بسم الله الرحمن الرحيم
تحية عبقة للجميع ، وما قرأت هنــــا من الروائ--------------------------------------------------------------------------------
ع حفزني للكتابة ومشاركتم كتاباتي المتواضعه التي أتمنى تنال ميسور رضاكم .
وبالاخص قلوب عاشقه على الموضوع الجميل
الحب باقي..والوفا بعد مـا غـاب
من حب لو مره..بيعـرف كلامـي
ما يعرف الأشواق..نـذلٍ وكـذاب
الحب دنيا..من المعانـي عظامـي
لو شفت راعي الحب..والله قد ذاب
من زود همه..ساهرٍ مـا ينامـي
العمر جنه..والمحبـه تـرى بـاب
والسعد فالدنيا ..بلحظـة سلامـي
قالوا زمنا أنتهـى فيـه الأحبـاب
والحب ميّـت وأندفـن بالظلامـي
هذي شريعة وقتنـا دايـم أغـراب
حتى المشاعـر عندهـم فنعدامـي
مسكين ياللي عايشْ بغير عـرّاب
فيده قراب الما وهـو دوم ضامـي
حنا انولدنا بحـب وبحـب شيّـاب
جيلٍ عرف قدر المحبـه وسامـي
فينا عقولٍ عارفه وطبـع أعـراب
ونغلي حبايبنـا بسلـم وخصامـي
ما نرخص اللي حبنا لوهم أجنـاب
جيلٍ توارث هالوفـا ألـف عامـي
الحب قبله..والوفـا دوم محـراب
واحنا دُعاته جيـل والله عصامـي
خلك مع اللـي للوفـا دوم طـلاب
يسعدك بأفعالـه وماهـي كلامـي
وإن كان ضنك فالعرب أنتهى وخاب
دوّر على قلـبٍ يعيـش بهيامـي
لاجيت ضميانٍ بيرويـك برضـاب
مثل الشهد طعمه ويبري السقامـي
دوّر على اللـي للمعاليـق نهـاب
راعي الخفوق الغض غاية مرامي
صوته يطفي داخلي جمـر شبّـاب
وضحكه يذوّب مابقى من هيامـي
الوقت معها ما أملّـه ولـو غـاب
تضيق بي دنيـاي كنـي بزحامـي
أنشد عن اللي لابسه من الحلا ثياب
طبـعٍ حبيبْ..وفكرهـا بالتمامـي
لاجيت اسولف ضمني بين الاهداب
ولا سلهمت عيني بصـدره أنامـي
ولا صابني همٍ تسابق ذا الاصحاب
وفي قربها جرحي سريع التئامـي
خلت حياتي همها وماهـي تهـاب
قولٍ تردد مـن عديمـي الذمامـي
الوقت ما يكذب ..وفي الناس كذاب
ناسٍ تضيّـع عمرهـا بالملامـي
|
آخر 10 مشاركات
20-08-2007, 02:13
العرض العادي
