البارحه مابين لالا ويمكن = قضيت ليلي بين يمكن ولالا
خليتني مابين ماظن واظن = وسجت بي الافكار والفكر جالا
سهرت ليلي كله اسب والعن = يلعنك ياحظٍ تعكس ومالا
اسامر اللوعات وانوح واون=ونة يتيم اهموم قلبه تتالا
قامت همومي فوق صدري تلون= لاراح همي هم يأتي ويالا
عليك ياللي داخل القلب تسكن =قصرٍ لحالك لا لذولا وذولا
ركز معي ياغاية الروح وافطن =في قافي اللي لك بنيته على (لا)
ابتفلسف لك وابظهر واببطن =من فلسفة شاعر وسيع الخيالا
الكيلو الف جرام لكن وش الطن ؟= واقرب مسافه صح خطٍ عدالا
والذره التعقيد فيها ويكمن = صعبه وايضا تجزأتها محالا
لُكن جا بالانشطار وتمكن =تمكن اشتاين وسوى انفصالا
وركز معي في لا مع لم مع لن = للنفي تستخدم بليا جدالا
وافهم وش المقصود لاقلت لكن = هاذي ترى استدراك في كل حالا
قال المثل قد وافقت طبقه شن =وقال القناعه مال عن كل مالا
وركز ترى الدولار ماهو كما الين =مثل الجنيه اليا صرف بالريالا
شتت افكارك توكل وخمن =يمكن تصيب وذي تصيب استحالا
ليه على القاف المعقد تمكن =شاعر ولامن قال ماقام لالا
نرجع شويه وانت هالحين لحٌن= لحن على الطاروق يالالالالا
بشتتك تشتيت يالين تيقن = اني بحر وان البحر دون جالا
ركز ترى البيلوت شريه وديمن = وايضاً سبيت واحمر القلب لالا
والحكم عشره واحد وعكسه الصن =خمسه بواحد والخساير توالا
خليني اسكت ياهوا البال احسن =من فلسفة شاعر طويل الحبالا
اخاف راسك لو تفلسفت دخن = واخاف دمعك لو تبصرت سالا
خلي حبوبي داخل الراس تطحن = ولاتتعبي نفسك بكثر السؤالا
شاعر وله بالشعر مس من الجن =نجمه على كل النجوم يتلالا
وختامها خليتني دون موطن = تقفي وتقبل ياحسين الدلالا
بذكرك قلتي فهد يوم ياذن =بحق الاذان اتقول مانسى الوصالا
وصلوا على المختار ماصبوا البن =على النبي صلاة ربي تعالا
بقلم رحاال
الموضوع الاصلي
من روعة الكون
آخر 10 مشاركات
25-11-2007, 11:52
فلسفة شاعر (((( تحتاج تركيز )))
العرض الشجري
