البارت العشــــــــرون
يوم الاربعاء الساعه 10 صباحا حسب ماتشير اليه عقارب اساعه.
طفشانه ملانه وحالتها حاله كلهم راوحو وهي طفشانه افففف وش هذا خلني اتصل على فارس
ساره: الو
فارس: هلا واللله بالغلا
ساره: هلا فيك.....فارس وينك
فارس: هنا جدي مقعدني عند العمال ليش؟
ساره: طفشانه ومافي احد بالبيت.
فارس: طيب اصبري بشوف جدي وجيك؟ باي
ساره: باي
( ساره لما كانت باسبانيا كانت تدرس اعلام وهنا مافيه قسم اعلام عشان تكمل بس هي ماخذت الا سنه يعني ماراح عليها وقت كثير)
ساره( الحين وش ادخل بالجامعه انا ابي ادخل مع ندى ووالله هالبنت تنحب وتدخل القلب بس اخخخ عل قهر وينه محد ينسيني همومي غيره)
فارس: ابوي حمد.
الجد: هلا
فارس: ودي اروح اقعد مع ساره شوي طفشانه باليت بلحالها.
الجد: رح وسع صدرها مسكينه
فارس: طيب شوي وارجع
وراح عند ساره
فارس: سارونه وش فيك
ساره: طفشانه ومشتاقه للامي
فارس: ايه والله انا مشتاق للامي بس لازم نصبر
ساره: وش رايك نتصل عليها.
فارس: فكره حلوه وطلع جواله واتصل
ام فارس: الو
فارس: هلا بالغاليه شحالك
ام فارس من بين دموعها يوم سمعا صوت ولدها: بخير جعلك بخير انت شخبارك ساره شحالها؟
فارس: بخير وسهاله كلنا بخير وترى جدي وجدتي يسلمون عليك
الم فارس: الله يسلمهم من كل شر
فارس: يمه هذي ساره معاك
ساره: هلا اميييي كيفك
ام فارس: بخير وانتي ؟
ساره: بخير امي وحشتيني؟
ام فارس: وانا اكثر بس انتو عند عمامكم مو عند غريب
ساره: يمه شخبار شمه وحصه
ام فارس: وحليلهم ميتين يبون يكلمونك والحين نايمات...... سوسو حبيبتي ان شالله مرتاحين
ساره: الحمد الله مرتاحين بس ياليت تجين عندنا
ام فارس:حبيبتي انا مااقدر اجي عندكم وانا عند اخوي وانتم عند عمامكم
ساره: طيب.........لمي شخبار جدتي
ام فارس: يبه تسلم عليك...... يلله حبيبتي طولت عليكم وانتبهي لنفسك واخوك
ساره: يمه لاتسكرين
ام فارس: والله يابنتي مهما طالت االمكالمه مردها تتسكر لازم تتعودين
ساره: طيب.......في وداعه الرحمن.
ام فارس: في وداعه الكريم تحملي على روحك انتي واخوك
ساره حزنت حست انها فقدت امها فارس لاحظ تغيرها يبي ينسيها
فارس: الا ساره وش رايك تسجلين في دوره كمبيوتر
او اي شي الدراسه هنا بقي عليها شهر ونص وبتملين وش رايك
ساره تهلل وجا : والله ومن جد ياليت انا طفشت من القعده وانا ماصار لي ال يومين طيب خلاص
فارس مبسوط: ساره بصراحه كيف تعامل البنات معاك.
ساره: والله انهم عسل ولا في احلى منهم خصوصا ندى هذي البنت خطيره بس..... سكتت
فارس: وشو لاكن في شي
ساره: لا بس رهف مدري وش فيها صراحه احسها قرفانه مني و ماتبي تطالعني مدري ليش وطول الوقت ساكته
فارس: طيب انتي حسيتي انها تخصك بهذا شي
ساره: لا
فارس: طيب يمكن البنت متضايقه بس مو منك يمكن هي طبيعتها كذا لاتظلمينها الا اذا تاكدتي
ساره: طيب
فارس: اليوم بنروح للبيت عمتي لطفيه البسي واكشخي خليك احلى وحده
ساره: طيب اكييييييد لاتوصي
فارس: ترى الساعه 6 بتصير حاله استنفار احسلك اجهزي قبل
ساره: ان شالله........... فارس
فارس: هلا
ساره: ابي بسه( ساره لما كانت باسبانيا كان عندها بسه عاشت معها ثلاث سنين واستغنت عنها مع التغيرات)
فارس: بس كذا ان شالله بس اذا جهز البيت الحين صعبه شوي.
