مـواصـفــات حـبـيـبـة ولـد الـريـــاض (خوية دربي)

خوية درب عمري ماخذاني دونها النسيان
وأنا يا أهل المنامة مارغبت العيش وحداني


أبيلي مهرة ما عسفت صغيرة وبنت حصان
أبوها إللي يفك المشكلة ويزبن الجاني


وأخوها لاتعزوا باسمها فزوا لها العربان
يحق لها الفخر في قولة آل فلان جداني


أبيها في بحر عشرين لازود ولا نقصان
أبيها أقصر طويلة والوصوف أشكال وألواني


أبي الجبهة كما الصبح وكما القوس أسود الحجان
وأبيها ناعسات ونرجسية سود الأعيان


أبي رمش كما ريش يغط الثلج في الأوجان
وأبي جفن يشيل الرمش طربان وكسلاني


أبي خد كما ورد تنما في طرف بستان
وأبي خشم صغير مثل حد السيف شاماني


أبي البسمة كما البرق وثناياها كما المرجان
وشفاها جمرتين وفمها خاتم سليماني


أبي شعر مثل ذيل الفرس لاطبت الميدان
أو الشلال لا من بات ليلة بين الامتاني


أبي جيد سواة إبريف فضة ناتق مليان
وصدر كانه مرايه عليها طلع رماني


أبي ظهر كما الجدول وقد مثل غصن البان
وخصر مثل مجدول العنان وجسم رويان


أبيها نابية ردف وبطن ظامر جوعان
أبي مدمجة ساق وثدمها لسان ثعبان


أبيها بنت عز من رغدها ينعم الفستان
أبي الرقة وأبي الدقة لها باطرافها شاني


أبي المشية كما اللي طالع من المعركة كسبان
وأبيها ترش مع خطواتها مسك وريحاني


أبي صوت لامني سمعته كان فيه الحان
يدغدغ مسمعي ويثير كل السحر في اشجاني


أبيها حب واخلاص وهواجيس وفرح وأحزان
أبيها مثل مادكتور هل العشق وصاني


أبيها لوحة ماصورتها ريشة الفنان
أبيها جوهرة ماجابها قاصي ولاداني



أبيها تنتصرلي من زمان حطني نيشان
وتبشر بالغلي اللى مالفابه واحد ثاني


مهرها قلب وشعر يهز القلب والوجدان
وألبسها القصيد وتصبح أوزان وقيفاني


أبي إللي فات واللي فات صعب ومن لقى العنوان
يرد العلم ولا افضل أعيش وحداني








اتمنى تحوز على رضاكم

الموضوع الاصلي  من روعة الكون