قصة رومانسية لا تفوتكم بقلمي والله أرجو إبداء الرأي

مشكورة شوشو عالمرور وتقبلي تحياتي وأنا هالمرة بنزل أجزاء اكثر

هدافة

**الجزء الثامن **
توجه أبو خالد للمطار لإستقبال إبنه الوحيد , وأول ما وصلت رحلته وشاف خالد جاي من بعيد بشنطته فتح ذراعينه ناطر أبنه ينرمي بحضنه ويدفيه , وبعد ما انتهت طقوس اللقاء ودموع الفرح بالعودة الي الوطن , ولأن خالد قدامه بس يومين ويرجع للندن قام أبو خالد وابنه وركبوا السيارة وتوجهوا لبيت أبو فاتن عشان يخلصون من الوصية ...........
لما وصلوا كان فهد قي إستقبالهم وماعطى فرصة لخالد يرتاح لأنه اول ما فتح الباب نط بحضن خالد وهو مرة فرحان لأن خالد بمثابة الأخ الكبير المحروم منه , وبعد ما شبع فهد من حضن ولد عمه دخلهم مجلس الرجاجيل الخارجي واتجه داخل البيت ينادي أمه وأخته ,لقى أمه كالعادة بالصالة تقرأ القرأن واخته أكيد بغرفتها ..................
فهد: سلام .
أم فاتن سكرت القرأن : وعليكم السلام .
فد: يمه يلا جا عمي وولده عشان الوصية والمحامي كلها خمس دقايق وواصل لعندنا إتجهزي إنت وفاتن تعالوا لمجلس الرجاجيل الخارجي ..
أم فاتن: إن شاء الله (وهي تتووجه للدرج) الحين أكلم أختك روح إنت لا تترك عمك وولده لحالهم طيب ؟؟