ساره: طيب
ــــــــــــــــــــــــــــــــــــــــــــــــــ ــــــــــ
في الجامعه
نسايم: رنا انا اكرهم
رنا: ليش كل هذا عشانهم عزموك قبل ملكتك بيوم.
نسايم: قدري ولله فشيله بروح بيت اللي بكره بيكون زوجي وش رايك
رنا: طيب طيب ماصار شي لا تروحين
نسايم: حلوه حلوه لاتعيدينهاا الظاهر انتي ماتعرفينهم الله يهديك.
رنا: طيب روحي بيت عمتك.
نسايم: هذا اللي بيصير
وفي جزء ثاني من الجامعه:
العنود: رهف حرام عليك ماسوت انك تكدرين خاطرين
رهف كانت منزله راسها وماسكته بيدينها وما قابلت العنود الا بعد اصرارمنها لانها ماتبي تشوفها لانها اكيد بتسالها.
رهف مسكتها راسها: خلاص تقولينها بساطه العنود والله احس اني كرهت نفسي
العنود: ليش بافهم ايميلك سكريه او قوليله انك ماتقدرين تستمرين معه وخلاص
رهف: صعب والله صعب
العنود: والله انتي معطيه السالفه اكبر من حجمها..........رهف لايكون يعرف اسمك بالكامل اوشي ( قالتها بتشكك)
رهف: لالالا ويين انتي راح فكرك للبعيد لا مايعرف بس اليوم ان شالله بنهي هذي المشكله اللي دخلت نفسي فيها.
ــــــــــــــــــــــــــــــــــــــــــــــــــ ـ
في المدرسه
نهى وفهده جالسين
نهى: فهده ارجعي معي
فهده: لا ياحلوه بروح للبيتنا اكشخ
نهى: ياربي على الكشخه
فهده: نهى ممكن سوال؟
نهى: امري يانصفي الثاني
فهده: الحين انا لساني طويل
نهى:ه من زمان ليش تسالين
فهده: بس بس امشي نروح للفصل حر هنا.
ــــــــــــــــــــــــــــــــــــــــــــــــــ ــــ
الساعه الخامسه عصرا
بدت ام فهد ربشتها المعتاده عشان البنات يخلصون ناس داخله وناس طالعه اشكالهم تحفه
فهد: يمه يــــــــــمـــــــــــه
ام فهد: نعم ترد عليه وهو فوق وهي تحت
فهد: وين شماغي؟
ام فهد: في الثلاجه
فهد: مشى بيشوف بعدين تدارك الموضوع : يمه صدق اتكلم
ام فهد: وانا وش دراتي اسئل حسنا
فهد: انتي تعرفين ماحب اسئلها ام لسانين
حسنا: مسترفـــــــهد ايش تبغي؟
فهد ( اعوذ بالله وش جابها هاذي): شماغي وينه.
حسنا: هذا هو ومدت له
حسنا: تبي شي ثاني قبل لاروح للمس نهى
فهد: شكرا روحي مانبي منك شي
نهى: حســــــــنــــــــــا
حسنا: نعم نعم جيت
نهى:وين عبايتي جيبيها
حسنا: اوكي ثواني
نهى: بخاطرها بعد تعرفين الاوكي( حسنا خدامه حبشيه عندهم من يوم ماكانو صغار )
ــــــــــــــــــــــــــــــ0اــــــــــــــــــ ـــــ
راحو العالم هناااااك واجتمعو البنات لزم عشان تكمل السهره رقص ونساايم طول الوقت تتحرطم
البنات رقص وردح
عند الشباب ببيت الشعر كااااان كبييير جدا ويضيع الواحد فيه<< اسلوب مبالغه
البيبسي قاعدين باخر شي والشباب باول شي
البيبسي:
رامي: اف طفش
مروان: والله لو انه بيتنا كان صار العجب العجاب
مشعل: هييه ابو الشباب معنا( وياشر على وائل اللي مسرح)
وائل:هاه ا...ايه
مشعل: واضح هذي وجهي ان ما كنت تفكر باللي ناسيك.
