قصة رومانسية لا تفوتكم بقلمي والله أرجو إبداء الرأي

يعطيك العااافيه هدااافه ..


والله القصة مشووووقه ..


كمليهاا بسرررعه ...

مشكوووووووورين إنتوا عالمرور بس والله صدق أنا مرة عندي ظروف قوية مأخرتني
بس إن شاء الله كلها يومين وانزل الأجزاء

هدافة

الله يعينك وانا اخوووك ..


تفرج ان شاء الله ..


خليك على راحتك اجل ..

مشكوووورين عالمرور وصح انا عندي ظروف بس غنتوا ما تهونون علي رح انزل جزء الحين


تحياتي هدافة

** الجزء الخامس عشر **
وقفت سيارة مشاري قدام مبنى المملكة وين مارح يشترون فاتن وشوق إحتياجات عرس سعود
(( فساتين , ميك أب , جزمات <<وانتوا بكرامة>> , شنط ..الخ))
مشاري وهو يناظر شوق بس كلامه موجه لأخته : فتون ما تبوني أجي معكم ؟؟
فاتن باستغراب : ليش ؟؟
مشاري يكلم نفسه : (عشان القمر شوق معاك ) بس قال لأخته : يعني عشان ما يضايقكم أحد ..
فاتن تبتسم بحماس : والله فكرة << وبإحباط >> بس يمكن إنت مشغول ووراك مشاوير روح انت وحنا إذا خلصنا بندق عليك.
مشاري بحماس عالي وهو يسكر السيارة بالريموت : لالالالا مو مشغول ولا شي يلا جاي معكم ..
شوق مرة إنقهرت من فتون ليش إنها توافق مشاري يجي معهم خصوصا إنه كل شوي يلمح عن الموقف ذاك عند الدرج , بس هالقهر ما خلاها تنسى اللي جاية عشانه وصارت تدخل محل وتطلع بأكياس وهكذا ... ومشاري معهم ومو معهم لأنه طول الوقت يفكر بالملاك اللي يمشي عالأرض ..((( شـــــــــــــــــــــــــــــــــــــــــــــــــ ـــــــــــــــــــوق)))
في لندن الجو برة قاتل ومميت , والغيوم ملبدة تنبئ بهبوب عاصفة ما تبشر بخير, عكس الجوفي شقة محمد ( أنوار ضعيفة وشموع مولعة , وأغاني رومنسية , وأصوات دجة وحركات ..........وفجأة الكل سكت والصمت صاير رهيب والعيون كلها على الشخص اللي دخل البيت وبعد ما فتح النور .....................................
surprise
خالد باستغراب وابتسامة تدوخ : محمد وينك إطلع
وفجأة محمد نط بحضن خالد صديقه وقال له: كل سنة وإنت طيب , كل عام وإنت بخير, happy birth day
خالد وهو كاتم الضحكة: وش كل هاللغات شوي وتقولها بالهندي
محمد : عادي, نوكيتا كرتاهيه هني تو يو..
خالد+ محمد : ه
وفجأة تعالت الأصوات تهتف ( happy birth day to you< happy birth day to you > happy birth day khaled
طبعا محمد مسوي مفاجأة لخالد لانه يوم ميلاده وعازم كل أصدقاء خالد في لندن , ومع ان خالد ما يحب الإحتفال بهاليوم إلا أنه ما ينكر أنه كثيييييير إنبسط ونسى شوي فاتن وطوايفها <<<خخخخخخخخخخ)
في المملكة فاتن قالت إنها بتدخل جينفر شوي وتشوف الأشياء الجديدة اما شوق قالت خلاص هي بتروح مكياجي وتاخذ كم شي ويتقابلون عند الكوفي ( ......) طبعا مشاري فضل البقاء مع أخته لأنه عيب إنه يروح مع شوق مع انه يحس قلبه مو مرتاح إنه يخلي شوق بلحالها بس فسره أنه خايف عليها عادي مثل ما يخاف على فتون ...
توجهت شوق لمكياجي وأخذت منه كم جلاس وكم كحل وماسكر وكريم أساس ودفعت المبلغ , وطلعت عشان تلحق عليهم عند الكوفي وصارت تسرع شوي بمشيتها لأنها لاحظت شابين يأشرون عليها وجايين ناحيتها وهي تسرع اكثر وأكثر بس هم أسرع منها واعترضوا طريقها وقالوا لها كلام بذئ ويجرح الكرامة طاحت الأكياس من يدها , وهي ما عندها شي إلا دعائها بداخل قلبها الهيئة تشوفهم بس للأسف المكان ما فيه شرطي واحد , شوق حست نفسها بتدوخ يوم قرب واحد منها وبيشد العباية بس ...
بوووووووووووووووووووووووووووووووووو
شوق وهي تلتفت وراها وتشوف مشاري وابتسامته اللي تدوخها وهو لامها بيدينه كأنها حلاله : شوق حياتي وش فيك تأخرتي علي يلا نرجع البيت ...
ناظرته شوق وهي مستغربة وفالت في نفسها : ( وش قاعد يقول ذا شكله جن ) وراحت عيونها تدور فاتن بس ما لقتها وكانت بتسأله عنها بس فضلت السكوت لانها بين يدينه والشباب طبعا راحوا عنها بعد ما جا مشاري عندها ولمها ..
مشاري بعد ما الشباب راحوا وخر يده عنها وقال وهو منزل راسه : أسف بس كان لازم أنقذك منهم وما كان في طريقة غير هذه والحين يلا فاتن تنطرنا بالسيارة... ورفع راسه وناظر عيونها اللي غرقت بدموعها ينتظر منها كلمة عادي او مسامحتك او حتى مشكور بس شوق ظلت ساكتة وهي تدمع ومو قادرة تحرك شي بجسمها كل شي فيها مصدوم ومشلول , صارت تسمع دقات قلبها , وتحس بدمها يجري بشراينها كأنه مو دمها كأنه نهر أحمر يجري بمجرى غير مجراه وكل شوي تزيد سرعته , وفجأة إنفجرت شوق بالكلام ومشاري يسمعها مو مصدق وشوي ويقول حرام إرحميني ولكن ........
شوق بصراخ وسط دموع : إنت شلون تسوي كده ؟ شلون ؟ إنت شكلك جنيت ,إنت مالك حق تضمني بهالطريقة , إنت ماتسمح للغريب يضم أختك ليش سمحت لنفسك تضمني ليش ؟ ما أقول إلا أنك مو رجال متمسك برجولته؟.. وركضت بسرعة لخارج المبنى وهي تدق على سعود يجي ياخذها او يرسل السواق , بس وهي طالعة لحقها مشاري ومسكها من ذراعها بوسط موقف السيارات وقال وعيونه كلها شرار : خلاص يكفي عطيتك حق اكبر من حقك , سبيتيني ونقصت برجولتي قدام خلق الله وأنا ساكت بس عشانك إنت اللي قلتيها إنت ياشوق, واحد مكاني كان عطاك كف على الكلام اللي قلتيه بس أنا ما قدرت, غبي أضعف قدام اللي حبها قلبي من أول نظرة, وانت مو مراعية شعوري و ...........................................
سكت مشاري وانعقد لسانه يوم نطت شوق بحضنه ما تدري ليش حست إنها بحاجة لأحد تضمه ويوم شافته كذا معصب وقاعد يتكلم بهستيريا مالقت حل إلا أنها ترمي نفسها بحضنه وتبكي , أما مشاري فما أقدر أوصف شعوره هاللحظة جسمه مشلول وقلبه كانه وقف وضميره يأنبه لأنه صارخ في وجه هالوجه الطفولي البرئ وما قدر يسوي شي إلا أنه لف ذراعه حول شوق وضمها بقوة لصدره وقال: لا تبكين ... شـ ... شوق أنا أسف , ظلوا على هالحال دقيقة تقريبا وتمنى مشاري الزمن يتوقف بهاللحظة وهو لامها كانها طفلة صغيرة ...
بعد ما هدت شوق وخرت عن صدر مشاري ووقفت بعيدة عنه شوي وخدودها حمممممرا وما خفت هالحمرة عن مشاري لان شوق بعد ما مسكها من ذراعها طاح برقعها ..
شوق بصوت كله أحراج وهي تتمنى لنفسها الموت على الشي اللي سوته : أسفة .. أنـ .....
مشاري وهو يبتسم ويشيل برقعها من الأرض ويعطيه لها : شششششششششش لا تتأسفين انا اللي أسف وغبي بعد ..
شوق وهي تعدل برقعها وتضحك برقة : ه
مشاري قال بجدية بس أبتسامته على وج : لا تعلمين فتون باللي صار ..
شوق ما قالت شي بس اومأت براسها موافقة على كلامه ومشت معه للسيارة , ولما وصلوا ما لاحظت فاتن أي شي عليهم ومشوا لبيوتهم ...



