+.أحـَلى مأخَـلقًّ رْبَـي ((قصـة سعـوديـه)) تستـحق ألقـرأءهـ .+

الجزء السادس عشر

: : :

من بكرى العصر...
البنات جالسات بغرفة هيفاء يسمعون اشرطة
ريما:عندك شريط الوسمي اغنية مشتاقلي؟
هيفاء:لا والله ماحب اغانيه
ريما:حرام عليك اغنيته خطيرة
ندى:طيب عندك اغنيه انت بحري لفيصل العماني
هيفاء:لا والله..وش هذولا المطربين انا ماعندي لهم شيء
ريما:وش عندك اجل؟
هيفاء:ابو نورة فديت قلبه رشود
ريما:من هو رشود؟
ندى:راشد الماجد ه
هيفاء:ليش تضحكن اكيد رشود يستاهل..!!
ندى:يالله حطي اي اغنيه بالله..
هيفاء:حطت اغنيه لمحمد عبدهـ اعترفلك
ندى وهيفاء:يتصفحون بالمجلات وريما جالسه سرحانه بالاغنية

ريما:بنات مدري انا قلبي يعورني حاسه ان اليوم راح يصير شيء
هيفاء:فال الله ولا فالك
ندى:مثل ايش ريوم؟
ريما:مدري والله بس انا خايفة وكل شوي اتصل على امي وابوي واتطمن عليهم
ندى:تفائلوا بالخير تجدوه
هيفاء:حبيبتي تعوذي من ابليس وارتاحي ماراح يصير ان شاء الله الا كل خير
ريما:ان شاء الله..وكانت ميته من الخوف وعلى اعصابها نست مباراة نواف..كل تفكيرها مشغول على امها وابوها1111
....

: : :
بدت المباراة حقت نواف وفيصل
ولعبـــــــــوا طبعاً كانوا يلعبون من قلب ومتحمسين بس الفريق الثاني كان لعبه خشن بالحيل..فيصل سجل هــــــــــــدف..ونواف كان ماسك الكورة وكان حمد من الفريق الثاني وراهـ وانزلق على رجل نواف طاح نواف على ركبته كان بياخذ الكورة حمد منه..والتوت رجل نواف..وقفوا اللعب
نواف كان يتألم بالحيل..والشباب خافوا عليه..

فيصل:نواف وش فيك؟
نواف:آهـ يافيصل تعورني آهـــ
وليد:يالله قوموا خلونا ناخذه للمستشفى بسرعة
فيصل:يالله ابغى اروح اجيب السيارة

فيصل كان معصب ومتضايق وعلى طول اخذوهـ للدكتور حق العظام..اتصل فيصل على محمد وقاله عن الموضوع..محمد كان خايف على اخوهـ وجاء طاير للمستشفى
محمد:هاه وش السالفه وش صار
فيصل:ماصار الا الخير الدكتور دخل عليه واحنا بنتظارهـ
الشباب كانوا يهدون بمحمد ويطمنونه ويخففون عنه

دخل الدكتور عليه وجلس ساعه ونص
فيصل كان متوتر وخايف ومعصب..الشباب كلهم برى العيادة على اعصابهم وكانوا كثا111ر ومالين الممرات حقات المستشفى لدرجة ان اشكالهم ملفتة للانتباهـ من كثرتهم..وكلهم خايفين على نواف لان اصابته كانت قوية..وتعورهـ بالحيل..

طلع الدكتور
محمد راح يركض للدكتور

محمد:تكفى يادكتور وش فيه وش صار عليه؟
فيصل:هاه دكتور وش فيه؟
وليد:تكفى طمنا..
الدكتور:فين والده؟
محمد:انا أخوهـ
فيصل:انا ولد عمته وابوهـ في البيت..
الدكتور يناظر في الشباب:انتم اصحابه؟كنتوا بتلعبوا كورة؟
وليد:ايه
الدكتور:لازم اقابل والدهـ ضروري!!ودي الوقت!!
محمد:بس ابوي مشغول اللحين
فيصل:في شركته ومرتبط ومايقدر يطلع..
الدكتور:حالته ماتسمح لازم نتكلم مع والدهـ بسرعة
محمد:وش فيه تكلم يادكتور تراك خوفتنا!!
الدكتور:لا اتطمن يابني بس مقدرش اقولكم الا لمن اشوف والدك
محمد:انا ابي ادخل عندهـ ممكن؟
الدكتور:اكيد ممكن متل مانت عايز!
دخل محمد والشباب وجلسوا عند نواف..وفيصل راح واتصل على خاله

فيصل:هلا خالي
ابو نواف:هلا فيصل
فيصل:خالي بس ابي اقولك ان اليوم مباراتنا انا ونواف بس نواف اصيب في المباراة
ابو نواف ارتفع صوته:وش صار فيه؟ وينه اللحين؟
فيصل:لا ياخالي الحمد لله مافيه الا العافية واللحين كلنا عندهـ انا ومحمد والشباب بس الدكتور يبغى يتكلم معاك اللحين
ابونواف:يالله دقايق واكون عندكم ان شاء الله..بس بأي مستشفى؟
فيصل قاله على المستشفى وعلى اسم الدكتور..

جاء ابو نواف بسرعة واول مادخل المستشفى راح لنواف
ابو نواف:السلام..هاه شلونك وانا ابوك؟
نواف:هلا فيك يبه..يعني بس احس بألم في ركبتي
ابو نواف:تعورك حيل؟
نواف:تقريباً<مايبغى يخوف ابوهـ
ابونواف:قايل لك اترك الكورة ماوراها الا الاصابات والعوار..
محمد:يايبه نواف مايقدر يصبر عن الكورة..وبعدين قدر الله ماشاء فعل
ابونواف:ونعم بالله
نواف:امي عرفت؟
ابونواف:لا والله ماقلت لها هي عند خالتك..
فيصل:خالي الدكتور يبيـــــك ضروري
ابونواف:يالله انا رايح له

دخل ابو نواف للدكتور
ابونواف:السلام عليكم يادكتور انا والد نواف
الدكتور:يامرحبا تفضل استريح
ابونواف:خير يادكتور؟ولدي وش فيه بالضبط؟
الدكتور:كل خير ان شاء الله..والله يابو نواف انا مقدرش اكدب عليك واقولك ان نواف حالته مش حرجة يعني هو بحاجة لعمليه لان فيه رباط صليبي والدكتور المختص بالعملية مش موجود في الرياض هو في الدمام في المنطقة الشرقية..
ابونواف:لاحول ولاقوة الابالله..وهذا الدكتور اكيد شاطر
الدكتور:ايوة هو معروف وبيعلاج حالات كتير ومسوي عمليات للاعيبين معروفين فيهم رباط والحمد لله تشافوا واللحين بيلعبوا ورجعوا للملاعب..
ابونواف:طيب مافيه علاج غير العملية؟والعملية ايش مدى نجاحها؟
الدكتور:الرباط والله مافيش علاج له غير العملية..وهي عملية يعني مش خطيرة..ونجاحها بعون الله مضمون بس انا مش عايز اغشك يعني الدكتور المتخصص مش موجود غير في الدمام في المستشفى...

ابو نواف:خير ان شاء الله..انا ونواف ان شاء الله بكرى بكون في الدمام..مشكور يادكتور
الدكتور:لاشكر على واجب..وانا حاتصل بالدكتور سالم وحاقوله عن نواف ..وحاتصل كتير واتطمن على نواف..الف سلامة عليه
ابو نواف:فمان الله

طلع ابو نواف وكان متضايق واتصل وحجز له ولنواف ..رجع لعند نواف وقاله..نواف كان متضايق وبعدين محمد اتصل في امه وقالها وخافت عليه..وعلى طول جتهم للمستشفى
ام نواف وهي تبكي:انا آخر من يعلم يانواف
نواف:لا يايمة هي مو بشارة يعني طحت ومافيها شي
ام نواف:عورتك اكيد
نواف ابتسم لها ابتسامه صفراء:مو كثير
ام نواف:وش قال الدكتور يابو نواف
ابونواف:رباط صليبي
ام نواف:ياربي ياخوفي على وليدي..وش تبغي بالكورة..اهم شي صحتك
نواف:يايمة لاتكبرين الموضوع
ام نواف:وكيف يتعلاج
ابونواف:عمليه
ام نواف:عمليـــــــــــه؟

محمد:يمة عملية بسيطة جميع اللاعيبين تعرضوا للرباط الصليبي وسووا العملية والحمد لله تشافوا ورجعوا..
نواف:يمة لاتكبيرين الموضوع..بكرى بسافر ان شاء الله وبسوي العملية
ام نواف:ليش تسافر؟
ابو نواف:اشطر دكتور في المملكة رايح للشرقية واخذنا موعد عندهـ وحجزت على طيارة بكرى للشرقية
ام نواف:ياحياتي ياوليدي..والله قطعت قلبي..جلست تبكي
نواف:يايمة ماحب اشوف دموعك تكفين..لاتضايقيني
محمد:يمة خلاص مافيه شي الولد

فيصل كان برى مع الشباب ..راحوا الشباب بعد ماشافوا ام نواف وقرروا انهم بيزورنه قبل لايسافر بكرى..

فيصل دخل على غرفة نواف
فيصل:السلام
الجميع:وعليكم السلام
فيصل:خالي اكدت على الحجز واحد من اصدقائي يشتغل في المطار وبكرى ان شاء الله الرحلة الساعة 6 المغرب

ام نواف:ابي اروح معاكم
ابو نواف:وش يوديك معانا؟
ام نواف:ماراح اصبر
ابونواف:كلها يومين واحنا عندكم ان شاء الله
ام نواف:مالي شغل ماراح اترك ولدي
محمد:يايمة ابوي عندهـ
فيصل:انا بتصل وعساني ادبر مقعد
ام نواف:ايه تكفي يافيصل

وش راح يصير..




__________________________________
: : :

رجع فيصل بعد ماتصل على صديقة الي في المطار..وقاله ان المقاعد كلها مشغولة ولافيه امل حتى في مقاعد الانتظار ..فيصل دخل لغرفة نواف

فيصل:السلام عليكم
الكل:وعليكم السلام
ام نواف:هاه يايمة فيصل وش قالوا لك؟
فيصل:والله ياخالتي مافيه مقعد..
ام نواف:وش العمل ماراح اخلي ولدي يروح لحالة..ويسوي العملية وانا هنا جالسة
نواف:يايمة ان ماراح اطلع برى المملكة في الدمام..وبعدين كلها يومين ان شاء الله وانا عندك..بس انتي طولي بالك..
ابونواف:خلاص يام نواف كل دقيقة راح نتصل عليك..

: : :
في الشرقيــــــــه
تركي:بنات ترى بكرى بآخر الليل موعد رحلتنا لاتنسون
هند: والله تونى مابعدنا شبعنا منكم..وش بنسوي بعد ماتروحون
خالد:كالعادة هدؤء البيت وطفش
ندى:والله ياهند الود ودي اجلس معاك على طول..بس امي ودراستي وتعرفين
ريما:ماعليك ياخالتي ان شاء الله كل ماصار عندنا فرصه راح نزوركم..
هيفاء:ياربي اكرهـ لحظات الوداع
خالد:الحمد لله والشكر مابعدهم سافروا قالوا لك بكرى مو اللحين وش وداعه بعد انتي؟
تركي: ياحليلك ياهيفاء..
هيفاء كانت متضايقة وفيها عبرهـ تخنقها..بعد ماانبسطت مع ندى وريما واللحين راح يروحون راح يتفرقون ويتركونها لحالها بعد الضحك والصرقعة راح تفقدهم كثيــــــــــــر...!!

خالد:اقول خالي تركي يالله خلينا نطلع للشباب
تركي:يالله

بعد ماقاموا الشباب
هند:يالله من زمان عن امي ابغى اروح اتصل عليها..عن اذنكم
اول ماقامت هنــــــــد..!!
ريما:بنات اتصلت على نواف ومقفل جواله..!!
ندى:انتي وش تبين فيه؟
ريما:الليلة مباراته وبس يسولف لي عنها ومتحمس لها..ابي اشوف وش صار عليه!
هيفاء:تلاقينه تعب بعد المباراة واخذ له نومـــــــــه
ندى:ايه صادقة الكورة تتعب واكيد اللحين نايم..
ريما:يمكن ليش لا!!

: : :


من بـكـــــــــــرى...!!
ابو ريما وابو عبدالرحمن وعبدالرحمن وفيصل والعمة نورة وام ريما..وخالة نواف ام سعد ومحمد وامه وابوهـ واصدقائهـ كلهم زاروهـ

فيصل:يالله ياخالي اللحين موعد الرحلة
ابونواف:يالله
ابوريما:يالله يانواف قوم..وان شاء الله ترجع لنا مافيك الا العافية
ابوعبدالرحمن:تطمن ياولدي ترى الدكتور سالم اشطر دكتور مو بس في المملكة حتى في الخليج كله!!

نواف:ان شاء الله..والله شاكر لكم ياعمامي وقفتكم معاي
ابوريما:ولو يانواف هذا واجبنا انت ولدنا
ابوعبدالرحمن:اقول يالله انا راح اجيب لك العربية علشان تمشي فيها
فيصل:لا خالي خــلك في مكانك انا الي بروح اجيب العربيهـ


راح فيصل للدكتور واخذ منه عربيهـ وبعدين شالوا نواف عليها..كان شكله يكسر الخاطر..صعدوا للطيارة وكل عماامه معه في المطار وفيصل كان متأثر بالحيل وخايف على نواف!!

بعدماوصلوا للشرقية وراحـــــوا للدكتور سالم..الدكتور طلب من نواف انه ينام في المستشفى وابونواف طبعاً ماراح يترك ولدهـ لحاله قرر انه ينام معاهـ في المستشفى..!!وصار موعد العملية بكرى العصر
: : :
ريما اتصلت على الهنوف
الهنوف:هلا وغلا بريوم القاطعة وينك فيه يادبا
ريما:ه شوي شوي علي اكلتيني
الهنوف:معذورة ياسخيفة من روحتك للشرقية ماتصلتي الا مرة
ريما:والله مشغولة تعرفين هيفاء ماتركت مكان ماخذتنا له..
الهنوف:الا تعالي وش صار على نواف؟
ريما بتعجب:وش صار عليه؟
الهنوف:يعني متى موعد العملية؟
ريما قامت من مكانها وبصوت حاد:وش عمليته؟وش السالفة هنوف تكفين؟
هنوف:افا1111 شكلي عفست الدنيا
ريما بعصبيه وصوت مرتفع:هنوف تكلمي اقولك
هنوف:لابس تعرفين مباراتهم هو وفيصل طاح نواف اصيب في المبااراة وجــاهـ رباط صليبي
ريما نزلت دموعها بحرارة وبصوت متقطع:طيب والعمليه؟
هنوف:ريوم لاتبكين تكفين ..الدكتور المتخصص بالعملية مو في الرياض في الشرقية واليوم سافر نواف وخالي سعود واعتقد انهم وصلوا لاني سمعت فيصل يقول ان خالي سعود قال انهم وصلوا!

ريما:طيب متى موعد العملية؟
هنوف:فيصل توهـ يقول لأهمي انها بكرى العصر
ريما:ياربي كل هذا يصير وانا محد يقولي ليش؟ليش ياناس!!؟
هنوف:ماحبوا يضايقونك
ريما:لا وش يضايقوني امي ماقلت لي شيء بس حسيت ان صايرهـ سالفة ومخبيتها عني!!
هنوف:اقول انتي متى تجيبن للرياض؟
ريما:اي رياض بعد انتي اللحين نواف هنا في الشرقية وعمليته بكرى..
هنوف:يعني شلون بتجلسين؟
ريما:لا الليله الساعة 4 الفجر رحلتنا بس ماراح اروح الا لما اشوف نواف واتطمن عليه
هنوف:براحتك
ريما:يالله باي
هنوف:باي


ريما نزلت تحت وكان بالصالة هند وندى
هند:وش فيك ريما؟
ريما:لامافيني شي
ندى:الا عيونك مو طبيعيات
ريما غمزت لندى يعني اسكتي
هند:ريما يمه تكلمي وش فيك؟
ريما:لابس آآ<خجلانه كيف تقول السالفه لخالتها
ندى:ريما تكلمي
ريما:نواف
ندى:وش فيه؟
ريما:اليوم راح يسوي عمليه هنا في الشرقيه
ريما ماقدرت تمسك نفسها جلست تبكي
هند راحت لعند ريما ومسكت كتفها:وش فيه ليش العمليه
ريما قالت لهم السالفه
ندى:طيب روحي له اليوم زوريهـ
هند:ايه صح قبل لاتسافرين..بس اول شي قولي لأمك وابوك
ريما:اكيـــــــد..انا بتصل عليهم

ريما اتصلت على أمها وقالت لها ليش ماخبرتها بسالفة نواف تبيها تنبسط وماحبت تغثها وتنكد عليها ريما استئذنت من أمها انها تزور نواف وعمها ..امها وافقت لها على شرط ان تركي يروح معاها..

