بحنان واشواق وكثير من الخيال نظمت اسطرمن واقع حياتنا واقع حياتي كفتاه تعيش في مجتمع سعودي مجتمع دافئ حنون فيه من الانفتاح ما يكفي للعيش بسلام وحريه هذي قصتي نظمتها من مما حولي من اهل وصديقات ولا ننسى تجربتي الشخصيه جمعتها في قصه قصه حياه اشخاص قد تحبوهم وقد تكرهوهم كل شخص بأفعاله يحب او يكره الشر والخير في قلب كل انسان ولكن قد يغلب جزء الشر على الخير احيانا الغروريغلب التواضع ولكن يظل ذاك الجزء الجميل في قلب كل شخص منا
الطيبه هي العنوانه والحب احلى ما فيه صورته في احلى حالاته وماهو احلى من حب يكلل في النهايه بنهايه صحيحه وهو الزواج هدفي ان اجعل كل من يقرأ قصتي يدخل داخل خيالاتي عالمي الخاص ويعيش الحب من نظرتي هذي اول كتاباتي وارجو ان تكون اجمل البدايات.........
الشخصيـــــــــــــــــــــــــــــــــــــــات&&
ابو ابراهيم(منصور) الجد
ام ابراهيم (منيره)وهي تولد بنتها حصه
مرت الجد (طرفه)
الكبير ابراهيم+عبد الله+حصه +++راشد ولد ابو ابراهيم بس من مرته طرفه وعمره30 سنه وهو سند ابوه في الشغل
.................................................. ....
ابو احمد(ابراهيم)
ام احمد(ساره)
مي في تؤام 19سنه+وعد9 سنه
احمد 24سنه+فيصل26 سنه +بدر15سنه
...................................
ابو فهد(عبد الله)
ام فهد(هيـــا)
*1-فهد متزوج اوسم زووجته لمى وعندهم بنت وولدين (جوري+راكان +ريان)
2-عبد الله
3-خالد
4-نوف
5-منـــــال (متزوجه من عبد العزيز وعندهم بنت عمرها سنتين)
................................
عائله (ابو متعب)
ابومتعب(تركي)
ام متعب(حصه)هي عمتهم
1-مها
2-مشاعل
3-متعب 17
............................
ابو سعد(احمد) صديق العائله واقرب لهم من الاخو
ام سعـد(عبير)
1-سعد عمره28
2-زياد وعمره 27
3- سلطان9 سنوات قد وعد
++++++++++++++++++++++++++++++++
وطبعا لازم ماننسى الشغالات لانهم لهم دور اساسي في القصه خخخ
(سومياتي شغالة ابو سعد اندونيسه)
(كارني وهي شغالة ابو فهد فلبينيه)
(آني وهي شغالة ابو احمد اندونيسه)
(ستي وهي شغالة بنت ابو فهد عبير سيرلانكيه)
(شمسيه وهي شغالة هنديه مجنونه وتشجع الهلال بأخلاص)
الجزء الاول ((الفصل الاول))
&&&&&&&&&&&&&&
ابو سعد دق على : هلاا ابو احمد
ابو احمد: هلا والله ابو سعد كيفكم كيف العيال
ابو سعد: والله الحمد الله بخير انتو كيفكم وش صار على موضوع الاستراحه تراني نسيت موضوعها
ابو احمد: ايه والله صدقت ترانا نسينا موضوع الاستراحه
ابو سعد: ايه والله خلاص ولا يهمك بخلي فهد يدق على الهندي يشوف اذا هي فاضيه في اول يومين في العيد والا لا
ابو احمد: خلاص اجل انت شوف وش يصير معاك وعلمني عشان اذا كانت مو فاضيه ندور غيرها عارف العيال خلااص تعودو عليها ويبونها ومزعجيني
ابو سعد: ايه والله البنات عندي كلو رااسي يبون الاستراحه ونبي استراحه فقلت خلاص نخليها عاده عندنا يكوون مره زين والا انت وش رايك
ابو احمد: والله صدقت اصلااا لها جو ثاني نذبح هناك ونخلي الحريم يصلحون لنا الفطوور المعتبر مع الجو مرره الطلعه تصير حلوه
ابو سعد: خلاص اجل راح نكون على اتصال قريب
ابو احمد: ايه انشاء الله فمان الله