في غرفة فاتن كانت قاعدة عالسرير ماسكة كتاب الي يشوفها يقول إنها تذاكر بس فاتن كانت في عالم ثاني عالم الذكريات الي مضت مع أبوها ,دخلت أمها عليها بعد ما طقت الباب مرتين وما تلقت رد :
أم فاتن باستغراب : فاتن ليش ماتردين يوم طقيت الباب ؟
فاتن إنتبهت : ها لا ولا شي (تبتسم) بغيتي مني شي يمه ؟
أم فاتن : إيه يابنتي عمك وولده جو عشان الوصية ولأن .................................................. .......................
فاتن أول ماسمعت أمها تقول (وولده) راحت بعالم الذكريات وتذكرت موقف صارلها من أربع سنوات قبل لا يروح خالد للندن
كانت هي وقتها بثاني متوسط وكانت في حديقة البيت الكبير حج العائلة كلها قاعدة عالنافورة وتحرك الموية بيدها وفجأة أحد مسك يدها وقال : إرحمي الموية من لمساتك الناعمة , إذا ما تقدرين ترحمين قلب تعلق فيك ..
تفاجأت فاتن من الصوت لأنه كان حج رجال وهي مفروض إنها تتغطى ولما لفت لقته خالد ولد عمها ..
فاتن وهي فاتحة عيونها عالأخير ولسانها إنعقد من الصدمة :أ.أ.........خا..........خالد وش .......قاعد تسوي هنا ؟
خالد كان وقتها بثالث ثانوي وكان للحين ماسك يدها : فاتن إنت ليش كده؟
فاتن تو تأثير الصدمة عليها : ها!! وش فيني ؟
خالد بحرقة : ليش دايما تصديني ليش تعامليني على اني أخوك أنا مابي أصير أخوك , فاتن أنا أحبـ.......................
قاطعته فاتن وهي تسحب يدها من يده : خالد إنت ولد عمي وما ترضى علي أتكشف على رجاجيل وإنت مو محرم لي (وتلف الجهة الثانية عشان ترجع داخل مع الحريم بس خالد رجع مسكها من كتفها وبقوة لفها لجهته وحاول يتكلم بس منعه دموع فاتن الي قطعت قلبه وبعد ما استوعب خالد إنه يمسكها بقوة نزل يده وقال وهو يناظر الأرض : أنا أسف فاتن ..
فاتن إنهارت وقالت بكل حرقة وألم : مارح أسامحك خالد مارح أسامحك أنا أكرهك أنا أكرهك وخرعني ..
ركضت فاتن عالصالة الداخلية ومنها لغرفتها في هالبيت وفي اليوم الثاني سمعت إن خالد سافر عشان جامعته في لندن وبعدها ما شافته أبدا...............
أفاقت فاتن على صوت أمها : فاتن هو وين وصلت ؟
فاتن : ها لا ولا شي روحي يمه إنتي وأنا شوي ولاحقتك ........
أطاعت أم فاتن طلب بنتها لأنها تعرف إن فاتن كانت أغلى واحدة عند أبوها الله يرحمه وقدرت حالة الهذيان الدائم عند بنتها ولبست عباتها وتوجهت للمجلس ..
أما فاتن فظلت بغرفتها دقيقتين بعدها إنضمت لهم في المجلس ..............
في بيت أبو سعود كانت شوق قاعدة بالصالة تبرد أظافرها وتستمع للأغاني في قناة _______ , وفجأة يدخل أخوها سعود البيت ويرمي شماغه عليها وين ماكانت قاعدة طبعا هو مو قاصد بس شوق سوتها سالفة .......
شوق معصبة : هيي إنت وين داخل خير إن شاء الله ترمي عفشك على وجيه الناس ؟؟
سعود بدون خلق وهو يقعد على أقرب كرسي له ويناظر التلفزيون : أسكتي شوق تكفين الي فيني مكفيني .
شوق بعد ما حست إن في شي غريب باخوهاخاصة إنه جاي مبكر من المستشفى اليوم فضولها زاد تبي تعرف وش فيه
شوق : سعود وش فيك ؟
سعود :.............................
شوق باستغراب: سعود وش فيك قول لي أنا أختك حبيبتك ..!!
سعود:...........................................
شوق : سعود وصمخ أكلمك أنا !!.........
سعود: .....................................
شوق بعصبية فاقت حدودها: سعوووووووووووووووووووووووود عمى أكلمك .............
سعود مقطب جبينه: خير إن شاء الله جنيتي إنتي وش ذا ؟
شوق بدلع لأنها حست إن أخوها معصب : وش أسوي يا أحلى أخ أكلمك وإنت معطيني الطرشة ....
سعود يقلدها : (وش أسوي يا أحلى أخ أكلمك وإنت معطيني الطاف) أقول سكتي بس إنت ووجهك أووف
وتوجه للدرج : أنا راقد غرفتي لا تقوميني للغدا فاهمة !!
شوق بعد ما حست إن اخوها ما يبي يتكلم بالسالفة فضلت السكوت وقالت : إيه فاهمة ..
ماتدري شوق ليش حست غنها لازم تكلم فاتن بهالوقت مسكت جوالها ودقت عليها ......
في بيت أبو فاتن كانت فاتن متغطية ومتجهة للمجلس الخارجي وجت بتفتح الباب وتدخل إلا تلاقي تلفونها يرن وتشوف رقم شوق
ردت فاتن بدون نفس : خير شوق في شي ؟
شوق : أفاااااا كده تكلمين رفيقة عمرك ؟
فاتن :فكينا عاد وقولي وش تبين ترى أنا واصلة حدي ؟
شوق مستغربة : وش فيه العالم اليوم كل ما أكلم أحد يقولي واصل حدي وواصلة حدي ..
فاتن : بلاك بثرة وماتعرفين الأوقات الصح في الإتصال ..
شوق : طيب ليش رديت إذا أنا داقة بوقت غلط .؟؟
فاتن تتهرب من السؤال لأنها تعرف إنها ردت عشان تأخر شوي فترة لقائها بولد عمها : ها أقول شوق تدرين إن اليوم بنعرف وش في الوصية ؟
شوق مبلمة: إيش أي وصية ؟ ( بعد ما استوعبت ) أها طيب إسمعي اول ما تعرفين وش فيها علميني أوكي ؟؟
فاتن تبتسم : أوكي ..
سكرت فاتن وجات بتفتح الباب إلا هو ينفتح ويصقع فيها الشخص الي طلع وتشوف رجال وسيم ورياضي عيونه سواد الليل , وبعد فترة ماتقل عن دقيقة إستوعبت إنها صقعت بولد عمها خالد وتوها لازقة فيه وخرت بسرعة وقالت وهي تناظره وتناظر هو قد إيش تغير : أنا أسفة ..
خالد بابتسامة باهتة وهو يتذكر أخر لقاء بينهم : لاعادي أنا الي طلعت فجأة ..
قالت فاتن عشان تخفف التوتر : وين رايح بيقرون الوصية ؟؟
خالد : بجيب جوالي من السيارة نسيتها فيه وبجي على طوول ........
فاتن: أوكي على راحتك ودخلت داخل وما خلت غير طيفها وراها الي خالد بغى يتعلق فيه ويضمه لصدره .......
توجه خالد للسيارة وكل ما يتذكر صقعة فاتن فيه وقد إيش هي كانت لازقة فيه كأنها قطعة منه يبتسم ويتمنى ياخذها ويضمها لصدره أو يشيلها ويدخلها قلبه ويسكر عليها .......
بعد ما أخذ جواله إتجه مرة ثانية للمجلس ولقى فاتن أخذت محلها بين أمها وأخوها راح هو جنب أبوه وجلس والكل ناطر يبدى المحامي في الوصية ................