ريما اتصلت على خالها تركي وقالت له ..تركي جلس يتذكر ان آخر مرة شاف فيها نواف يوم يطق ريما في السوق ويعورهـــــا!!!

: : :

الجزء السابع عشر

: : :

تركي جلس يفكر..يروح لنواف ولا لا!!بعد ماصارت السالفه .
تركي(حرام الولد مريض ولازم ازورهـ والي فات مــــات وهو اللحين بحسبة زوج لريما ..ريما بنت اختي ريما الغالية الي ماترفض لها طلــــــــــب!!)

جاء تركي واخذ ريما وراحــــــوا للمستشفى ريما كانت تركض ركض وتركي يهديها..اول مادخلت الجناح حق نواف ودخلت لغرفته وشافت شكلة على السرير الابيض متمدد وعمها سعود جالس عندهـ عورهـــــا قلبها ونزلت دموعها وحاولت تمسحها ولاتبين لنواف اي شيء...

نواف اول ماشاف ريما جلس بعد ماكان متمدد على السرير
نواف:ريمــــــــــــــــــا
ريما:ماتشوف شر يانواف
نواف:الشر مايجيك
العم سعود:شخبارك ياريما؟
ريما:بخير الله يسلمك..انت شخبارك ياعمي
العم سعود:انا تمام يابنيتي
نواف:كيفك ريما؟
ريما:انت الي كيفك؟وشلونك اللحين؟
نواف:انا بخير
ريما:تحس بعوار؟
نواف:يعني
ريما:طيب متى موعد العملية
العم سعود:بكرى ان شاء الله العصر على الساعة5 تقريباً
ريما:الله يشافيك وتقوم لنا بالسلامة..ايه نست خالي تركي برى يبغى يدخل يتطمن عليك يانواف
العم سعود:افا واللع واقف برى خليه يدخل حياهـ ربي

تركي:السلام عليــــــكم
الجميع:وعليكم السلام
تركي:ماتشوف شر يابو سعود
نواف:الشر مايجيك ان شاء الله
تركي:شخبارك يابو نواف؟
العم سعود:والله بخير وانت شخبارك ؟
تركي:بخير الله يسلمك
العم سعود: متى تمشون للرياض؟
تركي:اليوم الفجر


نواف تضايق لما عرف ان ريما بتروح وتتركه..عقد حواجبه وبانت على ملامح وج الضيق
ريما:طيب شلون صار فيك كذا يانواف؟
نواف جلس يحكي لها السالفة..وتركي وابو نواف يدردشون ويسولفون..
ريما:والله انا قلبي حاس امس العصر وانا اقول للبنات حاسه انه راح يصير شي
نواف ابتسم لها ومسك يدها..ريما سبحت يدها علشان مايلاحظون عمها وخالها..

تركي:يالله انا استئذن..
العم سعود:وين تو الناس؟
تركي:تعرف يابونواف السفرة قرب موعدها بنروح نجهز الاغراض وكذا
العم سعود:ايــــه..الله يوصلكم بالسلامة
تركي:آمين..ريما بتروحين معاي ولا امرك بعد شوي؟
نواف:لا بتجلس شوي معنا انا وابوي
العم سعود:اي والله طفشنا لحالنا خلها عندنا
تركي:خلاص اجل ..مع السلامة
ريما:مع السلامة

العم سعود:يالله احس راسي مصدع يامن شرب له فنجال قهوة
ريما:ابشر ياعمي شوي وبتكون القهوة عندك
نواف بتعجب:شلون؟
ريما:مالكم الا تشربون قهوة ان شاء الله

ريما اتصلت على خالتها هند وطلبت منها ترسل لها ترمس قهوة وشاي وتمر ..وعلبه شاكلت..

وصلت الاغراض الي طلبتها ريما
العم سعود:شلون ياريما؟
ريما:لابس قلت لخالتي تصلح قهوة وترسلها
نواف:خالتك هند؟
ريما باتسامة ناعمة:ايه
ابوسعود:والله فشلة كلفنا عليها وتعبناها
ريما:وش كلافته ياعمي هي كلها قهوة..وبعدين خالتي هند احسن وحدة تصلح قهوة
ابوسعود: شوقتينا على مانذوقها صبي لنا يابنيتي
ريما:تآمر آمر ياعمي..
صبت ريما القهوة وقدمت التمر والشاكلت..وبعدين راحت وجلست قبال نواف..
نواف يبتسم لها ابتسامة تذوب الصخر
ريما استحت ودنقت راسها

جاء اتصال للعم سعود..وبعدين طلع برى الغرفة
نواف:الريم تعالي اجلسي جنبي
ريما:لا تكفى نواف فشلة اذا دخل عمي
نواف:يابنت الحلال انتي مرتي على سنة الله ورسولة
ريما:لا مقدر
نواف:خلاص اجل انتي كذا بتضايقني وتعبيني
ريما:لا كل شي ولا تعبك طيب راح اجي عندك بس ماراح اطول..راحت ريما وجلست على الكرسي الي جنبه

نواف:يالله ياني مشتاق لك حيل
ريما:خلاص نواف
نواف:تصدقين عاد كان عندي احساس اني راح اقابلك في الشرقية وشوفي كيف يأشر على رجله..
ريما:والله تمنيت اقابلك بظروف احسن من كذا بس يالله قدر الله ماشاء فعل
نواف بيرفع ضغطها: تدرين انك انتي السبب في الي انا فيه
ريما بكل خوف: كيــــــــف؟
نواف:كنت افكرفيك وشاغله تفكيري ليل نهار حتى باللعب وانا سرحان فيك ماحسيت بنفسي الا وانا طايح ع الارض..
ريما وعيونها مليانه دموع: بس انا مالي ذنب
نزلت دمعه من عيونها
نواف كان يضحك من قلبه وكأنه اول مرة يضحك ..شوي وينفجر من الضحك<تشبيه رائع
ريما بعصبيه:وش يضحكك؟
نواف ماقدر يتكلم من الضحك
ريما معصبة قامت من الكرسي وراحت بعيد عنه:طيب هذي جزاتي الي خايفه عليك
نواف:لا ياقلبي بس ماتوقعتك كذا لذي الدرجة حساسه..آسف وحقك علي..لاتزعلين بالله
ريما ساكته وتضرب برجلها في الارض<من العصبية
نواف بيستدرج عطف ريما:آهـ يارجلي
ريما قامت من مكانها: تعورك؟
نواف بكل مكر:ايه بالحيل تعور
ريما:تبغى اطلب لك الدكتور..اكيد راح مفعول البنج
نواف:آهـــــ آهــــ
ريما راحت عندهـ وحطت يدها على ركبته :من هنــــا تعورك؟
نواف:ايه
ريما:انا بروح انادي عمي والدكتور
نواف:ريما وقفي وقفي خلاص خفت الحمد لله
ريما:شلون يعني كنت تلعب علي؟
نواف:لا بس اول مالمستيها خلاص خفت..يدينك بلسم لجروحي
ريما دنقت راسها وبتضيع السالفة:عمي تأخر وش فيه؟
نواف:مدري بس اكيد يكلم الشركة هو مايطول الا اذا كلم الشركة
ريما:اها1111111

دخل العم سعود وكان متضايق وج اسود
نواف بجديه:وش فيك يبه؟
العم سعود: لا بس لازم اكون في الرياض الصبح
نواف:شلون يعني
العم سعود:البضاعة الي طلبناها..ماراح توصل الا بتوقيع العقد مع الشركة..والشركة مافيه فروع لها على مستوى الخليج غير في الرياض..
ريما:طيب عمي ليش ماتخلي اي احد يوقع عنك؟
العم سعود:لازم توقيعي الشخصي لاني انا رئيس مجلس إداراة الشركة..
نواف:طيب وش العمل؟
العم سعود:مستحيل اروح واتركك وانت في ذي الحاله
نواف:والشركة..هذا اهم عقد توقعه
ريما:طيب مايرسلون الورقة بالفاكس؟
العم سعود:طلبت منهم..بس رفضوا لازم اجي انا شخصياً لمقر الشركة
نواف:يبه روح وقع العقد..
العم سعود:وانت؟ماراح اتركك لحالك
نواف:يايبه مستقبل الشركة
العم سعود:والله ياولدي مدري بس ماراح اتركك لحالك..
ريما:عمي انا بجلس عند نواف
نواف طارت عيونه
العم سعود:شلون؟وطيارتك اليوم؟
ريما:معليش اجلس عندهـ وانت روح على نفس الطيارة الي اليوم الفجر لان مافيها زحمة حيل طيارة الفجر
نواف:بس ياريما
ريما قطعت كلامة:لابس ولاشي..انا ماوراي شي اجلس عند نواف وان شاء الله بكرى بالليل واحنا عندكم
العم سعود:كفو والله.عشتي يابنيتي حليتي لنا ازمة..انا بروح احجز لي تذكرة وعندي هنا زملاء ان شاء الله يساعدوني..يالله انا رايح فمان الله
نواف+ريما:الله معاك

نواف:مشكورة يالريم..والله مدري وش اقول يعني لساني عاجز عن الكلام
ريما:ولو يانواف كذا بتزعلني منك..اذا ماوقفت جنبك اللحين متى راح اوقف
نواف :ريما انا محتاجك
ريما:وان معاك يانواف..وماراح اتخلى عنك ان شاء الله
نواف:عسى الله مايحرمني منك
ريما ابتسمت له:ولا منك..

العم سعود حصل على مقعدة في طيارة الفجر..ريما اعتذرت من خوالها انها بتجلس عند نواف..واستئذنت من ابوها وهو افق وكبرت في عينه بعد موقفهـــــــــــا!!!

: : :

الساعة 5 الصبح نواف حس بألم فضيع ..ريما خافت عليه ونادت الدكتور ..دخل عليه الدكتور واعطاهـ ابرة ثانيه علشان ينوم ومايحس بالتعب قبل العملية..ريما مادخلت ابداً عليه..عورها قلبها..وحست انها يتموت لمن تشوفه يذي الحالة... كانت تبكي برى الروم حقت نواف..واقفة في الممر وتبكي من قلبها!

طلع الدكتور وشافها تبكي
الدكتور: انتي اخت نواف؟
ريما ارتبكت: لا
الدكتور:زوجته؟
ريما:ايه
الدكتور:ماشاء الله شكلك صغير..وش فيك تبكين؟
ريما:تكفى يادكتور وش صار على نواف؟وش سبب الألم؟
الدكتور:راح مفعول البنج..وانا اعطيته ابرة علشان ينام قبل موعد العملية وان شاء الله ماراح يحس بتعب
ريما:مشكور دكتور
الدكتور:بس لاتبكين مرة ثانيه
ريما:ان شاء الله..

راحــــــت ريما تشتري بوكيه ورد جوري طبعاً ..وبعدين دخلت الروم حقت نواف..أخذت قرآن وجلست على سريرة واخذت تقراء بصوت رائع وترتيل الآيات وبخشوع..

حست ان نواف بعد ماقرت عليه القرآن ارتاح كان واضح عليه وهو نايم ..نزلت من السرير وجلست بالكرسي كانت جنبه..تطالع فيه وتتأمله..مسكت يدهـ(وكانت أول مرة تمسك يدهـ فيها) ماحست بنفسها الا وهي نامت..

بعد مرور 3 ساعات
صحى نواف وشاف ريما الي كانت متمسكة في يدهـ ..وكيف كان شكلها وهي نايمة..حس برائتها وكيف تحبهـ...سحب يدهـ منها واخذ لها وسادة(مخدة) ورفع راسها واسندهـ عليها..ريما على طولت صحت
نواف:صباح الخيــــــــر
ريما بابتسامتها ذاب منها نواف:صباح النور..عساك نمت زين؟
نواف:الحمد لله..آسف شكلي صحيتك ارجعي نامي مانمتي شي!!
ريما:لا انا غفيت ماحسيت بنفسي
نواف:والله عارف اني تعبتك معاي
ريما:لاعاد ترى هذا الكلام يضايقني
نواف:ابشري يالغلا..
نواف:يالله ياريما ياني نمت لي نومة ولا اروع مدري ليش حسيت براحة وكأن شيء ثقيل وانزاح من صدري
ريما:الحمد لله..(كانت عارفة ان القرآن هو الي ريحه).
ريما:.الا على فكرة ترى عمي وصل
نواف:صدق متى؟
ريما: الساعة 6 ..اتصل علي وتطمن عليك وامك تسلم عليك
نواف:الحمد لله على سلامته..ياحياتي يامي فديت قلبها..
جلس يطالع في الورد
نواف:ياسلام وش ذا البوكية؟
ريما:ايه وانت نايم طلعت وجبت ورد يعطي جو للغرفة
نواف:ياسلام وبعد جوري..بس انا ماعجبتني
ريما متفاجأة:لييش؟
نواف:لاني وردتي عندي وتكفيني....وانتي احلى وردة شفتها بالدنيـــــــا كلها
ريما دنقت راسها..وقامت من مكانها
نواف:وين؟
ريما:بفتح الستارة لازم شعاع الشمس يدخل للغرفة وبعد نهوي الغرفة
نواف:حاضر..امرك يامدام ريما
ريما ابتسمت له

طق باب الغرفة..قامت ريما وفتحت الباب وكانت خالتها هند ولدها خالد..ريما لما شافتهم كانت مبسوطة ..ودخلتهم لغرفة نواف


ريما:نواف خالتي هند و ولدها خالد جوا يبون يتطمنون عليك
نواف:دخليهم..والله وفيهم الخير
هند+خالد:السلام عليكم..
نواف:وعليكم السلام
خالد:ماتشوف شر
نواف:الشر مايجيك ياخالد
هند:والله ان ريما خوفتنا عليك جلست تبكي وحالتها حالة..وربي اني كنت ميته من الخوف
نواف ابتسم لريما:ايه ريما قلبها حساس
خالد:ياعيني وش عليك ياريما نواف يمدحك
ريما ولعت من خالد:خالد مو وقت فلسفتك
هند:ابو طبيع مايجوز عن طبعه
ريما:ه والله انك صادقة
نواف:ه خلوهـ على راحته
هند:خالد يمة روح جيب الاغراض الي برى
ريما:اي اغراض خالتي؟
هند:انا عارفة ان فطور البيت غير فطور المستشفى..حبيت تذوق شغل يدي ياولدي يانواف يعني اشياء بسيطة..
نواف:مشكورة يام خالد..والله تعبتك معاي..امس قهوة واليوم فطور..كلفنا عليك
هند:وش دعوى يانواف..انت غالي علينا بغلاوة ريما
ريما:تسلمين لي ياخالتي
نواف:ماتقصرين يام خالد
خالد:عاد ريما هذي شيء كبير عند امي..!!صرت اغار منها
ريما:ياحظــــــي والله..وانت خالد مافيه احد ماتغار منه
نواف: انتم كذا على طول
هند:ماشفت شي يانواف خالد ملقوف وريما دلوعه
نواف:ايه اكيد ريما دلوعتـــــنا
ريما استحت من كلام نواف
هند:يالله ياخالد احنا نترخص والعصر ان شاء الله بنزروكم..اجر وعافيه يانواف
خالد:ماتشوف شر..يالله فمان الله..وانتي ريموة خفي على الولد اخبرك ملقوفة
ريما:اقول فارق عن وجهي بالله
خالد:ه تامرين امر ياحرم نواف
ريما كانت ميته من الفشيلة بعد ماقال خالد حرم نواف
نواف كان مبسوط ع الآخر ويقول (الله عليك ياخالد جبتها على الجرح) كان يطالع ريما ويضحك
ريما:يالله نواف وقت الفطور
نواف:مالي نفس
ريما:ياسلام مو عند ريما مالي نفس..قلت لك اللحين بتاكل يعني بتاكل
نواف:حاضر ياست ريما
طلعت ريما الفطور لنواف وصفته بترتيب ومدت له العصير
نواف:بس انا عندي مشكلة
ريما:وش المشكلة؟
نواف:ماعرف آكل
ريما: شلون يعني
نواف:يعني تعالي وكليني
ريما:لاوالله بزر (طفل) يعني؟
نواف بيقهرها:قلت لك ماعرف آكل ..تدرين شلون خلاص مابيه كله
ريما:لا والي يسلمك لازم تاكل حرام عليك..كذا تتعب زيادة
نواف:ومين يوكلني؟
ريما:امممممم انادي لك النيرس الي برى تأكلك
نواف:ياسلام انا متزوجك انتي ولا النيرس؟
ريما:
نواف:والله وتضحكين بعد.

