قصة رومانسية لا تفوتكم بقلمي والله أرجو إبداء الرأي

مشكوره اختي على التاليف الحلو

الله يعطيش العافيه

مشكورة مرايم عالمرور وربي يخليك

تحياتي هدافة

**الجزء الحادي عشر**
رجع سعود البيت مرة تعبان ومرهق مو بس جسديا لا نفسيا بعد ,لأن طوول عمره يعرف إن خالد يحب فاتن مثله بس ما كان يتوقع إن رح يجي اليوم الي يعترف فيه خالد بحبه لفاتن , ولمين له هو اللي يعشق فاتن أكثر من نفسه ...
أول ما دخل سعود البيت اللي كان هادي جدا وما في أحد الا الشغالة (كاكي) وأبوه المتقاعد قاعد بغرفته , جلس خالد على أقرب صوفا جنبه وخذته الأفكار لعالم ما أحد يدري عنه إلا هو وكلم نفسه يقول (أنا ليش حبيت فاتن ؟ ليش لازم مصيري معاها يكون تحدي بيني وبين ولد عمها وصديقي بنفس الوقت , ليش يا فاتن ليش أحس إنك تعذبيني بس ما أقدر ألومك , ليش دايما أحسك بعيدة حتى لو إنتي قريبة , ليش خالد يحبك وليش إنت ما تحبيني أو تحبين خالد , معقول تحبين احد ثانــ.........) هنا سعود ما قدر يتحمل أكثر وعطى دموعه الحرية على خده وهو ما حاول يمنعها لان في حالات العاطفة دواك دايما دموعك ومابقى من ذكرياتك ...
قام سعود من عالصوفا ورقى الدرج متوجه لغرفته بس تذكر إن أبوه طلب منه قبل لايروح مع خالد إنه يشوفه , فاضطر قبل
مايروح غرفته ويتوجه عند أبوه ويشوف وش يبي منه , قبل ما يدخل سعود الغرفة طق الباب ياخذ الإذن بالدخول ,وبعد دقيقتين جا صوت أبوه عميق وبارد : إدخل يا سعود ..
قبل لا يدخل سعود عدل من شكله وملابسه ومسح دموعه اللي دايما تخونه , وبعدين دخل , كانت الغرفة باردة وظلمة إلا من نور الأبجورة اليتيمة . ونور القمر المتسلل من فتحات البلكون ...
سعود : السلام عليكم ...
أبو سعود وهو يقوم من الفراش متوجه لقعدة في البلكون ويأشر لكرسي قدامه : إقعد يا وليدي ...
توجه سعود للمكان اللي أشر عليه أبو سعود وهو خايف يحس إن أبوه بيكلمه بشي كبير , وفضل يسكت وأبوه هو اللي يبدا كلامه
بس لحظات الصمت إمتدت لربع ساعة وأبو سعود يناظر القمر وكأنه يحاول يعرف شلون يبدا السالفة ..
سعود : يبا مرت ربع ساعة وانت ساكت , قول لي وش عندك بدون مقدمات وأنا تحت أمرك وشورك ..
هنا التفت أبو سعود لولده مبتسم وكأنه كان يبي سعود يقول ذا الكلام عشان يتكلم هو :كفو والله بابني , هذا الي أعرفه عنك دايما تكبر بعيوني يوم عن يوم يا سعود ..
إبتسم سعود وقال بحماس : ها يبا أمر ..
أبو سعود : شوف يا وليدي الإنسان بهالدنيا دايما يسعى ورا أشياء كثيرة بس ما يحصل منها إلا القليل , والمؤمن بربه ما يطلب أكثر من نصيبه , وأنت كنــــــــــــــــــ........................
سعود مبتسم : يبا أنا قلت هات اللي عندك وانا بنفذه بس صدقني أنا ما أبي أي مقدمات إدخل بالموضوع ..
أبو سعود بابتسامة فخر وبعدين خذ أنفاااااس طوييييييلة تنم عن الراحة وقال : وليدي أنا أبيك تكمل نص دينك ...
سعود فهم بس يستخف لأنه مو قابل الفكرة : شللون يعني ؟؟