ابو سعد: فمان الله
+++++++++
في بيت ابو احمد
ام احمد: ها يا ابو احمد كنت تكلم مين
ابو احمد:والله هذا ابو سعد
ام احمد: ها وش عنده
ابو احمد: يقولي على موضوع الاستراحه في العيد
ام احمد: ايه طيب وش صار حجزتوها ترا وقت الاعياد تكون محجوزه قبل شهر موانتو تحجزوها قبل يومين
ابو احمد: انا عارف بس هذا الهندي خلاص عارف ان كل عيد اول يومين يحجزها لنا من قبل ما ندق عليه
ام احمد: يله يصير خير البنات تراهم مزعجيني
ابو احمد : وانا بعد ما سلمت من لسااانهم يبون يتجمعون مع بنات عمهم ويسعون صدورهم
ام احمد : يله انشاء الله نطلع كلنا الااقول يا ابراهيم
ابو احمد: سمي
ام احمد: وش رايك تخلي ابو فهد يجي معانا في الاستراحه مرره بناتك يحبونهم ويحبون بناتهم وتصير الجمعه مكتمله
ابو احمد: خلاص انا بدق على الرجال واشوف يمكن بعد اهو مرتبط بشي او طلعه
ام احمد: انت دق واسأل وتأكد منه
_________________________-
ابو فهد كان جالس في مجلسه مع عبد الله يسولفون عن مواضيع الاسهم اللي مجننه خلق الله كلهم ويدق جوال ابو فهد
++__ عبد الله عمره 24 سنه انسان جدي في كل شي عنيد وراسه يابس فيه من اخوه بس فهد احلى عبد الله رسمي في كل شي حتى في الحب ما يفتح قلبه لاحد بسهوله يعني ما في احد يعرف عن حياته شخصيه والعاطفيه غير سلطان اللي يكون قريبه من بعيد بس هم تعرفو على بعض من سبع سنين ومن بعدها ما افترقو وكل واحد منهم يعرف عن الثاني كل شي_+++
*****
عبد الله : مين يبه
ابوفهد: هذااا ابو احمد والله عمره طويل توه وفي بالي
ابو فهد: هلا والله بطويل العمررر هلا والله
ابو احمد: اجل انا على البال مو ناسيني
ابو فهد: ومن يقدر ينساك يا ابراهيم الا وشلونك وش اخبار العيال
ابو احمد: والله الكل بخير ويسلمون عليك وعلى طاري العيال اهم صاجيني اقولك انت والعيال تجون في الاستراحه في العيد
ابوفهد: يعني مو منك اجل منهم
ابو احمد: لا والله انا ناوي ادق عليك بس اهم عااد ذكروني ها وش رايك
ابوفهد:والله انا ما عندي شي بس لازم اسأل ام فهد اذا كان عندها ارتباط او شي عارف في العيد مشاء الله عليها اهي ما تجلس في البيت
ابو احمد: خلاص خل ام فهد تكلم ام احمد وتعلمها
ابوفهد: يصير خير انشاء الله بس انت بتطلعون مع مين ؟؟؟؟
ابو احمد: بس احنا وانتو وابو سعد
ابوفهد: الله يكتب اللي فيه الخير
ابو احمد: انشاء الله يله فمان الله وسلملي على العيال كلهم
ابو فهد: يوصل فمان الله
+++++++
ابو فهد كان رجاال غني لانه خبره في مجال العقار وولده عبدالله طالع عليه في هالشغله انسان جدي في حياته وخاصه في شغله وما في احد يشك بذكائه ابدااا
&&&&&&&&&&&&&&&&&&&&&&&&
راح ابوفهد يسأل ام فهد على موضوع الاستراحه
ابو فهد: يا هيا ابو احمد دق اليوم عشان يبينا نروح الاستراحه معهم يوم العيد وننام فيها يومين وش رايك عندك روحه من هنا من هنا؟؟
ام فهد: لا والله عاد توني مسكره من ام احمد قلتها ان ما عندنا شي بس لازم اسألك
ابو فهد: والله انا ودي اروح من زمان عنهم ومدام ماراح نسافر هالعيد وما عندنا طلعات زي كل سنه واستراحاتنا فيها العمال ماراح يخلصون تصليحاتها الا في شهر محرم.
