قصه سعوديه...." الحب في الجمس".... أنواااااااع الاهباااااااال والونااااااااسه

ثانكس على التكمله ..

ونتريا الباقي ..

بس لا تتأخرين علينا ..

مشكوووووووووووره

يسلموووووووووووووووووو

البارت الثامن والعشرون


توها قايمه بسريرها فتحت عينها بصعوبهة وطمرت من مكانه مع صرخه مالها مثيل

نايف: قام مخترع: وشو وش فيه

نسايم افتشلت بقوه سكتت

نايف: وش فيك

نسايم:......

نايف: ليش تصارخين جلس يناظر الغرفه يمكن في شي غلط

نسايم: ولا شي

نايف: لا والله قالو لك احلام

نسايم: لا بس قمت وشفتك

نايف: ليش انا ارووع

نسايم بدفاع: لالا بس..... ماتعودت اقوم القى احد بوجهي يوم شفت ارتعت

نايف:اي احسب عندك سالفه

نسايم سفهته وراحت

+

+



الساعه 12يومة الجمعه


ام فهد: غريبه ماتصلت يمكن ماوصلو ياربييه اكيد صار عليهم شي

فهد: يمه اذا اهتوت بتتصل عليك

امفهد: اكيد فيهم شي (توها تعبر بتصييح)

ترن ترن
ام فهد: الـــــــــو

فهد: الله يعين اللي متصل بتنفقع اذنه


ام فهد: وينك يابنيتي ماتصلتي علي.......اي ازعااج الله يهديك...وشاخبارك واخبار نايف
بجنبك عطينياه

فهد: يمه لاتغثينهم سلام وانتهينا

ام فهدد سفهته

كلمت نايف وسلمت عليه وكلمه فهد

++

نايف: يالله ماتبين تطلعين

نسايم: للوين

نايف: مدري ندور لنا مكان


++


يوم الاربعاء الاستراحه


ندى: يووه والله الاستراحه من دون نسايم شينه

العنود: حتى انا فقدت نايف مالقيت احد يهاوشني اذا تاخرت

مشاعل: تحضرو نفسيا قريبا بتفقدوني

ناديه: يوووووه ياخساره

مشاعل: وشو

ناديه: ولاشي

جلسو البنات الجلسه المعتاده وسمرووعلى الاخير لانها اخر جلسه لهم الخميس الجاي بيسافرووون

لايخلو الموضوع من المغامره وتخطيط للسفر


++++




بعد اسبوع يوم الخميس:

نهى: فهيده وين صندلي

فهده: مدري

نهى: يووووه اسرعي وينه مو وقتك بيجي الحن فهد والله مايخلينا

لبسو البنات وجهزو انفسهم وراحو للمطار


ياسر:لالا انا متعقد منكم

سلمان: وشو

ياسر: انا اذا شفتكم مجتمعينةكذا بمكان واحد اتفشل شف الصاله كلهالنا


حمد: حمدالله انا رايحين بفلوسنا مو بمنتك

ياسر: انا بروح هناك اخفف من الزحمه

حمد: تسهل
خلصو الاجراءت ركبو الطياره وهناك كانت الفاجعه عددهم كبييييير ويبون جنب بعض

المضيفه: هنا كرسيك

نهى: احلفي بس اقولك دوري لي كرسي جنب بنت عمي ماتستحين تبيني اقعد عند رجال

المضيفه مغريبه ماتدري نهى وش تقول بعد معركه ضاريه فازت فيها نهى جلست جنب فهده


فهده: بعدي والله سكتيها

نهى: افا عليك

الجده: نهــــــــــــى(الجده كانت بعيده وتنادي تقدرون تتخيلون الموقف)

نهى: وشو امي ساره

الجده: وين الشغلات ليكونون انحاشو

نهى: لاحسنا هنا والباقين ورى بعدين وين ينحاشون انا بسما

ساره: ياربيه طولنا صح

ندى: لا ماطولنا انتي مشتاقه

ساره ابتسمت: كثيييييييييييييييير

ندى: ان شالله تشبعين منهم

ساره: ياليت

قدام ندى وساره فهد ونواف

ندى:هييييي

ساره: وشو وش فيك اسم الله عليك

ندى:وردتي وردتي طمنت تدور تحت

فهد: ندى الحين ممكن افهم ليش دايم مسويه ازعاج

نواف: اي والله

ندى: واللله مالكم شغل وبزعج الين بكره واللي ماعجبه عنده الشباك يفتح ويطب

فهد: بس بس كلتيني بقشوري

وصلو هناك للمطار واكانت عائله خال فارس هناك ( ابو سيف _سيف)


ياسر نزل اول شي تفاديا للزحمات العائله مو اي زحمات

ياسر خلص اوراقه وطلع شاف سيف راح يسلم عليه

ياسر: الحين سييووف جاي تستقبلني مشكووور

سيف: اونك مصدق عمرك وااايد انا جاي استقبل عيال عموه المهم شحالك انت

ياسر: بخير الحمد الله

سيف: نسيييت هذا ابويه

ابو سيف: مرحبا ملاين
سلم ياسر وبعدين بدى الشغل الجد




الشنط



راحو العيال يجيبون الشنط الا فارس

فارس اول ماشاف خاله راح وسلم عليه ولمه طبعا ماننسى سيف

ساره: راحت ضمت خالها وبكت يعني الموقف موثر

ندى: ياعمري فاقدتهم

نواف: اي والله

ندى: وانت وش جابك بسم الله
نواف: رجليني جابتني

ندى: سفهته وراحت

جابو العيال الشنط فارس وساره راحو مع خالهم

اما الباقين راحو للفندق

مروان عند ريسبشن


مروان: فييه دور هنا باسم عبد الرحمن ال........

حق الريسبشن هندي كالعاده هز راسه كاشخ ومتسكب وهو مايفهم

ياسر:ه الله يقطع سوالفك اصبر

ياسر كلمه بالنجليزي فهم عليه ماكذب مروان دوور كامل من الفندق لهم

راحو يريحون لان باليل يبون يطلعون
+++

الساعه7 طلعو راحويتعشون رجعو ونامو لان بكره وراهم يوم طوييييل

+
+نسايم ونايف بيوصلون بعد يومين

++

الساعه 10
العنود: يالله يالله قومو نواف مزعجني برى

قاموالبنات وبناء على الاحاح اول شي بيروحو له ملاهي ( وندر لاند)

لبسو وراحو اما الشياب بيتقهون ويفطرونن:وووو

++

كان فيه لعبه عماود طووييييل وحولينه كراسي ترتفع وتنزل


مروان: تحدي مين يركبها معي

وائل: انا
مشعل: وش يجلسني وانت ماتبي تركب

رامي: افا عليك

ركبو ندى ماسكه كاميرا الفيديو وتصور

ناديه: ياقلبي مسيكسن لاهو بسما ولاارض ياعمري

مشاعل: هاه ندوش بدينا

ناديه: اووووووووش انت مالك دخل انا حره

مشاعل: والله وطلع لك لسان

ناديه سفهتها

نواف: تحدييي تحدييي من بتركب من البنات

حمد: محد اكيد

نهى: ليش وانا وين رحت اولكم

فهده: وانا معك

العنود: احلى ياجد معكم

ندى: انا بركب

سلمان: ميشو تعالي العبي معي

مشاعل راحت <<امحق عزيمه

ياسر: لا اولله بشور مين بتلعين مافييه لعب الا بعد الزواج

سلمان: منيب راد لاكوفنك هنا اخبر اللي يدرسون برى تتفتح عقولهم ولادهى وواامر انك دارس طب يعني ورى ماتسسكت

سلمان: امشي ماعليك منه

ياسر: لالا مافيه

سلمان: على كيفك ولالتوطا ببطنك الحين

ياسر: طيب بس بشرط انت تجلس بالكرسي الاول وهي بالخير

سلمان:عز الله لعبنا


سلمان: امشي نلعب ماعليك منه بس

راحو وركبو مسيكين يعزم فيهاساعه على لعبه خطره

(مشاعل وسلمان وندى ونهى وفهده والعنود وناديه نواف وحمد)