هدافة

ماشاء الله عليك ..

كملي ..


الله يعطيك العااافيه ..

**الجزء السادس عشر **
في غرفة العروس بقاعة نيارة سلمى كانت قاعدة وحولها زينة وشوق وفاتن اللي أصرت شوق تجي معهم لغرفة العروس سلمى
فاتن : مبرووووووووووووووووووووووووووووك والف مبروك .
سلمى بابتسامة مصطنعة لأنها متوترة : الله يبارك فيك ..
شوق تزيد في توتر سلمى قالت بخبث: إلا أقول زوينة متى الزفة ؟
هنا حمر وجه سلمى وصارت ترجف أكثر وزاد توترها , زينة وهي تضحك:ه حرام عليك يا سلمى وش فيك ترتجفين كانك بالإسكيمو ؟؟
سلمى وهي تحاول تخلي صوتها طبيعي وما فيه رجفة : ما تسمعين شوقوه الدبة تسأل عن الزفة وانا أصلا باليالة وافقت عليها أنتوا ما تعرفون شلون أنا أتوتر ويمكن أموت لما أمشي قدام خلق الله كلهم , والله أحراج احرااااااااااج....
زينة + فاتن + شوق : في أحد بالعالم مايبي زفة ؟؟
فاتن : من جد تستهبلين أصلا صارت البنات تتزوج الحين عشان الزفة ....
الكل :
سلمىهمست باذن زينة : أمي بتجي عرسي ؟؟
زينة بابتسامة مواساة: والله ما أظن تجي , أمانة عاد واحدة ما سألت عنك كل هالسنين بتنطرين منها تجي عرسك ؟؟
سلمى هزت راسها موافقة لكلامها وشوي تدخل عليهم الشغالة وتقول لهم أن الزفة بقى عليها خمس دقايق , طلعوا كل البنات عشان يشوفون الزفة في القاعة من الداخل , وبدت الزفة واول ما دخلت سلمى استغربت من الحريم كلهم كانوا متغطيين بس ما طال أستغرابها لانه وفجاة شافت سعود جنبها ولف يدها على يده وما لحقت تتعترض لأنها متأكدة أن شوق هي المخططة لهذه الزفة, وفجأة بدت أغنية ( يا رب) لمروان خوري وكارول سماحة وهي الأغنية المخصصة للزفة ..........