ام فهد: والله انا ودي اروح بعد مرره طلعاتهم ساعه صدر انا اقول خلنا نروح
ابو فهد: خلاص اجل بكلم ابو احمد واقوله لانها بتكون يعني عرفه بيكون الثلاثاء يعني العيد الاربعاء بس احنا بنام فيها عرفه نفطر مع بعض ونعيد ونذبح الصبح
ام فهد: خلاص اجل بقول للعيال كانهم بيجون معنا
ابو فهد: كلهم بيجون ما في روحات معنا بيجون معنا بيجون
ام فهد: لا تغصبهم يمكن يبون يطلعون بر مع اخوياهم
ابو فهد: لا يخلون طلعاتهم ثاني العيد اول يوم بيعيدون ويذبحون معنا قولي لهم
ام فهد: انشاء الله خلاص صار بقولهم يتجهزون
=+++++++++++++++++++++++++=
جا يوم عرفه والكل تجهز يطلع للأستراحه هذي الاستراحه دايم ابو احمد واهله يطلعون فيها استراحه كبييره وفيها ملعب تنس وكوره قدم ومبسح وساحه العاب للاطفال وفيها كم نوع من الحيوانات من ارانب وحمام وبط وغيره وكانت برى الرياض في منطقة الخرج........
&& ابو احمد وبناته طلعو الاستراحه من الصباح يجهزونها للضيوف ويحضرون لهم المفارش والخيام والقهوه واللقيمات للفطوور صار كنه يوم رمضان حتى منــال خلتهم يمرونها من بيتها عشان تروح معهم لان زوجها مستلم لانه يشتغل ضابط وبيجيهم المغرب يفطر معاهم وبيرجع الرياض الليل عشان شغله رفض يعطيونه اجازه
مي: في يا الخبله انزلي من فوووق لاتطيحين تتكسرين وتخربين علي ما اشووف الناس اللي اب اشوفهم بسببك
في: خبله في عينك ولا تحسبيني مو فاهمه من تبين تشوفين تراني ذكييه ومخي نظيف ويا حبيبتي ناسيه اننا توأم اعرف اللي في راسك قبل ما تقولين
مي: لالالاأأأأ انتي فهمتيني غلط اانا قصدي ام فهد لاني احبها واهي تحبني ومن زمان ما شفتها
في: يا عيوني يا ام فهد اذا كل هالكشخه لها يا عيووووووووني ياعيوني بتدوخ عليك
مي: تتوقعين تدوخ>>>>قصدها يدوخ احنا فاهمين قصدها غبيه هالبنت
في: شوفي الصرااحه الصراحه
مي: ايييييييييييييييييييييه
في: انتي يعني يعني ماعليك بس انا بغطي عليك عارفه ليه؟؟؟
مي: لا والله ليييييييه؟؟؟
في: لاني كلي ذوق وذكيه ولي وج واحد مو زيك ام وجهين عند الناس شي وعندنا شي>>>بتفهون قصدها بعدين
مي: اقول انزلي لأرجمك بحصاه في نص راسك وبعدين قصري صوتك لو سمعك احد وش بقول
في: بيقول انك دايخه على نااس ما اتوقع اهم دارين حتى عن اسمك
مي: فيييييييييي اقولك اسكتي وانزلي لاوريك شغل الله
في: يمه خوفتيني انا بنزل مو عشانك بنزل عشان انا ابي انزل فااهمه
**مي وفي اهم احلى بنتين في العائله مع ان في عربجيه واسمها مو راكب عليها ينفع لها اسم طرفه والا عفته مو في بس في ملامحها احلى وانعم من مي بس عشان مي مهتمه بنفسها ولبسها وشعرها طوويل واسود لنص ظهرها كيري لخفيف والكل يحسدها عليه لانه كثير واسود ويصلح دعايه شاامبوو هاي
جسمها مخصر ولها خصر مررره صغير وعيونها كبار عسليه وخشمها صغير ولونها برونزي يجنن صاحبتها يحاولون يقلدون لونها بس لونها من ربي حلو مو صناعي زي غيرهااا واهي عارفه انها حلوه والناس خاقه عليها بس مو مهتمه وما تعطي احد وج بسهوله ابدااا==