هذا الجزء الثامن إن شاء الله عجبكم 

تحياتي هدافة

**الجزء التاسع**
بعد ما إجتمعوا كل العائلة في المجلس إبتدى المحامي كلامه باسم الله وفتح ظرف الوصية وكان فيها :
(( عائلتي الغالية جدا أكيد هالوصية ما انفتحت الا لأني إنتقلت لخالقي وخالقكم , وصدق أنا ما بيكم تزعلون ولاتصيحون عشاني ,عيشوا حياة عادية وسعيدة , أنا مابي منكم إلا أنكم تكونون سعيدين وتنسون كل الماضي , زوجتي الغالية إنت الحين عمود البيت أبيك قوية وتحافظين على نفسك وعلى اولادنا , فاتن حبيبتي وأول فرحتي إهتمي بدراستك وأول ما تخلصين ثانوي أبيك تدخلين جامعة برة وتتفوقين فيها وترفعين راسي وراس أمك ديري بالك دايما على أمك <هنا فاتن صاحت وارتمت بحضن أمها وأم فاتن بدورها تهديها وخالد وده لو يقوم يحضنها ويدفيها بحضنه ويحسسها بالأمان بس للأسف مايقدر > وقف المحامي عن قراءة الوصية لين هدى وضعهم وبعدين كمل : ويا فهود أبيك ما تضعف أبدا وتهتم لأمور أمك وأختك وأهم شي دراستك فهد فاهم حبيبي إرفع راسي وانا ميت؟< ماقدر فهد يمنع دموعه خلاها تسيل بكيفها على خده > كمل المحامي : أما بالنسبة للشركة فهي الحين تصير ملك أخوي فيصل (أبو خالد) ومعه بالشراكة ولدي مشاري <وتوقف المحامي عن قراءة الوصية لأنه شاف شهقة فاتن وفهد إلي تنم عن الإستغراب و أم فاتن فجأة قامت وقالت بهستيرية وهي تاخذ الوصية من يده : أي ولد مين مشاري إنت وش قاعد تقول ها وش قاعد تقول ؟ بهاللحظة خالد قام ويهدي فيها وفاتن تساعده لين هدت أم فاتن وجلست بس علامات الدهشة والخوف والرعب أخذت ملامح وجا .
قام المحامي وشال الوصية من الأرض وهو يتأسف وكمل القراءة : لا تستغربين يا زوجتي الغالية أم فاتن من مشاري هذا ولد زوجتي الاولية ألي إنتي ماقد سألتيني عنها وكنت دايما تقولين مابي أسمع شي عن الماضي كل الي أبيه هو الحاضر والجاي بس
وأبدا ما قد سألتيني عن زوجتي الأولى بس إلي ما تعرفينه إن زوجتي الأولى سعاد توفت من سنتين وولدي مشاري عمره الحين 22 وهو عايش بروحه بالبيت القديم ويشتغل محامي تحت التدريب وأنا كل أسبوع أعطيه مصاريفه الي يحتاجها, زوجتي العزيزة وابنتي الغالية فاتن وابني الغالي فهد لا تزعلون مني بس هذا ولدي من لحمي ودمي مثلكم ,وهذه سعاد كانت بنت عمي واهلي غصبوني أتزوجها مع أني كنت أحب أمكم وبعد ما تزوجتهاكلها سنة وسعاد جابت مشاري ولما صار عمره9 سنوات صارت بيننا مشاكل خلتني أنفصل عنها وأتزوج امكم الي طول عمري أحلم فيها وأمكم أبدا ما كانت تحب إني أكلمها عن الماضي أو عن زوجتي الأولى ومن سنتين إكتشفت إنها ماتت بسبة مرض سرطان دم وماقدرت اخلي مشاري بروحه صرت أساعده بمصاريفه وجامعته والحين هو لازم يشيل مسؤولية حلاله وحلالكم وياخذ قسمي في الشركة وحان الوقت تعرفونه وكان لازم أقول لكم ...
وأبيكم لما تشوفون مشاري ماتحسسونه بأنه دخيل عليكم لا أبيه يقول هذه أمي وهذه أختي وهذا أخوي طيب ؟ وهذ الوصية حجتي
أما بالنسبة لمشاري فأخوي فيصل يعرف مكانه رح يجيبه لكم تشوفونه وتتعرفون على أخوكم الكبير ورجلكم من بعدي.....
إدعولي بالرحمة ولا تنسون أنا أحبكم مرة ..... محمد عبد الله ..

