{ نهاية حبك إعدامي } ...(قصة مميزة.. الإدارة)

ام مناف: فاطمه يمه ابغي اروح البيت ..


فاطمه مبتسمه: تو الناس فديتج ..


ام مناف: تعبت يمه وراسي يعورني .. والوقت تأخر عبود فديته رقد ..


مريم: الشباب متونسين برا .. وعبدالله خليه نايم فالغرفه ..


ام مناف: اسمحولي والله ..


مريم: على راحتج فديتج ..


فاطمه راحت وقالت لايمان تبلغ الخدامه عشان توصل ام مناف واخوانها .. علي كان شايل عبدالله وحطه فالسياره فيصل وامه ركبوا و ودعوا الكل .. مناف وفارس كانوا فالميلس في عالم ثاني .. ايمان وابوها وجاسم وعبدالعزيز راحوا البيت على الساعه 12 ونص .. بومحمد وعياله بعد ودعوا الكل وراحوا بيتهم .. فاطمه ومريم تموا مع يدتهم ويدهم فالصاله .. يوسف وخالد انضموا لهم ..


خالد مبتسم: شدعوه فروس للحين قاعد .. خل بنت الناس تروح تنام ..


يوسف: الظاهر ناسي ساعته الحبيب ..


الكل: ..


الجده: شعليكم منه .. خلوه توه معرس .. بس انتوا عرستوا وقعدتوا مع هالمزيونتين وما تبونه يقعد مع حلاله ..


خالد: ما قلنا شي .. بس هالكثر الناس يقعدون ..


الجده: شعليكم منه ..


يوسف يهمس لخالد: لا الولد شكله غرقان ..


خالد ويوسف: ..


مريم: شو تقولون عن اخوي انتوا الثنين ..


الجد: فطيم ترا هالمزيون ريلج مب هين ..


يوسف: انا .. حرام عليكم تراني طيب ..


فاطمه: اي عدل .. مسكين ريلي طيب وايد ..


الجده: اكيد بدافع .. والحين بتنقز مريوم وبتقول بعد ريلي طيب ..


مريم: اي بالضبط ..


خالد: يدتي انتي خذتي يدي وخلصتوا ليش تحترون منا ..


الجده: وووووويه باحتر منكم يا عيال اليوم ..


الكل: ه ..


الجد: انا بقوم اشوف هالصبي لا يسهر بنت الناس ..


خالد: خله يا يدي ..


الجد: بسه يلا خله يطلع ..


يوسف: يدج ما يخلي حد في حاله ..


فاطمه: ه ..


يوسف: لحقوا عليه لا يدخل عليهم ..


خالد: اقعد يا يدي ..


شوي الا دخل عليهم فارس وهو مبتسم ..


فارس: وين العرب ؟


الجده: يسلمون عليك ..


فارس: يه ليش راحوا ؟


الجده: يقول يوسف انك ناسي ساعتك ..


يوسف وخالد طالعوا بعض: ..


فارس: مستلميني انتوا الثنين ..


الجد: دورك ..


خالد: اي والله دورك ..


فارس: معليه .. انا باسكت عنكم الحين ..


الكل: ..


فاطمه: وين بنت الناس ؟


مريم: ليكو كلتها ؟


فارس: لا والله من قلب مستلميني كلكم .. زين اخ خالد ولا اخ يوسف ممكن استعير احدى زوجاتكم لو سمحتوا ..


خالد ويوسف: ليش .؟


فارس: ابي اوصل البنت بيت اهلها ..


خالد: اهاا .. مريم روحي مع فارس .. بس توصلها بتنا ..


فارس: عيوني لك ..


الجد: وليش انت ما تكلمت يالمزيون ..


يوسف: والله خالد واهله فيهم الخير والبركه ..


الجده: .. يالشيطان ..


يوسف: يلا فطيم خل نروح ..


فارس وخالد: حركات ..


تموا يضحكون بوناسه .. فاطمه ومريم والجده راحوا عند مناف وسلموا عليهم قبل ما تروح .. مريم جابت لها العبايه عشان تلبس ..


مناف: مشكوره يا مريم .. جزاج الله خير ..


مريم مبتسمه: فديت قلبج انتي ..


دخل فارس ويطالع مناف مبتسم .. مناف نزلت راسها بخجل .. مريم عرفت ان فارس واقف وراها ..


مريم: بسك حركات يا فارس ..


فارس: ه .. جاهزين؟


مريم: اي يلا شغل السياره اذا ما عليك امر ..


فارس: حاضرين .. طالع مناف وغمز لها ..


مناف ابتسمت وعدلت شيلتها .. فارس راح يشغل الرنج الاسود وانتظر البنات .. خالد سلم على يدته ويده وطلع .. فاطمه و يوسف بعد سلموا وراحوا بيتهم .. مريم ومناف سلموا على الجده والجد وراحوا عند السياره .. مريم فتحت الباب اللي ورا فارس ومناف كانت وراها .. فارس نزل الجامه وتكلم ..


فارس: الشيخه تعالي جنبي ..


مناف" ابيه بقعد جنبه" ..


مريم: .. روحي جدام يالشيخه على قولة فارس ..


مناف مشت وراحت جدام .. فارس مد يده وفتح الباب لها .. مناف تذكرت لما مر عليها الجامعه و سوا لها نفس الحركه .. طالعته بنظره وابتسمت .. فارس رفع حاجب وابتسم لها .. ركبت مناف جنب فارس وما سكرت الباب عدل .. فارس مد يده وفتح الباب وسكره مره ثانيه .. وبهمس قالها كلام خلاها تضحك ..


فارس بهمس: للحين ماتقدرين تسكرين الباب ..


مناف ضحكت ونزلت راسها .. حرك فارس من بيت يده متجه لبيت مناف .. وصلوا ومناف نزلت ومريم نزلت وراها عشان تقعد جدام .. فارس فتح الباب لمناف ..


فارس: باكلمج اول ما نزل اختي بيت ريلها ..


مناف: ان شاءالله ..


فارس: يلا روحي داخل يا قلبه ..


دخلت مناف وفارس سكر الباب وراها .. رجع لمريم فالسياره .. حرك متجه صوب بيت عمه ..


مريم: الله يبارك لك يا فارس ..


فارس مبتسم: الله يبارك فيج ..


مريم: بس مناف تراها ما تنعاف ..


فارس: وتلوموني بعد ..


مريم: الله يوفقكم ان شاءالله .. بس حطها بعيونك ..


فارس: ليش كلكم تقولون لي هالكلام .. لا تفكرون اني مسترخص بنت الناس .. ترا اخاف عليها مثل خوفي عليكم..


مريم: ندري انك عازها .. بس نذكرك انها بنت ناس حالها حالنا .. لانك لو فكرت تجرحها ترا كلنا بنوقف ضدك يا فارس ..


فارس: يعني لهالدرجه البنت خذت قلوبكم ؟


مريم مبتسمه: شوف الطيب في هالدنيا الناس تحبه ..


فارس: ما شوف امج حبتها ؟


مريم: تدري يا فارس .. احس ان امي بتحب مناف .. بس يبيلها وقت .. امي قلبها طيب ترا..


فارس: تعلميني في امي .. بس انا حاس انها بتقاطعني ..


مريم: ان شاءالله ما بتقطعك يا فارس .. وبتعز عيالك اكثر من عيالنا كلنا وبذكرك ..


فارس يلعب بشنبه: ان شاءالله ..


كملوا دربهم لبيت خالد ومريم .. نزل اخته وراح شقته اللي قريبه من شقة خالد ومريم .. اول ما دخل الشقه اتصل بمناف ..


مناف مبتسمه: هلا حبيبي ..


فارس: يا قلبه انتي ..


مناف: فديت روحك .. وصلت البيت ؟


فارس: اي توني داش .. شو تسوين حبيبة قلبي ؟


مناف: بدلت ملابسي وابي اغسل شعري ..


فارس: فديت شعرج والله .. بس مادري ليش تخيلت ان شعرج طويل ..


مناف: لا ماحب اطول شعري وايد .. حده لين كتفي او شوي يغطي نص ظهري ..


فارس بغزل: فديت ظهرج كله ..


مناف عضت شفتها من الخجل ..


فارس: شو اخبار امج واخوانج ؟


مناف: لقيت امي قاعده تنتظرني مع فيصل .. وعبود نايم فديت قلبه .. توهم ناموا لما دخلت البيت ..


فارس: بس بصراحه امج اليوم طالعه غير شكل .. صج انج وايد تشبهينها ..


مناف: انا اشبه امي ؟! بالعكس عبود ونايف اللي نسخه من امي .. انا وفيصل طالعين على ابوي ..


فارس: عيونج عيون امج .. وشفايفج فديت شفايفج انا ..


مناف بدلع: عاااد ..


فارس بصراخ: احبها يا نااااااااس ..


مناف: يا مينون لا تصرخ ..


فارس: الا بصرخ وبصرخ .. احبج احبج احبج يا مناف ..


مناف: فديت قلبك يا فارس .. الله لا يحرمني منك .. تعال بسألك حبيبي ..


فارس: سأليني يا قلبه ..


مناف: امك ليش ما جات ؟


فارس " هاي اللي كنت متوقعه": تذكرين قبل شو قلت لج ..


مناف عقدت حواجبها: ممممم


فارس: تذكرين لما قلت لج تقبلي جيتي باللي فيها ..


مناف: اي اتذكر ..


فارس: وهاي ردي على سؤالج .. زين قومي غسلي شعرج وكلميني اول ما تخلصين ..


مناف " اهم شي اللي يغير الموضوع": ان شاءالله حبيبي ..


فارس سكر من منا وهو متضايق من سؤالها ..


فارس " فديتج يا مناف .. الله يعينا على امي " ..






يتبع ..
__________________

حذف نفسه على الكرسي وتم يتعبث فالتلفون .. غفت عينه وصحى على تلفون مناف .. تم سهران معاها لين أذن الفجر .. سكروا من بعض وكل منهم راح يصلي .. بعد الصلاه غفت عيونهم براحه في امان .. مناف نامت من التعب لين الساعه 12 الظهر .. طلعت الصاله عند امها واخوانها ..


ام مناف مبتسمه: هلا وغلا ..


مناف راحت صوب امها وحطت راسها في حضنها .. ام مناف باستها وقرصت خدودها ..


ام مناف: فديت بنتي العروسه ..


مناف: شلونكم ؟


ام مناف: طيبين .. انتي قولي لي شسويتي ..؟


مناف بخجل: ولا شي ..


ام مناف تلعوزها: علينا ولا شي ..


مناف: عاد يمه ..


دفنت راسها في حضن امها .. ام مناف حضنت بنتها وباستها ..


ام مناف: فديت قلبج يا مناف ..


مناف: يمه وين الشباب ؟


ام مناف: مع هالطيور من الصبح ..


مناف: ه .. فديتهم والله ..


ام مناف: اسوي لج لقمه تاكلينها يمه ؟


مناف: لا مب جوعانه ..


ام مناف: بس شربي حليب واكلي بسكوت ..


مناف: ان شاءالله يمه .. زين انا بروح عند الشباب لين ما تجهزين الاكل ..


ام مناف: زين فديت روحج ..


راحت مناف صوب عبود وفيصل اللي كانوا مندمجين مع الطيور .. كانت تشوف عبدالله اللي وايد يشبه نايف .. تمت تتأمل ملامحه وتتفكر فيه ..


مناف مبتسمه: عبود حبيبي ..


عبدالله التفت على مناف وابتسم .. ترك اللي بيده وركض صوبها .. حضنها وتم يبوسها ..


مناف: شلونك حبيبي ؟


عبدالله: الحمدلله ..


مناف التفت على فيصل اللي كان واقف ويطالعها .. ابتسمت له ونادته ..


مناف: تعال حبيبي فيصل ..


ركض فيصل صوب مناف وحضنها ..


مناف: شلونك حبيبي ؟


فيصل: تمام .. امس تونسنا وايد ..


عبدالله وهو يحك شعره: اي وايد تونسنا .. بس ليش فهد ما يقدر يتكلم ؟


مناف بحزن: من يابته امه وهو ما يتكلم .. بس هو مستانس صح ..