أبو سعود : إسمع يا وليدي أنا بصراحة خطبتك لبنت عمك سلمى , هي من أهلنا وبنت مؤدبة وخلوق وأمك موافقة , وأنا أبي أشوفك معرس قبــل ما أموتـــــ و ....................................
طبعا سعود ما كان أبدا مع أبوه وكانت أخر جملة سمعها (خطبتك لبنت عمك سلمى) وبعدها راحت أفكاره لبعيد وكأنه ما تقبل الفكرة
وقعد يقول لنفسه ) سلمى .. سلمى !! طيب وفاتن !! شلون؟؟! شلون يخطبني لسلمى وأنا أحب فاتن !! شلون .. شلون تسوي كده يا يبا وإنت تحبني وانا وليدك شلون سويتها !!!........ أنا مو سعود اللي تفتخر فيه وتتمنى له السعادة ليش تسوي فيني كده ليش ليش ؟؟
حرام .حرام . حرام يا أبوي ...زز حرام يا فاتن ليش ما تحبيني ليش إنت قاسية؟؟ ليش ماتحسين فيني؟؟ ليش ما ملكتيني قلبك ؟ قلبك ملك مين ها يا فاتن قلبك ملك مين ؟ ردي معقولة معقولة إستسلمتي وعطيتي قلبك لخالد بسهولة معقولة قدرتي تنسين كرهك له إنت دايما تقولين إنك تكرهينه وإنت صغيرة ؟ ليش غيرت رأيك ؟ ليش؟ ماحبيتيني ليش يا فاتن ليش ؟ معقولة خالد قدر ياخذ قلبك .. وأنا انا وين مكاني بينكم ؟ وين ؟ لهالدرجة انا حقير ما يصير تحبيني ........ أأأأااااااه أأأأأأأأأأأأأأأأأه يا فاتن خليتي حياتي عذاب وأهات .. صرت أخو الحزن وصديق الهم ونهر جاهز للدموع لأجل عيونك ؟؟صرت إنتي كل شي بحياتي , انا من غيرك اموت فاهمة سامعتني اموووووووت )) قطع تفكيره صوت أبوه : سعود ..!! سعود !! سعود وش فيك ؟؟
سعود إنتبه لحاله ومسح دموعه اللي خانته مرة ثانية وكانت دمعة حارة يحسها طالعة من قلبه المجروح : ها يبا وش قلت ؟
أبو سعود مستغرب : بعد هذا كله وتقول وش قلت ؟؟
سعود وهو يتذكر الموقف : يبا أنا مو مستعد للزواج .. وبعدين سلمى انا أعتبرها مثل أختي في أحد يتزوج اخته ..؟؟
أبو سعود ونبرة الحدة والسيطرة في صوته : سعود أي أختك الحين سلمى كبرت وصارت حرمة , وبعدين إنت لو رفضتها رح أصير بعيون عمك والعايلة (بزر مو قد كلمتي ) ..
سعود بسرعة يستدرك الموقف : ماعاش يبا اللي يقول عنك كده ؟؟؟ بس و الله انــ...........
قاطعه أبو سعود : ماخبرتك تطلع من طوعي , أنا عطيت كلمتي للرجال والبنت موافقة وخلاص ..
سعود براسه : ) طيب أنا ....أنا مالي رأي هذه حياتي وهذه الحرمة اللي بعيش معها لازم أنا أختارها)
بس طبعا ما قدر يقول هالكلام لأبوه واكتفى بـ : أنا مو رافض سلمى نفسها يبا أنا رافضفكرة الزواج الحين << كذاب بس لازم يحافظ على حبه لأخر قطرة من الأمل >>
أبو سعود عصب وصارت عيونه تتطاير منها الشرار قام وقف وقال بنبرة تهديد : اسمع يا إبني يا من لحمي ودمي إذا ما تزوجت سلمى لا إنت ولدي ولا أعرفك حتى ..
سعود إنصدم من الكلام اللي قاله أبوه لدرجة إنه حس بحقد تجاه سلمى أكثر وقال : يبا تستغنى عني و تتبرى مني أنا .. انا ولدك سعود عشان بنت أخوك (خانته دموعه) يبه شلون قدرت تقول كده شلون ؟؟
أبو سعود وهو يطلع من البلكون ويدخل الغرفة موجه ظهره لولده : أجل تبيني أصدق الكلام الخايس اللي إنت قلته , وأغير كلامي ووعدي للرجال وأسمعهم يقولون عني ( ماعنده كلمة ) ورجع إلتفت لولده وبعصبية : هذا بعدك يا من لحمي ودمي بعدك فاهم !!
