عبدالله(وهو معصب وشاد على فكه وصاير فكه ابيض من العصبيه والقهر):شتقولين
بسمه(وهي خايفه اول مرة تشوفه كذا بعذرها):شفيك عبدالله
عبدالله(وهو لازال معصب):قولي الي قلتيه صحيح
بسمه(وهي مرتبكه):أي صحيح
عبدالله(صرخ بوجا):مستحيل شلون شلون تسرعت وانتي من وين عرفتي بهالخبر
بسمه(نقزت يوم صارخ):مــ..ن ااامـ..ي
عبدالله:وامي شلون تسوي كذا
بسمه:والله ياعبدالله مدري روح اسئلها
عبدالله:مستحيل برضى او اخليها تغصبني مستحيل
بسمه:وانا بوقف معاك لاتخاف
عبدالله(تنهد ومسح على شعره ومايدري شلون بيحل هالمصيبه وماتخيل امه تسوي كذا ابدا)
.................................................. ...............
امل(بصوت حنون):ريمو شفيك ياقلبي مو على بعضك
ريم(وآثار الدموع والهالات السوده و اضحه تحت عيونها وبصوت مبحوح قالت):مافيني شي
امل(قربت منها):كل هذا ومافيك شي
ريم:خلاص امل اتركيني بحالي مالي خلق احد
امل(ابتسمت):يعني افهمي ياامل ولمي قشك وانقلعي برة
ريم(بابتسامه باهته):لا بس خلاص سكري هالموضوع لان مافيني شي
امل:اوكي الايام بتثبت لي
(هزت راسها بيأس ريم وهي شبه مقتنعه بالقرار الي خذته)
.................................................. .................
رنا(وهي تشهق):شتقولين
هديل:هذا الي سمعته من بسمه شفتي شلون الحقارة
رنا(وهي دموعها على الابواب):مستحيل انا اعرفه هو يحبني وانا احبه مستحيل يسوي كذا
هديل:مافي شي مستحيل يارنا عبدالله باعك ومن باعنا نبيعه مستحيل ترضين بالمذله انتي وخلاص هو بيتزوج بنت خالته الي ماتتسمى
رنا:بس انا احبه وابيه وهو وعدني مايتخلى عني وانا ادري مو هو الي فكر فيها امه غصبته انا متاكده
هديل:رنا اصحي من هالاوهام خلاص ماعاد لها داعي
رنا:قلتلك ابيه ومتمسكه فيه وانا احبه ولايمكن افرط فيه
هديل:يووه الكلام معاك ضايع شنو انتي ماعندك كرامه خلاص انسيه بيكون لغيرك
رنا(وهي تصيح):قلتلك مستحيل انا بكلمه وافهم منه مستحيل اتركه او يتركني
هديل:بس هو طلقك
رنا:تو مابعد ارسل ورقتي وغير كذا طلقني طلقه يعني للحين انا زوجته
هديل:مجنونه انتي اصحي وش فيك نقولك مايبيك وباعك خلاص بيعيه
رنا(بصوت مجروح):هذا حبيبي مقدر وانا بكلمه
هديل:هذا قرارك وهذي حياتك وانتي حره فيها سوي الي تبين
.................................................. ...............