اما في فهي عكس مي في كل شي مع انهم توأم وشخصيتاتهم المفروض تكون متشاب لحد كبير الا انها عكس مي شعرها بوي وصابغته لون شوكلاته حلوو وتسويه سبايكي دايم عيونها واسعه ومكلحه وافتح من عيون مي جسمها حلو بس مخربته بالملابس الواسعه اللي تلبسها تكر شكلها مع انها احلى من اختها ولونها افتح من مي بس حلووه وعيال عمها يحبونها لانها مثل صديقهم عكس مي اللي ما تعطيهم وجه
&&وصل ابو فهد وابو سعد على الساعه 12 الظهر وكان الجوو دافي فيه هوا بارد شغلو النار وجلسوا الرجال حولها وبدو يسولفون لحد ما يجي وقت الفطور
عند الحريم%%%%%%55
ام فهد: هلا والله بحبيتي مي كيفك؟؟
مي: هلا والله خالتي انا مررره بخير انتي كيفك>>>>ومشدده على الراء
ام فهد: انا بخير حبيبتي اجل وين في ما شفتها>>>>ياكره الدلع المااصخ
تقولها بضيقه مي: في في الملعب تلعب كوره >>>امداك كلمتيني تروحين تسألين عنها اف بس
ام فهد: تكفين ناديها لي مرره مشتاقتلها
وعيونها بتطلع مي: عيوني اناديها لك>>>>بروح اجرها من شعرها
$$$في بنت تعشق الكوره وتشجع النصر نصراويه متعصبه مثل عمانها وعكس عيال ابو فهد اللي كلهم هلالين متعصبين اكثر بعد ولا يحبون احد يتكلم عندهم عن النصر>>>على فكره انا مثلها نصراويه
وحلقها بيطلع من مكانه:فييييييييييييييييييييييييييييييييييييييييييي ييييييييييييييييييي
في: نعم اعصابك اعصابك شوفي لسانك طاح شيليه
مي: طاح طاح اقول بس تعالي لا تلحقينه اخلصي
في: وش تبين؟؟؟
مي: خالتي ام فهد تسأل عنك تبي تسلم عليك
في: يوووه طيب ليش مستعجله بجي الحين يله روحي لاشوتك بهالكوره
اما ام فهد الي كانت تنتظر في لانها من زمان ما شافتها ومي الي سبقت في ودخلت عند الحريم وهي ماده بوزها شبرين ورمت نفسها على الكنب جنب بنت عمها نوف
نوف: شوي شوي لايطيح بوزك
مي:فكني يختي ماني فاضيتلك
نوف:طيب طيب بسكت و الي ماخذ بالك يتهنى ياحلوه اي
وعلى طول قامت نوف وانحاشت طعت من الغرفه لايجيها بوكس محترم من مي
مي: مجنونه هالبنت وقامت تحرك شفايفها تكلم نوف بتوعد وتاشر لها على رقبتها يعني بااخنقك
وراحت نوف للملعب عشان تروح لـــــ في
***نوف بنت عمهم عبدالله(ابو فهــد) بنت حبوبه واطيب منها مافييه كل الصغار والكبار يحبونها لانها ماتشيل على احد شي تحب المزح والضحك وهي اقرب لفي من مي ودايم هي وفي مابينهم اسرار وعمرها 19 نفس مي وفي&&
نوف وصلت للملعب الي كان في جهة الرجال
في :خاااااااااااااااااالد ناول ناول بسرررع تقددددددددم
خالد:يله روووحي مافي قدامك احد
في :قوووووووووووووووووووووووووووووووووووووووووووووووو ووول
خالد :بطله بططططططططططططططططله والله بطله
في: عارفه خخخخ
نوف: في ياسلام ايه وريهم ان البنات ابطااال هاي
في:لاتوصين حريص المهم تعالي العبي معنا
نوف:لا والله وبعد تقولها كذا كنها مسلمه علي
في:ه والله اسفه بس لاتدفييين يختي
نوف :مين دفك يامجنونه
في: المهم كيفك وتعالي بالاحضان ياحبيبتشي
نوف:والله مو منك من هالمصريه الي مصادقتها
*
خالد:في يله تعالي بنكمل عنك بسرعه تعالي وانتي يانوف تعالي العبي محتاجين عامود ه
في: لامعليش ياخالد كملوا عني انابروح اسلم على الي جو