عبدالله: اي هو طيب بس ماعرف شلون هو مستانس وهو ما يسمع ولا يتكلم ..


فيصل: يمكن احسن له انه ما يتكلم ولا يسمع ..


مناف شافت فيصل وحست ان كلامه كبير ..


مناف: اي والله يمكن احسن له ..


فيصل: تريقتي ؟


مناف: لا الحين بروح اشرب حليب ..


عبدالله: انا بعد ابي ..


مناف: روح عند امي وقولها تسوي لك بسرعه ..


عبدالله: زين زين ..


ركض المطبخ صوب امه .. وهو يركض طاح على الارض وصرخ .. مناف وفيصل ركضوا له ..


مناف بخوف: عبود حبيبي شفيك ؟


عبدالله وسط دموعه: راسي .. طحت على راسي ..


مناف: فيصل روح جيب ثلج بسرعه ..


فيصل: زين ..


ام مناف بخوف: شفيه عبود ..؟


مناف وهي حاضنته: طاح على راسه فديته ..


ام مناف: تعال حبيبي ..


عبدالله وحاط يده على راسه: آآآي يمه راسي يعورني ..


ام مناف: سمالله على راسك حبيبي .. شلون طحت ؟


عبدالله: مادري وانا اركض .. آآآي يمه راسي ..


فيصل: مناف جبت الثلج ..


عطاها الثلج ولفته بفوطه وحطته على راس عبدالله .. تم عبدالله يصيح بألم ..


مناف: يمه نوديه المستشفى ؟


ام مناف: لا ما عليه شر البطل عبود ..


عبدالله وهو يشهق من الصياح: لا .. لا مابي المستشفى ..


فيصل: احسن خل يشوفون راسك ..


ام مناف: لا تخرعونه .. طيحته عاديه .. ما عليه شر حبيب امه عبودي ..


عبدالله حضن امه وتم يصيح .. ام مناف حضنته وتمت تقرى عليه ..


ام مناف: مناف يمه روحي شربي حليبج جاهز فالمطبخ ..


مناف: ان شاءالله يمه ..


ام مناف: فيصل يبه .. جيب لاخوك ماي خل اسقيه ..


فيصل: ان شاءالله يمه ..


فيصل ومناف راحوا المطبخ مع بعض .. فيصل خذ ماي لاخوه .. ومناف خذت الحليب وطلعت عند امها وعبدالله .. مناف وفيصل قعدوا حول امهم اللي عبدالله كان في حضنها ويتألم من راسه ..
مناف وهي تحط كوب الحليب: عبود تبي حليب ..؟
عبدالله وهو يشهق: حار .. خليه يستوي بارد اول ..
الكل: ..
ام مناف: اقوم اسوي لك يبه ؟
عبدالله: لا يمه قعدي لا تروحين عني ..
فيصل يلعوز اخوه: حليله الدلوع ..
عبدالله: يمه شوفي فصول ..
مناف وفيصل: حليله .. ..
ام مناف: لا تلعوزون حبيب قلبي .. هاذي عبود القوي ..
فيصل: فديت عبود البطل ..
ام مناف: الله لا يحرمكم من بعض .. مناف امي بعد ما تخلصين حليبج قومي سوي حق عبود حليب ..
مناف مبتسمه لاخوها: من عيوني الثنتين ..
فيصل: وعندك احلى حليب لعبود وصلحوووو ..
الكل: ..
ام مناف: فديت عبود حبيبي يضحك ..
عبدالله بدلع: يمه ..
مناف: اشوا راسك الحين ؟
عبداله ياخذ نفس: اي شوي ..
فيصل: وين يعورك ؟
عبدالله أشر صوب جبهته: هني ..
مناف عضت شفتها: ما تشوف شر يا بطل انته ..
عبدالله ابتسم ودفن راسه في حضن امه .. رن جوال فيصل وفارس كان المتصل ..
فيصل: فارس متصل ..
مناف طالعت امها وابتسمت ..
ام مناف: قول نسيبي مو فارس بس ..
فيصل: ان شاءالله ..
رد فيصل على فارس برد عجب فارس وايد ..
فيصل: مرحبا نسيبي فارس ..
فارس مبتسم: فديت قلبك انته .. شلونكم ؟
فيصل مبتسم: الحمدلله .. انت شخبارك ؟
فارس: الحمدلله .. امك وعبود شو اخبارهم ؟
فيصل: عبود طاح على راسه توه .. مسكين راسه يعوره ..
فارس بخوف: سمالله عليه .. شلون طاح ؟
فيصل: وهو يركض مادري شلون طلح على راسه مسكين .. تم يصيح وايد والله .. توه من شوي سكت بس ..
فارس: فديت قلبه عبود .. ما طلع من راسه دم ولا شي ؟
فيصل: لا الحمدلله ..
فارس بإطمئنان: الحمدلله .. زين بامركم اليوم العصر بنروح نفصل ثياب .. جسوم وسلطانو واحمدو بيجون معاي
فيصل بوناسه: ياااااي .. وناسه
فارس: ه ..
فيصل: الساعه كم بتمرون ؟
فارس: بنصلي العصر وبنمركم .. انتوا جهزوا ..
فيصل: ان شاءالله ..
فارس مبتسم: وين زوجتي ؟
فيصل ابتسم: موجوده ..
فارس" فديت قلبها": وعمتي شو اخبارها ؟
فيصل: والله مع عبود ..
فارس: عطني اكلمها شوي ..
فيصل: بروح صوبهم لحظه شوي ..
فيصل: يمه فارس يبيج ..
ام مناف خذت التلفون: هلا يبه ..
فارس: شلونج عمتي ؟
ام مناف مبتسمه: طيبه الله يسلمك يبه .. اعلومك انت ؟
فارس: الحمدلله ..
ام مناف: شخبار الاهل كلهم ؟
فارس: طيبين والحمدلله ..
ام مناف: الله يطرح فيك البركه ..
فارس: تحت امرج الغاليه ..
ام مناف: جزاك الله خير ..
فارس: سلاماة عبود فديته .. شو صار له ؟
ام مناف: الله يسلمك يبه .. طاح على راسه وهو يركض فديته ..
عبدالله من سمع امه تقول هالكلام حق فارس صاح مره ثانيه ..
مناف: خلاص عبود حبيبي ..
خذته من حضن امه بس عبدالله تمسك بامه وهو يصيح ..
عبدالله: ابي امي .. آآآآه يمه ..
ام مناف: بس ابوي انته ..
فارس: عشاه ما تعور ؟
ام مناف: لا ماتعورفديته .. بس اعرفه منكسر خاطره على عمره .. عشان جي يصيح ..
فارس مبتسم: ما عليه شر فديته ..
ام مناف: ان شاءالله ..
فارس: يمه عطيني فيصل شوي ..
ام مناف: ان شاءالله .. فيصل يبيك الريال ..
فيصل خذ التلفون وطلع يكلم فارس فالحوش .. ام مناف تمت تسكت عبدالله ..
ام مناف: قوم اسبحك حبيبي ..
عبدالله يشهق: مابي مابي ..
مناف: تعال ارقدك عندي حبيبي ..
عبدالله وهو يصيح: ابي امي بس ..
مناف مبتسمه: حبيب اللي يبي امه ..
ام مناف: ان شاءالله اشوف عيالج يا مناف واشلهم في حضني ..
مناف: ان شاءالله يمه ..
ام مناف: فديت قلبج انتي ..
تمت مناف تسولف مع امها .. عبدالله كان مغمض عيونه وحاضن امه .. نام في حضنها من كثر ما صاح ومن الالم اللي حس فيه من الطيحه .. تمت ام مناف تمسح على وي وتتأمل برأته ..
ام مناف: مناف يمه قومي شوفي الجدر ..
مناف: ان شاءالله يمه ..
راحت مناف صوب المطبخ .. ام مناف حطت عبدالله على الارض وغطته .. لحقت بنتها على المطبخ وطبخوا الغدا مع بعض ..
ام مناف: بكره بيقولج ابي اتغدى عندج .. برزي له السفره وذاك الغدا الزين ..
منا منحرجه: ان شاءالله يمه ..
ام مناف: يبه الريال ما يبي البنت اللي ما تسوي شغل ريلها وكله كسلانه .. يبي يرجع من الشغل ويلقاها تنتظره بالويه السمح .. والضحكه الحلوه على ويهج .. عقب ما تخلصين غداه تروحين وتتعدلين له .. لازم دوم يشوفج مرتبه ونظيفه وريحتج حلوه .. تحملي يشم ريحة المطبخ فيج ..
مناف: ان شاءالله يمه ..
ام مناف: املي عينه لا تخلينه يطالع غيرج ..
مناف باهتمام: شلون يمه ؟
ام مناف: حافظي على عمرج وبيتج .. دوم كوني الاولى والاخيره في حياته .. حافظي عليه في غيابه .. حطيه بعيونج .. اهتمي فيه .. يمه ترا الريال مثل الياهل .. يحب من يهتم فيه بقلب صافي ويحب يسمع الكلمه الحلوه .. ولاتنسين ربج وياه يا بنتي .. ذكريه بامور دينه .. كبري عقلج وسايريه .. طيعيه في كل شي الا معصية ربج .. دوم اخذ رايه في اي شي تبين تسوينه وشاركيه في اموره .. لاتعطينه رايج الا لي طلبه .. وبعدين هو من نفسه بيجي ياخذ رايج في كل كبيره وصغيره .. اهتمي بنفسج وفيه .. لبي طلباته اول باول .. لا تضغطين عليه لو قالج ماعندي خلج قنوعه وربي بيسرها بينج وبينه ان شاءالله ..
مناف: الله يمه كلامج حلو وايد ..
ام مناف: البنت السنعه اللي تصون زوجها وتحفظ على بيته وحلاله .. خلج حكيمه لا تتسرعين في الحكم على الامور .. ولي عصب لا تقربينه .. لي هدى وراق اخذي ما في خاطره ..
مناف: ان شاءالله يمه ..
ام مناف: عفيه على بنتي .. الله يسعدج يا يمه ..
مناف: فديت قلبج يمه ..
ام مناف: يلا نجهز الغدا لاخوانج ..
مناف: ان شاءالله ..
جهزوا الغدا وتغدوا الا عبدالله اللي كان نايم من التعب .. بعد الغدا مناف راحت الغرفه واتصلت لفارس بعد ما لقت منه تقريب 3 مس كول .. اتصلت له ..
يتبع ..
__________________