سعود يدري إن أبوه كل شي يهون الا كرامته بس إستغرب يفضل كرامته على ولده , وسعود لاول مرة يحس بالإهانة من أبوه في حياته أبوه ماغصبه ولا هاوشه على شي , وبداخله يتمنى لو يشوف سلمى هذه بنت عمه ويعطيها كفوف ويذبحها ويدفنها تحت الأرض , الخسيسة الحقيرة خلت أبوي يهيني , بس لو أشوفك سلموه الزفتة ...
أخيرا إستسلم سعود لكلام أبوه لأنه ما يقدر يكون سبب في قطيعة بي أبوه وعمه زقال : اللي تشوفه يا يبا ... وجا بيطلع بس أبوه قال : توني ما خلصت كلامي تعال .......
سعود في باله : ( كل هذا وما خلصت وش بقى بعد ) بس قال : ها يبا أمر
أبو سعود : أنا حولت تكمل تدريبك في الطب في أمريكا واشنطن , وبالواسطات تقدر تروح بعد شهر من الحين ..
سعود ألتقط الصدمة الثانية وكأن أحد كاب كاس موية بااااارد فوق راسه : إيش ليش ليش ؟؟
أبو سعود : أي ليش بنت عمك رح تدرس هناك وإنت لازم تملك عليها بخلال هذا الشهر عشان تقدر تروح معها وتكمل دراستك بعد هناك ..
سعود بعد ما سكت أبوه راح دنيا ثانية .. دنيا خذته هناك عندها .. فا تــــــــن ( طيب وفاتن .. شلون بقدر أصير بعيد عنها شلون اعرف هي وين ؟؟؟ وش قاعدة تسوي ؟ظ ليش يا أبوي ليش ما رحمتني من هذا القرار ليش ما سالتني قبل ؟؟إنت طوول عمرك تسالني ليش الحين ليش ؟؟؟))))
سعود بصوت واضح فيه الحزن والإنكسار إن شاء الله يبا.... وطلع على غرفته وهو في باله إنه بيتزوج سلمى اللي من جد كرا من قلبه بس فاتن دايما هي اللي بالقلب , وعزم إنه يقول لها بأي وقت يسمح له إنه يحبها وطوول عمره بيحبها ....
بعد ما رجع خالد من البر دخل لبيت وتوجه سيدا لغرفته ودخل الحمام << الله يكرمكم>> لأنه صدق كان محتاج لشور يهديه , ولما طلع لبس بيجامة خفيفة يستعد للنوم بس طرقات عالباب خلته يقول : تفضل
دخل أبو خالد مبتسم وعلى طوول قام خالد من السريروحب راس أبوه وقال : هلا يبا هلا أتفضل ..
أبو خالد: وين اتفضل إنت عيونك دمعت من النعاس اللي فيك ؟؟
الكل :
أبو خالد بنبرة جد شوي : المهم انا بكرة بروح بيت عمك أبو فاتن بتجي معي تسلم عليهم قبل لا تسافر بكرة ولا لا ؟
خالد: ليش يبا وش فيهم الأهل ؟
أبو خالد مبتسم : مافيهم شي بس بكرة يشوفون أخوهم مشاري ( أبو خالد قال لولده من زمان عن مشاري باول يوم وصل )
خالد : خلاص يبا أنا بجي معك ؟؟
أبوخالد: اجل بكرة تصير جاهز طيب وقت الغدا بنروح .
أومأ خالد براسه والتفت عنه أبوه متوجه لغرفته وقال : تصبح على خير ؟؟
خالد: وإنت من أهله..
إبتسم خالد وسند ظهره عالباب وهو مشتاق لبكرة مررة لانه قرر إنه يقول لفاتن كل شي بكرة قبل ما يسافر , قعد خالد عالفراش حقه وقعد يفكر : ااااه يافاتن لو تعرفين إن حبك يمشي مجرى الدم في جسمي . اه لو تعرفين إنت شكثر غالية عندي . أأه لو تعرفين إنت وش سويتي فيني ؟؟يا عقلي ياروحي ياقلبي لو في يدي كان خطفتك وحطيتك بقلبي ولا عاد تطلعين منه يا عقلي يا قلبي أااه يا فاتن متى تحسين فيني متى ؟؟متى ؟؟)) ونام من كثر الأفكار اللي راودته , وصار يكمل الأحلام الوردية اللي تخيلها مع فاتن لا غير