بعد ما خلص المحامي الوصية سكرها وعطاها لأبو خالد واستأذن لأنه وراه شغل راح خالد معه يوصله للباب وسلم عليه ورجع للمجلس وشاف نظرات الدهشة في عيون الكل خاصة فاتن إلي كانت دايما تتمنى أخ كبير ,شافت أمنيتها تتحقق ماتدري شلون؟ وكيف؟؟ ومتى؟؟ بس إلي تعرفه إنها فرحانة بهالأخ كثر ماهي زعلانة على حالة أمها لأنها غصب عنها رجعت للماضي وذكرياته .. قطع أفكارهم ودهشتهم صوت أبو خالد يقول : مشاري بن محمد بن عبد الله الحفيد الأول للعائلة رجال بمعنى الكلمة أهم شي عنده دراسته كل تفكيره في حياته إنه يتزوج ويعيش حياة مستقرة مع زوجته عمره 22سنة وتو مادرى عن أبوه ..
ناظرت أم فاتن أبو خالد باستغراب وقالت وهي تحاول تخلي صوتها طبيعي : مشاري مايدري للحين إن أبوه ما.....
قاطعها أبو خالد وقال : إيه بس لا تخافون أنا بعلمه عن قريب إن شاء الله وقت ما تصيرون مستعدين إنكم تشوفونه انا بعلمه ..
قالت فاتن بسرعة خلت الكل يستغرب وخاصة امها : قول له قول له ياعمي حنا مستعدين نشوفه خله يجي اليوم ولا أقول بكرة أحسن ...
ناظرها خالد وهو مستغرب من حماسها وقال : تراه أخوك عادي يعني ..
فاتن إنتبهت وفهمت سبب تلميحه وفسرته إنه غيرة وتضايقت منه شلون يفكر كده وهي بس متحمسة عشان أخوها إلي تتمناه طوول عمرها وقالت بلا مبالاة لكلام خالد وتوجه كلامها لأمها : يمة حنا مستعدين صح قولي إيه قولي إيه ..
أم فاتن جات بتتكلم إلا وينط عليها فهد ويقول : يمة تكفين خله يجي بكرة أبي أشوف أخوي الكبير ..
أم فاتن قالت بكل حزم : انا مو مستعدة الحين .. جات فاتن بتتكلم بس ام فاتن طلعت من المجلس متجهة لغرفتها وسكرت الباب ..
بالمجلس فاتن وفهد مرة متحمسين وقعدوا يقولون لعمهم إنه يجيب مشاري بكرة وأمهم بتتقبل الوضع عادي بس أبو خالد مو مقتنع بكلامهم وقال : والله ما يصير لازم أمكم تصير مستعدة تماما لهذه المقابلة لأنها هي الي بتأثر في علاقاتكم معه ...
فاتن وفهد بعد ما زهقوا من المحاولة فضلوا السكوت , وفاتن دق جوالها ولما شافت (توأم روحي ) إبتسمت لأنها عرفت إن المتصل شوق واستأذنت وطلعت برة في الحوش عشان تقدر تشيل النقاب وتتكلم :
فاتن : هلا وغلا بالغالية توام روحي ..
شوق مستغربة : وش فيك متحمسة ؟؟
فاتن وهي تحاول تمسك قلبها لا يطير من الفرحة : إسكتي طلع لي أخ كبير..
شوق إنفتحت عيونها عالأخير ومن الصدمة ما قدرت تقول شي .......
فاتن : أللو وينك شوق ..
شوق : .................................................. ...................
فاتن : شوق وين رحت؟
شوق : .................................................. ................
فاتن معصبة : شوق وصمخ وين رحت يالدبة ؟
شوق بعد ما استوعبت الموضوع : قولي والله
فاتن تتصنع الغباء : على إيش؟
شوق : لاتستهبلين على أخوك .
فاتن باستهبال : أها .... والله العظيم عندي اخو <وزادت نبرة الحماس > واسمه مشاري محمد عبدالله وعمره 22 سنة < وصارت تضحك من الوناسة > ونفس الشي شوق وبعد ما هدى الموقف شوي سألتها شوق : شلون كيف من وين جا ؟
ضحكت فاتن وقصت على شوق القصة كلها ..........................
شوق : ه ما أصدق كنه فيلم هندي
فاتن : أي فيلم هندي الله يخسك ويننا فيه حنا ؟
شوق : خلاص لا تزعلين فيلم ياباني ..
فاتن: أقول عن السوالف الفاضية خسرتيني تعالي بيتنا اليوم اوكي ؟
شوق : خلاص بسال سعود إذا فاضي يوديني ؟
فاتن : أوكي يلا باااااي