فارس: يا قلبه انتي ..
مناف مبتسمه: هلا حبيبي ..
فارس: ليش ما قعدتيني من النوم ؟
مناف: قلت اخليك نايم .. كنت وايد تعبان امس ..
فارس: فديت روحج انتي .. شو اخبارج ؟
مناف: طيبه .. اخبارك انت حبيبي ؟
فارس: مشتاق لج ..
مناف بهمس: فديت روحك ..
فارس: عمري انتي .. الا بسألج ..
مناف: هلا ..
فارس: شو اخبار عبود ؟
مناف: ما عليه شر ان شاءالله ..
فارس: شلون طاح ؟
مناف: مادري .. راح يركض عند امي وفجأه سمعنا صراخه .. ماسك راسه ويصيح .. مادري شلون طاح على راسه فديته ..
فارس: ما يشوف شر فديت قلبه ..
مناف: كسر خاطري وهو ماسك راسه ويصيح .. مادري ليش عبود وايد يعور قلبي فديته ..
فارس: ما عليه شر ان شاءالله .. وينه الحين ؟
مناف: نام من التعب فديته ..
فارس: فديت روحه .. زين اليوم العصر بامر على اخوانج .. عاد ابي اشوفج ..
مناف باحرج: ها .. تشوفني ؟؟
فارس: اي .. زوجتي وابي اشوفها ..
مناف: استحي عاد ..
فارس: ه .. ليش تستحين يا قلبه ؟
مناف: استحي اقابلك جدام امي واخواني ..
فارس: عادي حبيبتي .. يلا تجهزي ابي اشوفج قبل ما اطلع مع الشباب .. سوي لي شاي من ايدينج الحلوات
مناف مبتسمه: زين ..
فارس: عاد نبي نقعد بروحنا ..
مناف: ها ..
فارس: سمعتيني .. لا امج ولا اخوانج بيقعدون معانا ..
مناف: ابيه فارس ..
فارس: .. كأني ما قعدت معاج امس ..
مناف: عاد هاي في بيتكم .. بس في بيتنا احس باحراج ..
فارس: لاتنحرجين حبيبتي .. خلاص انا زوجج وانتي زوجتي العزيزه ..
مناف بخجل: اللي تشوفه حبيبي ..
فارس: فديت روحج انتي ..
تمت تسولف مع فارس لين أذن العصر .. استأذن منها وراح يصلي ومر على الجسمي واحمد وسلطان .. اتجهوا صوب بيت مناف .. اول ما وصلوا اتصل بفيصل واستقبلهم .. الشباب دخلوا مع فيصل وراحوا صوب الطيور اندمجوا مع بعض .. فارس دخل وسلم على ام مناف .. قلطته ام مناف الصاله .. قعد ينتظر مناف .. دخلت عليه مناف وهي منزله راسها .. اول ما شافها فارس قام من مكانه .. قرب منها ومد يده لها .. مناف مدت يدها وهي ترجف ..
فارس: فديت هالطله الحلوه .. فديت زوجتي الغاليه ..
مناف: شلونك ؟
فارس مبتسم: انا بشوف القمر اصير باحسن حال ..
مناف " فديت قلبه هالفارس احبه احبه " ..
فارس: تعالي قعدي جنبي ..
مناف: ان شاءالله ..
قعدوا مع بعض وفارس على طول طبع بوسه على خد مناف .. مناف انحرجت وبعدت شوي عن فارس .. ام مناف طقت الباب .. مناف قامت من مكانها بسرعه وراحت صوب الباب .. امها كانت مسويه الشاي وجايبته لهم .. مناف خذت الصينيه من يد امها وقدمت الشاي لفارس .. تموا يسولفون وفارس بعد ما خلص الشاي استأذن ..
فارس: انا بودي الشباب الحين ..
مناف: وين بتروحون ؟
فارس: بويهم يفصلون ثياب ..
مناف: توك موديهم ..
فارس: بفصلهم 6 حق طول السنه ..
مناف: اها ..
فارس مبتسم: فديت عمرج انتي ..
مناف نزلت راسها وهي مبتسمه بخجل ..
فارس: زين سوي لي درب حياتي ..
مناف: ان شاءالله ..
اول ما قامت مناف من مكانها .. سحبها فارس بقوه وقعدت في حضنه .. طوقها بيدينه وباسها على شفتها .. مناف ارتبكت وبطلت يد فارس من حولها .. فارس تم يطالعها مبتسم وتركها .. مناف طلعت من الصاله وهي مرتبكه ..
مناف: يمه فارس بيطلع ..
ام مناف مبتسمه: خليه يمر ..
مناف: ان شاءالله ..
راحت الصاله عند فارس اللي كان واقف ويعدل غترته ..
مناف: تقدر اطوف الحين ..
فارس مبتسم: زين ..
مشى فارس جنب مناف وهو ماسك يدها .. اول ما صولوا صوب باب الصاله تركوا ايدين بعض .. طلعوا فالحوش عند الشباب ..
فارس: وين عبود ؟
مناف: للحين نايم فديته ..
فارس عقد حواجبه: زين شيكوا عليه ..
ام مناف: ما عليه شر .. ليش مكبرين الموضوع انتوا ..
مناف: يمه صياحه مب طبيعي ..
ام مناف: ضربة الراس تعور .. بس لي قعد من النوم بينسى كل شي ..
فارس: اذا قعد من النوم وهو يتألم بس اتصلوا لي خل نوديه المستشفى ..
ام مناف: ان شاءالله ..
فارس: يلا استأذن الحين ..
ام مناف: الله وياك يبه ..
فارس التفت على الشباب: يلا شباب ..
الشباب: زين ..
فارس والشباب طلعوا متجهين للسوق .. مناف وامها تموا فالبيت وكانت مناف تحاتي عبدالله .. محمد تلاقى مع فارس عند احد مواقف السوق ..
فارس: وين علوه؟
محمد: توه قاعد من النوم .. بيلبس وبيجينا .. وين الصغير ؟
فارس: تعبان ..
محمد: زين شو اخبارها ؟
فارس مبتسم: آآه يا حمودي .. والله ودي اخذها البيت اليوم قبل بكره .. الحمدلله ان الامور تيسرت ..
محمد: ما قلت لك يا فروس .. اني متفائل ..
فارس: فديت تفئلك يا قلبي انته ..
محمد: قوم جيب لي شاي يلا بس ..
فارس: انا معرس لازم ادلعني ..
محمد: يستوي خير بندلعك بعد العرس ..
محد وفارس: ..
وهم يسولفون وصل علي .. نزل من السياره وسلم عليهم ..
علي: حيالله معرسنا ..
فارس مبتسم: الله يحيك ..
علي: يا حي هالضحكه الحلوه يا فارس ..
فارس انحرج: لعيونك هالضحكه ..
علي: علينا هالكلام ..
محمد: لقط ويهك يا فروس ..
الكل: ه ..
علي: وين عبود ؟
فارس: عبود طاح على راسه اليوم ..
علي عقد حواجبه: مسكين .. عساه ما تعور ؟
فارس: لا بس متسندر من الالم ونام ..
علي: خساره كنت باسوي له حفله اليوم ..
محمد: اي حفله ؟
علي: تعرف هالولد مقلوع .. وبطيره ..
فارس ومحمد: ..
علي: خل آخذ له هديه على قده حليله .. وايد حبيته هالولد ..
فارس: اي والله عبود يجنن ..
محمد: والله انا اجنن اكثر منكم كلكم بعد ..
الكل: ..
فارس: وين خل نروح نخلص مع الخياط ترا الشباب غلسوا عليه ..
علي: باصفقهم الحين ..
دخل علي المحل وزقر الشباب بصوت واحد ربشهم خلاهم يسكتون مره وحده ..
علي بحده: وبعدين يا شباب ..
فارس بهمس: حمش الولد ..
محمد: ينخاف منه ..
علي مبتسم: يلا شباب كل واحد يختار له قطعه ..
الشباب: شالوا ..
محمد: ه .. علوه هبل .. يزقرهم وبعدين يضحك معاهم ..
فارس: يعجبني اخوك .. بس تغير من بعد ما رجع من السفر ..
محمد: اي تغير للاحسن .. من ترك جبور الدب وهو احسن ..
فارس: الربع يجرونك اما للصح او الغلط ..
محمد: والعاقل اللي يحكم عقله ..
فارس: اخوك تعلم درس ..
محمد: درس ما بينساه طول عمره .. ابوي غضب عليه ..
فارس: تقولي عن ابوك .. اذا انا اخاف منه .. تذكر يوم زفنا انا وانت يوم تعافرنا فالميلس مع فهود واسامي ..
محمد: .. اما ذاك اليوم كان شكلك روعه وابوي يزفك وانت تحاول تلطف الجو ..
فارس: .. المصيبه ان هاليهال فضحونا ..
محمد: اي والله .. وابوي ترا مب بسهوله ينقص عليه ..
فارس: حليله عمي .. بس وقف معاي وقفه ما راح انساها له طول عمري .. هو ويدتي وابوي ..
محمد: اي والله انا اشهد انهم وقفوا معاك .. جزاهم الله خير ..
فارس تنهد: آآه .. تدري يا حمودي جميلهم شايله على راسي .. ومب عارف كيف ارده لهم ..
محمد: تدري شو تقول ايديه حق ابوك ذاك اليوم ..
فارس: شو ؟
محمد: قالت له انك قلت لها اني شايل جميلج على راسي .. قالت له ابيه يرد لي هالجميل بمحافظته على بنت الناس يصونها ويحافظ عليها ..
فارس: ليش انتوا متخوفين ؟ وعلى بالكم اني بالتها ؟
محمد: والله مو مسألة متخوفين .. الكل يعرف اخلاقك .. بس اصرارك عليها خلاى يدتي تصر انك نحطها بعيونك .. وغير ان امها كانتتعرف يدتي و البنت يتيمه .. الا اليتيم يا فارس لا تذله .. والبنت مالها حد فهالدنيا .. امها لا لها ولا عليها .. واخوانها صغار وهي اللي شايله همهم .. وانت رايل وندري انك بتعزها .. بس للتذكير يا فروس .. وانت تعرف الحريم وحتهم لبعض ..
فارس مبتسم: عدل كلامك يا رجل ..
محمد: لا تتضايق من هالوصيه .. ترا سمعتها قبلك ..
فارس ومحمد: ه ..
محمد: بس انا طلقتها ..
فارس: حمودي ..
محمد: هلا .ز
فارس: انت مب ندمان على اللي سويته ؟
محمد: لا مب ندمان .. ولو بعطيها فرص ترا مب مخلص ..
فارس: زين ردها عشان عيالك ؟ تشوفها حلوه تشوف عيالم مرتين او 3 مرات فالاسبوع ؟
محمد: والله الوضع مب عاجبنيي يا فروس .. بس ما اتحملها ..
فارس: حمود فكر فالموضوع مره ثانيه ..
محمد يغير الموضوع: زين يلا نروح نفصل اعتقد الشباب خلصوا ..
فارس " آيه عليك يا حمود .. ليش محمل قلبك هالكثر ؟"
فارس مبتسم: يلا ..
راحوا صوب الشباب وكل منهم فصل له وخذ مقاساته .. بعد هالربشه عند الخياط .. طلعوا الشباب يتعشون وبعد العشى تموا يلفلون فالشوارع .. فارس ومحمد في سياره .. وعلي والشباب الصغار مرتبشين عالآخر في السياره الثانيه ..
علي مر على محل الالعاب وشرى حق عبود سيكل ( دراجه هوائيه ) .. بعد هالصياعه اللي صاعواها الشباب راحوا بيت مناف يوصلون فيصل ..