إنت!!......... بعدك حلوة وصرت أحلى. ......شو هالصدفة مافي احلى..
وقلبي بشوفك ياما استحلي ........ قولي لي كيفك انت؟ ........

أنت!!...... بعدك انت مابتتغير........ محير لي قلبي ومحير ........
وبعدو قلبك طفل صغير ............ طمني كيفك انت ؟؟

ماشيين نتذكر عالدروب <<<< كملوها ...........

واخيرا وصلوا سلمى وسعود لكراسيهم , قعدت سلمى على كرسيها وعدلت فستانها الأبيض الضيق واللي عليه ورود طبيعية حمراء , أما سعود فقبل جبهتها وجلس وهو كان لابس ثوب أبيض وغترة بيضا وبشت أسود وجلس على الكرسي جنبها , وبعد دقيقتين بالضبط كان لازم يروح هو وسلمى للمصورة , دخلوا غرفة التصوير وطبعا شوق اللزقة معهم , طلبت المصورة منهم يقربون من بعض وعينه في عيونها في الأول استحت سلمى وضحكت عليها شوق بس المصورة قالت لازم تسون هالحركة ,طبعا سووها بس بعد ما طرد سعود شوق لأنها قاعدة توتر سلمى أكثر , سوا مثل ماطلبت منهم المصورة :
سعود أول ما حط عينه بعيونها حس بشعور غريب , شاف بعيونها البراءة والجمال , تاه بين زوايا عيونها . شبه عيونها بالبحر الواسع والملئ بالمفاجأت و .........
سلمى : سعود ... سعود
سعود:وهو يتأمل عينها:............................................ .........
سلمىبصراخ : سعود خلصنا سعووووووووووووووووووووووود ...........
سعود: ..................................
سلمى وهي تضربه خفيف على كتفه : سعووووووووووووووووووووووووووووووووووووووود
سعود بعد ما انتبه : ها ...نعم في شي ؟
سلمى باستغراب: خلصنا تصوير صاير لنا ساعة وانت مبلم ...
سعود وهو يضحك : ه معلش عيونك مررة تجنن ..
سلمى ولللللللللع وجا من الحيا وسكتت, أما سعود إستغرب من نفسه عمره ما فكر يقول كلام لوحدة غير فاتن بس ما يدري ليش ضعف قدام نظرتها ........
طلعوا سلمى وسعود يركبون سيارتهم متوجهين لفندق لين بكرة يسافرون بكرة لواشنطن, ودعت سلمى زينة وشوق وفاتن بدموع حارة , وتوجهت لعند سعود اللي كان واقف مع أخوها يوسف :
يوسف : ما أوصيك يا سعود على سلمى ؟؟
سعود : لا توصي حريص سلمى بعيوني ...
يوسف بابتسامة : وهذا كان رأيي فيك طوول عمرك رجال بمعنى الكلمة , وكبرت زيادة بعيوني يا ولد عمي
سعود: ه أكيد انا دايم اكبر بعيون الناس ..
يوسف : خخخخخخخخخ مشكلة الثقة
سعود : ه
بهالوقت وصلت سلمى عندهم : وش قاعدين تضحكون عليه ؟؟
يوسف يرفع ضغطها : سعود قاعد يحش فيك ويقول يا شينهااختك..
سعود كان بيتكلم بس ناظرته سلمى بحنان وقالت : حلالي يسبني عادي ..
كبرت سلمى بعيون سعود أكثر بهالرد وقال بخبث : حبيبتي سلمى والله فديتك يا حياتي ...
هنا ولع وجا وصار طماط وتمنت إنها ما قالت هالكلام , قال يوسف وكأنه كان يقرى أفكارها: تستاهلين ما حد قالك تقولين حلالي يسبني عادي ....
يوسف + سعود :
أما سلمى فتولع وجا زيادة وتمنت الأرض تنشق وتبلعها من الإحراج اللي حطها يوسف فيه وراحت في خرايطها .........
وصلت سيارة سعود لفندق الشيراتون بالرياض ونزل هو وسلمى وتوجهوا للإستقبال وسأل عن حجزه اللي كان ليوم واحد ,أخذ سعود المفتاح وتوجه للمصعد وطلعوا للدور الثالث , دور جناحه ودخله هو وسلمى ..
سعود بابتسامة : إدخلي برجلك اليمين ...
سلمى : اكيد ما فيها كلام
سعود: فديت هالضحكة والله
سلمى ووجا مولع : فديت اللي يفدى ضحكتي انا ....
سعود وهوماسك قلبه : إرحميني ما أقدر ..
ه
