القصيده التي حازت على اعجاب الملايين ... ونقاد الشعر .... من قنبلة الشعر

قصيده اقل ما يقال عنها رووووعه وهي فعلا قنبله بمعانيها وقووووتها
الشاعر : حامد زيد


(((( الجمهرة ))))

إي بالله اخطو والخطا اللي جابهم عين الصواب
مبطي وانا اشوف الطمعيكشف رداهم واستره


ما يملي عيون الحسود بهالزمن غير التراب
ومن لا يتوب من الخطا تحرم عليه المعذرة


اللي من اولها خراب .. اكيد تاليها خراب
والبندق اللي ما تثور في هدفها .. تذعره


ودّك ليا من جاتك الغلطة من الناس القراب !!
الصاحب اللي من كسبت محبته ما تخسره


مشكلتي انّي ما عرفت احسب لصدتهم حساب
قلطتهم صدري على ذكرى قصيد وحنجره
صوت يصول بمنبره , وخطاب ما مثله خطاب
والطيبه اللي زعزعت صوت الخطيب ومنبره


ما فيه دمع صوّبوه احبابي بوجهي وخاب
ولا زرق حزني على غالي , ولا فجّ انحره


كلّ الزهاب اللي معي .. ذكرى من اصحاب الزهاب
واللي بقالي من عذاب .. اشرس طريقي واخطره


لاني تجنّبت الغرق .. عديت من فوق السحاب
لانّ اكثر اصحابي ورق .. ما شفت للطيب اثمرة


والله ما حطيت بين الحقد والخوّة حجاب
حتى غدوا ربعي يحدّوني على الضيق .. ( اشكره )


البارحة ثارت علي رقاب ... وآوتني رقاب
البارحه يا ثقل دم البارح ويا محقره


اهبّ يا وجه الحسد وشلون جمّعهم ... وغاب
كيف السنين اللي عطتني .. ( بعثرتهم بعثره )
أثر المصايب ما تجيك تلاّ من الناس القراب
وبهالزمن حتى الخويّ اللي تثق فيه .. احذره


لا بارك الله في رفيق .. تزعله كلمة عتاب
ولا جمّع الله الرجال اللي تفرّقهم ( مره )


عوّدت نفسي كلّما شدّدت في يمّة ركاب
ما اصدّ وجهي عن طريق الاّ ليا جبت اخبره


الصاحب اللي ما يجي من صحبته غير العذاب !!
نذر ٍ علي ان ما هجرني .. والاّ انا اللي بهجره


من يفتح لفرقاي باب ... افكّ له عشرين باب
واذا خويّي ما يقدر خوّتي ما اقدّره


إن ( روّحوا ) فانا بري منهم الى يوم الحساب
وان ( جرّحوا )قولوا لهم ما حرّكوا فيّ اشعره


شفهم لهم حول السنة ... ولا خذوا مني جواب
أحسن دوا للي يحاول يستفزّك ... تحقره

انا جمعت اوراقهم بكتاب .. واغلقت الكتاب
يا وقت لمّ اللي تلمّه, وانثر اللي تنثره


ما كنت احاتيهم صغير ٍ ... عاد احاتيهم شباب
إن ما ذخرني صاحبي لليوم الاسود ما اذخره


عقب اكتئاب البارحة ما عاد انا حمل اكتئاب
الطيب جرجرني , وانا ماني بناقص جرجره


اللي يخاف الظما يترك لنا طرد السراب
واللي ما هو بقدّ الظلام ووحشته ... لا يسهره


أنا تجرعت العطش لين احترق وجهي وذاب
أنا.. كسرت بخاطري قبل الصداقه تكسره


أنا ..خسرت اللي غيابه غير عن كل الغياب
أنا .. غفرت لعالم ٍ .. ما تستحق المغفرة

أنا ( أكثر انسانٍ تعلّم ) من كثر ما اخطا واصاب
أنا آخر ( لسان يتكلّم )في زمان الثرثره


أنا (القصيد اللي فزع ) من دفتره ...مليون ناب
وانا ( الوحيد اللي جمع ) مليون ناب بدفتره



جفني وجرّحه السهر , حيلي وهدته الصعاب
دمعي هدر ... ضحكي ندر .. عمري وضيّعت اكثره


شيّبت بعقول العرب .. هيّبت روس ] ما تهاب
جمهرت ناس ٍ عمرهم ما يعرفون ( الجمهره )


ما ( صرت ذيب ٍ ) الاّ لأنّ اللي حواليني ذياب
ما ( كنت أغيب ) " الاّ لأنّ العفو عند المغفره "


ترى حلاتك , لا حملت لصاحبك كلمة عتاب
إن ما نطقت أبها بوج .. ما تذمّه بظهره

في هالزمن ما يملى عيون الحسود الاّ التراب
والاّ الحظيظ .. الطلقه اللي ما تصيبه تذعره


ودّك ليا من جاتك الغلطه من الناس القراب
" الصاحب اللي ما كسبت محبّته ... ما تخسره "

ــ
ـ
ـ
ـ


وسلامتكم

الموضوع الاصلي  من روعة الكون