شوق : بااايااااااااااااااات
سكرت فاتن مع شوق ورجعت النقاب على وجا عشان ترجع تقعد للمجلس بس لما وصلت المجلس لقته فاضي وتأكدت إنهم رجعوا بيتهم , راحت مستانسة لغرفتها وفتحت الإيميل وهي تتمنى تلاقي نايف عشان تحكي له التطور بس لقته غير متصل رجعت سكرت النت ونامت من كثر التعب والوناسة ............... وحلمت بشكل أخوها ....
في بيت أبو سعود لما سكرت شوق مع فاتن إتجهت لغرفة اخوها سعود ولقته نايم واستغربت للحين هو نايم بالعادة يقوم مبكر جات بتطلع وتسكر الباب بس هو نادها من جوه , إستغربت ودخلت وجت بتفتح النور بس هو منعها وطلب منها تجلس , إستغربت شوق من حالة أخوها وطلبه بس ما سألته جلست وانتظرت هو يتكلم ...
مرت عشر دقايق بس هو للحين ساكت وهي مرة متضايقة من حالته .
شوق وهي تشيل اللحاف من عليه :سعود وش فيك من الصبح وإنت حالتك مو عاجبتني قولي يمكن أقدر أساعدك ؟؟
سعود بعد تنهيدة طويلة : شوق خالد وش كان يسوي عند رفيقتك ؟؟
شوق إستغربت سؤاله بس ردت : سعود خالد ولد عمها عادي وهو رجع من السفر لأن الوصية كانت تتطلب حضوره ..
سعود قام بسرعة من مكانه وقال : غنت كلمت فاتن بعد الوصية ؟؟
شوق لثاني مرة تستغرب من سؤاله قامت لعنده وقالت بنبرة حازمة مو سؤال : سعود إنت تحب فاتن ..
سعود التفت لها بسرعة وبعدين لف وج الجهة الثانية وقال : إنت ما جاوبت على سؤالي كلمت فاتن بعد الوصية ولا لا ؟؟
شوق : إيه سعود كلمتها ولا تخاف أبوها ما أوصى إنها تتزوج ولد عمها إرتحت الحين ..
وجت بتتطلع بس سعود اوقفها وقال : إيه شوق أحبها بس صديقتك مو معطيتني وجه أصلا ما تفكر فيني خير شر ..
شوق بألم على حالة اخوها وفاتن: والله يا اخوي ما أدري وش أقول لك بس أقدر أاكد لك إنها مستحيل تتزوج خالد لأنها تكر وطلعت وتركت أخوها في دوامة الأفكار لحاله وتذكر قبل أربع سنوات يوم كانت علاقة أبو فاتن وأبوه حلوة عزمهم مرة على تمضية يوم في البيت الكبير حج عائلتهم وكان هو وخالد مرة أصدقاء وجا بيدور عليه لما إختفى فجأة لقاه واقف مع فاتن وهي مو متغطية وهو ما سك يدها هنا سعود إنصدم لأنه كان يحب فاتن مرة ولما شاف هالحركة رجع لأبوه في المجلس وقال إنه تعبان ويبغى يرجع البيت ولما أخذ السيارة إتجه لبيته وهو يتوعد لفاتن ويقول ليش تخونني وأنا إلي أحبها أنا الي أضحي بنفسي عشانها ليش دايم الكل مع خالد بس وأنا وين رحت انا وين مكاني من هالحب كله ليش يا فاتن ليش تسوين كده معي , وأنا دايما أتخيلك زوجتي وأتخيلك جالسة معي بالبيت تواسيني وقت الحزن وتفرحين معي وقت الفرح ليش تخونني ومع مين مع أعز صديق لي ,
ليش كده ((هدافة امانة خلاص مابقى شي فيني يكفي وصف ترى بصيح )) ((ه خلاص سعود اسفة ))......
إنتبه سعود ورجع لعالم الواقع بسبب رنة جواله وشاف رقم غريب أول مرة يشوفه
سعود : هلا مين معي ؟
........: كيفك يا صديق العمر ؟؟
سعود : مين معي أخوي؟
........: افا ما عرفتني وانا دايما تقول لي غنت توأم روحي لحقت تنساني أنا خللود خالد فيصل عبد الله ..
سعود وهو يحاول يخلي نبرة صوته فيها شوق لخالد : هلا هلا هلا والله خالد متى جيت الرياض؟
خالد : جيت وبس المهم أبغى أشوفك ترى مرة مشتاق لك وأنا كلها يوم وأرجع للندن ؟؟
سعود وهو مرة فرحان لأن خالد بيرجع بعد يوم : خلاص وش رايك نتقابل قدام مدرستنا الثانوية القديمة ؟؟
خالد: خلاص اوكي دقيقتين وانا عندك ..
سعود : يلا جاي ..

