راحت سلامة أطالعهم وبعدها دخل ابوها وقعدو كلهم مع بعض يتكلمون بعدين دخل عليهم محمد وقعد وياهم يسولف لين صلاة العشا وراحو محمد وخالد مع ابوهم المسيد وقامت ام محمد وبناتها بعد يصلن, الساعة 11 رد بومحمد من برع وهو متعود بعد ما يطلعمن المسيد يتلاقى مع خوانه منصور وسالم ويسيرون يسلمون على ابوهم وامهم ويسولفون وياهم لين الساعة 9 وبومحمد من يرجع من عند اهله يسير يمشي لين الساعة 11 وبعدين يتعشى طبعا عشى خفيف مثل { سلطات وفول } ويقعد مع عياله يسولف وياهم بعدين يروحون يرقدون , وعاد يتمون الأخوان مع بعض يسولفون و طبعاً روضة وخالد من الساعة 12راقدين عشان ما يتعودون على السهريعني إللي تم محمدوسلامة.
محمد: واخبارج سلامي شو سويتي.
سلامة:ماشي صح قبل لا انسى ناس يسلمون عليك.
محمد من قالتله سلامه ناس يسلمون عليه بطل عيونه على كبرهن.
محمد: حلفي إنها تسلم علي و متى انتي رمستيها وشو قالتلج وشو خلاكم تطروني وكيف كان صوتها يو م قالتلج.
سلامة: خيبة خيبة كل ها تباني اجاوبك عليه وبعدين شو كيف كان صوتها كيف يعني بيكون صوتها عادي صوت بنت إماراتية.
محمد: يا الغبية قصدي قالتها من خاطرها.
سلامة:كيف يعني من خاطرها ؟ هي قالتلي سلمي على أهلج بس.
محمد خاطره يضرب سلامة دايماً تقهره ولازم تعورله قلبه.
محمد: الله يسلمج وياها من كل شر و تصبحين علىخير.
سلامة: وانت من اهله.
راحت سلامه حجرتها ترقد , ومحمد بعد راح حجرته وهو زعلان من الخاطر يعني موزة ما طرشت السلام له مخصوص وهو منسدح.
محمد: يعني لين متى هي بتم جيه متى بتحس فيني والله عذبتني بجفاها لي والله أحبها .
وتم يفكر بموزة ويذكر أيام زمان هو يحبها من كانوا صغار والكل يعرف هذا الشي بأن محمد يعشق موزة بس هي لابستنه وتم على هذا الحال لين ما رقد وهو متكدر, وإللي مايعرفه محمد بأن موزة تبادله نفس الشعور بس ما تبى تظهر شعورها على بالها بأن كل الرياييل واحد وبأن كل الرياييل نذلين.
الساعة 9:30 نشت سلامة على ضرابت روضةوخالد.
سلامة: أوووف أصبحنا و اصبح الملك لله شفيهم هذيلا يضاربون من صباح الله خيرلازم اطلعلهم يعني.
طلعت سلامة وشافت خالد يصيح و روضةمنطنشتنه.
سلامة: انتو شفيكم شو هذي الحشرة انت ليش اتصيح.
خالد وهو يصيح: سلامة شوفي روضة انا ييت قبلها أطالع سبيس تون قامت وبدلت.
سلامة: انتي حطيله سبيس تون و قعدو طالعو مع بعض.
روضة: لا والله أنا ماريد اشوف سبيس تون أبى أشوف ماروكو فعمان.
سلامة: رويض عن الحشرة سيري طالعي فالصالة إللي تحت.
روضة: مابى ابوي و أمي تحت وتعرفين ابوي ما يحب حشرةالصبح.
سلامة: انزين روحي حجرة امي . روضة: ماريد خلي خلود يروح انا ما بتحرك من هنيه. سلامة: أووف منج يا العنيدة خالد حبيبي روح حجرةأمي.
خالد: ماريد ماريد ماريد أنا ياي قبلها هنيه.