ريما:ياعيني على الي معصبين..ولايهمك كم نواف عندي راح اوكلك بس ترى هذي آخر مرة علشانك مريض..
نواف ابتسم ابتسامة نصر
جلست ريما تأكله وهو مبسوط وحالته حالة..بعدين دق جوال نواف وكان فيصل يتطمن عليه..


الجزء الثامن عشر

: : :

من بكــــرى العصر
نواف:الريم صراحة تعودت عليك..وش يصبرني في الرياض؟
ريما:كل ماتبي شي اتصل علي!!
نواف:ارجع مثل اول..لا انا ابيك معاي على طول..
ريما ساكته وماتدري وش تقوله ريما(حتى انا يانواف وربي حبيتك اكثر من اول..ومدري كيف ابي اصبر..!!)

جت النيرس..تطلب ريما كان الدكتور يبغى يتكلم معاها..!ريما كانت خايفة لايكون اكتشف شيء جديد في حالة نواف..وعلى اعصابها ..تمشيء للعيادة ببطئ شديد وانامل يدها من الخوف كانت باردة..

دخلت ريما على الدكتور
ريما:السلام عليكم دكتور ناديتني؟
الدكتور:وعليكم السلام..ايه انتي زوجة نواف..حبيت اعطيك هذي الادوية ومتى مواعيدها..!!ولو سمحتي احرصي على انه مايسوي مجهود يتعبه..
ريما:طيب يادكتور متى يترك العربية؟
الدكتور:يمكن شهر كذا ..ولازم بعدها يشترك بنادي صحي..يعني يسوي له تدليك ومساج علشان يستعد لياقته البدنيه
ريما:ان شاء الله يادكتور..والله يجزاك خير ..مشكور
الدكتور:لا ماسوينا شي هذا واجبنا

ريما طلعت من العيادة وراحت واشترت الادوية الي صرفها الدكتور لنواف واخذتها معاها..
دخلت على نواف وقالت له وش يبي منها الدكتور..وبعدين رتبت شنطة ملابسه...وجهزت حالها علشان يروحون للمطار..

جاء خالد ولد خالتها هند واخذهم للمطار ودعهم...ركبـــــوا الطيارة وجلسوا ريما ونواف بمقاعد جنب بعض..

ريما:مين بيستقبلنا بالمطار؟
نواف:والله مدري يالريم.بس انا قلت لأبوي ومحمد
ريما:ياسلام ..وانا..؟
نواف:ليش وش فيك انتي؟
ريما:مين بيوديني لبيتنا؟ابوي ماقلت له!!
نواف:يامدام ترى انتي زوجتي يعني محد بيوديك غيري فاهمة
ريما تمنت لو ماسألت هالسؤال سببت احراج لنفسهــــــــا!!

وصلــــــــــوا للمطار وكان في استقبالهــــــم ابو نواف وأبو ريما وفيصل ومحمد...طبعاً نواف وريما آخر من نزل في الطيارة علشان نواف مايقدر يمشي ولازم في عربة..طبعاً نزلوهـم في لفت خاص..

وأول ماوصلوا المطار كانت ريما تدف عربة نواف..أشكالهم رايقة ..لايقين لبعض واضح عليهم الانسجام..وهذا الشيء طمن قلب ابو نواف وابو ريما..

ريما أول ماشافت ابوها راحت تركض ..وحضنته بقوة ونزلت دموعها ..كان منظرهم يكسر الخاطر..ابوها مبين عليه كيف كان مبسوط برجعة حبيبته وبنته الريــــــم..وريما كيف كانت مشتاقة لأبوها وكيف ضمته ..نواف كان يطالع فيهم وشاف كيف احترام ريما لأبوها..ومحبة ابوها لها..!!


ابو نواف:ياحي الله من جاء..حمد لله على سلامتك وانا ابوك..
نواف:الله يسلمك يالغالي
ابونواف:الحمد لله على السلامة يابنيتي ياريما
ريما:الله يسلمك عمي
ابو ريما:الحمد لله على سلامتك نواف..تو مانورت الرياض
نواف:الله يسلمك ياعمي..ومنورهـ بوجودكم..

نواف لف العربية وكان فيصل ومحمد واقفين مع بعض ينتظرون متى ينتهي نواف من السلام على ابوهـ وعمه علشان ياخذون نصيبهم منهــ....

محمد جاءبسرعة ونزل لعربية نواف وضمة حيل..وباس راسه
محمد:الف الحمد لله على السلامة
نواف:الله يسلمك
محمد:نواف والله فقدتك..والله لايحرمني منك
نواف:ولامنك..اشوى يعني سفرتي علمتني كيف قدري عندك
محمد:ولو يابو سعود غالي ..ياني مشتاق لك يالله ع البيت عندي لك سواليف وخرابيط ابي اقولها لك
نواف:ه الله يعيني عليك

فيصل:يامحمد خلاص جاء دوري اقلب يور فيس
محمد:اخــــــس ع الثقافة
فيصل:هلا وغلا بابو سعود..الحمد لله على السلامة..
نواف:هلا والله بابونايف الله يسلمك
فيصل:شخبارك..وشخبار رجللك؟
نواف:لا الحمد احسن من اول
فيصل:الحمد لله..تصدق يانواف اشتقنا لك
نواف: وش فيكم كل ماشفت واحد قال اشتقنا لك..كلها يومين الي غبتها عنكم..بس اشوى والله اثاريكم فقدتوني حيل..
فيصل:يوووة اللحين ينغر علينا سعادة المهندس...ويكبر راسه
نواف: حرام عليك

محمد:الحمد لله على السلامة ريما
ريما:الله يسلمك
فيصل:الحمد لله على السلامة..نورتوا الرياض
ريما:الله يسلمك ..منورة بوجودكم

نواف سهى وجلس يطالع ريما ويشوف كيف مبسوطةأول ماشافت ابوها...كأنه بعالم ثاني
فيصل:نواف يالحبيب وين رحت
محمد همس لنواف:شكلك صاير روميو زمانك
فيصل:ه..ايه شف كيف عيونه على المدام ..ياهوة ترى ماهيب طايرة
نواف:ياربي وش جابني عندكم..مامداني وش حليلي جالس معاها ومبسوط..اللحين ابي اقابل وجيهكم الله يعيني ويصبرني
محمد:افا والله الشر مو عليك الشر علينا احنا الي فقدناك ومشتاقين لك
فيصل:نوافوه يادب لاتصدق الكلام الي من ساع قلت لك ترى ..هذا كلام مجاملة ينقال لأي واحد توهـ راجع من السفر
نواف: انا اقول وش عندهم صايرين ذوق الشباب ومنقلبين وهالاحترام..بس ابو طبيع مايجوز عن طبعه انت وياهـ

ريما:يالله ياني ولهانه عليكم وعلى امي..والبنات
ابو ريما: حتى امك كل شوي تطالع في الساعة اللحين تجي ريما
ابونواف:ايه ترى كلهم مجتمعين عندنا في البيت
ريما:صدق..ايه احسن والله مشتاقة لهم

ابو نواف:يالله مشيــــــنا
نواف جلس يطالع بريما ..ريما فهمت من نظراته انه يبيها تدف العربيه..بس ريما استحت قدام ابوها وعمها والعيال انها تدفه.. طبعـــــاً الي دفه فيصل
نواف:هذا وقتك ياخي ابي حرمتي هي الي تدفني
فيصل:احمد ربك اني انا شخصياً الي راح يدفك..وبعدين استحي انت وجهك
محمد:تصدق انك ماتنعطى وج..عيب ياخ
نواف:آهـ آخر زمن نسمع النصايح من محمد وفيصل..ه
محمد وفيصل:نعم نعم..
فيصل ترك نواف ومشى وخلاهـ..ومحمد بعد ..نواف يناديهم ولاحياة لمن تنادي ..جلس يدف نفسه..وهم ماشين وبسرعة علشان يضيع عنهم وبما ان المطار كبير..مايعرف على اي بوابة جايين
نواف اخذ جواله واتصل على ابوهـ الي كان راكب في السيارة هو وابو ريما وريما ينتظرونه..

ابو نواف جلس يضحك بعد ماكلمة ..
ابو ريما:وش فيه نواف؟
ابونواف:تعرف العيال محمد وفيصل تركوهـ لحاله بالمطار
ريما:ليييييييش.؟
ابونواف:تهاوش معهم
ابوريما:ه
ريما:اجل انا بروح اجيبه دقايق ان شاء الله واجي
ابونواف:عشتي يابنتي

بعدمانزلت ريما
ابونواف:ونعم التربية يابو ريما..فعلاً بنتك طيب واخلاق..
ابو ريما:ماعليك زود يابونواف..وبنتي هي بنتك
ابونواف:الحمد لله الي صارت من نصيب ولدي نواف..والله مانساها يوم قالت لي روح وانا ابي اجلس عند نواف..كبرت بعيني وحسيت بالفخر والله..يعني رافعة روسنا باخلاقها وتعليمها الله يحفظةها ويحرسها..
ابوريما:آميـــــــــــــــن...,,,وبنتنا لولدنــــــــا هذا الي تمنيته يابو نواف
ابو نواف:اي والله..والحمد لله على كل حال.,,

راحت ريما..ومحمد وفيصل كانواف واقفين عند البوابة حقت المطار..شافوا ريما وهي تروح تجيب نواف.وقفوا عند البوابه علشان يتريقون على نواف...

ريما شافت نواف وراحت لعندهـ
نواف:ياهلا وغلا بالغالية..شفتي النصابين وش سوو فيني
ريما: بس اكيد قلت لهم شي..والله حرام
نواف:لا والله بس هم مهبل ..وانا اعقل منهم وتعرفين الواحد مايمشي مع مجانين
ريما: ..شكلهم من كلامك عليهم تركوك
نواف:خليهم ..وش عليك منهم دامك معاي والله ولا واحد راح يهمني
ريما:يااستاذ ترى ابوي وعمي برى ينتظروننا
نواف:افا يالله اجل خلينا نروح لهم

ريما دفت عربيه نواف ويوم وصلوا عند البوابه الا ذا فيصل ومحمد
فيصل: ياعيني يامستر نواف ..تصدق أول مرة اشوفك كذا رومنسي
محمد:
نواف:بسم الله الرحمن الرحيم..انتم وش جابكم..هامكم رايحين للبيت
محمد:لا بس قلنا نشوف رومنسيتك..تصدق تصلح تسوي افلام في هوليوود
نواف:اقول فكنا
فيصل:انا اقول نواف وش عندهـ يسمعنا من هالكلام الي يرفع الضغط..طلع طابخها يبي ريما تمشي العربيه
محمد:والله وطلعت يانواف منتب قليل ..
نواف:انتم وش فيكم علي..يووووهـ عاد اللحين نروح لعبدالرحمن وتكمل بعد
فيصل:ياليته معنا كان يشوف نواف الرومنسي ه
محمد:ه اسمع ترى بعد ماطلع رومانسيته الزايدهـ مستحي من الناس
نواف:وش رايك ياريما وانتي تقولين لي حرام الي تسويه فيهم..آمانه مايستاهلون
محمد:افا مرت اخوي تمدحنا..
فيصل:والله ياريما ترى احنا بريئين بس نواف صاير مايطيق شوفتنا ماندري وش فيه
محمد:بعد ماتدري وش فيه..توهـ جاي من الشرقيه (غمز لنواف)
ريما كانت ميته من الضحك على هوشتهم..وتتذكر البزارين اذا تهاوشوا
نواف:بالله ريما انتي مع مين..مايرفعون الضغط؟
ريما:ان جيت للصراحة.مالومك فيهم..سوي الي يريحك يانواف
نواف:بعــــــــدي والله يالريم
محمد:عاد انت بالله تبيها تصير بصفنا وزوجها بالصف الثاني
فيصل:اي والله..آهـ بس على هالنواف انا اوريه الشغل بس موباللحين بعدين
ريما:
نواف:

رن جوال ريما وطلع ابوها..ويقولها تجي بسرعة هي ونواف..لانهم ينتظرونهم بالسيارة..محمد وفيصل راحوا على السيارة الثانية سيارة فيصل..


نواف:فشلة تركناهم..
ريما:اي والله
نواف:كله من الثنائي المرح
ريما:

ركبوا السيارة..
ابوريما:وينكم فيه تأخرتوا؟
نواف:والله ياعمي محمد وفيصل نشبوا في حلقنا ويالله افتكينا منهم
ابونواف:ايه وانت الصادق محمد فيه عز الله انه ينشب في الحلق
ابوريما:
ريما:
نواف:يبه شلون امي؟والله لها وحشة
ابونواف:يالله من الظهر وهي تبي ترسلين للمطار علشان استقبلك..وكل شوي روح جيبهم روح جيبهم..دوختني
ابوريما:لاتلومها يابو نواف..متاقة لولدها..وتبي تطمن عليه..وبعدين عندنا وعندكم خير ..هذي سلمى كل شوي متى تجي ريما تأخرت ريما
نواف:الله يخليهم لنا
ريما:آمين..

: : :
وصلــــــوا لبيت ابو نواف..وكان العم طلال وعبد الرحمن باستقابلهم..سلموا على نواف وريما ..وبعدين ريما راحت لقسم الحريم..أول مادخلت..وتصرخ هنوف
هنوف:ريما11111111111 جت
نوف قمزت من مكانها:احلفي
راحوا عندها وسلموا عليها...

ام عبد الرحمن:الحمد لله على السلامة ريما..شلون نواف عساهـ احسن
ريما:الله يسلمك خالتي..الحمد لله احسن بمراحل من اول

.وتجي ام ريما وتحضن ريما وتبوسها
ام ريما:الحمد لله على سلامتك ريوم..
ريما:الله يسلمك يالغالية
ام ريما:والله هذي الايام مدري كيف عدت علي انا وابوك..البيت بدونك ماله طعم
ريما:عساني مانحرم منك ..وسحبت يد امها وباستها

العمة نورة:الحمد لله على سلامتكم
ريما:الله يسلمك عمتي..
العمة نورة:شلونه نواف اللحين؟
ريما:والله اشوى الحمد لله
العمة نورة:انا بروح اشوفة
ام نواف:ياهلا وغلا بريما..الحمد لله على السلامة
ريما:هلا خالتي الله يسلمك
ام نواف:وين نواف ؟
ريما:عند رجال..خالتي روحي له..ترى مشتاق لك بالحيل
ام نواف:آهــ والله حتى انا ..وراحت ركض لقسم الرجال واخذت معاها الجلال ونادت نواف بالصالة وطلع لها وجلست تحضنة..وتبوسه وتسمي عليه..وهي تكبي بحرارة اول ماشاقته على الكرسي المتحرك..ونواف يهيدها ويسكتها11111111 هو وعمته نورة,...

ريما جلست مع البنات
الهنوف:ريما نعنبو بليسك ..فقدناك
نوف:اي والله الاسبوع هذا كنه شهر مو شهر الا سنة
ريما:ياحظي والله..توي اعرف اني غالية
نوف:افا ياريوم توك تعرفين
ريما: لا امزح انا عارفة من زمان بس اتدلع عليك
هنوف:هاه وش اخبار السفرة؟
ريما:الحمد لله انبسطنا كثير..ولاسيما ان عملية نواف نجحت
نوف:ايه صح الحمد لله على سلامته
ريما:الله يسلمك
هنوف:فا11111111تك خالتي ام نواف والحريم بس يمدحون فيك..وحالتهم حالة ومافي بلسانهم غير سيرتك وموقفك انك بتجلسين بدل خالي عند نواف
نوف:الا تعالي كيف جتك الجرآءة تجلسن عندهـ مرافق,,,اخبرك تستحين من ظلك؟
ريما:مدري حتى انا تفاجائت من نفسي ..بس حسيت ان نواف محتاجين..وان بيدي اساعدهم ..فاليش ماساعدهم..
هنوف:والله خطيرة ياريوم..صرتي تفكيرين تفكير حريم
ريما: ليش وش قالوا لك اول تفكيري تفكير بزران
هنوف:تقريباً ه
ريما:اخذت شنتطتها وضربت ظهر هنوف
هنوف:آي ظهري ه
ريما:تستاهلين
نوف: الحمد لله والشكر مهبل انتم..!!!