نواف وهم بنص الهوى:نــــــــــــــــــــــــــــــــدى

ندى(انهبل هذا يناديني بين السما والارلارض):نعم

نواف: تمسكي زين ترى بتطيرين

ندى افهمت قصده لانها نحيفه وقصيره بمعننى اصح نتفه كان شكلها سعنون

ندى: والله لوريك محد مخليك وصي علي انا منيب متمسكه خلني بطير

نواف ميت ضحك العبه شغاله وهي تهاوش



خلصت اللعبه ولفت روسهم لف
ندى طلعت يالله تمشي

نواف: قايلك

ندى: اعوذ بالله منك على هالصبح

مروان ومشعل: ميتين ضحك عليهم

سلمان مسك مشاعل تعالي نروح نلعب هناك

ياسر: اي لعبه

سلمان: انت وش دخلك

ياسر: بلعب معكم

سلمان: اقلب وجهك احسن لك

ياسر: زين بس مشاعل تعال معي

سلمان: حرمتي وبتجي معي وبشوري

ياسر: اختي ولاتقول حرمتي

احتد النقاش مشاعل سفهتهم وراحتت مع البنات

نهى وفهده يمشون مع ناديه
ناديه مسطله تمشي وتناظر وائل

وائل ماصدق قعد يطالعها


مشعل: يكفي نظرات استحي


وائل: خلني انا اصدق تعطيني وج

فهده: اقول ناديه تطورات من ورانا معد فيه خوف وجراءه وطايحه قز بولد الناس

ناديه: والله مو شغلك

نهى:احلى وندافع بعد

ياسر الاولاد يمشون قدام والبنات ورى


مروان: هي انت من خلاك السكيورتي حقنا

ياسر: بس بس منعا لاعمال الشغب

سلمان: صح صح وانا ومشاعل بالنص فاصل يعني

ياسر: انت البلشه لا وثم لا

مشاعل: سلمان خلاص روح

سلمان:هاه والله انقلع مو اروح مع سلامه


ندى: وش سويتي بعمي

مشاعل: ولا شي.......(تبي تضيع السالفه)ليش ساره ماجت

ياسر ذب اذنه معهم
ندى: بتنام عند بنات خالها ومشتاقه لهم بتجيتتعشى معنا

(رهف كان مره ودها تشوف فارس بس الايام جايه)
++

لفو بالملاهي وعلى الساعه 8 طلعو مها وهم مره منهدين حللو كل درهم


++
رجعو سلمان: بعشيكم على حسابي

ندى: عمي اصبر شوي خلنا نريح ونغير ملابسنا وعاتسع نطلع

سلمان:هاه مشاعل وش رايك

ياسر: زين

سلمان: يرحم اهلك لاتتدخل

ياسر:اي والله لجننك

سلمان سف:هاه وش رايك

مشاعل: اوكي

سلمان: اول مره احس الانجليزي حلو

ياسلا: احم احم

سلمان: اقول مع سلامه مشاعل لو يحص لك نومي هالنشبه لايجي

++

جلسو يريحون

نهى: فهده سوي لي كحل خليجي
فهده:؟ افا عليك بس انت تسويلي

نهى: اوكيك

وبدو شغلهم

نهى: والله انا عاجبني شكلي بطلع متلثمه

فهده: وانا معك

ابو فهد: بتطلعون كذا

نهى: ايه

ابو فهد : والله شكلكم حلو<<< بايعها

ندى: لا والله بسوي زيهم

ابوفهد: سوي احد ماسكك

نهى: واااو احب الحريه الشخصيه

ندى: راحت بس ماسوت زي هالمجانين كحل وحركات حطت كحل من جو خفيف وطلعت

ندى ونهى وفهده طلعو

ندى: يووووووه نسيييت جوالي

نهى: جيبيه بننتظرك تحت

ندى: طيب لراحت وخذت جوالها وطلعت وهي تمشي مادرت اللا وهي صادمه بذاك الجدار

ندى:اااااي اعمي

نواف: الله وعلم مهمو الاعمى

ندى(هالبلشه لاحقني لاحقني): طيب وخر بنزل

نواف كان معه عبد العزيز بينزلون

نواف: نعم بتنزلين بهالمنظر

ندى: مالك شغل

نواف: حلوه مالك شغل اقول روحي انت مره ماعندك حيا ناسيه ربك

ندى: خييييييير انت صدق ماتنعطى وج عن الغلط احسن لك

نواف: لاترفعين صوتك علي

ندى: الا برفع صوتي عليك انت واحد ماتستاهل الحشيمه جيد علي ولااختك اللي تحت مسويه كلشي ماقلت لها شي.......

الصــــــــــــــــــدمــــــــــــــــــه

مادرت الابكف على وجا نواف عطاها كف

عبد العزيز ماقدر يسكت: انت وش سويت هذي بنت خالك مجنون انت

نواف: سكت يناظر يده

ندى(صاحت): تحسب الرجوله انك تطق مره لا انت فاهم غلط على العموم انا مالس كلام معك بعد اليوم التفتتت على عبد العزيز
واشرت له

ندى: خلك شاهد ياعبد العزيز باللي شفته موب انا اللي انطق منه وعلى سبب تافه ابوي وانا طالعه ماقال شي عشاان هو يتكلم خلك شاهد على كل حرف والكف اللي عطانياه

راحت ندى دخلت الروم حقتهم باندفاع نواف كان مصنم ولا عارف ايش يقول جلس وسند على الجدار حط يدينه على جبهته مب سهله اللي سواه

عبدالعزيزنزل مستواه: نواف انت ليش سويت كذا العنود نزلت قدامك ماقلت لها شي على حد هاذي وانا اقولك انت غلطان ولافي مجال تكون مو غلطان

نواف ماستحمل كلامه وقف ولفت اتباة ورده ندى اللي طاحت مع المعركه كانت معلقتها بشنطتها اخذها طلع وركب السياره وصار يدور من شارع الى شارع.
+
+
+
نى دخلت الغرفه بندفاع

ابوفهد: هاه ندى وش فيك ندى ماردت دخلت غرفتها وقعدت تصييح جوالها صار يرن ويرن ماردت والبنهايه ردت على العنود

العنود: وينك انا تحت تاخرنا

ندى: منيب طالعه ليش اطلع انا مجنونه روحو بالحالكم

العنود: لحظ...
سكرت ندى الخط وسط ذهووول العنود

العنود: تقول روحو

نهى: غريبه وش فيها

العنود: مدري بس باين عليها تصيح وقعدت تتكلم معي بهسيريه

فهده: سللووم يكفي قز لانصدم الحين

سلمان: ياناس حلالي خلوني

ياسر: وين نواف

عبد العزيز: مدري عنه قال بيطلع

فهده: وانت كل شي ماتدري عنه

عبد العزيز ناظرها بنظره قاتله خلتها تنطم ولاتقول ولاحرف

راحو للمطعم وتعشو ورجعو كل واحد للبيته

+++

ساره: دقت على ندى

ساره: هلا النونو كيفك

ندى:ساره تعالي عندي ابيك

ساره: ندى اسم الله عليك وش فيك

ندى بدت صياحها قالت لها كل شي من اول موقف الى كف

ساره: كل هذا يصير ومحد حاس فيك


ندى: احسن انا مابي حد يعرف

ساره: طيب ارتحتي يوم قلتي لي

ندى: ايه والله

ساره: صراحه مدري موقفه ماله مبرر وبنفس الوقت له

ندى: وشلون

ساره: ماله مبرر ليش يهاوشك وساكت عن غيرك ومبرر انه انت طالعه بشكل فاتن


ندى: ساره كل ش ي يهون ولا الكف والله لو مالحيا كان عضيته

ساره: اجل اشى ان فيك حيا

ندى: اصلا هالجدار بتاثر فيه

ندى بنقمه: من ناحيه جدار جدار


+=+=+=+

نرجع للنواف


نواف راح يحوس يلشوارع الساعه 11 رجع وهو مصمم على شي براسه خايف متردد بس هو الصح

اتصل على خاله ابو فهد وقاله يقابله باللوبي


نزل ابو فهد

ابو فهد: واف ابوي وش فيك

نواف: والله ياخالي مدري كيف اقولك

ابو فهد: نواف لاتستحي قلي انا ابوك لاتنسى انا ابوك قبل ماكون خالك

نواف: والله انا ابي اخطب منك ندى.....وكمل وهو يشوف تعابير وج) لاتفهمني غلط بس انا لازماخطبها منك
اليوم

ابو فهد: انت ولدي وهي بنتي ولازم اعرف كل شي

نواف عارف ان خاله رجال متفتح وفاهم الحياه والتعصب بج وهو بج فماله الايقوله

ابوفهد: وش فيك

نواف: شوف ياخالي انا بقولك بس م الحين بس ابي اخطب ندى ابي ندى تكون خطيبتي انت بتستغرب الوقت والزمان والمكان بس تكفى كل هذا مو مهم اهم شي المضمون

ابو فهد مندهش بس ماله حيله:بشاورها بس اذا رفضت لاتستبعد ندى بنتي واعرفها نستحيل تنغصب على شي وانا مو من النوع اللي اغصب .....امك تدري

نواف: لامماتدري اذا وافقت قلت لها خل الموضوع بيني وبينك وافضل حرمك ماتدخل بالموضوع عشان ماينتقل الخبر قبل ماتعرف رايها

ابوفهد: يصير خير اشو فالوقت المناسب واسئلها

نواف: خالي طلبتك ترد لي خبر هاليومين

ابو فهد مندهش وفوق راسه اكبر علامه استفهام:ان شالله ...... الا تعال ليش شكلك كذا حوسه


نواف: لاابد بروح اغير

راح نواف وسط حيره ابو فهد

ابو فهد راح فوق

ابوفهد: وين ندى

ام فهد: بغرفتها

ابو فهد:زين(راح لان انسب وقت يكون المكان فاضي من دون لقافه)

ابو فهد: ندى افتحي

ندى: مابي

ابو فهد: انا عندي موضوع مايتاجل والححين ابيك تفتحين الباب واذا خلصت سكريه

ندى(تعرف ابوها مايتكلم من فراغ): فتحت الباب لاحظ اثار البكي بس ماهمه

ابو فهد: تو كنت مع نواف

ندى فتحت عيونها على الاخر كانت متشتته ماتدري ليش مع انه حتى لو عرف ابوها الغلط علىنواف بس كانت مشتته بلمت لثواني