سلامة: انزين حبيبي عادي وكون احسن منها وروح حجرةامي.
خالد: ماريد يعني ماريد.
روضة: احسن اقعد طالع ماروكو والله عجيبة هايالبنت.
قام خالد يضارب روضة يحاول ياخذ عنها الريموت.
سلامة: إيييه انتو سكتو ويقطع بومحمد كلام سلامة.
بومحمد: انتو شو هاي الحشرةعلى الصبح.
سلامة: ابوي هاي روضة ما تخلي خالد يطالع.
بطلت روضة عيونها وهي منصدمة من كلام سلامة.
بومحمد:روضة خلي خالد يطالع وإلا تراني بكسر التلفزيون على راسج فاهمة شوهذا البزا. روضة: والله اراويك يا خويلد بتشوف إذا ما كسرت القيم بوي ما كون روضة بتشوف.
خالد: احسن سيري صيحي.
ويدلع خالد لروضة وتنقهر روضة أكثر وتسير حجرتها وتسكر الباب بقو.
سلامة: خيبة كسرتي الباب.
وراحت سلامة تتسبح وهي تفكر دايما هاي السالفة يضاربون على التلفزيون ولاجنه عندنا بدال الواحد اربعة, بعد ما خلصت نزلت تحت عشان تتريق ومالقت ابوها وامها شافت البشكارة تنظف.
سلامة: السلام عليكم لاني وين امي ابوي.
لاني: وعليكم سلام ماما و بابا روح.
سلامة: وين راحو.
لاني: أنا ما في معلوم وين روح مافي خبر أنا وينروح.
وهاي التكملة واتمنى انها تعجبكم ...........
محمد: لا رويض وخلود بعد وغصبن عنهم بيسيرون سيري خبريهم و بسرعة لاتتاخرون. سلامة:إن شاء الله.
راحت سلامة فوق وقالت لخالد يتلبس عشان عشان بيروحون يسلمون وعاد هذا ما صدقخطف يربع وراحت سلامة صوب حجرة روضة.
سلامة: روضة رويض بطلي الباب بقولج شي.
روضة: شو تبين.
سلامة: بطلي الباب.
روضة: انزين بطلنا شو تبين.
سلامة: سلامتج بس محمد يقولج تلبسي بنسير نسلم على العايلة الكريمةكلها.
روضة: قولي والله.
سلامة: شو أجذب عليج أنا يلا تلبيسي بسرعة.
روضة: انزين, أخيرا بنطلع بس لا تشلونخويلد.
سلامة: غصبن عنج عاد هو بيسير.
روضة: مالت عليه أكر.
سلامة: حد يكره أخوه شو ها الكلام اسميج ماتستحين.
روضة: آسفة اخت سلامة.
راحت سلامة تتلبس وهي طالعة من الحجرة تلاقت مع روضة ونزلن بسرعة لأن محمدمحتشر برع وركبن وروحو.
محمد: حشى انتو البنات حتى يوم نقولكن بسرعة بعدتتأخرن.
سلامة: ترى هذا بسرعة.
محمد: استغفر الله إذا كان جيه بسرعة.
سلامة: حشرتنا تراك عند منو بنسير أول.
محمد: بنسير بيت يدي وبعدين بيت عمي منصور وعمي سالم.
سلامة: مابنروح عند عموه مريم.
محمد: مادري والله يمكن ريلها عندها.
سلامة: شو يعني لو كان هناك نحن بس بنسلم.
محمد:تراج تعرفين إني ما أطيقه.
سلامة:انزين البسة بنسلم على عمتنا و بنظهر.
محمد: اوكي بنسيرلها.
روضة: وما بنسير بيت خالوه فاطمة.
من طرت روضة بيت خالتهم ارتبك محمد لأن سلامة أطالعه بكل اهتمام تبى تعرف شوبيقول بس خالد اتكلم.
خالد: أصلاً لازم نسير.
روضة: ليش يعني.