نوف: طيب شغلك معاي ياخويلد بعدين تشوف وهي تااشر باايدينها بتوعد
وقام خالد طلع لسانه عليها وبعدين راحت تلحقه وتنادي في تكفييييييين في ابي فزعه حديه من الج الثانيه
وطبعا مافي امل خالد ينمسك لو لحقوه الى الصبح استسلموا وراحت في سحبت نوف عشان تروح معها عشان تروح تسلم
&&&ووصلوا لقسم الحريم وفي مجلس الحريم&&&
ام فهد: هلا هلا هلا والله ب في حبيبتي كيفك
في وهي رافعه حاجب ومبتسمه: الحمد الله ياخالتي انا بخير انتي وشلونك
ام فهد: انا بخير ياحلوه الحمد الله
في: دوووم انشاء الله خالتي
ام فهد: الله يسلمك انشاء الله ويين كنتي فيه كنت قاعده ادورك
في باابتسامه حلوه: كنت في الملعب
ام فهد: مشاء الله عليك ماعندك وقت
في ابتسمت وقالت تكلم ام فهد: يله ياخلتي انا بروح اكمل عن اذنك خالتي انا بروح
ام فهد: امداك تجين عشان تروحين
في : معليش ياخالتي انا بروح يستنوني في الملعب وانشاء الله انا عندك يومين حتى بتملين مني تراني بثره وبتقولين لي روحي عني فكييييييييييني منك
ام فهد: لا مااقدر اذنك معك بس انتبهي لاتنامين في الملعب
في وهي تضحك مجامله: انشاء الله على امرك يله انا رايحه وسحبت نوف معها
في:اقولك وين اختي مي
نوف :والله ماادري انا كنت معها في مجلس الحريم وكانت ماده بوزها وسالتها وش فيك بغت تاكلني
في: والله وطلعتي تخااافين ومن مين من مي اي
نوف وهي تعيد كلام في: لاوالله وبعد طلعتي تخاافين ومن مين من مي . اقول يازينك ساكته
في: اي والله انك مسكينه
نوف :مسكينه في خشتك خخخخخ
مي: بووووووووووه
نوف: بسم الله وانتي من وين طالعه بعد طيحتي قلبي
في تكلم نفسها بصوت واطي: والله وذكرنا القط جانا ينط على قولت اخوانا المصرين
مي: وانتي وش قاعده تقولين بعد والله شكل النطنطه لعبت في مخك
في : لاابد سلامتك مااقول شي بس قلت انا اذا ذكرنا البعير جانا وقال ياخطير>>>>>>
مي: الحمد الله الله يشفيك بس وش عندك قمتي تقطين خيط وخيط خخخخ
نوف: اقولك يامي العيال في الملعب يقولون محتاجين عمدان تجين معنا
مي: بالله عليك ووشلون العب وانا بها اللبس
*مي كانت لابسه تنوره سودا قصيره فوق الركبه شوي وبدي اسود وفيه وفيه بخه ذهبيه بلمعه كمومه طويله وفيه قبعه من ورى وفيها فرو وكان صندلها يجنن اسود وفيه كرستاله ذهبيه تلمع بشكل رهيب وكانت طالعه من الصندل شريطه ستان سودا لافتها على ساقها كان شكلها مره نعوم وشعرها كانت فالته ومسيحته ولافه اطرافه على فوق بشكل روعه وحاطه كرستاله ذهبيه على الجنب ماسكه غرتها كان لبسها رسمي وسبورت في نفس الوقت بس كانت نعومه بكل معنى الكلمه..
في: والله محد قالك تكشخي والحلوين ماجابوا طاريك
مي: اقوووول اسكتي ترى الي فيني مكفيني ولاتقولين هالكلام لان ماعندك سالفه
في: ليه فيه سالفه اصلا
مي : اوكي الحين اجلي السالفه بعدين وصلنا للملعب خلينا نروح نفلها تراها مره كل سنه ووووو
في :وو ايش قصدك يمكن نشوف الحلوين
مي وهي رافعه حاجبها بستهزاءوتعيد كلام في:قصدك يمكن نشوف الحلوين اقول يااختي الحبيبه ماقالوا لك انك احلى وانتي ساكته..
في: لاالناس يقولون لاتسكتين ابد وانا اعمل بالنصيحه يااختي العزيزه.