يتبع ..
__________________

علي: فيصل ناد عبود ..
فيصل مبتسم: ان شاءالله ..
راح فيصل عشان ينادي عبدالله ..
فيصل: يمه .. يمه ..
ام مناف: هلا ابوي انته ..
فيصل: وين عبود ؟
ام مناف: قاعد ..
فصل: قولي له يجي عند الباب .. علي يبيه ..
ام مناف: علي!! من علي ؟
فيصل: عبود يعرفه .. ناديه بسرعه ..
ام مناف مبتسمه: ان شاءالله فديتك ..
راحت ام مناف تنادي عبود اللي نقز من مكانه اول ما سمع اسم علي .. طلع من الصاله يركض .. مسكته مناف ..
مناف: شوي شوي ..
عبدالله: زين ..
مشى بسرعه متجه للباب .. اول ما شاف علي ركض له وحضنه .. فيصل وباقي الشباب دخلوا الحوش عند الطيور
محمد: حليله الولد .. وايد حنون ..
فارس: اي والله .. من يشوفني يركض لي ويحضني ..
محمد مبتسم: فديت قلبه هالصغيرون ..
علي حضن عبدالله وباسه ..
علي: شلونك يبه ؟
عبدالله: طيب ..
علي: راسك اشوا الحين ؟
عبدالله خنقته العبره وتجمعت الدموع في عيونه .. خذ نفس وابتسم ..
عبدالله: الحين احسن شوي ..
علي: ما تشوف شر يبه .. تعال عندي لك مفاجأه حلوه ..
عبدالله: وينها ..
علي قرب السيكل من عند عبدالله .. عبدالله اول ما شافه طار من الوناسه ..
عبدالله: يااااااي .. وناسه عندي سيكل ..
علي: يلا اركب خل اشوفك تسوقه ..
عبدالله ركب وساق السيكل صوب باب البيت ..
فارس: حلاه على عبود عنده سيكل ..
عبدالله ضحك ضحكته الحلوه بفرح: ااااي ..
الكل: ..
علي: بس لا تسوقه فالشارع .. بس فالبيت .. لو سقته برا ترا بزعل منك ..
عبدالله مبتسم: ان شاءالله ..
علي: يلا خل فارس يدخله لك البيت ..
عبدالله: زين ..
فارس مشى صوب عبدالله وشل السيكل ودخله الحوش .. شاف ام مناف قاعده عند باب الصاله تراقب الشباب اللي عند قفص الطيور .. ناداها وسلم عليها ..
فارس: هلا يمه ..
ام مناف مبتسمه: هلا ابوي ..
فارس: شلونج ؟
ام مناف: الحمدلله .. اخباركم انتوا ؟
فارس: الحمدلله ..
فارس كان يكلم ام مناف وعيونه على مناف اللي كانت اطل عليه من ورا الباب وهي مبتسمه ..
ام مناف: تعشيت يبه ؟
فارس: اي الحمدلله ..
ام مناف: بالعافيه يبه ..
فارس: زين الغاليه اترخص الحين ..
ام مناف: الله يحفظك يبه .. وتحمل بنفسكم ..
فارس مبتسم: ان شاءالله .. التفت على الشباب .. يلا روحوا السياره ..
جاسم: لا تو الناس ..
سلطان: وناسه هني ..
فارس رفع حاجب: قم انت وياه لا اشوتكم ..
سلطان بتذمر: شو فيها لو قعدنا شوي يعني ؟
جاسم: اي شو فيها .؟
فارس سحبهم من ثيابهم: خلصوني يا جماعه ..
احمد بشماته: في ناس تحط نفسها في مواقف باااااايخه ..
التفت عليه فارس مبتسم: احلف انت بس ..
احمد وفارس: ..
طلعوا من بيت مناف وفيصل وصلهم عند الباب وهم ميتين من الضحك سلموا على فيصل و ودعوه وراحوا البيت علي خذ الشباب معاه .. محمد وفارس مروا القهوه عند الشباب ولحقهم علي بعد ما نزل الشباب .. يوسف وعبدالعزيز وفاضل كانوا ميتين من الضحك .. وسلمان يطالعهم مبتسم ..
علي: ضحكونا معاكم شباب ..
عبدالعزيز: .. فاتك اللي صار ..
علي: قولوا لي ..
عبدالعزيز كان ماسك بطنه من الضحك ومب قادر يتكلم ..
فارس: شاللي بيسكت عزوز اخوي ..
يوسف: بصراحه فضول تهزئ صح اليوم ..
فاضل كان ميت من الضحك: اي والله .. وااااااي ..
تموا الشباب يضحكون ..
علي بفضول: سلمان انت مبتسم وشكلك تعرف السالفه ..
سلمان: .. هذول ترا ميانين ..
محمد: شو مسوين ؟
سلمان: اقول ولا بتقولون انتوا ؟
يوسف: انا بقول السالفه .. الله يسلمكم كنا في المجمع وفاضل كان رايق حده ..
عبدالعزيز: من قلب كان رايق .. ه
يوسف: .. المهم واحنا طالعين من المحل كانوا في بنات جنبنا دفعوا وخلصوا .. الاخ فاضل كان يبي يستخف دمه عليهم .. حط كيسه جنب اكياسهم .. البنات شلوا كيسه وطلعوا من المحل .. عاد اخونا فالله تركهم فتره وبعدين لحقهم اونه يبي الكيس .. تم يمشي وراهم والبنات ولا يدرون بالدنيا ماشين في دربهم .. وصلوا عند الباب والولد وراهم .. ينادي ولاحد يرد عليه .. ركبوا السياره وفاضل توه واصل صوب السياره الا السياره حركت والاخ راحت عليه اغراضه ..
الكل: ..
الكل ضحك على فاضل وحركاته ..
فارس: والله انك عبيط يا فضول ..
محمد: تبي تسوي لهم اكشن .. طاحت على راسك ..
فاضل: .. والله هلكت وانا الاحقهم .. سريعات هالبنات ..
عبدالعزيز: .. والله انك نكته .. اصبر خل اقول حق الكشخه ..
سلمان وهو يدخن: يعني اونك تبي تلفت انتباهم لك .. اقطع يدي اذا ما كانوا يدرون ومتعمدين ما يردون عليك ..
فارس: ليش لأ ..
محمد: زين شو كان فالكيس ؟
يوسف: ماخذه كم عطر و تي شيرت ..
محمد: راحت عليك ..
فاضل: .. والله انهم قويات هالبنات ..
يوسف: انا جوعان يلا متى نطلب ..
فاضل: يلا لنا ساعه ننتظركم تجون عشان نتعشى مع بعض ..
علي وفارس ومحمد طالعوا بعض وابتسموا ..
سلمان ينفخ الدخان: شهالابتسامات ..
يوسف: شكلهم متعشين ..
عبدالعزيز: لا ومحلين بعد ..
الكل: هااااااااااي ..
علي: لا احنا ما كلنا ..
فارس: اي ما كلنا ..
محمد: يلا نطلب انا جوعان ..
سلمان رفع حاجب وطالعهم بنظره: صج والله ..
فاضل: نذاله ..
علي: شو فيك يا رجل .. قلنا لك بنطلب يلا ..
يوسف: خف على الريس .. كلش مو مبين عليكم انكم كلتوا ..
سلمان: على من تلعبونها ..
محمد: حدكم عن اخوي .. احنا كلمتنا وحده .. ما كلنا شي ..
فارس: زين شو فيها يعني لو كلنا .. لاحظوا اني اقول لو اكلنا ..
علي: هو يعطيكم مثال بس ..
محمد: اي يعني مو معناته ان احنا كلنا ..
سلمان: ترا اللي يكذب خشمه يصير طويل ..
الشباب ماتوا من الضحك على بعض .. يوسف طرش مسج لفاضل وسلمان وعبدالعزيز .. وكان المسج كالتالي ..
(( شباب مشوا كذبتهم عليهم .. وخل نطلب اكل وايد .. وبنخليهم ياكلون ويخلصون صحونهم .. ويدفعون الحساب بعد ))
سلمان وفاضل وعبدالعزيز قروا المسج ونفذوا بصمت ..
يوسف: دام تقولون انكم ما تعشيتوا .. يلا عيل كل واحد يقول طلبه ..
فارس مبتسم: احم .. ان شاءالله ..
كل الشباب طلبوا مقبلات واطباق رئيسيه .. محمد وفارس وعلي كانوا طالبين اشياء خفيفه ..
يوسف: شو هالطلب الخفيف يا بونايف ..
محمد وفارس: اي واحد فينا ؟
الكل: ه ..
يوسف: اقصد معرسنا الجديد ..
فارس: اهاا .. تدري وراي عرس ولازم اخفف ..
يوسف: وش عذرك اخ محمد ؟
محمد: الوقت تأخر وماحب انام الا وانا خفيف ..
يوسف حط يده على شنبه: وانت اخ علي ؟
علي: تدري اني احافظ على وزني .. فماقدر اطلب لي شي جامد ..
فاضل: بس انتوا قلتوا انكم ما تعشيتوا وجوعانين ..
عبدالعزيز: يعني لازم تطلبون الطيق الرئيسي ..
فارس بهمس: من قلب صادوه ..
علي: خل نطلب وناكل شوي بس ..
محمد: زين ..
كل الشباب طلبوا مثل كل مره .. جى الطلب و محمد وعلي وفارس كلوا شوي بس ..
فاضل: كل هاي وتقولون جوعانين .. لا لا لا ما كلتوا شي ..
سلمان مبتسم: يمكن شبعوا بسرعه ..
يوسف: عاد كلهم مره وحده ..
علي" ابوك يالمذله " ..
فارس: هذاني اكل ..
محمد وعلي: وانا بعد ..
تموا الشباب يتغصبون الاكل .. اما الباقي تقريبا خلصوا صحونهم من الجوع .. جى ووقت الحساب .. وجابوا الفاتوره .. سلمان خذها وحطها جدام محمد ..




