][ بـروح لعــالم النســيان ][

ابفتح كل صفحاتـي وابحكيلـك مـن الوجـدان
وانا اترجاك تسمعنـي وتعـرف كـل مافينـي


انا ليلٍ طـواه الهـم وفجـره للأسـف مابـان
ظلامه زايد عتمـه .. ولابـه نـور يضوينـي



انا بحر عميق القاع وموجـه يشبـه الطوفـان
ولابه زورق يرسـي علـى سطحـه يسلينـي



انا عمري ولحظاته .. الم مع هم مـع احـزان
كتمت الجرح في صدري وناره حيـل تكوينـي



عطيتك كـل ماأملـك ومايغلـى لعينـك هـان
ابيك تكون .. لي وحدي .. حبيب وما تخلينـي



بنيت بداخلي < قصـر > ابيـك تكمـل البنيـان
لقيتك هادم < قصري > وساسـه بـدل بطينـي



يهل الدمع من عيني إذا شفتـك علـي زعـلان
وادور كل مايرضـي ... ضميـرك يامعنينـي



تحملت الطعون وقلتلـك باكـر تصيـر انسـان
وبدل ماتشفـي طعونـي .. بسكينـك تعادينـي


نهاية حبنـا بانـت . . بـروح لعالـم النسيـان
حلفت انساك ياخلي .. وانا ما ابيـك تطرينـي


اناعندي كرامه وانت صعب انـك تهيـن انسـان
يصون العهد في حبك .. خساره طحت من عيني


انا ما اخون ياخاين وحبـي ماعـرف نقصـان
بتمم كلمتـي وانهـي غرامـك مـن شرايينـي

الموضوع الاصلي  من روعة الكون