ام نواف جت وباست راس ريما..ريما استحت وجا صار لونه احمر من الحيا
ام نواف:والله ياريما مدري كيف اشكرك..الله يوفقك يابنيتي..والله انك مرهـ وتعبناك معانا رايحة تنبسطين وتعبناك..سامحينا وانا امك..غثيناك
ريما:لاياخالتي لاتقولين هالكلام..انا ماسويت شيء..وبعدين هذا واجبي اذ ماوقفت معكم اللحين متى راح اوقف..
ام نواف:الله يسعدك مثل ماسعدتينا

جلسوا يسولفون البنات..وبعد العشاء..راحوا وجلسوا بالصالة

ريما:اللحين موعد دواء نواف..هذا الكيس معاي
ام ريما:روحي اعطيه الدواء
ام نواف:الله يجزاك خير يايمة ياريما...

ريما اتصلت عليه وقالت له يطلع لها..نواف طلع
نواف:هلا بك..اشتقت لك
ريما ابتسمت له:يالله موعد العلاج
نواف:مانسيتيه..
ريما:شلون انساهـ تراني حريصة عليه..لان الدكتور وصاني
نواف: ياليت لو كل يوم تجين وتعطيني اياهـ
ريما:وبعدين معاك نواف..
نواف حط يدهـ على فمة:خلاص وفمي وسكرته..بس لاتزعلين علينا
ريما تضحك عليه..
اعطته الدواء وعلمته متى مواعيدها..
ريما:تبي شي انا بروح
نواف:لا سلامتك وماقصرتي
ريما:الله يسلمك..ترى راح ازعجك كل يوم بتص ابي اتطمن وش صار عليك
نواف:ياحلاته من ازعاج والله
ريما استحت..وراحت للحريـــــــــــم...

وجلسوا سوالف هنوف ونوف وريما ماسكتوا ولادقيقة..<سوالف بنات اكيد

وبعد ماجت الساعة 12 بالليل الكل راح لبيته..ريما اول ماوصلت لبيتها..راحت لغرفتها وامها كانت مرتبتها ومبخرتها111..ريما(ياحياتي ياامي تعبتها..)اخذت شاور دافيء وبعدين حطت راسها ونامت ..غطت في سابع نومــــــــــــــه

: : :

ريما صحت من النوم ...وطالعت جوالها وكانت فيه 8 مكالمات خافت لايكون صاير شيء..وطلعت6مكالمات من ندى و2 من الهنوف

اتصلت على ندى..
ريما:الو ندى وش فيكم؟
ندى: مافينا شيء..اول شيء سلمي
ريما: ياختي صحيت وطالعت في جوالي 6 مكالمات يعني وش تبيني اسوي
ندى:حمد لله على السلامة
ريما:الله يسلمك
ندى:شخبار زوجك
ريما:ه ياكبرها ذي زوجي..بخير
ندى:الحمد لله..ريوم وش عندك الليلة؟
ريما:no Thing
ندى:كويس..طيب تعالي
ريما:افكر
ندى:ياكرهك اذا جيتي تفلسفين
ريما: رفعت ضغطك صح؟
ندى:طالع اسئلتها الحمد لله والشكر
ريما:ندوش وش فيك معصبة
ندى:انا ندى اعصب من ذي الاشكال
ريما: وهالاشكال ليش ازعجتيهم وجننتيهم علشان يجونك؟
ندى:اقول تبين تجين ولا لا؟
ريما:فاهمني ولا لا ؟ اشتقالك لا لا ؟لكني ميت فيك فاهمني ولا لا
ندى:لا البنت مو صاحية..وش سوى فيك ولد عمك
ريما:فديـــــــته ماسوى لي اي شي
ندى:ترى امك بتجينا الليلة ولازم تجين
ريما:ابشري يامس ندوش
ندى:زين حصلت هالموافقة..والله لو ابي اخطبك
ريما:سووري انا مخطوبة لولد عمي
ندى: عز الله البنت استخفت..ريوم اثقلي ترى وراك ثانوية عامة
ريما:الله يقرفك اللحين انا مبسوطة وفالتها وتذكريني بالهم والشقاء

ندى:ياعيني هم وشقاء تصلح قصيدة
ريما:..يالله بنزل امي تنادينياشوفك الليله ان شاء الله.. باي
ندى:باي


كانت هنوف متصلة وتبي ريما تجيهم...بس اعتذرت منها وقالت لها يوم ثاني...نزلت ريما عند امها وابوها وجلست عندهم وجلست تسولف لهم بالتفصيل الممل..وش كانوا يسوون في ..ويوم العيد الحفلة الي سوتها خالتها هند..والكورنيش..وعزيمة ام ماجد..وفي المجمعات....ماتركت شي ماقالته... واعطتهم الهدايا الي جايبتها
ابو ريما:ليش مكلفة على نفسك..انا اعطيتك الفلوس علشان تنبسطين وتشترين الي في خاطرك
ريما:ولو يايبه هذي اشياء بسيطة.. والله تستاهلون اكثر
ام ريما:تسلمين ياحياتي عقبال ماتجيبن لنا هدايا زواجك وانتي جايه من شهر العسل
ريما انحرجت..وتبي تقلب الموضوع

ريما:يمة بتروحين الليله لخوالي؟
ام ريما:ايه جدتك مشتاقة لك ..
ريما:عدك علي يايمة والله ولهانه عليها..
ام ريما:ترى بنروح لهم العصر
ريما:اوكي

راحت ام ريما وريما لبيت الجدة هياء..وانبسطت لما شافت ريما وجلست تبوسها
ندى:يمة يوم رجعت من السفر ماسويت كذا..وش معني هالغثة الي فرحتي برجعتها؟
ريما:يالله ياغيرتك..وبعدين هي تدري بعد اني مشتاقة لها..القلوب شواهد... يمة هياء شخبارك؟والله وحشتني
الجدة هياء:الله يسلمك ..انتي شخبارك...عساكم انبستطوا؟
ريما:ايه الحمد لله مع ندى وهيفاء اكيد ابي انبسط
ندى:علشان تعرفين انك ماتنبسطين الا معاي
ريما:لا ترى امزح بس مع هيفاء انبسطت
ام ريما: ياحبكم للمناقر والمهاوش
ندى:ايه انا مانبسط غير ماشوف ريما مقهورة
ريما:من قالك اني انقهر منك ياخالتي الموقرة
الجدة هياء:وش اخبار نواف وشلون رجله اللحين
ريما:لا الحمد لله اشوى من اول
الجدة هياء:الحمد لله

جلســــــــــوا مع بعض في الصالة..تركي طالع مع اصدقائة..
ندى:ريما تعالي فوق لغرفتي ابي اوريك عبايتي
ريما:صدق طلعت
ندى:يالله يابردك تعالي..يعني لو ماطلعت ماراح اوريك اياها يالذكية
ريما:طيب يالله

قاموا البنات
ام ريما:وين تبون؟
ريما:فوق لغرفة ندى..بشوف عبايتها الي مفصلتها تقول انها طلعت
ام ريما:صدق ندى متى طلعت
ندى:قبل يومين
ام ريما:وشلون خياطها زين؟
ندى:ايه والله روعة

ام ريما:وانتي نازلة جيبها معاك ابي اشوفها..اذا اعجبتني باروح افصل عند نفس المحل
ندى:ابشري

صعــــــدوا للغرفة ندى..وجلست توريها العباية..كان شكلها حلو وناعم..
ريما:يا1111111ي روعة ندى..صدقك انك ذويقة
ندى:ايه علشان تعرفين انه مو بس انتي الي عندك ذوق..واالناس ماخذين في ذوقك مقلب
ريما:نعم ..اقول انتي اذا مدحناك ابتلشنا فيك..وان سبيناك ماسلمنا من لسانك..

ندى:ه والله اني كايدتكم
ريما: ايه هين ..بالحيل كايدتنا
ندى:
ريما:وش صار على صديق خالي تركي ماجد؟
ندى ارتبكت:ليش وش صار ؟
ريما:بسم الله عليك ..بس اسئلك ماتكلم عنه..يعني زل لسانه
ندى وهي تتنهد:آهـ لا ابد ماجب طاريه
ريما:هاه ندوش اشوف القلب هاليومين في الشرقية ناسيته..ماجاء معك للرياض
ندى:ياسخفك
ريما:حطي عينك بعيني اشوف
ندى:ه
ريما:اقول حطي عينك بعيني
ندى باستخفاف:هاه حطيت عيني
ريما:اقسم بالله انك تحبينه
ندى:لاتحلفيــــــن
ريما: والله ثم والله
ندى جلست على سريرها
ريما:ندوش وش فيك؟لايكون زعلتي من كلامي؟بس اعرفك ماتزعلين
ندى:لا مو زعلانه..بس
ريما:ايه وش بعد هالـــــــ بس
ندى: انا ياريما اذا سمعت طاري ماجد مدري ليش احس باحساس غريب تجاهـ يمكن حب..يمكن اعجاب.. بس احاول ابعد نفسي عن الاوهام هذي
ريما:ليش؟
ندى:اللحين اربط نفسي في انسان يمكن مافكر فيني..انا اذا حبيت شخص احبه بكل مافيني يعني اقدم حبي للانسان الي شاريني....ماحب اي شخص كذا..
ريما:بس نظرات امه ذاك اليوم..واضح انك اعجبتيها..وشفتيها بس تمدح بماجد قدامك قال ماجد وسوى ماجد
ندى:اكيد ولدهــــــــا الوحيد
ريما: ندى انتي بنت طيبه وتستاهلين كل خير..وانا اتوقع ان ماجد بيكون من نصيبك
ندى:ه اقول فكينا من هالموضوع..وخلينا ننزل لسلمى اوريها عباتي بس..

ريما استغربت ندى ليش بتفتك من الموضوع معقولة تحب ماجد..آخر ماكنت اتوقع ندى تحب..بس ليش هي مو انسانة لها عواطف ومشاعر..بس احنا ماخذين انها ندى المصرقعة الي دايماً ابتسامتها ماتفارق وجا..الله يوفقك ياندوووش

نزلوا البنات وجلسوا عند التلفزيون..
ريما:يا11111ي اتركي روتانا خليجية
ندى:ياربي قصايد من ذهب..
ريما:ايه ياسر التويجري ياسلام عليه..اسمعي هالقصيدة خطيرة
ندى:ه اقول اقلبي وجهك ابي شيء يونسني يعني يرقص
ريما:بس شوي هاللحين تخلص القصيدة
ندى:ياربي رحمتك..
ريما:ايه اللحين ابو نورة
ندى:ايه هذا الطرب الاصيل قومي خلينا نرقص الاغنيه تهبل
اغنيه محمد عبدهـ (رحت يم الطبيب..الي يداوي الجروحي..قال جرح المودة..مالقينا له دواء......

بعدين رجعت للبيت ريما وامها..وجلست سواليف هي وامها..
ريما:ياربي بعد بكرى مدرسة
ام ريما:يابنت الحلال..كلنا بالهواء سواء انا مثلك بعد بكرى دوام
ريما:لا سب انتي مديرة وتوجهين اومراك للناس..وانا طالبه ويأمر علي
ام ريما:بلا دلع بعد بكرى يعني بعد بكرى مالك مفر منها
ريما:ايه هذي المشكلــــــــــــــة
ام ريما:وش مشكلته ..يانك تسوين من الحبه قبه ...انا بقوم انام....وانتي ماودك تنامين؟
ريما:الا يالله تصبحين على خير
ام ريما:وانتي من اهله

صعدت ريما لغرفتها..وجلست على النت ماجاها نوم..

تذكرت نواف..وقمزت من على الكرسي..وراحت واخذت جوالها تتصل عليه وتطمن عنه..
ريما:الوو..هلا نواف
نواف:هلا والله وغلا ومسهلا
ريما: يسلمووو..شخبارك.؟
نواف:تمام..دامني سمعت صوتك..
ريما:وشلون رجلك ؟
نواف:لا الحمد لله بس اذا حركتها تعورني يعني عادي
ريما:الحمد لله..ايه وعلاجك عساك اخذته
نواف بيرفع ضغطها: يوووهـ نسيته تصدقين مابعد يوم تعطيني اياه ذاك اليوم..
ريما بعصبية:وش تقوووووووووول؟
نواف ماقدر يمسك نفسك:
ريما:وش فيك
نواف:لا امزح عليك..ليش عصبتي؟
ريما:اكيد بعصب يعني ماخذت الدواء وتبغيني ماعصب
نواف:ياحياتي والله..يعني حريصة علي؟
ريما: نواف الوقت تأخر قوم نام
نواف:مانيب نايم الالمن تقولين لي
ريما نست:وش اقولك؟
نواف:ياسلام نسيتي؟طيب انتي حريصة علي؟
ريما: يالله منك
نواف:
ريما:ماشاء الله عساها دوم هالضحكة
نواف:تسلمين لي ياذوق
ريما:يالله تصبح على خير
نواف:استني ريوم
ريما:هلا بغيت شي؟
نواف:انتي حريصة علي
ريما:اكيــــــد حريصة عليك مثل ماني حريصة على نفسي
نواف:ويلومني في حبك فيصل
ريما:ه هذا فيصل يبي له هوشه محترمه
نواف:اذا كانت الهوشه منك يازينها
ريما:مستر نواف المفروض تنام..يالله تصبح على خير
نواف وهو مبسوط:وانتي من اهل الخير..

: : :

محمد طق الباب على نواف وكان منسجم مع اغنية راشد (من يقول اني لغيرك..انا لك ماني لغيرك..انا متعلق مصيري..ياحبيبي في مصيرك......)

محمد:ماشاء الله على الاخ..مبسوط وفالها..شكلك مكلم ريما؟
نواف:صح.وش عرفك
محمد:لاننا مانشوف هالابتسامة الا بعد مكالماتك لريما..
نواف:ايه يعني تبيني اصير مبسوط اذا سمعت صوت فيصل..
محمد: طيب راح افتن عليك واقول لفيصل
نواف:لا ناقصينه بعد...
محمد:ياعيني وانتم ماتستحون تكلمون بعض انصاف الليالي
نواف:آهـ انت وش عرفك بمكالمات آخر الليل هذا حال العاشقين
محمد:احلى اكتبها قصيدة
نواف:تصدق تصلح
محمد:يارب ثبت لي عقلي..ولا بعد من يقول مشغل
نواف:ايه اكيد من يقول اني لغير ريما؟
محمد:الله يهني سعيد بسعيدة..ياروميو زمانك
نواف: وش عندك مانمت؟
محمد:ايه ذكرتني بالموضوع الي انا جايك علشانه
قام محمد وسكر باب غرفة نواف..وسكر المسجل..
نواف:شكل الموضوع جدي
محمد:تخبر يوم قلت لك بالعيد اني راح اتكلم معاك بموضوع بس كل شيء في وقته حلو
نواف:ايه يوم تشوووف بعض الناس<غمز له
محمد وهو يضحك:ايه عليك نور..واللحين جاء الوقت الي ابي اصارحك فيه
نواف:ســـــم تكلم
قام محمد وجلس على السرير عند راس نواف..
محمد:نواف انا احب نوف بنت عمي طلال
نواف:والله كان واضح عليك
محمد:صدق..شلون؟
نواف:اذا شفتها اختبصت وحالتك حالة
محمد:تصدق مالاحظت
نواف:اكيد ماراح تلاحظ..انت وين والناس وين
محمد:..

محمد:ابي اعرف مشاعرها اتجاهي توقع تحبني؟
نواف:ليش هي ماقالت لك شي...
محمد:لا
نواف:طيب اسئل عبدالرحمن علاقتك معاهـ قوية
محمد:يالذكي..عبدالرحمن مايدري عن الموضوع..وبعدين بالله عليك فيه اخت بتصارح اخوها كذا..يعني الاسرار هذي بتكون بين البنات
نواف:لقيتها..ريما
محمد:شلون؟
نواف:اقولها تجس نبض نوف ..ومشاعرها هي تحبك أو لا؟تعرف ريما مرتبطة بهنوف ونوف..
محمد: يعني بتقولها اني احب نوف؟
نواف:هي تدري من زمان
محمد قمز:كيف تدري؟
نواف:تقولي دايماً انها ملاحظة محمد اذا شاف نوف تخربط.وارتبك.ونوف كذا
محمد:طيب قولها..بس لاتجيب طاري لنوف..اوكي؟؟
نواف:تامر آمر كم حموّد عندنا؟
محمد:بعدي ياخوي..يالله اجل تصبح على خير..
نواف:وانت من اهله..