يتبع ..
__________________

محمد: احم .. ليش جدامي ؟
خذها وحطها جدام علي ..
علي ماسك عود الاسنان: وليش جدامي انا ؟
خذها وحطها جدام فارس ..
فارس وهو يمسح حلجه: وليش جدامي انا ؟
يوسف: يا جماعه .. ندري انكم تعشيتوا وشبعانين ..
عبدالعزيز بنذاله: بس حبينا نطفحكم من هالاكل ..
فاضل مبتسم بخبث: وندفعكم الفاتوره ..
سلمان قام من مكان: يلا شباب ..
فاضل وعبدالعزيز ويوسف وسلمان: سلام ..
فارس ومحمد وعلي تموا يطالعون بعض ..
فارس: علوه .. طلع الحاسبه اقسم الفاتوره على 3 ..
الكل: ..
فاضل: حليلكم والله ..
سلمان تم يضحك على الشباب وكان يفكر انه لو راح المكسيك بيفتقدهم .. الشباب سلموا على بعض وكلن اتجه لبيته .. محمد وفارس ناموا مع بعض في شقة فارس .. في بيت يوسف .. سلمان ويوسف كانوا راجعين مع بعض ريما نامت وسلمان تطمن عليها قبل ما يطلع من البيت .. اما فاطمه فكانت قاعده فالصاله فوق تسوي بحثها حق الجامعه .. سلمان ويوسف وصلوا البيت وتموا فالصاله اللي تحت يسولفون ..
سلمان: شو اخبارك مع العرس ؟
يوسف مبتسم: الحمدلله مرتاح .. والله يقدرني واسعد بنت الناس ..
سلمان غمض عيونه: الله يوفقك يا يوسف .. شبك ايدينه ببعض وخذ نفس .. يوسف انا قررت اني ما روح على المكسيك .. فكرت فالموضوع وقلبته في مخي وايد ..
يوسف مبتسم: والله خالي ..
سلمان يكمل: اي يبه .. بس طلعت بقرار ثاني واتمنى انك انت وخواتك تتقبلونه عشان خاطري ..
يوسف بأهتمام: شنو قرارك خالي ؟
سلمان غلغل اصابعه في شعره: انا قررت اني اطلع من البيت .. باشوف لي شقه او بيت صغير يلمني انا وريما ..
يوسف عقد حواجبه: احترم قرارك يا خالي .. بس ممكن اعرف ليش ؟
سلمان: والله ما استغنى عنكم .. بس ابي استقل بحياتي شوي ..
يوسف اقتنع بجواب خاله ..
يوسف: الله يوفقك يا خالي ..
سلمان: الله يسلمك الغالي ..
زين شفت لك مكان ولا تبي نساعدك ؟
سلمان: والله للحين ما شفت لي شي .. واكيد بحتاج مساعدتك .. ادري فديتك ما تقصر ..
يوسف: حاضرين يا خالي ..
سلمان: بكره بشوف كم مكتب .. وبشوف الجرايد ..
يوسف: لا تهتم .. بسألك نسيبي ..
سلمان: ان شاءالله .. زين انا بروح ارتاح واشوف ريما فديتها ..
يوسف: قاعده الساحره بنتك ؟
سلمان: ه .. لا رقدتها قبل ما طلع ..
يوسف: اخ .. راحت علي ولا كنت بلعوزها ..
سلمان: ه .. صدقني بخليها تستلم عيالك ..
يوسف: انا قايل لكم .. عيالي محد بيقدر يسوي فيهم شي .. باعلمهم على الخشونه من نعومة اظافرهم ..
سلمان: خف علينا .. اخاف يصفقونك انت بس..
يوسف: ه .. تخيل ..
سلمان ويوسف: ..
يوسف صعد الدري متجه فوق .. اما سلمان دخل الغرفه .. راح صوب غرقة ريما .. شافها نايمه ببرأه وغرقانه بنومها .. باسها وغطاها عدل وطلع .. راح غرفته وخذ له شور وكعادته يجابل التلفزيون وشارد التفكير ..
يوسف اول ما دخل الصاله فاطمه رفعت راسها وابتسمت له .. قامت من مكانها ومشت صوبه ..
فاطمه: هلا حبيبي ..
يوسف: هلا فديت قلبج انتي ..
فاطمه خذت غترة يوسف وفتحت له ازرة الثوب .. دخلوا الغرفه ويوسف فصخ ثوبه وعطاه فاطمه ..
فاطمه: اعلقه ولا اطرشه المغسله ؟
يوسف: علقيه ..
فاطمه كشرت: ريحته دخان يا يوسف ..
يوسف مبتسم: فديت قلبج .. قرب منها .. لاعت جبدج من ريحته ..
فاطمه مبتسمه: ريحته فايحه ما تشم ..
يوسف حضنها: فديت ريحتج انتي ..
فاطمه: يوسف فديت قلبك .. روح تسبح الله يخليك ..
يوسف: ه .. حضنها بقوه .. لا شمي ريحتي احسن ..
فاطمه تحاول ادزه: لااااا .. قوم عني ..
يوسف: .. زين تعالي سبحيني ..
فاطمه حذفت عليه الثوب: قوم تسبح خلصني ..
يوسف يحك راسه: .. زين جهزي لي ملابسي ..
فاطمه مبتسمه بحنان: من عيوني فديت قلبك انته ..
يوسف: عمري انتي والله ..
دخل يوسف ياخذ له شور .. وفاطمه جهزت له ملابس النوم .. راحت الصلاه تكمل بحثها .. يوسف لبس وطلع لها الصاله .. قعد جنبها وتم يقرى كتبها .. رفع راسه مبتسم لها ..
يوسف: حبيبتي ..
فاطمه مندمجه مع الكمبيوتر: هلا حبيبي ..
يوسف يلعب بشعرها: تذكرين البحث ..
فاطمه التفت عليه مبتسمه: كان احلى بحث ..
يوسف حضنها بشوق: فديت قلبج يا فطيم .. انتي احلى صدفه في حياتي ..
فاطمه ويها صار احمر: حياتي يا يوسف ..
يوسف: تبين اساعدج في البحث حبيبتي ؟
فاطمه: تسلم حبيبي .. خلاص ما بقى لي شي وبخلصه .. اسوي لك قهوه حبيبي ؟
يوسف: ابي شاي .. القهوه بتسهرني ..
فاطمه حطت الكمبيوتر على الطاوله: ان شاءالله ..
راحت صوب مطبخهم الصغير وسوت ليوسف شاي .. يوسف راح صوبها .. سحب الكرسي وقعد يسولف معاها ..
يوسف: حليله فارس اخوج .. نفسيته متغيره من بعد الملجه ..
فاطمه مبتسمه: اي واتيد تغيرت نفسيته فديته ..
يوسف: يستاهل بونايف .. عقبال عزوز وباقي الشباب ..
فاطمه: ان شاءالله ..
يوسف: ما بقى على سفر فاضل شي .. والله بشتاق له
فاطمه: غريب فاضل ..
يوسف: ليش؟
فاطمه: كان مستانس فالجامعه هني .. ليش غير رايه وقرر يكمل برا ؟
يوسف: الولد فكر صح ..
فاطمه: شلون ؟
يوسف: يعني هو راح يكمل برا لانه مخطط على كم شركة فالبلاد لهم مستقبل كبير ..
فاطمه: والله مب هين الفضلي ..
يوسف: تربية بومحمد والله ..
فاطمه: فديته عمي والله ..
يوسف وفاطمه تموا يسولفون وبعين فاطمه راحت تكمل البحث ويوسف تم يتابع فلم على التلفزيون ..
مريم وخالد كانوا نايمين بسلام في شقتهم الصغيره .. مريم حست ان حد يناديها .. فتحت عيونها بتعب ..
مريم: من ؟
الجنيه بهمس: مريم .. تعالي ..
مريم فركت عيونها: من ؟
قامت من السرير رايحه صوب مصدر الصوت .. طلعت من الغرفه وشافت بنت صغيره واقفه اطالعها .. تمت مريم اطالعها باستغراب .. كان حجم البنت وايد صغير .. شعرها كيرلي اسود .. وعيونها بنيه فاتحه .. لون بشرتها ابيض مايل للسمار شوي .. كانت لابسه فستان ابيض .. وقفت البنت اطالع مريم مبتسمه .. مريم كانت تحاول انها تكلمها بس حست بالخوف .. لان البنت فجأه صار لونها ابيض و بدت عدسة عيونها توسع بشكل مخيف .. ولون عدست عيونها تغير من البني الفاتح للاسود .. ويه البنت صار طويل وبانت عليه بعض الخطوط السوده.. مريم تنفست بخوف ورجعت خطوتين ورا .. البنت ويها رجع مثل هو .. عيونها رجعت عاديه وعدست عيونها رجعت للون البني رفعت حاجب وابتسمت .. مدت يدها لمريم ..
مريم: من انتي ؟
الجنيه: ماما انا خايفه ..
مريم حطت يدها على حلجها: ها ..
الجنيه: ماما انا خايفه لميني ..
مريم خافت اكثر .. كان صوت البنت صوت وحده كبيره بجسم طفله صغيره .. قربت من مريم وحضنتها .. مريم باعدت البنت عنها من الخوف .. البنت طالعت فستانها ورفعت راسها طالعت مريم اللي كانت تراقب بخوف .. مريم شافت بقع دم على فستان البنت الابيض .. البنت مدت ايدينها لمريم توريها الدم اللي بيدها .. مريم خافت وصرخت
مريم: آآآآه ..
خالد قعد من النوم على صراخ مريم ..
خالد: شو فيج مريم ..
مريم صاحت: دم يا خالد .. دم ..
خالد شغل الليت: اي دم حبيبتي ؟
مريم وسط دموعها: دم دم ..
خالد رفع اللحاف عن مريم .. وشاف الفراش كله دم .. خاف عليها ..
خالد: مريم شي يعورج ؟
مريم: جسمي كله يعورني .. الحق علي يا خالد ..
مريم تمت تصيح وكانت ترجف من الخوف .. وتحس بألم فضيع في جسمها ..
خالد لبس ثوبه وحط على مريم عبايتها ..
خالد: قومي اخذج المستشفى ..
مريم بألم: ابي امي ..
خالد: ان شاءالله باتصل لها .. قومي حبيبتي ..
طلع خالد من البيت شايل مريم اللي غرقت بدمها .. ركب السياره واتجه للمستشفى .. اتصل في امه وبلغها انه رايح للمستشفى .. طبعا ام محمد على طول اتصلت بيت بوفارس وراحوا المستشفى .. فارس ومحمد وفاطمه راحوا المستشفى اول ما سمعوا بالخبر ..




يتبع ..
__________________

خالد وصل المستشفى ومريم فقدت الوعي فالسياره .. خذوها الممرضات لغرفة الكشف .. خالد كان متوتر وخايف على مريم .. وصلت امه وشافت حالته .. خالد اول ما شاف امه راح صوبها والخوف بعيونه ..


ام محمد: شو صاير يبه ؟


خالد: مادري .. قعدت من النوم على صراخ مريم .. وبعدين شفت الدم على ملابسها وفالسرير ..


بومحمد: سمالله عليها .. شمنه هالدم ؟


خالد: مادري .. وصلت المستشفى وهي مغمى عليها .. خايف عليها يمه ..


ام محمد والخوف بعيونها: لا يبه ما عليها شر ان شاءالله ..


ام فارس وريلها وصلوا المستشفى .. اول ما شافوا خالد راحوا صوبه ..


ام فارس تمسح دموعها: شو فيها مريم ؟


ام محمد: ما عليها شر ان شاءالله ..


بوفارس بتوتر: وينها ؟


بومحمد: داخل ..


ام محمد خذت ام فارس على صوب وقعدت تهس ..


ام محمد: بنتج شكلها طرحت اللي في بطنها ..


ام فارس حطت يدها على حلجها وصاحت بصمت ..


ام فارس: لا حول ولا قوة الا بالله .. بس شلون ؟


ام محمد: مادري .. بس يقول خالد قامت من النوم تتألم وتصرخ وملابسها كلها دم ..


ام فارس: لا شكلها طرحت .. بس الله يستر ما تصير لها مضاعفات ..


ام محمد: بأذن الله ما عليها شر ..


ام فارس: ان شاءالله ..


فارس وفاطمه ومحمد وصلوا .. فاطمه راحت صوب امها ومرت عمها ..


فاطمه: شو فيها مريم ؟


ام محمد: ما عليها شر .. بس ننتظر الدكتور يطلع ..


فارس: خالد شو فيها مريم ؟


خالد تنهد بحزن: والله مادري يا فارس .. بس كانت وايد تعبانه ..


فارس: الله يشفيها ..


محمد: شفتوا الدكتور ؟


بوفارس: لا للحين ..


تموا ينتظرون فتره طويله وما لقوا من يسألونه عن مريم .. من دخلوها الغرفه ولا شافوا الدكتور .. كانت الساعه 1 بالليل .. كل ما راحوا يسألون يطلبون منهم ان ينتظرون الدكتور .. على الساعه 3 ونص .. طلع الدكتور من غرفة الكشف .. والكل راح صوبه ..


خالد: طمنا دكتور .. شو اخبارها زوجتي ؟


الدكتور: انت زوجها ؟


خالد: اي نعم ..


الدكتور: تفضلوا يا جماعه ارتاحوا ..


بوفارس: طمنا يا دكتور ..


الدكتور: طبعا البنت فقدت الجنين ..


خالد غمض عيونه بقوه .. حط يده على راسه ورجع براسه على ورا ..


بومحمد: شو اللي خلاها تفقده ؟


الدكتور: طبعا هي مهتمه بصحتها بشكل جيد .. بس نفسياً لأ .. اما خوف او توتر اللي خلوها تفقده ..


خالد: حسبي الله ونعم الوكيل ..


الدكتور: جسمها وايد تعبان حاليا .. ونفسيتها بتتعب اكثر لما تعرف انها فقدت الجنين .. اللي ابغيه منكم انكم ما تتركونها بروحها .. ولازم تهتم بصحتها .. واتمنى انها ما تحاول انها تحمل في هالفتره .. يعني على الاقل بعد 4 او 6 شهور ..


خالد: ان شاءالله ..


الدكتور: الحين بياخذونها غرفة خاصه .. وتقدرون تشوفونها بكره الصبح .. لانها ما راح تحس فيكم لو دخلتوا عليها الحين ..


بومحمد: جزاك الله خير يا دكتور ..


الدكتور: سلامات وماتشوفون شر ..


خالد وبوفارس: الله يسلمك ..


راح الدكتور والحريم راحوا صوب الريايل ..


ام فارس: خالد يبه ابغي اشوف بنتي ..


خالد: ان شاءالله عمتي ..


فاطمه: وانا بعد ابي اشوف اختي ..


خالد: يلا يبه ..


الحريم راحوا مع خالد صوب غرفة مريم .. تطمنوا عليها ورجعوا عند الشباب ..


ام فارس: انا بقعد عند بنتي .. انت توكل يا محمد ..


خالد: لا عمتي .. انا بتم هني .. انتواما قصرتوا .. روحوا ارتاحوا ..


بوفارس: عدل كلامه يا مزنه ..


ام فارس: اللي تشوفه ..


فارس: فطيم يلا ..


ام فارس اول ما سمعت صوت فارس التفت عليه وكان الشوق باين عليها .. فارس ما نتبه لنظرات امه ..


فاطمه: زين فارس يلا نروح ..


بومحمد: يلا يا منيره ..


فارس: خالد بوصل فطيم وبرجع لكم ..


خالد: ان شاءالله .. التفت خالد على فاطمه .. فطيم بكره ابيج تروحين الشقه وتاخذين اغراض حق مريم ..


فاطمه: ان شاءالله ..


خالد مد يده بالمفتاح: هاي مفتاح البيت ..


فاطمه: ولا يهمك ..


خالد: جزاج الله خير ..


كانت الساعه 4 لما بوفارس وام فارس وام محمد وبومحمد وفارس وفاطمه غادروا المستشفى .. خالد ومحمد تموا فالمستشفى .. فارس وصل فاطمه البيت ورجع لهم المستشفى .. فارس مر وخذ للشباب كرك ..


فارس: ها شو اخباركم ؟


خالد: الحمدلله .. والله زين سويت يا فارس ..