ابوفهد لاحظ الحركه الغريبه اللي صارت وتوتر

ندى: ايه

ابوفهد: وخطبك مني

ندى:هااااااااااااااااه( طاحت خشتها بالارض)

ابو فهد: اللي سمعتي خطبك مني

ندى: ه العب غيرا

ابوفهد: بنت المو اضيع هذي مافيه لعب

ندى سكتت احترام اللابوها

ابو فهد: فكري بعد بكره الصبح بنزل افطر انا وياك باحالنا وتشريحين لي وج نظرك سواء موافقه ولالا

++



ندى: الو سوير خطبني

ساره: وجع وش فيك تزاعجين

ندى: نواف خطبني

ساره انتقلت لها العدوى: كـــــــــــذابه

ندى: والله

ساره: وناسه ترى اقوى انواع الحب اللي تجي بعد عداوه

ندى: ومن قالك اني احبه ولا بوافق

ساره: كذابه كل شي مبيين

ندى: اقول اسكتي بس

ساره: ندو ترى بكره اللي مهيب جايه علة الغدى ياويلها حصوصه وشمه يبون يشوفونكم

ندى: ان شالله بجي

ساره: ترة بنتغددى والعصر بنطلع وزهبي حالك

ندى: اوكيك

++

ياسر ماراح معهم للعشى راح مع سيف للمول

سيف: يالله انا بخليكم الحين تتحوطون بس لااشوفكن معطين حد ويه

حصه: سيوف والله ملينا من لسته النصائح

سيف: زين انتبهو على ارواحكم وعلى ساره

راحو البنات يتمشوون

يعني الحين
(سيف وياسر وحصه وشمه) بالمول
ندى بلروم ونواف بالوبي تحت)
والباقين مع سلمان يتعشوون


++

شمه(19 سنه): حصوه ترة طفرتي بي ابغي اسير اتعشى

حصه(16 ينه): انزين

ساره: يالله تعالو

شمه اتصلت حق سيف: شمه جواله مغلق شو العمل

ساره: تعالو نروح له

راحو عند الكوفي ولقوه

ساره:هييييييه

حصه: شو فيه من غازلج

ساره: اللي مع سيف ولدخالي

حصه: هذا الزين روحي ناديه لااني فيني رقاد ولو رحت سيوف بيدفني هني

ساره: وين انتي احنا بالسعوديه ترى مانمون شرات هنا

شمه: ساره كيف هو يصير ولد خال انا ماخبر ابوي عنده اخوان

ساره: لاولد خال ابويه

شمه: اها طيب يلله روحي

تشجعت ساره وراحت لهم

سيف اول ماشافها راح لها

سيف: وجعه ان شالله كنتي تبين تجين عند ربيعي

ساره: لا تزف بناديك جوالك كغلق

سيف: ايه زين رورحو جلسو هناك وطلبو عشاعلى مايجي فارس من ربعه عشان نطلع

ساره: انزين

جلسو وسيف كل شوي يطالعهم

ياسر: هيه ترى انا طفرت لاتناظرهم

سيف: شسوي اختي وبنت عمتي اخاف عليهم

فارس: هلا والله سيووف دف الكرسي وقعد(سيف بخاطره الظاهر الولد فقد الادب كييف يجلس ولا يسلم)
فارس دف كرسي ياسر برجله: وانت وش مجيبك هنا

ياسر: جاي عندي خووي وشعليك

سيف: فروووس احشم نفسك

فارس: مابي كيفي

ياسر: خله ماعليك دايم كذا عاداه نواف بثقاله الدم

سيف: منو نواف

ياسر: ولد عمتي

سيف: وش عرف فارس فيه(سيف تعقدت السالفه بوججه) سكت عنهم









فارس: سييوف وين سو سو لاتقول تاركهم

سيف: شفهم هناك مع شمه وحصه مقابيلي

فارس: اشوى ...يسور بكره ياويل اللي مو جاي بكره عدهم كلهم وجيبهم

ياسر: طيب

وسيف مافهم شي وياسر مغتاض كيف فارس يخلي اخته تطلع مامعها احد مع البنات وكل واحد فاهم غلط

البــــــــــارت التاس والعــــــشرون




الصبح الساعه 9 نسايم دخلت سلمت على اهلها هي ونايف بعد احضان ودموع دخلت تصحي اخواتها

نسايم: ندى ندى قومي يالله

ندى: انقلعي وسكري الباب

نسايم: اوف نهى نهى قومي

نهى نومها خفيف: نسايم هلا راحت ولمتها

نسايم: اقول روحي غسلي وجهك ونكمل بعدين التفتت على ندى تعرفها نومها ثقيل ولو قامت بترجع تنوم

ندى: لاتناظريني قمت خلاص

نسايم: اشوى لاني كنت بجيب مويه وعاد انتي تعرفين الباقي

ندى: طيب تقلعي بروح الحمام واجيك

نسايم: اولا ليش ماتسلمين علي وثانيا ماراح اطلع نواف فيه ماابغى احرجه

ندى تغيرت ملامح وجا: نواف هنا

نسايم: ايه هو اللي جاي يستقبلنا هو وفهد

ندى: زين بغسل واجيك عندي موضوع مهم

نسايم: اوكي لاتطولين

ندى كانت تفكر وللحين ماستقرت على بر

+
+
+
الجده: سلمان روح دق على العيال كلهم من اولهم لاخرهممن صغيرهم لكبيرهم زين قلهم لايتاخرون

سلمان: ياشين الواحد لين صار عم ليش ورى ماتدقين انتي

الجده: قل امين

سلمان: امييين

الجده: جعله يجي اليوم اللي اتصل فيه على عيالك

سلمان: اميـــن على طاري العيال خلني بدق على مشاعل اول وحده

الجده: ايه اصبر ترى خالك يقول انك ماذي البنت كل ساعه متصل اتصل مره كل يوم تسد

سلمان: وشو حلمي حرمتي مالكم دخل

الجده: مشكله الواثقين قم وسوي اللي قلتلك+


سلمان: ان شالله

+
+
+++

نسايم: معقوله

ندى: والله

نسايم: طيب وانتي

ندى: مدري والله

نسايم: حمد الله وشكر تدرين ياندى دايما انتي عصبيه حتى خطبتك جت بعصبيه

ندى: اقول اسكتي وضفي وجهك عند رجلك

نسايم: رجلي مع رجلك برى

ندى: من قالك اني بوافق ولافيه امل

نسايم: يعني رافضه

ندى:لا

نسايم: اجل

ندى انسدحت على السرير: مدري مدري

ندى تبي تحمق نسايم: اذا راح نواف علميني بسلم على نايف

نسايم: نعم نعم اقول الجدار وراك يمدحونه للي فيهم ارتجاج

ندى:ه حلـــــوه حلوه بس لاتعيدينها

+
+
+
+
طلعت نسايم من عند اهلها

نايف:الحمد الله يارب

نسايم: ليش

نايف: لاننا ماصرنا بنفس الدوور معهم
نسايم:ه صادق
+
+
+
+
الساعه 11 من جد صاير الدور بيت ابوهم

ام فهد طالعه بجلاها بتروح تقهوي الجده وراها حسنا بالترمس والفناجين

فهده مسويه خطه مع نهى

فهده: نهى افتحي الباب زين

نهى: طيب بس تعالي بسرعه لا يشوفك احد

فهده: طيب خلك عند الباب
(الخطه: فهده تروح للنهى من دون عبايه يعني بتغامر)
استعدت فهده فصخت الصندل مسكتها بيدها شافت نهى فتحت الباب انطلقت للباب توها بتوصل الا اصقعت بهذا الجدار اللي من الصدمه مسيكين طقت جبهته بالصندل
دخلت بسرعه نهى سكرت من الضحك على شكل فهده
فهده: ياحماره لاتضحكين

نهى: الا بضحك شكلك يمووت ضحك

فهده: اوووف والله بصيح بدت تتعبر<< المرححله قبل الصياح

نرجع للبرى شوي عبد العزيز(انا هاذي حالتي ماشوفها الا بجزمه ولاطقه ولاسبه والله حاله بس هي ليش طالعه كذا ليش مالبست والله بنات اخر زمن شكلي انا اللي بتغطى)

++
++
++
++
تجمعو العائلات وراحو للبيت ابو سيف

افتح الباب سيف دخلو الشياب قلطهم سلمو ودخلو دخل ياسر بعد الششياب

سيف: هلا والله يسووور اخيرا جيتى

ياسر: انت وش جايبك هنا

سيف: انت ماتعرف ان هذا بيتنا

ياسر: لا مو بيتكم بنت ولد عمتي هذا بيت خالهاا واحنا جايين نزورهم انت وش موقعك من الاعراب

سيف: لحظه انتو عمام ساره بنت عموه

ياسر: ايه

سيف: حلللللللللو وانا ولدخالها

ياسر: كــــــذاب

سيف: والله ادخل لايجي ابوي يزفني عشاني ماقلطتك

ياسر: طيب

دخلو بعد عشر دقايق دخل فارس وهو لابس الكندوره الاماراتيه ومسوي السفره حقتهم ومضبط شكله