وائل كشر صار يكر احد يكلمه بالموضوع: انت وش دخلك
المهم وش نسوي
مروان: اسمعهم يرقصون ويردحون البنات محد خذها غيرهم
رامي: اقول خلنا نروح نلزق في الشباب يللله
مشعل: يلله
وراحو وقعدو عند الشباب
حمد : عبد العزيز جب العود دق لنا شوي طفشنا
عبد العزيز: طيب راح
مروان: وش عود تكفون نبي استريو حق اابنات
حمد : والله انا مشتهي ارقص اصبرو خلني ادق على فهيد تجيبه لنا
حمد يدور بالجوال بين الاسماء: المديره المديره .... المديره
ايه هذا هو سوى اتصال؟
فهد: وبعد مسميها المديره
حمد: في احد يشك متسلطه الله يهديها
فهده: كانت تسمعه وهو فاتح الخط وحز بخاطرها نظرتهم لها.
حمد : الو
فهده: هلا
حمد: فهده جيبو لنا المسجل.
فهده: وش هاالثقه اننا بنعطيكم
حمد: تكفين فارس يعرف يرقص غربي ويبي يعلمنا خبرك حنا جهله
فهده:افكر واشوف دقو بعد عشر دقاياق
(بعد المشاورات اتفقو انهم يعطونهم ويخلونهم بساحه يبون يشوفونهم)
جا عبد العزيز ومعه العود يوم شافهم حط العود عند باب بيت الشعر
نايف كان جاي ونسايم والعنود بيطلعون المسجل والاشياء
العنود معها المسجل ونسايم معها علبه الا شرطه
العنود كانت تمشي وملتفته على نسايم يوم طلع بوجهم نايف
نسايم رمت الا شرطه بوججه ورحات تركض العنود حطت المسجل على الارض
العنود:ه يحليلها نسايموه تستحي
نايف: كان متنح من اثر الاشرطه الي انرميت عليه وبنفس الوقت يبي يجمع وش اللي صار
العنود: هيه يالحبيب بكره بتصير وزوجتك لا تمقل كثير يلله خذ ودها للربع سي يو........ ايه صح يفضل انك تلمل الاشرطهاللي رمتها خطيبتك
نايف مافهم السالفه وشي بس للملم لاشياء وراح للشباب مجتمعين بالساحه الخالفيه
نسايم( ماتنوصف حالتها تصيح )
العنود: نسايموه ترى وشو ماسوت بكره بتصيرين زوجته وصدقيني مامداه يشوفك توه يفتح عيونه مسكين ورميت عليه الاشرطه
نسايم: تامهم شافني
العنود: اعتبريها نظره شرعيه
نسايم:منقهررره ودها تذبخهم ليش يعزمون قبل ملكتها وبعد هالموقف كملت
العنود: اقول امشي كملي صياحك هناك خلينا نشوف عريس الغفله وهو يرقص
نسايم غصب عنها ابتسمت وراحت معهاوهي كل شوي تكشر اذا تذكرت الموقف
البنات جلسو بمكان يشوفون العيال والعيال مايشوفونهم
جانايف ومعه الاشياء التفتت نسايم للجه الثانيه
العنود: اقول في ناس تحصل تشوف القمر ولا تصد
البنات موب فاهمين شي سفوها
قعدو يجربون الاشرطه
سلمان: تدرون عيال كل شريط يدل على صاحبته
نواف: رفع شريط لونه ارورنج غريييب شكله
سلمان: ابصم باللف ا انه للنهى
نواف: رفع شريط اسود وهذا
سلمان: اكيد لنسايم
اقول ييلله اخلصو بس بنرقص
حمد: هيه ترى حنا بث مباشر
نايف:وشلون
حمد: البنات يشوفونا بس وين مدري
نايف:لاااااااا اشوى انك قلت لي
فهد: يعني مسوي فيها معرس ومنتب راقص قم ارقص بس
