--------------------------------------------------------------------------------
مها:هلا حبيبي
ناصر:وينك حياتي لاتتصلين ولاتسئلين
مها:معليه حبيبي بس مشغوله هالفترة انت وينك حياتي رجعت من السفر ولالاء
ناصر:لاحبيبتي انا للحين بجده
مها:توصل بالسلامه يلا قلبي بعدين اكلمك
ناصر:اوكي مع السلامه
(وسكرت وهي تتنهد ياربي احبه واحب كل شي فيه مدري شلون بصبر على عبدالله بس خل اربح منه كم ريال وبعدها مع السلامه مستحيل اقدر اصبر معاه وصحت من افكارها على صوت اختها)
سارة:انتي ماقلتي له ان ملكتك اليوم
مها:بسم الله وانتي حضرتك تتنصتين علي
سارة:لا انتي الي مو حاسه بنفسك ومو شايفتني
مها:شسوي احبه مو ذنبي
سارة:يابنت الحلال اصحي ملكتك اليوم
مها:اووه وخير ياطير
سارة:وشلون خير ياطير روحي اسبحي بعد شوي بتجيك الكوفيرة
مها:أي زين يصير خير بس الحين اطلعي وسكري الباب
.................................................. ...................
هديل:رنا متاكده من الي بتسوينه
رنا(وهي تمسح دموعها):أي متاكده وخري عني
هديل:رنا شلون تحظرين الملكه
رنا:هديل وانتي بتجين معاي
هديل:انا لامستحيل
رنا(وهي تترجى اختها):هديل تكفين ابي اشوفه تكفين
هديل:رنا اسمحي لي مقدر
"انا بروح"
التفتوا كلهم لريم الي متكشخه ومتجهزة طالعت برنا وابتسمت لها بادلتها الابتسامه رنا بصعوبه
هديل(بتعجب):غريبه
ريم:وش الغريبه
هديل:معقول الاميرة النائمه تطلع من غرفتها
ريم(بحسرة):خلاص لاتذكريني انا قررت ابدا حياة جديده والحين رنا انا بروح معاك
هديل:شلون تشجعينها انتي مستحيل تروح
ريم:لاحبيبتي تبيني اشوف وضحه مستانسه واشوفها تتشمت برنا مستحيل
رنا:احترمي قولي خالتي
ريم:اقول بعد الي سوته فيك تبين نحترمها
رنا(نزلت راسها):الله يسامحها
ريم(بقهر):الله لايسامحها وانشالله يبتلي ربي بنتها
هديل:لالالا ياريم حرام بسمه ماسوت لنا شي ودايم توقف ضد امها حرام عليك استغفري ربك
ريم:استغفر الله ويلا رنا اجهزي بسرعه نبي نلحقهم
هديل:صدق انكم مخابيل مستحيل الي بتسوونه مهابيل انتوا
ريم:اقول وش رايك بدل هالسب الي خذتي عليه اَّثام ياكثرها تروحين تنقلعين تلبسين وتجين معنا
هديل:ماهي شينه هالفكرة
ريم:وتو كلامك
هديل:يلا كلام خل اروح اجهز
رنا كانت نفسيتها زفت وكل شوي تبكي بس يوم وصلوا هدتها ريم وقالتلها لاتضعف وتكون قويه حتى لاتشمت الاعداء امثال وضحه واختها فيها
.................................................. .................
عبير:كللللللللللللوش وش هالزين وش هالكشخه
مها: هلا والله بعبورة
عبير:هلا بحرم السيد عبدالله ها ارتحتي وصرتي زوجته
مها: من ربع ساعه صرت زوجته خلاص
عبير:مبروووك والف مبرووك
مها:الله يبارك فيك الا وين باقي الشله
عبير:برة ينتظرون هالزين يطل عليهم
نزلت مها وسلمت على خالتها وامها وبسمه وانصدمت لما شافت رنا وريم وهديل بس مااهتمت بعدها قعدت وانتظرت حتى يبلغونها بدخول عبدالله
اما رنا كانت من داخل قهر وحزن والم ماتقدر تشوف زوجها وحبيبها ينزف لغيرها وهي مابيدها شي حاولت تحبس دموعها لكن من سمعت يقولون للحريم تغطوا وان العريس بيدخل حست بخناجر تطعن صدرها تغطت لان ابو مها بيدخل دخل عبدالله ومعاه ابوه وابو مها حاولت ماتبكي لكن هيهات تتحقق هالامنيه وحمدت ربها انها متغطيه بعد ماطلع ابو مها وعمها حاولت تهدي نفسها وبعدها فصخت غطاها وعبايتها وكانت الانظار متوج لها لان عرفوها هذي رنا زوجة الي قاعد ينزف زوجة عبدالله وشريكة مها حاولت ماتبين ربكتها وتوترها لان سمعت همسات الناس عنها وحمدت ربها ان معها خواتها ولاماكان تدري وش بتسوي حست بيد ريم وفهمت من نظراتها ان لازم تكون قويه وماتتوتر قامت بخوف وتوجهت للمكان الي فيه عبدالله ومها كان عبدالله منزل راسه بحزن وباينه ملامح الالم على وج شافت نظرات الصدمه على وجه الحضور وسمعت همسهم وكلامهم بس ماهمها اما عبدالله حس بتوتر بالجو وكأن المكان غلبه الهدوء رفع راسه وشافها شاف حبيبة عمره وحياته شاف الغلا شاف رنا متوج له وتناظره حس بالم بصدره وده يطلع من هالمكان يحس بأنه مخنوق ومو عارف يتصرف وده يخطف رنا ويهرب ويختلي بها بمكان مايكون احد منغص عليهم فيه توجهت رنا بابتسامه مصطنعه ومدت يدها وسلمت على عبدالله وهو شد يده وماكان يبي يترك يدها مايبيها تروح وتفارقه اما القهر كان يعتلي وجه مها وخصوصا انها وقفت حتى تسلم رنا عليها بس طبعا رنا ملتهيه مع عبدالله ومااهتمت للي جنبه مها خافت تقعد لانها بتتفشل انتظرت رنا تخلص سلامها الي شكله بيطول
رنا(وهي تحبس دموعها):مبروك يالغالي
عبدالله:الله يبارك فيك
ماقدرت تصبر اكثر نزلت وماعبرت مها هذا الي ناقص تسلم عليها اما مها انقهرت والاحراج بان عليها قعدت بعصبيه اما عبدالله مااهتم لان من طلعت رنا وراحت حس بروحه طلعت وتفكيره كله كان عندها فما حس بوجود مها وهذا قهر مها
.................................................. .................