هذا الجزء التاسع والعاشر بعدين ....

تحياتي هدافة

هاااه ..

لك فتره ما كملتي القصه ..

ووووووووووووووووينك ..

سرعه واللي يسلمك ..

مشكور شاعر عالمرور وهذا انا بنزل العاشر

تحياتي هدافة

**الجزء العاشر**
في بيت أبو سعود كان سعود مرة متكشخ عشان يقابل خالد وما يدري ليش جا في باله إنه لو تكشخ رح تقبل فيه فاتن وتترك خالد ولد عمها ,كلها ثانية وضحك عالفكرة الغبية الي فكر فيها ونزل تحت وما لقى إلا أبوه كان قاعد في مكتبه دخل عليه
سعود: السلام على أحسن أبو بالدنيا
إبتسم ابو سعود (ياسر): هلا وغلا بالدكتور ..
سعود: أي دكتور أبوي انا توني أتدرب ..
أبو سعود: لا وش نسيت إنك سويت عملية قلب ماحد قدر عليها غيرك ولا هذه صدفة بعد ...
سعود: ه لا مو صدفة بس هذه حكمة ربي وقدرته وأنا بصراحة ماأحب أحد يموت على يدي سويت كل الي قدرت عليه وأتكلت على الله والحمد لله الحين نجحت العملية .....................
أبو سعود: الحمد لله ( وانتبه على كشخة أبنه ) إلا أقول وين رايح ؟
سعود توهق لأن أبوه قايل له يقطع علاقته بكل أهل أبو فاتن : رايح للربع شوي اليوم ما في تدريب بالمستشفى ..
أبو سعود وهو مو مقتنع لأن إبنه سعود ما يعرف يكذب بس قال: اوكي يا وليدي بس لا تتأخر بتتعشى معي اليوم أبغاك بموضوع ..
سعود وهو يحب راس أبوه : طيب إن شاء الله ......وراح توجه للباب وركب سيارته وتوجه للمكان الي تواعد فيه هو وخالد ...
في بيت أبو خالد نزل خالد من غرفته وكشخته ماتقل عن سعود وتوجه لأبوه في مكتبه وقال له إنه بيروح مع سعود صديقه بعدها طلع من البيت وركب سيارته وتوجه للمدرسة القديمة . أما أبو خالد فقاعد في المكتب يخلص شوي أشغال عنده ويتمم أوراق الشراكة الي بينه وبين مشاري . وقطع عليه صوت الشغالة تقول : بابا فيصل ماما أم فاتن دقت وتقول هي مستعدة تشوف بابا مشاري ...
هنا فرح مرة أبو خالد وابتسم وطلب من الشغالة قهوة وجلس على مكتبه مرة مرتاح وحط براسه اول مايخلص شغله هنا بيروح لمشاري , بس ما قدر ينتظر لبس شماغه وركب السيارة الثانية ووجهته كانت لبيت مشاري أو بيت محمد بن عبد الله القديم ...
مشاري كان قاعد يقلب بأوراق القضية الي رح تأثر بحياته كمتدرب إذا نجح فيها , وفجأة يسمع الجرس قام عشان يفتح الباب <لأنه عايش لحاله حتى شغالة ماعنده لأنه مايحب الشغالات يحب يخدم نفسه بنفسه>> فتح مشاري الباب وابتسم
مشاري : هلا هلا عمي كيفك ؟ تفضل تفضل << أبو خالد دايم كان يزور مشاري بناء على رغبة اخوه>>
أبو خالد: الحمد لله شلونك إنت وش اخبارك ؟؟
مشاري يبتسم : الحمد لله تمام .. شلون أبوي صاير له شهرين ماشافني ولا شفته هوتو مارجع من السفر؟؟
أبو خالد متوتر شلون يقول له : لا مشاري أبوك رجع و ............................
مشاري مايدري ليش قلبه دق بسرعة : وإيش عمي قول ؟
أبو خالد وهو يستجمع بقايا قواه عشان يعلم مشاري بالي صارلأبوه: والله يا مشاري اخوي ...... أخوي محمد ..... أقصد الطيارة الخاصة والله ...... لأنه هو الي .......
مشاري صار قلبه يدق أقوى من قبل ومسك عمه من كتفه بأدب وقال : وش فيه أبوي وش فيه قول عمي تكفى تكفى قول ...