محمد: خل الواحد يبل ريقه شوي ..


خالد: جزاك الله خير ..


فارس: بالعافيه ..


تموا الشباب قاعدين بصمت يشربون الكرك .. راحوا يصلون الفجر محمد وفارس رجعوا الاستراحه .. اما خالد راح الغرفه عند مريم .. وتم سهران عند راسها .. على الساعه 6 ونص مريم فتحت عيونها بتعب .. كانت تنادي خالد ..


مريم بتعب: خالد ..


خالد قرب منها: حياتي انتي لا تتكلمين حبيبتي ..حط يده على شفتها الناشفه ..


مريم: ابي ماي ..


خالد: من عيوني فديت قلبج ..


حط ماي في الكوب .. وسقاها شوي شوي .. مريم بعدت يد خالد لما شبعت .. مسكت يد خالد وصاحت ..


مريم: خالد ..


خالد بحنان: انا عندج حبيبتي ..


مريم: جسمي يعورني ..


خالد: سمالله عليج .. فيني ولا فيج .. مسح دموعها ..


مريم: آآه خالد والله جسمي يعورني ..


خالد: ارتاحي حبيبتي ولا تتكلمين .. لا تعبين نفسج ..


مريم بخوف: خالد لا تروح وتخليني ..


خالد باس يدها: انا هني حبيبتي .. ما راح اتركج .. انتي ارتاحي واوعدج اكون جنبج ..


مريم: ان شاءالله ..


غمضت عيونها بتعب وهي ماسكه يد خالد ..


خالد كان يفكر وهو يتأمل ملامح مريم ..


خالد " ليكون طلعت لها هالجنيه .. لا حول ولاقوة الا بالله .. يارب تترك مريم .. الله يحفظ مريم منها ان شاءالله "


خالد اتصل بفارس ..


فارس: هلا ..


خالد: بونايف .. توكل انت واخوي .. ما قصرتوا وبيض الله ويهكم ..


فارس: حاضرين لك الغالي .. شو اخبار مرايم ؟


خالد: قعدت من شوي وكانت تعبانه وايد .. ونامت مره ثانيه ..


فارس: بامراطل عليها قبل ما روح ..


خالد: تعال حياك يبه ..


فارس: تسلم لي ..


محمد: بتروح تشوف اختك ؟


فارس: اي ..


محمد: زين انا بانتظرك هني ..


فارس: لاتعال معاي ليش قعد هني بروحك ..


محمد: ان شاءالله ..


فارس ومحمد راحوا صوب غرفة مريم .. فارس تطمن على اخته وسلم على خالد وطلع هو و محمد .. طبعا كل واحد منهم راح وحذف نفسه ونام .. الساعه 8 ونص رن جوال فارس وكانت الرنه ( عالي مستواه ) .. فارس من التعب ما قام .. محمد سمع الرنه وفتح عيونه .. التفت على فارس اللي كان غرقان فالنوم ..


محمد: فروس .. فروووس ..


فارس بتعب: همممم ..


محمد: تلفونك ..


فارس مد يده وخذ التلفون من على الطاوله .. رد بتعب ..


فارس: هلا ..


مناف: حبيبي ..


فارس فتح عيونه: قلبه انتي ..


مناف: حبيبي يلا قوم ..


فارس: ابي انام ..


مناف: حبيبي الساعه 8 ..


فارس: بنام شوي حياتي ..


مناف بدلع: زين كيفك ..


فارس صحصح: خلاص خلاص قعدت ..


مناف: متى نمت امس ؟


فارس يتثاوب: آآآه .. نمت الصبح ..


مناف: الساعه كم ؟


فارس: الساعه 7 تقريبا ..


مناف: فديت قلبك حبيبي .. بس شهاللي مسهرك ؟


فارس: بعدين بقولج .. خليني اقوم اخذ لي شور يصحصحني اول ..


مناف برقه: حبيبي نام ..


فارس: لا بقوم عندي شغل ..


مناف: اي شغل ؟


فارس: يا قلبه اول باتسبح وبرجع اتصلج وبقولج كل شي ..


مناف بدلع: زين حبيبي ..


فارس ابتسم: اموت في دلع زوجتي حبيبتي ..


مناف بخجل: فديت قلبك يا فارس .. زين اسوي لك سندويش تمر تاخذه ؟


فارس: ايه عليج بس .. زين جهزيه وبمر اتريق عندج ..


مناف: ان شاءالله ..


فارس: وبعد ابي نسكافيه من ايدينج الحلوات ..


مناف: من عيوني حبيبي ..


فارس: ولا تنسين تنفخين فالنسكافيه .. عشان يبرد شوي ..


مناف انحرجت: زين حبيبي ..


فارس مبتسم: يلا بقوم اخذ لي شور وجايج ..


مناف: الله يحفظك حبيبي..


سكر فارس من مناف وقام بتعب .. راح ياخذ له شور .. محمد سمع المكالمه وكان فرحان لفرحة فارس ..


محمد " الله يوفقك يا فارس " ..


مناف دخلت المطبخ وجهزت لفارس الريوق .. دخلت عليها امها ..


ام مناف: فديت بنتي اللي تسنع ريوق ريلها ..


مناف منحرجه: هلا يمه ..


ام مناف: ريلج جاي ؟


مناف: اي ..


ام مناف: متى ؟


مناف: بعد شوي ..


ام مناف: زين يمه انا بروح بيت ام خالد ولدها تعبان وبمر اسلم عليها ..


مناف: زين يمه ..


ام مناف لبست عبايتها وطلعت من البيت .. فارس اتصل بمناف ..


فارس: حياته ..


مناف: هلا حبيبي ..


فارس: انا عند باب بيتكم ..


مناف: زين الحين باجيك ..


راحت صوب الباب ولقت فارس بالسياره .. اول ما شافها نزل من السياره وراح صوبها ..


فارس مبتسم: فديت هالنور من ويهج الحلو ..


مناف منزله راسها: هلا فديتك .. تفضل ..


فارس عضت شفته: اموت فيها يا ناس ..


دخل الحوش وكان يطالع مناف من فوق لي تحت ..


فارس: وين عمتي ؟


مناف: راحت بيت جيرانا ..


فارس: حليلها .. وانتي ليش ما رحتي الجامعه ؟


مناف: الدكتور معتذر ومبلغنا من اسبوع ..


فارس: يعني اليوم ما عندج الا محاضره وحده بس ؟


مناف: لا عندي .. بس مب حاضرتهم ..


فارس: ليش ؟


مناف: هالكورس ما غبت ولامره .. عادي الا محاضره وحده بفوت من كل ماده ..


فارس قرب منها: فديت زوجتي المقلوعه ..


مناف وفارس: ..


فارس: الله على ريحة الاكل ..


مناف: زين تعال اقعد ..


فارس: من عيوني يا عيوني انتي ..


مناف " فديته والله " ..


دخل فارس الصاله وقعد .. مناف راحت تجيب الريوق .. دخلت وهي شايله الصينيه .. فارس قام وشلها عنها ..


قعدت مناف مجابله فارس وتجهز له السفره .. فارس كان مبسوط وهو يراقبها ..


فارس: يعطيج العافيه حبيبتي ..


مناف مبتسمه: الله يعافيك ..


فارس: تعالي قعدي جنبي ..


مناف: ان شاءالله ..


تم فارس ياكل بهدوء ومناف تراقبه بوناسه .. بعد ما خلص السندويش طالع مناف وابتسم .. مناف قربت له النسكافيه ..