رنا(وهي تشهق من الصياح ومو قادره تتكلم):مقدر ياريم مابيه يتزوج قولي له يتركها خليه يجيني تكفين خليه يتركها
ريم(وهي نزلت دموعها على اختها واصلا كانت مكتئبه ومو عارفه وش تسوي لان من انفصلت عن فيصل ماعادت تحس بشي او تعرف تسوي شي):يارنا خلاص اهدي هذاك قهرتيها وشفتيه
رنا:ياريم زوجي قاعد ينزف لغيري ةتبيني اهدا مااقدر
هديل(ماكان حالها احسن من خواتها):خلاص رنوو والله صياحك مرح يفيدك هدي ياقلبي
رنا(اكتفت بالصياح وصوت شهقاتها يتردد لمسامع خواتها وهم مو عارفين وش يسوون او شنو يقولون لها)
نزلوا من السيارة وهم ماسكين رنا لان حسوا انها بتدوخ عليهم وماخاب ظنهم طاحت عليهم رجعوا بسرعه للسيارة وقالوا للسواق يروح على أي مستشفى تقابلهم وصلوا المستشفى ونزلوها خواتها بصعوبه خصوصا انهم بنتين ولحالهم نزل معهم السواق بعدها دخلوها الممرضات لغرفه ودخل الدكتور بعد نص ساعه واكثر طلع الدكتور لريم وهديل
.................................................. ...................
طلع عبدالله وهو ضايق وحاس انه مختنق ولا فوق ذا خلته امه يضم مها لصدره ويتصورون ماتخيل ان يضم احد غير حبيبته رنا طلع وراح لبيت عمه عشان يروح يشوف وش صار برنا بعد ماطلعت من عندهم لان طول الوقت كان يفكر فيها دخل بعد مافتحت له الخدامه قعد بالمجلس دخل عليه خالد وكان عبدالله يتجنب نظراته لان حاس بالخجل من نظرات خالد الي ماعرف وش يفسرها طلب منه يشوف رنا
خالد:رنا تعبانه وماتقدر تنزل لك
عبدالله(بخوف):ليه وش فيها
خالد:كل الي صار وتسئل وش فيها
عبدالله(نزل راسه):يعني وش بيدي اسويه وماسويته
خالد:عالعموم هي مافيها الاكل خير وقالت اذا جا عبدالله تبيك تطلع لها فوق
عبدالله:زين خذ لي طريق
.................................................. ...............
عبدالله(كانت رنا تصيح على حضنه وهو يواسيها):خلاص يالغلا خلاص ياروح عبدالله
رنا:عبدالله وش سويت معها كلمتها اخذت رقم جوالها بتكلمها
عبدالله:لا يالغلا ماخذيت ولارح اخذ ولا بكلمها
رنا:بس امك بتغصبك
عبدالله:ياعمري خلاص اتركي هالسالفه وخلنا نعيش ايامنا مانبيها تعكر مزاجنا
رنا:لاخلاص اذا تعكر مزاجك بسكت
عبدالله:أي ياعمري ابيك كذا والحين قولي لي ليش حياتي تعبانه وش صارلك
رنا(نزلت راسها وابتسمت):يهمك
عبدالله:بالله عليكي هذا كلام وش مايهمني اكيد يهمني
رنا:لا اغمى علي ورحت المستشفى
عبدالله(خاف عليها وتندم ان اصلا ملك):ليه ياحياتي وش فيك وش قالك الدكتور
رنا(اتسعت ابتسامتها وقالت بهمس):حامل
عبدالله(وكأنه ماسمع):شنو
رنا(بصوت اعلى شوي):حامل
عبدالله(تم شوي مو مستوعب بس بعدها فرح وحست رنا ان شوي وبيتشقق من الفرحه ):مو مصدق حامل من وين جاني هالخبر احلى خبر سمعته اليوم مبرووووك ياروح عبدالله بس تمنيت اكون معاك
رنا:بولادتي انشالله
عبدالله:انشالله ياعمري احس اني مو مصدق
رنا: لاصدق
عبدالله:ه زين تعالي ياروح عبدالله
(ومد يده لها ان تجي بحضنه .................................
.................................................. ...................
|
آخر 10 مشاركات
29-10-2007, 01:54
]
كمليها :sm190::sm190::sm190::sm190:
العرض العادي