: : :

مشكوررررة نور يعطيج العافيه

ولاتتأخرين علينا ببقية القصة

الجزء التاسع عشر
: : :

محمد وعبدالرحمن في السيارة طالعين يتمشون..
عبدالرحمن: وش آخر اخبار الهلال؟
محمد:ماشاء الله الزعيم اخذ البطولات كلها..ماترك ولابطولة للناس
عبدالرحمن:اي والله ..ياخي شجع الزعيم وارتاح...!!
محمد:اسمع الأربعاء مبارتنا ضد الاهلي..على كاس ولي العهد..ترى الشباب متحمسين لها..وراح نسوي مسيـــــرة اذا فاز الزعيم
عبدالرحمن:ايه انا واصدقائي ماعندنا سالفة غير هالمباراة..واذا على المسيـــــرة شكل شباب الرياض كلهم بيمشون للمسيرة
محمد:افا1111 عليك الى الفجر واحنا محتفلين,مو بس شباب الرياض انا اعرف شباب من برى المملكة وربي جايين للرياض علشان المباارة..وغير الشباب الي في مناطق المملكة المختلفة..
عبدالرحمن:ياسلام والله..
محمد:اقول خلينا نروح لبيتنا فيصل عند نواف ..نروح لهم
عبدالرحمن:يالله نسلم على نواف من زمان عنه...


دخلــــــــوا الشباب على نواف وفيصل..جلسوا سواليف مع بعض
عبدالرحمن:هاه ابو سعود شخبار رجلك
نواف:لا ان شاء الله الدكتور راح يشوفها بكرى وان شاء الله بترك العربية
فيصل:زين والله..اشتقنا لك ياخي اطلع وشوف الشباب حالفين اذا قمت بالسلامة يسون لك عشاء كبير
نواف:والله حتى انا مشتاق لهم وللعب
محمد:انت ماتبت ياخي اترك الكورة
نواف:حب الكورة يسري بدمي
فيصل:الا على طاري الكورة ..الذيب يلعب في المباراة الجاية
نواف:كيف مايلعب هذا الســــــامي
عبدالرحمن:والله سامي الجابر اسطورة الملاعب ..
نواف:توك تدري
فيصل:ه
عبدالرحمن: ايه توني ادري
محمد:بس ترى الأهلي مو بسهل
فيصل:قال مب سهل..يابابا ترى الي راح يلعب ضد الاهلي الزعيم تعرف وش معنى الزعيم
عبدالرحمن:محال محال قولوا محال مافيه زعيم غير الهلال اووة اووووة اووة بتحبو مين؟
فيصل+نواف+محمد:هـــــــــــــــلال
عبدالرحمن:حبايبكــــــم مين؟
فيصل+نواف+محمد:هـــــــــــلال
عبدالرحمن:والله اني روعة..اصلح اغني في المدرجات
فيصل:ايه ماشاء الله لايسمعك محمد عبدة يعتزل
عبدالرحمن:عاد انت وجهك يافيصل وش يعجبك الله يخلف..
نواف:والله انك صادق مايعجبة العجب ولا الصيام برجب..
فيصل:كني اسمع احد يحش فيني وش رايك محمد.؟
محمد:والله يمكن هنا فيه ناس ماتعرف منهو فيصل ابو نايف...
فيصل:وش اخبار ريما؟
نواف: تمام..تعال وش دخلك بريما؟
فيصل:بنت خالي وزوجة الغالي
نواف:ه ايه خلك كذا
فيصل:انا طول عمري كذا..بس فيه ناس مايقدرون
نواف:الله اكبر يافيصلوة..مين مايقدرك غيري
فيصل:لو سمحت..فيصل..مين ذا فيصلوة..ترى اذا تعديت حدودك لاتلوم الا نفسك
نواف:يعني وش بتسوي يالله؟
محمد:لا والله قوم طقه وانت اعطيه بوكس..هيه والله انكم بزارين
عبدالرحمن:انتم تفشلون..قال كبار قال
نواف:فيصل ماتلاحظ ان هالبزارين صاروا يتطالون على الرجاجيل
فيصل:اي والله احنا طول وعرض وشنبات..وثانوية عامة يتطنزون علينا
نواف:يالله انت وياهـ قوموا ذاكروا احسن لكم
عبدالرحمن:يعني طردة محترمة هذي
فيصل:سمها الي تبي..بس ورينا انت ومحمد عرض اكتافكم يالله
محمد:عبدالرحمن خلينا نقوم عن هالمهبل ذولا..يقولك من عاشر قوم اربعين يوماً صار منهم
نواف:اخس والله وصرت تقول حكم ياحمـّود
عبدالرحمن:يالله قوم وش نبي فيهم..
فيصل:يالله انت وياه برررررررررررررى
عبدالرحمن:ترى احنا قمنا برضانا مو علشانكم..والغرفة غرفة نواف
نواف:انا وفيصل واحد..الغرفة غرفته..ويستقبل الي يحبى له ويطرد الي يبيه
عبدالرحمن:يعني كذا انت وياه
فيصل:لقـــــط وجهك بس
محمد:عبدالرحمن خلينا نروح احسن من مقابل وجيم

طلعـــــــــوا عبدالرحمن ومحمد تحت بالحديقة..!!

في غرفة نواف..
نواف:وانت فيصل بعد يالله قم وسكر الباب وراك
فيصل:وش تقول؟
نواف:ه مثل ماسمعت.. فيني نوم
فيصل:يانك دب نوم ..ياخي ماتشبع
نواف:حرام عليك اذكر ربك..والله لو صار فيني ارق..وعجزت لاانوم..ياويلك مني
فيصل:لا اله الا الله..بعدين من قالك ان لي عين..انا عيني باردة
نواف شهق:اهـــــــــــــئ..انت مالك عين..اساساً انت معروف في العائلة ان لك عين
فيصل:كلنا لنا عيون..والي ماله عين اعمى صح ولا لا؟
نواف:ه..بس صدق عينك قوية
فيصل: ..والله حركات..تصدق راح اخلي العين سلاحي في وجه الاعداء مثلك
نواف:اللحين انا اعداء..شكلك تابع افلام كرتون مع اخوك عبودي
فيصل:ايه والله سبيس تون خطيرة
نواف:
فيصل:

في الحديقة محمد وعبدالرحمن جالسين يسولفون..
رن جوال عبدالرحمن..
عبدالرحمن:هلا نوف
محمد ابتسم
نوف:وينك؟امي وابوي يستنونك
عبدالرحمن:عند محمد
نوف:محمد!!
عبدالرحمن:ايه..ليش؟
نوف:لا ولا شيء..بس يعني ابوي معصب شوي يقول تعال ادرس وذاكر وراك ثانوية ياستاذ
عبدالرحمن:والله ان هالثانوية اذا خلصت راح اسوي لكم عشاء
نوف: اللحين تعال ..
عبدالرحمن:يالله جاي..
نوف:اجل..تشا1111و
عبدالرحمن:الحمد لله والشكر يالله تشاوو
: :
عبدالرحمن:يالله انا اترخص
محمد:وين تونى؟
عبدالرحمن:لا بس الوالد يبيني ارجع..واذاكر..النسبة وماادراك مالنسبة
محمد:الله يعين..وش ذي تشاو والله انك خطير ياعبيد
عبدالرحمن:لا بس اقلد هالخبلا نوف..اذا جت تسكر تقول تشاو
محمد:ه ياحليلها
عبدالرحمن:يالله ..اشوفك بكرى فمان الله
محمد:فمان الكريم

: : :
ريما شدت حيلها وتذاكر وتتعب..والهنوف مثلها بس على اقل اهتمام من ريما..اما نوف مرتاحة الكل ثانوية عامة الاهي ثاني ثانوي....

: : :

نواف راح للدكتور سوى له الفحوصات اللازمة..وصار يمشي بدون عربية او عكازات..وكل يوم يروح للنادي الصحي ..

: : :
ريـــــــــما اتصلت على البنات هنوف ونوف وندى علشان يجونها..عازمتهم بما ان بكرى مباراة الزعيم..ومسوية لهم سربرايز اذا فاز الهــــــــلال!!طبعاً البنات متحمسين ويدعون ان الهلال يفوز علشان السربرايز...

نواف اتصل على ريما..
نواف:مساء الخير والاحساس والطيبة مساء مايليق الا باحبابه
ريما: مساء النور
نواف:شخبار ريومتي
ريما:تمام..انت شخبارك؟وش قالك الدكتور؟
نواف: ياريما الدكتور قال لي خلاص ماتمشي الا بعربية لمدة سنتين
ريما:وش تقول..؟صادق؟
نواف:الي سمعتيه..وانا متضايق ..
ريما:يعني سنتين!!لا مو معقولة..نواف قول انك تمزح!!تكفى..تراني على اعصابي
نواف:لا امزح ابشرك تركتها..وصرت امشي طبيعي
ريما عصبت:طيب ليش تفاولت على نفسك..!!
نواف:خلاص الريم لاتزعلين حقك علي..
ريما:لا انا مو زعلانه بس خوفتني وربي احس اني رجولي ماعاد يشيلوني من الخوف
نواف:كل هذا علشاني ياحـــــــــظي!!
ريما:....ايه وش اخباركم متحمسين للمبارات بكرى؟
نواف:لا
ريما:شلون يعني!!ترى بكرى الهلال راح يلعب
نواف:عارف
ريما:اول مرة اشوفك مو متحمس..مع انها مباراة نهائية على كأس
نواف:لاني عارف ان البطولة بعون الله لنا!!الهلال اذا شاف الذهب مايسكت لازم يشيله
ريما:الله يسمع منك..تخيل عزمت البنات بكرى...هنوف وندى عصبوا يوم عرفوا ان بكرى مباراة الهلال..يقولون الله يعين عليك انتي ونوف
نواف: ليش مايحبون الكورة.؟
ريما:والله مجانين..يعني تخيل حتى الهلال عادي عندهم
نواف:ونوف؟
ريما:لا ياحياتي يابنت عمي..هلاليه مثلي..اتفقنا بكرى نلبس ملابس الهلال الsports
نواف:ياسلام عليكم..خلاص شكلي ماراح اروح للملعب..ابي اجي عندكم اتابع الكورة
ريما:ياسلام ومين بيسمح لك تجلس مع البنات
نواف:ياهوووووة تغارين..
ريما(ياربي انا وش قاعدة اقووول!!)
ريما:الذيب سامي راح يلعب؟
نواف:سامي مصدر قلقل لأي واحد يلعب ضدهـ..مدري وش راح اسوي اذا اعتزل
ريما:لا ان شاء الله ..تونى
نواف:ريما
ريما:سم
نواف:ابي اطلب منك خدمة ممكن؟
ريما: انت تآمر ..اذا قدرت ان شاء الله بسويها..
نواف:نوف تحب محمد؟
ريما:هاه..
نواف:وش فيك؟ اسئلك
ريما بذكاء:اذا سئلناها تتهرب وتحاول تصرف نفسها من الاجابة...وبعدين ايش هي الخدمة
نواف:محمد ياريما يحبهـــــــا!!
ريما:وانا اتوقع حتى هي تحبه بس مدري وش فيها1111؟
نواف:طيب حاولي تعرفين منها هي تحبه ولا لا؟ لان محمد صراحة يحبها ويبي يعرف وش مشاعرها تجا
ريما:شوف انا بتكلم معاها اذا جتنا...واحاول اشوف وش تقول..اوكي!
نواف:اوكي..وانا قلته مالها الا حريمها
ريما: شفت كيف مالها الا حريمها..
نواف:يالله حبيبتي انا استئذن فيصل ازعجني بسيارته ينتظرني بنروح انا وياها للشباب..ويتصل واسوي لي رفض
ريما: خلاص..بس اسمع اذا قالوا لك بنلعب كورة ..لاتوافق تكفى
نواف:والله علشانك ولا تعرفين الكورة بالنسبة لي ايش..بس علشانك ماراح العب
ريما:تسلم لي..يالله روح لفيصل..
نواف:ه يالله..مع السلامة
ريما:الله يسلمك..

: : :
في المدرســــــــة..ريما ورشاء كل سوالفيهم عن الهلال..!!والبنات طفشانات منهم..
ريما:ايه انا مسوية سربرايز للبنات اذا فاز الهلال
رشاء:والله لو يحبون السماء ماسوي لهم مفاجأت..انا واثقة ان شاء الله ان الهلال راح يفوز..ومابقى الا هي اسوي لخواتي مايستاهلون
ريما: ليش؟
رشاء:بس يهاوشوني وبعدين انا اتابع المباراة مع امي..ترى امي هلاليه
ريما:صدق؟اها ياحبي لها ..بوسي راسها وسلمي عليها..وخليها تدعي للهلال
رشاء:ابشري..لاتوصين حريص
اسماء:يالله انتم ماخلصتوا هذرة..يكفي كل يوم هلال هلال هلال ارحموني في البيت هلال في النت هلال في الجوال هلال في المدرسة هلال ذبحتوني
ريما:ايه شجعي الهلال وفكي عمرك
اسماء:انا هلاليه بس مو كذا..اقول حر قوموا نشرب لنا بارد
ريما:يالله
رشاء:قوموا للمقصف حق المدرسة عازمتكم على آيس كريم...بس على شرط الي لونه ازرق
اسماء:بعد حتى الآيس كريم..خلاص هونت مابيه
ريما:ايه انا ابي الايس كريم الازرق فديت الي عازمنا
رشاء:احم احم...لا تخلني عاد اعزمك على طيارتي الخاصة مو عاد على ايس كريم
اسماء:عشتوا..من وين لك طيارة خاصة
رشاء:ه اللحين بتمرني عند باب المدرسة واسافر
ريما تغني:لا تسافر قبل ماشوفك لو دقايق قبل الوداع
رشاء:
ريما:ه
اسماء:والله انكم رايقات احلى مافي اليوم انه اربعاء
ريما:لاتنسين مباراة الهلال لو سمحتي
اسماء:وبعد مباراة الهلال..لاتزعلون

: : :

ريما اول ماطلعت من المدرسة نامت....والعصر على الساعة 4 ونص صحتها امها من النوم..!!

(راح اقولكم مفـــاجأة ريما...)

طلبت من امها انها تروح مع البنات على مطعم محترم وتعزمهم على العشاء بمناسبة فوز الهلال..واتفقت مع عمتها نورة ان هنوف تنوم عندهم بس من غير ماتعرف هنوف ..وبعد مع ام نوف اتصلت عليها وطلبت ان نوف تنوم عندها بدون ماتعرف نوف أي شي عن النومه..واتصلت على جدتها هياء وطلبت منها ان ندوش تنوم عندها مع البنات بعد اتفقت معها على انها ماتخبر ندى بأي شيء في خصوص النوم...طبعاً الامهــات كلهم وافقــــوا على طلب ريما. بعد الحاح شديد من الريم...

بعد المغرب جوا البنات..
ريما لبست فانيلة الهلال..ولبست معاها بنطلون جينز برمودا ومع تحت كنه مثني..وصندل مسح ابيض وازرق.وساعة زرقاء..ومجعدهـ شعرها.ولفت شعرها ببكلة على شكل هلال...نوف لبست فانيلة الهلال مع بنطلون ابيض...!!

نوف جت اول شي نزلها عبدالرحمن وراح لدرة الملاعب(ملعب الملك فهد الدولي) علشان يروحون يحضرون المباراة
والهنوف راحت مع السواق<فيصل طنشها ..وندوش مع تركي
اول ماوصلت هنوف ونزلت من السيارة..كان تركي واقف ينّزل ندى..هنوف نزلت بسرعة وتركي اعجبته طولها ومشيتها..
تركي:مين هذي؟
ندى بكل مكر:مدري؟
تركي:شلون ماتدرين
ندى:انت وش دخلك ؟
تركي:اقول انزلي بس لاامشي واتركك
ندى: وهي نازلة سكرت الباب..بعدين طقت على نافذة سيارة تركي..
تركي فتحت النافذة
ندى وهي مبستمة:على فكرة البنت الي من شوي دخلت هنوف بنت عمت ريما..سلام
تركي ضحك..وحرك سيارتة وراح للملعب..!!

