لـمـاذا نـتـجـمـل ؟

هذا اول موضوع اكتبه بالمنتدى

وقبل مااكتبه احترت وش الموضوع اللي ممكن ابدى فيه ةيكون عنوان حضوري لديكم ؟

فكرت في كتابة احد المواضيع القديمه لدي ...... واللي كتبتها قبل وقت طويل .... بداعي ابي

ابدا بدايه قويه معاكم ................. وأقولكم هاأنذا ..... حشا داخل حرب ماهو منتدى

المهم حسيت اني ودي اقدم ازين شيء عندي سواء قديم او جديد

وانا محتار .... جتني فكره .... قلت انا ليه ناقل همهم .... بسلامتهم ابكتب بدون تحفظات

فيااخواني ..... هل من طبيعتنا وجبلتنا اننا نتجمل قدام الغير ..... أيا كان هالغير

وهالتجمل الى وين ممكن يقودنا ؟

وهل قدرنا نوفق بين التجمل والمجامله والنفاق


وهل اصبحت شخصيات الكثير منّا ( كوكتيل ) كل شيء تقبله وتقلده

بينك وبين نفسك ..... كيف تقيم نفسك من ناحية اظهار خلاف ماتبطن ؟

طيب لو كنا واضحين جدا هل هذا زين والا بيكون من الصعب اننا نتفاهم مع الغير


(( ياكثر حكيي )) وياشين المواضيع الغير مخطط لها وغير مجمله ؟؟

يعني انا اعترف اني لو جمّلت موضوعي كان ازينلي

وكان ماكسبت بعض الاختلاف في وجهات النظر من اول موضوع

يعني البديهيه مو دائما زينه (( خاصة لاصارت مع ناس ماتعرفهم ولا تعرف طبايعهم ))

يعني انا من خلال موضوعي هذا اطالب بالتجمل بس مو على حساب الصح

ومايدخل بالمجامله ..... التجمل شيء والمجامله شيء ثاني ...... والرابط الوحيد بينهم يمكن هو

تشابه احرفهم فقط

( احبائي انا دائما اقول الردود اهم من الموضوع وفيها تكمن الفوايد )

فتعالو نستفيد

الموضوع الاصلي  من روعة الكون