نوف :هييه انتوا بس خلاص مو كافي انكم ساحبين علي وبعد تطاقون لا حالفه امسكي شعرها لالا امسكيه
في: والله انا ماعندي مانع
الكل:ه
&&&&&&&&
راحو البنات للمعلب يتفرجون على لعب الشباب واستهبالهم واكيد مي رايحه وفي بالها شي ثاني
خالد: لحظظظظظظظظظظظظظظظظظه وقفوو
مي وفي نوف: ترانا ماسوينا شي
خالد: الا مسوين خطأ كبير وما اقدر اخليكم تروحون كذاا
في: لا والله وش سوينا
خالد: القمر نازل اليوم وما تجون تقولون لي احس في شي غريب بس القمر مرره وحده ينزل قووويه هذي
نوف: مشكور يا خالد هذا من ذوقك حيااااتي>>> المشكله عارفه ان اخوها مايقصدها لانه بس شغال فيها تحطيم ومخلي الكلام الحلو للناس
خالد: خير انتي اصحي من قال اني اتكلم عنك انا اتكلم عن اللي لابس اسوود العسل اللي جمبك>>>خالد متعود لسانه على الكلام الحلو من كثر ما لعب على بنات الناس
مي: مشكوور>>>>>>>استحت البنت
في : الحمد الله يارب الحين احسب عندك سالفه اجل تمدح ذي ذي >>>>وتأشر على مي بطرف اصبعها
مي: وليش انتي محترقه وتغلين اذا انا ما عجبتك انا معجبه خلووودي
خالد: اااااااااااااااااه اه بس عيدها الله يخليك مرره وحده بس
مي: خلوووووودي
_خالد طاح على الارض
نوف تعطي خالد كف محترم: خالد وش فيك
خالد: عمى عمي وش هذا ما عندك نعومه انا اشك انك انتي وياها بنات اصلاااا>>يأشر على في
في : نوف اقول ترانا تهزئنا اليوم لحد ما قلنا بس تهزئ يكفينا شهر خلينا نروح الملعب احسن
خالد: من زمان افهموها من دوون تهزززئ خخخخخخخخخخخخخ
مي:خخخخخخخخخخخخخخخخخخخخخخخخخ
في : نوف يلللللللللللللللللللللللللله
نوف : طيب طيب يله بس شوفي ما في احد اول والا انتي عادي عندك تطلعي عنددهم انا لا
مي: لا استنوني انا بجي لحظظه
خالد: افاااااا افاااا انا لي ساعه اصرفهم وتبين تروحين وتخليني انا زعلاااان
مي: معليش يا خالد شوي وبرجعلك
خالد واهو يسوي نفسه زعلاان: خذي راحتك استناك
مي: مشكوور خلوودي
خالد: ااااااااااااه بس خلااص روحي لا يصير فيني شي ببعدين مامي تدعي عليك
مي وفي ونوف: ه
الله اكبررر الله اكبر لا اله الا الله الساعه 6 ونص
نوف/ ااوه اذن يللله تعالو تلقين امي مولعه تدورني
مي/ ايه وحتى امي
**رااحو البنات عند الحريم وجلسو يفطروون كان الجوو بااارد والنار مسويه جوو خطير والبنات جايبين معاهم ذره لانهم يحبونها مشويه **
ام فهد: ها يا ينااااااااااات اشوفكم ناسيني
في : في ايش خالتي
ام فهد تعيد كلامها: في ايش خالتي انا اصلا اكبر منك بخمس سنين بس وشلون ناسيني ما جبتو لي ذره معاكم عارفين انا صبيه بجنن ابي احافظ على رشاقتي
الكل:ه ه
مي: ولا يهمك يا خالتي انا جايبه كثييييييير اروح واجيبلكم من يبي بعد
ام احمد وام ام سعد: انا ابي معكم
&&كانت في المسؤووله عن الشوى بحكم ملابسها ما تخاف عليها تحرق او شي مثل نوف ومي اللي لابسين فساتين&&
##مي كانت مسويه حلى لخالتها ام سعد عشان تنعجب فيها>>>>>مصلحجيه
مي: خالتي ذقتي الحلا اللي انا مصلحته
ام سعد: وينه حبيبتي
مي: تفضلي
ام سعد: مشااء الله عليك انتي مسويته احسبه من براا يله يا حظ خالتك فيك كل يوم تقهوينها وتصلحين لها حلااا خاله مدلعه
مي واهي ميته من الفرررح ومستحييه: مشكوره خالتي>>>انشاء الله انتي