هنا أبو خالد إستسلم للدموع وقال بكل حرقة : عظم الله أجرك ....
مشاري فقد توازنه و من الصدمة إرتمى على الأرض وهو مو مصدق الي يسمعه ويتمنى إنه يكون يحلم ويتمنى يموت لو كان هذا صدق, وبعد ما تأكد إنه ما يحلم رجعت أنهار دموعه تاخذ مجراها على وج لثاني مرة بحرقة صار يتيم ام ويتيم أب صاير يتسائل ليش هو عايش ليش؟؟ ليش هو الي يصير له كل هذا وهنا قال بصوت عالي وكأنه يخاطب عمه ويوجه له الكلام بس هو في الحقيقة قاعد يكلم نفسه من الصدمة : ليش ليش ؟؟ شلون ؟ كيف ؟ ليش كل هذا يصير معي ؟ ليش أنا ؟ ليش أنا يا ربي ليش؟؟ وهنا إنهار وصاريبكي بصوت : ليش <<ويلتفت لعمه >> ليش يا عمي ليش فهموني ياعالم ...
قام أبو خالد وقعد جنبه عالأرض وضمه لصدره وهداه وطمانه وقال له : إعتبرني أبوك مشاري لاتخاف إنت عندك اهل وأصحاب لا تقول ولا تحس بيوم إنك وحيد كلنا حولك يا مشاري كلنا حولك .........................
((( مشاري محمد ,22سنة .. محامي تحت التدريب . ذا قلب طيب وحساس جدا , ومشاعره تسبق عقله دايم , دائما يشعر بالوحدة , ماعنده إلا صديق واحد , ملتزم ويحب الخير للكل )))
وأخيرا تقابلوا خالد وسعود وبعد ما ضموا بعضهم توجهوا للبر وقعدوا في السيارة وكانو يسولفون بأشياء عادية وكان خالد يحكي له عن لندن أما سعود فكان يقص عليه أجواء المستشفيات والحالات الي تدخل المستشفى تقطع القلب وبعد فترة صمت دامت ربع ساعة :
خالد: سعود قد حبيت مرة ؟؟
سعود إستغرب السؤال وكان وده يقول أنا أموت في بنية عمك بس فضل يقول : لا أي حب الله يهديك ؟
خالد بعد تنهيدة طوييييييييييلة : أنا حبيت تخيل سعود أنا الي طول عمري أتطنز على الي يحبون احب ومن أربع سنين ..
سعود يتصنع الدهشة : إنت صادق ولا تكذب ؟؟
خالد يلتفت له بهدوء : والله يا سعود والله أحبها بس هي معذبتني تكرهني ما تبيني قالت لي : أكرهك أكرهك ...
سعود يحاول يهدي فيه وكان وده يسأل مين هي مع أنه داري الإجابة بس كان لازم يتأكد : طيب خالد أقدر أعرف مين هي؟
خالد : غنت تعرفها صديقة اختك وبنية عمي ..
سعود إنصدم صح كان داري الإجابة قبل بس غير إنك تسمعها بأذنك قال بهدوء : طيب ليش هي تكرهك ؟
خالد بعد تنهيدة : ما ادري سعود ماأدري هالبنت بتجنني بتذبحني بتقتلني ماأدري وش أسوي معها ؟
سعود على قد ماهو فرحان إن فاتن صادة خالد على قد ماهو زعلان عشان رفيقه خالد وحالته وحاول شوي ينسى إن خالد يحب نفس البنت إلي هو يحبها : طيب خالد ما حاولت تكلمها لما رجعت الرياض؟
خالد: حاولت أصلا أنا كل يوم أكلمها ..
سعود إستغرب وبنفس الوقت عصب أو نقدر نقول غيرة : شلون وإنت توك تجي الرياض ؟؟
خالد: أكلمها عالماسنجر .
سعود باستغراب : ليش هي معطيتك إيميلها
خالد : إيه بس ماتدري إني خالد كلمتها على أني شخص ثاني ..
سعود باستغراب : كيف يعني ؟؟
خالد: في يوم إشتركت في منتدى وذا المنتدى كان فيه واحدة إسمها ( سعودية وأفتخر) عجبتني شخصيتها لأنها مثل شخصية فاتن وقررت إني أخذ إيميلها من مشرف صديقي قدر يحصل إيميلها لأني كنت لا زم أتأكد إنها (سعودية وأفتخر ) هي نفسها فاتن ولما أخذت إيميلها .................................................. .... وقص له القصة كاملة وكان سعود طول الوقت مستغرب من هالصدفة والغيرة تزيد بقلبه .... وبعد ما خلص خالد قال سعود: وشلون تأكدت إنها هي نفسها فاتن ؟؟