سلمان: ياهووووه حركتات>> هذي لك هيفا

لف لفه على نفسه: تغيرت صح

نواف: والله كنك كيس ملح
فارس: انت من اخذ رايك انت بج والذوق بج


+
+
+
+
عاد الحريم غير فتحت لهم ساره استقبلتهم وسلمت دخلو جوى للمجلس
وجلسو جت ام فارس كانت جيتها مترقبه

دخلت بدت تسلم من اليمين

وصلت عند الجده اللي كانت بصدر المجلس
الجده وقفت تناظره نص دقيقه بعدخذتها بالحضن وقعدت تبكي

ام فارس كانت تتمنى انها لحظه تكون بحياه زوجها اللي انحرم من اهله بسبتها

جلست ام فارس وكانت مبين بين لمحات عيونها االحزن كان كل شي فيهم يذكرها بزوجها

++

بعد نص ساعه راحو يتغدون وبعد ماخلصو


ساره: ناديه هذي حصه بنفس عمرك

ناديه: احلفي بناخذها معنا للرياض

حصه: ليش لا انا مطفره من اهلي

ناديه: على الريحه تستغنسن

حصه: ملل شسوي

ام فارس: الرجاجيل بيجون يشربون شاهي هني

محد اعترض يمكن هذي عاده عندهم

++

ندى: الله البلشه ماجبت جلال

نسايم: ولا انا قولك خل نلبس عبايتنا

ندى: يلله لبسو البنات عباياتهم ماعدا ساره راحت تجيب جلال صلاه ... شمه وحصه مو من عوايدهم يتغطون فتحجبو على جلابياتهم
++

دخلو الرجاجيل وجلسو نص المجلس حريم ونصه رجال

البيبسي:
مروان ووائل وومشعل ورامي

مروان يكلم مشعل: الحين هذول منهم

مشعل: اكيد بنات خال فارس ولا كان تغطو

مروان: لا خلهم كذا احسن

مشعل: وجع مروانوه اسكت

مروان: ماورانا شي قز وبلاش وعلى عيون اهلنا وش تبي بعد قز بس

مشعل: شف سلمان مايستحس اللي يشوفه يقول ماعمره شاف مشاعل

مروان: اسكت انا محظر له مفاجاء ولا اروع


مشعل: والله ان شالله فيها اكشن


مروان: وحنا راجعين بتعرف


ساره تدز رهف: بس يكفي مطالع في اخوي كنك ماشفتي عيشه

رهف: هاه.. من قالك اني اناظر اخوك انا عاجبتني التحفه اللي وراه

ساره: اجل التحفه اجل

رهف: يووووه منك سكوووت

حصه: ساروه

ساره: هلا

حصه: منو هذاك اللي لابس تي شيرت اسود

ساره: اي واحد اللي بنطلونه جينز ولا بيج

حصه: لا بيج

ساره: ايه توقعت هذا مشعل ولد عمي

حصه: هذا مشعل ولا توركان ما شالله مزيون

رهف: شكرا

حصه: انتو شدخلج

رهف: اخوي

حصه: اها طيب ليش ماطلعتي حلوه شراته

رهف: والله مدري شوفي اللي لابس ثوب هذاك اخوي الكبير

حصه: هذاك من قعد وهو ساكت كانه تمثال

رهف: هو دايم كذا

ساره: ايش رايك بهذاك اشرت عى نواف

حصه: ملييح بس طبعا مايجيشي عند مشعل

ندى: كانت مركزه معهم يوم انتبهت ساره لها جابت طاري نواف
++


نوافطول الوقت يطاع ندى وهي ولا على بالها شايته جهت الرجال بس تناظر الحريم وتسولف على البنات


+
+
+
+
اذن العصر راحو يصلون

العنود: يالله بنات بنروح للسينما

رهف: لا تكفين ماودي

العنود: من شاورك بتروحين غصب

بعد عده اراء ومحاولات اقناع ركبو السيارت وجا معهم سيف وشمه وحصه

+
+
+بسياره

مروان: عمي انا عندي لك مفاجاه

سلمان: والله وش هي؟

مروان:انت متزوج مشاعل صح

سلمان:ضرب السكان وانت وشدخلك خلك بمفاجتك ولا قد تقول اسمها

مروان: اقول لايكثر ترها بنت خال ابوي واسمها اعرفه ماله داعي طواله السيره

سلمان: لاتقول اسمها

مروان:ك عمي اسمع لاتصير ثور

سلمان" من هو الثور ؟

مروان: رامي بس انت خلنياقولك وش المفاجاءه

سلمان: عطنا وش عندك

مروان طلع من جيبه شريط جابر الكاسر اللي اسمه يامشاعل: خذهةواسمع الاغنيه ولا اقولك شغله هنا

سلمان: مستانس جالس بيناتهم كانه شبخ هو شاف مشاعل ولا ماشافها: لالا بسمعه بعدين بلحالي على رواق

مروان: خذ راحتك

++

وصلو وعند شباك التذاكر كانت المعركه:البنات يبون هندي والاولاد رعب بعد حرب ضاريه
دخلو فلم مصري


صف كامل لهم جه اولاد وج بنات بنص نايف ونسايم وبنهايه سلمان ومشاعل

++

جلسو يشوفون الفلم

جت حركه مش ولا بد

مروان: هييه بنات سكرو عيونكم

نواف: لاخلهم هم على وجه زواج << يناظر ندى

ندى ودها تروح وتنتف راسه


فهده: يازينك ساكت ولا وحده فينا وج انها تتزوج

نواف: انتي وش دراك تعرفين اللي بالقلوب

فهده: عاد هذي صعبه اعرفها بس توقع

عبد العزيز: لاتتوقعين اخاف تنصدمين بشي

فهده انواع الفشيله التي لاحدود لها


واحد وراهم مصيري: مش حتسكوتو بقى مش كفايه ده ابو عضلات مس مخلي مقال الواحد يبص(يقصد نواف)

سلمان: بس بس فشلتنوا عند اخوانا المصريين

++

البارت الثلاثون



بعد ماطلعو من السينما:

العنود: والله الفلم تحفه

رهف: صادقه اول فلم اشوفه يعجبني كذا


في ج ثانيه:

حمد( الحين هذي ليش حاقده على طول الوقت وتناظرني باحتقار يمكن هي ناظرتها كذا لا شفهم اذا جت تناظرهم محد تجيه هالنظرات غيري)


نهى(اعوذ بالله ليش يناظر)

رهف: عززيز ترى بنروح نتمشى شوي

عبد العزيز : بلحالكم

رهف: ايه عادي حنا كيار معنا وحده متزوجه خلاص

نايف: هييه حرمتي تخلونها عذركم لا والف لا اصلا انا وياها بنروح سحب نسايم وراح


فارس كان يكلم ولد خاله على جنب مادخل بالجو

المهم بعد قيل وقال واسئله اتفقو ان حمد يروح مع البنات

++

حمد: وانا حمال الاسيه كل مره انا اجركم يالله ياقوم

نهى: لك الشرف

حمد: نعم

نهى: كلام الشيوخ ماينعاد

حمد(يبيلها تكسير راس)
البنات تمشو وتشرو وستانسو


بعد وقت

حمد: الو

مروان: هلا

حمد: تعالو دوركم تعال انت ومشعل

مروان: طيب انتو وينكم فيه

حمد: شفت المحل الي...........

مروان: ايه هذاك اللي تبيع فيه حلوه

حمد: عشان كذا ذكرته تعال يالله ترى حامت كبدي من البنات


فهده: حمد بتروح

حمد: ايه الا اذا كان فيه ناس يبوني اقعد قعدت

فهده :اي ناس الله يعافيك من بيجي

حمد: مروان ومشعل

فهده: فلللله

حمد: ليش

فهده:هاه بس بس

++

جا مروان ومشعل واستلمو البنات>>>بضاعه

كانو طالعين من المحل

حصه: شمه شوفي هذيج عطرها شال البقعه

شمه: هيه والله صدقج

مروان ومشعل كاعاده الاولاد قاطين اذنهم

مروان: مشعل الحق فيه مطاقه

مشعل: وينها

مروان: مدري هذيم تقوله

مروان: وين المطاق

حصه: شنو

مشعل: ترى نفزع عادي

حصه: شنو

مشعل: ناس سوي كفخ كفخ

مرونا:ااااي

حصه: لو سمحتي ناديه شوفي شنو يبون مو فاهمه عليهم

ناديه : صبر ندوووش شوفي اخوانك

ندى: وش قايلين للبنت اعترفو

مشعل:هي قالت فيه مطاقه وانا سالناها عنها

ندى: انتو وش عليكم

مروان : اسئليه بس


اسئلت حصه اللي انكرت انها قالت فيه مطاقه

حصه: ساره شوفي هذيلا مو فاهميني

ساره جت ويعد سالفه فهمت

ساره:ه والله انكم تخريف اي مطاق البنت تقول ان في وحده مرت عطرها ريحته قويه
وانتو ماتفهمون اي مطاق ه