يتبع ..
__________________

فارس: تسلمين يا قلبه ..
مناف: بالعافيه حبيبي ..
فارس وهو يشرب النسكافيه: ما قصرتي حبيبتي .. يعني كل يوم بتتفننين لي ؟؟
مناف مبتسمه: ان شاءالله ولا يهمك .. اذا ما تفننت لم يا فارس بتفنن حق من ؟
فارس حطالكوب على الارض وحضن مناف بقوه .. مناف انحرجت وبعدت عنه شوي ..
فارس: ليش تستحين يا قلبه؟
مناف منزله راسها ومبتسمه: اجيب لك ماي ؟
فارس رفع راسها: حبيبتي .. الحين انا جدام الله والناس متزوجين ..
مناف: ادري ..
فارس: ليش تستحين عيل .. خلج عاديه معاي ..
مناف: ان شاءالله ..
فارس ابتسم: زين حياته ابي اغسل ..
مناف: تعال معاي ..
فارس: انا وراج وراج ..
مناف وفارس: ه ..
طلعوا من الصاله رايحين المطبخ .. فارس غسل يده ومناف راحت تشل السفره من الصاله .. دخلت المطبخ ولقت فارس قاعد على الكرسي ينتظرها .. طالعته مناف وهي مبتسمه .. راحت صوب المغسله وبدت تغسل الصحون .. فارس كان يراقبها مبتسم .. قام من مكانه وراح صوبها ..
مناف: شفيك ؟
فارس: بساعدج ..
مناف: ه .. لا اقعد الحين بخلص ..
فارس خذ الكوب وغسله: عادي .. بكره لي رحنا بيتنا الصغير لازم بساعدج ..
مناف مبتسمه: لا انا علي شغل البيت وانت ارتاح ..
فارس: فديت عمرج يا اغلى الغاليات ..
مناف خذت الكوب من يده: زين ارجع مكانك وخلني اخلص شغلي ..
فارس: لا يبه ارتاحي انتي .. اخاف على اظافرج ..
مناف: ه ..
فارس نفض يده في ويه مناف .. وقطرات الماي راحت على ويها .. مناف غمضت عيونها ..
مناف: فاااااارس ..
فارس حضنها: فديت فارس طالعه من حلجج الحلو ..
مناف انحرجت: فارس وخر فديتك اخاف امس تدخل علينا ..
فارس عض شفته: اموت فيج يا مناف ..
مناف راحت صوب الباب: زين تعال خل نروح الصاله ..
فارس: خاطري اشوف غرفتج ..
مناف ابتسمت: زين تعال ..
راح وراها صوب غرفتها .. فتحت الباب وفارس حط يده على الباب وتم يطالع غرفتها ..
فارس: يعني تكلميني وانتي على هالسرير الصغير ..
مناف نزلت راسها: اي ..
فارس قرب منها: ليش زعلانه حياتي ..
مناف ابتسمت: مو زعلانه ..
فارس: الا فيج شي .. زعلتي عشان قلت عن سريرج صغير ؟
مناف: لا حبيبي ..
فارس مسكها من كتوفها: ليش زعلتي ؟
مناف تنهدت: على حياة ابوي كنت انام على سرير مريح ..
فارس ضغط على كتفها: وبأذن الله معاي بتنامين على سرير مريح وانتي متطمنه .. مناف دام انتي معاي لا تحاتين شي .. انا بوفر لج حياة طيبه .. انتي غاليه يا مناف .. صدقيني محد وصل بقلبي غلاج .. ومحد بيوصل بعد ..
مناف كانت تسمع كلام فارس وهي طايره من الوناسه وكانت متفائله بحياتها مع فارس .. اما فارس فشاف الفرحه بعيون مناف ..
فارس طالع ساعته: زين حياتي .. انا بامشي عشان اروح الشركه اخلص شغلي ..
مناف: زين حبيبي ..
فارس: عطيني يدج ..
مناف مدت يدها ومشت جنب فارس .. وصلته لين باب الحوش .. وعند الباب تذكر فارس ان يقول لمناف عن مريم اخته ..
فارس: نسيت اقولج ..
مناف: شنو ؟
فارس بحزن: امس فالليل مريم اختي تعبت علينا وركضنا فيها المستشفى ..
مناف بخوف: مسكينه .. شفيها ؟
فارس: فقدت الجنين ..
مناف خنقتها العبره: مسكينه ما تستاهل .. عساها ما تألمت وايد ؟
فارسك والله على كلام ريلها يقول انها كانت تصرخ من شدة الالم ..
مناف بلعت ريقها بصعوبه: فديت قلبها .. فارس نقدر نشوفها ؟
فارس: اي اكيد ..
مناف: الله يخليك مرني اليوم ابي امر عليها ..
فارس: عيوني لج حياتي ..
مناف: ما تشوفون شر حبيبي .. ومريم ما تستاهل فديتها ..
فارس: الشر ما يجيج ..
مناف رتبت غترت فارس ونفضت ثوبه .. فارس كان يطالعها ومبتسم ..
مناف: يلا حبيبي .. روح كمل شغلك الله يوفقك ..
فارس: الله لا يحرمني منج يا مناف ..
مناف: حبيبي انته .. طمني عليك اول ما توصل ..
فارس: ان شاءالله ..
فارس مسك يدها وضغط عليها بقوه .. مناف ضغطت على يده وابتسمت له .. طلع فارس من بيت مناف متجه للشركه يخلص شغله .. مناف افتقدت فارس اول ما طلع من عندها .. دخلت غرفتها واتصلت حق فاطمه عشان تطمن على مريم .. وايد تأثرت باللي صار لمريم .. ومناف ماتدري عن سالفة الجنيه اللي طلعت لخالد والحين تطلع لمريم وخالد مع بعض ..
الساعه 4 العصر الكل تجمع فالغرفه عند مريم اللي زعلت لما عرفت انها فقدت اللي في بطنها .. ام فارس كانت وايد حزينه .. مريم كانت وايد زعلانه بس وسطهم نست همها شوي .. وخالد كان خايف على مريم وصابر ..
هيا: ما تشوفين شر حبيبتي ..
مريم نزله راسها: الشر ما يجيج عميمه ..
هيا: معوضه ان شاءالله ..
ام فارس: الله يعوضج يا بنتي .. بس لا تحملين الحين خل يتراح جسمج اول ..
مريم: ان شاءالله ..
فاطمه قربت من اختها: فديت الغاليه مرايم .. كلمتني مناف اليوم ..
مريم مبتسمه: والله .. حليلها فديتها ..
فاطمه: فارس قالها عنج .. و اتصلت لي الصبح تسأل عنج ..
مريم: فديتها هالبنت .. والله تنحب ..
فاطمه: كلمني فارس اليوم الظهر وقالي مناف بتجي تزورج ان شاءالله ..
مريم مبتسمه: فيها الخير ..
بيت بومحمد وهيا طلعوا على الساعه 6 ونص بعد ما تطمنوا على مريم .. تمت فاطمه وايمان وام فارس فالغرفه مع مريم .. مريم كانت مبسوطه بلمة الاهل حولها .. على الساعه 7 انفتح باب الغرفه .. دخل فارس مبتسم .. طاحت عينه على امه .. دخلت مناف وراه وهي تنزل الغشوه عن ويها .. فاطمه ومريم كانوا متوترين بالمواجه اللي بتصير بين مناف وامهم .. ام فارس صدت الصوب الثاني وبدت تتنرفز ..
فارس: السلام عليكم ..
الكل: عليكم السلام ..
مناف كانت منحرجه اول ما شافت ام فارس .. سلمت بهدوء وهي داخله .. فاطمه وايمان استقبلوها بالاحضان وبفرح .. ام فارس كانت متعجبه من استقبال بناتها لزوجة فارس اللي للحين ما تعرفت عليها ..
فاطمه: هلا وغلا ..؟
مناف: هلا حبيبتي
فاطمه: شلونج حبيبتي ..
مناف: طيبه .. اخبارج ؟
فاطمه: طيبه ..
ايمان: شلونج يا قمر ؟
مناف: الحمدلله فديت قلبج ..
ايمان: تعالي سلمي على امي ..
فارس تم يطالع ايمان وكان خايف على مناف .. فاطمه ومريم توتروا وكانوا يترقبون اللقاء بخوف .. مناف راحت صوب ام فارس وهي منزله راسها ومتوتره .. ايمان كانت مبتسمه وتقدم مناف لامها ..
ايمان: يمه هاذي مناف مرت فارس اخوي ..
ام فارس اول ما تلاقت عيونها بعيون مناف حست ان كل الغضب اللي فيها راح .. خذت نفس عميق و قامت من مكانها ..
مناف: شلونج عمتي ؟
ام فارس: هلا بنتي .. شحالج انتي ؟
مناف: طيبه الحمدلله .. تستاهلين سلامة مريم ؟
ام فارس مبتسمه: الله يسلمج يمه .. الشر ما يجيج ..
الكل استغرب من ردة فعل ام فارس .. واولهم فارس .. مناف طبعا ما كانت خايفه من ام فارس لانها ما كانت تدري باللي صار قبل ما تتزوج فارس .. كانت مستحيه من ام فارس لانها اول مره تشوفها من بعد الملجه .. مناف اتجهت صوب مريم وسلمت عليها ..
مناف: الحمدلله على السلامه يا مريم .. معوضه حبيبتي ..
مريم والدموع ملت عيونها: الله يسلمج حبيبتي .. والشر ما يجيج ان شاءالله ..
مناف: والله خفت عليج لما قالي فارس انج تألمتي وايد ..
مريم تنهدت: آآه .. والله تألمت وايد يا مناف .. لدرجة اني فقدت الوعي وانا فالسياره ..
مناف برقه: الف الحمدلله على سلامتج حبيبتي ..
مريم: تسلمين يا حبيبتي ..
ام فارس: ايمان قومي صبي شاي لمرت اخوج ..
ايمان مبتسمه: ان شاءالله ..
فارس وفاطمه كانوا يطالعون بعض ومستغربين ..
ام فارس: مناف يمه امج ما جات ؟
مناف التفت على ام فارس وهي مبتسمه: امي قاعده مع اخواني .. ماقدرت تجي ..
ام فارس: ما تشوف شر .. قولي لها انا ابي امرها هالاسبوع ..
مناف: حياج الله اي وقت .. ببلغها ان شاءالله ..
ام فارس: الله يحيج ..
فارس رن جواله وكان محمد ولد عمه اللي متصله .. شاف التلفون ورد وهو طالع من الغرفه .. الحريم فالغرفه كانوا ياخذون اخبار بعض .. وام فارس كانت مبسوطه على مناف .. فارس كلم محمد وقاله اللي صار ..
محمد: من صجك فروس ؟
فارس: ليكون انا حلمان .. حمود مو صدق اللي صار .. تدري لما شفت ايمان تقدم مناف لامي خفت عليها . وكنت بسحب ايمان من شعرها وبصفقها .. بس اللي وقفني ردة فعل امي لما سلمت عليها مناف .. كانت مبسوطه وسلمت عليها ..




يتبع ..
__________________

محمد: سبحان الله .. تدري زوجتك فيها بركه .. نيتها صافيه ..
فارس: بس ما قدرت اسلم على امي انا ..
محمد عقد حواجيه: ليش ؟
فارس: كنت ابي اسلم عليها بس من بعد اللي شفته .. وقفت مكاني مذهول .. وانا وفطيم نطالع بعض مستغربين ..
محمد: امك طيبه يا فروس ..
فارس: قالتها مريم اختي بس ما كنت مقتنع ..
محمد: بشو ما قتنعت ؟
فارس: ما قتنعت ان امي ممكن تحب مناف في يوم من الايام .. انت شفت شلون جنت يوم آخر موقف بيني وبينها
محمد: اتذكر .. بس صدقني امك بتحب زوجتك والامور بترجع مثل ما كانت ..
فارس: ان شاءالله ..
محمد: ان شاءالله ..
فارس: بس استغربت لما قالت لمناف انها تبي تزو عمتي هالاسبوع ..
محمد مبتسم: يه يه يه فروس .. شو هالتطورات .. والله انك تستاهل ..
فارس ضحك: ه .. الله يسلمك الغالي ..
محمد: الا مرت اخوي شو اخبارها ؟
فارس: الحمدلله احسن من الصبح تقول ..
محمد: ليش ؟
فارس: تقول الصبح كان جسمها وايد يعورها وكانت تصيح من الالم ..
محمد: ما تشوف شر بنت عمي والله .. من عندكم ؟
فارس: محد الا مي وخواتي .. وتقول مريم ان هلك طلعوا قبلنا ..
محمد: اها .. تعال بسألك فروس ..
فارس: هلا ..
محمد: تتوقع عميمه هيا يترضى عليك مثل امك ؟
فارس غمض عيونه: بصراحه لا ..
محمد: ليش ؟
فارس: مادري .. بس عندي هالاحساس ..
محمد: الله يوفقك يا فروس .. وتستاهل رضى الوالده عليك وعلى زواجك ..
فارس: الله يسلمك حمودي ..
محمد: انا جايكم المستشفى ..
فارس: لا تتأخر ..
محمد: ليش ؟
فارس: تدري المدام هني ولازم ارجعها البيت ..
محمد: يا حركات انته والمدام ..
محمد وفارس: ه ..
محمد: انتظرني يا قلبي انا جاي ..
فارس: انتظرك يا بعد كلي ..
سكر فارس من وراح صوب الغرفه الا محمد يناديه ..
محمد بهمس: يا قلبي ..
فارس التفت على محمد مبتسم: حمودي ..
محمد: ..
فارس: متى وصلت ؟
محمد: اول ما تصلت لك كنت قريب .. حصلت موقف ونزلت ومسيت وجيت وانا اكلمك .. وشفت اخوي العزيز خالد عند محل الورد وسحبته عاي وجينى ..
فارس: حركات يا رجل ..
محمد: لعيونك هالحركات ..
محمد وفارس: ه ..
محمد: سو لي درب خل ادخل ..
فارس: ان شاءالله ..
دخل فارس الغرفه وطلب من خواته وزوجته انهم يتغطون لان محمد بيدخل يسلم .. طلع عند محمد وخالد ودخلهم الغرفه ..
محمد وخالد: السلام عليكم ..
الكل: عليكم السلام ..
مناف كانت منحرجه من وجود محمد وخالد .. فكانت منزله راسها و واقفه ورا فاطمه .. فارس راح صوبها وهمس في اذنها ..
فارس: فديت مرتي حبيبتي ..
مناف انحرجت و ويها صار احمر .. مريم لاحظت عليهم .. ابتسمت وصدت صوب خالد .. محمد سلم على ام فارس اللي استقبلته بفرح ..
محمد: شلونج مرت عمي ؟
ام فارس: هلا وغلا بونايف .. شلونك ابوي ؟
محمد: طيب الله يسلمج .. تستاهلين سلامة مريم ..
ام فارس: الله يسلمك .. شو اخبار عيالك ؟
محمد: طيبين .. اول امس شفتهم ..
ام فارس: الله يصلحك يا يبه .. ليش ما تردها ؟
محمد: وليش اردها ؟
ام فارس: يبه لو شو ما كان بينكم .. بتظل ساره ام عيالك .. وانت تدري انت عيالك يحتاجونها ..
محمد خذ نفس: ربج كريم ..
الكلام اللي دار بين ام فارس ومحمد محد انتبه له .. لان الكل كان مشغول ويسولف مع الثاني .. خالد كان قاعد جنب مريم ويتطمن عليها .. فاطمه كانت تسولف مع مناف وايمان .. وفارس كان يراقب امه يتفكر فيها ..
فارس: يلا مناف بنمشي .. التفت على مريم .. يلا يا جماعه احنا بنمشي ..
مريم: اقعد فارس ..
فارس: فديت قلبج انتي .. بنمرج وقت ثاني ان شاءالله ..
مريم ابتسمت له: تسلم فديت قلبك ..
مناف سلمت على مريم وايمان وفاطمه .. وآخر شي سلمت على ام فارس .. فارس وقف جدام امه وباس راسها .. ام فارس حضنته بقوه وباسته على خده ..
ام فارس بهمس: الف مبروك يا فارس ..
فارس مبتسم: راضيه علي يمه ؟
ام فارس: طول عمري ..
فارس: الله لا يحرمني رضاج ..
ام فارس: توكل يبه وتحمل بنفسك .. وحط بنت الناس بعيونك ..
فارس مبتسم: ان شاءالله ..
طلع فارس ومناف وراه .. اول ما طلعوا من الغرفه فارس مسك يدها ومشى جنبها .. مناف كانت حاسه بالاحراج والوناسه بنفس الوقت .. ركبوا السياره وفارس كان يسوق بهدوء ..
فارس: يا قلبه ..
مناف: هلا ..
فارس: اتصلي بأمج وقولي لها انج معاي .. وبنروح نتعشى ..
مناف: ان شاءالله ..
اتصلت مناف وبلغت امها انها بتتعشى مع فارس .. اتجهوا صوب احد المطاعم الهاديه .. نزلوا ودخلوا المطعم .. خذوا لهم طاوله في زاويه .. فارس قعد جنب مناف .. مناف كانت طايره من الوناسه ..
مناف " فديتك يا فارس .. والله ما بغيت من هالدنيا الا قربك .. والحمدلله الحين احنا مع بعض وبالحلال ولا خايفين من الناس .. الله لا يحرمني منك يا فارس "
فارس حط يده ورا ظهر مناف والتفت عليها مبتسم ..
فارس: شو اللي تفكرين فيه يا قلبه ؟
مناف مبتسمه: افكر فيك حبيبي ..
فارس: فديت اللي تفكر فيني .. بس ما قلت لي في شو فكرتي فيني ؟
مناف: انا وايد مستانسه يا فارس ان احنا مع بعض .. خفت ان قربك مني يكون حلم مالقدر اوصل له ..
فارس: فديت روحج يا مناف .. انتي تدرين اني مستحيل اعيش من دونج ..
مناف: يعني لهالدرجه تحبني يا فارس ؟
فارس: لو فتحتي قلبي بتنصدمين بحبي لج ..
مناف: فديت حبك يا فارس .. بس ممكن اسألك سؤال ؟
فارس ابتسم: اعرف سؤالج تبي تعرفين ليش حبيتج ؟
مناف منزله راسها: اي ..
فارس مسك يدها: مناف انا حبيت فيج طيبتج .. هدوئج .. عقلج .. قناعتج .. وبصراحه ذبحني جمالج يا مناف .. لاتقولين طمعان فيج .. ولو طمعت ترا يحق لي .. لاني مثلج ما شفت يا مناف .. كلج على بعض تنحبين ..
مناف ضغطت على يد فارس: فديت روحك .. تدري اني كنت احاول اني ماحبك بس ماقدرت ..
فارس: ه .. ليش ؟
مناف: خفت من مستقبل مجهول ..
فارس: يا بعد عمري يا مناف ..
فارس اول ما شاف الجرسون جاي صوبهم .. ترك يد مناف واعتدل في قعدته ..
فارس: طالعيني ولا تصدين صوبه ..
مناف: ان شاءالله ..
نزلت راسها وتمت اطالع صدر فارس .. فارس طلب له ولها وبعد ما راح الجرسون رفع راسها بيده ..