خالد: عادي طلبت منها نتعرف قبل ما أقول على مشكلتي وهي وافقت ..
سعود يحثه يكمل : ها وبعدين ..
خالد: قلت لها إني نايف وكذا وهي قالت كل شي عنها صح إلا إسمها غيرته لنورة ووقت ماتوفي أبوها عمي كانت حاطة النك (الله يرحمك يا أبوي ) وهنا تأكدت إنها فاتن بس هي ماتدري إني خالد وهذا الي مضايقني ...
سعود إستغرب من القصة وبنفس الوقت تضايق أن خالد قادر يوصلها حتى ولو عن طريق الكذب وعشان يغير الموضوع لأنه بدا يحس بالغيرة من جد قال: خالد يلا أنا تأخرت والوالد يبغاني في البيت وطلب مني لا اتأخر ..
أومأ خالد براسه ولف بالسيارة وطلع من البر , بعدين نزل سعود أخذ سيارته ومشى كل واحد من طريق والإثنين يفكرون بنفس الشخص ألي سرق قلوبهم وما رجعها فـــــــــــــــــــــــــــــــــــــــــــــــــ ــــاتن فــــــــــــــــــــــــــاتن ومين غيرها ....
بعد ماقدر أبو خالد يهدي مشاري ويسوي له كاسة عصير تساعده في ترويق دمه قال: مشاري أنا ما جيت عشان أخبرك بوفاة أبوك وبس لا أنا جيت عشان سبب ثاني ..
رفع مشاري راسه لأبو خالد باستغراب وقال: أمر عمي ...
أبو خالد : أنا جاي أقولك إن أخوانك من أبوك طلبوا يشوفوك وأمهم موافقة ..
هنا مشاري إنصدم ثاني مرة وقال من غير تصديق : قول والله
أبو خالد يبتسم : والله والحين لازم تعرفهم عشان بكرة إن شاء الله بنزورهم مع بعض ...
مشاري مبتسم إبتسامة شاقة حلقه: بكرة خلاص يلا قولي أسمائهم إنت ياعمي ما تدري < وهنا قام وقف وهو يتكلم> شلون انا كان ودي بأخ أو اخت يشيلون عني وحدتي ...
أبوخالد: أوكي عندك أول شي أمهم طيبة حنون وقلبها كبير وطبخها لايعلى عليه <إبتسم خالد> وكمل أبوخالد: وعندك فاتن 17 سنة تحب السعودية كانها أمها الي ولدتها مع أنها سافرت بلدان كثيرة وهي متزنة وعاقلة وأحيا رججتها تقهر .
مشاري : ه يا حليلها أختي فاتن ولا أحسن بقول لها فتون ...
أبو خالد : ه وهم كده ينادوها المهم نجي لفهد فهود 10 سنين مليان وعشقه السيارات ومرة مرجوج..
مشاري : فديته فهود والله ....
أبو خالد : وبس هذول أهلك الجديدن .. ونسيت أقول لك إن خالد ولدي رجع من السفر
مشاري : ربي يخليهم لي ..
أبو خالد : أمين المهم بكرة الساعة 12 الظهر إنت جاهز لأنك بتتغدى معهم اوكي ؟؟ وبعد الغدا أبيك بسالفة طيب ؟؟
مشاري :خلاص طيب ..
أبو خالد وهو يتوجه للباب : يلا في أمان الله
مشاري : ليش عمي خليك شوي معي..
أبوخالد : لا يا وليدي مرة تعبان بروح أرتاح وإنت تجهز لبكرة (وهويطلع) في أمان الله
مشاري وهويسكر الباب وراه : في أمان الكريم ..
سكر مشاري الباب واتجه لغرفته وحط راسه ونام يتخيل شكل أخته واخوه وامه الجديدة ......


تحياتي هدافة

لاااااااااااااااااااااااا..


ليش ما كملتي ؟؟


الله يساااامحك ..


كمليهااا بسرررررررررررعه ..

القصة رائعة بس ياريت تكمليهااليوم لوتقدري ولك الشكر