إستغرب سعود من نفسه ليش يضعف قدامها ويقول هالكلام وهو يحب غيرها ويخونها لان قلبه ملكته فاتن , هز راسه ينفض هالأفكار منها وتوجه لها في غرفة النوم , لقاها قاعدة عالسرير تصيح إستغرب وتوجه لعندها وركع عند ركبتها ومسك يدها وقال بنبرة ماقدر يخفي فيها الإهتمام : سلمى وش فيك تصيحين وش فيك ؟ صار شي احد ضايـــ...............
سلمى تقاطعه بابتسامة : لا سعود ما في شي لا ترتاع ..
سعود بعصبية وهو يشد على يدها : شلون يعني ما في شي وانت دموعك على عيونك في يوم عرسك ؟؟؟
سلمى زاد صياحها وقالت : سعود طلبتك لو ما تبيني خلنا نعيش مثل الأخوان أنا ما أبيك تنغصب علي , سعود أن أعرف أنك ماتحبني وتحب واحدة ثانية غيري عشان كدا الله يعافيك خلى العلاقة بيننا أخوة لأني أنا أبدا مارح أملك قلب ملكته واحدة قبلي..
وصاحت بحرارة اما سعود أستغرب شلون عرفت وبعدين تذكر أنه دق عليها بيوم درى عن السالفة وقال إنها مغصوبة عليه
ما قدر سعود يجلس عندها اكثر طلع من الغرفة وعند الباب قال : نومي الحين وارتاحي وبكرة لما نوصل لواشنطن نتفاهم , أنا نايم برة إذا بغيت شي قولي لي ... وطلع برة بخلق ضيق ونفسية زي الزفت ......... أما سلمى مسحت دموعها أخيرا وراحت بدلت ملابسها ورمت نفسها عالسرير وراحت بسابع نومة .........
في الصباح قامت سلمى وهي تحس راسها ثقيييييييييل وطلعت برة كانت لابسة جينز ضيق وتي شير أورنج مكتوب عليه بالفضي
(good morning) لفت براسها تدور سعود مالقته إستغربت وين راح الحين ؟ وناظرت الساعة لقتها 2 الظهر صلته وجلست على الصوفا تفكر باحداث أمس , شلون هو ما يحبها وقال كلام حلو مايطلع إلا من حبيب لحبيبته؟ شلون هي قدرت تقترح عليه تكون مثل أخته وهي الحين كلها من حقه ؟وشلون ؟ وشلون ؟ وشلون ؟
سمعت طق على الباب حسبتها ( خدمة الغرف) بس سمعت صوت تعرفه ايه هذا سعود ما غيره , ركضت على الباب وفتحته , دخل سعود ومعه طاولة عليها أكل ..
سعود بابتسامة : أنا داري إنك ما اكلت شي عشان كده طلبت غدا لنا . بناكله وعالمغرب بنمشي للمطار وهناك بنقابل الاهل نسلم عليهم ونطير لواشنطن .....
سلمى وهي تحاول تخلي نفسها مرتاحة من هذا التخطيط : طيب يلا ناكل لاني ميتة جوع , وإذا ما كلت الحين بيغمى علي ..
سعود مكشر وبسرعة : بسم الله عليك , يا حبيــ ... قصدي يا اختي ..
سلمى تقطع قلبها لهالدرجة انا حقيرة ما أستاهل حتى كلمة حبيبتي , تقولي يا أختي , اه منك يا سعود متى تحس فيني بس ؟؟
نفضت هالأفكار من راسها وتذكر نفسها إنها هي اللي طلبت منه يقولها يا اختي مع انها تموت ألف مرة إذا قالها بس هذا نصيبها..
عالمغرب سكرت فاتن كتاب الاحياء وهي طفشانة , ماتدري ليش من يوم سافر خالد وهي حاسة إن الموت هو الوحيد اللي بيشيلها من الملل والتعب اللي تحسه في جسمها كأن سكاكين تطعن في كل ذرة منه , طبعا تعب فاتن ماكان جسدي لا كان نفسي, شايلة هم الإمتحانات بعد ثلاث أسابيع هذا غير إنها تذاكر كثير في اليوم كأنها تنتقم من شي او تعذب نفسها أو تهرب من الواقع اللي عايشته .........
دقت فاتن على شوق أحسن من إنها قاعدة بروحها قدام هالكتب : هلا والله
شوق : هلا وغلا وش أخبارك فتون ؟
فاتن بتنهيدة : مدري شوق حاسة نفسي مخنوقة ..
شوق عاقدة حواجبها : ليش غريبة امس بالعرس كنت فرحانة وش صار ؟
فاتن : مدري وش فيني هالأيام أحس الملل ذابحني , شوق طلبتك ..
شوق : امري كم فتون عندي انا ؟
فاتن بثقة : واحدة انا ..
فاتن وشوق:ه
فتون : ممكن تجيني اليوم بموت انا إذا ما لقيت أحد أتكلم معه ..
شوق بتردد: والله فتون اليوم ما أقدر الحين انا بالسيارة عشان نلحق عالمطار نسلم على سعود ومرته لانهم بيسافرون واشنطن وأول ما أرجع البيت عالساعة 11 بنوم ..