خالد: لأني أريد أسلم على أحمد و محمد مايردلي طلب صح محمد.
محمد وهو يبتسم: هييه صح, أنا اردك مستحيل.
سلامة: علينا علينا هاي الحركات.
محمد بكل براءة: اي حركات.
سلامة: ما علينا الحين وصلنا بيت يدي خلنا نسلم ويصير خيربعدين.
محمد ماسك ضحكته لأن فاهم سلامة شو تقصد نزلو كلهم وشافو سيارة ابوهم وعمهم منصور داخل.
الكل: السلام عليكم.
ويردون عليهم: وعليكم السلام.
وتنش يدتهم: هلا والله هلا بعيالي هلا بمحمد هلابالغالي ولدالغالي.
يسلم محمد على يدتهم ويحبها على راسها.
محمد: شحالج يدوه أخبارج.
اليده:فديتك الحمدلله بخيرمن شفتك وأنابخير.
محمد:إن شاء الله دوم.
سلامة:احم احم نحن هنا وإلا لايكون نحن عيال البطةالسودا.
اليدة:لا سودا ولا حمرا كلكم عيالي وكلكم نفس الغلا.
روضة: مبين. محمد: يا الغيرة.
ويسلمون كلهم على يدتهم ويدهم وعمهم وقعدو يسولفون وياهم وبعدين عاد ردوالكبار لسوالفهم وترخصو قوم محمد وروحو.
سلامة: حشى ما بغيت تظهر من عندهم.
محمد: انتي شفيج ليش زعلانة كل هذا عشان يدوه تحبني أكثر عنكم خيبة ياالحسد.
سلامة: لاغيرة ولا حسد أصلاً يدوه تحبنا كلنا.
محمد:انزين كلمي عموه قوليلها إن نحن جدام الباب بس أول طالعيها إذا ماكانت مشغولة. سلامة: إن شاء الله هات التلفون.
ودقت سلامة لعمتهم مريم وهم وايد يحبون عمتهم وهي وايد قريبة منهم وخاصة من سلامة وإللي يشوف عمتهم ما يعطيها وحده معرسة وإلا عمتهم جنها اختهم الكبيرة.
العمة: الوه.
سلامة:السلام عليكم.
العمة: وعليكم السلام هلا والله بسلامي شحالج حبيبتي.
سلامة: الحمدلله بخير شحالج انتي إن شاء الله بخير.
العمة: الحمدلله بخير وينج عنبوه ما تنشافي نأبد.
سلامة: والله عايشين فالدنيا إلا أقولج انتي مشغولة.
العمة: لا والله قاعدة متجابلة مع بناتي.
سلامة: زين والله الحين نحن جدام بابج.
العمة:قولي والله.
سلامة: انزين فتحي الباب و طالعي.
راحت العمة تفتح الباب.
العمة: ماشوف حد.
سلامة: انتي فتحتي الباب.
العمة: والله فتحته ماحد.
سلامة: يعني انتي مش عند الباب.
العمة: والله عند الباب و الحين بطلع …
روضة: ببوووووووووووووو.
العمة: بسم الله الرحمن الرحيم مالت عليج يا رويض روعتيني ياالحمارة.
روضة: عموه شكلج ه.
العمة: صبري يا الحمارة بتنضربين.
وقامت العمة تروغ روضة فالصالة و رورضة ميته من الضحك ودخلو قوم سلامةويشوفون الموقف وينقعون ضحك على عمتهم وسوالفها.
العمة: الله يغربلج رويض تعبتيني وما عليك محمد كيف ترضى يسون فيني جيه.
محمد: والله هاي أفكار رويض وسلامة.
العمة: لا والله بعد سلامة الله يسامحكم زعلت عليكم.
وقامت سلامة تلوي على عمتها.
سلامة: أأأفا عموه لا تزعلين عاد نحن يايينج وتزعلين علينا؟.
العمة: أعرف لو مش محمد ما كنتو بتون صح؟.