نايف: لا بس ياسر مابعد جا قاهرني
نواف: صح هو قال بروح شوي واجي ولا جا
نايف: كذا طيب
البنات:
ندى: ساره تعالي بنوريك عيال عمك واحد واحد
ندى: شوفيهم هذول الصافين اخواني اكيد تعرفينهم وهذاك نايف خطيب نسايم وهذا اخوه نواف ( قالتها بطريقه متغطرسه) وهذا اخوهم
ساره: من هذاك
العنود: هذا الكل يسال عنه يجنن صح
ساره: ايه ماشالله بس شكله صغير
ندى: هذا مشعل اخو رهف( التفتت ساره على رهف لقتها سرحانه وتطالع فارس) كبر مروان
ندى: شوفي هذاك اخوهم عبد العزيز
ساره( بخاطرها زي اخته الظاهر هم كذا طبيعتهم مكشره)
وووووووو وكملت لها باقي الشله
جلسو الشباب يرقصون وطلع العكس صارو يعلمون فارس خليجي مو فارس اللي يعلمهم بس بدعومعاه
العنود: ماشالله اخوي وحمد ثنائي خطير يعرفون للرقص
ندى: تكفين اخوك شوفي فهد والله مسكت
العنود: اتحداك واحد فيهم يصير رقصه ربع رقص نواف
ندى لفت بوجا وسفهتها
ساره: لحظه ندى هذا مين
ندى: هذا وائل ولد خالي اخو مشاعل وياسر
ساره: اها
وكملو ساره طفشت قعدت تتمشى برىيوم وصلت عند باب الخيمه لقت عشقها الوحيد لقت اللي دايم تشكي همومها له اااااه والله دنيا تفرق
(ساره لقت العود وهي فناه تدق عود من زمان) مسكته قعدت تناظره اشتهت تدق بس كل شي يمنعها قلت بس اباسال ندى ودخلت
رجعت للبنات
ساره للحين ماخلصو
ندى: لالا تعالي
مشاعل: ساره قولي للاخوك يرقص اجنبي
ساره: صح هو فنان اصبري بتصل عليه
فارس: الو
ساره: فارس طلب قل تم
فارس: تم ولو اني خايف من طلباتك
ساره: ارقص اجنبي
فارس:امممممممممم طيب بس بشرط تدقين لنا عود
ساره: لالا
فارس: يلله نفذي وانفذ
ساره:ممم طيب بس انت تنفذ اول
فارس: اوكي
حط فارس شريط اجننبي وبدى بالرقص: والشباب يشجعووون مستانسين عليه كان من جد فنان وقط مروان معه لانه هو الثاني خبره
وصار الجو ولا احلى
نواف يبي يخرب عليهم خذا شريط وحطه وشال الشريط الاجنبي ةكانت المفاجئه:
>> اغنيه اهاداها فارس للرهف <<
للفنان راشد الماجد
:يسالوني ليه احبك حب ماحبه بشر وليه اني في حياتي شمسها وانت ي القمر
وليه صوتك لا وصل صحراي يملها البحر علميهم يالحبيبه ..اه ..اه ياغلى حبيبه
(الصوت كان عااااااااااااالي جدا لان الاستريو سماعتها كبيره وصوت مرتفع والاغنيه رومنسيه كثيير
وقف فارس اول ماحس بتغيير كان بيهاوش نواف بس لمى سمع الاغنيه سكت وابتسم رهف كانت تسمع او مصدومه حتى شريطها
كانت حاطه يدها على خدها وتفكر لمى سمعتها وقفت فارس ابتسم وناظر للمكان خالي وسرح بافكاره وطبعا ضمن كل هذا
مروان ونواف يتطاقون
مروان: ياخي قطعت علينا كنا منسجمين
نواف: احسن خلاص يكفي طفشنا
مروان: اوص اوص مالك دخل راح وسكر المسجل
فارس: ليييييييييش
مروان: وشو ليش لا تهاوشني هاوشه
نواف: ماعليك منه فارس لا ياثر عليك
