بـآضـم صـدركـ لـيـن تـصـبـحـ عـلـى خـيـر ,, رآئـعـه ,,

آلـسـلآم عـلـيـكـم ورحـمـة آلـلـهـ وبـركـآتـه ,,

مـسـآء آلـشـعـر ,, مـسـآء يـلـيـق بمـحـبـيـن آلـشـعـر ,, فـي هـذآ آلـمـوضـوع ,,

قـصـيـدهـ آعـجـبـتـنـي كـثـيـرآ مـن زود آعجـآبـي بـهآ حـفـظـتـهـآ ,,

آتـمـنـى آن تـحـوز عـلـى رضـآكـم ,,

يـــقـــــول :
افتح شبابيك الهوى جيتك اليوم** بحساس من زود الوله عده ايطير

جيتك مثل طفلن له ايام محروم** عن حضن امه بعدته المقادير

وجيتك مثل عودن له ايام مهموم ** وده يلاقي باخر الوقت تقدير

وجيتك حضن عاشق وهايم ومغروم** وده يضمك لين تصبح على خير

متى تحس ان الهوى شي مقسوم** من قسمة الخالق على خلقه يصير

ومتى تحس اني لك اطيح واقوم** واتعب على شانك واقدرك وآغير

لي في هواك احلام وامال وعلوم** واحزاب واصحاب وقصيد وجماهير

وهموم وافكار وهواجيس وحلوم ** وادروب واخطار وعذاب ومشاوير

وحب وغلا واخلاص ومعاند ولوم ** واحساس واللهام وشعور وتفاكير

وصحبة سهر ومقاطعة لذة النوم** واشواق جياشه وعشق وتعابير

في ذمتك مابان لك شي مكتوم ** من بعد ماصورت الاوضاع تصوير

لاتحسب انك شي عابر ومعدوم ** وتاريخ حبك فاق كل الاساطير

كني لقيتك بأغنيه لأم كلثوم** وكني قريتك في رواية شكسبير

في كل شي اتخيلك واسمعك دوم** واتأملك في الوقت الأول ولآخير

من ماضي الأيام لايومك اليوم ** وغلاك عندي ماحصل فيه تغيير

وانا لك الله مأقبل البيع والسوم ** ولا ارضى علي ولاعليك المخاسير

لاْني الوحيد اللي على بحرك يعوم** واللي عرف مرساه في رحلة السير

لحظه حبيبي قبل يسبقني النوم ** بضم صدرك لين تصبح على خير

آتـمـنـى آن تـصـبـحـون عـلـى خـيـر ,, :a059:

شـآعـرهـآ آجهـلهـ لآ آعـلـمـه ,, مـن يـعـرف شـآعـرهـآ لهـ منـي كـل آلـشكـر وآلآمتـنـآن ,,

تـحيـتي ,, ع ـسول ,,

الموضوع الاصلي  من روعة الكون