انه اوياك تيهت المشيتين
طحت مابين جا ذب اوصدك
ادور ابين شفه اوناب مسموم
لكمه الناس حطتني ابحلك
عليمن لان كتلك انه اهواك
عليه اتحزمت كل ابتفك
ادير العين وتلفت بالوجوه
كل اتريد تاخذ مني حك
عفتني بين صفنات الحياطين
ودك بيبان محد كبلي دك
كبل شجرة صبر عمري انكضه اوياك
يهز المستحه اويوكع ورك
ابكثر ماضيعتني اتمنه الاكيك
ازيحا مستحاي اوطك اطك
اطلبك ثار من اصباي لليوم
وحك ايامنه الجانت وحك
اذا مافرك ابدولاب الهموم
وضيعك من غربه اومن شرك
نخله اباب بيتك جانت الروح
ياهو الفات مد ايده العثك
جنت لوحة خيال اتبجي العيون
اصبعك وكف مسمار اوشرك
شكثر دك الزمن وياي دكات
بس دكتك ماواحد يدك
سجه اليل وانه اوياك جدمين
اليريد الصبح حط جدمه اوسحك
اذوب اويل اليا لي ابكاس وعتاب
اشرب الصبر وشرب خلك
لابد يوم بيه تتلا كه الوجو ه
وفك بيبانه الجفك طبك
وكلك هذه يوسف يل جنت ذيب
من ياصفحه قمصانه تشك
************************
الموضوع الاصلي
من روعة الكون
آخر 10 مشاركات
06-09-2007, 04:52
]
العرض العادي