فاتن باحباط : خلاص سلمي لي على سلمى , الله يوصلهم بالسلامة إن شاء الله
شوق : إن شاء الله , فتون لازم أسكر وصلنا سلمي على خالتي وإخوانك..
فاتن : يوصل ,في امان الله
شوق : في امان الكريم ...وسكرت الخط .....
طووووووووووووووووووووووووووووووووووووووووووووووووو وووووووووووووووووووووووووووووووط ...
رمت فاتن الجوال وهي مرة طفشانة فكرت تروح لمشاري غرفته تسولف معاه بس طلع نايم وأمها عند صديقتها وفهد قدام البلاي ستيشين , توجهت لغرفتها وبنظرة من لقى فكرة فجاة, توجهت للكمبيوتر وشبكت نت وفتحت الماسنجر تشوف خمسة اون لاين
تدور و ...... شهقة عالية تبعها : اخيييييييييييييييرا ...<< لقت نايف (خالد) اون لاين ....
شبكت محادثة وكان نكها ( متى ترجع إشتقت لك ؟... وقلبي بنبضه يناديك ) وكان نكه (مهما سويت بحبك انا ذايب ...وعقلي وقلبي كله حلالك )
(متى ترجع إشتقت لك ؟...وقلبي بنبضه يناديك): هلا نايف أخيرا صرت اون لاين والله خفت عليك تصير مت خخخخخخخخخخ
(مهما سويت بحبك انا ذايب ...وعقلي وقلبي كله حلالك ): معلش نورة صارت ظروف ..
نورة ( فاتن ) : طيب إنت جيت الرياض ؟
نايف ( خالد ): ايه جيت ويا ليتني ما جيت ...
نورة: ليه نايف صار شي مع بنت عمك ..
خالد باستهزاء قال لنفسه صار شي قولي وش ما صار : إيه بنت عمي إكتشفت إنها تحب واحد ثاني وهالشخص صديقي عندك حل لهالمشكلة يا حلالة المشاكل << باستهزاء
فاتن ماتدري ليش تحس إنها تعرف هالقصة بس ما تدري وين : والله نايف ما في حل لهالمشكلة إلا أنك تواجا بحبك يمكن إذا درت إنك تعشقها بتترك ذاك وتتحرك مشاعرها لجهتك إنت ما تقول إنك طوول قعدتك بالرياض كنت تتهاوش معها , خلاص عشان كده هي حبت غيرك لأنك ما منك فايدة وحطت براسها إنك ما تحبها ..
خالد وهو يضحك على نفسه يكلمها بوضوح وهي مو قادرة تفهم : نورة مشكووووووووووورة مرة
فاتن بثقة : نايف إنت تو ماتعرفني أنا حلالة المشاكل الاولى بالرياض
خالد<< واضح>>: ه واثقة يا نورة ..
فاتن: أيه واثقة . نايف أنا سمعت مشكلتك ممكن إنت تسمع مشكلتي اللي ما أقدر أقولها لغيرك ؟؟
خالد إستغرب << فاتن عندها مشكله >>: أمري يا نوير يااحلى اخت ..
فاتن: إسمع أنــ.....................
بس من الجهة الثانية خالد كان متحمس يعرف مشكلة فاتن لولا جواله دق على نغمة ( هلي لا تحرموني منه .. هلي لا تبعدوني عنه ..) كتب لحظة معي تلفون لفاتن ورد عالجوال:
خالد: hello
من الجهة الثانية : hi are you mr khaled?
خالد :yes I am
الشخص : this is a hasbital
خالد بخوف : what can I do for you?
الرجال الثاني بتردد: your frind mohamad is hear
خالد سكر الجوال بسرعة وقفل النت وطلع من البيت طيران عالمستشفى يعرف وش السالفة , أما فاتن ففجأة جاها إن نايف اوف لاين عصبت الاول وبعدين قالت يمكن صارت له ظروف ولا شي خلاه يقفل بسرعة , هي بعد سكرت ورجعت للكتب ....
توجه خالد للمستشفى وفي دقايق عرف من الإستقبال إن محمد بالعمليات وهم جابوه من تحت أنقاض بيت إنهد في حي (.....) وطيران علي غرف العمليات وجلس يناظر صديقه من الدريشة وهو يصيح ويدعي أنه يطلع بالسلامة ويفكر بفاتن يا ترى زعلت من حركته هذي ولا لا ؟ وش المشكلة اللي تمر بيها ؟؟ مسك خالد راسه من صداع يحسه بيفجرها من كثر التفكير ..............
( سعود .. فاتن......محمد........نورة ...نايف .... مشاري ....... الجامعة ...... الإمتحانات) أوووووووووف...... الله يعين.. جلس على كرسي قدام غرفة العمليات وراسه بين يدينه ويلعن الدنيا وحظه فيها بس استغفر ربه واستسلم للواقع والنصيب ...