هنوف كانت بالحوش حق بيت ريما بتدخل للبيت..
ندى دخلت بسرعة
ندى:هنوف وقفي شوي
هنوف وقفت وضحكت لندى
هنوف:هلا وغلا بندوش شخبارك..اشتقت لك يالدبا
ندى: وانا اكثر انتي شخبارك؟
هنوف:الحمد لله
ندى:حزري من الي كان يسئل عنك؟
هنوف:مين؟
ندى:تركي..
هنوف:ه ليش وش يبي؟
ندى:مدري بس يمكن معجب مغرم
هنوف:الحمد لله والشكر وربي انك مصرقعة كيف يكون معجب مغرم على قولتك..وانا ماقد تكلمت معاه ولا صار لي موقف وياه
ندى:قولي آمين
هنوف:آمين
ندى:جعله يصير بينكم موقف وتتفشلين ويطيح وجهك وتلقطينه..
هنوف:طيييب يالسخيفة انا اوريك
فصخت صندلها وانتو بكرامة وجلست تركض ورى ندى علشان تضربها
ندى:خلاص تكفين هنوف ماعيدها
هنوف:مانيب انا وش يضمن لي؟
ندى:وعد
هنوف:نصبر ونشوف

ريما سمعت الصراخ وطلعت للحديقة هي ونوف..!!
نوف:وش فيكم
ريما:انا اقول وش هالهوشة هوشة قطاوة حشى
ندى وهنوف شهقوا:اهــــــــــــــــــــئ احنا قطاوة
ريما: لا محشومات
ندى:اشوى
هنوف:ايه حسبالي شي ثاني
ريما:تفضلوا داخل
ندى:ندري اجل وين نتفضل برى؟
هنوف:ياربي وش هالذكية
نوف:
ريما:الله يعين قلبي عليكم
ندى:طالع طالع..مين الي عازمنا؟هاه بنات
هنوف ونوف:ريـــــــــــما
ريما:حقكم علي..يالله امشوا اللحين بتبداء المباراة...
نوف:يالله بسررررررررررررعة
: :

دخلــــــوا البنات في الصالة وجلسوا.سواليف وضحك وصراخ وهبال<ماخذين راحتهم كان ابو ريما مسافرعنده بزنس...
نوف وريما من شدة الحماس جلسوا ع الارض قبال التلفزيون علشان المباراة
ندى:ريما نوف احسن شيء ادخلوا جوا التلفزيون..انتم وهاللبس الي لابسينه
هنوف: قوموا صخنوا اخاف المدرب يستدعيكم اذا اصيب احد اللاعيبين
نوف:تتطنزون انت وياها..بالله فكونا منكم نبي نتابع المباراة زين
ريما:شوفوا نبي تصفيق وصراخ نتخيل كنا في المدرجات لما تبداء المبارات اوكي؟
هنوف:ابشري
ندى:يالله 1 2 3 حيوا الهلال عاش الازرق
هنوف:عاش الازرق
ريما: بعدها مابدت المبارات ياخبول
ندى:اقول هنوف خلي نلقط وجيهنا
هنوف: دايماً مستعجلات
نوف:الي مايعرف الصقر يشويه
ريما:
بدت المبـــــــــاراة ريما ماقدرت تجلس من الحماس طول الوقت واقفة..نوف تصرخ من ج..وندى وهنوف يتريقون عليهم. من ج.
نوف:ريما هذا الهدف يالله سجل تكفى يانواف<طبعاً هذا لاعب في الهلال اسمه نواف التمياط
ريما:قووووووووووول
ندى قمزت على الكنب هي وهنوف:لولوولولولييييييييييييييييييييييييييييش
ريما:ياسلام على نواف..ياناس فديت كل الي اسمائهم نواف
هنوف:تلعبين علينا قولي فديت نواف ولد عمي ه
ندى:صادقة هنوف لاتلفين وتدورين
ريما:والله كل ماقال المعلق نواف ان قلبي يدق
ندى:قلبي دق قلبي قلبي حن ورق قلبوه هو لامادق ولاقل حبيبي
هنوف:عاشوا تنكس ياهوووة
ريما:ه وش فيكم الاخوات طقاقات؟
نوف: رايقات,,والله ياهو هدف جنان
ريما:صادقة الله يزيد الاهداف قولوا آمين
البنات:آمين
هنوف:يالله ياحكم صفّــر..ياخوفي يسجلون علينا..يالله بالله خلص الوقت صفر ياحكم
ندى:ياطولها من مباراة..ابي اشوف الكأس
ريما:ماراح يشيله غير الذيب سامي الجابر ان شاء الله
نوف:واي قلبي لاتنسين ياسر
ندى:ايه صدق المملوح القحطاني ياهو روعة!!
هنوف:وش روعة يهبل ذاك الولد ملح وزين ونظراته تطير العقل
ندى:لاتنسين ابتسامتة
هنوف:ولا كشخته
نوف:كله على بعضة روعة
ندى:بس الولد خطب
هنوف:ياقهر
نوف:والله حسافة
ريما:عيب عليكم ياقليلات الادب..قولوا الله يوفقة..وبعدين هو اخذ بنت عمه
ندى:ايه بدت تمدح فيه وفي بنت عمه
هنوف:علشانها هي ونواف عيال عم
ريما:هيه اللحين بدل ماتقولون يازين لعبه جالسات توصفون شكلة..وربي مهبل
هنوف:ياسلام ريموة متى عقلتي؟
ندى:يوم انخطبت ه
هنوف:ه
نوف:خلصت المباراة مبرووك الفوز
ندى:لولولولوللييييييييش مبروك
ريما:الله يبارك فيكم..الف مبروك للزعماء
هنوف:ياسلام اللحين راح تبداء المسيرة حقت الشباب ياحظهم
ندى:انا اقول وش فيه تركي اخذ الاعلام حقات الهلال والله خطيرين الهلاليين
ريما صرخت:بنا11111111ت شوفوا سامي ياحياتي والله شال الكأس
ندى:ياعيني ياهلال..وربي كبير
هنوف:وش المفاجأة ريموة؟
ندى:لايكون هونتي
ريما:لا بس قوموا البسوا عباياتكم!!
نوف:وين بنروح؟
هنوف:للمسيرة؟
ريما:علشان ابوي ونواف يذبحوني بوسط هالشباب
ندى:وين ريموة؟
ريما:عازمتكــــــــم على الي تبونه ونتعشى برى
ندى:عشتي..يارب الهلال يفوز كل يوم
ريما: نصابه
هنوف: آمين
نوف:
البنات اتفقوا يتعشون في بيتزاهت..!!راحوا البنات مع ام ريما للمطعم..وتعشوا وانبسطوا..وبعدين طلعوا من المطعم..وفي الطريق شاوف المسيرة على الج الثانية من الشارع..
ندى:بنات شوفوا السياراة السوداء كلها اعلام الهلال وشكالهم هلالين بالحيل
هنوف شهقت:اهـــــــــــئ السياراة السوداء هذي سيارة فيصل اخوي..هذاك هو الي يسوقها
ريما:
ام ريما: ياحليله فيصل..
نوف:شوفوا بنات الشباب الي فوق السيارة طالعين والله خطيرين
ام ريما:دايماً اذا فاز الهلال كذا تتسكر شوراع الرياض من الزحمة
ندى:يالله اسمعي الهنرات (البواري) كيف يضربونها..
ريما:ياحظهم..
نوف:ياسلام شوفي هذا معاهـ لعبه على شكل حوت
ندى:ايه الهلال يسمونه الحوت الازرق..
ريما طلعت شريط واعطتة السواق يشغله وكان عن الهلال.. (زعيم نصف الارض ياهلال..من غيرك الي يستحق البطولة...ياهلال ياهلال زعيم والله زعيم..ياهلال ياهلال زعيم والله العظيم..روح الهلال وروعته مضرب امثال..اقوله وتاريخ الازرق يقوله..هل الهلال وهلت افراح وآمال والفوز تقرع في الملاعب طبوله..للفن والامتاع رقصة وموال ازرق وابيض صفقـــوا واهتفوا له..بقيادة رجال على قلب رجال انجازهم ماكل نادي ينوله...نادي سعودي عالمي واسمه هلال..نادي وله عشــــــاق في كل دولـــــــــة..ياهلال) وصلــــوا للبيت وجلسوا البنات مع ام ريما في الحديقة يسولفون..
رن جوال ندى..وكانت اغنية احلام (شيل من راسك اجيك..واعتذرلك وارتجيك..انا ماصدقت تزعل..كيف تبغاني اجيك..)
نوف:افا ندوش وش ذي النغمة لمن حاطتها
ريما:اكيد لخالي تركي المسكين
ندى:ياسلام عليك اللبيب بالاشارة يفهم
هنوف: حرام عليك كلامتها قوية
ندى:يستاهل
ام ريما:طيب ردي عليه..
ندى:لا خليه يولي كيفة يبي يقول راح امرك ولازم ترجعين اللحين..اصبري شوي واتصل عليه
نوف:ه خطط صهيونيه
ندى:شفتي كيف!!
هنوف:ه
رن جوال ريما وكان نواف..ريما قامت من عندهم...
ندى:مين ريوم؟
هنوف:اكيد نواف!!
ام ريما: اكيد
نوف:طيب ليش ماتجلسين وتكلمينه عندنا
ريما:ياربي منكم..انتم ازعاج
نوف:الله اكبر تونى نصير ازعاج..
ندى:ياعيني على التصريف
ريما دخلت جوا البيت علشان تكلمة
نواف:الو؟
ريما:هلا..الف الف الف مبروك فوز الازرق
نواف: الله يبارك في عمرك
ريما:والله الاحلى ان نواف الي سجل الهدف
نواف:شفتي كيف؟نواف
ريما:صدق كل ماقالوا نواف قلبي يفز
نواف:فديت قلبك..!!ريوم رحت للمسيرة خيال
ريما:صدق..احنا شفنا سيارة فيصل
نواف:ه كيف؟
ريما:طلعنا نتعشى وهنوف عرفت سيارة فيصل والله خطير
نواف:ايه الشباب فالينها اليوم
ريما:انت وشلون رجلك؟
نواف:الحمد لله كل مالها تتحسن
ريما:الحمد لله.. دخلوا البنات ندى وهنوف ونوف على ريما
نواف:ريومتي..مشتاق لك حيل
ريما انحرجت..
ريما:نواف البنات عندي اللحين
نواف:خليهم يسكرون اذانهم علشان تتكلمين
ريما:ياليت بس مين يقوى عليهم..فرقة حسب الله
نواف: حلوة ذي حسب الله
البنات:طيب ياريموة احنا حسب الله ..من زينك يالدبا
ريما:انا دبا حرام عليكم
نواف:ماعاش من يقولك دبا..عاد عاجبني جسمك
ريما:مالكم شغل نواف عاجبه جسمي,,حــــّرة انقهروا
البنات:اكيد راح يعبجة ياجوز الكناري
نواف:ه طيب ولا يهمك..اذا فضيتي ارسلي لي مسج اوكي
ريما:اوكي..يالله مع السلامة
نواف:الله يسلمك
ندى:وش يقول سعادة المهندس
ريما:وش دخلك
هنوف:يالله ريوم ابي اتصل على امي علشان ترسل السواق الوقت تأخر..اخاف تنوم امي واتوهق مع فيصلوة..ابي ارجع مع السواق قبل ماينوم


______________________________

ريما دقايق انتم اجلسوا بالصالة وراجعة لكم..لاتتصلون على احد
ريما راحت غرفتها وجابت 3 بيجامات( امس ارسلت السواق لبيت الهنوف واخذت بجامتها بعد ماكلمت عمتها وقالت لها على الموضوع..وجابت بجامة ندى من جدتها..وبجامة نوف من زوجة عمها) نزلت ريما ومعاها الثلاث البيجامات..جت ريما وقفت قبالهم ولاتكلمت باي كلمة..رمت البجامة الاولى على نوف
نوف شهت:ريما هذي بجامتي!!شلون وصلتك؟
رمت ريما البجامة الثانية على ندى
ندى:وهذي بعد بجامتي!!قبل امس لبستها!!
ريما ماقالت ولاكلمة..جابت البجامة الثلاثة ورمتها على هنوف
هنوف:وحتى هذي بجامتي!!شلون جبتيــــــها؟
ريما:ايه صح بنات نسيت لاقولكم الليلة راح تنامون عندي..والله يعين قلبي عليكم..اسئذنت من امهاتكم
البنات طارت عيونهم من كلام ريما
ندى:ريما متى صار؟امي ماقالت لي
هنوف:انتي صادقة ريومة..امي متى وافقت امي يالله باليالله توافق..موبسهولة توافق!!
نوف:وانا امي ماقد قالت اي شي بخصوص النوم عندك؟
ريما:انا وصيتهم مايقولون لكم شيء..على فكرة هذا السربرايز..اللحين يالله قوموا على حمام السباحة..نبي نسبح!!مرتبة كل شي..يالله وجيهكم على المسبــــــــح
ندى:ياسلام والله انك كذا يامرت نواف
هنوف:ياحبي لك يابنت خالي ومرت صديق اخوي
نوف:والله انك روعة وخطيرة وتحفة وكل شيء يامرت ولد عمي
ريما:ه علشان تعرفون من هي مرت نواف
البنات راحوا للمسبح يسبحون ..وجلسوا ساعتين وهم يسبحون وبعدين اخذوا شاور..وجلسوا في الصالة..
ريما:بنات نفسي في تشبس تبون؟
نوف:من شاور ماعطى
ندى:ه صادقة
ريما:طيب محد راح ياكل التشبس غيري انا وهنوف..خلو طولت لسانكم تنفعكم!!
هنوف: ياحظي اول مرة اسكت وينفع
ندى:خلاص ماراح اتكلم..بس ابي تشبس بنكهة السبايسي
نوف:وانا بعد
ريما: طرار ويتشرط ه
الهنوف:
ندى:غصبن عليك ابي تشبس ولاتنسين ماونتن ديو احب اشربه
جابت التشبس والكولا والتشاكلت وسهروا وانبسطوا..بعدين صعدوا لغرفة ريما..
نوف:ابي انوم حرام عليكم..صلينا الفجر خلاص
ريما:حتى انا راسي عورني
ندى:ياحبكم للنوم
هنوف:اي والله..أحنا جاين ننبسط مو ننوم
ريما:خلاص ماورى هذي شي خلونا ننوم وبعدين نصحى رايقين وننبسط
ندى:مافية نوم نبي نجلس وننبسط انا والهنوف انتم بكيفكم
نوف:طيب اطلعوا بالصالة وسهروا
هنوف:يالله ندوش خلينا نطلع الصبايا بدهم ينامو
ريما:زين سويتوا..
طلعوا البنات ندى وهنوف واخذوا معاهم مجلات وجلسوا بالصالة حقت غرفة ريما وجلسوا سواليف الى الصبح... ريما ونوف في غرفة ريما...!!
ريما:نوف
نوف:هلا
ريما:وش اخبار القلب؟
نوف تفاجأت من سؤال ريما:وش قلبه؟
ريما:يعني ماتعرفين من قلبه؟اكيد قلبك!!
نوف:مافيه شي ولله الحمد سليم
ريما:طيب محمد؟
نوف تستهبل:مين محمد؟
ريما:هندي البقالة..محمد ولد عمي..وعمك
نوف:وش فيه محمد؟
ريما:نوف وش فيك؟انتي تحبينه صح؟
نوف تكابر:من قالك اني احبه
ريما تفاجأت:شلون..هماكنتي تحبينه؟
نوف:ريما هو ماقال اي شي لي شلون تبيني احبه
ريما:طيب من نظراته لك شكلة يحبك
نوف:يتوهم لك..ماعتقد انه يحبني..الولد مشغول بدراسته ولاتحكمين عليه..
ريما:الا يحبك واضح يابنت الحلال اذا شافك ارتبك واتخلبط
نوف:شي طبيعي..اي ولد بيشوف بنت راح يرتبك
ريما:لايا نوف محمد يحبك حرام عليك
نوف:وش عرفك انتي؟نواف قالك شيء
ريما:هاه لا ماقال شي..بس يقول باين على محمد انه يعيش حالة حب!!
نوف:احلفي!! توقعين مين يحب؟
ريما:اكيد الي قدامي
نوف:شوفي ريوم انا ارتاح له بس
ريما: ترتاحين له؟
نوف:وش فيك ؟ايه ارتاح له
ريما:يعني تحبيــــــــــنه؟
نوف:تصبحين على خير..!!
ريما:استني..نوف..تكفين قولي لي تحبينه ولا لا؟
نوف ابتسمت لريما..
ريما:والله نفسي تكونين حماتي
نوف: بتخطيني لحماك يعني؟
ريما:شكلي
نوف: انجنيتي على هالصبح..
ريما:شكلي كذا..
نوف:تصبحين على خير..قصدي تمسين على خير
ريما:وانت من اهل الخير