اااااااااااه يا فاتن منك وش سويتي بابطال قصتي , الله يلعن بليسك ....

قلوبهم تنبض باسم واحد **فـــــــــــــــــــــــــــــــــــــــــــــــ ــــــــــــــــــــــــــــــــــــــــــــاتن **


تحياتي هدافة

** الجزء الثاني عشر **
((يوم اللقاء ____ الخميس ))
كان صباح مثل كل يوم الشمس طلعت, والقمر إستحى منها وتوجه للجهة الثانية من العالم ,النجوم ظاهريا إختفت مع أنها في الأساس موجودة بس مين يتحدى ضو الشمس ...
فاتن للحين نايمة تتخيل أخوها شلون شكله وترسم صورته بخيالها , وطبعا ما قدرت ترسم صورته إلا احلى رجل بالعالم..........

تحت بالصالة أم فاتن مع ولدها فهد اللي يلعب بلاي ستيشن ومرة متحمس ومندمج : يما متى الغدا حدي جوعان ؟؟
أم فاتن وهي تترك المجلة من يدها : إصبر شوي يا حبيبي الحين يجي أخوك مشاري ويتغدا معنا ..
فهد وهو يترك يد السوني : يما والله صدق مشاري اليوم عندنا ؟؟!!
أم فهد : إيه اليوم مشاري عندنا ..
قامت أم فاتن وتوجهت للمطبخ: سانتي <<الشغالة>> لاتحطين الغدا الحين في ناس جايين لعندنا أوكي؟
سانتي : أوكي ماما ..
أم فهد : أنا بروح أقوم فاتن وإنتي بس يجوا الناس إبدي حطي الأكل عالسفرة أوكي؟؟
سانتي : أوكي ماما ..
رقت أم فاتن لغرفة بنتها وأول ما فتحت الباب حست شلون الجو بارد والظلام لاف الغرفة ,يعني جو يساعد فعلا عالنوم لمدة أسبوع ,أم فاتن ما تكلمت لانها لو تكلمت وصارخت من اليوم لبكرة مارح تقوم فاتن بهالجو فاختصرت الطريق وراحت على طوول سكرت المكيف وفتحت الستاير ودخل نور الشمس وحدد موقعه بعيون فاتن ...
فاتن : يما حرام عليك ,خليني انوم والله تعبانة ..
أم فاتن : أي يوم الحين الساعة واحدة الظهر أخوك مشاري الحين بالطريق ..
فاتن : أااه يما .(بعد ما انتبهت لاسم مشاري ) نقزت من السرير وقالت بحماس ولا كانها كانت نايوة من دقيقة : صدق و الله صدق يمة مشاري اليوم بيجي ؟؟
ضحكت أم فاتن :هو وانا ليش بكذب عليك, قومي يلا بسرعة ..
ركضت فاتن لعند امها وركضت للحمام <<الله يكرمكم >> تاخذ شور سريع , اما أم فاتن لفت ونزلت تحت في الصالة وهي تضحك ,..
أما فاتن بعد الشور طلعت وفتحت دولابها تدور وش راح تلبس لهالمقابلة وأخر شي إستقرت على فستان فوشي مطرز بأصفر من غير أكمام وطوله نص ساقها , وبتلبس عليه صندل أصفر بسيور طويلة , وتركت شعرها مفلول لين نص ظهرها وهو بالطبيعة له تموجات خيالية , وحطت ميك أب وردي خيالي وطالع شكلها مرة كيووووووت .....
نزلت فاتن تحت وتوجهت للصالة وقالت: ها يمة وش رايك فيني ؟ . وتدور عشان أمها تقدر تشوفها كلها ..
أم فاتن مستغربة : ماشاء الله من جد ملاك يابنيتي توني أكتشف فيك كل هالحلا ه