مروان: تكلمو زي الناس ولا حد قايل شي

مشعل: ايه والله

حصه: انا ماتكلم زي الناس انت الخبل ماتفتهم

مروان: هاه كنها تسبنا

مشعل: ايه والله تسب

مروان: والله لوماانك بنت كان شفتي

حصه: اف الجدار وراك راحت وخلتهم

مشعل: واللله خطييره مره تعصب

مروان: وانت تضحك وبس الحين بتزعل ومايبقى بنت ماتهاوشنا

مشعل: بزران خلهم

+++
خلصو دوران بالمول وراحو للبيت ابو سيف ياخذون الاهل

الساعه7


وصلو للبيت وطبعا لازم يدخلون يتقهوون شوي نايف كان واصل قبلهم هو ونسايم بعد ماتمشو على البحر

دخلو نايف طلع يكلم بشارع لانه يبي ياخذ رقم من سيارته بينقله اللي على التلفون البيت اللي قبال بيت ابو سيف انفتح الباب

وكـــــانت الصدمـــــــــــــه
7
7



7
7

7
7

7
7




7
7

نايف وقف وترك الجوال جلس يناظر نفس الشخص كان رجل خمسيني بالعمر كلن شكله مو صاحي بمعني مريض نفسي

نايف انصدم بعد القوه والجبروت يصير فييه كذا نفس الشخص اللي من سبع سنين

سيف طلع لانه حس ان نايف طووول

سيف: نايف وش فيك تطالع فييه

نايف مازالت الصدمه ماثره علييييه: ..لا

سيف: لاتطالع فيه هذا واحد مينون قتل بنته عشان واحد مايستاهل

نزل هذا الكلام على نايف مثل الصواعق نايف ماكان فييه حيل للجدال ولا نقاش ركب السياره وبقدره قادر وصل الفندق


+
+

سلمان: سيف وين نايف

سيف: مادري طلعت ولقيته يطالع ابو جيرانا المينون وراح ركب سيارته ومشى ناديته مارد علي

سلمان: اها...زين سلمان شك بالوضع اتصل على نايف

سلمان:الو

نايف وصوته حيلل تعبان: الو

سلمان طلع من المجلس: نايف وش فيك

نايف راح صوته وتبدل بنبره محزنه : سلمان.... شفته ياسلمان

سلمان: خاف على نايف ركب سيارته وراح له وهو يكلمه بطرييق

سلمان: من شفت؟

نايف: شفته والله اني شفته

سلمان: نايف من هو؟

نايف:خليفه

سلمان: كيــــــف؟

نايف: خليفه خليـــــــفه خليفه ماغيره

سلمان: كيف شفته وهو

نايف: مجنون طلع مجنون

وصل سلمان للنايف وبعد جهد قدر نايف يفتح له الباب

(عقد نايف: نايف قبل 7 سنوات كان يدرس برى والتقى بوحده اماراتيه ماكان بينهم اي احتكاك مجرد سلام وكلام للدراسه بس
ومره من المرات كان نايف يبي منها كتاب ويسال عن بعض الاشياء بدراسه لانها بنفس القسم شافها عمها اللي مايرحم كان سكران وظن فيها ظن السوء ضربهابقسوه عذبها الى ان ماتت
وتمرمط نايف من بعدها سنتين بالمحاكم الاوربييه لمى رجع وفتح الكتاب اللي كان اخر شي منها لقى فيه رساله منها تعبر عن مشاعرها له وتوصف حبه لها ومن بعدها وهو يحس بالذنب هذا غير الشهاده اللي مفروض تكون معاه
غير السنتين اللي قضاهم ورى المحاكم الا ان تبينو انه عمها سكران وهو بريء بس بعد ايش بعد ماراح كل شي منه دراسته حبه وسنين من عمره))

سلمان: نايف خلاص السالفه راحت من سبع سنين

نايف: لا ماراحت قتلها بسببي وتقول راحت والحين مجنون هو مجنون تعرف كيف مجنون يعني حياة ضاعه بسببه

سلمان: نايف يرحم اهلك لازم تتعدى هالموضوع خلاص البنت الله يرحمها وانت الحين متزوج مايحق لك تغامر بحياتك وحياة نسايم بسبب قديم
(نسايم كان قلبها قارصها واتصلت على نايف واله مسكر اتصصلت على سلمان اللي جواله بجيب البنطلون رد وهو مايدري)

نايف: وانتو هذا اللي همكم نسايم اتصنع الضحكه عشانه كذب وسوي نفسك سعيد على شانها خلاص انا طفشت منكم ومنها يكفي زواجي غصب هذا بالحاله يكفي

نسايم سكرت االخط ماودها تسمع اكثر كل اللحظات اللي فاتت كانت كذبه منه كانت صدمه بالنسبه لها



+
رهف: بنات خلي نطلع نتعشى

ندى: صادقه ونعم راي

فهده: اول مره احس ان عندك سلفه

نهى: يالله بس طبعا لازم ناخذ اولاد

ندى: اجل مو لازم

شمه: الا كيف مو لازم يالله بقولهم

+
+
بعد مشاورات ومنه الاولاد طلعو يتعشون نواف عازمهم على حسابه

نواف: الا ماتدرون عن نايف
وينه

حمد: اخوك ولا اخوي

نواف: خلا تزوج نسايم ماتدرين وينه

نسايم: لا مدري .....فهد وصلني للفندق

فهد: ليش منتيب جايه معنا

نسايم:لالا وين مافي مجال وفيني النوم وصلوني

فهد: طيب

راحو وحطو نسايم بالفندق وسلمان يوم درى ان مشاعل رايحه ركب سيارته ولحقهم

نسايم راحت للغرفتهم وطقت الباب ودخلت بالكارد اللي معها نسايم رحمت نايف بقوه كان نايم و حاط يده على راسه حست انه من جد تعباااان

+
+
+
اما عند الشباب ندى كانت مره متوتره وضايقه ماودها تجتمع مع نواف بمكان وخصوصا كلام ابوها

ابو فهد: ندى انتي الحين تقريبا شبه مخطوبه

ندى: ايش

ابو فهد: اصبري لاتعصبين انا بس ابيك تكونين شوي تكانه اذا طلعتو يعني مو زينه انك تاخذين راحتك خلك تكانه واعقلي وعن الهبال

ندى: حقدت من جد على نواف اذا كان هذاابوها قال هالكلام بسببه وهو عمره ماقاله لها كيف اذا وافقت

+
+
وصلو للمطعموكان من اختيار نواف (بيتزا هت)

العنود: استانسي ياندى مطعمك المفضل

نواف: والله اجل مثلي

ندى ماعطتهم اهميهة طبعا ظاهلايا

العنود: انت من كلمك انا اقصد ندى

العنود بكلامها هذا خلت ندى تضحك

نواف: مااظن في شي يضحك بس تدرين اهم شي انك ضحكتي

ندى عطته نظره وسفهته جلسو على طاوله طبعا مو طاوله عدد من الطاولات لانو عددهم كبير ماشالله

والشي اللي كان من جد تحفه:المطعم مافيه بارتشنات(حواجز يعني ): مو مثل السعوديه

رهف: وش نسوي الحين

فارس: لاتسوين شي بس انتي اجلسي

رهف سكتت متفشله ومستحييه


سلمان: بما اني عمكم انا اقولكم ايش انا بجلس على راس الطوله ونصف الجلسه بنات والنصف اولاد وانتهينا

مروان: يافري انت

سلمان: اسكت لااهون

ياسر: لالا انا عترض يوم قالها جلسو كل العيال لانهم يعرفوون اذا رفض واللله ليطلعهم

صار ترتيب الطاوله


سيف +سلمان
فهد:ـــــــــــــــ: ياسر
مروان:ـــــــــــــ:رامي
مشعل:ـــــــــــــ: وائل
عبد العزيز:ـــــــ:حمد
فارس:ــــــــــــــ: نواف

ساره:ـــــــــــــ: العنود
ندى:ــــــــــــــ:رهف
نهى:ــــــــــــــــ: فهده
ناديه:ــــــــــــ: حصه
شمه+ مشاعل


طبعا المطعم كللللللله صار لهم من بعد المائده ا للي صفوها عليها

ندى: والله مافتش لو اييش
نهى: يابنت لاتفتشينغطي وجهك بطرف طرحتك

ندى: لالا مابي

فهده: عندي فكره : سوير عنيده حطو طرحتكم بينا وبينهم

العنود: وييييييييييييين قالولك بالثمامه اسكتي بس كل وحده تتغطى بطرف طرحتها

فهده: ترى من جد اتكلم

نهى:ه والله انك عجوز

ياسر: بنات بس اسكتو

سكتو البنات لانةياسر جدي اذا قال شي بيسويه

ياسر: سلمان يكفي مطالع خل البنت تاكل

سلمان: عويض الله من شرك وجهك نكد علي انت موب حاضر ملكتنا
ياسر: مكاتك انت ومشاعل ايه حا ظرها

فهد(يبي يرفع ضغط سلمان): وش فيها مشاعل

سلمان: للمره الالف والمليون اقولك لااااا تثول اسمها

فهد: مين مشاعل

سلمان: ايه يمسك عليه الملح ويخبط راسه بها

مشاعل: بس بس كل هالمعركه عشاني

سلمان: هاه والله لاقيم داحس والغبراء عشانك

ياسر: اقووول قومو

سلمان: خلاص خلاص

ندى: كانت اكثر الجالسين توتر نواف عيونه ماترحم وهي مو ناقصته
مطمنه راسها لاصق بالطاوله