.
العصر صحت ريما ونزلت تحت لقت تركي خالها عند امها..وبعدين ارسلت الخدامة تصحي ندى..ندى نزلت بعد ريما..وهنوف نايمة ونوف جالسة عند التلفزيون بالصالة الصغيرة.والبنات وام ريما وتركي بالصالة الكبيرة يكون الدرج بوسط الصالة<ركزوا على هذي النقطة!!
ريما:ياحي الله خالي الغالي...اول شيء مبروك فوز الزعيم
تركي:هلا بالهلاليه..الله يبارك فيك
ام ريما:والله امس خوش مسيرة
ندى:ايه روعة تمنينا لو حنا عيال
تركي: والله امس رحنا لمقر نادي الهلال ووتصوير مع اللاعيبين وناسة.
ريما شهقت: احلف خالي..صدق..آمانه..مع مين صورت..واقدر اصور..ومتى؟
ام ريما:بسم الله عليك شوي شوي
تركي:ه..ايه صورنا ..وبعدين انتي بنت كيف تصورين..!
ريما:ياحظك مع مين صورت..لاتقول مع سامي
تركي:اكيد مع سامي..ونواف وياسر والشلهوب والدعيع
ريما:ومحمد بن فيصل
تركي:لا بس تكلمنا معاه
ريما:ياحظكم..ماقلت له بنت اختي تسلم عليك
تركي:سلمى شكل بنتك استخفت
ام ريما:ه ايه هذا الهلال ومايسوي
ندى:ياربي فكونا من هالهلال
ريما:تكفى ابي الصور
تركي:ترى كاميرا جوالي
ريما:ايه احسن واحسن ابيك ترسلي اياهم بلوتوث
ندى:الحمد لله كان مصور ريموش معاهم
تركي:ه تصدقين نسيت
ريما:معليش اللحين يمدينا يالله نروح نصور مع سمسم
تركي:من ذا سمسم
ريما:هاه
ام ريما: سامي الجابر
ندى:ه تفشلت
ريما:بسم الله عليك انا ريما بنت فهد ماتفشل
: : :

----------------------------

الهنوف صحت ومالقت احد عندها..عصبت منهم..ونزلت بجامتها تبي تهاوشهم نزلت على الدرج
الهنوف ماشافت تركي
الهنوف:ماشاء الله صاحيات ولا احد قالي طيب انا اوريكم
تركي طارت عيونه وماسك ضحكتة كان شكلة محتاس ..بس حلو
الهنوف انتبهت لتركي وشافته... ارتبكت وقفت وبعدين راحت تركض على الدرج بعد ماشافت تركي..حست وكأن احد ورمى عليها سطل مويا بارد
ندى:ه
ريما قامت تركض وراها..
ام ريما:وش يضحكك ندى؟
ندى:
تركي:ياهوه انتي اسكتي
ندى:ه تستاهل نازله تبي تهاوش العمة
تركي:عن اذنكم
ام ريما:وين بدري
تركي:بدري من عمرك..تعرفين ورانا مذاكرة..وانتي ياندى
ندى لازلت تضحك
تركي:حرام ياندى.وش فيها البنت نازلة ماتحسب فيه احد صح ياسلمى؟
ام ريما:عاد ندى وفتحت فمها ماراح تسكت والله يعين قلب الهنوف اللحين راح تمسكه عليها
تركي(ياسلام هذي الهنوف..والله البنت فلته خفيفة دم وشكل الكل يحبها..,,)
تركي:تروحين ندى معاي؟
ندى:لا مانيب رايحة ابي اجلس هذي فرصتي يابن الحلال ابي اروح اتطنز واضحك على الهنوف اللحين وجا مثل الطماط
تركي:هبلا هالبنت الله يعينها عليك..!!مع السلامة
ندى+ام ريما:مع السلامة
ندى راحت تركض فوق عند الهنوف وريما ونوف في غرقة ريما<مقر العصابة الموقرة
دخلت عليهم وكانت الغرفة ظــــــــلام وبا11111111ردة...
ندى وين راحو هذولي وتاركين المكيف يشتغل بعد
فجــــــأءة وكأن احد سكر الباب
ندى:يمممممممممممممممممة مين؟
ويجي احد من وراء ظهرها ويربط يدينها
ندى تصرررخ :مييييييييين؟يمة
ويجي ويحط على فمها (تيب)اشطرطون..وبعدين انفتح النور وكانت ريما وهنوف ونوف..هنوف تبي تتنقم من ندى اخذت علبه الالوان الي ترسم على الوج ورسمت على وج ندى مهرج صارت على شكل مهـــــــــرج
طبعاً ندى تصارخ وفمها مسكر..وتضرب رجولها بالارض..ونوف وريما يضحكون عليها11111
الهنوف:ريما عندك شريط نانسي اطبطب
ريما:ايه
الهنوف:شغليه
ريما شغلت اغنية اطبطب وجلسوا يضحكون على ندى كان شكلها يضحك لدرجة ان نوف وريما طاحوا على السرير من الضحك..وهنوف ترقص عندها تبي تقهرها..
نوف:حرام فكوها
ريما:لا خلينا نفتك من قرقتها وضحكها علينا
الهنوف:محال ماراح افكة
ندى تضرب بروجلها الارض
الهنوف:بنات مسكينة تكسر الخاطر..وش رايكم نرحمها ونفك عنها..مهما كانت هذي خالت ريما تستاهل الشفقة!!
ريما:ياحياتي والله تعور القلب اوكي خلينا نفك عنها
نوف:ه
فكوا عن فم ندى وعن يدينها
ندى:ياسخيفا1111111111111111111ت
الهنوف:انتي السخيفة جالسة تدعين علي يصير لي موقف وهذا صار وجالسة تضحكين وتكركيرين عندهـ فشلتيني
ريما:ه
ندى:بس والله شكلك يضحك تدرين عاد..تمنيت لو انا مصورتك وارسلك للبزراين علشان اذا ماناموا يطالعون صورتك ويخافون وينامون وامهاتهم بيدعون لي ويدعون لك ه
نوف:ه
الهنوف برتفع ضغطها:كلي ملح وحلا..لدرجة ان اخوك طارت عيونه لما شافني
ندى:مسكين اخوي كان بيروح فيها لما شافك ..قال وش ذي الجنيه في بيتكم
ريما+نوف:
الهنوف:واضح ماشاء الله
ندى:ه لاامزح من شوي وهو يدافع عنك
نوف:احــــــلى..اكيد انهبل لما شاف جمال بنت عمتي وشوشتها المنكوشة
ريما:ولا البجامة الحمراء
ندى:هيه حدكم اساساً هي تحصل له شوفة هنوف ..يتمنى امنيه انه تطل عليه..حتى لو كانت لابسة خيشة رز
ريما:
نوف:
الهنوف:اقول انطمي يالدبا بتكحلها اعمتها..لاتمدحين انتي مانفرق بين مدحك وذمك

جلسوا البنات الى المغرب بعدين تفرقوا..وكل وحدة راحت بيتها لاسيما انهم مجتمعين في الويك اند يعني السبت مدرسة..وريما الهنوف راح يذاكراون..

: : :

تابعوني يالغاليين

السلآلآم عليكم ورحمة الله وبركاااته

بسم الله الرحمن الرحيم

يسلمؤؤؤؤؤ على الموووضووع الراااائع ويعطيك ربي الف عااافيه

واالله لايحرمنا من جديدك ومن ابداعاتك الرااائعه

واتمنى الاستمرااااار في الابداااع

تحياتي:

القناااص

أوكي رااااااااااح نتابعك يالغالية بس بليزززززززززز ما تتأخري أنا بسافر بعد يومين

واااااااااااااااااااااو والله القصه جنااااااااااااااااااااااان

بس لاتطولى علينا

الجزء العشرون
: : :
في بيـــت الجدة هياء..
ندى جالسة عند التلفزيون..وتركي كان معاه تفاحة جلس ياكلها عند ندى
ندى:لاتطلع صوت وانت تاكل
تركي:ه اساساً لذتي في الاكل اني اطلع صوت<يقهرها
ندى:ياربي والله تقرف.خوش دكتور
تركي:الله اكبر كلها تفاحة..وش دخل الدكتوراة بالموضوع؟
ندى:طيب بس سكر فمك..ابي اتابع المسلسل
تركي:اخبار ندوش
ندى:هاه؟انت تركي؟
تركي:الحمد لله والشكر لا مانيب تركي خياله
ندى:معذورة اول مرة تقول ندوش..ماقد سمعتها الا من الهنوف
تركي:الا على فكرة شخبارها الهنوف؟
ندى تطالع له بنظرات مكر:وش دخلك فيها تسأل عنها؟
تركي:لا اقصد وش أخبارها بعد ذاك اليوم يوم تنزل
ندى: ياهي سوت فيني مقلب بعد ماضحكت عليها
تركي:والله زين ماسوت فيك..بردت كبدي
ندى:تركي وش رايك فيها
تركي لاشعورياً وكنه نسى ان الي قدامة ندى: هالبنت روعة
ندى:احلف
تركي:هاه انتي وش جالسة تسوين تجرين مني الحكي يالدبا
ندى:تكفى نبي نفرح فيك
تركي:انا توني صغير نبي نفرح فيك انتي بالاول
ندى:لحد اللحين ماجاء فارس احلامي الي يخطفني على حصانه الابيض ويسافرفيني للنجوم
تركي:عيب احترميني ياقليلة الادب..والله يعين فارس احلامك عليك !!
ندى تتريق:ه يحصل له ندى يحمد ربه الي فكرت فيه
تركي:منهو؟
ندى:فارس احلامي
تركي ارتفع ضغطه من حركاتها..اخذ وسادة صغيرها وضربها..
تركي:وربي خبلا ..بس خليني اقوم واروح عند امي ابرك منك..انتي وفارس الاحلامك
ندى:احسن لي بعد

: : :
محمد اتصل على جوال عبدالرحمن وكان مسكرة..راح واتصل على البيت
محمد:السلام عليكم
..:وعليكم السلام
محمد:مين
...:اللحين انت الي متصل وتقول مين؟خير اخوي؟
محمد:نوف؟
نوف:هاه..مين معاي؟
محمد:انا محمد
نوف بكل ذكاء:مين محمد؟
محمد بينه وبين نفسه(افا يانوف):محمد بن سعود
نوف:ونعم..
محمد:ماعليك زود يابنت العم..شخبارك؟
نوف قلبها يدق وجا احمر :انا تمام.وانت عساك بخير
محمد:الحمدلله..
نوف:تبي عبدالرحمن
محمد(ياربي هذا وقته عبدالرحمن..لازم يخرب علي):لحظة لحظة نوف قبل لاتعطيني عبدالرحمن
نوف(ياي يامحمد ياحلات اسمي بفمك):هلا
محمد:والله ماصدقت الي سمعت صوتك وبعدين فيه كلام حاب تسمعينه
نوف(خافت وش عندهـ محمد الله يستر!!) :خير!!
محمد:آآآآ مممم آآآآ
نوف:وش فيك؟
محمد:انا يانوف ..مدري كيف اقولك
نوف:وش تقول..وش فيك؟خوفتني
محمد:نوف بختصار شديد انا معجب فيك..احبك والله احبك
نوف:ايش؟
محمد:الي سمعتيه..وانا آسف اذا خانني التعبير..وماقدرت ارتب الكلمات..بس انا ماحب الف وادور

في هذا الوقت نزل عبدالرحمن وشاف نوف تكلم
نوف ارتبكت وخافت ولاتدري وش ترد عليه :دقايق هذا عبدالرحمن
محمد(ياربي ياعبيد كل شوي تنط في وجهي..ابي اسمع وش تقول وش ردة فعلها اوووف منك يالدب)
عبدالرحمن:اهلين محمد
محمد:هلا بك..وينك جوالك مقفله؟
عبدالرحمن:ايه الشحن فاضي...وعجزان اشحنه
محمد:ياربي يانك كسول..وش بتسوي اذا صرت شايب
عبدالرحمن: ماتحرك بس انوم
محمد:تجهز ابي امرك
عبدالرحمن:وين
محمد:مدري نبي نشرب لنا قهوة في التحلية ونرجع ماراح نطول
عبدالرحمن:اوكي بنتظارك
محمد:باي
: : :
نوف مو مصدقة ولا مستوعبه الي سمعته..
نوف(معقولة انا في حلم او في علم..وانا بعد يامحمد مو بس احبك..انا اموت فيك..الحمد لله الي عرفت مشاعرك اتجاهي..والله مبسوطة..واحس الارض مو سايعتني من الفرحة..من شوي اعترف لي محمد انه يحبني..!!آهـ ياقلبي.)
نوف كانت طايرة من الفرحة حلمها وتحقق..صعدت غرفتها وجلست تفكر بالمكالمة الي دارت بينها وبين محمد... وكانت هايمة مع اغنيه الجسمي..والله مايسوى اعيش الدنيــا دونك..

: : :
تركي:يمة تعالي التليفون
الجدة هياء:مين؟
تركي:مدري مرهـ بس اول مرة اسمع صوتها


الجدة هيا:الو...هلا
....:هلا بك ام تركي؟
الجدة هياء:ايه مين معاي؟
....:هلا بك ..شخبارك؟وشلون بناتك والدكتور تركي؟
الجدة هياء:والله الحمد لله بصحة الله يسلمك..بس من انتي؟
....:معـــــــــــــــــاك ام ماجد..جارة هند بنتك في الشرقية
الجدة هياء:هلا ومرحبا..شلونك؟وشلون بناتك وعيالك؟
ام ماجد:والله الحمد لله..انتم شخباركم؟
الجدة هياء:كلنا بخير..ماشاء الله عليك هند بنتي ماتذكرك الا بكل خير وتقول ونعم الجارة
ام ماجد:ماعليها زود..والله هند اخت وصديقة وعزيزة علينا..وماشاء الله حتى ندى وريما تعلقنا فيهم يوم زارونا
الجدة هياء:ايه والله ..حتى البنات يتكلمون عنكم ويمدحونكم
ام ماجد:وش اخبار دكتورنا تركي؟ ياحليله مع ولدي ماجد في الكلية..ويعرفه.!!
الجدة هياء:ماشاء الله ماجد دكتور؟
ام ماجد:اي والله عندكم في الرياض يدرس..وماسك حلال ابوهـ..
الجدة هياء:افا والله في الرياض..ولاقمنا معاه بالواجب..ولا عزمناهـ حتى القهوة ماقد شربها عندنا مايصير!
ام ماجد: الجايات اكثر يام تركي..
الجدة هياء:ان شاء الله..
ام ماجد:والله يام تركي..انا ابي افاتحك بموضوع..تعرفين انا مالي الا هالولد ومتعلقة فيه..ولا بعد مهو بعندي يعني في الرياض..وابي اختار له البنت السنعة..الي اتطمن على ولدي معاها..والصراحة ارتحت لندى وحبيتها مو بس انا والله حتى بناتي..بنت طيوبة وحبوبة وخلوقة وماشاء الله تدخل القلب بسرعة..ويكفي انها اخت هند..وتربيتك يام تركي


___________________________________



الجدة هياء:الله يكتب الي فيه الخير..!!
ام ماجد:واحنا ماحنا بمستعجلين..يعني تاخذ راحتها بالتفكير..والله اننا شارينها...واذا على ولدي ماجد يعني سنة ونص وهو متخرج ان شاء الله وراح يسافر برى يكمل دراسته..وان شاء الله بتكون معاهـ..واسئلوا عن الولد وعنا...وهند تعرفنا ..وخذوا رااحتكم
الجدة هياء:ان شاء الله..وماعنكم منشود ناس الكل يمدح فيكم والشور شور ندى..يعني بنشاورها ونرد لكم بعد اسبوعين!!
ام تركي:ان شاء الله..احنا في الانتظار..يالله تامرين على شيء من الشرقية
الجدة هياء:لاسلامتك فمان الله
ام ماجد:الله معاك..


تركي:بتخطب ندى؟
الجدة هياء:ايه لولدها ماجد تقول تركي يعرفة
تركي: انا اقول وش عندهـ ماجد بالكلية كل ماشافني يسلم علي ويهلي فيني طلع طابخ الموضوع
الجدة هياء:انا بفاتح ندى واشوف رآيها
تركي:بس ترى ماجد مايتفوت يعني دكتور ولد حمولة طيبة ومعروفين..
الجدة هياء:زين ان هند تعرفهم..وترى الرآي بالاول والآخير يرجع لندى..والله يتتم على خير

: : :

في الشرقية
شيخة:يارب توافق
عبير:أي والله ندى روعة وماجد يستاهل والله
ام ماجد:انا من يوم شفتها وهي دخلت مزاجي واحس انها لايقة على ماجد
شيخة: ومتى راح يردون لنا؟
ام ماجد:بعد اسبوعين
عبير:اووووولله ولو فترة طويلة
ام ماجد:حتى لو وافقت يعني الزواج راح يكون بعد مايتخرج ماجد..خلي البنت تفكر
عبير:انا ماقصدي كذا..انا خايفة البنت تطير من يدنا..جمال واخلاق وشهادة
شيخة انا ابي اروح اتصل على غادة اقولها انكم خطبوتها
ام ماجد:انا قلت لها قبل لااتصل على ام تركي..وكانت فرحانة
عبير:اقولك البنت روعة وصراحة هذي الي تصلح لمجود وبنفس المواصفات الي يبيها
ام ماجد:خلو البنت توافق
شيخة:لا ان شاء الله ماراح تكون الا لماجد..