ام سعد: وانا االصاادقه >>تناظر في وتبتسم لها
في تكلم نفسها: وش فيهااا ذي
نوف : ايش
في: سلامتك
&&&&&&&&&&جوال في
في: الوو
احمد:هلا يا الخاااينه
في:اف اف خاينه مره وحده
احمد: ايه ما قلتي لي انكم تشووون
في: لان الشوي للبنات فقط لا غيررر حصرياااا
احمد: افااا بس ناسيه اخوك حبيبيك
في: شوف بعطيك بس انت مو تجيب لي شله حسب الله كلهم معاك
احمد: أي شله انا ما اعرف غير نفسي ها ها ها ها
في: ايوووه تعجبني يله تعال عند الباب بعطيك
احمد : اووقيه اووقيه
في: نووف
نوف: نعم
في: خذي هذي الذره وديها خالد بيجي ياخذها منك لاخوي احمد>>>>>>>كذاابه بس ما في طريقه غير كذا عشان تشوفه ويشوفها
نوف: طيب روحي انتي
في: ما تشوفيني مشغوله والا انتي تعالي اجلسي عند المشووي وانا بروح
نوف: طيب هاتي بس وحده
في: ايه روحي عند الباب بيجيلك هناك
رااحت نوف تمشي وتناظر رجليها وخطواتها لحد ما صدمت بالباب او اللي تظن انه باااب
احمد: هلا نوفه
نوف مصدومه:........................................... ...........
احمد: انا كنت اقول ان ذره في تجنن بس تكونين انتي اللي جايبتها لي اكيد طعمها سكرر
نوف انقلب وجا مليون لون ورااحت دفته ومشت
احمد: لحظه لحظه ابي اللي معاك تراها حقتي يا الحراميه
نوف تذكرت اهي رايحه ليش : خذ
احمد وصوته بعيد لانها عطته وانحاشت بسرعه مليوووون: شكراااااا
نووف واهي مولعه: فيييييييييييييييييييييييييييييييييييييي
في مسويه نفسها مرتاعه عارفه ليش نوف معصبه: نعم نعم اذني ابيها
نوف : خالد ها طيب والله مردوده
في:ه طيب نشوف
نوف بتموت منها: نشووووووووووووف
&&&&عند الرجال عالم ثاني&&&&&&
ابوفهد: وام فهد تنزل من السياره وتلعن الشرطي لحد ما سوها على نفسه
الكل: ه
زياد: كفو والله ياام فهد مره عن عشر رجال
خالد: والله عشان كذا جابت بأبوي الارض
الكل:ه
ابوفهد: استح على وجهك انا ابوك
خالد:ه العذر والسموحه بس اانا صادق
ابو احمد: يله يا شباب اناا اعتزلت الذبح بكراا انتو اللي بتذبحون
خالد: ياااااااااااي يا عمي ما اقدر انا انسان حساس انتو متوحشين مرررره >>شدد على الراااء
الكل:ه ه
زياد : خلاص يا عم انا واحمد بكرااا بنصير السفاحين
احمد: والله بجرب اول مرره تراها
ابو فهد: خلاص انا المشرف عليكم بس مو تعلقون الخروف من يديه تصيرون ساقطين على طوول
احمد وزياد:
سلطان: خلاص انا بساعدكم
زياد: وش بتسوي
سلطان: بسن السكاااكين والحق خووويلد فيها
الكل: ه
احمد: اجل انا بلحقه براس الخروف عشان تجيه حاله نفسيه اعرفه خوواف
الكل:ه ه
خالد: طيب يا احمد هذي اخرتها اجل انا اوريك
احمد:هاي نشوف
***************
بعد الفطور والناس خلاص راقت راحو البنات يتمشون في الاسترااحه كانت مرره كبيره واللي ما يعرفها يضيع فيها بس في ومي عارفينها شبر شبر
نوف: يله عاد ابي العب كوره شوي
مي: وانا بعد
في:انا بروح اشوف من في الملعب وارجع لكم
% وبما ان في مسويه نفسها ولد وعندها كل شي ايييزي اهي اللي راحت تستكشف للبنات الوضع في الملعب
في: هييي احمممممممممممممد