العنود: ندو ليش ماتاكلين

ندى رفعت راسها: انا لا بس شبعانه

رهف: من من شبعانه اقووول اوش لايكثر طول اليوم ناكل وانتي ولا ذقتي شي

نواف قاط اذنه معهم

ياسر: من اللي لسانه يبي قص

رهف: انكتمت مره وحده
فارس: لك الاحقيه الا عليها

ياسر: منهي ساره<<<كلن على حسب تفكيره ساره كانت تسولف ومانتبهت لما قال ساره

ساره:نــــــــعم

ياسر: محد ناداك

ساره: الا انت

ياسر: لا
مروان: مسك كاسي البيبسي: سكووووووووووووووووووت

حمد: خير ان شالله
مروان: طق الشوكه بالكاس الللي فيه ببيبسي: والله بما انا بهذي اللمه الحوه احب اقول الله لايغير عيلنا ابد واقول اللي على وجه زواج لا يقطعونا او يتغيرون مثل الزمن وبس وتشييييز ضرب كاسه بكاس مشعل

ياسر: تدري كنت ابكوفنك على حركه الكفار بس سكت لان كلامك اعجبني

مروان: شكرا

عم الصمت لثواني كلن كان يفكر بكلامه مع انه قايله هباال لاغير بس لامس شي كبير فيهم


قطع السكوت صوت فهده: نهى بس الله ياخذك

نهى: لا واالله وانتي تقزين عادي

فهده: هو يناظرني

نهى: وصمه هذا ح......كانت بتزل بس تداركت الموضوع
فهده: حرام عليك

هالحوار والمشاده حمد كان ياظر نهى المنفعله
عبد العزيز مستمتع وهو يشوف فهده تدافع وكانو يتمنون انهم يسمعون كلامهم

حمد يفكر بصوت عالي: ليتني اقدر اعرف وش تقول

عبد العزيز وكمان بصوت عالي مع تنهيده: ايه والله
وفجاءه كل واحد انتب للثاني ناظرو في بعض بعدين ضحكو مع انهم مافهمو شي وكل واحد متوعد الثاني بكومه اسئله

+
+
طلعو ورجعو للفندق
ندى مقفله معها ركبت مع فهد
اما نهى بعد الحنه والازعاج من فهده بتروح معها
الشباب كل واحد بيكمل السهره بطريقته

سيف واخواته رجعو للبيت مع ساره وفارس
عبد العزيز رجع بعد ماقالل للحمد ينتظره باللوبي
اما البيبسي كان محرم عليهم التاخير لبعد الساعه12


ندى جالسه بوسط دوااامه كبييييره من الافكار


نهى وفهده بغرفه فهده وعايشين عالم ثاني

فهده: نهى ماقلت لك
نهى: ايش؟

فهده: فيه اغنيه تغنيها امي سارره دايما وانا اعجبتني ودروتها بالنت ولقيتها بشغلها صبر

نهى: منزلته على جوالك

فهده: اف كورس

نهى: سمعينا

الاغنيه كانت من النوع السامري القديم جدا وكانت طووويييله اغاني زمااان

فهده: نهى عطيني الجلال

نهى: ليش

فهده: لابس برقص زي العجايز عطيني

نهى: طيب

فهده: ترقص مثل العجايز ومنسججمه مرره


+
++

حمد: هلا

عبد العزيز: اخيرا ماابغيت عساك نومتهم

حمد: لا بس امي مسكتني ومدري كيف خبر ك عاد

عبد العزيز: اها طيب0......اممممم حمد انت اليوم يوم ردييت علي من تقصد

حمد يستغبي ويعرف طبيعه عبد العزيز بهذي المواضيع: انا متى

عبد العزيز: ولا شي خلاص

حمد:ه ياقلبو على اللي يستحوون

عبد العزيز: اف منك خلاص

حمد: انا بقولك وانت قلي

عبد العزيز اوكي وقرب الكرسي منه وجلسو يتساسروون
حمد ك قااال كل السالفه باللي فيها لانه مايهمه شي عكس عبد العزيز

حمد: هاه وش رايك

عبد العزيز: واللله مدري بس يمكن هذا مو سبب يخليها تكرهك

حمد:اقولك اذا شافتني تبدى عيونها تدور وتناظر السقف وبعدين تذكر اني فيه وتتكرم بنظره استحقار ماعلينا مني انت

عبدالعزيز توه بيهدالسبحهتتذكر ان فهده اخته: قاله مع تقطيع بعض الاشياء

حمد: معليش صحيح ان فهده اختي بس اقولك لسانها طويل ماتنقوى

عبد العزيز: انا اقواها حتى هي تعقل اذا شافتني مدري ليش

حمد: وناسه لوتاخذ فهده وانا اخذ نهى اااااااااااااه>>> تنهيده من خاطر

عبدالعزيز: لاتستبق الاحداث ماتدري هالمراهقات وش في روسهم

حمد: الا بستبق ليش لا
عبدالعزيز: ماعلينا بروح انوم ورانا قومه بكره

حمد:اييه صح والله انك صادق يالله تصبح على خيير

++
++
++

راح حمد للفوق والوضع مثل ماهو فهده منسجمه وشوي الازيراان ونهى سرحت بعالم ثااني

دخل حمد بدفاشه بيهاوش فهده على صوت الاغاني عاللي وشاف نهى نهى شافته ولسؤ حظها الحماما برى الغرفه مالها الادالوب طمرت للدالوب (خزانه)فتحته ودخلت

حمد:ملت من الضحك شكلها وهي مخترعه يمووت من الضحك

فهده لاتسالون عنها عايشه اجواءهامن تحت الجلال سحب حمد الجلا وسكر الجوال

فهده: نهوووه ياسخييييفه.....اوه حمد

حمد: انت جالسه مع الجن

فهده: لاوااللله تو نهى هنا

حمد: انا دخلت الغرفه مافي احد

فهده: لايكون سوتها وراحت بس جوالها هنا

حمد: انتي متاكده انها جت معك

فهده: من جد بدى الشك يلعب براسها: اييييه

حمد: يمكن طلعت منا ولا منا

فهده ماصدقت هالاحتمال وطلعت

نهى سمعت صوت الباب ينفتح وينصك فتحت باب الدالوب بتطلع الاوحمد منسدح على سرير فهده
حمد: والله انك تحفه عليك اماكن تنخشين فيها مره جمس ومره الدالوب والله يعلم بكره وين

نهى: ماردت عليه بس ودها تصفقه من خاطر


حمد مسك جوالها وفتحه وجلس يناظر الصور ونهى لمى شافت انه مسك الجوال خافت مررره لايشوف الرسايل ويظن فيها شي ثاني

حمد: حس انه مصخها منسدح وحابس البنت قبل مايطلع: خلاص بطلع انا برووووووح ترى يعني اطلعي

طلع حمد ونهى طلعت ووجها محمر من الحر والاحرااج

جت فهده اللي ماعندها خبر بشي

فهده: نهووووه وينك

نهى: وين يعني هنا وخري عني بنوووم وخبطت نفسها على السرير بقوووه

فهده: ماتدري وش السالفه وليش هي معصبه سكرت اللمبات ونامت

+++

الصبح الساعه8

ابو فهد: ندى ندى يالله قومي

ندى: قامت بسرعه: وشو

ابو فهد: اليوم الاحد يالله

ندى: هاه..طيب بلبس وجي

لبست وطلعت طبعا كل من نايييم ونزلت مع ابوها وجلسو وطلبو فطووور بعد مافطرو

سالها ابوها

ابو فهد: هاه ندى ايش قلتي؟

ندى:.......



............++++++++++++++++++++++++++++++++++++++ +++++++++

البــــــارت الواحد ولاثلاثين


ابو فهد: وش قررتي ياندى

ندى تلخبطت وانحاسات كانها ماتدري بالموضوع حست بثقل الجبال على صدرها
ندى:......

ابو فهد: ندى انا اكلمك واذا رافضه انا ماعندي مشكلع بس يكون سبب مقنع وانا معك فيه

ندى: انا اصلا مستحيل افكر في نواف كازوج او شخص اعيش حياتي معه بس تفكير هذا كان بس عشان طلبك مني

ابو فهد استغرب من ردها: طيب اقدر اعرف ليش

ندى لفت بوجا للج الثانيه كنايه انها ماتبي تتكلم

ابو فهد : يعني رافضته
ندى رجعت نظراتها لابوها:ايه

ابو فهد:شوفي انت بنتي وهو ولدي واذا انت رافضته لك حقك بس بعد انا لي حق اعرف ليش تردينه هو بمثابه ولدي واكيد هذا الشي بيسوي حزازيات اذا كان شي يسوى انا معك اما لا اسمحيلي لي تصرف ثاني

ندى كان ابوها خذها لللدوامه ورماها كانت من جد متردده حتى لمى نزلت ماكانت متوصله للقرار وكمل عليها ابوها