فاتن: اكيد لازم اصير حلوة طالعة لأحلى ام بالدنيا ه
فهد جا مبرطم ومتصنع للزعل ويتدلع على أمه : يما وش ذا أنا بعد ولدك تغزلي فيني شوي ....
الكل :ه
رن الجرس وطيران فاتن وفهد قاموا متوجهين للباب بس وقفهم صوت امهم:تعالوا تعالوا ,, وسانتي وين راحت ؟؟ليش حنا اجل جايبينها تعالوا إركدوا عاد . رجعت فاتن وأخوها بنظرة خيبة وقعدوا جنب أمهم وام فاتن طلبت من سانتي تفتح الباب للضيوف وتدخلهم المجلس الخارجي ......
كلها ثلاث دقايق ورجعت سانتي تقول : هذا ثلاثة رجال ماما ..
فاتن مستغربة : يمة مو عمي أبو خالد ومشاري بس هم اللي جايين؟؟!
أم فاتن : وليش وين راح خالد ولد عمك قومي قومي لبسي عباتك عشان تقدرين تدخلين وانا بلبس عباتي وبنسبقك انا وفهد عندهم بس بسرعة لا تتأخرين , وراحت أم فاتن ومعها فهد للمجلس وتركوا فاتن متنكدة ومتكدرة من يوم سمعت خالد بالسالفة وقعدت تقول لنفسها (هذا وش جابه ؟؟يا ربي عاللقافة ..ياخسارة كشختي بتتغطى بالعباة )) وقامت متوجهة لغرفتها وخذت عباتها وهي تناظر الكمبيوتر وقالت لنفسها : (غريبة من زمان نايف ما دخل عالماسنجر معقولة يصير رجع الرياض ؟؟)) هزت كتفها ونزلت تحت وهي لابسة عباتها وتوجهت للمجلس الخارجي وقلبها يدق بقوة لدرجة إنها حسته بيطيح في رجولها , مسكت الباب وفتحته وعيونها تدور على شخص واحد ما تقدر تتعرف عليه لأنه أكيد بيطلع مشاري مشت عيونها بالدور على الجالسين :امها خالد عمها و ..........
مشاري يقطع الصمت اللي أحاط الجلسة من أول ما دخلت فاتن المجلس وقال مبتسم : إنت أكييد فاتن صح ؟؟ وقام متوجه لها ومد يده عشان يسلم عليها , بس فاتن إنصدمت من شافته قد إيش هو أحلى من الصورة اللي كانت راسمتها في بالها وبنفس الوقت يشبه أبوها مرة , فاتن دموعها نزلت غصب عنها وما قدرت تخبيها ولو هي لابسة نقاب , وتجاهلت يده وانرمت باحضانه مثل الطفلة الصغيرة اللي تلم أبوها , وأخذت فاتن تبكي لأنها تذكرت أبوها , الكل لما شاف هالمشهد المؤثر ماقدرت ام فاتن إلا أنها تبكي وفهد يدمع وأبو خالد يبتسم مع الدموع القليلة وخالد يتمنى إنه فاتن إنرمت بأحضانه هو والزمن يتوقف وهي بحضنه ولكن ( لا تجري الرياح بما تشتهي السفن) أما مشاري من إنرمت أخته بحضنه لمها بكل حب وحنية وقال بنبرة مهدية : فتون حياتي ماابي أشوفك تبكين ثاني أبدا أنا ما رح اترككم في حياتي ..............
فاتن شالت نفسها من حضن أخوها مشاري وقالت بصوت كله صياح وخجل : اسفة ..
مشاري وهو يحط يده بيده : وش دعوة يا أحلى أخت بالدنيا , ويشدها من يدها معه ويجلسها جنبه وهو يقول : تعالي تعالي..أبي أتعرف على شعور الأخوة اللي بحياتي ما عرفته .......