ابو عبدالله(بعصبيه ارهقته خصوصا ان عنده الضغط):شلون تروحين وتخطبين البنت بدون ماندري شلون
وضحه(وهي خايفه):عادي بنت اختي وخطبتها لولدي وش فيها
ابو عبدالله:بس عبدالله متزوج
وضحه:هو طلقها
ابو عبدالله:بيرجعها مستحيل اخلي بنت اخوي تتدمر
وضحه:ياابو عبدالله اهدا خلاص انا تكلمت مع اختي واتفقنا على كل شي ماله داعي العصبيه
ابو عبدالله(منصدم):شلون اتفقتوا
وضحه(بابتسامة خبث):يعني البنت وافقت وابوها اليوم بيتصل عليك
ابو عبدالله:شتقولين انتي ليه سويتي كل هذا من ورا ظهري شايفتني طرطور تلعبين فيني مفروض تقولين لي وتستشيريني وهالبنت مرح تكون من نصيب عبدالله ورنا بترجع له
قطع كلامهم صوت جوال ابو عبدالله تنهد وو يشوف الاسم الي بالشاشه خذا نفس وطالع وضحه باحتقار ورد بابتسامه صفرا ووج مسود
ابو عبدالله:ياهلا
ابو مها:هلا والله بجد احفادي هلا
ابو عبدالله(انبهتت هالابتسامه وتلعثم وماعرف شيقول مستحيل يقدر يقول شي خلاص كله تم ومن راس هالعقربه الي حطته قدام الامر الواقع):جد احفادك مرة وحده كبرتني يارجال
ابو مها: ليه لايكون انت بالعشرينات
ابو عبدالله:لا والله ياليت يرجع شبابنا
ابو مها:أي والله بس خلاص العمر مشى وكبرنا وكبروا عيالنا والحين ولد بيكون زوج لبنتي الا بسئلك ولدك طلق مرته الاوليه صح
ابو عبدالله(عصب بس مسك اعصابه):لا انشالله بيرجعها
ابو مها:شلون الي عرفته ان طلقها وماعاد يبيها لان ماتجيب عيال وعاد خطبتوا له بنتنا هذا الكلام الي دار بين الحريم
ابو عبدالله(انهبل وانصدم من الي قاعد يسمعه من شنو انخلق قلب زوجته ماتحس هي طالعها بنظرة ناريه ارعبتها وبعدين قال):يصير خير ياابو مها
ابو مها:عاد نبي الملكه قريب قبل رمضان يعني
ابو عبدالله(وهو ماعاد يشوف قدامه من العصبيه):يصير خير
ابو مها:خلاص على بركة الله توصي شي وانا اخوك
ابو عبدالله:لاسلامتك
ابو مها:فمان الله
سكر ابو عبدالله وهو يحس ان الدنيا تدور فيه خلاص كل الحلول طارت مافي غير ان مها لعبدالله وخلاص بس حاول يلاقي مخرج والمشكله ان ابوها متصل وخلاص كل شي تم تنهد بصوت مسموع كان يبي ياخذ نفس لان يحس بنفسه ضايق ومو عارف يتصرف تقدم للعقربه الي قدامه وهي على طول بلعت ريقها ووقفت
ابو عبدالله:حبكتيها يعني وسويتي الي براسك بس وربي لاتندمين
وضحه(بخوف):بتطلقني
ابو عبدالله(ابتسم):هذا الي يهمك لا مني مطلقك بس بتندمين على الي سويتيه في حقي وحق ولدك يالظالمه وحق المسكينه الي قاعده تعاني والي مالها ذنب
.................................................. .................
عبدالله:شلون يبه مقدر انا برجع رنا خلاص ماعاد ابي أي شي غيرها
ابو عبدالله:امك ورطتنا وانا ابوك خلاص خل رنا علي وهالملكه بتتم لان ابوها كلمنا وانتشر الخبر
عبدالله:بس انا مابي مها مستحيل
ابو عبدالله:كله منك لو انك مرجع رنا قبل هالشي او لو انك ماسويت فيها كذا بس خلاص الكل عرف بالخطوبه ومانقدر نتراجع ولاتبي تسود وجهي قدام الناس
عبدالله:لايبه ماعاش من يسود وجهك بس
ابو عبدالله:لا بس ولاشي خلاص انا عندي الحل
عبدالله:يعني مها مابتكون لي
ابو عبدالله:مها بتملك عليها بتملك لكن اذا قدر الله وماتمت فهذي فرحه لنا
عبدالله:زين انا ابي رنا مستحيل اخذ غيرها او يحل مكانه احد هذي رنا يبه
ابو عبدالله:قلتلك الحل علي وانا اليوم رايح لبيت عمك اقابل رنا واتفاهم معها
عبدالله:بتكلمها عن ملكتي
ابو عبدالله:كل شي بأوانه انت اصبر
.................................................. ...............
|
آخر 10 مشاركات
27-10-2007, 03:15
العرض العادي