فارس: والله كنت ناوي اهاوشك بس هالاغنيه غاليه على قلبي كثيييييير
البنات يسمعون
ساره: اول مره ادري ان فارس يحب هذي الاغنيه
رهف:ـــــــــــــــ صمت رهيب
جوال ساره يرن باسم (ملك الحنان)
نهىبمكر: فهده ردي
فهده: لاتوبـــــــه حرمت ماسويها
ساره: هلا والله
فارس: يللا دورك
ساره: فارس والله استحي
فارس: وليش تستحين
ساره: طيب خلها اذا تعشينا
فارس: طيب مو عشانك عشان اعرفك اذا كلتي تدقين العود صح
ساره: فاهمني
فارس: يللا
عبد العزيز: من اللي يدق عود؟
فارس: هذي ساره
حمد : ومخليها تتعلم
فارس: هذي هوايه عندها وكان خالي يعلمها لاحد ماغلبته تعرف في اسبانيا اذا دقت ينهبلون صديقتها لانهم مايعرفون وشو
نواف: ماشالله
راااااح الوقت
رهف: ساكته
نسايم: طول الوقت تحرطم
فهده: هي الحاله الجديده كانت متضايقه بس تحاول ماتبين بس نهى كاشفتها
نهى: فهده وش فيك
فهده:مافيني شي
نهى: فهده مو علي العبي على كل الناس بس انا ماينلعب علي
فهده: بس كذا مالي خلق احد
نهى: بس كذا
فهده: ايه بس كذا
نهى: بمشيها لك
وباقي البنات داقين السوالف
بعد العشا
ساره: ندى تعالي بروح للفارس ابوفي بوعدي
ندى( ماتدري وش السالفه): اي وعد
ساره: تعالي بس
ندى: روحي بغسل واجيك
ساره:طلعت وراحت للبيت الشعر كان فاضيي خذت العود ودخلت بدت تدندن تعدل المزاج
ياسر في سيارته
( الحين بيذبحني نواف وش اسوي الولد لزم علي اتعشى نزل من السياره ودخل كالعاده البيت مليان اولاد وابواب البيت مفتوحه)
دخل وسمع دق عود اكيد هذا عبد العزيز بس ليش هدوء اكيد يسمعون دخل وهو يطقق بالجوال مارفع عيونه وساره من طبعها وهي تدق ماتفتح عيونها
يوم حس ان المجلس فاضي رفع راسه الصـــــــــــــدمــــــــــــــه
ياسر بخاطره: من هذي لحظه هذي انا شايفها ..... هذي صاحبت المطار بس وش مجيبها بيت عمتي ؟؟؟؟؟؟؟؟
وساره ياعمري ولا داريه منسجمه
هو حس انها مادرت عنه طلع وخلاها
دخلت ندى وشالت الدنيا ازعاجها
ندى: اخص ساره تدقين عود
ساره ابتسمت
ندى: منتيب سهله.
ساره: يلله ترى فارس طالبني ادق له عود
ندى: اقولك خلي العود هنا وخلنا ندخل عشان هو يجيبه ونكيف عليه
ساره: صدق انك سوسه
ندى: يلله
دخلو البنات جوا
ياسر
خل عند العيال ولقاله كم تهزيئه من نايف ونواف
ياسر: غريبه وين الشياب
فهد: ماقلنالك معزومين وراحو يمكن يوجنا الحين موب مطولين على كلامهم
ياسر: ااها اشوف ابوي كاشخ بس مدري وش عنده
دخلو الشياااااااااااااااب وجلسو يسولفون
ابو حمد: فارس انت متخرج
فارس: ايه انا متخرج ارتست
نط مروان في النص : يعني فنون ورسم
ابوحمد: قالولك جاهل....ايه
ابو فهد: زين ياوليدي مادامك متخرج وخالص ودنا تتوظف في الشركه ولا ودنا نغصبك بس انت وشورك بس والله قعدتك كذا وانت رجال ماهب زينه
