::][روحـ (ن) عشقته وقلبـ (ن) فقدته][:: قصة مميزه

مجد: والله سبحان الله شوف الفراشات ألوان واشكال.. شو رايك نهرب شوي منهم البلاد
أحمد: ه عشان يحترقون.. امشي ورانا درب بلا نهرب بلا شي..
مجد: وين بنروح ..
احمد: بنسير النفق الي مسواي تحت الماي..
مجد: كيف جي بعد
أحمد: بتشوفين بنفسج..
ودخلوا النفق هذا كان مظلم تقريبا.. بس يخوف.. حواليك كله أسماك أنواع وأشكال.. ومجد ترتعد من الخوف..
مجد: انت اونك بتحط بالك علي.. واشوفك يايبني هالمكان.. تخيل ينكسر هالزجاج..
أحمد: مابينكسر جي شو.. مضاد للكسر هذا
مجد: لا والله وشو يضمنك.. مافي شي مضاد للكسر.. خل نطلع بسرعه
أحمد: ظلمة وناس يدامنا تبيني ادعمهم شو..
مجد: أحمد والله خايفه خل نطلع..
أحمد: شوفي فوق
رفعت راسها مجد ويوم شافت هالسمجة.. قرش بو منشار.. تمت ترتجف من الخوف.. وصرخت خلت الكل يطالعها

أحمد: فضحتينا عنبوووج حد يصرخ جي..
مجد: طلعني أحمد بليييييز
أحمد يود ايدها ومشوا بين الناس وطلعو.. : ارتحتي
مجد: هيه ارتحت.. شو ها ان ماشتكيت عند يدتي.. والله مخوفني..
أحمد: دواج تستاهلين.. عيل انا يالهرمه تخليني طول فتره الملجة ما اسمع صوتج
مجد: تستاهل زود يوم ان هاي سوالفك.. بتييب لي سكته..
أحمد: بسم الله عليج
مجد: هيه هذا الي فالح فيه .. تقردني وبس..
أحمد: ه احبج هاي مشكلتي
مجد: هنف عليك وعلى حبك..
أحمد: بعد احبج
ابتسمت مجد وكملوا دربهم.. كان اخر لهم اليوم.. واليوم الثاني الساعه 10 الصبح لازم يكونون في المطار عشان يرجعون البلاد..
مجد كانت مستمتعه في كل لحظة تعيشها مع أحمد.. فعلاً انسان قمة الأخلاق والرقي ف التعامل.. نفس اسلوبها وشخصيتها وخبالها.. والي يجمعهم.. حب قوي .. مافي اي قوى في العالم تفرق هالقلبين..
=-=-=-=-=-=-=
في هالأيام في البلاد..
تحولت القضية للجنائيات وبهذا كانت الإجرائات سريعة عشان يثبتون نسب الجنين.. عادة مثل هذا الفحص ياخذ وقت.. لكن في الحالات الطارئة مثل هالقضية يستعيلون في النتايج.. وخذوا عينه دم من الأب والأم والجنين .. وكل النتايج طلعت لصالح جواهر..
اثبتوا ان الجنين هو فعلاً من جابر.. كان الخبر صدمة لجابر.. كانت في هالوقت جواهر واقفه مع اخوها يدامه تتطالع جابر بكل استحقار.. وجابر مفتشل .. لكنه يبا يفهم كيف صار هذا كله..
جواهر: طعنت في شرفي يدام الكل .. وحاولت تشوه سمعتي.. وفي النهاية.. محد خسر غيرك.. المحكمة طلقتني منك أول شي .. وثاني شي خسرت الطفل الي كان بيكون حلقة وصل علها كانت بتقربني منك.. حاولت وياك بكل ما اقدر.. وكنت لآخر لحظة متحملتنك.. واليوم نفذ صبري خلاص.. مابا شي منك ياجابر.. انت خذيتني غصب .. وألحين انا بكمل مشواري اتحمل ثمن كل شي سويته..
جابر: بس جواهر فهميني ارجوج .. نوريني كيف صار هذا كله
جواهر: ه انورك.. وانت انسان تعرف النور اصلا.. جابر لا تفشل نفسك زود ما انت مفتشل يدام اللي قاعدين.. يكفي بس يكفي..
جابر صد صوبها وعيونه محمره من الدموع.. : يعني انا ذبحت ولدي بإيدي.. لا الله يخليكم قولو غير هالرمسة..
جواهر: أحمد الله ان الجنين ماكتمل ولا كانت فيه روح .. ولا جان انا صحت عليه أكثر منك.. والله مب رايد لهالجنين يعيش بكنف أبو شراتك.. يفشل .. ’ومايفتخر به.. احمد ربي زود ان مافي شي يربطني بإنسان مثلك.. سهيل الله يخليك طلعني من هالمكان..
سهيل: المهم حضرة الضابط.. نحن خذنا حقنا خلاص.. ومايحتاي قضية الإعتداء بالضرب هاي نتنازل عنها..
الضابط: على خير.. وقع هني للتنازل
وقع سهيل وجابر مو قادر ينطق اي كلمة من فشلته... وطلع سهيل ومعاه جواهر.. ربع جابر وراهم.. ومسك ايد جواهر..
جابر: جواهر .. سامحيني الله يخليج.. جواهر بكون لج شرات ماتبين سامحيني..
سحبت جواهر ايدها: جابر.. انت ماضي مايشرفني.. ارجوك ابتعد..
مشت جواهر مع اخوها وهو مبتسم وفخور انها قدرت تسترجع ثقتها بنفسها.. وجابر كان متحطم في مكانه.. فقد كل شي.. وقتها بس حس بمعنى كلام ربيعه له .. لكن ماينفع شي ألحين غير الندم..
بهذا أنهي روايتي الرابعه
روحـ(ن) عشقته وقلبـ(ن) فقدته

[color=#330000][size=2]اتمنى ان القصه حازت على اعجابكم ونالت رضاكم

واتمنى ان تعجبكم نهايتها

واشكركم كل الشكر لمن تابع القصص اللى انزلها

وبما ان الدراسه جات ماقدر ادخل النت كثير

وان شاءالله انزل لكم قصه في الاجازه القادمه

والسموحه منكم

وكل عام وانتم بخير واعاده الله علينا وعليكم اعواما عديدة[/sizدe][/دcolor]

مشكورة أختي على هالقصة الجميلة والرااااائعة والشيقة والممتعة........!

وانشاء الله ما تحرمينا من جديدك يالغاليه ونتمنى المزيد من قصصك الجميلة...!

وأتمنى المزيد من تألقك في قسم الحكم والقصص

وتقـــبلي مروووووري يالغلاااااااااااااااااا


\\\\\\\\\صاحبة السموF

وأخييررررررااااًً.... مشكورة أختي حوراء على هالقصة الحلوة بصراحة فرحتيني بالنهاية

السعيدة...

والله يعطيج العافية وإن شاء الله دوووووم بتكونين في المقدمة وإلى الأمام دائماً من إبداع إلى

إبداااااع

اتنظر منج قصة جديدة

تحياتي لج

مشكوره اختي صاحبه السمو

على مرورك وردك وعطرتي صفحتي بمرورك