هدافة

تسسسسسلمي أختي على القصه الرااااااااائعه

كملي بسسسسسسسسرعهsm124

تقبلي مروري وشكرا

** الجزء السابع عشر **
في المطار ودع اهله بداية بأبوه وعمه ونهاية بيوسف وشوق اللي ما خلت أحد بالمطار ما ناظرها من كثر ما هي صايحة, اول مرة تفارق اخوها شلون بتتحمل ما تدري , وسلمى نفس الشي ودعتهم كلهم بس لما جا دور أبوها انرمت بحضنه وهي توصيه على زينة ويوسف وحمد كانها أمهم مو اختهم الصغيرة, كلهم ضحكوا على حركاتها بس اعذروها اول مرة تسافر بعيد عنهم..
نادوا على اصحاب الرحلة 306 وكانت هذه رحلتهم حبت سلمى خد حمد ولد اخوها ومشت مع سعود للرحلة , ركبت الطيارة وهو جنبها وهي ركبت على جنب فيه دريشة لانها تحب تناظر السما , بدا اقلاع الطيارة من هنا وراح سعود في سابع نومة ,أما سلمى فبعد ما ابتسمت على شكل سعود الطفولي وهو نايم راحت تتامل من الدريشة , سماء سوداء عشان الليل والغيوم كل واحدة لحالها وباليالة شوف مجموعة مع بعض هذا غير النجوم اللي كنها مصابيح بيضا معلقة بغرفة الظلام مخبي ملامحها , جلست تفكر كثير لين غلبها النعاس ونامت .....
في المستشفى بعد ثلاث ساعات إنتظار طلعوا الدكاترة من غرفة عمليات وركض لهم خالد خايف ومو مطمن
خالد بنظرة عجز وخوف:وش صار ؟I mean whts ..
قاطعه الدكتور باشارة من يده : لا حبيبي انا لبناني وبفهم عربي لو سمحت بدك تجي معي لمكتبي ورفيقك محمد بدو يروح عالعناية هلأ هناك بيلاقي الراحة والعناية اكثر ......
مشى خالد ورا الدكتور كنه ظله وهو يحمد ربه عن الدكتور عربي لانه ماله خلق يتكلم ويحلل إنجليزي , وصل خالد مع الدكتور للمكتب وطلب الدكتور من خالد يهدى ويجلس وبعد صمت عشر ثوان قطعه صوت خالد: دكتور وش فيه محمد أنا مو صغير تضحك علي قول لي حالته بالضبط وأنا سامعاك ..
الدكتور : انت خالد رفيقه موهيك ؟
خالد : ايه دكتور المهم وش حالة محمد ؟
الدكتور : استاز خالد أنا بكلمك بصراحة , محمد رفيقك بعد ما انهد البيت وقعت اكتر أجزاء على رجلينه مما أصابها هالجروح كلها وأنا كنت أمل ما في كسر وطلع مظبوط ما في كسور بس إكتشفنا إن بعض الأشياء اللي وقعت عليه كانت مواد سامة وأكلة للجلد وهو كان ساعتها جروحها عميقة , مشان هيك إضطرينا نبتره له رجوله نحميها من التلوث اللي صار له ,,
خالد مصدوم كن احد كب على راسه موية باردة وقال بصراخ : نعم!!! بترتوا رجوله ليش... وهو .. بعدين ما يقدر يمشي ... بيصير معاق ؟؟ محمد بيصير معاق .لا ما صدق قول إنك تكذب ......قووووول..
دكتور يحاول يهدي فيه : استاز خالد هيدا الله وهيدي حكمته ما بيدنا شي إلا ندعي له إزا فاق بدو يستجيب للعلاج الطبيعي عشان بدنا نركب له بدل صناعي .........
خالد وهو حاط راسه بين يدينه ودموعه شلال من عيونه : إن شاء الله يا دكتور إن شاء الله ....
الدكتور بابتسامة : هلأ روح بيتك ارتاح رفيقك ما بيفوق إلا بكرة الصبح تقدر تمره بكرة..
هز راسه خالد وما ناقش لانه فعلا كان تعبان ولازم يروح يرتاح , توجه للبيت وأخذ شاور بدل ملابسه ونام< النوم سلطان خخخ
وصلت طيارة واشنطن ونزل الركاب ومنهم سعود وسلمى أخذوا عفشهم اللي كان عبارة عن شنطتين بس وتوجهوا لاول تاكسي شافوه وطلبوا منهم يوديهم لشارع (.....) هذا الشارع راقي جدا وكان أبو سعود مستاجر لهم فيه بيت عبارة عن رسيبشن وغرفة للضيوف وصالة وغرفتين نوم واحدة رئيسية والثانية ثانوية ومطبخ وحمامين <<انتو بكرامة ........
أول ما دخلت سلمى البيت إستغربت كان ديكور البيت اثري وكأنهم في الرياض مو في واشنطن التفت لسعود وقالت : سعود مين حط هالديكورات السعودبة؟؟
سعود بابتسامة : هذا أبوي أرسل شوي ديكورات من السعودية عشان ما يحسسني إني بغربة ..
سلمى وهي مبهورة: ما أصدق ه من جد عمي خطيييييييير
سعود وهو يناظرها بنظرة غريبة: سلمى ..
سلمى بسرعة ومن غير شعور : لبيه قلبي
