][ () شاعر الانسـانية ,, عبدالرحمن بن مساعد () ..في سطور ][

((تعاون الشاعر مع الكثير من الفنانين من العالم العربي))

الفنان الكبير محمد عبده



وكان لمحمد عبده نصيب فقد تغنى بالكثير من قصائده سواء الوطنيه
كما سبق او العاطفيه

قصيدة مذهله وهي فعلا اذهلتنا من خلال الكلمات وصوت ابو نورة

مُذهلة .. !
ماهي بس قصة حسن ...
رغم ان الحسن فيها بحد ذاته .. مشكلة

مُذهلة ..
كل شي فيها طبيعي .. ومو طبيعي
أجمل من الأخيلة
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..

مُذهلة ..
تملأك بالأسئلة ..
هي ممكنة والا محال ..؟!
هي أمر واقع .. أو خيال ؟!
هو سهلها صعب المنال .. ؟
أو صعبها تستسهله !

مُذهلة ..
تملأك بالأسئلة ..
ليه كل معجز مر هذا الكون .. فيها له صلة ؟؟
ليه كل شي فيها تظن انك تعرفه .. تجهله !؟
ليه كل (لا معقول) فيها ورغم هذا تعقله !؟
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..

يا بدايات المحبة ..
يا نهايات الوله ..
كيف قلبي ما احبه ؟
وانتي قلبك صار له !
يا أعذب من الأمنيات ..
يا عالم من الأغنيات ..
يا أجمل الشعر البديع ..
من آخره لين أوله ..
ما راودتك الاسئلة ؟!
ليه عمري ما لقى لبرده دفى ..
الا دفاك ِ !
ليه قلبي ما بدقاته عزف لحد ٍ ..
سواك ِ !
ليه أنا عيني تشوف وماتشوف ..
الا بهاك ِ !

يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة،،



وايضا البرواز وكانت من اجمل قصائده العاطفيه وقد اطلق على الشاعر حين كذا بلقب شاعر البرواز

قلتيلي انسى
ومن يومها وانا كل ليلة .. قدامي البرواز
حبر العيون ودمع القلم .. في دفتري
وصورتك .. رغم الألم .. ورغم انها خذت من اطباعك كثير
وخانت البرواز .. اشوفها في خاطري
حبيبتي مابيدي حيلة
لاصرتي الصورة .. وعيوني البرواز
وشلون ابنسى

اتعبتي الصورة مشاوير
وتعبت انا بلقى لغدرك معاذير
وصورتك اللي سجنت بروازها طول السنين ..
كانت جسد وبروازها الروح
ويوم انزعت منها الجسد .. تجرّحت اطرافها
وبجروحها راحت لمين ؟
لبروازها الثاني !!
مسكين .. بيسجنك ويبقى سجين
مسكين
تشبهلك اقداره .. خانته
وصورتك يجي يوم وتخونه
حبيبتي ..أو للأسف حبيبته
لاصرتي الصورة .. وجفونه البرواز
وشلون ينسى ؟!

حبيبتي لجل انسى جرحك واستريح .. ببكي
وبعد البكى .. ببكي
وأكيد فيه لحظة بتجي .. وبيجف دمعي
وعندها صورتك اللي في عيوني
بتموت من ظلم العطش ..
بروازها بيصبح نعش
وبتمرني الدمعة الأخيرة ... تاخذ معاها صورتك وتطيح
وكني بالمسافة تطول مابين عيني .. ودمعتي .. وخدي
وكني بقلبي الحاير المسكين
نبضه يقول لا تودع الفرقى .. الدمع مايرقى
وعندها لانزلت الدمعة لمثواها الأخير
وفارقت وجهي
بغمض عيوني .. واكسر البرواز
وانسى
،،

ايضا قصيدة مساء الخير وقليله عليها كلمه ابداع

مساء الخير .. والإحساس والطيبة مساءٍ .. مايليق الا باحبابي
مساءٍ غير غصن لطير يحكيبه عن اللي مسكنه جفني واهدابي
هلا باللي احبه كثر iiتعذيبه وكثر ماهو يغيب وكثر iiترحابي
حبيبي هو ولو ماقصّر الغيبة ولو عن بسمتي قد طوّل غيابي
اعرفه زين وعيتني اساليبه عدوي يوم .. ويوم اقرب من اصحابي
ملكني بين ترغيبه وترهيبه يفارقني وهو واقف على بابي
به الصادق به الغارق باكاذيبه يبي بعدي .. ودمعه بلل ثيابي
به القسوة .. به الرقة .. به الهيبه به الضعف القوي به نشوةغضابي
هلا باللي يصيب العطر بالريبة يقول العطر .. انا زايل ويبقابي
هلا باللي يقول الورد وش iiليبه من المهدى ؟ .. انا او هو لأطيابي
هلا باللي عجزت ألقى عذاريبه هلا باللي تحبه .. كل أسبابي
مساءٍ فاق كل الشعر iiترحيبه بجية من سكن جفني واهدابي
مساءٍ فاض بالإحساس والطيبة مساءٍ .. مايليق الا باحبابي


