مات ... مصافحه اولى

اليـــتــيم · #1 (**permalink**) 13-09-2007, 04:35

مات الغلا في داخلي.. مات وحفر قبره بيديه

مات بشبابه للأسف.. لما زمانه ما عطاه

قبل المنيه مانسى.. نادى رفيقه قال أبيه

تكفى دخيلك خافقي.. درب المحبه لا تطاه

كفن خفوقي صاحبه.. وعاش العزا دمعة فعينيه

يذكر ليالي صحبته.. يوم الغلا عايش معاه

يصرخ ويصرخ والألم.. دنيا رداها مبتليه

كل ما تخيل دنيته ..دون الغلا نومه جفاه

راح ولجا لعظم إله ..ومنهو لجا يلجا إليه

صبر خفوقي ياكريم.. وارحم فقيده ياإله

بعد الغلا قلبي خلى.. مابه أمل يبقى عليه

كل الأمل عنده سراب.. والا بعد يمكن نساه

قلبي فقد أغلى شعور.. أغلى غلا كنت أحتويه

سبة زمن ناسه قست.. والا زمن يفرض قساه

حكم القدر فوق البشر.. غصب علينا نرتضيه

دنيا بها الواحد يموت..وواحد يجي لأرض الحياه

عشت بزمن كله غدر ..والأقنعه وذيك الوجيه

اللي بها غيره وحسد.. واللي بها كذب ووشاه

لما رحل حس الرفيق.. صاب الخفا غربه وتيه

عشت بشعور المغترب.. اللي هجر أرضه وتاه

والافقيـــر مالقى.. منهو على بابه يجيه

عشت بشعوره لافقد.. من هالزمن زاده وماه

والا أنا دمعة يتيم.. يبكي على فقد والديه

وشعوري مثله شعور.. من فقد امه واباه

ايه اذكرك ياصاحبي ..لا قلت لي خلك نبيه

لا يغبنك درب الهوى.. دام الهوى ظلم وجناه

في هالزمن شح الوفا.. وشحت نفوس تشتريه

أحفظ كلامي وابتعد ..لا يخدعك سود العباه

صنت الوصيه داخلي.. ودرب المحبه وش لي فيه

وش لي في دربٍ ماعطى ..ذاك الغلا بسمة شفاه

راح العمر وانا احتضن.. ذكرى غلا كنت اهتويه

راح العمر كله وفا.. واكبر وفا دمي رثاه

مات الخفوق بعزته.. منهو السبب قولو ياهيه

موت الضماير والوفا.. والا الزمن يرمي بلاه

مات الغلا ونبض الخفوق ..واللي بقى دمعه وليه

ليه الغدر ضد الوفا.. وليه الكذب يمشي بعزاه

هذا مثل لعظم وفا.. واللي وفا بيفهم عليه

أما أنا جثه بقت.. واللي رحل راح لغــــــلاه

وسلامتكم...

الموضوع الاصلي من روعة الكون

" روح " · 13-09-2007, 07:18

قائد بلا جنود · 13-09-2007, 07:24

اليـــتــيم · 13-09-2007, 07:33

اليـــتــيم · 13-09-2007, 07:35

د.امال · 13-09-2007, 01:46

اليـــتــيم · 13-09-2007, 06:53

111لميت 111لحي · 13-09-2007, 11:49

اليـــتــيم · 15-09-2007, 02:55

مات ... مصافحه اولى

مــنــتــدى هــمــس الــقــوافــي