**احمد عمره عشرين سنه واهو اخو مي وفي اللي يفلونها معاه ويحبونه ولو يطلب اللي يبيه يلبونه له لانه مرره حبوب وطيب معاهم لانه اخوهم الوحيد طويل وشعره بني على اشقر طالع على جدته لانها سوريه وعيونه عسليه زي مي لانه يشبا وصديقات اخواته خاقين عليه بس اهو يحب وحاط في باله وحده بس يدرس ثاني سنه جامعه قسم حاسب لانه عقبري كمبيوتر واجهزه…**
احمد: هييييييييييييييي يمه روعتيني
في: امووت على الحساسين وش خوفتك ما قلت شي الحين اناديك بصوت وااطي
احمد:هذا صوت واطي والله ما اقول الا الله يعين رجلك بيجي يوم تعطينه بكسسس وتقولين امزح معاك
في: اولا انا اطبق المثل اللي يقول ضرب الحبيب زي اكل الجح وثانيا انا ماراح اتزوووج ابداا
احمد: نشوف والله اول ما تنخطبين انتي اللي بتترجينا نوافق
في: ليش ووش شايفني وش شااايفني امشي في الشوارع ادور رجل
احمد: ايه بس خلينا من هالكلام الا كيفك يا حياتي انتي >>>>مصلحجي
في: حياتي في عينك والله وراك شي
احمد: انا ماوراي الا الشجره
في: تخفف دمك قول وش عندك عارف ما اقدر اقول لا
احمد: اي والله عارف انكم من دوني ولاشي
في: اقول مع السلااامه في ناااس تستناني
احمد ويمسك يدها: لاااا لااا بقول بقول
في: يلللله وجعت راسي
احمد: اول من الناس طيب؟؟
في: اختك وبنت عمك
احمد وعيونه طاحت في الارض:مين نوووف
في : ايه بس ماراح اكملك لحد ما تشيل عيونك من الارض
احمد: ياخف دمك بس لانها اهي الطلب اللي ابيه منك
في واهي مرتاااعه: تبي نوووووف
احمد: في بلا استهبال انتي عارفه اني احبها بس ما قدرت اقولها شي لحد الحين
في: والمطلوب
احمد : شوفي في غررفه هناك في ادوات زراعه واشياء
في واهي مركزه: طيييب
احمد: اانا بدخل فيها ولما تمرون من عندها انتي اسحبي مي معاك وخلوها تجلس قولي ان الرجال في الملعب وبعدها ماراح تتتحرك من مكانها لحد ما تجون تاخذونها
في: يييييييييييييييييييمه منك يمه منك متى امداك تخطط
احمد واهو رافع خشمه: انتي للحين ما تعرفين اخووك وذكائه الخارق للحين
في: ذكاء في اشياء واشياء
احمد بدى يعصب: وش قصدك
في خاافت : لالا ولاشي بس اخاف تزعل مني وانت عارف ما اقدر على زعلها
احمد: لا ماراح تزعل لما تدري ان انا السبب
في: الله يستر من خططك اخاف تودينا في داهيه
احمد: لا داهيه ولاشي اذا صار شي طلعنا انا وياك منها ولا من شاف ولا من دري
في: اووووقيه ودي اشوف وجه نوف وش لون بيصير >>> وضحكت ضحكه شيطانيه >>>ها ها ها ها هاي
احمد يكمل معاها: ها ها ها ها ها ي من جد
في: يله روح تلقاهم يستوني عشان يصفقوني طوولت مرره عليهم
احمد: يله اووكي
&&& راحت في عند مي ونوف قالت ل مي انها اذا سحبتها تركض وبس وبعدين تفهمها لانها قالت ان الموضوع يخص احمد فما عندها اي اعتراض طلباته اووامر ونوف بدت تشك بس طنشت
نوف: ها في فيه احد
في: ايه كلهم جالسين يلعبون ما نقدر نروح
نوف : يوووه طيب وش نسوي الحين برجع انا
في : لحظه لحظه
في :ميوش وشرايك نتسابق
مي: بالكعب ويين مااقدر
في غمزت لها بسرعه افهميها : يللله بس
مي: يله
ورااااااااااحو يركضون بسرعه خياليه ونوف ويطلع من راسها مليون علامه استفهام
نوووف: وينهم راااحو مجنووووووووووووونات تعالو تركتوني
طلع لها صوت من ورى يقول: وانا ما اكفي يا نووف
الموضوع الاصلي
من روعة الكون
آخر 10 مشاركات
25-12-2007, 11:38
العرض العادي