: : :

رجع عبد الرحمن وهو داخل كانت نوف جالسة تذاكر برى بالحديقة وماسكة كتابها.عبد الرحمن كان ميت من الضحك..بس يضحك

نوف:وش فيك تضحك عبيد؟وش هالوردة اول مرة عبد الرحمن ماسك وردة..لا اكيد راح تمطر اليوم
عبدالرحمن:كله من هالخبل محمد
نوف بكل حمّاس:ليش وش صاير
عبد الرحمن:يوم نزلني عند باب البيت..اعطاني الوردة هذي..وقالي تصبح على خير ياقمر
نوف:ياربي منك هذا جزاء الولد.وش فيها يمكن محمد انسان ذوق
عبدالرحمن:صحيح هو ذوق بس مو معاي انا..اليوم مدري وش فيه....لا وازيدك من الشعر بيت تخيلي حتى في السيارة كل الاغاني الي مشغلها عن الحب وام كلثوم وعبدالحليم
نوف ميته من الضحك..
عبدالرحمن:اقول خذي هالوردة مابقى الا انا امسك ورد مدري وش شايفني بنت!!
نوف:اعطيني اياها
عبدالرحمن:يالله تصبحين على خير
نوف:وانت على خير..
نوف مسكت الوردة وجلست تفكر بمحمد..(هذي رسالة غير مباشرة من محمد لي!!..والله انه ذوق ورايق..)

: : :

تحدد موعد زواج ريما ونواف ..بعد الاختبارات النهائية بشهر واحد... في العطلة الصيفية <<يعني قرب

: : :

الساعة خمس ونص..صعدت ام ريما لغرفة ريما تصحيها..!!
ام ريما:يالله ريوم اصحي
ريما:يمة بس شوي تكفين
ام ريما:طيب هذا جزاتي الي عندي لك مفاجأة
ريما قامت وجلست على السرير:وش المفاجأة؟
ام ريما:ماراح تصير مفاجأة لو قلت لك اياها!!
ريما:شلون يمة تكفين..
ام ريما:انتي قومي واخذي شاور وتكشخي
ريما:يالله يمة عاد قولي لي وش يصبرني؟
ام ريما:شوفي على الساعة 8 ونص تكوني جاهزة!!..وهذا كل الي اقدر اقوله لك
ريما:ان شاء الله ثمان ونص ثمان ونص
ريما رتبت نفسها واخذت شاور ولبست تنورة لونها اسود حرير كلها تكسيرات .. وبلوزة الي يكون موديلا "لف" كأنها ملفوفة على الخصر بشريطة حريرسوداء..البلوزة لونها اسود ومخططه بالابيض نخطيط طولي واخذت معاها شنطة وفيها حلقة كلها كرستالات صغيرة تكون ممسك للشنطة..وحطت ميك آب خفيف كحل اسود فحمت عيونها وماسكرا...وروج خفيف لونه وردي..لبست عبايتها ولفت طرحتها ونزلت تحت في الصالة على الساعه 8 ونص

ريما أول ما نزلت شافت أمها ما لبست ولاشيء كانت تطالع مجلات..
ريما:يمة ورى مالبستي؟وأنتي تقولين لي خليك جاهزة ع الثمانية ونص؟
أم ريما: وش دخلني انا بالموضوع..
ريما:يمة بالله وش السالفة احس اني راسي بدء يفتر!!؟
ام ريما سمعت صوت برى:يالله قومي
ريما:وين؟
ام ريما:يالله تغطي واطلعي معاي
طلعت ام ريما وهي ماسكة ريما مع يدها برى للحديقة وريما مثل الاطرش بالزفة,, وبعدين فتحت باب الشارع وكانت سيارة كحلية واقفة عند الباب!!
ريما:يمة هذي كأنها سيارة نواف؟
نواف نزل من السيارة:اهلاً وسهلاً مدام ريما..الف شكر ياخالتي على هالخطة الحلوة!!
ام ريما:يالله انبسطوا..بس لاتتأخرين ريومة حبيبتي..
ريما:وش السالفة؟وين ابي اروح؟
نواف فتح لها باب السيارة وركبت جنبه..
نواف ركب عندها:السالفة ومافيها..اني الليلة عازمك على العشاء..واستأذنت من أمك وأبوك..وطلبت من خالتي ماتقولك شيء..!!يعني سربرايز..وش رايك؟
ريما:والله خوش سربرايز

نواف شغل اغنية لمحمد عبدة .(كيف نخفي حبنـــا!!والشوق فاضح وفي ملامحنا من اللهفة ملامح..عاشقين ونبضنا طفل حنون..لو تزاعلنا نسامح..)
نواف:ريومتي والله ماقدرت اصبر عنك..واخيراً شفتك..ولا بعد جالسة جنبي..مو مصدق..اقرصيني انا بحلم ولا بعلم؟
ريما:بدون قرصة الا في علم!!
نواف:يالله مابقى شيء على الزواج وان شاء الله بعدها بنطلع ونروح ونجيء على راحتنا!!
ريما كنت تستحي اذا سمعت طاري الزواج..وشلون لما تسمعة من نواف شخصياً؟
ريما بعتاب: ليش ماكلمتني امس؟
نواف:والله ياريومتي احس اني ازعجتك وانتي وراك دراسة..قلت ياولد خلك ثقيل شوي
ريما:ياسلام ..!! تصور كيف امس اشتقت لك وكنت محتاجة اسمع صوتك..
نواف:ياقلبي انتي..والله وانا اكثر تدرين عاد لازم هالعالم كلها تدري اني احبك واموت في حبك اصبري شوي..

وقف سياراتة وكان فيه هندي يمشي في الشارع..وقف عندهـ وفتح النافذة وجلس يحاكيه
نواف:انت في معلوم كيف انا حبي ريما انا في حبي هيا كثييييييييير
الهندي طارت عيونه:انت مجنون!!
نواف:يس انا مجنون في حب ريما

ريما ميتـــــــــــــــه من الضحك
ريما:نواف ه امشي وش يقولون عنا الناس
نواف:خليهم يقولون ..سبق وان قلت لك دامك معاي مايهمني كلام الناس يالغالية

: : :

الجدة هياء فاتحت ندى بالموضوع..
الجدة هياء:هاه ياندى خذي راحتك بالتفكير ترى معك اسبوعين!!
ندى اختلطت المشاعر عندها..فرحانه ان ماجد الي كانت ميته عليه خطبها..وحزينه بعد ماعرفت انها بتروح برى المملكة وتسافر معاهـ..وتترك امها واختها سلمى وبنت اختها ريما..وخايفة لان الموضوع حساس يعني لازم تقول يا ايه يا لا..ندى ساكتة طول ماكانت امها تحكي لها..

الجدة هياء:شوفي فكري ترى الموضوع مافيه هبال..يعني هذا زواج ارتباط..مسؤوليه..!!
طلعت الجدة هياء من غرفة ندى..وتركتها في حيرتها..
ندى مسكت وسادتها ونزلت دمعتها..معقولة..!!انا راح اترك امي وتركي اترك اهلي اترك ناسي..واسافر برى. انا وماجد لحالنا..ياربي وش اسوي!!احبه بس اهلي امي..آهـ بس..

: : :

ريما ونواف دخلوا في احد المطاعم الراقيه في الرياض..وكان الجو هادئ..وموسيقى كلاسيكية..والشموع..<عايشة جو
نواف طلع من جيبه علبه لونها اخضر مخمل كانت مرتبة تهبل..اعطاها ريما
ريما:وش ذا؟
نواف:افتحيها..لاتخافين ماهيب متفجرات
ريما: وش متفجراته بعد انت داخلين حرب..
نواف:ه مدري عنك ..افتحيها
ريما فتحتها وكان بروش من الذهب الابيض فخم وفيه لولو نازل على تحت شكله روووعة
ريما:واو يجنن
نواف:الحمد لله الي اعجبك..صراحة احترت مدري وش يمكن يعجبك
ريما:تسلم حبيبي والله اعجبتني وذوقك جنان..وبعدين اي شيء منك اعرف انه راح يعجبني..يكفي انه من نواف؟؟
نواف:ياحلوها كلمة حبيبي تنعشني
ريما دنقت راسها..

ريما كانت مبسوطة..ونواف بعد طاير من الفرحة مو مصدق ان ريما قدامه...تعشوا ولما صارت الساعة 10..ريما طلبت من نواف ترجع للبيت ..

نواف :تونى تكفين
ريما:لا مقدر امي قالت لي لاتأخرين..وخلاص مابعد 10 شيء..يالله علشان خاطري
نواف:علشان خاطرك بس..يالله قومي
ريما:تسلم ياغالي
نواف:احلفي بربك انا غالي
ريما: اكيد غالي..توك تعرف انك غالي؟
نواف:بس ماقد سمعتها منك!!
ريما:ان شاء الله بتسمعها كثير..يالله خلينا نروح
نواف:يالله
طبعاً راحوا وركبت السيارة ريما..ونواف مشغل اغنية ميامي(ياعمري انا) ويسوي حركات..كنه يصور فيديو كليب..ريما طبعاً ميته من الضحك عليه..

اول ماوصلت البيت...قبل لاتنزل

نواف اعطى ريما وردة جوري:تصبحين على خير حبيبتي
ريما:ياي جوري..مشكورة نواف..وانت من اهل الخير..انتبه لنفسك
نواف يأشر على عيونه(يعني من عيوني..)
دخلت ريما البيت وكانت طايرة من الفرحة شافت امها وابوها وجلست تسولف معاهم..وشافوا البروش الي من نواف...وكان باين عليها انها فرحانة..امها وابوها فرحوا لفرحها..بعدين طلعت لغرفتها

ريما جلست في غرفتها..مو مصدقة انها طلعت مع نواف..كانت اول مرة تطلع معاهـ من يوم ملكتهم.جلست تتأمل البروش ( والله انك ذوق .. يوم عن الثاني احبك اكثر...عساني مانحرم منك..)

: : :

ندى كانت محتارة..وتفكر ليل نهار..وش راح يكون مصيرها111..دخل عليها تركي
تركي:ممكن ادخل؟
ندى:بعد مادخلت تستأذن!!
تركي:خلاص بطلع
ندى:امزح تركي تعال
جاء تركي وجلس على السرير وندى على الكرسي الي مقابل للسرير ..
تركي: ندى انا جاي اتكلم معاك بخصوص ماجد..والله ياندى ماجد رجال يمعنى الكلمة انسان شهم واخلاقه عالية..والكل يمدحه..يعني ولد ناس طيبين ومنصب ومال وعلم..وش تبين غير كذا!!وانا اخوك ماراح اغشك يعني انا اعرفه من قبل سنيتن ماقد شفت منه أي شيء غلط..الكل يحبه ويحترمة..
ندى ساكتة ماقالت ولا كلمة
تركي:وترى اذا صار شيء..يقولون الزواج مو السنة هذي يمكن بعد سنتين..والناس شارينك..حتى خالد ولد هند يمدحة ويعرفة قبل ماعرفة انا..على العموم انا ماراح اضغط عليك..وفكري زين ..يالله انا بطلع عن اذنك..

ندى بينها وبين نفسها..(عارفة والله ياتركي..انه انسان راقي واخلاق بس آهـــ وش اسوي انا...اوافق واعيش بعيدة عنك وعن امي صعبة انا ماقدر اعيش بدونكم.......)

من بكرى..اتصلت هند على ندى وجلست تقنعها ان الولد مايتفوت واهله يتمنون انك تكوني من نصيب ولدهم..

ندى ظلت ساكتة الكل يقنع فيها امها وتركي وهند وام ريما...

: : :



بعد مرور اسبوع من مكالمة ام ماجد..كانت ام ريما وريما جايين عند بيت الجدة هياء..وجالسين في الصالة مع تركي والجدة هياء..

ندى نزلت من غرفتها..وجلست معاهم واخذت تسولف وكأن شيء ماصار

ام ريما:هاه ندوش ماقررتي؟
ريما:متى تصدر الموافقة السامية
تركي:ه
الجدة هياء:ماصارت لك اسبوع تفكرين
ندى:بس انا قررت وخلصت
ريما كانت متحمسة على ماتسمع موافقة ندى..
وتركي ينتظر هاللحظة بفارغ الصبر..والجدة هياء بعد كانت تتنظر موافقته






ندى:انا مانيب موافقة
تركي مصدوم:ليش؟ ندى تعرفين منهو الي رفضتيه؟هذا ماجد!!
ريما:خالتي ندى فكرتي زين..تكفين..عيدي حسباتك
الجدة هياء: ترى الولد الف بنت تتمناهـ..خلاص يعني؟
ندى..نزلت دموعها وصعدت غرفتها
ام ريما:خلاص لاتضغطون عليها..يمكن مهو مكتوب انه يكون من نصيبها..
تركي:والله قهر..يمة بنتك هذي مدري وش تبي..ماتوقع يجي واحد احسن من ماجد..
تركي طلع معصب لانه كان واثق من موافقة ندى..وتركي صديق ماجد..وخاف لايصير شيء ويزعل ماجد منه,...!!

ريما واضح عليها آثر الصدمة..ماقالت ولا كلمة..معقولة ندى رفضت ماجد..بس هي تحبة..لا انا لازم اشوف وش الموضوع..وش السبب الي خلاها ترفضه مع حبها الشديد له ولاخواته ....

ريما قامت من الصالة وصعدت لغرفة ندى..

دخلت عليها..كانت ندى على السرير تبكي..

ريما:ندوش وش هالدموع.الموضوع مايسوى خلاص رفضتيه..انتي مو مجبورة انك توافقين..وهذا الشيء راجع لك حبيبتي..ومحد راح يزعل هذي حريتك الشخصية..
ندى:بس انا ياريما احب ماجد والله احبه...دنقت راسها على رجول ريما وجلست تبكي..بكاء يعور القلب..
ريما:حيرتيني..كيف تحبينه..؟وانتي رفضتيه؟فهميني..لاني بصراحة احس اني موبفاهمتك
ندى:ريما هو بيسافر وياخذني.يعني راح ابتعد عنكم واتغرب 5سنين وانا برى..تعرفيني انا وحدة تحب تعيش بين اهلها وناسها...مثل السمكة اذا طلعوها برى الماء تموت...ماتصور نفسي بعيدة عن امي وعن اختي وعن تركي وعنك..و انا ابيه واحبه..وحتى اهله ناس طيبين وخواته مثل العسل
ريما:ندوش..والله انك غريبة..طيب وش فيها لما تسافرين برى ..انتي ماراح تجلسين برى طول العمر 5 سنين هونيها وتهون..وبعدين ترى ماراح تروحين مع احد غريب مع زوجك وحبيبك..الوحدة تسوي المستحيل علشان ترضي زوجها..واذا علينا احنا يعني فيه الطيارات ومتى ماطقت في بالك تزورينا وتجين عندنا....واحنا راح نزورك..ولاتنسين العطلات واذا خلص دراسته راح يستقر في الرياض يعني راح تكوني عندنا..ندى فكري زين ولا تخلين العواطف والمشاعر تأثر فيك..ماجد انسان الكل يمدحة ومعروف..لاتفوتينه من يدك..انا راح اتزوج ..وتركي راح يتزوج والكل راح يتزوج ويصير مشغول في حياته ومستقبله وانتي بعد..واذا على جدتي هياء..وين يعني بتضيع؟هي بوسطنا وفي بيتها معززة مكرمة..ومافيه خوف عليها ان شاء الله
ندى كانت ساكتة وتسمع لريما
ريما:وبعدين راح تجي زوجة تركي وتنسيها ندى ه
ندى:ه متى تجي؟
ريما:لاتتسرعين وفكري زين..واتمنى اسمع الموافقه ومانبي نسمع غيرها..وصلي صلاة الاستخارة..واستخيري ربك..
ندى:انا ابي افكر مرة ثانية...وراح اصلي..والله يكتب الي فيه الخير
ريما:آمين
: : :

«®°·.¸.•°°·.¸¸.•°°·.¸.•°®» مشكورة ياعمري على القصة تجنن«®°·.¸.•°°·.¸¸.•°°·.¸.•°®»