العرب ماهم قرايب ولا ارحام والاالعـراق نصيدغيـره بديلـه؟

داره وشعبه راحت أحزاب واقسام والثروه اغدت في كفـوفٍ غليلـه

ان كان طاغي فيهم العن وظُلَّـلام الحال واحد كلهـم مـن فصيلـه

ياما على سود الورق حطوا اختام أوامرٍ منهـم علـى امـه جليلـه

هـذا يِهْدُونـه وهـذاك بلـجـام وذاك بغياهب سجنهم عزتـي لـه

خافوا عليهم ينقلب بوش بن سـام خافوا على ذيك الكراسي الطويله

يابو مشاري زاد في الوجه لطـام ويُرثى لحالتنـا ضعيفـه هزيلـه

إلى متى نصبر على القهرفي الشام إلـى متـى والعارماأحـدٍ يزيلـه

أُمةَ عداله أمـن إيمـان واسـلام لأسلافنافي الحرب خيـلٍ صهيلـه

وحنا مع الخذلان عشنا بالاوهـام وفينا عذاريـبٍ عريضـه طويلـه

تشتت,وفرقه,معـاداه,وخـصـام وحقدٍ,وبغضا,فـي نفـوسٍ عليلـه

ياكبرفرحتهـم عبابيـد الاصـنـام واعوانهم والـي مشـى بالرذيلـه

ياأمـة الإسـلام مافـيـه لَـمَّـامْ يلم شَمـلٍ تحـت رايـه ضِليلـه

وناقف بوجه المعتدي كف وابهـام ساعـد وزنـد كتوفنـا مستطيلـه

للدارنحميهـا وللـديـن خُــدام وسلاحنـا صنعـة يدينـا فتيـلـه

لانامـت عيـون الرعاديـدلانـام جفن الجبان الي يعـرض دخيلـه

فينا حكيم وبيننـا شجـاع وهمـام وعالِم وعلمٍ لـه فـروع ٍجزيلـه

وأبنائنا في الغربه رموز واعـلام والدار أولى من الضنى والخليلـه

ليـت الطيورتعـود للوكربهمـام وليت النشام حِملهـا ترتكـي لـه

وتفتح مصانعنا علـى السيرقـدام ونواكب عدانا ونجنـي الحصيلـه

وصلاة ربي عِـد ماخُـط باقـلام على نبيِّ شافعٍ بالوسيله


للشاعر أبو سامي

مع خـــالص تحيــاتي لكــم
اخـــوكم:مجــ العمر ــاديف

الموضوع الاصلي  من روعة الكون