حققت قصيدة شبيه الريح نجاحات كبيرة كيف لا ومن كتبها انسان وغناها فنان العرب


شبية الريح
وش باقي من الآلام
والتجريح
وش باقي من الأحلام
وش باقي من الأوهام
غير اني .. الاقي في هجيرك فيّ
الاقي في ظلامك ضيّ
واوقد شمعتي في الريح
شبية الريح
اذا تسمح بغيب شوي
ابجمع همي الباقي
وادفن صبري الذابل في أوراقي
و برجع لك اذا باقي بنفسك شي

شبية الريح
أنا مقدر أكدر صفوك العاصف
شبية الريح
أنا من لي سوى إحساسك الجارف
بقايا زيف أشواقي
سما أمطار أحداقي
شبية الريح وش باقي
ابي أعرف
متى تسكن رياحك
وابي أعرف
غرورك هو متى يطلق سراحك
وابي أعرف
متى تعصف
متى تعطف
متى تنزف جراحك
وابي أعرف
إذا باقي في بحرك موج اكسر فيه مجدافي
وابي أعرف
إذا باقي في همك هم ماشالته أكتافي
وابي أعرف
إذا باقي في هالدنيا حزن مامرني واستوطن أطرافي
وابي أعرف
إذا باقي من المعجز في هالدنيا
سوى العنقاء
والا الغول
والا خلك الوافي
بقايا زيف أشواقي
سما أمطار أحداقي
شبية الريح وش باقي ؟!

سنيني يم
وقلبي المركب المتعب وانت الريح
مجاديفي عذاب وهم
وزادي الوجد والتبريح
وصبري صبر بحّارة
بغوا في اليم محّارة
غشاهم موج كان من الغضب أغضب
وكانوا للهلاك أقرب
لولا كثروا التسبيح
شبية الريح
حبيبي الأصدق الأكذب
عجزت اوصل شواطي طبعك الأعذب
تعبت أنطر في وسط العاصفة
قلب وشعور وعاطفة
تعبت أجمع ألم كل الموادع
في المواني وأحضن أطيافك
تعبت السهد في ليل الشوارع
والثواني تنطر انصافك
تعبت الظلم واجحافك
شبية الريح
أنا ودي أكدر صفوك العاصف
شبية الريح
أنا كني نسيت إحساسك الجارف
بقايا زيف أشواقي
سما أمطار أحداقي
شبية الريح
كيف أسألك : وش باقي ؟
وأنا الباقي من إحساسي
ذرته الريح
أنا أخطيت ما انكر ولافيه عذر يكفيني




ابدع فيها الانسان ,, ابدع فيها الشاعر
فعلا قصيده ولااروع واكمل ابداعها ابو نورة

أنا مدري وش إحساسك
ومدري وش تظنيني
أنا الصادق في عينك كنت
و صرت الكاذب الخوّان
أنا أخطيت ما انكر ولافيه عذر يكفيني
سِـوا اني احبك حيل واني دايما ً انسان
انا ادري بمدى جرحك
وادري الحظ جافيني
يطول الوقت ما أخطي
وإذا أخطيت كل شي ٍ بان
انا شفت الزهر مايل
وظنيته يناديني
قطفته .. يوم ضميته .. لقيته للأسف ذبلان
عرفت انك زهر عمري
عرفت انك بساتيني
وغيرك قيض مايروى .. سرابٍ يشقي العطشان
انا لو ماحصل ماكان وشهو اللى يدرّيني
بأنك ماسواك انتى .. سكنتى القلب والوجدان
انا اسف على اعذاري
عجزت ألقى عذر فيني
يليق بغلطتي في حقك ويرجع كل شي ٍ كان
احبك كثر أخطائي
وادري انك تحبيني
وادري لو تفارقنا فلا نقدر على النسيان
اذا تقوي على فراقي وبعدي عنك .. خليني
انا مليت من دور الكرامة
ولعبت الغفران
قليل العمر ياللي انتي دموعك ما تساويني
حرام انه يضيع فراق
هي من قلها الأحزان ؟؟


تسلم عيوني كلمات يحاكي فيها محبوبته
ابداع وزراد عليه صوت ابو نورة

ياطيب حظي كان انا حلم دنياك ياللي تقول اني أمانك وخوفك
تحبني؟ ..أدري حكالي محيّاك رعشة يدينك وارتباكة حروفك
ياللي الوفا هو بعض أصغر مزاياك حملي ثقيل ووافياتٍ كتوفك
تشيل همي دوم كنّي أنا اياك صارت ظروفي مو ظروفي ..ظروفك
إن جيت ابحكي عن بهاك وسجاياك كيف اوفي أخلاقك وباهر وصوفك
وان جيت الاقي لك خطايا خطاياك أطيب قلوب الخلق ساكن بجوفك
وشلون ما احبك وهذي سواياك؟! وشلون ما أهديك عمري فكفوفك؟!
ياقلب قلبي وش حياتي بلياك؟! تسلم عيوني دامها هي تشوفك


وهنا ماهو عادي عندما كتب هالكلمات الروعه وايضا بهاء محبوبته ماهو عادي
وصوت ابو نورة ماهو عادي




((يتبع ))

الموضوع الاصلي  من روعة الكون