الكل:
دخلت سانتي المجلس وقالت توجه كلامها لأم فاتن : ماكما غدا انا حطيته عالسفرة , وراحت ..
وأم فاتن قامت وقالت : يلا ياجماعة الغدا كنت بحط الرجاجيل لحال والحريم لحال بس انا أبغى أشوف هاللمة وبعدين الحريم (وتأشر عليها وعلى فاتن) ناكل من تحت النقاب عادي ...
الكل : ه
قامت فاتن بحماس وهي وهي تمسك يد اخوها مشاري : يلا يلا تعال شوف السفرة انا اللي سويت الديزاين حجها ...
الكل ضحك ويقول ( مرجوجة .. الله يهديها ... شوي شوي )
قعدوا كلهم عالسفرة وطبعا فاتن وفهد جالسين جنب أخوهم وكان قدام فهد أبو خالد , وقدام مشاري أم فاتن , وقدام فاتن خالد ..
بدت السواليف والضحك على الغدا وكان مصدرها (فهد ومشاري ) ...
مشاري يوجه كلامه لخالد بلهجة مصرية : تعال يالنمس إحكيلنا عملت إيه في لندن بلاد الشقراوات , ويناظر بنص عين ..
الكل :
خالد وهو يبي يقهر في فاتن ناظر عيونها (الشي الوحيد الظاهر منها ) وقال: يا الله يا الله يامشاري ما أدري وش أقول لك صراحة مررررررررررررررة فلة والبنات أول ما أدخل الجامعة يلتمون حولي ويقولون :<<وبنبرة الحريم >>
oooooh My god your very nice –can you married me ??
الكل ماعادا فاتن :
فاتن كانت في عالم ثاني ما تدري ليش يوم تكلم خالد عن البنات في لندن إتضايقت هي وش دخلها ليش تتضايق لا اكون غرت عشاني أحبــــــــــــــــــــــــــــــــــ .............................لا لا مو ممكن هذا جنون أنا انا وخالد لا مو ممكن !!!
صحت فاتن على صوت عمها : فتون وين وصلت ؟
فاتن : لا ولا شي .. وجت بترجع عيونها لصحنها بس بالغلط جت عيونها في عيون خالد ولد عمها وطولت النظرات وهي تقول لنفسها : ماشاء الله عيونه مرة جريئة وحلوة .. ياربي وش ذا اللي قاعدة أقوله إعقلي يا فاتن , بعد شوي نزلت عيونها من عيون خالد لانها تحس إنها مسختها مرة ..
فاتن تناظر خالد وقالت بلهجة إستسخاف وكره : وليش ما تتزوج من واحدة من بنات لندن إذا إنت مرة معجب فيهم بس لاتجي تندم بعدين ..
الكل إستغرب من نبرة فاتن في كلامها مع خالد وبنفس الوقت هذا الموضوع خلص وهم قفلوه خلاص ليش هي رجعت وفتحته
وخالد كان هو اكثر واحد متضايق من نبرة فاتن وقال لنفسه :( ليش تقول كده وهي وش دخلها معقولة تضايقت عشاني قلت إنهم حلوات) إكتفى خالد بأنه يقول وهو يناظر فاتن بابتسامة تخبل : لا طبعا بنات الرياض مالهم مثيل <ويغمزلها> الله يخلي لنا إياهم..
فاتن أرتبكت من حركة خالد ونزلت عيونها للصحن بسرعة ..
بعد الغدا دق جوال فاتن وشافت رقم غريب أول مرة تشوفه إستأذنت من القعدة وطلعت بالحديقة الخلفية وعيون خالد تلاحقها وشالت الغطا عشان تقدر تاخذ راحتها بالكلام وردت : ألو هلا