سعود استغرب اما سلمى ولع وجا وجت بتصحح : أ..... قصدي أمر أخوي ..
أخوي .. أخوي وش هالكلمة .خير عن شاء الله ليش تقول لي كده ؟....أخوي قال. سعود وش فيك إنت اللي طلبت منها ؟... وبعدين ليش تضايقت مرة يوم قالتلك أخوي؟؟ ..... أنا خايف أكون حبيـــ..... لالا مو معقولة أنا فاتن بس هي اللي بقلبي وسلمى اختي ..أختي وبس ...سعود ليش تضحك على نفسك إنت حبيتها حبيت سلمى بس شلون تصحح وضعك معها هذا اللي لازم تفكر فيه ....
أما سلمى فبعد ما قالت قلبي وهي مولع وجا وقاعدة تلعن لسانها اللي قال هذه الكلمة , أنا غبية وش ذا اللي قلته صدق ما عندي سالفة ,(لبيه قلبي) والله إني استخفيت , بس وش أسوي يا ناس أحبه , قولوا لي وش أسوي من جد أنا بموت من القهر انا أحبه وأعشقه وهو ما يبيني , خلاص بكيفه هو مايبيني أنا ما ابيه كبريائي أعلى من إني اقوله احبك وإنت لا ....
سعود : سلمى فيه غرفتين نوم هنا اختاري واحدة واتركي الثانية لي ( وبابتسامة) أوكي ؟
بلمت سلمى من ابتسامته والله إنه بيذبحها وابتسمت ابتسامة احلى من حقته : أوكي .. وتوجهت للغرفتين وهي حاطة ببالها بتاخذ الاصغر عشانه هو ياخذ الأكبر أما سعود كان يفكر لمتى هو بيصير محروم منها ومن لمسة يدينها صح هو أول طلب منها كده بس الحين غير والله غير الحين هويحبها والله يحبها طلعت له برة وقالت : خلاص انا باخذ الغرفة الثانوية و ...........
سعود كان قاعد عالصوفا وحاط يدينه بين راسه توجهت له سلمى بسرعة وقالت بخوف وهي تمسك كتفه : سعود وش فيك ؟؟ تعبان ؟؟ أدق على المستشفى ؟؟
سعود : .................................................. .....................................
سلمى وهي تبكي : سعود الله يعافيك لا تسكت (وهي تهزه ورفعت راسه لقت عيونه دموع وبخوف قالت: سعود وش فيك ؟
سعود ناظرها وقال : أسف وطلع من البيت وترك سلمى بحيرتها وش فيه ليش يتأسف ؟؟؟ اااه ياسعود أنا بموت في يوم بسبتك سعود يا ولد العم ارحمني ارحمني وطاحت عالصوفا تصيح من القهر ومن حظها واستسلمت لأول نوبة نعاس جتها ونامت ..
رجع سعود بعد مالف كل شوارع واشنطن وهو متضايق , دخل البيت وسكر الباب وقال بيتوجه لغرفته بس شافها نايمة برة مو في غرفتها تضايق وقعد يسب نفسه لأنه هو السبب في معاناتها, توجه لغرفتها وأخذ اللحاف وطلع لها برة ولحفها وجا بيروح إلا وهي تمسك يده : سعود متى جيت ..؟
سعود بابتسامة يا حبي لها وهي قايمة من النوم : الحين توني جاي
سلمى بابتسامة : سعود مشكور عاللحاف والله أنك حاس فيني أنا كنت بموت من البرد ..
سعود بسرعة : بسم الله عليك ..
سلمى ابتسمت باستهزاء وقالت : يعني يهمك مرة إذا بموت ولا لا إنت أصلا واحدة اللي تهمك وهي اللي كرهتني عشانها , وقامت توجهت لغرفتها وتركت سعود طايح بالدوامة اللي هي رمته فيها (أكرا لا والله سلمى ما أكرهك إنت ليش تقولين كذه ليش؟ ااااااه يا سلمى لمتى لمتى ؟؟ والله حاس إني .......) سكت سعود ما لقى تفكيره له داعي وقال إن شاء الله بكرة بعلمها إني أحبها وإني نسيت فاتن , انا مدري شلون كنت غافل عنها ولا فاتن شلون ملكت قلبي .... راح غرفته ونام ....
في اليوم الثاني عالساعة 2 قام سعود مصدع ويحس إن في نجار عايش براسه توجه للحمام <<انتوا بكرامة>> أخذ شاور سريع ولبس بنطلون جينزفاتح وتي شيرت أحمر وبرتقالي وطلع للصالة وشاف على السفرة أنواع الطبخ السعودي ( جريش–مرجوج-كبسة..)
أستغرب وناظر المطبخ لقى سلمى طالعة منه ومعاها صحن سلطة التفت له وابتسمت وقالت : وين ما عشنا ماأنسى أكلات بلدنا ..
سعود والدهشة بتجيب له سكتة : تعرفين تطبخين !!؟ ما توقعت أبدا !
سلمى : ليش وش شايفني أصلا انا كنت أطبخ لأبوي أحيانا مكان الشغالة عشان يعطيني مرتبها ...
سعود:ه ه
سلمى يا حليل ضحكته فديته والله بس هو اهان كرامتي لانه وافق يتزوجني وهو مايحبني وما يبيني , أنا مارح اهتم له وأخليه يعيش بكيفه أنا وش دخلني فيه أنا مجرد واحدة إنغصبت عليه ....... بدوس على قلبي عشانه .............