يتبع ..
__________________

فارس: حبيبتي انا اغار عليج ومابي حد يشوفج ..
مناف مبتسمه: فديت روحك .. يعني تبيني اتغطى على طول ؟
فارس: على راحتج يا قلبه .. بس اذا مكان في شباب اعتقد انتي تعرفين شو تسوين ..
مناف: ان شاءالله ولا يهمك ..
فارس: فديت مرتي الغاليه ..
وصل الطلب وتموا ياكلون بهدوء .. طبعا فارس ما يحب يتكلم عند الاكل .. مناف لاحظت هالشي وحطته في بالها .. من بعد العشى الهادي .. طلعوا من المطعم متجهين لبيت مناف .. اول ما وصلوا تموا فالسياره يسولفون قبل ما تنزل مناف ..
فارس ماسك يدها: تذكرين لقائتنا الحلوه هني ..
مناف مبتسمه: وشلون انسى .. وخصوصا اللي طلع لنا ذيك الليله ..
فارس: اعتقد انه واحد من عيال فريجكم .. وشكله مو كبير ..
مناف: ماعرف حد في هالفريج ..
فارس: خفت عليج ذيك الليله .. مادري من وين طلع لنا ..
مناف: فديت قلبك يا فارس ..
فارس رفع يد مناف وباسها .. مناف طالعته بخجل وابتسمت ..
مناف: زين لازم انزل الحين يا فارس ..
فارس: زين يا قلبه ..
نزلت مناف وفارس نزل معاها .. راح صوب بابها ومسك يدها عشان تنزل .. نزلت وهي اطلع عيونه بفرح .. وصلها عند باب البيت .. دخلت وسكر الباب وراها .. بعد ما تطمن عليها ركب الساره وراح بيته ..
في نفس الوقت ايمان وفاطمه كانوا يقولون لابوهم عن موقف امهم مع مناف .. بوفارس كان متعجب من اللي سمعه من بناته ..
بوفارس: متأكدين ؟
ايكان بوناسه: اي بابا .. لو تشوف امي اول ما شافتها .. بتقول ان هي اللي اختارتها لفارس ..
فاطمه: عدل كلام ايمان يبه ..
بوفارس: سبحان اللي يغير ولا يتغير .. والله هالبنت فيها بركه على اخوكم ..
فاطمه: الله يوفقها مع فارس ..
ايمان: الله يسعدهم ..
دحلت ام فارس عليهم وهي مبتسمه ..
بوفارس: صج اللي صار اليوم ؟
ام فارس قعدت جنبه: والله هالبنت بغيتها لفارس من شفتها في عرس فطيم ..
بوفارس: الله يصلحج .. هاذي البنت و جات لي عندج ..
ام فارس: يلا بناتي روحوا غرفكم ابي اكلم ابوكم ..
ايمان وفاطمه: ان شاءالله ..
طلعوا البنات وهم يضحكون ..
فاطمه: حركات بوفارس وام فارس ..
ايمان: ..
بوفارس: ليش كابرتي من البدايه ؟
ام فارس: بس ولدك كلمها فالتلفون ؟
بوفارس: وخير يعني ؟
ام فارس: يا محمد وين قاعدين احنا .. سيه عيب هالكلام .. احنا ناس محافظين ..
بوفارس: كلامج على عيني وراسي .. بس الولد حبها والحب مب حرام .. و يوم قرر انه يدخل من الباب وقفتوا في طريقه .. خليتونا ننقسم قسمين ..
ام فارس عقدت حواجبها: شلون ننقسم قسمين ؟
بوفارس: هيا اختي قطعت قلبي عليه .. كم مره قاطه عليه كلام كسرت بخاطر ولدي ..
ام فارس باستغراب: هيا ؟؟
بوفارس: اي هيا .. وتقول مب مستوانا ويكلمها ومن هالكلام اللي ماله معنى ..
ام فارس منزله راسها: والله مادري شو اللي كنت افكر فيه يوم انا قلت كلامي .. اعوذ بالله من الشيطان .. ليتني ماجرحت ولدي وكسرت فرحته .. آه لو بس اقدر ارجع الزمن شوي ورا ..
بوفارس: الحين اللي صار صار .. والولد خذ البنت .. وهو يتحمل نتيجة قراره ..
ام فارس: بس انا بزور ام فيصل .. عمة ولدي ولازم اتعرف عليها ..
بوفارس: بارك الله فيج ..
ام فارس: خل اقوم اجهز ثياب الجسمي وايمان حق المدرسه ..
طلعت ام فارس من الغرفه وبوفارس كان يفكر في ام فارس وتغيرها المفاجئ ..
بوفارس " مزنه ناويه على فارس و زوجته .. يعني لما سلمت على زوجته ليش ما كلمت فارس .. وبس سلمت على مناف .. وليش تبي تروح تشوف ام فيصل .. عمة ولدها على قولتها .. الله يستر منها " ..
فارس كان مستلقي على الكرسي فالصاله ويفكر بنفس الشي اللي ابوه يفكر فيه .. كان وايد خايف على مناف ويحاتيها ..
فارس " امي مب هينه .. تغيرها المفاجئ وراه مصيبه .. الا طوفان مصايب .. الله يستر " ..
فارس ماقدر ينام من كثر التفكير .. على الساعه 1 بالليل اتصل في محمد ولد عمه .. محمد كان يتابع التلفزيون .. شاف اتصال فارس ورد على طول ..
محمد: هلا فروس ..
فارس: حمود ماقدرت انام ..
محمد: شو فيك ؟
فارس: انا مستغربمن تغير امي المفاجئ ..
محمد سكت فتره وبعدين تكلم ..
محمد: فروس اقولك شي ..
فارس بتوتر: قول ..
محمد: انت من قلت ليي السالفه وانا مب مرتاح ..
فارس: الله يستر من امي ..
محمد: لا تخليها تروح بيت عمتك .. انا حاس ان امك وراها شي ..
فارس: عدل كلامك حمودي .. انا خايف من امي والله ..
محمد: اسمحلي على هالكلام فروس .. مالي حق اقول عن امك هالشي .. بس ترا حركتها غريبه .. مره وحده تسلم على زوجتك وتقولها ابي اشوف امج هالاسبوع ..
فارس: حمود والله خايف ..
محمد: انت ادعي ان الله يصلح امك .. وان شاءالله ما بيستوي شي ..
فارس: ان شاءالله ..
فارس تم فتره ساكت ..
فارس: حمودي .. وين بتروح بكره ؟
محمد: بمر على سلمان وبنروح نشوف له بيت ..
فارس: ليش ؟
محمد: يبي يطلع بيت بروحه ..
فارس عقد حواجبه: يطلع بيت بروحه ؟ هو مب مرتاح مع يوسف ؟
محمد: والله مادري عنه .. بس كلمني امس وقالي خل نروح نشوف بيوت او شقق ..
فارس: شوف له الشقق اللي حولي ..
محمد: اي بجيبه يشوف شقتك .. وبعدين هو يقرر ..
فارس: اها ..
محمد: شو تسوي ؟
فارس: احاول انام ..
محمد: تقوم نطلع ؟
فارس: هممممم .. مادري والله ..
محمد: يلا بمرك وبنروح نشرب شاي ولا عصير ..
فارس: انتظرك طال عمرك ..
محمد: سلام يا قلبي ..
فارس: سلام يا حبي ..
سكورا من بعض ومحمد طلع على طول مراح صوب بيت فارس .. وصل محمد عند بيت فارس .. طلع له فارس وراحوا يتمشون فالشوارع ويسولفون ..
خالد كان قاعد عند مريم الحزينه ..
خالد ماسك يدها: حبيبتي ..
مريم منزله راسها: هلا حبيبي ..
خالد: شو فيج ؟
مريم وعيونها امتلت بالدموع: خالد انا شفتها ..
خالد غمض عيونه: آآه يا مريم .. انا كنت حاس ..
مريم: خالد انا خايفه .. وين مانروح ورنا .. ليش ليش ؟؟
غطت ويها بيدينها وتمت تصيح .. خالد قرب منها وحضنها بحنان ..
خالد: تصبري يا مريم ..
مريم: عشانك انا متصبره .. خالد شفتها على هيئة بنت صغيره .. تناديني ماما .. بس صوتها كان غريب .. صوت وحده كبيره .. حضنتني وبعدين شفت الدم في ملابسها .. ومدت لي ايدينها توريني الدم .. وبعدها انا صرخت من الالم .. لي متى يا خالد ..؟؟
خالد حاضن مريم: ان شاءالله بتطلع من حياتنا .. مريم انتي انسانه مؤمنه .. وهاذي امتحان ..
مريم خذت نفس عميق: الحمدلله على كل حال .. والله بدونك ما شو كنت بسوي ..
خالد: اهم شي لا تزعلين نفسج .. عيشي حياتج ولا كأنها موجوده ..
مريم مبتسمه: ان شاءالله يا خالد .. بس خالد الله يخليك لاتخليني بروحي .. ابيك حولي ومعاي على طول ..
خالد: بتم معاج لين آخر نفس فيني ..
مريم: الله يخليك لي يا خالد ..
خالد: ولا يحرمني منج يا مريم الغاليه ..
مريم: شكلنا بنتعود عليها بحياتنا ..
خالد ابتسم: شو رايج نسوي لها ignore ..
مريم وخالد: ه ..
مريم مبتسمه: ماقدر اضحك وايد .. بطني يعورني ..
خالد: سمالله على بطنج حبيبتي ..
خالد تم مع مريم اللي حست بالامان والطمأنينه حوله ..




يتبع ..
__________________