خالد:صح عموه هم ما كانو يبون ييون بس أنا كنت حاشرنهم وقولهم لا ما يتسوي واصلين عند بيت يدي وما نخطف نسلم على عموه.
روضة: خيبة يا الجذاب مش جنها سلامة إللي كانت حاشرتنا.
العمة: ماعلينا الحين منو قال المهم ييتوني, يلا دخلو ليش واقفين برع.
وأول ما دخلو شافو بناتها شمسة (7 سنين) و موزة( سنتين ) قاعدات يطالعن الرسوم.
خالد: بسم الله الرحمن الرحيم الساحرات قاعدات هنيه.
شمسة: ساحرات فعينك يلي ما تستحي فبيتنا و تعايب علينا.
العمة: ماسمحلك خلود هذيلا بناتي وإلا تراني ما بيوزك وحده منهن إذا عايبت عليهن.
خالد: أحسن شباهن مشينهن انا ماباخذ إلا وحده مزيونة.
العمة: إلا قول وحده حولا.
محمد: تستاهل يا خويلد كيف تقول عنهن جيه ما تشوف الزين كلا عندهن وخاصة هاي الصغيرة محلاها.
راح محمد يشل موزة.
محمد: فديت مواز صدق إنج شيخة البنات و الحريم بعد.
سلامة: شي أكيد بتكون موزة شيخة البنات و الحريم فعينك.
محمد شال موزة ويضحك: ه شقصدج.
سلامة: سلامتك ولا شي.
العمة: خليه يتفداها عادي مهما سوا وإلا قال هومكشوف.
محمد: أنا ما عندي شي أدسه عنكم عشان أكون مكشوف أنا إلا اتفدى بنتج شو سويت يعني. العمة: ولا شي حبيبي.
كملو سوالفهم مع عمتهم وما وقفت ضرابت خالد وشمسة أبد حتى عند السيارة وهم يتناقرون.
شمسة: فكه ما بغيت تطلع من بيتنا.
خالد: على ما عتقد أنا فبيت عمتي مش بيتج آنسة شمسة ويوم بيكون بيتج مابتشوفين رقعت ويهي.
شمسة: أحسن ومن قالك إني أبى اشوفك لا فبيت أمي ولا بيتي فاهم.
خالد: بسم الله شو هاي البنت.
العمة: ه أحسن محد قالك تناقرها أول ما دخلت عاد هاي أم لسانين ماتنرام تستاهل. خالد يركب السيارة وهو يتحرطم وكلهم يضحكون عليه.
محمد: يلا عيل مع السلامة عموه نشوفج على خير إن شاءالله.
العمة: الله يحفظكم, ولا تنسين سلامي تراج قايلة بتباتين عندي.
سلامة: ولا يهمج عموه أول بترخص من أبوي وأمي و إذا وافقو بكون عندج.
روضة: وأنا ما تبيني.
العمة: أباج لكن أبوج ما يصبر عنكن لازم وحده تكون فالبيت.
محمد: يلا مع السلامة مويز – ضحكت موزة – الله يخلي هذي الضحكة.
شمسة: وأنا ما بتقولي مع السلامة إلا مويز.
محمد وهو قافط: مع السلامة شموس, حشى ما ينلام خالد صدق إنها أم السانين.
العمة: يلا مع السلامة.
الكل: مع السلامة.
العمة: محمد عن السرعة.
محمد: إن شاء الله عموه.
وروحو عن عمتهم وهم طالعين.
سلامة: يلا نسير عند القلب.
محمد وهو يضحك: أي قلب.
سلامة بخبث: عند حبيبة قلبي موزان.
محمد بصوت خفيف: هي والله حبيبة قلبي.
سلامة: شو قلت.
ارتبك محمد: لالا ما قلت شي.
سلامة: على بالي بعد قلت شي.
والسموحة واتمنى الجزء عجبكم؟؟؟
آخر 10 مشاركات
24-10-2007, 12:31
التكــــملهــ ’,
العرض العادي
