ضحايا نت

[size=4]السلام عليكم ورحمة الله وبركاته

في البدايه احب اشكر جميع اعضاء هذا المنتدى الاكثر من رائع
وبصراحه انا فيه موضوع دخلت فيه نقاش كثير هي رساله جتني وسائط على الجوال كنصيحه

وصراحه شدتني عباره عن قصيده وكان مطلوب مني بعد الامانه ان ارا فيها اراء بعض من يعشقون النت

صراحه انا كان راي ان النت عالم فيه الزين وفيه الشين وهي نعمه بس احنا او بعضنا اساء استخدامها

وذكرت ان الله يحب يشوف نعمته على عبده احنا ناخذ الشيئ الحسن فيه ونجتب الاسائه فيه هو بالاول

والاخير علم ( ما دريت الا رسائل سب وشتم و و و غيره صراحه خفت انا وقمت اراجع كلامي هل كلامي فيه

خطأ وحبيت اخذ رأيكم بكلامي والقصيده) واليكم القصيده( القصيده لا اعلم من مقولات مين)

بس رجاااااء من غير تجريح


[(ضحايا النت )

صرنا ضحايا النت والنـت خـداع
يكسـر ذراع اللـي قـويً ذراعـه

لاني بشـاري بـه ولانـي ببيـاع
ولاني بتاجر بـه ولا لـي بضاعـه

نتبع جديد النـت مـن دون مذيـاع
وشلون لو يعلن بصـوت الاذاعـه

قوقل وشات ومنتدى وضبط الاوضاع
والبالـتـوك لا والله الا صيـاعـه

فيه البنات اهـل الـرد والتصيـاع
تكشف جسده للذيـاب المجاعـه

حـب وغـرام ودقتيـنً بالاصبـاع
وتصبح ضحيه بين لحظه وساعـه

ماسنجـر ورده وبوسـة تمـيـاع
ومن عقبه جلسه وتحـلا المياعـه

وتنشر فضايحه وشاع الخبر شـاع
وتشيب ولدانً في سـن الرضاعـه

معاد الها داعي وضاع الشرف ضاع
وتصير مثل اللي ماعنـده مناعـه

الغرب ما والله تصفط لنا الصـاع
ماتصفط الا الشين وكثر الوجاعـه

وبعض المواقع طيبه و فيه انفـاع
لا والله ال هـذي فيه طمـاعـه

عقلك دليلك والعقل بحدى الانـواع
اما غبـي ولا ملـكـع لكـاعـه

اهل العقول المستريحه بلا اوجـاع
مثل الذي يجني حصـاد الزراعـه

واهل العقول الضايعه ماله اجـراع
والله لـو زادو بكثـر الجـراعـه

صرنا ضحايا النت والنـت خـداع
يكسـر ذراع اللـي قـويً ذراعـه

الموضوع الاصلي  من روعة الكون