فارس: طيب.....بس وش بشتغل وش الشغله
سلمان: انا اقول في قسم الاعلانات تقدر تستخدم مجالك
فارس اعحبته السالفه: خلاص انا موافق
ابو عبد العزيز : على بركه الله ترى الشغل بيبدي السبت وانا ماعندنا لعب اللي بيشتغل يشتغل صح ولا لايتعب عمره
ياسر: انا ماتبوني
الخال سعد: ان كان نحطك دكتور للعمال
ياسر: لا انا ابي اصير دكتور باحسن المستشفيات اجمع بها شهادات ليه
ضحك سلمان: اجل الشهادات
ياسر بصوت واطي: اسكت الله يفضحك انا قايلهم اني بديره وانت بديره لاتفضحنا وبعدين ايه شهادات سبع شهادات طلعت عيوني علشان اطلعهم ماملت عينك
الشياب راحو للمجلس الداخلي يقعدون
فارس يتصل بجواله( القلب الحنون)
ساره: الو
فارس: هلا يلله انتظرك عند الباب
ساره:ضحكت طيب
فارس: عبد العزيز اذا سمحت عودك شوي
عبد العزيز: ليش
فارس: شوي وبتعرفون
عبد العزيز : اوكي
خذه فارس وعطاها ساره اتصل عليها وحطه على السبيكر
ساره : فارس تسمعون
فارس: ايه
ساره: اغني ولا لا
فارس : براحتك
مروان يكلم مشعل: ذا الرخمه بيخلى اخته تغني لنا
مشعل: مسيكين مايدري عن العادات عندنا خله وانا عيال عمها موغرب
ياسر: لحظه من هذي اصلا
فارس: اختي
ياسر: والله انا عرفت قصتك وشلون طلعت بس مادري ان عندك اخت بس هاذي
فارس: ايه سوسو يلله
ساره بدت تدق بالعود وتغني صوتها كااااااان روعه والاغنيه رووعه
الاغنيه كانت اغنيه تحبها ساره
فمان الله يامسافر عسى الله يسمح دروبك وترجع بالسلامه
فمــان الله يامسافر عسى الله يسمح دروبك وترجع بالســلامه
اذا بتطول الغيبه امانه لاتقاطعنا ودوم ابعث سلامك
اذا بتطوووووول الغيبه امـانه لاتقاطعنا ودوم ابعث سلامـك
معاك ايام عشناها لها بقلوبنا ذكرى ولها شوق وهياما
معاك ايام عشــناها لها بقلوبنا ذكرى ولها شـوق وهياما
فمــان الله يامسافر عسى الله يسمح دروبك وترجع بالســلامه
اذا انت تنام في الغربه ومتهني في مانامك انا ليلي مانامه
اذا انت تنام في الغربه ومتهني في مانامــك انا ليلي مـانـامه
فمــان الله يامسافر عسى الله يسمح دروبك وترجع بالســلامه
انا بيني وبين نفسي اطلب من الله وادعي يردك بالسلامه
انا بيني وبين نفسي اطلب من الله وادعي يـردك بالســلامه
فمــان الله يامسافر عسى الله يسمح دروبك وترجع بالســلامه
كان صوتها جميل العيال صطلو كانهم مرشوشين بفليت
خلصت ساره وفتحت عيونها واندهشت من اشكالهم وهي اصلا نست الجوال واللي خلفه
رهف: ساره ليش غنيتي هذي الاغنيه بالذات
ساره بخاطرها( اخيرا تكلمت): بس كذا احبها.
رهف: معليش اطلب اغنيه:
ساره: اكييد
رهف: غني يسالوني للراشد
فارس( شال السبيكر من خلصت ساره من الغنى يعني محد سمع الحوار بعدالاغنيه الا هو )
فارس( يالله هذي اسمها رهف...... وتحب هذي الاغنيه..........)