الطرف الثاني بارتباك واضح : هلا فاتن شلونك ؟؟
فاتن باستغراب لأنها تحس إن أحد يراقبها : هلا أخوي بغيت شي ؟؟
الطرف الثاني : فاتن ممكن تلبسين نقابك , وتجين هنا عند فتحة السور ؟؟
فاتن مستغربة من الشخص شلون عرف إسمها؟ وشلون عرف أنها الحين شايلة نقابها؟ وليش يبها تجي عند فتحة السور ؟؟
ناظرت فاتن من مكانها على فتحة السور ولقت شخص هناك واقف , لبست بسرعة نقابها وكلمت بالتلفون : مين إنت ؟؟
الطرف الثاني : أنـا أنا ... أنا سعود أخو شوق ..
فاتن بنبرة خوف : وش فيها شوق فيها شي ؟؟ تعبانة ؟وينها الحين؟؟
سعود بنبرة تهديها : لاتخافين فاتن شوق ما فيها شي ؟ أنا اللي أبي أكلمك ؟
فاتن بعد مازفرت زفرة تدل على الإرتياح : الحمد لله , ها سعود وش تبي ؟
سعود : ماأقدر عالتلفون . تعالي عند الفرجة ؟
فاتن: إنجنيت إنت تبيني أجي عندك ؟؟ مسختها تراك , وجت بتسكر في وج بس لحقها سعود وقال : لالالالا فاتن لاتسكرين أمانة فاتن تعالي شوي والله بس كلمتين , عشاني عشان شوق ..
فاتن إرتبكت في الأول وبعدين قررت إنها تروح لسعود وتعرف وش يبي منها وترجع بسرعة لداخل ...........
توجهت فاتن للفتحة اللي في السور ووقفت بعيد شوي وأول شي قالته: من وين لك رقم التلفون حجي ؟؟
سعود : أقول لك انا أخو شوق أخذت جوالها من غير ماتدري وأخذت رقمك إسمحي لي بس والله أنا مرة متضايق وكان لازم أقول لك إنت وش سويتي فيني ؟؟
فاتن باستغراب : وأنا وش سويت فيك ؟
سعود : فاتن إنت ماخليتيني أعرف طعم النوم من أربع سنين وإنتي بعقلي وقلبي , كل شي بحياتي أسويه لازم إنت بعقلي , أكل بفاتن أنوم على فاتن وأقوم على فاتن صرت إنت كل شي بحياتي <<يمسك يدها وهي حاولت تشيلها بس ماقدرت تصلبت من الصدمة واستسلمت لقبضة يدها وسكتت وهو كمل >> فاتن أنا أبوي خطبني لبنت عمي بس أنا أبيك إنت إنت وبس , فاتن حبيني حبيني مثل ما أنا أحبك فاتن والله أنــــــــــــــــــــــــــــــــــــــــــــــــ ـ ..............
وسكت وهو يناظر ورا كتف فاتن لأنه شاف شخص واقف ومرة معصب , وترك يد فاتن ووقف مصدوم ................

ياترى مين اللي جا وشاف فاتن بهالموقف ؟؟

ياترى بعد ماعرفت فاتن عن حب سعود شلون رح تتصرف ؟

كيف راح تكون علاقة فاتن بشوق بعد اليوم ؟؟

ومشاري كيف راح يأثر بوجوده على حياة فاتن ؟؟

إنتظروا الأجزاء الجاية إن شاء الله بأقرب وقت أنزلها

تحياتي هدافة

يسلمووووووووو

يسلمووووووووووووو

هدافه معليش أختي انا ما كملت القصة تعرفين السبب على ما اظن بس من بوكرة راح أكون موجود انشاء الله ,,.