مانـــي بحـــي الله رجـــل

السلام عليكم


عن طريق الصدفه واتمنى ان تكون خير صدفه وجدت نفسي اسجل في هذا المنتدى الرائع


مني لكم هذه المتواضعه التي اتمنى ان تنال جزء من أعجابكم

يا الحظ قاسمني على الزين والشين =والا ابتـعـد مـعـاد ابــي مـنـك خــوه
تعبـت أنـا يـا الحـظ وانهكنـي البيـن =وميـل الزمـن عيـا يجـي بـا المـروه
وش ارتجـي وعـداي منـي قريبيـن =متربـصـه والـــدرب والـلـيـل تـــوه
لو قلت ما آزر حسـن وقفـة حسيـن =ما قلت طيـب النـاس مـا بـان ضـوه
يعنـي بقـول السالفـه بيـن قوسـيـن =مـات التأخـي وســط قـلـب الأخــوه
هـذا وانـا مـن روس قـومٍ عزيزيـن =تاريخهـم رغــم الـزمـن مــا تـشـوه
بفعالـهـم وافـيــن حـلـويـن مـريــن =تشهـد لهـم جــرد السنـيـن الـمـدوه
مانـي بحـي الله رجـل وافتهـم زيـن =يـا حـظ ضيقـي نـوب مـن زود قـوه
لولا الحمل ما شفت صبـر البعاريـن =سـو الـذي تبـغـاه يــا الـحـظ ســوه