غنت ساره وفارس قعد يتسمع لها سكرها ورجع للشباب( وجلس يفكر برهف كان وده يقولها ويكلمها صدق وحشته بس كان مشغول احسن شي اكلمها ليوم)
خلصت السهره و الكل رجع بيته
فارس: طيران على الغرفه
فهد: فروووس على وين
فارس:ها..... لا بس ابي اشبك عندي شي مهم
فهد: طيب اوكي تصبح على خير
فارس.: وانت من اهله.........الا فهد
فهد: هلا
فارس: ذا قمت للصلاه الفجر قومني
فهد: ان شالله اصلا لو نسيت ....ابوي حمد موب يقصر
فارس: ييله سلام
فهد: يلله
راح فارس وشبك ومالقى رهف
فارس( اصبر احسن لي لازم اكلمها)
رهف من ج ثانيه( ياربي لازم انهي هالموضوع اليوم وارتاح
رراحت شبكت
فارس سمع الصوت اللتنبيه
فارس فتح شباك محاثه
(مافي احلى من السعوديه)<<<فارس
( الدنيا معاذير)<<<< رهف
مافي احلى من السعوديه: اهلليييييييييييييييييييين
الدنيامعاذير: هلا
مافي احلى من السعوديه: ويننننننننننك انتي من زمان ماشبكتي
الدنيا معاذير : مشغووووله
مافي احلى من السعوديه:لو تدرين يارهف وش صار؟؟
الدنيا معاذير: ؟؟؟؟
مافي احلى من السعوديه: رحت للعماني انا الحين بيت عمي
(وقاااااااام يسردعلىها التفاصييييل ورهف مبهته كان عندها بصيص امل انه يكون مو هو نفسه بس خلاص
ماعاد ينفع لا زم تلقين حل ياربيه ماابي اقتل فرحته هو مستانس باهله يووووووه خلاص بس انا لازم اقوله بس خله يخلص سواليف)
مافي احلى من السعوديه(لقد ارسل لتوه اشاره تنبيه) والشاشه تهتز و ورهف مسرحه
الدنيا معاذير:هلا
مافي احلى من السعوديه: وش فيك منتي معي؟
الدنيا معاذير:الا معك
مافي احلى من السعوديه: لا وش فيك
رهف مدامها جت منك احسن ولفت انتباا انه حاطه صورته هو وحمد مصورين لسى
الدنيا معاذير: فارس انا ماقدر اكلمك بعد اليوم
مافي احلى من السعوديه:ليــــــــــــــــــــــــش؟
الدنيا معاذير: والله صعب اني اكلمك انا اخون ثقه اهلي فيني هم وثقو فيني وعطوني حريتي مابي استغلها بشي ياذيهم
مافي احلى من السعوديه: طيب كذا بس ننتهي ببساطه
الدنيا معاذيرا: شوف انا ماادري اذا القدر يجمعنا بس خلاص للازم ننتهي
مافي احلى من السعوديه: حرااام عليك رهف ليش تسوين فيني كذا
الدنيا معاذير: صعبه صعبه تفهم السبب اقوى مني ومنك لازم احترمه اسفه اسفه
مافي احلى من السعوديه: ايه ليش قولي لي انا مع بعض نتخطى كل شي
الدنيا معاذير: خلاص انا مابيدينا شي
مافي احلى من السعوديه: طيب قولي لي وش اسمك الكامل بجي اخطبك من اهلك انا توظفت
الدنيا معاذير: توظفت؟(ماتدري عن السالفه ماوصلها خبر)
مافي احلى من السعوديه: ايه اليوم عمي قالي
الدنيا معاذير: مبروك
مافي احلى من السعوديه: رهف تدرين انيك قتلتي فرحتي بكل شي ليش تقولين مبروك ....