ندى: انا اقولك انا مااقدر اتزوج نواف لو ايش يصير


ابو فهد تنرفز:ليش

ندى سكتت فتره وبعدين قالت: نواف مثل اخوي ماعتبره زوجي

ابو قهد: مو سبب مقنع


ندى: الا مقنع

ابو فهد: العصبيه مالها داعي لاتعصبين وانا متاكده مليون بالميه انه في سبب غير هذا

ندى: مافي شي وهذا انا مابتزوجه لو على جنازتي

ابو فهد: خلاص انت قلتي اللي عندك بس مثل ماقلت لك اذا سبب مو مقنع بيكون تصرفي غير

ندى: بتزوجني غصب عني

ابو فهد: الظاهر ماتعرفين ابوك لا مو انا اللي اغصب بتني بس الا يام جايه الحين ارجعي للغرفه وحطي ببالك الموضوع هذا للحين ماانتهى

ندى مالها حيله راح ولا جا ابوها قامت: عن اذنك

+
+
ابو فهد اتصل على نواف اللي كان ينتظره نواف بسرعه البرق نزل

ندى ماكان ودها تروح بسرعه للغرفتهمةتحس بثقل غريب على قلبها قعدت تتمشى بعدين صعدت بترجع كانت تناظر الارض وتفكر

نواف:ندى

ندى انصدمت وبين هالشي على عيونها اللي طلعت قدام اخر شخص تبي تشوفه بهالحظه هو

نواف: ندى وش فيك

ندى ماهي قادره تتحمل راحت وخلته قبل لاتنفجر

نواف وش فيها هاذي نزل نواف وهو يحاول يتجاهل الموقف اللي صار

+
+
ابو فهد:هلا وليدي استرييح

نواف:هلا جلس نوا فوهو يتقرص وابو فهد يقرى الجريده

نواف طفش :وش قالت اكيد رفضت

ابو فهد سحب تنهيده: شوف انا ماخذت منها جواب

نواف: كيف يعني

ابو فهد: البنت مو معترضه على فكره الزواج معترضه عليك انت

نواف ماستغرب: انا

ابو فهد: انا مادري ايش اللي صاير بينك وبينها او ايش تفكر فيه بس البنت ماخذه عنك فكره غلط ورافضه انها تتزوجك

نواف اكتئب فكرته عشان يقدر يعتذر لها ويعوضها عن اللي سواه فيها تبخرت

ابوفهد: لاتضيق خلقك انت ولدي مثل ماهي بنتي وتهمني مصلحتكم انتم الاثنين اذا انت تبيها قلي وانا بنصحك بنصيحه يمكن تنفعك

نواف: وربي يشهد علي اني للحين ابيها

ابو فهد: طيب انسى اني خالك او واحد كبير اعتبرني شاب وطايش

نواف مستغرب:طيب

ابوفهد: شوف انتم اكثر شي طلعاتكم ودايما تاخذون البنات وفي حركات وامور تصير من ورانا وقدامنا على بالكم انا مانجري عنها انا ندري بس متغاضين عنكم وانتم الحين بسفر واكيد شي شبه يومي بتشوفون بعض حاول تكسبها بس بحدود الادب ماتتعداها

نواف صدق تنح هذا خاله يقول كذا ماينشره عليه اذا طلع بناته متلثمات:ايوه

ابو فهد: انت لك الحريه بشوري هذا او بدونه انك تقدر تكسبها لك بس هاه بتني مايجيها شي يعني حدود الادب وحدود انها بنت خالك وانت ولد عمتها لازم تحط لك خط احمر ماتتعداه

نواف طايره عيونه: طيب اقصدالين ايش الحد الاحمر<<عجبته السالفه

ابو فهد: اولا لاتناظر فيني بستغراب انا كنا مثلكم اغاني ودداسن ونطول شعورنا شباب في كل زمان عنده حركاته وانا عشان ام فهد سويت كل شي والحد الاحمر هذا انت تحطه مو انا حسب اخلاقك

نواف: اها طيب انا بروح انام مانمت

ابو فهد: اذنك مع وااذكر الله

+++

نواف راح للغرفه وانسدح بس اللي مسيطر عليه كيف يكسبها له وعقب اللي سواه ماظنتي تلتفت عليه

++

الساعه 11:

نهى: فهده قومي بروح الحمام....تكرمون

فهده: مسكرته عنك روحي

نهى: واخوانك وين اوديهم

فهده:اصلا رامي عندكم وحمد عادي

نهى الا هو البلشه قومي لااكسر هالابجوره فوق راسك

فهده: كم الساعه


نهى:11

فهده: زييين قد راحو العيال

نهى: وين بيروحون

فهده تتثاوب: مدري وش اسمها هذيك اللي يلعبون بالمويه

نهى: ود وادي

فهده: هاذي هي عليك نور

نهى: وجع ليش يروحون

فهده: خليهم يطافشون بالمويه ويجون

نهى: بلاك ماتدرين وش هناك اي مطافش يرحم اهلك


فهده: وانا ش دراني قلت بتاخذوني قال:الجدار وراك يمدحونه

نهى: زيين طلعت من الغرفه وراحت الحمام لمى طلعت مالقت فهده استغربت دخلت لنص الغرفه الا فهده ماسكتها واشتغلت المظاربات وصراخ ومهاوش

فهده: طيرت النوم من عيني

نهى: ليش خويك

فهده: وجع عيبب وكملو المطاق الين دخل ابو حمد عطاهم كم كلمه

++

ندى من رجعت للبيت وهي قافله معها بقوه دخلت كان مروان وائل ورامي بيروحون

ندى: سفهتهم دخلت غرفتها حسبت بضيق الدنيا فيها مسكت جوالها واتصلت

ندى: الو

نسايم صوتها مبحوح: هلا

ندى: وش فيك

نسايم : ابد مافيني شي

ندى: نسايم طلبتك تعالي عندي ابيك بشغله ظروريه

نسايم : بشوف اذا صحى نايف رديت لك خبر

نايف: خبر بايش


نسايم كانت معطيته ظهرها : ابدا ندى تبيني اجي عندها

نايف:ه

نسايم: ارتفع ضغطها ليش ذا يضحك وهي مجمعه عليه: في شي يضحك

ايف: اي لان الاخ نواف مصحيني يبني اروح له

نسايم شدها الحوار: صدق

نايف: ايه اجل كذب

فتره سكووووووت


نسايم: وش اخبارك عقب امس ان شالله احسن

نايف تغيرت ملامح وج: الحمدالله....الا من رجعك امس

نسايم: فهد الله يعافيه

نايف:الله يعافيه انا بروح البس تبين اوصلك اجهزي

نسايم: طيب

++++++++++++++++++

في بيت خال فارس

فارس: يمه شفتي بنات عمي

ام فارس : ايه والله شفتهم ماشالله كل وحده احلى عن الثانيه

ساره: هو يقصد وش رايك برهف

ام فارس ابتسمت بوج: وش فيها رهف

فارس: ماعليك منها ولاشي

ساره: الا يمه وش رايك فيها

ام فارس: قمر لا اله الا الله جمال ونعومه واهم شي اخلاقها

ساره تاشر على فاررس اللي منسجم وحاط راسه على يده

امة فاري ماقدرت تمسك نفسها : ضحكت عليه فارس اتنبه وطلع من الغرفه خلاها لهم

++++++
نسايم وصلها نايف وراحت سلمت ودخلت عند ندى

نسايم: وش فيك انتي من دخلت ساكته ندى ماستحملت وبكت نسايم تعرف ندى مستحيل تببكي الا على شي يسوى

نسايم: وش فيه

ندى: انا رفضته

نسايم: طيب هذا رايك انت اللي تبين هالشي

ندى: فهمتها كل السالفه

نسايم:اها ..ززكذا طيب اكيد ابوي ماراح يسوي الا الخير لك

ندآ: تتوقعين

نسايم: تستهبلين اكيد مااتوقع الامتاكده

وجلسو يسولفون وندى ملاحظه شحوب نسايم وسرحانها

اقتحم سلمان الجلسه : سللللام وش فيكم تناظروني كذا

نسايم: ولا شي

ناظرها سلمان كانه يبي يتاكد من شي: وش اخبار نايف

نسايم/ بخير<<قالتها بحسره

سلمان: ماودكم تتغدون انا حدي جووعان بعد السباحه اللي ولا احلى

نسايم حست بغصه نجى: قالت: انتو روحز بروحكم انا والبنات بننزل بعدين

سلمان: اوكي بس الشباب مابيون اقول خلني اخذها حجه واتغجى مع مشاعل

ندى:عمـــــــــي خلي البنت اذا جت معك مب ماكله ابدا

سلمان بدهشه: لييش

ندى:لانك ماتستحي يعني ماعندك تتغزل فيها

سلمان:اشوى بس كذا روعتيني الله يقطع ابليسك


++++++

اتفقو البنات ونزلو

على الطاوله كل البنات

العنود: بنات لازم نطلع اليوم

ناديه: ايه والله نبي نروح لشي

مشاعل: من بيودينا

نناديه: ناخهم كلهم

ندى: لا مو لازم نجرهم كلهم واحد اثنين يكفوون

العنود: خلاص اجل نواف ضمان مني بيجي ماراح اليوم مع العيال بصبح ومريح ماتوقع يرفض

ندى كان احد صفقها كف الحين هي ماتبيه يجي وبيجي

اتفقو ان نواف وحمد:

بيروحون للسوق اولا

راحو للستي سنتر وكان زحمه على عادته

حمد: شوفو انا بننقسم كذا مايصير نمشي مع بعض

فهده: صادق اول مره تقول شي يفتح النفس

حمد: بنت احترميني

نواف: خلاص انا باخذ ندى والعنود ورهف ومشاعل

حمد: والباقين معي

نهى: من بقي يعني انا وفهده وناديه

ناديه: لا انا ابي مشاعل تجي معي ابس اشاورها هي تعر ف ايش يناسبني

نواف: خلاص خذوها

العنود: والله كاننا بضاعه

ندى: بروح مع نهى

نواف: لا انت مايصلح تروحين محتاجينك

ندى جلست عشر دقايق تفكر وش كان يقصد بس هو مشى وتعداها عشان يكون لها مجال تفكر

كل واحد فيهم راحح بطريقه ندى ماكانت تشتري ولا شي تدور وتفكروبس لدرجه انها توقعت ابوه قايل له انها موافقه

رهف: وااااو عنود شوفي هذا البادي يجنن

العنود: يجنن خليه يطلع لك مقاسك

رهف سالته وطلعت هذي اخر حبه

العنود: خساره مره جنان

نواف: وشو الخساره

العنود: لا بس لقينا قطعه تجننن ولا في مقاس

نواف:اها

رهف: العنود تتوقعين تصير على ندى

العنود: ايه اكيد

رهف : اجل باخذها لها

العنود: اصبري وينها هي

نواف كان مركز معهم السالفه فيها ندى وتذكر هي وينها

نواف تلفت بسرعه ولا لقاها طلع برى المحل

اما ندى كانت بنفس المحل بس بمكان بعيد شوي

رهف والعنود قاعدات يتشاورون

نواف يبي يمسك اعصابه ويفكر وين راحت رجع دخل بيقول للعنود رهف انه بيدورها بس لقاها هناك

نواف راح لها

نواف: وينك خوفتيني عليك

ندى طارت عيونها وش في الدنيا رجعت تناظر التنوره اللي معها وسفهته

نواف: والله ذوقك حلو انا حب اللون البحري

ندى رجعت التنوره بكانها بطريقه تنرفز يعني تراك مزعج

نواف كان مهياء نفسيا لاي حركه منها ولا همته مشت وراحت للعنود وندىواعجبها البادي كثييير واخذته

++

نروح للحمد

حمد ماسك مفاتيحه ويلعب فيها من الطفش ومن نهى اللي فقعت مرارته نظراتهاة طلع جوال واتصل على عبد العزيز

حمد: بتذبحني والله

عبد العزيز: من ايه نهى

حمد: تناظرني كني سارق حلالها

عبد العزيز: عندي فكره

حمد:وش هي

عبد العزيز: اسفا وخله لاتناظرها

حمد: مااقدر

عبد العزيز: كيفك

حمد:اوووووف ضف وجهك باي

++++++


وجلسو على هالحال دوااااره من مكان الا مكان بنهايه راحو بيتعشون

كل وحده طلبت شي الا ندى

رهف: يابنت انا اخبر اللي يسافرون يسمنون من اللاكل والمطاعم وانتي ولا في امل ناحفه مدري كم كيلو اطلبي لك

ندى: مالي نفس

العنود: مزاجك بيوديك للموت وش بيضرك لاكلتي

نواف كان يسمع النقاش بهدوء ولا كانهة معهم

نواف: خلاص خلوها براحتها

ندى من سمعت حسه التفتت للج الثانيه رن جوالها


ندى: هلا

نسايم: هلا والله

ندى:كيفك

نسايم: ندى عندي اخبار

ندى: ايش هي

نسايم: اليوم سالني نايف اذا كنت اعرف شي عن موضوع الخطبه

ندى تحمست ونست: ايوه

نسايم: قلتله ايه هي قالت لي بس كان معصب شوي

ندى: كذابه وش قال

نسايم: تدريــــن ان نواف خاطبك من دون مايقول للعمتي ولا احد هو يبيك ماقالهم يعني هويبيك

ندى بهتت بلحظه : يعني ايش تفرق

نسايم: يعني ياخبله 80% بالميه يكون يحبك

ندى: ايـــــــــــــش انهبلتي انتي الظاهر ماتعرفينهازين<<تتكلم بصيغه المونث عشان مايدري انهم يتكلمون عنه

نسايم: الا اعرف يالمخفه طيب يش مايحبك

ندى: عشان.....عشان.... يوووووه مدري

نسايم: شفتي

ندى: لا وكيف اتاكد

نسايم: سوي مثل الافلام ناظري في عيونه

ندى ماصدقت التفتت له وناظرت عيونه وشافت كل اللي قالته نسايم نزلت الجوال وحطت على الطاوله العنود: عيب عليك لاتناظرين فيه كذا ندى كانت عايشه عالمها ماتدري ان نواف عايش هالعالم معها قاطعهم صوت نهى

نهى: ندىىىىىىىىىىىىىىىىىى وش تقولك نسايم سنه تردين

ندى انتبهت على نفسها نزلت راسها سحبت شنطتها وقامت

العنود: وين

ندى: بروح دوره المياه راحت

مشاعل: ياحلوه من هنا

ندى كانت عاكسه الطريق راحت وطبعا جوالها على الطاوله ونسايم على الخط ساعه تناديها

العنود:الو

نسايم: بسم الله وين ندى ايش سوتي فيها

العنود: الا وين اخوي تاركته وتهذرين بالجوال

نسايم: نايف وفهد وعبد العزيز طالعين وانا اكلم اختي

العنود: نفسي اعرف وش قلتي للندى خليتيها تبحلق بنواف كذا<<ياعمري ماتدري وش السالفه

نسايم: انا ماقلت شي اسولف عادي

العنود: اقطع يدي لو كانت سوالف بس اخليك الحين

نواف: الحاله عنده غييير مايقدر يوصف شعوره كان متنح وشعور بالنصر والخوف والسعاده مختلط بداخله بس نظره ندى لها معنى بس بس ......التفكير تخذه

ندى: راحت للدوره المياه<<<تكرمون تجمع شتاتها اللي سببه نواف جللست ذكرت كل كلام نسايم واستنتاجاتها

سحبت نفس تريح عدلت نفسها وطلعت راحت لهموكانت غير راحت ندى ورجعت ندى ثانيه

العنود: وش فيك

ندى وهي تجلس ماتبي تناظر احد: ولا شي

نواف كان يغير اسمه في البلوتوث ندى التفتت لقته مشغول اطمئنت نفسيا ان النظره هذيك مااحس فيها ماتدري ايش ناوي يسوي
غير اسمه وحطه((نظره منك تشتتني وتللملني))

سوى بحث وطلعله اسمها اللي ماتغير ابدا((عاشقه الورد)) ارسل لها

هي قرت اسمه استقبلت وطلعت اغنيه اميره الورد

فتحتها ندى واكن صوتها مررره عالي اسمعت اولها وقفلته بعد ماعرفت الاغنيه سرقت نظره للنواف وتاكدت انه هو مرسلها قاطعتهم عنود

العنود: نـــدى قولي تم

ندى: تم بس علىا ايش

العنود: ايش قالتلك نسايم

ندى:ايشش لو تموتين ماقلت لك

العنود:طيب كتنم تتكلمون عن مين

ندى عصبت عليها مرررررررررررررررررررررررررررره لانها احرجتها

ندى: اقول ورى ماتسكتين كنا نتكلم عن اللي نتكلم عنه يالملقوفه

العنود: انا ملوقوفه الله يسامحك بس

ندى:الا ملقوفه اجل تسالين حتى نواف صاحب الشان ماسال........انتبهت ندى على اكبر غلطه لها بحياتها

العنود:نواااااااف كنتم تتكلمون عنه

نواف كان مسبه ومستانس
ندى جتها الصيحه وش تقول


نواف: لالا اذا سالفه تخصني انا لازم اعرف

نجى سكتت ماقالت ولا شي ولاناظرت ولاواحد فيهم

حمد حس انم ثقلو دم شوي

حمد: الا يانهى ......بتنومين عندنا اليوم

نهى: وش عليك

حمد: لا بس سوال عشان نفضي لك الدالوب

نهى تفشلــــــت:

فهده: اي دالوب الله يهديك

حمد: اقصد سرير

فهده: حمدان اسكت مالك دخل

سكتو وكل واحد بقلبه شي ومر يومهم مثل باقي الايام

فهده: نهى تعالي معي

نهى: لا والله ماجي تعال انتي


فهده:ليش لا المهم ترى سمعتان شيابنا بيروحون كلهم للبر بناء على طلب امي ساره

ننهى: والله وناسه

العنود: بنات هناك فكره

ندى:وش هي

العنود: الحين مو غرفتنا جنب غرفه خالي نفضيها ونفتح باب الطوارئ ونفلها بلحالنا

نهى: تكفينا غرفه وحده

العنود:لا انا ابي اجيب شمه وحثه وساره

ندى: صح صح اوكيك اخذي الاوكي من الشياب ونجمعه تمورو

العنود: ندى مادودك تقولين

ندى: انقلعي عن وجهي يالله دام النفس عليك طيبه



ـــــــــــــــ+ــــــــــــــ+

نهايه البارت توقعاتكم وردوكم السريع

ثانكس حساسه ..

ونتريا الباقي ..

روووووووووووووووووعه


بليز لاتطولين الان نبي التكمله


تقبلي مروري