سعود وهو يجلس على كرسي من كراسي السفرة : يلا يلا أنا مرة جوعان (ويغمز) أبي أذوق أكل مرتي ..
وش أوصف بسلمى ذا الوقت من جد قلبها وقف وسكاكين تطعنه (مرتي !! مرتي!!) ما أصدق مستحيل .. مستحيل قاصدني ويتكلم عني , بس وش يحسبني على كيفه متى بغى يقول لي اختي يقول ومتى ما بغى يقولي مرتي يقول <<تخسي والله مارح اعطيه وجه ذا الكذاب الخاين الأناني ..........
سعود : سلمى وش فيك ما تاكلين ؟؟
ناظرته سلمى نظرة احتقار وقامت من السفرة وراحت غرفتها, استغرب سعود منها كل هذا لأني قلت لها مرتي , ترك الأكل وراح لعندها ودق الباب : سلمى افتحي افتحي ..
سلمى:............................................. .....................
سعود بعصبية : أقول لك افتحي , سلمى إفتحي لازم نتكلم , افتحي الباب ..
سلمى بصراخ هستيري : أقول لك وخر ما أبيك ما أبيك إنت واحد ما عندك شعور وتجرح بس في الناس وتحسب العالم تحت يدك بس أنا لا مارح أصير أبد مجرد واحدة مغصوبة عليك ما تبيني بكيفك طلقني, بس ما تلعب في مشاعري إلا هذه ما أسمحها لك
سعود انا اكرك سامعني أكرهك طلقني طلقني .........
سعود عصب : مافي طلاق يا بنت العم وإنت غصب عليك أو بكيفك زوجتي حلالي فاهمة مافي شي بيمنعني عنك ..
سلمى وهي تبكي قالت :حرام عليك عذبتني معك بما يكفي إتركني ( وتوجهت للباب وفتحته وصارخت بوج ) طلقني طلقني ما أبيك ما أبيك روح تزوج اللي تحبها , انا أكرهك لو رجال طلقني و ...........
طـــــــــــــــــــــــــــــــــــــــــــــــــ ــــــــــــــــــــــــــــــــع ..طـــــــــــــــــــــــــــــــــــــــــــــــ ـــــــــــــــــــــــــــــــــــــــــــع
العالم صار أسود بعيون سلمى ومسكت خدها شلون شلون مد يده عليها شلون قدر؟ وطاحت مغمى عليها , أما سعود فبعد ما عطاها كفين ناظر يده باستغراب شلون عطى سلمى كف شلون عطى واحدة يحبها ويموت عليها كف شلون ؟؟ ناظر الأرض ولقاها طايحة من كثر الروعة ما يدري وش يسوي راح بسرعة شالها وحطها على الفراش وجاب عطر يحاول يقومها ويعطيها كفوف خفيفة ويسمع نبضها الخفيف وكأنها استسلمت للموت , دمعت عيون سعود وضم راسها بين يدينه وصدره وقال بحرقة وندم : أسف سلمى أسف بس ما قدرت أتحمل منك تكرهيني والله أسف سلمى سامحيني سامحيني ( وضمها لصدره وقعد يبكي )... وفجاة ...
سلمى : سعـ ... سعــــود أأاسفة وانا مسامحتك أحبك يا سعود احبك...
سعود يناظرها ويبتسم : مو اكثر مني ,انا أحبك أكثر من نفسي ..
ابتسمت سلمى ابتسامة رضا ونامت على صدره مرتاحة وقالت : لاتتركني ..
نيمها سعود في حضنه ولفها باللحاف وضمها لصدره بقوة عشان يدفيها , وحط خده على راسها ونام وقال : مارح اتركك أبدا ..
خالد قام من النوم وأخذ شاور ولبس جينز أسود غامق وتيشيرت أسود مرسوم عليه قلب يخترقه سهم , وتوجه للمستشفى يشوف صديقه الروح بالروح محمد , توجه للعناية لقى سريره فاضي أنهبل وش قصدهم؟!! وش قصدهم؟!! وين محمد ؟؟ لاتقولون مات وتركني لا ؟؟ راح بسرعة برة وتوجه لمكتب الدكتور اللبناني وفتح الباب وعيونه دموع : وينه وينه صديقي وينه ؟ وينه محمد ؟ وينه أخوي ؟
الدكتور : استاز خالد هدي أخوي محمد رفيقك هلأ بغرفة العلاج الطبيعي مشان يتدرب على الرجل الصناعية هو وافق على العلاج وكان قوي يوم سمع عن بتر رجوله ..
انرمى خالد على الكرسي وتنهد تنهيدة ارتياح مايدري ليش حس انه مثل الغريق اللي بيموت وفجأة جا مين بينقذه, بعد ما ارتاح توجه لغرفة العلاج الطبيعي وقابل صديقه محمد اللي استقبله بكل فرح ولا كأن رجوله مبتورة لأن من سماته التفاؤل حتى لو ما في أمل , قعد خالد مع صديقه ساعتين يساعده على علاجه وبعدين رجع لبيته وهو مرتاح ويدعي لمحمد إنه يرجع البيت وينوره