اليوم بالصدفه سمعت اغنيتنا .والله اني ذكرتك جيتي على بالي واليوم سمعت اختي تسولف مع وحده من اهلنا اسنها رهف والله اذا قالو اسمها مدري ايش يجيني بس عشان اسنمها ؤهف
(رهف خلاص حست انها خبصت الدنيا عايشه صراع مابين عقلها وقلبها)
الدنيا معاذير: فارس لاتعذبني اكثر انا مثلك مابيدي شي انت عندك اخت وتعرف وتفهم مثل في هذي المواضيع
انا ابي انهى الموضوع قبل لايصير شي اكثر
مافي احلى من السعوديه: رهف انا مقنتع بكلامك وفاهمه بس انتي اللي مو فاهم موقفك واذاهذا الشي يريحك ويسعدك هذا اهم شي عندي
(فارس ركز على صورتها اللي حاطتها هي صورتها لمى كانت صغيره)
الدنيا معاذير: فمان الله
مافي احلى من السعوديه: فمان الكريم وارجو انك ماتنسيني لويكون لي جزء بسيط من ذكرياتك برسلك شي استقبليه
الدنيا معاذير: اكيد ماراح انساك واتمنى انك تذكرني بالخير طيب بستقبل
ارسل فارس اغنيه رويشد انتهينا
وجلس ساكت وهي ساكته لحد ماطلع
تم النقل الملف انتهينا بنجاح
مافي احلى من السعوديه: اسمعيها براحتك مع السلامه
( فارس طلع كان يبي يهرب منها لانه مو قادر يواجه فكره ابتعادها عنه صح اللي جمعتهم الصدفه والعلاقه اللي انبنت بينهم بسيطه بس لها مكان بقلبه ومادرى بنفسه ال وهو عند عده الرسم اللي ياما شاركته همومه
فتح الشنطه وطلع منها الوان الفحم الغامقه واكئنها تحكي عن حالته الكئيبه وبدى يرسم يرسم ويرسم الا ان طلعت صوره رهف ام الثمان سنوات كبيره رسمها بلوحه كبيره وحطها وبدى يرسم رسمها في اللواح متتعدده الاحجام
الا ان قاطعه دخول سلمان بينام)
رهف
( الحاله عندها غير فارس طلع اوف لاين حزنت كثير مو بس لانه طلع اوف لاين لانه طلع من كل حياتها
بس الاغنيه هي اللي كدرتها بزياده كانت تسمعها وصوت الرويشددةمعبر وهي بكرسيها الهزاز الدموع تحكي حكايتها معه
بكل سهوله انتهينا كلمه قالتها وراحت
وانا ماني قادر افهم شنهو يعني انتهينا
يعـــــني ماعدنا حبايـــــــب
ترددت الكمله ببالها كثير ماعدنا حبايب
ماعدنا حبايب معقوله
ماعدنا حبايب
كانها لسى تفهم معني لكلام صار بكيها يزيد
فارس
سلمان: فارس وش فيك ترسم كاناك مجنون
فارس: ولا شي وهو يدخل اللوح اللي طلعها من شنطتها المخصصه لها
سلمان: لا جد فارس وش فيك
فارس: ابد والله مشتهي ارسم وانا اذا جيت ارسم اصير غريب
سلمان: اها وش رايك ننوم ولا نسهر
فارس: لامافيني النوم وباقي ساعه على الاذان
سلمنان: امش خلنا نطب على فهيدد
فارس: طيب
عبد العزيز كان توه طالع من المكتب وسمع صوت رهف طق الباب مافتحت طق عليها اكثر من مره فتح الباب
وانصدموش اللي يخيلي اخته بهالحاله رهف يوم شافته نزلت راسها
عبد العزيز راح عندها : رهف وش فيك؟
رهف:ــــــ تصيح
عبد العزيز: رهف
رهف: صارت تصيح بشكل هستيري
عبد العزيز: رهف رهف تكلمي وش فيك.......رهف
رهف: مــ ــ ـا فيــ نـي شي
عبد العزيز: رهف لا تكذبين في احد يصيح هاصياح ومافيه شي
رهف: طيب خلاص ماراح اصيح
عبد العزيز: المهم انك انك ماتصيحين ولا تكدرين خاطرك يعني افهم انك ماراح تقولين لي
رهف هزت راسها بعلامه النفي
عبد العزيز: ملزمه
رهف: خلاص انا مافيني شي
عبد العزيز: ولو اني مو مقتنع بس يلله بطلع وخليك الحين صلي الفجر ونامي
واذا قررتي تكلمين قو لي لي.
رهف: طيب
طلع عبد العزيز وتركها بافكارها بس زي ماقالت له من دون دموع
وراحو عنده
ندى بسريرها تتقلب والله اني طفشانه اوووف والتفتت لقت ساره بسابع نومه
خلني اروح للنسايموه
راحت لها الغرفه مالقتها وينها....يمكن بالمكتبه ..... ولا بصاله
ودخلت وكانت الصدمه:
::::: نهايه البارت:::::
تتوقعون وش اللي صدم ندى عند نسايم.؟
رهف وفارس: ايش بيصير عليها
االمعاريس بيوم الملكه وش بيصير عليهم؟؟؟؟؟؟؟؟؟؟؟؟؟؟؟؟؟؟؟؟
الردود والي تبون والتوقعات
|
آخر 10 مشاركات
21-08-2007, 11:55
]
العرض العادي
